1, 2. (a) Sooq Israelik­kut 24.000-t akis­sarsias­sar­tik nuan­nersoq an­naavaat? (b) Sooq oqalut­tuaq taan­na uagutsin­nut pingaaruteqar­pa?

ISRAELIK­KUT nunamut neriorsuutigisamut pin­ngitsiar­tut angutit tuusintilik­kuutaat “Moabik­kut ar­nar­taat” kinguaas­siuutitigut inuunerloqatigisaler­paat. Tamatuma kingunerisaanik Israelik­kut 24.000-t toqup­put. Kingor­nus­sarsias­sar­tik sivisuumik utaq­qereerlugu pis­sarsiaringajaleraluar­paat. Ajoraluar­tumil­li kinguaas­siuutitigut inuunerlun­nis­samut us­ser­nar­torsior­nermut nak­kaan­nar­ner­tik pis­sutigalugu akis­sarsias­sar­tik nuan­nersoq an­naavaat. — 4 Mos 25:1-5, 9.

² Pisoq alianar­toq taan­na “uatsin­nut ul­lut naggatis­saan­nik angumerin­nit­tunut” mianersoq­qus­sutitut al­lan­neqarsimavoq. (1 Kor 10:6-11) ‘Ul­lut kingul­liit’ naggatis­sar­piaan­ni inuugat­ta silarsuas­saq nutaaq pilersin­neqangajaler­poq. (2 Tim 3:1; 2 Petr 3:13) Ajoraluar­tumil­li Jehovamik pal­lorfigin­nit­tut ilaat najoq­qutas­siat qutsis­sut maleruarun­naarsimavaat kinguaas­siuutitigul­lu inuunerlun­nis­samut nak­kaan­narlutik.  Maan­na iliuuserisamik kingunipilui ator­paat, al­lamil­lu isumataan­ngik­kunik nunarsuarmi paratiisiusumi naas­saan­ngitsumik inuunis­samik periarfis­sar­tik an­naas­savaat.

3. Sooq aap­pariit Jehovamit siulersor­neqar­nis­sar­tik il­lersor­neqar­nis­sar­til­lu pisariaqar­tip­paat? (Al­laaserisap aal­laq­qaataani as­siliaq takuuk).

³ Uiusut nuliaasul­lu aap­pariin­ner­tik silarsuup atoqatigiin­nermut tun­ngatil­lugu isigin­nit­taasianut ser­niginiarlugu Jehovamit siulersor­neqar­nis­sar­tik il­lersor­neqar­nis­sar­til­lu pisariaqar­tip­paat. (Tussiaat 127:1 atuaruk). Al­laaserisami matumani aap­pariit qanoq aap­pariin­nermin­nik il­lersuisin­naasut sam­mis­savar­put. Uum­matitik ser­nigisariaqar­paat, Guutimut qanit­tuar­tariaqar­put, inut­tut pis­suseq nutaaq atisariaqar­paat, oqaloqatigiil­luar­tariaqar­put aap­pariit­tul­lu pisariaqar­titatik eq­qumaf­figisariaqarlugit.

