1. (a) Guutip in­nut­taasa ilin­niar­titsinermut tun­ngatil­lugu suna ilisimajuarsimavaat, taman­nalu ul­lumik­kut qanoq atuup­pa? (b) Al­laaserisami matumani suna sam­mis­savar­put?

GUUTIP in­nut­taasa ilin­niar­tin­neqar­nerup kinguneqarluar­tar­nera ilisimajuarsimavaat. As­sersuutigalugu Abramip Loti aniguisin­niarlugu angutit “sungiusarsimasut” (NW) katersor­tip­pai. (1 Mos 14:14-16) Kun­ngip Daavip nalaani tus­siar­tar­tut Jehovamik un­nersiutigin­nin­nis­samut ‘sungiusarneqarsimapput’. (1 Nal 25:7) Ul­lumik­kut Saatani silarsuaalu akior­tariaqar­pavut. (Ef 6:11-13) Aam­ma Jehovap aq­qata al­lanut oqaluus­sis­sutigisar­neratigut taas­sumin­nga un­nersiutigin­nit­tar­pugut. (Hebr 13:15, 16) Itsaq Guutip kif­faasa pisimanerat­tut iluatsil­luarumal­luta sungiusartariaqarpugut, imaluun­niit ilinniartinneqartariaqarpugut. Jehovap ilagiin­ni utoq­qaaner­tat al­lanik ilin­niar­titsinis­samik akisus­saaf­filer­pai. (2 Tim 2:2) Qatan­ngutit angutit Jehovap in­nut­taanik isumas­suinermik ilin­niar­tin­niarlugit utoq­qaaner­tat ilin­niar­titseriaatsit suut ator­tarsimavaat?

2. Ilin­niar­tin­neqar­toq pis­suserineqar­tus­sanik ilin­niar­tin­ngin­nerani utoq­qaaner­taq soq­qaar­tariaqarsin­naava, aam­ma sooq?

² Utoq­qaaner­taq naatsiivilerisumut as­sersuun­neqarsin­naavoq. Naasut ineril­luar­nias­sam­mata naatsiivilerisup naasus­sanik siaruar­terin­ngin­nermini is­soq naggoris­saq­qaar­tariaqarsin­naavaa. Taamatut­taaq ilin­niar­tin­neqar­toq pis­suserineqar­tus­sanik ilin­niar­tin­ngin­nerani piareersar­niarlugu utoq­qaaner­tap najoq­qutas­siat Biibilimeersut atorsin­naavai. — 1 Tim 4:6.

3. (a) Markusip al­lagaani Jiisusip oqaasii ilin­niar­tin­neqar­tumik oqaloqateqar­nermi qanoq ator­neqarsin­naap­pat? (b) Utoq­qaaner­tap qin­nutaa ilin­niar­tin­neqar­tumut qanoq sun­niuteqarsin­naava?

³ Sal­lusuis­sut ilin­niar­tin­neqar­tup isumaanut misigis­susaanul­lu qanoq sun­niuteqar­tar­nersoq paasinias­sal­lugu pingaaruteqar­poq. Taamaaliorumal­lutit ilin­niar­tin­neqar­toq aperisin­naavat Jehovamut tun­niul­luin­narsimanini inuunermini aalajangiisar­nerminut qanoq sun­niuteqar­tit­tar­neraa. Taamatut aperineratigut qanoq uum­matik­kut iluun­ngarluta Jehovamut kif­far­torsin­naanersugut oqaloqatigiis­sutigilersin­naavarsi. (Markusi 12:29, 30 atuakkit). Aam­ma al­laat qatan­ngut angut qinoqatigiumasin­naavat Jehovalu qin­nuigalugu taas­suma ilin­niar­tin­neqar­nermini anersaamik il­ler­nar­tumik pisariaqar­titaanik tuneq­qul­lugu. Qatan­ngutip angutip taamatut qin­nun­neqar­nini iliuuseqar­nis­samut kajumis­sis­sutigisin­naavaa.

