1, 2. Ukiumi 33-mi nisanip 14-ian­ni un­nuk­kut Jiisusi sua? (Al­laaserisap aal­laq­qaataani as­siliaq takuuk).

UKIUMI 33-mi nisanip 14-ian­ni un­nuk­kut Jerusalemimi qaam­mat imis­seq­qavoq. Jiisusi apustiliilu ul­lormi tamatumani ukiut 1500-t tamatuma sior­na Jehovap Israelik­kun­nik Egyptenimit aniguisitsinera eq­qaaniar­niarlugu poorskisior­put. Jiisusip apustilini aalajaatsut aq­qanil­lit im­mik­kut it­tumik nereqatigai, taman­nalu nereqatigiin­neq ajoqersugaasa taas­suma toqunera eq­qaaniar­niarlugu ukiumut ataasiarlutik nal­lius­sisar­tus­saavaat. — Matt 26:1, 2.

² Jiisusi qinuvoq timiusarlu seer­narsaateqan­ngitsoq apustiliminut tun­niuteriarlugu ima oqarluni: “Tigusiuk neril­lugulu.” Taava ermuseq viin­nimik imalik tiguaa qujaq­qeriarlunilu ima oqarluni: “Tamas­si tas­san­nga imeritsi.” (Matt 26:26, 27) Timiusaq viin­nilu im­mik­kut it­tumik isumaqar­tin­neqar­put. Jiisusip apustilii aalajaatsut un­num­mi tamatumani pingaarutilim­mi arlalin­nik ilin­niagaqar­put.

3. Al­laaserisami matumani apeq­qutit suut sam­mis­savavut?

 ³ Jiisusip ajoqersuk­kani ukiumut ataasiarlutik toqunerminik eq­qaaniaasaq­quai. Taman­na kingusin­nerusuk­kut ‘Naalak­kap nerliutaanik nereqatigiin­nermik’ imaluun­niit Naalak­kap un­nuk­korsior­titsineranik taaneqar­taler­poq. (1 Kor 11:20) Im­maqa inuit ilaat ima apererusus­sap­put: Sooq Jiisusip toqunera nal­lius­sisar­par­put? Timiusaq viin­nilu qanoq isumaqar­tin­neqar­pat? Eq­qaaniaanermut qanoq piareersarsin­naavugut? Kik­kut ilangiisas­sap­pat? Aam­ma kristumiut neriuutimin­nik pingaar­titsiner­tik qanoq ersersis­sin­naavaat?

4. Jiisusip toqunera pis­sutigalugu qanoq periarfis­sin­neqar­pugut?

⁴ Adami ajor­tuliormat ajor­ti toqulu taas­suman­nga kingor­nup­pavut. (Rom 5:12) Inuup naam­mal­luin­nan­ngitsup inuunini al­lal­luun­niit inuunera uter­titsis­sutitut Guutimut akiliutigisin­naan­ngilaa. (Tuss 49:7-10) Jiisusil­li inuunini naam­mal­luin­nar­toq uagut pil­luta pil­liutigaa uter­titsis­sutil­lu nalinga Jehovamut sas­saal­lugu. Taamaalior­nermigut Jiisusip naas­saan­ngitsumik inuunis­samik neriuuteqalersil­lutalu ajor­timit toqumil­lu aniguinis­satsin­nut periarfis­sip­paatigut. — Rom 6:23; 1 Kor 15:21, 22.

5. (a) Guutip Jiisusil­lu uagutsin­nik asan­nin­nerat qanoq nalun­ngilar­put? (b) Sooq eq­qaaniaanermut najuut­tariaqar­pugut?

⁵ Guutip uter­titsis­sum­mik aq­qutis­siuus­sinermigut inun­nik asan­nin­nini up­per­narsar­paa. (Joh 3:16) Aam­ma Jiisusip inuunerminik tun­nius­sinermigut uagutsin­nik asanninnini up­per­narsar­paa. Al­laat Jiisusip nunarsuarmukan­ngin­nermini ‘inuit nuan­naarutigai’. (Uss 8:30, 31) Jehovap Jiisusil­lu uagut pil­luta iliuuserisaat qujamasuutigingaar­pavut. Taamaat­tuminguna Jiisusip im­minik ‘eq­qaaniaaq­qusisar­nera’ naalat­tarip­put eq­qaaniaanermut najuut­tar­nitsigut. — 1 Kor 11:23-25.

