1. In­ngili qanoq Saatanin­ngor­toq nas­suiaruk.

JEHOVAMUT at­taveqarluaraluar­poq. Kingusin­nerusuk­kul­li anersaap pin­ngor­titap, tas­sa in­ngilip, taas­suma inun­nit pal­lorfigineqar­nis­sani kis­saatigiler­paa. Pileris­susipiluk taman­na ingerlaan­naq itigar­tin­nagu eq­qarsaatigiuaramiuk naggataatigut ajor­tulior­poq. (Jaak 1:14, 15) Qanoq ateqavin­nersoq naluar­put, ul­lumik­kul­li Saatanimik taasar­par­put. Taas­suma ‘sal­lusuis­sut aalajangiutin­ngilaa’ (1936). Jehovamut pikitsitsivoq ‘sal­lumul­lu ataatan­ngorluni’. — Joh 8:44.

2, 3. Taaguutit “Saatani”, “Diaavulu”, “pulateriaarsuk” aam­ma “uumasorujus­suaq” Jehovap akeraanut an­ner­paamut tun­ngatil­lugu sunik ersersitsip­pat?

² Saatani pikitsitsigami Jehovamut inuian­nul­lu tamanut akeran­ngor­poq an­ner­paaq. Biibilimi Saatani pil­lugu al­las­simasut misis­sor­nerisigut taan­na qanoq ajor­tiginersoq paasisin­naavar­put. Taaguut Saatani ‘akerlilersuisumik’ isumaqar­poq, tamatuman­ngalu erser­poq taan­na in­ngiliusoq  ajor­toq Guutip naalak­kersuineranik iluarin­nin­nanilu taas­suma pis­saaneranik tamaviaarluni akerlilersuisoq. Saatanip kis­saatigil­luin­nar­paa Jehova naalak­kersuiun­naas­sasoq.

³ Saq­qum­mersitat 12:9-mi Saatani Diaavulumik, ‘mamarliisumik’ isumaqar­tumik, taaneqar­poq. Saatanip Guuti sal­lutuutut taaneratigut nikanarsar­paa. Oqaatsimit ‘pulateriaarsutoq­qamit’ eq­qaasin­neqar­pugut Saatanip pulateriaarsuk atorlugu Eva tam­mar­tik­kaa. Aam­ma oqaaseq “uumasorujus­suaq” Saatanimik al­laatigin­nin­nermut tul­luar­poq. Taan­na soq­qusaatsuul­lunilu naak­kit­taatsuul­lunilu ajor­tuuvoq. Jehovap siuner­taata maangaan­nar­tin­nis­saa Guutil­lu in­nut­taasa suujun­naarsin­nis­saat kis­saatigaa.

4. Al­laaserisami matumani suut sam­mis­savavut?

⁴ Saatanip uagutsin­nik as­suar­naak­kun­naarsitsiniar­nera ersarip­poq. Taman­na pis­sutigalugu Biibilimi ima mianersoq­quneqar­pugut: “Eqiingagitsi silatusaarlusilu! Akerar­tor­tersi Diaavulu løvitut uian­nisaar­tutut angalasar­poq iisas­sarsiorluni.” (1 Petr 5:8) Taamaat­tumik al­laaserisami matumani Saatanip pis­susii pingasut, Jehovamut taas­sumalu in­nut­taanut akeraasumut ajor­tumut im­minut il­lersor­tariaqar­nitsin­nik ersersitsisut, sam­mis­savavut.

5, 6. (a) Oqalut­tuat in­ngilit pis­saaneqangaar­neran­nik ersersitsisut oqalut­tuarik­kit. (b) Saatanip ‘toqup pis­saaneranik peqar­nera’ qanoq paasisariaqar­pa?

⁵ In­ngilit pis­saaneqangaar­put. (Tuss 103:20, 1900) Inun­nit ilisimas­suseqar­nerul­lutil­lu nukit­tunerup­put. Soorunami in­ngilit aalajaatsut pis­saaner­tik ajun­ngitsumik ator­tar­paat. As­sersuutigalugu Jehovap in­ngiliata ataatsip As­syriamiut sak­kutuui 185.000-t toqup­pai. Taman­na inum­mut ataatsimut ajor­nar­poq al­laal­lu sak­kutoor­pas­suar­nut ajor­nakusuus­sal­luni. (2 Kng 19:35) Pisumi al­lami in­ngilip pigin­naanini Jiisusip apustiliisa par­naarus­sivim­mit aniguisin­nis­saanut ator­paa. Sak­kutuut paarsisut in­ngili par­naarus­sivim­mi matumik am­maasoq apustilinil­lu anisitsisoq matumil­lu par­naarseq­qit­toq malugin­ngilaat! — ApS 5:18-23.