4. (a) Ilin­niar­titsinermi Biibilimi oqalut­tuat suut ator­neqarsin­naap­pat? (b) Utoq­qaaner­tat al­lanik ilin­niar­titsinermin­ni suna anguniagarisariaqar­paat?

⁴ Ilin­niar­titsileruit pitsaas­saaq Biibilimi oqalut­tuanik ilin­niar­tin­neqar­tup ikiuuk­kumatunis­saanut, tutsuiginar­tuunis­saanut maniguun­nis­saanul­lu iluaqutaasus­sanik eq­qar­tueqatigiit­tarus­si. (1 Kng 19:19-21; Neh 7:2; 13:13; ApS 18:24-26) Pis­suserineqar­tus­sat taak­ku naggoris­saatit is­sumut pingaaruteqar­nerat­tut ilin­niar­tin­neqar­tumut pingaaruteqas­sap­put. Taak­kua anersaak­kut ineriar­torasuar­nis­samin­nut iluaqutigis­savai. Jean-Claude, utoq­qaaner­taq Frankrigimeersoq, oqalut­tuar­poq ilin­niar­titami najoq­qutas­siat Biibilimeersut tun­ngavigalugit silatusaar­tumik aalajangiisaler­nis­saanut ikior­nis­saa anguniagarisarlugu. Ima oqalut­tuar­poq: “Ilin­niar­tin­neqar­tup Guutip oqaasiani ‘tupin­nar­tut takunias­sam­magit’ al­las­simaf­fim­mik atuaanis­samut periarfis­sarsior­tar­punga.” (Tuss 119:18) Ilin­niar­tin­neqar­tumik nakus­satsitseriaatsit al­lat suup­pat?

5. (a) Anersaak­kut anguniak­kat pil­lugit ilin­niar­tin­neqar­tup oqaloqatiginis­saa qanoq pingaaruteqar­tigaa? (b) Sooq utoq­qaaner­tat inuusut­tunik ilin­niar­titsisariaqar­pat? (Qup­per­nerup ataatungaani ilan­ngus­saq takuuk).

⁵ Ilin­niar­tin­neqar­toq Jehovamut kif­far­tor­nermi sunik anguniagaqar­nersoq aperiuk. Anguniagaqan­ngip­pat anguniagaqar­nis­saanut kaam­mat­toruk. Il­lit anguniagarisimasat angugak­ku qanoq nalerisimaar­tigisimanerlutit oqalut­tuariuk. Taamaalior­neq an­nikitsuugaluar­toq sun­niuteqarluarsin­naavoq. Victor, Afrikami utoq­qaaner­taq, ima oqalut­tuar­poq: “Inuusut­tuul­lunga anguniak­kak­ka pil­lugit utoq­qaaner­tap aperaanga. Taamatut aperinera kif­far­tor­nin­nik eq­qarsaatigin­neq­qis­saalis­sutigaara.” Utoq­qaaner­tat misilit­tagaqarluar­tut oqalut­tuar­put qatan­ngutit angutit suli inuusut­tut, im­maqa inuusut­tuaraaneran­ni, ilin­niar­tin­neqar­nis­saat pingaaruteqar­toq. Ukiuan­nut naaper­tuut­tumik ilagiin­ni sulias­sis­sin­naavatit. Qatan­ngutit angutit inuusun­nermin­ni ilin­niar­tin­neqar­ner­tik inersimaneruleraluarlutik al­lamul­lu saasar­neqaraluarlutik anguniak­kamin­nik pingaar­titsinis­samin­nut iluaqutigisin­naavaat. — Tussiaat 71:5, 17 atuakkit. *

6. Jiisusip ilin­niar­titsinermini periuseq pingaarutilik suna ator­paa?

 ⁶ Ilin­niar­tin­neqar­toq susariaqarneranik oqalut­tuutiin­nar­nagu aam­ma sooq taamaalior­tariaqar­neranik oqalut­tuun­neratigut kif­far­tuler­nis­saanut kajumis­suseqalersis­sin­naavat. Ajoqersuisorsuup, Jiisusip, apustilini oqaluus­seq­quai. Siul­ler­tul­li naalat­tariaqar­neran­nut pissutaasoq oqalut­tuaraa. Ima oqar­poq: “Qilam­mi nunamilu oqar­tus­saaneq tamarmi uan­nut tun­niun­neqar­poq. Taamaat­tumik aal­laritsi inuil­lu inuian­nit tamaneersut ... ajoqersugan­ngor­til­lugit.” (Matt 28:18, 19, NW) Jiisusip ilin­niar­titseriaasia qanoq ilaarsin­naaviuk?

