1, 2. (a) Jiisusip ikin­ngutini qanoq as­sersuusiorfigai? (Al­laaserisap aal­laq­qaataani as­siliaq takuuk). (b) Savat savaasal­lu pil­lugit as­sersuusiamut tun­ngasut suut ilisimasariaqar­pavut?

JIISUSIP ikin­ngutin­naani, Petrusi, Andreasi, Jaaku Johan­nesilu soqutiginangaar­tumik oqaloqatigai. Inus­siaq aalajaal­lunilu silatooq, niviarsiat qulit, talentil­lu pil­lugit as­sersuusianik oqalut­tuutereerlugit Jiisusip ikin­ngutini al­lamik as­sersuusiorfigai. Tamatumani ‘Inuup Er­nerata inuiaqatigiin­nik’ eq­qar­tuus­siumal­luni tikiuf­fis­saa Jiisusip eq­qar­tor­paa. Oqar­poq ‘Inuup Er­nerata’ inuit eqimat­tanut marlun­nut, savatut savaasatul­lu eq­qar­tuk­kaminut, im­mik­koor­tis­sagai. Aam­ma eqimat­tat pingaarutil­lit al­lat, kun­ngip ‘qatan­ngutai’, eq­qar­tor­pai. — Matthæusi 25:31-46 atuakkit.

² Ul­lumik­kut Jehovap kif­fai apustilit pisimanerat­tut as­sersuusiami inuit inuunerisa eq­qar­tor­neqar­nerat pis­sutigalugu as­sersuusiamik tamatumin­nga soqutigin­ningaar­put. Jiisusi oqar­poq inuit ilaat naas­saan­ngitsumik inuulis­sasut al­lal­lu  suujun­naarsitaas­sasut. Taamaat­tumik as­sersuusiap isumaata naas­saan­ngitsumil­lu inuulis­sagut­ta iliuuserisariaqak­kat­ta paasinis­saat pingaaruteqarluin­nar­poq. Taamaat­tumik al­laaserisami matumani apeq­qutit uku akis­sutis­sarsis­savavut: As­sersuusiap tamatuma paasinis­saanut Jehovap qanoq ikior­paatigut? As­sersuusiap oqaluus­sinermut tun­nganera qanoq nalun­ngilar­put? Kik­kut oqaluus­seq­quneqar­pat? Aam­ma sooq inuit maan­na ‘kun­ngimut qatan­ngutaanul­lu’ ilumoorfigin­nin­nis­saat pingaaruteqar­pa?

3, 4. (a) As­sersuusiaq paasiumal­lugu suut ilisimasariaqar­pavut? (b) 1881-imi Napasuliaq Alapernaarsuiffik-mi as­sersuusiaq qanoq nas­suiar­neqar­pa?

³ Savat savaasal­lu pil­lugit as­sersuusiaq paasiumal­lugu uku ilisimasariaqar­pavut: (1) “Inuup Er­nera” imaluun­niit ‘kun­ngi’ kinaava, savat savaasal­lu kik­kuup­pat aam­ma kun­ngip ‘qatan­ngutai’ kik­kuup­pat? (2) ‘Inuup Er­nerata’ savat savaasal­lu qaqugu im­mik­koor­titis­savai, tas­sa eq­qar­tuutis­savai? aam­ma (3) sooq inuit ilaat savatut al­lal­lu savaasatut taaneqar­pat?

⁴ 1881-imi Napasuliaq Alapernaarsuiffik-mi al­las­simavoq “Inuup Er­nera” imaluun­niit ‘kun­ngi’ tas­saasoq Jiisusi. Nas­suiar­neqar­por­taaq kun­ngip ‘qatan­ngutai’ tas­saasut Jiisusip qilam­mi naalak­kersueqatis­sai aam­ma tas­saasut inuit nunarsuarmi naam­mal­luin­nar­tutut naas­saan­ngitsumik inuusus­sat. Aam­ma al­las­simavoq Kristusip ukiuni 1000-ni naalak­kersuinerani inuit im­mik­koor­titer­neqas­sal­lutil­lu inuunermin­ni sapin­ngisamin­nik Guutip asan­nin­neranik ilaarsisut savatut taaneqas­sasut.

