OLIVENEQUT narlorippallaanngitsoq orpinnut Libanonip cederiinut kusanartunut sanilliullugu kusanarpasippallaanngilaq. Olivenequlli silap qanoq innera apeqqutaatinnagu tupinnaannartumik naggorissinnaasarpoq. Ilaat ukiut 1000-it missiliorlugit pisoqaassuseqarput. Olivenequt kipineqarsimagaluartoq sorlaqarluarpat allaat kanaartaa naajartoqqilersinnaavoq. Sorlai toquliorsimanngippata naajartoqqilersinnaavoq.

Jobip aalajaatsup toqugaluaruni inuuleqqissinnaalluni qularinngilluinnarpaa. (Job 14:13-15, NW) Guutimit makitinneqarsinnaanerminik qularutiginninnginnini ersersinniarlugu orpik, immaqa olivenequt, assersuutitut eqqaavaa. Jobi ima allappoq: “Orpik neriuutissaqartarpoq; kipineqaraluaruni naaqqilersinnaavoq.” Panernersuaqarnerata kingorna olivenequtip manngua naaqqilersinnaavoq “avalequtitaartorlunilu”. — Job 14:7-9.

Soorlu naasorissaasup olivenequtip kipineqarsimasup naaqqilernissaa qilanaarersuataartaraa taamatuttaaq Jehovap Guutip kiffami inuppassuillu allat makitinnissaat qilanaarersuataarpaa. (Matt 22:31, 32; Joh 5:28, 29; ApS 24:15) Toqusimasut makitinneqartut tikilluaqqulerutsigit qanoq nuannertigissanersoq takorloorsinnaaviuk?