7, 8. (a) Ul­lumik­kut utoq­qaaner­tat Jiisusip ilin­niar­titseriaasia qanoq ilaarsin­naavaat? (b) Ilin­niar­tin­neqar­tumik nersualaarisar­neq qanoq pingaaruteqar­tigaa? (c) Siun­nersuutit suut utoq­qaaner­tat al­lanik ilin­niar­titsinis­samin­nut iluaqutigisin­naavaat? (Takuuk ilan­ngus­saq “ Al­lanik ilin­niar­titseriaatsit”).

⁷ Ilin­niar­tin­neqar­tup sulias­sin­neqar­neranut pis­sutaasoq Biibilimit nas­suiar­taruk. Taamaalior­nik­kut malit­tarisas­sat pis­sutigiin­nar­nagit najoq­qutas­sial­li Biibilimeersut pis­sutigalugit iliuuseqar­tar­nis­saanik ilin­niar­tis­savat. As­sersuutigalugu qatan­ngut angut naalagaaf­filersaarfiup isaariaanik eq­qiluitsuutitsisin­naanersoq isuman­naatsuutitsisin­naanersorlu aperiguk­ku Titusimut al­lak­kat 2:10 atuarsin­naavat. Suliaata Guutip naalagaaf­fianik tusarlius­samut iluaqutaanera nas­suiaruk. Aam­ma suliap tamatuma utoq­qar­nut ilagiin­niit­tunut iluaqutaasar­nera ilin­niar­tin­neqar­tumut eq­qaasitsis­sutigiuk. Taamatut oqaloqatigiin­neq iluaqutigalugu malit­tarisas­sat piin­nar­nagit inun­nik eq­qarsaatigin­nin­nis­samik ilin­niar­tis­sin­naavat. Suliani qatan­ngutinit iluaqutigineqar­toq takuguniuk al­lanik sul­lis­sinini nalerisimaalis­sutigis­savaa.

⁸ Aam­ma ilin­niar­tin­neqar­tup siun­nersuutin­nik maleruaasar­nera pil­lugu nersualaar­taruk. Taamaalior­nis­saq qanoq pingaaruteqar­tigaa? Soorlu naasup naajar­tor­neranut imeq iluaqutaasar­toq taamatut­taaq ilin­niar­tin­neqar­tup ilin­nit nersualaar­neqar­nini Jehovamut kif­far­tor­nermini ineriar­tor­nis­saminut iluaqutigis­savaa. — Mat­thæusi 3:17 naleq­qiuguk.

9. (a) Sooq nunani pigis­saarfiusuni utoq­qaaner­tat al­lanik ilin­niar­titsinis­saat saper­narsin­naasar­pa? (b) Sooq qatan­ngutit angutit inuusut­tut ilaasa Guutimut kif­far­tor­neq pingaar­ner­paatin­ngilaat?

