1-3. Sooq Paulusip Jehovamit ikior­neqar­nis­sani qularin­ngil­luin­nar­paa? (Al­laaserisap aal­laq­qaataani as­siliaq takuuk).

KRISTUMIUT siul­liit nalaan­ni Romami kristumiuusuuguit navianar­torsior­tas­sagaluar­putit. Kristumiut Romamiunit peq­qar­niitsumik malersor­neqar­put. Romami ikual­latsitsisimasutut in­nut­taasunil­lu uumis­suisutut Romamiunit un­nerluutigineqar­put. Kristumiut angutit ar­nal­lu amerlasuut par­naarun­neqar­put. Ilaat uumasunit qaasut­tunit uiar­tor­neqar­put. Al­lat qisun­nut nap­pak­kanut kikiat­tor­neqar­put un­nuk­kul­lu suli uumatil­lugit qaam­maq­qutitut ikual­lan­neqarlutik. Taamanik­kut inuusimasuuguit ul­lut tamaasa taamatut pineqarsin­naanerit an­nilaangatigis­sagaluar­pat.

² Pif­fis­sami tamatumani erloqinar­torsiorfiusumi apustili Paulusi par­naarun­neqar­poq. Siusin­nerusuk­kut ikior­neqan­ngin­nami qatan­ngutinit kristumiunit ikior­neqas­sanerluni eq­qarsaatigisimas­savaa. Jehoval­li Naalagaq Jiisusi aq­qutigalugu Paulusi ikior­paa. Paulusi ima al­lap­poq: ‘Naalak­kap ikior­paanga pis­satsil­lungalu.’ Paulusi pisariaqar­titaminik Jiisusimit nakus­satsin­neqar­poq. Paulusi al­laat  al­lap­poq ‘løvit qar­nanit an­naan­neqarluni’. — 2 Tim 4:16, 17. *

³ Paulusip siusin­nerusuk­kut Jehovamit ikior­neqar­tar­nini eq­qaamavaa. Taamaat­tumik maan­na misilin­neqar­nermini siunis­samilu qanoq it­tuniluun­niit misilin­neqar­nis­samini piner­tusaar­nis­saminut pisariaqar­titaminik Jehovamit nakus­satsin­neqar­nis­sani up­peril­luin­nar­paa. Taman­na qularin­ngil­luin­naramiuk ima al­lap­poq: “Naalak­kap ajor­tunit tamanit aniguisis­savaanga.” (2 Tim 4:18) Pisuni as­sigiin­ngitsuni qatan­ngutinit ikior­neqarsin­naan­ngik­kaluarluni Jehovamit Jiisusimil­lu tamatigut ikior­neqarsin­naanini Paulusip paasisimavaa. Qular­nan­ngitsumik taman­na eq­qarsaatigisimas­savaa.

4, 5. (a) Kiap pisariaqar­titan­nik ikior­tuarsin­naavaatit? (b) Qanoq Jehova ikin­ngutigil­lualersin­naaviuk?

⁴ Qaangeruminaatsumik ajor­nar­torsiuteqar­til­lutit kisimiit­tutut ikior­tis­saqan­ngitsutul­lu misiginikuuit? Im­maqa soraarsitaavutit atuarfim­miluun­niit tatineqarlutit. Im­maqa perulup­putit al­latul­luun­niit ar­torsaatigisan­nik misilin­neqarlutit. Al­lanut ikioq­qugavit pakatsivutit pisariaqar­titan­nik ikior­neqan­ngin­navit. Soorunami ajor­nar­torsiutit ilaat inun­nit aaq­qin­neqarsin­naan­ngil­lat. Taavami qanoq ilius­savit? Biibilimi ‘Jehovamik tatigin­nin­nis­samut’ kajumis­saar­neqar­pugut. (Uss 3:5, 6) Taas­sumali ikiorumaaraatit qularin­ngis­sin­naaviuk? Aap. Biibilimi oqalut­tuat Jehovap in­nut­taminik ikiuisar­neranik ersersitsisut ikin­ngitsut atuarsin­naavavut.

⁵ Al­lat pisariaqar­titan­nik ikiun­ngik­kaangatsit narrujuum­misas­san­ngilatit. Paulusil­li pisimaneratut misilin­neqar­nitit Jehovamik tatigin­nil­luin­nar­nin­nik ersersitsinis­san­nut periarfis­satut isigisak­kit. Taman­na aam­ma taas­suma ilin­nik isumas­suisar­nerata up­per­narsinis­saanut periarfis­saavoq. Taamaalioruit Jehova tatiginerulis­sal­lugulu ikin­ngutigil­luar­nerulis­savat.