6. Eq­qaaniaanermi timiusaq viin­nilu pil­lugit suna paasivar­put?

⁶ Naalagiar­tar­tut ilaat isumaqar­put Jiisusip nam­mineq timini aanilu pigai ima oqarami: “Tassa timiga” aam­ma “tassa aaga”. Taamaat­tumik up­peraat tupin­nar­tulior­nik­kut Jiisusip timiusaq timigilerlugulu viin­ni aagileraa. Taman­nali ilumoorsin­naan­ngilaq. Jiisusimi nam­mineq aam­ma timiusaq seer­narsaateqan­ngitsoq ilangiif­figisas­saat apustilit aalajaatsut saavan­niip­put. Ersarip­poq Jiisusip pisar­nermisut as­sersuusiorluni oqalun­nera. — Joh 2:19-21; 4:13, 14; 10:7; 15:1.

7. Timiusaq seer­narsaateqan­ngitsoq sumut as­sersuutaava?

⁷ Un­num­mi pingaarutilim­mi tamatumani poorskimi nereqatigiin­nermi Jiisusip timiusaq seer­narsaateqan­ngitsoq sas­saal­liutigaa. (2 Mos 12:8) Seer­narsaat Biibilimi ilaan­nik­kut ajor­timut as­sersuutitut ator­neqar­tar­poq. (Matt 16:6, 11, 12; Luk 12:1) Timiusaq seernarsaateqanngitsoq Jiisusip timaanut ajor­teqan­ngitsumut  as­sersuutaavoq. (Hebr 7:26) Taman­na pis­sutigalugu eq­qaaniaanermi timiusaq seer­narsaateqan­ngitsoq ator­tar­par­put.

8. Viin­ni sumut as­sersuutaava?

⁸ Viin­ni Jiisusip sas­saal­liutigisaa aavanut, tas­sa inuuneranut, as­sersuutaavoq. Ul­lumik­kut­taaq eq­qaaniaanermi viin­ni taamatut isumaqar­tin­neqar­tar­poq. Jerusalemip ungasin­ngisaani Golgatami Jiisusi toquvoq inuuninilu “ajor­tit isumak­keer­neqaatis­saan­nik” pil­liutigalugu. (Matt 26:28; 27:33) Pil­liut taman­na erlin­nangaar­toq pingaar­tik­kutsigu ukiut tamaasa pisus­samut tamatumun­nga im­mik­kut it­tumut piareersar­tas­saagut. Qanoq taamaaliorsin­naavugut?

9. (a) Sooq eq­qaaniaanermut atatil­lugu Biibilimi atuagas­sat atuar­tariaqar­pavut? (b) Uter­titsis­sutitut pil­liut qanoq isumaqarfigaajuk?

⁹ Ullut tamaasa Allakkat misissortakkit-mi eq­qaaniaanermut atatil­lugu Biibilimi atuar­neqar­tus­sanik atuar­tar­neq eq­qaaniaanermut piareersariaatsit ilagaat. Biibilimi oqalut­tuanik atuar­ner­put Jiisusip toqus­si sioq­qul­lugu iliuuserisimasaanik eq­qarsaatigin­neq­qis­saar­nis­satsin­nut iluaqutigis­savar­put. * Qatan­ngut ar­naq ima al­lap­poq: “Eq­qaaniaasar­nis­saq qilanaarisar­par­put. Ukiut tamaasa pingaar­tin­nerujar­tuin­nar­tar­par­put. Eq­qaamavara toqusut inaan­niitil­lunga ... ataatan­nguara toqusimasoq isigalugu uter­titsis­sut qujamasuutigingaalerlugu. ... Al­las­simaf­fiit tamaasa ilisimagaluarlugil­lu nas­suarsin­naagaluarlugit aatsaat asasan­nik toquk­kut an­naasaqarama uter­titsis­sutitut pil­liut tun­ngavigalugu uagutsin­nut iliuuserineqar­tus­sat qaman­nga pisumik qujamasuutigingaaler­pak­ka.” Jiisusip pil­liutaanik eq­qarsaatigin­neq­qis­saar­tar­ner­put eq­qaaniaanermut piareersar­nitsin­nut pingaaruteqarluin­nar­tut ilagaat.