⁶ In­ngilit aalajaatsut pis­saaner­tik ajun­ngitsumik ator­taraat Saatanip pis­saanini ajor­tumik ator­tar­paa. Saatanil­lu pis­saaneqangaar­nera sun­niineq­qor­tuuneralu qular­nan­ngilaq. Taan­na Biibilimi ‘silarsuup matuma naalagaaneranik’ aam­ma ‘silarsuup matuma guutianik’ al­laatigineqar­poq. (Joh 12:31; 2 Kor 4:4) Saatani al­laat ‘toqup pis­saaneranik peqar­poq’. (Hebr 2:14) Imaan­ngilarli inuit tamaasa nam­mineerluni toqut­tarai. Al­las­simaf­fil­li qanoq paasisariaqar­pa? Siul­ler­tut, silarsuarmi matumani inuit Saatanitut uumis­suil­lutil­lu nakuuser­tuup­put. Aap­paat­tut, Saatanip sal­luliuutaanik Evap up­perin­nin­nera Adamil­lu Guutimut naalan­ngin­nera pis­sutigalugit inuit tamarmik ajor­tiliul­lutil­lu toqusar­put. (Rom 5:12) Jiisusip oqar­neratut Saatani “toqutsisuuvoq”. (Joh 8:44) Akeraavoq pis­saaneqangaar­toq.

7. Anersaapiluit pis­saaneqangaar­ner­tik qanoq ersersit­tar­paat?

⁷ Saatani akioraangatsigu aam­ma taas­sumin­nga tapersersuisut Guutil­lu naalak­kersuineranut pikitsitsisut akior­tar­pavut. Taak­kunun­nga ilaap­put in­ngiler­pas­suit pikitsitsisut anersaapilun­nik taaneqar­tar­tut. (Saqq 12:3, 4) Inuit naal­liutsit­tar­nerisigut taak­kunan­nga nukit­tunerungaar­ner­tik  arlaleriarlutik ersersit­tar­paat. (Matt 8:28-32; Mark 5:1-5) Anersaapiluit taak­kualu siulersor­taat pis­saaneqangaar­nerat puiun­ngisaan­naruk. (Matt 9:34) Jehovamit ikior­neqan­ngik­kut­ta Saatanimut akiuun­nermi ajugaasin­naan­ngilagut.

8. (a) Saatanip suna anguniagaraa? (Al­laaserisap aal­laq­qaataani as­seq takuuk). (b) Silarsuarmi inuit Saatanitut naak­kit­taan­neran­nik ersersitsisumik misilit­tak­kan­nik eq­qaasaqarit.

⁸ Apustilip Petrusip Saatani ‘løvimut uian­nisaar­tumut’ as­sersuup­paa. Qinerlerfis­siami nas­suiar­neqar­poq grækerit oqaasiat ‘uian­nisaar­nermik’ nutser­neqarsimasoq ‘uumasup perlerluni qatimaan­neranik’ isumaqar­toq. Taman­na Saatanip naak­kit­taas­susianik ajus­susianil­lu ersersitsil­luar­poq! Naam­magin­ngilaa nunarsuaq tamaat pis­saaneqarfigalugu. Løvitut perlilersutut Saatani pisarisas­sarsior­tuar­poq. (1 Joh 5:19) Tanitat suli nunarsuarmiit­tut, ‘savanit al­lanit’ tapersersor­neqar­tut, pingaar­ner­tut pisariniar­tar­pai. (Joh 10:16; Saqq 12:17) Jehovap in­nut­taasa suujun­naarsin­nis­saat Saatanip anguniagaraa. Ukiuni hundredini siul­ler­niit nalitsin­nut kristumiunik ilumoor­tunik malersuineq Saatanip qanoq naak­kit­taatsigineranik ersersitsivoq.

9, 10. (a) Saatanip itsaq Israelik­kut qanoq saas­sup­pai? (As­sersuuteqarit). (b) Sooq Saatani itsaq Israelik­kut saas­sun­nis­saan­nut pis­sutis­saqarluar­pa? (c) Ul­lumik­kut Jehovap kif­faasa ilaat ingasat­tumik ajor­tulioraangat Saatani qanoq misigisarsoraajuk?