4. Sooq kristumiut ilaat kinguaas­siuutitigut inuunerlun­nis­samin­nut us­ser­nar­torsiuler­tar­pat?

⁴ Kristumiu kinguaas­siuutitigut inuunerlun­nis­saminut qanoq us­ser­nar­torsiulersin­naagami? Taman­na isigisanit aal­lar­tik­kajut­tar­poq. Jiisusi ima nas­suiaavoq: “Kialuun­niit ar­namik pileritsaas­sil­luni isigiuaan­nar­tup ar­naq taan­na uum­mam­migut al­lasiorfigereer­paa.” (Matt 5:27, 28, NW; 2 Petr 2:14) Kinguaas­siuutitigut inuunerlus­simasut amerlanerit por­nografiimik isigin­naar­tar­nermik­kut, tiingasulersaarutit pil­lugit atuar­tar­nermik­kut inter­netimiluun­niit tataan­nar­tunik isigin­naar­tar­nermik­kut najoq­qutas­siat qutsis­sut maleruarun­naarsimavaat. Al­lat filmit, isigin­naar­titsinerit, tv-kkul­luun­niit isigin­naagas­siat atoqatigiin­nermik imal­lit isigin­naar­tarsimavaat. Al­lal­lu imer­niar­tarfin­nukar­tar­put atisaajaatigalunilu qitit­tarfin­nukar­tarlutik imaluun­niit sumiif­fin­nut akiliil­luni tiingalersin­neqar­tarfin­nukar­tarlutil­luun­niit atoqateqar­tarfin­nukar­tar­put.

5. Sooq uum­mater­put naam­mal­luin­nan­ngitsoq ser­nigisariaqar­par­put?

⁵ Al­lat aap­parin­ngisamin­nit soqutigeq­qusaar­taramik us­ser­nar­torsior­nermut nak­kaan­nar­tar­put. Silarsuarmi inuit im­minut naalak­kersin­naar­pian­ngitsut inuuf­figisaan­ni kinguaas­siuutitigul­lu inuunerlun­nermik sumil­luun­niit nuan­narisaqarfiusumi inuuvugut. Aam­ma uum­mater­put naam­mal­luin­nan­ngitsoq sal­loqit­taagajum­mat tatigisas­saan­ngitsuum­mal­lu aap­parin­ngisar­put sam­milersoorsin­naavar­put. (Jeremia 17:9, 10 atuakkit). Jiisusi ima oqar­poq: “[Uum­mam­mit] pisar­put eq­qarsaatipiluit, toqutsinerit, al­lasior­nerit, kinguaas­siuutitigut inuunerlun­nerit.” — Matt 15:19.

6, 7. (a) Inuk uum­mam­mini pileris­susipilum­mik ineriar­tor­titsiler­pat susoqarsin­naava? (b) Qanoq Jehovamut ajor­tulior­naveersaarsin­naavugut?

⁶ Inuit marluk im­min­nut sam­milersut uum­matimik­kut pileris­susipiloqaleraangamik aap­patil­lu taamaal­laat oqaloqatigiis­sutigisariaqak­katik pil­lugit oqaloqatigiit­talersin­naap­put. Sivitsun­ngitsoq ilagiin­niarlutik utoq­qatsis­sutis­sarsiuler­tar­put. Akulikin­nerusumik peqatigiin­nerulersarlutil­lu nalaatsor­nerin­nak­kut naapit­tuusaar­tar­put. Im­min­nut misigis­suseqarfiginerujar­tor­til­lutik eq­qor­tulior­nis­sar­tik saper­nar­neruler­tit­tar­paat. At­taveqatigiil­luar­nerujar­tor­til­lutik eq­qun­ngitsulior­ner­tik al­laat nalun­ngik­kaluarlugu sam­miun­naar­nis­sar­tik saper­nar­neruler­tit­tar­paat. — Uss 7:21, 22.

⁷ Pileris­susipiluit oqaloqatigiin­neril­lu tasioqatigiin­nin­ngoraangata, kunis­suun­nin­ngoraangata,  pak­kutaarinin­ngoraangata at­tuualaarinin­ngoraangatalu Jehovap najoq­qutas­siai puiorluin­nar­tar­paat. Ajoraluar­tumik taamaal­laat aap­parmin­nut iliuuserisas­sarigaluar­tik iliuuseriler­tar­paat. ‘Pileris­sutsimin­nit nas­sataritil­lutil­lu kajumitsatsitaasar­put.’ Pileris­suseqar­neruleraangamil­lu kinguaas­siuutitigut inuunerluler­tar­put. (Jaak 1:14, 15) Taman­na alianar­poq, aap­pariin­nermum­mi tun­ngatil­lugu ataq­qin­nit­tuunis­samin­nik Jehovamit ikior­neqar­nis­samin­nik akuerin­nis­simasuugunik taas­sumun­nga ajor­tulior­nis­sar­tik pin­ngitsoor­tis­sin­naagaluarmas­suk. Inuk qanoq taamatut ataq­qin­nin­nermik ineriar­tor­titsisin­naava?

