Jehovap ajoqersuinitsinni siulersorpaatigut
“Uanga tassa Naalagaq, Guutit, iluaqutaasunik ilinnik ajoqersuisoq, illit ingerlavigisassakkut ingerlatitsisoq.” — ES 48:17.
1. Suna pissutigalugu oqaluussineq sapernarnerulersimava?
UKIUT 130-t sinnerlugit matuma siorna Jehovap innuttaasa nutaarsiassaq nuannersoq oqaluussissutigileramikku unamminiagassaqangaarput. * Kristumiut siulliit assigalugit tusagassaq inuit nuannarinngisaat amerlanngikkaluarlutik oqaluussissutigaat. Inuit ilaasa ilinniagaqanngitsutut isigaat. Kingusinnerusukkut Saatani nunarsuarmut igitaammat malersugaalerput. (Saqq 12:12) Taamanimiilli ‘ulluni kingullerni’ makkunani ‘atugarliungaarfiusuni’ oqaluussisimapput. — 2 Tim 3:1.
2. Jehovap oqaluussiniassagatta qanoq ikiortarpaatigut?
2 Jehovalli innuttani ikiortuarpai. Nunarsuaq tamakkerlugu nutaarsiassamik nuannersumik oqaluussinissaat kissaatigigamiuk oqaluussinerminni sumilluunniit kimilluunniillu unitsinneqarnissaat akuerinavianngilaa. Upperisarsiornermit eqqunngitsumit avissaartinnerisigut iluarisamisut Saqq 18:1-4) Jehovallu ilinniartitsissutai tamatta immikkut iluaqutigisarpavut. Eqqisseqatigiilluta inuunissatsinnut ikiortarlutalu nammineq pilluni allanik qanoq ilinniartitsisarnissatsinnik ilitsersuuttarpaatigut. (Esaja 48:16-18 atuakkit). Imaanngilarli Jehovap oqaluussinitsinni siulersormatigut oqaluussiniassagatta nunarsuarmi pissutsit allanngortittuaannarai. Ilumoorpoq nunarsuarmi pisut pissutigalugit oqaluussinitta ajornannginnerulertarnera. Sulili malersugaasarlutalu Saatanip silarsuaani ajornartorsiutinik nalaataqartaratta Jehovap ikiuineratiguinnaq oqaluussisinnaavugut. — Es 41:13; 1 Joh 5:19.
pallorfiginninnissaannut ikiorpai. Itsaq Israelikkut Babylonimit aniguisikkamigit aamma taamaaliorpoq. (3. Danielip siulittuutaa qanoq eqquuppa?
3 Naggatissap nalaani inuit sallusuissummik Biibilimeersumik paasinninnissaat Danielip siulittuutigaa. (Danieli 12:4 atuaruk). “Naggatissap” nalaata nalliutinnginnerani Jehovap innuttani Biibilimi ilinniartitsissutigineqartunik pingaarutilinnik paasinninnissaannut kristumiuunerartullu ilinniartitsissutigisaannik eqqunngitsunik itigartitsinissaannut ikiorpai. Ullumikkut innuttaasa sallusuissut Biibilimeersoq nunarsuaq tamakkerlugu oqaluussissutigaat. Danielip siulittuutaata eqquunnera ersarippoq. Inuit 8 millioningajaat sallusuissummik paasinnissimallutillu tamanna allanut oqaluussissutigisarpaat. Jehovap innuttani nunarsuaq tamakkerlugu oqaluusseqqullugit qanoq ikiorsimavai?
BIIBILIMIK NUTSERINEQ
4. Ukiup 1900-p nalaani Biibili oqaatsinut qanoq amerlatigisunut nutserneqarsimava?
4 Ullumikkut inuppassuit Biibileqarnerat nutaarsiassamik nuannersumik ilinniartinnissaannut iluaqutigisarparput. Taamaattuaannarsimanngilarli. Ukiuni hundredilinni kristumiuunerartut palasiisa Biibilimik atuarneq inunnut inerteqqutigaat. Allaat Biibilimik atuartut malersortarpaat Biibilimillu nutserisut ilaat toquttarlugit. 1800-kkulli ingerlaneranni peqatigiiffiit ilaasa Biibili tamaat ilaannaaluunniit oqaatsinut 400-t missaannut nutsertalerlugulu naqitertalerpaat. 1900-p nalaani inuppassuit Biibileqaraluarlutik tassani ilinniartitsissutigineqartut paasinngilaat.