⁹ Saatanip naak­kit­taatsuunini aam­ma al­latigut ersersit­tar­paa. Løvip perlilersup  pisani nal­ligineq ajor­paa. Pisaminik toqutsin­ngin­nermini misigin­neqataaneq ajor­poq toqutsereeraangamilu ilerasun­neq ajorluni. Taamatut­taaq Saatanip saas­sutani kik­kul­luun­niit misigin­neqatigineq ajor­pai. As­sersuutigalugu Israelik­kut ajor­tulior­nis­samut, soorlu kinguaas­siuutitigut inuunerlun­nermut piumatus­susermul­lu, nak­kaan­naraangata Saatani qanoq misigisarsoraajuk? Zimri kinguaas­siuutitigut inuunerlulersoq Gehazilu piumatulersoq takul­lugit Saatani ajugaasimaar­toq takorloorsin­naaviuk? — 4 Mos 25:6-8, 14, 15; 2 Kng 5:20-27.

¹⁰ Itsaq Israelik­kut saas­sun­nis­saan­nut Saatani pis­sutis­saqarluar­poq. Eq­qaamajuk Mis­siarsi inuian­nit taak­kunin­nga siuleqar­tus­saasoq, Saatanimik aseror­terisus­saasoq Jehoval­lu naalak­kersuisin­naatitaaneranik up­per­narsaasus­saasoq. (1 Mos 3:15) Saatanip Israelik­kut Guutimit iluarineqar­nis­saat kis­saatigin­ngin­namiuk sapin­ngisani tamaat ajor­tulior­tin­niarsarai. Daavi al­lasiormat Saatani nuan­naarsimas­sasoq takorloorsin­naavar­put. Ilimanan­ngil­luin­nar­poq Mosesi nunamut neriorsuutigisamut isersin­naajun­naarmat misigin­neqataasimas­sasoq. Guutip kif­fai ingasat­tumik ajor­tulioraangata Saatani nuan­naangaar­tar­poq. Al­laat Diaavulup Jehova mitaatiginiarlugu pisut tamak­ku ajugaasimaarutigisar­pai. — Uss 27:11.

11. Sooq Saatanip Sara malersugarigunar­paa?

¹¹ Mis­siarsip siuaasai Saatanip uumigil­luin­nar­pai. As­sersuutigalugu Jehovap Aaperaat ‘inuias­suan­ngor­tik­kumaarlugu’ oqarfigereermagu susoqar­nersoq eq­qarsaatigeriaruk. (1 Mos 12:1-3) Aaperaat Saralu Egyptenimiitil­lugit Faraop Sara ‘nuliariumallugu’ (1900) il­lus­saarsuarminukaatsip­paa. Jehoval­li Sara il­lersor­paa pisumil­lu erloqinar­tumit aniguisil­lugu. (1 Mos 12:14-20) Iisaaq suli inun­ngun­ngitsoq tamatumun­nga as­singusumik il­loqarfim­mi Gerarimi pisoqar­poq. (1 Mos 20:1-7) Pisunut taak­kunun­nga Saatani akisus­saasimasin­naava? Eq­qaamajuk Sara il­loqarfik Uri pigis­saarfiusoq qimal­lugu tupermi najugaqalersoq. Imaas­sin­naava Faraop Abimelekil­lu il­lus­saarsuinik kusanaqisunik Sara us­sersin­naal­lugu Saatanip neriuutigisimas­sagaa? Saatani eq­qarsar­pa Sarap kun­ngit taak­kua arlaat katin­neratigut uini al­laal­lu Jehova ilumoorfigiun­naas­sagai? Taman­na Biibilimi al­las­siman­ngilaq, ilimanar­porli Sarap Mis­siarsimut siuaasan­ngor­nis­saminut periarfis­sani an­naasuup­pagu Diaavulu nuan­naangaarsimas­sagaluar­toq. Ar­naq taan­na nuliaal­luar­toq avis­simasuup­pat, tusaamanerlun­neqalersimasuup­pat Jehovamul­lu ikin­ngutaajun­naarsimasuup­pat Saatani ilerasulersimas­san­ngik­kaluar­poq. Saatani naak­kit­taal­lunilu ajungaarami, ilaa?

12, 13. (a) Jiisusip inun­ngor­nerata kingor­na Saatanip naak­kit­taatsuunini qanoq ersersip­paa? (b) Ul­lumik­kut inuusut­tut Jehovamik asan­nit­tut taas­sumun­ngalu kif­far­torusut­tut Saatanip qanoq isigin­nit­taaseqarfigai?