⁹ Nunani pigis­saarfiusuni qatan­ngutinik angutinik 20-t 30-l­lu sin­nerlugit ukiulin­nik ilagiin­ni iliuuseqar­nerunis­samut kajumis­saarinis­saq utoq­qaaner­tanut saper­narsin­naasar­poq. Nunani 20-t mis­saan­ni utoq­qaaner­tat misilit­tagaqarluar­tut qatan­ngutit angutit inuusut­tut ilaasa ilagiin­ni iliuuseqar­nerorusun­ngin­neran­nut pis­sutaasorisatik oqaatigaat. Amerlanerit oqar­put qatan­ngutit inuusuk­kal­laramik Jehovamut kif­far­tor­nermi anguniagaqar­nis­samut angajoq­qaamin­nit kajumis­saar­neqar­neq ajorsimasut. Al­laal­lu qatan­ngutit angutit inuusut­tut iliuuseqarusuttut angajoq­qaamin­nit qaf­fasin­nerusumik ilin­niagaqaler­nis­samut atorfigis­saaler­nis­samul­lu kajumis­saar­neqar­tar­tut. Taman­nalu pis­sutigalugu Guutimut kif­far­tor­neq sal­liutin­ngisaan­narsimavaat. — Mat­t 10:24.

10, 11. (a) Qatan­ngutip angutip eq­qarsar­taatsimik al­lan­nguinis­saanut utoq­qaaner­tap qanoq ikiorsin­naavaa? (b) Utoq­qaaner­tap qatan­ngut angut piumas­suseqalersin­niarlugu al­las­simaf­fiit suut atorsin­naavai, aam­ma sooq? (Qup­per­nerup ataatungaani ilan­ngus­saq takuuk).

¹⁰ Qatan­ngut angut ilagiin­ni iliuuseqar­nerunis­saminut piumas­suseqar­pasin­ngip­pat taas­suma eq­qarsar­taasianik al­lan­nguisitsinis­saq pisariusin­naal­lunilu sivisungaatsiarsin­naavoq, eq­qarsar­taasiali al­lan­ngor­tin­neqarsin­naavoq. Naasup kanaar­taata  nap­paaris­sumik naajar­tor­nis­saa naasoris­saasup isumagisar­paa. Taamatut­taaq qatan­ngutip angutip ilagiin­ni akisus­saaf­feqar­neruler­nis­samut tun­ngatil­lugu isigin­nit­taatsiminik al­lan­ngor­titsisariaqar­nerminik paasin­nin­nis­saanut ikiorsin­naavat. Qanorli taamaaliorsin­naavit?

¹¹ Qatan­ngut angut ikin­ngutigiler­niarlugu peqatigisaruk ilagiin­nilu pisariaqar­tin­neqar­neranik paasitit­tarlugu. Taava pif­fis­sap ingerlanerani Jehovamut tun­niul­luin­nar­nerminik eq­qarsaatigin­neq­qul­lugu al­las­simaf­fin­nik tun­ngavilersuil­lusi eq­qar­tueqatigiis­sin­naavusi. (Oqal 5:3; Es 6:8; Matt 6:24, 33; Luk 9:57-62; 1 Kor 15:58; 2 Kor 5:15; 13:5) Uum­mataa kil­lin­niar­taruk ima aperisar­neratigut: ‘Jehovamut tun­niul­luin­naravit qanoq neriorsuivit? Kuisik­kavit Jehova qanoq misigisimas­sasoraajuk?’ (Uss 27:11) ‘Saatani qanoq misigisimas­sasoraajuk?’ (1 Petr 5:8) Al­las­simaf­fiit taamaat­tut qatan­ngutip angutip uum­matik­kut kil­lin­neqaatigingaarsin­naavai. — Hebræerit 4:12 atuaruk. *

12, 13. (a) Elisap ilin­niar­tin­neqar­nermini isigin­nit­taaseq qanoq it­toq ersersip­paa? (b) Elisap aalajaan­nera pil­lugu Jehovap qanoq akis­sarsisip­paa?

¹² Qatan­ngutit angutit inuusut­tuususi, ilagiin­niit­tut ilis­sin­nit ikior­neqar­nis­sar­tik pisariaqar­tip­paat! Isigin­nit­taaseq qanoq it­toq Jehovamut kif­far­tor­nermi iluatsil­luar­nis­samut iluaqutigisin­naavisiuk? Taman­na akis­sutis­sarsiumal­lugu itsaq ilin­niar­tin­neqar­tup, Elisap, inuunerani pisut eq­qar­tus­savavut.