6. Sooq qaangeruminaatsumik ajor­nar­torsiuteqaraangat­ta Jehovap tatiginis­saa ilaan­nik­kut saper­nar­tit­tar­par­put?

⁶ Narrujuum­mis­sutigisan­nik ajor­nar­torsiuteqarsin­naavutit. Pisumut tun­ngatil­lugu sapin­ngisan­nik iliuuseqarlutil­lu Jehova qin­nuigisimavat ikioq­qul­lutit. Qularutigin­ngin­nak­ku taas­suma ikiorumaaraatit toq­qis­sisimasin­naavit? Aap, toq­qis­sisimasin­naavutit! (Tussiaat 62:9; 1 Petrusi 5:7 atuakkit). Jehova ikin­ngutigil­luarumal­lugu taas­suma tatiginis­saata ilin­niar­nis­saa pingaaruteqar­poq. Taman­nali ajor­naatsuujuaan­nan­ngilaq. Sooq? Pis­sutaasut ilagaat Jehovap ilaan­nik­kut qin­nutin­nik ingerlaan­naq akisisan­ngin­nera. — Tuss 13:2, 3; 74:10; 89:47; 90:13; Hab 1:2.

7. Sooq Jehovap ilaan­nik­kut qin­nutivut ingerlaan­naq akineq ajor­pai?

⁷ Sooq Jehovap ilaan­nik­kut qin­nutivut  ingerlaan­naq akineq ajor­pai? Biibilimi al­las­simavoq Jehova ataatarigip­put uagul­lu qitor­narigaatigut. (Tuss 103:13) Kial­luun­niit ataataasup qitor­nami kis­saataanik sumil­luun­niit ingerlaan­naq tunineq ajor­paa. Aam­ma nalun­ngilaa qitor­nami kis­saateqaleriataaraluarluni piumasani piumajun­naariataarsin­naagaa. Ataataasup aam­ma qitor­naminut suna pitsaaner­paanersoq nalun­ngilaa, aam­ma tamatuma al­lanut qanoq sun­niuteqarsin­naanera nalun­ngilaa. Qitor­nami pisariaqar­titai qaqugulu pisariaqar­titaanik tunineqas­sanersoq ilisimavaa. Ataataasoq qitor­nami piumasaanik ingerlaan­naq tunisisar­pat qitor­naminut kif­fan­ngus­saaq. Jehovap, Ataatat­ta qilam­miusup, asavaatigut. Uagutsin­nik Pin­ngor­titsisutut ilisimas­suseqar­tutut nalun­ngilaa sunik pisariaqar­titaqar­tugut qaquguk­kul­lu piumasatsin­nik tunineqar­nis­sar­put pitsaanerunersoq. Jehovap qin­nutitsin­nik akisinis­saata utaq­qinis­saa uagutsin­nut pitsaasuuvoq. — Esaja 29:16; 45:9 naleq­qiutik­kit.

8. Misilin­neqar­nermut tun­ngatil­lugu Jehovap qanoq neriorsor­paatigut?

⁸ Aam­ma eq­qaamas­savat Jehovap inuit ataasiak­kaat suut naam­magalugit atorsin­naaneraat atorsin­naan­ngin­neraal­lu ilisimam­magu. (Tuss 103:14) Taamaat­tumik pisariaqar­titatsin­nik nakus­satsit­tar­paatigut. Ilaan­nik­kut sapilersutut misigisar­ner­put ilumoor­poq. Jehoval­li neriorsor­paatigut misilin­neqar­ner­put ar­tor­nar­pal­laalersorigutsigu ‘aniguif­fis­samik pilersitsiumaarluni’. (1 Korinthimiut 10:13 atuaruk). Jehovap qanoq piner­tusaar­tigisin­naaner­put ilisimagaa nalunagu tup­pal­ler­nar­poq.

9. Ikioq­qul­luta Jehova qin­nuigigaluarlugu ingerlaan­naq akineqan­ngik­kut­ta susariaqar­pugut?

⁹ Ikioq­qul­luta Jehova qin­nuigigaluarlugu ingerlaan­naq akineqan­ngik­kut­ta erinitsajuitsuusariaqar­pugut. Eq­qaamajuk Jehovap ikiorusungaarmatigut, pisariaqar­titatsin­nil­li tuniniarluta pif­fis­saq eq­qor­toq erinitsajuil­luni utaq­qisar­paa. Biibilimi ima al­las­simavoq: “[Naalak­kap] qilanaaraa ilis­sin­nik saam­maas­sinis­sani, nikuik­kumaar­poq nal­lit­torumal­lusi. Naalagarmi Guutiuvoq naaper­tuil­luar­toq. Pil­luar­put tamarmik taas­sumun­nga erinisut­tut!” — Es 30:18.