5. 1923-mi Guutip in­nut­taasa as­sersuusiaq qanoq paasivaat?

⁵ Kingusin­nerusuk­kut Jehovap in­nut­tani as­sersuusiamik paasin­nin­nerunis­saan­nut ikior­pai. Watch Tower-imi oktobarip 15-iat 1923-moor­tumi al­las­simavoq “Inuup Er­nera” tas­saasoq Jiisusi. Biibilimili al­las­simaf­fiit tun­ngavigalugit nas­suiar­neqar­poq as­sersuusiami ‘qatan­ngutit’ taamaal­laat qilam­mi Jiisusimik naalak­kersueqateqar­tus­sanut in­nersuus­sutaasut, taak­kulu tamarmik Kristusip ukiuni 1000-ni naalak­kersuinerani qilam­miis­sasut. Aam­ma al­las­simavoq savat Jiisusip taas­sumalu qatan­ngutaasa naalak­kersuineran­ni nunarsuarmi inuusus­sanut in­nersuus­sutaasut. Kiisalu savat kun­ngip qatan­ngutaasa im­mik­koor­titerineran­nut, tas­sa eq­qar­tuus­sineran­nut, ikiuut­tus­saanerat as­sersuusiami eq­qaaneqar­nera pis­sutigalugu Jiisusip qatan­ngutai tanitat Kristusip ukiuni 1000-ni naalak­kersuilin­ngin­nerani suli nunarsuarmiis­sasut. Aam­ma al­laaserisami al­las­simavoq savat tas­saasut Jiisusimut up­per­tut Guutil­lu naalagaaf­fiata inuunermik pitsaanerulersitsiumaar­neranik up­perin­nit­tut.

6. 1995-imi as­sersuusiamik paasin­nit­taaser­put qanoq al­lan­ngor­pa?

⁶ Ukior­pas­suar­ni isumaqarsimavugut inuit naggatis­sap nalaani oqaluus­sinitsin­ni tusarlius­satsin­nik akuerin­nit­tut savatut tusarusun­ngitsul­lu savaasatut eq­qar­tuun­neqas­sasut. 1995-imili as­sersuusiamik paasin­nit­taaser­put al­lan­ngor­poq. Napasuliaq Alapernaarsuiffik-mi Matthæusip allagai 24:29-31 Matthæusip allagai 25:31, 32-mut (atuakkit) naleq­qiun­neqar­put nas­suiar­neqarlunilu Inuup Er­nerata, Jiisusip, an­nikil­lior­nar­tus­sarsuarmi   “naalan­nas­sutsimini tikiuk­kuni” inuit eq­qar­tuutis­sagai. *

7. As­sersuusiaq qanoq paasisariaqar­pa?

⁷ Ul­lumik­kut savat savaasal­lu pil­lugit as­sersuusiaq paasil­luar­par­put. Nalun­ngilar­put “Inuup Er­nera”, imaluun­niit ‘kun­ngi’, tas­saasoq Jiisusi. Kun­ngip ‘qatan­ngutai’ tas­saap­put anersaamik illernartumik taninneqarsimasut qilam­mi Jiisusimik naalak­kersueqateqar­tus­sat. (Rom 8:16, 17) “Savat savaasal­lu” tas­saap­put inuit inuiannit tamaneersut. Taak­ku annikilliornartussarsuup naggataani qanit­tuk­kut aal­lar­tit­tus­sami eq­qar­tuun­neqas­sap­put. Aam­ma nalun­ngilar­put Jiisusip inuit tanitanik, suli nunarsuarmiit­tunik, pinnittarnerat naapertorlugu eq­qar­tuutis­sagai. Ukiut ingerlaneran­ni Mat­thæusip al­lagaani kapitalini 24-mi aam­ma 25-mi as­sersuusiat paasinis­saan­nut Jehovamit ikior­neqarsimagat­ta qujamasuutigingaar­par­put!