¹³ Ukiut 3000-t mis­siliorlugit matuma sior­na pruf­fiitip Eliap Elisa inuusut­toq ikior­tis­samisut qaaq­quaa. Elisa ingerlaan­naq akuersivoq pruf­fiitilu aalajaal­luni maniguul­lunilu sul­lil­lugu. (2 Kng 3:11) Eliap Elisa ukiut arfinil­lit mis­saan­ni ilin­niar­tip­paa. Taava Eliap Israelimi kif­far­tor­nini naam­mas­singajalermat ikior­tini oqarfigaa kif­far­torun­naarsin­naasoq. Elisal­li pingasoriarluni ima akivaa: “Qimas­san­ngilak­kit!” Ilin­niar­titsisuni sapin­ngisamik sivisuner­paamik najor­nis­saa aalajangiusimavaa. Elisalu ilumoorfigin­nit­tuarmat aalajaat­tuarmal­lu Eliap anorersuak­kut qilaliar­tin­neqar­neranik takun­nit­tuutin­neratigut Jehovap akis­sarsisip­paa. — 2 Kng 2:1-12.

14. (a) Ul­lumik­kut ilin­niar­tin­neqar­tut qanoq Elisamik ilaarsisin­naap­pat? (b) Sooq ilin­niar­tin­neqar­tup aalajaan­nis­saa pingaaruteqar­pa?

¹⁴ Ilin­niar­tin­neqar­tutut qanoq Elisamik ilaarsisin­naavit? Sulias­sin­neqaraangavit, aam­ma an­nikik­kaluar­tunik, akuersipal­lat­tarit. Eq­qaamajuk ilin­niar­titsisut ikin­ngutigigak­ku. Oqarfigisaruk il­lit pil­lutit iliuuserisai qujamasuutigalugit sulilu ilin­niarusun­nerit ersersit­tarlugu. Pingaar­ner­tut, sulias­sin­neqaraangavit aalajaat­tarit. Sooq? Aalajaatsuunin­nik tutsuiginar­tuunin­nil­lu ersersitsisar­nerit pis­sutigalugu utoq­qaaner­tat qularutigiun­naarsin­naavaat Jehovap ilagiin­ni akisus­saaf­feqar­neruler­nis­sat piumasarigaa. — Tuss 101:6; 2 Timotheusi 2:2 atuaruk.

15, 16. (a) Elisap ilin­niar­titsisuminik ataq­qin­nin­nini qanoq ersersip­paa? (Al­laaserisap aal­laq­qaataani as­siliaq takuuk). (b) Sooq pruf­fiitit al­lat Elisamik tatigin­nip­pat?

¹⁵ Elisa pil­lugu oqalut­tuamit aam­ma erser­poq ul­lumik­kut qatan­ngutit angutit utoq­qaaner­tanut misilit­tagaqarluar­tunut ataq­qin­nit­tariaqar­nerat. Elia Elisalu Jerikomi pruf­fiitit tikeraareerlugit kuus­suarmut Jordanimukar­put. Tas­sani “Eliap qal­lersaatini tigoriarlugu imuaa, taas­sumin­ngalu  kuup er­nga anaavaa anaasami nalaa paq­qersil­lugu; marluul­lutil­lu masatalaar­natik ikaar­put.” Ingerlatil­lutil­lu ‘oqaloqatigiin­nermin­ni’ Elisap ilin­niar­titsisumi oqaasii tusar­naaq­qis­saar­pai ilin­niarfigiuarlugulu. Elisa sunik tamanik ilisimasaqar­tutut misigin­ngisaan­nar­poq. Elialu anorersuak­kut qilaliar­tin­neqareermat Elisa kuus­suarmut Jordanimut uter­poq. Tas­sani imeq Eliap qal­lersaataanik anaavaa oqarlunilu: “Naak Naalagaq Eliap Guutia?” Kuuk avis­saariarluni paq­qeq­qip­poq. — 2 Kng 2:8-14.