¹² Aaperaap toqunerata kingor­na ukiut hundredil­lit qaangium­mata Jiisusi inun­ngor­poq. Saatanip naalungiaq taan­na inequgisimanavian­ngilaa. Saatanip nalun­ngilaa naalungiaq taan­na peroruni tas­saalerumaar­toq Mis­siarsi neriorsuutigisaq. Jiisusi tas­saavoq Aaperaap kinguaava pingaar­nerusoq kingusin­nerusuk­kul­lu ‘Diaavulup suliaanik suujun­naarsitsisus­saq’. (1 Joh 3:8) Saatani eq­qarsarsimas­sava meeq­qamik taas­sumin­nga toqutsineq naak­kit­taatsulior­nerus­sasoq?  Naamik. Suup eq­qor­tuunera suul­lu eq­qun­ngitsuunera soqutigin­ngilaa. Jiisusi meeraasoq toqun­niarlugu iliuuseqapal­lap­poq. Qanoq?

¹³ “Juutit kun­ngiat” inun­ngorsimasoq kun­ngip Herodesip ilisimasunit, imaluun­niit ul­loriarsiuunit, tusaramiuk kamangaaler­poq naalungiarlu taan­na toquk­kusulerlugu. (Matt 2:1-3, 13) Peq­qusivoq Betlehemimi tamatumalu eq­qaaniit­tut nukap­piaq­qat marluk tikil­lugit ukiul­lit tamarmik toqun­neqas­sasut. (Matthæusi 2:13-18 atuakkit). Jiisusi toqoraanermit tamatuman­nga aniguisin­neqar­poq, akerar­pul­li Saatani pil­lugu suna paasivar­put? Inuup inuunera Diaavulup naleqar­tin­ngilaa. Al­laat meeq­qat soqutigin­ngilai. Saatani ilumut tas­saavoq ‘løveq uian­nisaar­toq’. Qanoq naak­kit­taatsiginera puiun­ngisaan­naruk!

14, 15. Saatanip qanoq ‘up­pin­ngitsut eq­qarsaataat tap­piil­lisis­simavai’?

¹⁴ Saatanip inuit taamaal­laat sal­loqit­tar­nerisigut Guutitsin­nik asan­nit­tumik, Jehovamik, tunus­sitis­sin­naavai. (1 Joh 4:8) Saatanip inuit ‘anersaak­kut pisariaqar­titsinermin­nik eq­qumaf­figin­nik­kun­naar­nias­sam­mata’, tas­sa Guutimik ikin­nguteqar­nis­samik pisariaqar­titsinermin­nik ilisiman­nik­kun­naar­nias­sam­mata, tam­mar­tin­niar­tar­pai. (Matt 5:3, NW) Diaavulup ‘up­pin­ngitsut’ Jehova pil­lugu sal­lusuis­sut paasin­ngin­nias­sam­mas­suk ‘eq­qarsaataat tap­piil­lisit­tar­pai’. — 2 Kor 4:4.

¹⁵ Saatanip tam­mar­titseriaasiisa ilaat sun­niuteqarluar­ner­paaq tas­saavoq up­perisarsior­neq eq­qun­ngitsoq. Nalun­ngilaa Jehovap ‘ataq­qinas­sutsini kimul­luun­niit nersor­neqaatinilu guutilianut tun­niun­navian­ngik­kaa’. (Es 42:8) Taamaat­tumik Saatani inuit Jehova pal­lorfiginagu siuaasamin­nik, pin­ngor­titamik uumasunil­luun­niit pal­lorfigin­nilersut takul­lugit nuan­naar­tar­toq takorloorsin­naavar­put. Ajoraluar­tumik inup­pas­suit Guutimit iluarineqarlutik pal­lorfigin­nis­sorisut up­perisanit eq­qun­ngitsunit ileq­qulersuutinil­lu iluaqutaan­ngitsunit aqun­neqar­tar­put. Esajap nalaani Israelik­kut tamatumun­nga as­singusumik atugaqar­put. Jehovap ima aperai: “Sooq nerisas­saan­ngitsut akiler­tar­pisigit aningaasanik, qaarsil­laatis­saan­ngitsul­lu akis­sarsias­sin­nik? Tusar­naar­niarsinga, taava neril­luas­saasi piisaas­sal­lusilu nerisas­sanik kimit­tuunik.” — Es 55:2.

16, 17. (a) Sooq Jiisusip Petrusi ima oqarfigaa: “Tunun­nut nigorit, Saatani”? (b) Eq­qumaniarun­naarsik­kumal­luta Saatanip qanoq tam­mar­tin­niar­tar­paatigut?