8, 9. Sooq Jiisusip savat “iluar­tutut” taavai?

⁸ Jiisusip savat savaasal­lu pil­lugit as­sersuusiamini oqaaseq “oqaluus­sineq” atun­ngilaa. Taamaat­tumik qanoq nalun­ngis­sin­naagatsigu oqaluus­sinerup pingaaruteqangaar­nerata as­sersuusiamit ilin­niar­titsis­sutigineqar­nera?

⁹ Taman­na akis­sutis­sarsiumal­lugu Jiisusip as­sersuusiorluni ilin­niar­titsinera eq­qaamasariaqar­par­put. Savat savaasal­lu as­sersuutitut taagin­nar­pai. Taamaat­tumik taman­na inuit savatut eq­qar­tuun­neqar­tut tamarmik tanitanut nerisas­sanik atisas­sanil­lu tun­nius­sisar­nis­saat­tut, tanitanik nap­parsimasunik paaq­qutarin­nit­tar­nis­saat­tut tanitanul­luun­niit par­naarus­saaq­qasunut pulaar­tar­nis­saat­tut paasisariaqan­ngilaq. Taamaat­tumik ul­luni kingul­ler­ni mak­kunani savat al­lat tanitat Jiisusimut qatan­ngutaasutut pisaramik­kit ilumoorfigiuarlugil­lu Jiisusimit “iluar­tutut” taaneqar­put. — Matt 10:40-42; 25:40, 46; 2 Tim 3:1-5.

10. Kristusip qatan­ngutaanik ikiuiniarlutik savat susin­naap­pat?

¹⁰ Jiisusip savat savaasal­lu pil­lugit as­sersuusiun­ngin­nermini naggatis­sap nalaani susoqas­sanersoq eq­qar­tor­paa. (Matt 24:3) As­sersuutigalugu ima oqar­poq: “[Naalagaaf­fim­mik] iivangkiiliu taan­na silarsuarmi tamarmi oqaluus­sis­sutigineqas­saaq.” (Matt 24:14) Savat savaasal­lu pil­lugit as­sersuusiun­ngitsiar­nermini talentit pil­lugit as­sersuusior­poq. Tanitat oqaluus­sinermi tamaviaar­tariaqar­neran­nik ilin­niar­tin­niarlugit taamatut as­sersuusior­poq. Nunarsuarmili kingulerut­tut amerlan­ngin­namik sulias­sar­pas­suaqar­put! Tanitat naggatis­sap nal­liutin­ngin­nerani “inuian­nut tamanut” oqaluus­seq­quneqar­put. Savat savaasal­lu pil­lugit as­sersuusiami ersersin­neqar­tutut “savat” Jiisusip qatan­ngutaanik ikiuisus­saap­put. Jiisusil­lu qatan­ngutaanik  oqaluus­sinermi ikiuinermik­kut pitsaaner­paamik taamaaliorsin­naap­put. Aningaasanil­li suliatsin­nut atugas­sanik tunis­suteqar­tar­neq tanitanil­luun­niit oqaluus­seq­qusil­luni kajumis­saarisar­neq naam­map­pa?

11. Im­maqa ilaat qanoq aperiumas­sap­pat, aam­ma sooq?

¹¹ Ul­lumik­kut Jiisusimut ajoqersuk­kat 8 mil­lioniusut amerlanersaat tanitaan­ngil­lat. Jiisusip taak­ku talentinik tunin­ngilai. Qatan­ngutini tanitat talentinik tunivai. (Matt 25:14-18) Im­maqa ilaat ima aperiumas­sap­put: ‘Taak­ku Jiisusimit talentinik tunineqan­ngik­kaluarlutik oqaluus­sisariaqar­pat?’ Aap. Tamatumun­nga pis­sutaasoq sam­meriar­tigu.