5. Jehovap Nalunaajaasui Biibilimik nutseriniarlutik qanoq suliaqartigisimappat?
5 Jehovap innuttaasa nalunngilaat allat Biibilimi ilinniartitsissutigineqartunik ilinniartittariaqarlugit, taamaaliorsimappullumi. Aallaqqaammut Biibilit pissarsiarineqarsinnaasut atorlugillu inunnut agguaattarpaat. 1950-imiilli New World Translation of the Holy Scriptures tamaat ilaannaaluunniit oqaatsinut 120-nit amerlanerusunut saqqummersittarsimavaat. 2013-imi New World Translation nutartigaq saqqummersippaat. Taanna paasiuminarnerullunilu nutseruminarneruvoq. Biibili inuit paasisinnaasaat atoraangatsigu sallusuissummik ilinniartilluarsinnaanerulertarpavut.
PIFFISSAQ EQQISSINEQARFIUSOQ
6, 7. (a) Ukiuni 100-ni kingullerni sorsunnerit ilaat eqqaakkit. (b) Nunat ilaanni eqqissineqarnera oqaluussinissatsinnut qanoq iluaqutigaarput?
6 Immaqa ima eqqarsarputit: ‘Nunarsuarmi qanoq eqqissineqartigigami?’ Ukiuni 100-ni kingullerni sorsunnersuit marluk saniatigut sorsunnerit amerlasimapput. Inuit millionillit toqutaasimapput. Sorsunnersuulli kingulliup nalaani Nathan Knorr Jehovap Nalunaajaasuini siulersuisuusoq Saqqummersitat kapitali 17-imi siulittuut nassuiarpaa uppernarsarlugulu Harmagedonip kingusinnerusukkut nalliunnissaa. Sorsunnersuup kingorna piffissaq eqqissineqarfiusoq nalliutissaaq. — Saqq 17:3, 11.
1942-mi ataatsimeersuarnermi “Eqqissineq — ataannarsinnaava?”-mik qulequtalimmik pissanganartumik oqalugiarpoq. Qatanngutip Knorrip7 Soorunami tamanna sumi tamani eqqissineqarnertut paasisariaqanngilaq. Sorsunnersuup kingulliup kingorna inuit millionillit sorsunnerni toqutaasimapput. Nunarpassuarnili eqqissineqarsimavoq Jehovap innuttaasa oqaluussinerannik ajornannginnerulersitsisumik. Tamanna qanoq kinguneqarpa? Sorsunnersuup kingulliup nalaani Jehovap Nalunaajaasui 110.000-nit ikinnerusimapput. Ullumikkulli 8 millionit missaanniipput! (Esaja 60:22 atuaruk). Aap, piffissami eqqissineqarfiusumi nutaarsiassaq nuannersoq inunnut amerlanerusunut oqaluussissutigisinnaasimavarput.
ANGALARIAASEQ PITSANNGORIARPOQ
8, 9. Angalaneq qanoq pitsanngoriarsimava, aamma sooq tamanna oqaluussinitsinnut iluaqutaava?
8 Jehovap innuttai USA-mi oqaluussisalermata angalaniarneq pisariuvoq. 1900-mi, The Watch Tower-ip naqiterneqartalernerata ukiut 21-t missaat qaangiutereersut, USA-mi biilit 8000-t missaannaanniillutillu aqquserngit pitsaasut amerlanngillat. Ullumikkulli nunarsuaq tamakkerlugu biilit 1,5 milliardinit amerlanerupput sumiiffinnilu amerlanerni aqquserngit pitsaasuullutik. Inuit sumiiffinni illoqarfinnit avinngarusimasuniittut tikikkuminaatsuniittullu oqaluussiffiginiarlugit biilit aqquserngillu atorsinnaavavut. Sumiiffimmili angallaviluttumi najugaqarutta ungasissumulluunniit pisuttariaqartarutta inuit sumiikkaluartulluunniit oqaluussiffigiumallugit sapinngisatsinnik iliuuseqarusuttarpugut. — Matt 28:19, 20.
Inuit sumiikkaluartulluunniit oqaluussiffigiumallugit sapinngisatsinnik iliuuseqartarpugut
9 Aamma angallassissutit allat atortarpavut. Biibilit Biibililersaarutillu lastbilinik, umiarsuarnik qimuttuitsunillu nassiuttarpavut. Tamannalu pissutigalugu sapaatit-akunneri arlaqanngitsut ingerlanerinnaanni qatanngutitta avinngarusimasuniittut Biibililersaarutit pisarsinnaavaat. Ilagiinnik nakkutilliisut, immikkoortortaqarfiit ataatsimiititaliaannut ilaasortat, ajoqersuiartortitat allallu timmisartorlutik oqalugiariartortarlutillu ilagiinnik ikiuiartortarput. Siulersuisoqatigiinnut ilaasortat qatanngutillu qullersaqarfimmeersut qatanngutit qiimmassarniarlugit ilinniartinniarlugillu nunanut amerlasuunut timmisartortarput. Tamakku tamarmik Jehovap innuttaasa ataasioqatigiinnissaannut iluaqutaapput. — Tuss 133:1-3.