¹⁶ Elisap siul­lermeerluni tupin­nar­tuliaata Eliap kingul­lermeerluni tupin­nar­tuliaanut as­singunera maluginiar­piuk? Taman­na qanoq ilin­niarfigisin­naavar­put? Elisa eq­qarsalin­ngilaq oqartussaassuseqalernini pis­sutigiin­narlugu Eliamit al­laanerusumik iliuuseqar­tariaqarluni. Paarlat­tuanik Eliap pisimaneratorluin­naq ilior­nermigut ilin­niar­titsisuminut ataq­qin­nin­nini ersersip­paa, taman­nalu pruf­fiitit al­lat Elisamik tatigin­nilis­sutigaat. (2 Kng 2:15) Elisa ukiuni 60-ini pruf­fiititut kif­far­tor­poq, Jehoval­lu Eliamit suli an­nerusumik amerlanerusunil­lu tupin­nar­tuliorsin­naatip­paa. Ul­lumik­kut ilin­niar­tin­neqar­tut taman­na qanoq ilin­niarfigisin­naavaat?

17. (a) Ul­lumik­kut ilin­niar­tin­neqar­tut Elisatut qanoq isigin­nit­taaseqarsin­naap­pat? (b) Jehovap pif­fis­sap ingerlanerani ilin­niar­tin­neqar­tut aalajaatsut qanoq atorsin­naavai?

¹⁷ Ilagiin­ni akisus­saaf­feqar­neruleruit misigis­san­ngilatit suut tamaasa al­laanerul­luin­nar­tumik ingerlan­neqar­tariaqar­tut. Eq­qaamas­savat ilagiin­ni pisariaqar­tin­neqar­tut imaluun­niit Jehovap peqatigiis­sor­taani malit­tarisas­sat taamaal­laat pis­sutigalugit al­lan­nguisoqar­tarmat. Piumasat naaper­torlugu al­lan­ngor­titsisas­san­ngilatit. Eliap pisimaneratorluin­naq iliuuseqar­nermigut Elisap pruf­fiitit al­lat im­minik tatigin­nin­nis­saan­nut ikiorlugil­lu ilin­niar­titsisuni ataq­qil­lugu ersersip­paa. Taamatut­taaq ilin­niar­titsisup­pit iliuuserisar­tagai Biibilimik tun­ngavil­lit ator­taruk­kit utoq­qaaner­tanik ataq­qin­nin­nerit ersersis­sal­lugulu qatan­ngutinit tatigineqar­nerulis­saatit. (1 Korinthimiut 4:17 atuaruk). Misilit­tagaqar­neruleruit al­lan­nguinerit ilagiin­niit­tut Jehovap peqatigiis­sor­taanik, siumukar­tuar­tumik, malin­nit­tuar­nis­samin­nut iluaqutigisaat maleruas­savatit. Jehoval­lu, soorlu Elisamik ikiuisimanermisut, pif­fis­sap ingerlanerani ilin­niar­titsisun­nit suli an­nerusumik iliuuseqar­nerunis­san­nut ikiorsin­naavaatit. — Joh 14:12.

18. Sooq qatan­ngutinik angutinik ilagiin­niit­tunik ilin­niar­titsinis­saq pingaaruteqar­pa?

¹⁸ Neriuutigaar­put al­laaserisami matumani siulianilu siun­nersuutit utoq­qaaner­tat amerlanerusut qatan­ngutinik angutinik ikiuinis­samut kajumis­sis­sutigis­sagaat. Aam­ma neriuutigaar­put qatan­ngutit angutit amerlanerusut ilin­niar­tin­neqar­nis­samin­nut Jehoval­lu in­nut­taanik isumas­suinis­samut ilik­karsimasamin­nik atuinis­samut kajumis­suseqas­sasut. Taman­na ilagiit nunarsuaq tamak­kerlugu anersaak­kut nakus­satsis­sutigis­sal­lugulu tamat­ta inut­tut ataasiak­kaatut siunis­sami pif­fis­sami pis­sanganar­tumi aalajaat­tuar­nis­satsin­nut iluaqutigis­savar­put.