8. Jehovamik ikin­nguteqar­ner­put qanoq kinguaas­siuutitigut inuunerlun­ngin­nis­samut iluaqutigisar­par­put?

⁸ Tussiaat 97:10 atuaruk. Jehovamik ikin­nguteqar­ner­put kinguaas­siuutitigut inuunerlun­ngin­nis­samut iluaqutigisin­naavar­put. Taas­suma pis­susii nuan­nersut pil­lugit ilik­kagaqar­nerugaangat­ta ‘Guuti maligas­sariniar­tar­par­put taas­sumun­nga qitor­naasutut asasaasutut, asaqatigiil­lutalu inuuniar­tarluta’. Tamatumalu kingunerisaanik ‘kinguaas­siuutitigut inuunerlun­nerup mingun­nar­tul­lu suul­luun­niit’ itigar­tin­nis­saan­nut piumas­suseqas­saagut. (Ef 5:1-4) Aap­pariit ‘kinguaas­siuutitigut inuunerlut­tunik al­lasior­tunil­lu Guutip eq­qar­tuus­siumaar­neranik’ ilisiman­nit­tut ilumoorfigeqatigiin­nis­sar­tik tamaviaarutigiuaan­nar­paat. — Hebr 13:4.

9. (a) Josefi sulisitsisumi nulianit us­ser­nar­torsior­tin­neqaraluarluni qanoq aalajaat­tuarsin­naasimava? (b) Josefip maligas­siaa qanoq ilin­niarfigisin­naavar­put?

⁹ Kristumiut ilaat suleqatimin­nik nalunaajaasuun­ngitsunik sulereer­nerup kingor­na peqateqar­tar­nermik­kut ileq­qoris­saar­neq pil­lugu najoq­qutas­siat maleruak­katik sumigin­narsimavaat. Al­lat aam­ma sulinermin­ni us­ser­neqar­tar­put. Angum­mut inuusut­tumut Josefimut atilim­mut taamatut pisoqar­poq. Sulinermini paasivaa sulisitsisumi nuliata pileris­suseqarfigigaani. Ar­nap ul­lut tamaasa atoqatigeq­qul­luni us­ser­niarsarisar­paa. Naggataatigut ar­nap “Josefi ilupaavatigut tiguaa oqarlunilu: ‘In­naatin­nga!’” Josefil­li itigar­tip­paa qimaal­lunilu. Josefip aalajaan­nis­saminut suna iluaqutigaa? Guutimut ikin­ngutaanini il­lersor­niarlugu aalajangiusimagamiuk. Josefi soraarsitaavoq par­naarus­saal­lunilu, Jehovamil­li pil­luaq­quneqar­poq. (1 Mos 39:1-12; 41:38-43) Sulif­fitsin­niik­kut­ta al­lamiik­kaluarut­taluun­niit us­ser­neqaatigisin­naasavut ingalas­simasariaqar­pavut.