OQAATSIT NUTSERINERLU
10. Sooq oqarsinnaavugut nunarsuaq tamakkerlugu tuluttut oqaluttoqarsinnaasoq?
10 Ukiuni 100-ni siullerni Romamiut naalagaaffianni inuppassuit grækerisut oqaluttarput. Ullumikkut nunarsuaq tamakkerlugu inuppassuit tuluttut oqaluttarput. Allaat atuakkami English as a Global Language-mi allassimavoq nunarsuarmi
inuit sisamararterutaat tuluttut oqaluttarlutilluunniit paasisartut. Niuernermi, politikkimi, ilisimatusarnermi teknologiimillu suliaqarnermi oqaatsit tuluttuut atorneqartarmata inuppassuit tuluttut ilinniartarput.11. Tuluttut oqaatsit Jehovap innuttaasa oqaluussinerannut qanoq sunniuteqarpat?
11 Inuppassuit tuluttut oqalussinnaanerat pissutigalugu sallusuissut siammarnerujartorpoq. Aallaqqaammut Biibililersaarutivut tuluttut saqqummersinneqartarput, nunarsuarli tamakkerlugu tuluttut oqaatsit atugaammata inuppassuit atuarsinnaasimavaat. Qullersaqarfitsinni tuluttut oqaatsit atugaapput. Qatanngutit nunanit assigiinngitsuneersut tuluttut paasisinnaasut Pattersonimi, New Yorkimiittumi, ilinniarfitsinni ilinniartinneqartarput.
Jehovap Nalunaajaasui “oqaatsinik minguitsunik” Biibilimeersunik paasinnissinnaallutillu ataasioqatigiissinnaapput
12. Biibililersaarutivut oqaatsinut qanoq amerlatigisunut nutsertarpavut, qarasaasianullu programmit tamatumani qanoq iluaqutaappat?
12 Nutaarsiassalli nuannersup inunnut nunanit tamalaaneersunut oqaluussissutiginissaa akisussaaffigaarput. Taamaattumillu Biibililersaarutivut oqaatsinut 700-nit amerlanerusunut nutsertarpavut. Qanoq taamaaliorsinnaagatta? Qarasaasiat taakkununngalu programmit, soorlu MEPS, nutserinermi iluaqutigisarpavut. Tamatumalu kingunerisaanik nunarsuaq tamakkerlugu Jehovap Nalunaajaasui “oqaatsinik minguitsunik” (NW) Biibilimeersunik paasinnissinnaallutillu ataasioqatigiissinnaapput. — Sefania 3:9 atuaruk.
INATSISIT EQQARTUUSSISULLU AALAJANGIGAAT
13, 14. Inatsisit eqqartuussisullu aalajangigaat qanoq iluaqutigisarpavut?
13 Ukiuni 100-ni siullerni Romamiut inatsisaat kristumiut oqaluussinissamut amerlasuutigut iluaqutigaat. Ullumikkuttaaq nunarpassuarni inatsisit oqaluussinissamut iluaqutigisarpavut. Assersuutigalugu USA-mi inatsisit naapertorlugit inuit suna upperissanerlugu aalajangersinnaatitaallutillu upperisartik pillugu allanik oqaloqateqarsinnaatitaallutillu ataatsimeeqatigiissinnaatitaapput. Tamanna pissutigalugu nunami tamatumani ataatsimiittarnissatsinnut oqaluussisarnissatsinnullu kiffaanngissuseqarpugut. Aamma qullersaqarfitsinni Fil 1:7) Eqqartuussivinnilu taakkunani eqqartuussisut eqqartuussisooqataasullu oqaluusseqqujunnaaraangatigut eqqartuussivinnut qulliunerusunut suliareqqitassanngortitsisarpugut, taakkunanilu ajugaakulasarpugut.