12. Jiisusip Mat­thæusip al­lagai 28:19, 20-milu oqaasii qanoq ilin­niarfigisin­naavavut?

¹² Jiisusip ajoqer­suk­kani tamaasa oqaluus­seq­quai. Jiisusip makititaanermi kingor­na ajoqersuk­kani ‘ajoqersugan­ngor­titsior­toq­qul­lugil­lu peq­qus­sutiminik tamanik’ ajoqersueq­quai. Taamaat­tumik ajoqersuk­kat taak­ku aam­ma Jiisusip oqaluus­seq­qusineranut naalap­put. (Matthæusi 28:19, 20 atuakkit). Tamatta, qilaliar­nis­samik nunarsuarmiin­nis­samil­luun­niit neriugisaqaraluarut­ta, oqaluus­sisariaqar­tugut ersarip­poq. — ApS 10:42.

13. Johan­nesip takorruugaanit suna erser­pa?

¹³ Saqqum­mer­sitanit er­ser­poq tanitat al­lal­lu oqaluus­siumaar­nerat. Apustilip Johan­nesip Jiisusimit takorruuisin­neqarluni ‘nuliar­taaq’ imermik inuus­sutaasumik imeq­qusil­luni inun­nik qaaq­qusisoq takuaa. Nuliar­taaq tanitanut 144.000-nut Jiisusimik naalak­kersueqateqar­tus­sanut in­nersuus­sutaavoq. (Saqq 14:1, 3; 22:17) Imeq Jiisusip uter­titsis­sutitut pil­liutaanut, ajor­timik toqumil­lu atuuk­kun­naarsitsisus­samut, in­nersuus­sutaavoq. (Matt 20:28; Joh 3:16; 1 Joh 4:9, 10) Tanitat uter­titsis­sut tamatumalu iluaqutis­sar­taa aal­lus­sil­luarlutik inun­nut ilin­niar­titsis­sutigaat. (1 Kor 1:23) Aam­mali takorruuk­kami inuit al­lat tanitaan­ngitsut nunami inuunis­samik neriugisal­lit eq­qaaneqar­put. Taak­ku aam­ma inun­nik al­lanik ‘qaaqquseqquneqarput’. Peq­quneqar­nermis­sul­lu, nutaarsias­samik nuan­nersumik oqaluus­sinermik­kut, naalap­put. Nutaarsias­samik nuan­nersumik tusar­tut maleruaasul­lu tamarmik inun­nut al­lanut oqaluus­sisariaqar­neran­nut takorruugaq up­per­narsaataavoq.

14.  “Kristusip inatsisaa” qanoq maleruar­tar­par­put?

¹⁴ ‘Kristusip inatsisaanik’ maleruaasut tamar­mik oqaluus­sisariaqar­put. (Gal 6:2) Pal­lorfigin­nitsimi tamarmik inatsisinik as­sigiin­nik maleruaanis­saat Jehovap piumasaraa. Itsaq Israelik­kut takor­nar­tal­lu Israelik­kut nunaan­ni najugal­lit inatsisiminik maleruaanis­saat piumasaraa. (2 Mos 12:49; 3 Mos 24:22) Soorunami ul­lumik­kut inatsisit Israelik­kun­nut tun­niun­neqar­tut tamaasa maleruar­tariaqan­ngilavut. Kisian­ni tanitaagut­ta  tanitaan­ngik­kaluarut­taluun­niit “Kristusip inatsisaa” maleruar­tariaqar­par­put. Asan­nin­neq Jiisusip ilin­niar­titsis­sutigisaasa pingaar­ner­paar­taasa ilagaat. (Joh 13:35; Jaak 2:8) Jehova, Jiisusi inoqativul­lu asasariaqar­pavut. Aam­ma inuit Guutip naalagaaf­fia pil­lugu nutaarsias­samik nuan­nersumik oqalut­tuun­nerisigut asan­nin­ner­put pitsaaner­paamik ersersis­sin­naavar­put. — Joh 15:10; ApS 1:8.