¹⁶ Saatanip al­laat aal­lus­sil­luarlutik Jehovamut kif­far­tor­tut sal­loqit­tarsin­naavai. As­sersuutigalugu eq­qarsaatigiuk Jiisusip toqutaangajaler­nini pil­lugu ajoqersuk­kani oqarfigim­magit susoqar­nersoq. Apustili Petrusi, Jiisusimik asan­nit­toq, ima oqar­poq: “Naalagaq, im­minut ajun­ngisaarfiginiarit; taama pineqan­ngisaan­nas­saatit.” Jiisusip Petrusi ima akivaa: “Tunun­nut nigorit, Saatani!” (Mat­t  16:22, 23, NW) Sooq Jiisusip Petrusi ‘Saatanimik’ taavaa? Jiisusip susoqas­sanersoq nalun­ngin­namiuk. Jiisusi ungasin­ngitsuk­kut uter­titsis­sutitut pil­liutitut toqus­sal­lunilu Diaavulup sal­lutuujuneranik up­per­narsaasus­saavoq. Pisumi tamatumani inuiaat oqalut­tuarisaaneran­nut pingaaruteqarluin­nar­tumi Jiisusip ‘im­minut ajun­ngisaarfiginis­saanut’ pif­fis­saan­ngilaq. Jiisusi eq­qumaniarun­naarsimasuup­pat Saatani nuan­naangaarsimas­sagaluar­poq.

¹⁷ Pis­sutsit aaq­qis­suus­saanerata naggataa qanil­lim­mat uagut­taaq pif­fis­sami pingaarutilim­mi inuuvugut. Silarsuarmi matumani iluatsil­luar­nis­samik pingaar­titsinik­kut Saatanip ‘im­minut ajun­ngisaarfiginis­sar­put’ ul­lunilu kingul­ler­ni inuuner­put puius­sagip­put eq­qumaniarun­naar­nis­sar­pul­lu kis­saatigaa. Il­lit taamatut sal­loqit­tar­teqinak! Paarlat­tuanik ‘eq­qumagit’. (Matt 24:42) Naggatis­sap kingusis­sorujus­suak­kut nal­liun­nis­saanik nal­liutin­ngisaan­nar­nis­saanil­luun­niit Saatanip sal­luliuutaa up­perilin­ngisaan­naruk.

18, 19. (a) Saatanip qanoq sal­loqit­tar­niar­tarlutalu Jehovamit asaneqarsin­naan­ngitsutut misigitin­niar­tar­paatigut? (b) Jehovap eq­qumaniar­tuar­nis­satsin­nut qanoq ikior­tar­paatigut?

¹⁸ Saatanip aam­ma al­latigut sal­loqit­tar­niar­tar­paatigut. Jehovamit asaneqarsin­naan­ngitsutut ajor­tivul­lu pil­lugit Guutimit isumak­keerfigineqarsin­naan­ngitsutut misigitik­kusup­paatigut. Taak­kuli sal­luliuutaap­put Saatanimeersut. Kisian­nili kinarpiaq Jehovamit asaneqarsin­naan­ngila? Saatani. Guutip kina isumak­keer­figin­ngisaan­nas­savaa? Saatani. Uagul­li Biibilimi ima neriorsor­neqar­pugut: “[Guutip] iluaatsuun­ngin­nami puiorsiman­ngilai suliasi asan­nin­nersilu aq­qanut takutis­simasarsi.” (Hebr 6:10) Jehovamit iluarineqarumal­luta iliuutsivut tamaasa taas­suma qujamasuutigisarlugil­lu kif­far­tor­nermi iliuuserisavut asuliin­naan­ngisaan­nar­put. (1 Korinthimiut 15:58 atuaruk). Taamaat­tumik Saatanip sal­luliuutaanit tam­mar­titaaqinak.

¹⁹ Sam­meriik­katsitut Saatani pis­saaneqangaarlunilu naak­kit­taal­lunilu tam­mar­titsiniaasuuvoq. Akeq­qamut taamaat­tumut akiuun­nermi qanoq ajugaasin­naavugut? Jehovap ikior­tar­paatigut. Saatani “qanoq it­tumik pilersaaruteqar­toq” nalun­ngin­nias­sagatsigu taas­suma periuuserisar­tagai pil­lugit Guutip oqaasiani ilin­niar­tin­neqar­pugut. (2 Kor 2:11) Saatanip saas­sus­seriaasii as­sigiin­ngitsut paasigutsigit eq­qumaniar­tuar­nis­sar­put ajor­nan­ngin­nerulis­saaq. Saatanil­li periusii ilisimaan­narlugit naam­man­ngilaq. Biibilimi ima al­las­simavoq: “[Diaavulu] akior­siuk, taava ilis­sin­nit qimaas­saaq.” (Jaak 4:7, NW) Al­laaserisami tul­liut­tumi pingasutigut Saatanimik akiuisin­naaner­put ajugaasin­naaner­pul­lu sam­mis­savar­put.