10-12. (a) Suut pis­sutigalugit ilaqut­tamik nap­parsimasumik isumas­suinis­saq ajor­nar­neruler­tar­pa? (b) Ul­luni erloqinar­torsiorfiusuni Jehovamik tatigin­nin­nerit ikin­ngutigiin­nis­sin­nut qanoq sun­niuteqar­tar­pa? As­sersuuteqarit.

¹⁰ Atuk­kavit erloqinangaar­nerat pis­sutigalugu Paulusitut ‘løvit qar­nanit an­naan­neqar­tariaqar­tutut’ misigisin­naavutit. (2 Tim 4:17) Taamatut misigiguit Jehovamik tatigin­nin­nis­sat pingaaruteqarluin­nar­poq. As­sersuutigalugu im­maqa ilaqut­tan­nik nap­parsimasumik isumas­suivutit. Silatusaar­tumik aalajangiisar­nis­san­nut nukit­tunis­san­nul­lu ikioq­qul­lutit Jehovamut qinusar­putit. * Jehovap  atuk­kan­nik malin­naavigin­nin­nera paasin­nin­neralu eq­qaagaangak­kit eq­qis­sisutut misigilersin­naavutit. Piner­tusaar­nis­san­nut aalajaan­nis­san­nul­lu ikiorsin­naavaatit. — Tuss 32:8.

¹¹ Imaas­sin­naavoq Jehovamit ikior­neqan­ngitsutut misigisutit. Im­maqa nakorsat iliuuserineqar­tariaqar­tunut tun­ngatil­lugu isumaqataan­ngil­lat. Im­maqaluun­niit ilaqut­tavit tup­pal­lersaanis­saat neriuutigigaluarlugu taak­ku pis­sutsinik ajor­nerulersitser­pasiin­nar­put. Jehovamit an­ner­toq­qusersor­neqar­nis­sat qularutigin­ngisaan­naruk. Taas­sumun­ngalu qanil­liar­tor­tuarit. (1 Samueli 30:3, 6 atuakkit). Kingusin­nerusuk­kut Jehovap qanoq ikiorsimaneraatit misigereeruk­ku taan­na ikin­ngutigil­luar­nerulis­savat.

¹² Linda taamatut misigivoq. * Angajoq­qaani nap­parsimasut sivisuumik isumas­soreerlugit toquk­kut an­naavai. Ima oqalut­tuar­poq: “Taamani uigalu qatan­ngutigalu qanoq ilior­tariaqar­nitsin­nut tun­ngatil­lugu nalor­nisoor­taqaagut. Ilaan­nik­kut ikior­tis­saqan­ngitsutut misigisar­pugut. Pereersul­li eq­qarsaatigileraangatsigit Jehovap qanoq an­ner­toq­qusersorsimagaatigut paasil­luar­neruler­tar­par­put. Al­laat periarfis­saarut­tutut misigileraangat­ta nukis­samik pisariaqar­titatsin­nil­lu tunisar­paatigut.”

13. Rhondap arlalin­nik alianar­tunik misigisaqaraluarluni Jehovamik tatigin­nin­nini piner­tusaar­nis­saminut qanoq iluaqutigaa?

¹³ Jehovamik tatigin­nil­luin­nar­ner­put al­laat alianar­tunik nalaataqaraluarut­ta iluaqutigis­savar­put. As­sersuutigalugu Rhonda uiminit, Jehovamik Nalunaajaasuun­ngitsumit, qiman­neqar­poq. Tamatuma nalaani aq­qaluaata perulun­nar­tumik, lupusimik taaneqar­tar­tumik, nap­paateqalersimanini paasivaa. Taava qaam­matialuit tamatuma kingor­na qatan­ngutaata nulia toquvoq. Nalaatani alianar­tut taak­ku qaangeriar­tuleriaramigit Rhonda pionerin­ngor­poq. Ar­naali toqoriataar­poq. Rhondap alianar­tut taak­ku qanoq naam­magalugit ator­pai? Ima oqalut­tuar­poq: “Ul­lut tamaasa, al­laat an­nikik­kaluar­tunut tun­ngatil­lugu, Jehova oqaloqatigisar­para. Taamaalior­tarama Jehova uan­nut piviusuuneruler­poq. Taman­na pis­sutigalugu inuit al­lat tatiginagit im­minul­lu tatiginanga taas­sumin­nga tatigin­nin­nis­saq ilik­kar­para. Aam­ma taas­suma ikior­paanga — pisariaqar­titak­ka tamarmik matus­suser­neqar­put. Taamaat­tumik misigivunga Jehovamit qanimut suleqatigineqarlunga.”