10. Aam­ma qanoq eq­qaaniaanermut piareersarsin­naavugut?

 ¹⁰ Ilaatigut piareersarsin­naavugut pif­fis­saq an­ner­tunerusoq atorlugu oqaluus­sinik­kut aam­ma sapin­ngisamik inun­nik amerlaner­paanik eq­qaaniaanermut qaaq­qusinik­kut. Im­maqa ikior­ti-pioneriusin­naavugut. Guuti, taas­suma er­nera naas­saan­ngitsumil­lu inuuler­nis­samik neriuut pil­lugit inuit al­lat oqaloqatigigaangatsigit Guutip piumasaatut ilior­tarat­ta nalerisimaaler­tar­pugut. — Tuss 148:12, 13.

11. Sooq Paulusi al­lap­pa Korinthimiut ilaat eq­qaaniaanermi nerinerat imer­neral­lu qin­ngaq­qun­nar­tuusoq?

¹¹ Eq­qaaniaanermut piareersaraangavit Paulusip kristumiunut Korinthimiit­tunut al­lagai eq­qarsaatigeq­qis­saar­tak­kit. (1 Korinthimiut 11:27-34 atuakkit). Taan­na al­lap­poq inuk qin­ngaq­qun­nar­tumik, tas­sa ataq­qin­nin­nani, timiusamik nerisoq viin­nimil­lu imer­toq “Naalak­kap timaanut aavanul­lu” ajor­tulior­toq. Tanitaq ajor­tulior­tar­toq as­sersuutinik ilangiisoq ‘eq­qar­tuun­neqaatis­saminik neril­lunilu imis­saaq’. Paulusip nalaani Korinthimior­pas­suit ajor­tulior­tar­put. Ilimanar­poq ilaat eq­qaaniaaneq sioq­qul­lugu eq­qaaniaanermiluun­niit nerisimanermik imersimanermil­lu perusuersimasut. Pisumik ataq­qin­nin­ngil­luin­nar­ner­tik ersersit­tar­paat, taamaat­tumil­lu as­sersuutinik ilangiinerat Guutip iluarineq ajor­paa.

12. (a) Paulusip eq­qaaniaaneq sumut as­sersuup­paa, ilangiisar­tul­lu qanoq mianersoq­quai? (b) Ilangiisar­toq ingasat­tumik ajor­tulior­toq susariaqar­pa?

¹² Paulusip eq­qaaniaaneq nerinermut as­sersuul­lugu ilangiisar­tut ima mianersoq­quai: “Naalak­kap ermusia anersaapiluil­lu ermusiat tamaasa imerfigisarsin­naan­ngilasi. Naalak­kal­lu nerliutaa anersaapiluil­lu nerliutaat tamaasa ilangiif­figisarsin­naan­ngilasi.” (1 Kor 10:16-21) Inuk as­sersuutinik ilangiisoq ingasat­tumik ajor­tuliorsimaguni ikioq­qul­luni utoq­qaaner­tanut saaf­figin­nit­tariaqar­poq. (Jaaku 5:14-16 atuakkit). Taas­suma peq­qis­simingaar­nera iliuusaanit takuneqarsin­naap­pat eq­qaaniaanermi ilangiinermigut Jiisusip pil­liutaa ataq­qinagu ersersin­navian­ngilaa. — Luk 3:8.

13. Sooq Guutip uagutsin­nut neriuutigilersis­simasaa pil­lugu qinusas­saagut?

¹³ Aam­ma Guutimit neriuuteqalersin­neqarsimanit­ta qin­nutigisar­neratigut eq­qarsaatigeq­qis­saar­tar­neratigul­lu piareersarsin­naavugut. Jiisusip pil­liutaanik ataq­qin­nin­ngitsuliun­ngisaan­nas­saagut. Taamaat­tumik tanitaanitsin­nik paatsuugas­saan­ngitsumik up­per­narsaatis­saqan­ngik­kut­ta as­sersuutinik ilangiisas­san­ngilagut. Taavami kik­kut as­sersuutinik ilangiisas­sap­pat?