15. Sooq oqarsin­naavugut Jiisusip oqaluus­seq­qusinera ajoqersugaanut tamanut atuut­toq?

¹⁵ Jiisusip ajoqer­suk­kaminut ikit­tuin­nar­nut oqaasii ilaan­nik­kut ajoqer­suk­kanut amer­lanerusunut in­ner­suus­sutaasar­put. As­sersuutigalugu Jiisusip apustilini aq­qaniliin­naat angerfigeqatigalugil­lu Naalagaaf­fim­mini naalak­kersuiumaar­neran­nik neriorsor­pai. 144.000-l­li naalak­kersueqatigis­savaat. (Luk 22:29, 30; Saqq 5:10; 7:4-8) Jiisusil­lu makititaanerata kingor­na apustiliisa ikit­tuin­naat oqaluus­seq­qusinera tusar­paat. (ApS 10:40-42; 1 Kor 15:6) Apustilil­li kristumiut siul­liit nalaan­ni inuusut tamarmik peq­qus­sum­mut tamatumun­nga naalap­put. (ApS 8:4; 1 Petr 1:8) Ul­lumik­kut uagut­taaq Jiisusip oqaluus­seq­qusinera nam­mineq tusar­nikuun­ngik­kaluarlutigu oqaluus­sisariaqar­ner­put nalun­ngilar­put. Maan­nak­kut 8 mil­lionit oqaluus­sisar­tuup­put. Taamaalior­nik­kut Jiisusimik up­perin­nil­luin­nar­ner­put ersersit­tarlutigu nalun­ngilar­put. — Jaak 2:18.

16-18. Qanoq Kristusip qatan­ngutai ilumoorfigalugit ikiorsin­naavavut, qanorlu taamaalior­tariaqar­pugut?

¹⁶ Saatanip “pif­fis­sakis­sutsi nalun­ngin­namiuk” Kristusip qatan­ngutai suli nunarsuarmiit­tut sak­kor­tusiar­tor­tumik akerlilersor­pai. (Saqq 12:9, 12, 17) Tanital­li Saatanimit saas­sun­neqar­taraluarlutik oqaluus­sinermik siulersuiuar­put, sulilu inuit amerlanerusut nutaarsias­samik nuan­nersumik tusar­tar­put. Tanitat Jiisusimit najor­neqar­nerat siulersor­neqar­neral­lu ersaril­luin­nar­poq. — Mat­t 28:20.

¹⁷ Oqaluus­sinik­kut Kristusip qatan­ngutaanik ikiuiner­put ataq­qinaatitut isigaar­put. Aningaasanil­lu tunis­suteqar­tar­nitsigut aam­ma naalagaaf­filersaarfin­nik, ataatsimeersuar­tarfin­nik im­mik­koor­tor­taqarfin­nil­lu sanaar­tor­nermi tamaviaarluta suleqataasar­nitsigut ikior­tar­pavut. Ilumoorfigin­nil­luta utoq­qaaner­tanut qatan­ngutinul­lu angutinut ‘inus­siamit aalajaal­lunilu silatuumit’ toq­qar­neqarsimasunut naalak­kaangat­ta Kristusip qatan­ngutaanik ikiuerusun­ner­put ersersit­tar­par­put. — Matt 24:45-47, NW; Hebr 13:17.

¹⁸ Qanit­tuk­kut tanitat kingulerut­tut inaarutaasumik naqis­suser­neqas­sap­put. Tamatuma kingor­na in­ngilit ‘nunarsuup anorai sisamat’ iperar­patigit an­nikil­lior­nar­tus­sarsuaq aal­lar­tis­saaq. (Saqq 7:1-3) Harmagedonip aal­lar­tin­ngin­nerani Jiisusip tanitat qilaliar­tis­savai. (Matt 13:41-43) Taamaat­tumik Jiisusi tikiup­pat savatut naatsorsuun­neqarusuk­kut­ta maan­na Kristusip qatan­ngutaanut tanitanut ilumoorfigin­nin­nis­samut pif­fis­san­ngor­poq.