10. Inut­tut pis­suseq nutaaq aap­pariin­nitsin­nik il­lersuinis­satsin­nut qanoq iluaqutigisar­par­put?

¹⁰ Aap­pariit “inut­tut pis­suseq nutaaq Guutip piumasaa naaper­torlugu ilumoor­tumik naaper­tuil­luar­nik­kut ilumoorfigin­nin­nik­kul­lu pin­ngor­titaq” kinguaas­siuutitigut inuunerlun­ngin­nis­samut il­lersuutigisar­paat. (Ef 4:24, NW) Inut­tut pis­suseq nutaaq atigaangatsigu “kinguaas­siuutitigut inuunerlun­neq, mingut­tuuneq, pileritsaas­sineq kajungerisapiluil­lu aam­ma piumatuuneq” akior­nerisigut avativut ‘toqutit­tar­pavut’. (Kolossemiut 3:5, 6 atuakkit). Matumani oqaaseq “toqutis­sigit” pileris­susipiluit akior­niarlugit qanorluun­niit iliuuseqar­tariaqar­ner­tut paasisariaqar­poq. Atoqatigiin­nermut tun­ngatil­lugu eq­qun­ngitsumik pileris­suseqalis­sutigisin­naasavut ingalas­simasariaqar­pavut. (Job 31:1) Guutip najoq­qutas­siai  malil­lugit inuugut­ta ‘ajus­sutsip uumiginis­saa ajun­ngitsul­lu aalajangerfiginis­saa’ ilin­nias­savar­put. — Rom 12:2, 9.

11. Inut­tut pis­suseq nutaaq qanoq aap­pariin­nermik ineriar­tor­nar­tuutitsisar­pa?

¹¹ Inut­tut pis­suseq nutaaq atigaangatsigu Jehovap pis­susii ilaar­tar­pavut. (Kol 3:10) Aap­pariit “nal­lit­tuingaar­neq, ajun­ngis­suseq, nikanar­tin­neq, qanilaar­neq naam­magit­tas­suserlu” pis­suserigaangamik­kit aap­pariin­nerat ineriar­tor­nar­tuusarlunilu Jehovap pil­luaq­qusar­paa. (Kol 3:12) Aam­ma ‘Kristusip eq­qis­sisitsinera uum­matimin­ni aalajangiisuutik­kaangamik­ku’ ataasioqatigiin­neruler­ner­tik nuan­naarutigis­savaat. (Kol 3:15) Aap­pariit qaman­nga pisumik tun­niusimaf­figeqatigiit­tut soqutigin­nin­nermik ataq­qin­nin­nermil­lu ersersitsiumal­lutik siul­liul­lutik iliuuseqarusus­sap­put. — Rom 12:10.

12. Pil­luarluni aap­pariin­nis­samut pis­suserineqar­tus­sat suut pingaaruteqarsoraagit?

¹² Aap­pariit pil­luarlutik aap­pariin­nis­samin­nut pis­suserineqar­tus­sat suut iluaqutaasimaneran­nik aperineqaramik uiusoq, Sid, ima oqar­poq: “Asanninneq pis­susiuvoq sulis­sutigiuarsimasar­put. Aam­ma saamaneq pingaaruteqangaar­tutut isigaar­put.” Nulialu Sonja isumaqataal­luni ima oqar­poq: “Inussiarnerneq pis­susiuvoq pingaaruteqarluin­nar­toq. Aam­ma maniguunnermik ersersitsiniar­tuarsimavugut, naak taamaalior­nis­saq ilaan­nik­kut saper­narsin­naagaluar­toq.”

13. Aap­pariin­nermik ineriar­tor­nar­tuutitsiumal­luni suut pisariaqar­pat, aam­ma sooq?

¹³ Ilaatigut aap­patsin­nut inus­siar­nersumik oqalut­tar­nitsigut aap­pariin­nitsin­nik pitsaaner­paamik ineriar­tor­nar­tuutitsisin­naavugut. Ajoraluar­tumik uiusut nuliaasul­lu ilaat takor­nar­tat al­laal­luun­niit uumasuutitik ataq­qin­nip­palun­nerusumik oqaluut­tar­paat! Aap­pariit “narrutsatsitsinerit, puf­fajanerit, kaman­nerit, nipilior­nerit mital­liineril­lu” atugarigaangamik­kit at­taveqatigiin­ner­tik ajor­nerulersik­kiar­tuler­tar­paat. (Ef 4:31) Isor­nar­torsiueq­qajaasar­neq aliatsatsitseq­qajaasar­nerlu aap­pariin­nermik in­narliisar­poq. Taamaat­tumik aap­pariit inus­siar­nersumik, asan­nit­tumik misigin­neqatigin­nit­tumil­lu oqaloqatigiit­tar­nermik­kut at­taveqatigiin­ner­tik nakus­satsit­tariaqar­paat. — Ef 4:32.