14. Tanitat angerusisaamut ilaagamik eq­qaaniaanermi susar­pat?

¹⁴ Eq­qaaniaanermi as­sersuutinik ilangiisar­tut angerusisaamut ilaaner­tik qularin­ngil­luin­nar­paat. Viin­nimut tun­ngatil­lugu Jiisusi ima oqar­poq: “Ermuseq  man­na tas­sa uanga aak­kut angerusisaaq.” (1 Kor 11:25) Jehovap Israelik­kut Inatsisit tun­ngavigalugit angerfigeqatigai, kingusin­nerusuk­kul­li oqar­poq taan­na angerutsimik nutaamik taarser­neqas­sasoq. (Jeremia 31:31-34 atuakkit). Guutip tanitat nutaamik angerfigeqatigai, tas­sa isumaqatigiis­suteqarfigai. (Gal 6:15, 16) Jiisusip toquneragut taamatut isumaqatigiis­suteqar­toqarsin­naan­ngor­poq. (Luk 22:20) Jiisusi angerusisaami akun­nermiliut­tuuvoq. Tanitat angerusisaamut ilaasut Jiisusi qilam­meeqatigis­savaat. — Hebr 8:6; 9:15.

15. Kik­kut Naalagaaf­fim­mik angerutsimut ilaap­pat, aalajaak­kunil­lu suna pisin­naatitaaf­figilis­savaat?

¹⁵ Tanitat aam­ma Naalagaaf­fim­mik angerutsimut ilaaner­tik nalun­ngilaat. (Lukasi 12:32 atuaruk). Tamatumani Jiisusip ajoqersuk­kani tanitat aalajaatsut, ‘naal­liun­nermini peqataasut’, angerfigeqatigai. (Fil 3:10) Ul­lumik­kut tanitat aalajaatsut aam­ma angerutsimut tamatumun­nga ilaap­put. Taak­kua Kristusi qilam­mi naas­saan­ngitsumik kun­ngitut naalak­kersueqatigis­savaat. (Saqq 22:5) Naalak­kap un­nuk­korsior­titsinerani as­sersuutinik ilangiisin­naatitaap­put.

16. Romamiunut al­lak­kat kapitali 8-mi tanitat pil­lugit al­las­simasut naatsumik nas­suiak­kit.

¹⁶ Tanitat Guutimit qitor­narineqarlutil­lu as­sersuutinik ilangiisin­naaner­tik qularin­ngil­luin­nar­paat. (Romamiut 8:15-17 atuakkit). Paulusi al­lap­poq ima torlulas­sasut: “Abba, Ataataq!” Aramæerit oqaasiat “abba” asan­nip­palul­luni ataq­qin­nip­palul­lunilu ima oqar­ner­tut ip­poq: “Atak” imaluun­niit “ataata”. Taman­na tanitat ‘anersaamik qitor­naas­suseqalersin­neqaraangamik’ Jehovamut im­mik­kut it­tumik at­taveqaler­tar­neran­nut ersiutaavoq. Tanitat Guutimut qitor­naaner­tik qularin­ngin­nias­sam­mas­suk Guutip anersaava taak­kunun­nga “nalunaajaavoq”. Taman­na nunarsuarmi inuunis­samik kis­saateqan­ngin­nerat­tut paasisariaqan­ngilaq. Nalun­ngilaat toqumut aalajaat­tuarunik Jiisusi qilam­mi kun­ngioqatigis­sal­lugu. Aam­ma ‘Il­ler­nar­tumit’, Jehovamit, ‘tanin­neqarsimaner­tik’ nalun­ngilaat. Ul­lumik­kut Guutip er­nerinut 144.000-nut ilaasut nunarsuarmiit­tut amerlan­ngil­lat. (1 Joh 2:20; Saqq 14:1) Jehova at­tavigil­luaramik­ku ima taasin­naavaat: “Abba, Ataataq!”

