1. Pigin­naaneq suna Jehovamik ilaarsinis­satsin­nut iluaqutigaar­put?

INUIT al­lat atugaat­tut atugaqarsiman­ngik­kaluarluta inoqatit­ta misigis­susiinik paasin­nis­sin­naan­ngor­til­luta Jehovap pin­ngor­tip­paatigut. (Efesosimiut 5:1, 2 atuakkit). Pigin­naaneq taman­na Jehovamik ilaarsinis­satsin­nut qanoq iluaqutigaar­put? Aam­ma pigin­naanermut tamatumun­nga tun­ngatil­lugu sooq mianersor­tariaqar­pugut?

2. Naal­liun­ner­put Jehovamut qanoq sun­niuteqar­tar­pa?

² Jehovap siunis­sami naal­liun­nata nuan­nersumik inuuneqar­nis­satsin­nik neriorsor­paatigut. Tanitat naas­saan­ngitsumik qilam­miin­nis­sar­tik ‘saval­lu al­lat’ naas­saan­ngitsumik nunarsuarmi inuunis­sar­tik neriuutigisin­naavaat. (Joh 10:16; 17:3; 1 Kor 15:53) Jehoval­li ajor­tut misigisavut pis­sutigalugit an­niaateqaraangat­ta paasisar­paatigut. Itsaq in­nut­tami Egyptenimi naal­liun­nerat Jehovap qamuuna an­niutigaa. ‘Erloqis­sutaat tamaasa erloqis­sutigai.’ (Es 63:9, 1900) Kingusin­nerusuk­kul­lu in­nut­tani naalaf­fim­minik sanaar­toq­qiinermin­ni akeq­qamin­nut qunum­mata Jehovap qanoq misiginersut  paasivaa. Ima oqarfigai: “Ilis­sin­nik at­tuisut isima tap­piutaat at­tor­paat.” (Zak 2:12) Anaanap qitor­naminik asan­nin­neratut Jehovap kif­fani asal­lugil­lu ikiorusut­tar­pai. (Es 49:15) Inuit al­lat atugaat atugaralugit eq­qarsaatigigaangatsigu Jehovap asan­nin­nera ilaar­tar­par­put. — Tuss 103:13, 14.

3. Jiisusip misigin­neqatigin­nin­nis­saminut suna iluaqutigaa?

³ Jiisusip inuit naal­liuk­kaangata, naak taak­kunatut atugaqar­nikuun­ngik­kaluarluni, qanoq misiginersut paasisar­paa. As­sersuutigalugu inup­pas­suit an­nikil­liorlutik inuusut nalun­ngilaa. Inup­pas­suit up­perisarsior­nik­kut siut­tut sal­lutuut inatsisinil­lu Guutimeersuun­ngitsunik maleruagas­siisar­tut qunugaat. (Matt 23:4; Mark 7:1-5; Joh 7:13) Jiisusip taak­ku qunugin­ngik­kaluarlugit sal­luliuutaal­lu up­perin­ngik­kaluarlugit inuit qanoq misiginersut paasisin­naavaa. Ajorluin­nar­tumik pineqar­tar­nerat qamuuna an­niutigaa. Ikior­tis­saqan­ngitsutut, “savatut paarsisoqan­ngitsutut”, ip­put. (Matt 9:36) Jiisusip inun­nik asan­nin­nis­sani ‘naak­kin­nin­nis­sanilu al­lanul­lu saamasuunis­sani’ Ataataminit ilin­niar­paa. — Tus­s 103:8.

4. Jiisusip inuit naal­liut­tut takugamigit sua?

⁴ Jiisusip inuit naal­liut­tut Ataatamisut asagamigit ikior­pai. As­sersuutigalugu Jiisusip apustilii oqaluus­siar­torlutik ungasis­sumut angalareerlutik qasugamik inoqan­ngitsumut qasuersaariar­tor­nis­sar­tik pisariaqar­tip­paat. Jiisusil­li inup­pas­suit utaq­qisut im­minit ikior­neqar­nis­sar­tik pisariaqar­tik­kaat paasigamiuk ‘amerlasuunik ajoqersuler­pai’. — Mark 6:30, 31, 34.

5, 6. Jehova ilaarlugu asan­nit­toorusuk­kut­ta susariaqar­pugut? As­sersuuteqarit. (Al­laaserisap aal­laq­qaataani as­seq takuuk).

⁵ Jehova ilaarlugu asan­nit­toorusuk­kut­ta susariaqar­pugut? Qatan­ngut inuusut­toq angut Alanimik atilik eq­qarsaatigiuk. Qatan­ngut angut utoq­qaq pitsorlut­toq isigiarsut­torlu eq­qarsaatigaa. Jiisusip oqaasii uku Alanip eq­qaavai: “[Qanoq] inun­nut iliorfigeq­qugus­si ilis­sis­saaq taamatut iliorfigisigit.” (Luk 6:31) Taamaat­tumik Alan ima eq­qarsar­poq: ‘Al­lanit qanoq pineqarusup­punga?’ Isum­merlunilu: ‘Arsaqateqarusuk­kaluar­punga.’ Qatan­ngul­li utoq­qaq ar­pas­sin­naan­ngin­nami arsarsin­naan­ngilaq. Taamaat­tumik Alan im­minut ima aperisariaqar­poq: ‘Uanga taan­naasuuguma al­lanit qanoq pineqarusus­sagaluar­punga?’