14. Sunaveersaar­tariaqar­pugut?

¹⁴ Biibili naaper­torlugu “nipangersimaf­fis­saqar­poq”. (Oqal 3:7) Oqaloqatigiin­neq aap­pariin­nermi pingaaruteqarmat aap­par­put piaaraluta oqaloqatiginaveersaarsin­naan­ngilar­put. Nuliaasoq Tysklandimiu ima oqalut­tuar­poq: “Pisuni aalajangersimasuni nipangersimaneq aap­parmik aliatsatsitsisin­naavoq.” Ima nangip­poq: “Ulapaarfiup nalaani eq­qis­sisimanis­saq saper­narsin­naagaluar­toq kamas­samik aniatitsileriasaar­neq silatusaar­nerun­ngilaq. Taamatut pisoqaraangat eq­qarsaq­qaar­nani oqaaserineqar­tut iliuuserineqar­tul­luun­niit aap­parmik aliatsatsitsisin­naap­put, taman­nalu pis­sutsinik  ajor­nerulersitsiin­nar­tar­poq.” Aap­pariit nil­lianermik­kut imaluun­niit oqaloqatigiik­kumajun­naar­nermik­kut ajor­nar­torsiutitik aaq­qis­sin­naan­ngilaat. Ajor­nar­torsiutitil­li aaq­qipal­lan­nerisigut as­sor­tuus­sutigilin­ngin­nerisigul­lu aap­pariin­ner­tik ineriar­tor­nar­tuutis­sin­naavaat.

15. Oqaloqatigiil­luar­tar­neq qanoq aap­pariin­nermik ineriar­tor­nar­tuutitsisin­naava?

¹⁵ Aap­pariit­tut isum­masi misigis­sutsisilu pil­lugit oqaloqatigiin­nis­sas­sin­nut pif­fis­saqar­tar­nis­sigut aap­pariin­nersi ineriar­tor­nar­tuutis­sin­naavarsi. Oqaloqatigiin­nermi oqaloriaatsit oqaatsillu atukkatit eq­qumaf­figisas­savatit. Taamaat­tumik naner­tisimagaluarlutit sapin­ngisan­nik inus­siar­nersuuniarlutil­lu inus­siar­nersumik oqalut­tarit. Taman­na aap­par­pit ilin­nut tusar­naar­nis­saminut iluaqutigis­savaa. (Kolossemiut 4:6 atuaruk). Aap­pariit oqaatsit qiim­maal­lan­nar­tut ineriar­tor­nar­tul­lu atorlugit oqaloqatigiit­tar­nermik­kut aap­pariin­ner­tik ineriar­tor­nar­tuutis­sin­naavaat. — Ef 4:29.

16, 17. Sooq aap­pariit misigis­sutsik­kut atoqatigiin­nik­kul­lu pisariaqar­titanik eq­qumaf­figin­nin­nis­saat pingaaruteqar­pa?

¹⁶ Aap­pariit aap­paasup pisariaqar­titai sal­liun­nerisigut aam­ma aap­pariin­ner­tik ineriar­tor­nar­tuutis­sin­naavaat. (Fil 2:3, 4) Uiusut nuliaasul­lu misigis­sutsik­kut atoqatigiin­nik­kul­lu pisariaqar­titatik eq­qumaf­figisariaqar­paat. — 1 Korinthimiut 7:3, 4 atuakkit.