17. Tanitat qanoq neriuuteqar­pat, tanitaaner­til­lu qanoq naluneq ajor­paat?

¹⁷ Kristumiuuguit tanitaq qilaliar­nis­samik neriuuteqar­nerit qinunin­ni eq­qaakulasas­sagunar­pat Al­lak­kal­lu Il­ler­nar­tut im­mik­kut it­tumik pingaar­tis­sal­lugit. As­sersuutigalugu Jiisusip ‘nulias­sanilu’ katin­nerat Biibilimi eq­qaaneqaraangat naluneq ajor­pat taman­na ilin­nut tun­ngasoq pisus­sarlu qilanaarisarlugu. (Joh 3:27-29; 2 Kor 11:2; Saqq 21:2, 9-14) Imaluun­niit Biibilimi Guutip tanitanik asan­nin­nera nas­suiar­neqaraangat naluneq ajor­pat il­lit pineqar­tarlutit. Aam­ma Guutip oqaasiani tanitanut ilitsersuus­sutit aalajangersimasut atuaraangak­kit anersaap il­ler­nar­tup naalan­nis­san­nut sun­ner­tar­paatit. Guutip anersaavata il­ler­nar­tup qilaliar­nis­samik neriuuteqar­nin­nik ‘nalunaajaaf­figisar­paatit’.

18. ‘Savat al­lat’ qanoq neriuuteqar­pat, neriuul­lu taman­na qanoq isumaqarfigaajuk?

 ¹⁸ ‘Savanut al­lanut’ ‘amerlangaar­tunut’ ilaaguit Guutip nunarsuarmi paratiisiusumi naas­saan­ngitsumik inuunis­samik periarfis­sis­simavaatit. (Saqq 7:9; Joh 10:16) Siunis­saq qanoq isumaqarfigaajuk? Paratiisis­saq Biibilimi eq­qar­tor­neqar­toq eq­qarsaatigeq­qis­saaraangak­ku qilanaajum­mer­tar­putit. Ilaqut­tatit ikin­ngutitil­lu peqatigalugit silarsuarmi eq­qis­sineqarfiusumi inuunis­sat qilanaaraat. Kaan­nersuaqar­tarun­naar­nis­saa, pis­saaleqisoqar­tarun­naar­nis­saa, naal­liut­toqar­tarun­naar­nis­saa, nap­parsimasoqar­tarun­naar­nis­saa toqusoqar­tarun­naar­nis­saalu misigerusup­pat. (Tuss 37:10, 11, 29; 67:7; 72:7, 16; Es 33:24) Asasavit makititaanis­saat qilanaaril­luin­nar­pat. (Joh 5:28, 29) Taamatut neriuuteqar­nerit pil­lugu Jehovamut qujamasungaar­putit. As­sersuutinik ilangiisan­ngik­kaluarlutit Jiisusip uter­titsis­sutitut pil­liutaa pingaar­tik­kak­ku eq­qaaniaanermut najuut­tar­putit.

19, 20. (a) Naas­saan­ngitsumik inuunis­san­nut qanoq periarfis­sin­neqar­pit? (b) Sooq eq­qaaniaanermut najuun­nis­sat aalajangiusimaviuk?

¹⁹ Jehova Guuti, Jiisusi Kristusi uter­titsis­sul­lu aatsaat up­periguk­kit naas­saan­ngitsumik nunarsuarmiis­sin­naavutit qilam­miis­sin­naal­lutil­luun­niit. Eq­qaaniaanermut najuun­nin­ni neriuutit Jiisusil­lu toqunerata pingaaruteqangaar­nera eq­qarsaatigeq­qis­saas­savatit. 2015-imi apriilip pingajuan­ni tal­liman­ngor­nermi seqer­nup tarrin­nerata kingor­na nunarsuaq tamak­kerlugu inuit mil­lionilip­pas­suit naalagaaf­filersaarfin­ni sumiif­fin­nilu al­lani eq­qaaniaanermut najuutis­sap­put.

²⁰ Eq­qor­tumik isigin­nit­taaseqarluta eq­qaaniaanermut piareersarut­ta Jiisusip uter­titsis­sutitut pil­liutaa qujamasuutigingaas­savar­put. Eq­qaaniaanermi oqalugiaam­mut tusar­naaq­qis­saaruit inuit al­lat asan­nit­tuliorfiginis­saan­nut Jehoval­lu asan­nin­nera uagutsin­nul­lu siuner­taa pil­lugit oqalut­tuun­nis­saan­nut kajumis­suseqalis­saatit. (Matt 22:34-40) Eq­qaaniaanermut najuun­nis­sat aalajangiusimajuk.