14. Ilaqut­tavit ilaat ilaajun­naarsitaap­pat Jehovap qanoq ikiorsin­naavaatit?

¹⁴ Pisoq al­la eq­qarsaatigiuk. Im­maqa ilaqut­tavit ilaat ilaajun­naarsitaavoq. Ilaajun­naarsitaasut qanoq periaaseqarfiginis­saat pil­lugu Biibilimi al­las­simasut ilisimavatit. (1 Kor 5:11; 2 Joh 10) Ilaajun­naarsitaasumil­li asan­nin­nerit pis­sutigalugu misigisin­naavutit peq­qus­sut Biibilimeersoq maleruaruminaatsil­lugu imaluun­niit maleruarsin­naanagu. Qularutigin­ngiliuk Ataatavit qilam­miusup im­minut  aalajaaq­qul­lutit nakus­satsis­sagaatit? Pisoq taman­na Jehovamut qanin­neruler­nis­samut periarfis­satut isigis­saviuk?

15. Adami qanoq Jehovamut naalan­ngitsulior­pa?

¹⁵ Taman­na angum­mut siul­lermut, Adamimut, qanoq as­singus­suteqar­pa? Isumaqar­pa Jehovamut naalan­ngik­kaluaruni inuugin­nas­sal­luni? Naamik, Adamimi ‘sal­loqit­tagaan­ngilaq’. (1 Tim 2:14, 1936) Kisian­ni sooq Jehovamut naalan­ngitsulior­pa? Adamip nuliani Jehovamit asanerugamiuk paar­naq nuliami tun­nius­saa nerivaa. Jehovap peq­qus­sutaanik maleruaanani nuliani naalap­paa. — 1 Mos 3:6, 17.

16. Kina asaner­paasariaqar­par­put, aam­ma sooq?

¹⁶ Adamip aalajangigaanit paasivar­put Jehova kik­kun­nit tamanit asanerusariaqarlutigu. (Matthæusi 22:37, 38 atuakkit). Jehova asaner­paagutsigu ilaqut­tavut, Jehovamut kif­far­tor­tuup­pata kif­far­tor­tuun­ngip­pataluun­niit, pitsaaner­paamik ikiorsin­naas­savavut. Taamaat­tumik Jehovamik asan­nin­nerit tatigin­nin­neril­lu nakus­satsit­tak­kit. Ilaqut­tat ilaajun­naarsitaasimasoq pil­lugu er­numas­suteqaruit Jehovamut qinunik­kut misigis­sutsitit tamaasa oqalut­tuarik­kit. * (Rom 12:12; Fil 4:6, 7) Aliasungaaraluarlutit pisoq Jehovap ikin­ngutigil­lualer­nis­saanut periarfis­satut isigiuk. Taamaalioruit taas­sumin­nga tatigin­nis­sin­naas­sal­lutil­lu nalus­san­ngilat  Jehovamut naalak­kavit pitsaaner­paamik angusaqas­sal­lutit.

17. Oqaluus­sinermi ulap­puteqar­tuarut­ta Jehovap sunis­saa qularin­ngil­luin­narsin­naavar­put?

¹⁷ Sooq Jehovap Paulusi ‘løvit qar­nanit an­naap­paa’? Paulusi ima al­lap­poq: ‘Nalunaajaanera naam­mas­sinias­sagak­ku.’ (2 Tim 4:17) Jehovap “iivangkiiliumik” oqaluus­seq­quaatigut ‘suleqatimisul­lu’ taal­luta. (1 Th 2:4; 1 Kor 3:9) Oqaluus­sinermi ulap­puteqar­tuarut­ta Jehovap pisariaqar­titatsin­nik tamanik tuniumaaraatigut qularin­ngil­luin­narsin­naavar­put. (Matt 6:33) Jehoval­lu qin­nutitsin­nik akisinis­saata utaq­qinis­saa ajor­nan­ngin­nerutilis­savar­put.

18. Qanoq Jehova tatiginerulersin­naal­lugulu ikin­ngutigil­luar­nerulersin­naaviuk?

¹⁸ Taamaat­tumik ul­lut tamaasa Jehova ikin­ngutigil­luar­neruler­niar­taruk. Misilin­neqar­nerit pis­sutigalugu an­nilaangaleruit pisoq Jehovamut qanil­linis­samut ator­taruk. Guutip oqaasia, Biibili, atuar­tarlugulu atuaq­qis­saar­tarlugulu eq­qarsaatigeq­qis­saar­taruk. Jehovamut qinujuarlutil­lu kif­far­tor­nin­ni ulap­puteqar­tuarit. Taamaalior­taruit maan­nangaaq siunis­samilu Jehovap misilin­neqar­nin­ni piner­tusaar­nis­san­nut ikius­sagaatit qularin­ngis­sin­naavat.