¹⁷ Ajoraluar­tumik aap­pariit ilaat misigis­sutsinik qanilaar­nermil­lu ersersitsineq ajor­put. Aam­ma angutit ilaat isumaqar­tar­put nuliamin­nut inus­siar­nersuugunik san­ngiitsuus­sal­lutik. Biibilimili ima al­las­simavoq: “Uiususi, nuliasi inooqatigisasi paasiniarsarisariaqar­pasi.” (1 Petr 3:7, Phillips) Uiusup paasisariaqar­paa aap­pariit pisariaqar­titaat tas­saagin­nan­ngitsoq atoqatigiin­neq. Uiusoq tamatigut asan­nit­tuusariaqarlunilu qajas­suar­tuusariaqar­poq. Taamaap­pat nuliata atoqatigiin­neq  nuan­narinerus­savaa. Aap­pariit asan­nin­nermik qajas­suar­tuunermil­lu ersersitsigaangamik misigis­sutsik­kut timik­kul­lu pisariaqar­titatik matus­suserluar­nerusin­naas­savaat.

18. Uiusut nuliaasul­lu at­taveqatigiin­ner­tik qanoq nakus­satsis­sin­naavaat?

¹⁸ Aap­parmut ilumuun­ngitsulior­nis­samut utoq­qatsis­sutis­saqan­ngik­kaluar­toq asan­nin­nermik ersersitser­piar­tan­ngin­neq pis­sutigalugu uiusoq nuliaasorluun­niit al­lamut asan­nin­nermik qanilaar­nermil­lu ujar­tuilersin­naavoq. (Uss 5:18; Oqal 9:9) Taamaat­tumik aap­pariit Biibilimi ima siun­nersor­neqar­put: “Aap­pariit­tut atoqatigiin­nis­samut im­mis­sin­nut itigar­tin­niaqinasi isumaqatigiis­sutigisiman­ngik­kus­siuk.” Sooq? “Saatanimit us­ser­neqaq­qunasi pinaveersaarsin­naan­ngik­kus­si.” (1 Kor 7:5) Aap­pariit ‘pinaveersaarsin­naan­ngin­ner­tik’ pis­sutigalugu al­lasior­nis­samut Saatanimit us­ser­nar­torsior­tin­neqar­nis­sar­tik akuerip­pas­suk alianas­saqaaq. Aap­pariit aap­parmik pisariaqar­titaanik matus­susiisar­nermik­kut im­minermut “pitsaaner­paaq pin­nagu al­lanut pitsaaner­paaq” noq­qaas­sutigis­savaat. Pisus­saaf­fim­min­nik eq­qor­titsinis­sar­tik pis­sutiginagu asan­nin­ner­til­li ersersin­niarlugu taamaalius­sap­put. Qaman­nga pisumik asan­nin­nermik in­nimisun­nermil­lu ersersitsineq at­taveqatigiin­neran­nik nakus­satsitsis­saaq. — 1 Kor 10:24.

19. Sunis­sar­put aalajangiusimasariaqar­par­put, aam­ma sooq?

¹⁹ Silarsuas­saq nutaaq pilersin­neqangajaler­poq! Israelik­kut 24.000-t Moabip narsar­taani pisimanerat­tut pileris­susipilun­nut nak­kaan­nas­sagut­ta alianas­saqaaq. Qanoq pisoqar­toq Biibilimi al­laatigineqareersoq ima mianersoq­qus­suteqar­poq: “Kinaluun­niit patajaatsuusorisoq mianersorli orloq­qunani.” (1 Kor 10:12) Aap­pariin­ner­put ineriar­tor­nar­tuutik­kumal­lugu Jehovamut aap­patsin­nul­lu ilumoor­tuar­tariaqar­pugut. (Matt 19:5, 6) Kajumis­saarutip matuma maleruar­nis­saa aatsaat taama pingaaruteqar­tigaaq: “Ilungersuutiginiarsiuk taas­sumun­nga minguitsuul­lusilu as­suar­naatsuunis­sarsi eq­qis­sil­lusi.” — 2 Petr 3:13, 14.