USA-miittumi nunarsuaq tamakkerlugu oqaluussinitta aaqqissornissaanut kiffaanngissuseqarpugut. Soorunami ilaannikkut nutaarsiassamik nuannersumik oqaluussisinnaatitaanerput eqqartuussivinni illersortariaqartarparput. (14 Nunani allani aamma Jehovamik pallorfiginninnissamut oqaluussinissamullu kiffaanngissuseqarnerput illersorniarlugu eqqartuussivinnut saaffiginnittarpugut. Ajorsaraangatta eqqartuussivinnut nunarpassuarnut atuuttumik eqqartuussisinnaasunut suliaq ingerlateqqittarparput. Assersuutigalugu arlaleriarluta Inuit Pisinnaatitaaffii pillugit Europami Eqqartuussivimmut suliareqqitassanngortitsinikuuvugut. 2014-imi juuni tikillugu eqqartuussivimmi tassani suliani 57-iusuni ajugaasimavugut, eqqartuussivimmilu tassani aalajangiussat Europami nunani amerlanerni atuutsinneqartarput. ‘Inuiannit tamanit uumissorneqaraluarluta’ nunani inatsisit naapertorlugit kiffaanngissuseqarluta Jehova pallorfigisinnaavarput. — Matt 24:9.
NASSAARSIAT ILUAQUTIGISAVUT
Biibililersaarutit oqaaserpassuarnut saqqummersittarpavut
15. Naqitereriaatsit qanoq pitsanngoriarsimappat, tamakkulu qanoq iluaqutigisimavavut?
15 Naqitereriaatsit nutaat inunnut amerlanerusunut nutaarsiassamik nuannersumik oqaluussissutiginninnissamut iluaqutigisimavavut. 1450-ip missaani naqitereriaaseq Johannes Gutenbergimit nassaarsiarineqartoq ukiuni hundredilinni atorneqarsimavoq. Ukiunili 200-ni kingullerni naqitereriaatsit amerlasuutigut
pitsanngorsarneqarsimapput. Naqiterivissuit nassaarsiarineqarnerisa kingorna sukkanerusumik pitsaanerusumillu naqiterisoqartalerpoq. Aamma pappiaraliorneq atuakkanillu ungaluliineq akikinnerulerput. Taamatut allannguinerit atuagassianik saqqummersitsisarnitsinnut qanoq sunniuteqarpat? 1879-imi Watch Tower siulleq tuluttooq assiliartaqanngitsoq 6000-nngorlugu naqiterneqarpoq. Nalitsinnili Napasuliaq Alapernaarsuiffik qalipaatigissunik assiliartalik oqaatsinut 200-nit amerlanerusunut qaammatillu tamaasa 50.000.000-nit amerlanerusunngorlugu naqiterneqartarpoq.16. Nassaarsiat suut nunarsuaq tamakkerlugu oqaluussinissatsinnut iluaqutigaavut? (Allaaserisap aallaqqaataani asseq takuuk).
16 Ukiuni 200-ni kingullerni nassaarsiat Jehovap innuttaasa nutaarsiassamik nuannersumik oqaluussissutiginninnissamut iluaqutigisimavaat. Qimuttuitsut, biilit timmisartullu eqqaareerpavut. Aammali sikkilit, skrivemaskiinat, tappiitsut atuarsinnaasaannik toorniliorneq, nalunaarasuartaatit, oqarasuaatit, assiliissutit, tusarnaagassiat, isiginnaagassiat, radio, fjernsyni, filmit, qarasaasiat internetilu atorneqartarsimapput. Jehovap innuttaasa tamakku nassaarsiarinngikkaluaraat Biibilip Biibililersaarutillu oqaaserpassuarnut saqqummersinnissaannut nunarsuarlu tamakkerlugu oqaluussinissamut atortarpaat. Taamaalillutik Biibilimi siulittuutigineqartutut “inuiaqatigiit immuutaat” imertarpaat. — Esaja 60:16 atuaruk.
Jehovap asagamisigut suleqatigerusuppaatigut
17. (a) Oqaluussinitsinnut tunngatillugu suna ersarippa? (b) Sooq Jehovap suleqatigerusuppaatigut?
17 Oqaluussinitsinni Jehovamit siulersorneqarnerput ersarippoq. Jehovap asagamisigut suleqatigerusukkamisigullu, imaanngitsoq uagutsinnit ikiorneqarnissani pisariaqartikkamiuk, suliassaq tamanna uagutsinnut isumagisassanngortippaa. Jehovamik inoqatitsinnillu asanninnerput oqaluussinitsigut ersersittarparput. (Mark 12:28-31; 1 Kor 3:9) Nunarsuaq tamakkerlugu oqaluussinitsinni Jehovamit ikiorneqarnerput qujamasuutigingaarparput. Qanortoq Jehova taassumalu Naalagaaffia pillugu oqaluussinissamut periarfissavut tamaasa atorluarisigit!
^ imm. 1 1870-ip missaanniilli Jehovap innuttai Biibilimik Atuaqqissaartartutut ilisimaneqarsimapput. 1931-mi Jehovap Nalunaajaasuinik taaguuteqalerput. — Es 43:10.