⁶ Alanip inuusuk­kaluarluni utoq­qaasuuguni qanoq misigis­sanerluni takorloor­niarsaraa. Qatan­ngut angut utoq­qaq ilagalugulu tusar­naaq­qis­saar­paa. Paasiler­paalu qatan­ngutip Biibilimik atuar­nis­sani il­lumiil­lu il­lumut oqaluus­sinis­sani saper­nar­tik­kai. Sunik pisariaqar­titsinersoq Alanip paasigamiuk sapin­ngisani tamaat ikiorusulerpaa. Inuit al­lat misigis­susii paasigaangatsigit asan­nit­tuliorfigigaangatsigil­lu Jehova ilaar­tar­par­put. — 1 Kor 12:26.

7. Qatan­ngutivut paasin­nin­nermik qanoq ersersitsivigisin­naavavut?

⁷ Inuit al­lat atugaat, ingam­mik taak­kunatut atugaqarsiman­ngik­kut­ta, paasinis­saat uagutsin­nut saper­narsin­naasar­poq. As­sersuutigalugu qatan­nguter­pas­suavut  nap­parsimaner­tik, ajoqusersimaner­tik utoq­qaliner­til­luun­niit pis­sutigalugu an­niaateqar­put. Ilaat isumatsas­sima­ngaar­neq, an­nilaangangaar­neq, kinguaas­siuutitigut ator­nerlun­ne­qarsimaneq ajor­tumil­luun­niit pineqarsimaneq pis­sutigalugu qamuuna an­niaateqar­put. Al­lat kisimiit­tuul­lutik meeq­qanik perorsaap­put Jehovamul­luun­niit kif­far­tun­ngitsunik ilaqutaqarlutik. Inuit tamarmik ajor­nar­torsiuteqar­put, amerlaner­tigul­lu taak­kunan­nga al­laanerusunik ajor­nar­torsiute­qar­tar­pugut. Al­lanul­lu asan­nit­tuliorusul­lutalu ikiuerusup­pugut. Taamaat­tumik susin­naavugut? Inuit ataasiak­kaat as­sigiin­ngitsunik pisariaqar­titaqar­tar­put. Taamaat­tumik inoqater­put tusar­naaq­qis­saar­tarutsigu misigis­susiilu paasiniar­tarutsigit qanoq pitsaaner­paamik ikiorsin­naal­lutigu paasis­savar­put. Im­maqa ajor­nar­torsiutaanut tun­ngatil­lugu Jehova qanoq misiginersoq eq­qaasis­sin­naavar­put. Al­latigul­luun­niit ikiorsin­naavar­put. Taamaaliorut­ta Jehova ilaas­savar­put. — Romamiut 12:15; 1 Petrusi 3:8 atuakkit.

8. Jiisusip inus­siar­nersuu­nis­saminut suna iluaqutigaa?

⁸ Jehova inun­nut tamanut inus­siar­nersumik pis­suseqar­poq. (Luk 6:35) Jiisusi aam­ma Ataatamisut inus­siar­nersuuvoq. Jiisusip nunarsuarmiin­nermini inun­nut inus­siar­nersuunis­saminut suna iluaqutigaa? Oqaatsini iliuutsiniluun­niit qanoq sun­ner­tis­sutigis­sagaat eq­qarsaatigisaramiuk. As­sersuutigalugu ar­naq ajor­tuliungaarsimasoq Jiisusimukarami aliasungaarami qul­lii Jiisusip isigaanut nak­kaap­put. Ajor­tuliaminik peq­qis­simis­sutigin­nit­toq al­lamil­lu isumataar­toq Jiisusip takusin­naagamiuk paasivaa inus­siar­niitsumik pineqar­nini suli aliasun­nerulis­sutigiin­nas­sagaa. Taamaat­tumik iliuusii ajun­ngitsut pil­lugit nersualaarlugulu isumak­keerfigaa. Jiisusip aam­ma farisiiari pisunik iluarin­nin­ngitsoq inus­siar­nersumik oqaluup­paa. — Luk 7:36-48.

9. Jehova ilaarlugu inus­siar­nersuu­nis­satsin­nut suna iluaqutigisin­naavar­put? As­sersuuteqarit.

⁹ Qanoq Jehova ilaarlugu inus­siar­nersuu­sin­naavugut? Al­lat inus­siar­nersumik piumal­lugit ajual­latsik­kumanagil­lu oqaaseqan­ngin­nitsin­ni iliuuseqan­ngin­nitsin­niluun­niit eq­qarsaq­qaar­tariaqar­pugut. Paulusi al­lap­poq kristumiu ‘saqitsaas­sisuunani tamanut inus­siar­nersuus­sasoq’. (2 Tim 2:24) As­sersuutigalugu pisuni ukunani qanoq inus­siar­nersuu­sin­naanerlutit eq­qarsaatigiuk: Sulisitsisup­pit  suliani naam­maginan­ngitsumik suliarisar­pagit sus­savit? Qatan­ngut qaam­matini arlalin­ni ataatsimiigiarsimanani ataatsimiigiar­pat qanoq oqarfigis­saviuk? Oqaluus­sif­figisat oqaloqatiginis­san­nut pif­fis­saqan­ngin­nerar­pat qanoq inus­siar­nisaar­figisin­naaviuk? Nuliavit aperip­patit sooq pilersaarusian­nik oqalut­tuus­siman­ngik­kit inus­siar­nersumik oqaluutis­saviuk? Al­lat misigis­susii oqaatsitsin­nil­lu qanoq sun­ner­tis­sin­naanersut eq­qarsaatigisaria­qar­par­put. Taamaaliorut­ta inus­siar­nersumik oqalut­tar­nis­samut iliuuseqar­tar­nis­samul­lu tun­ngatil­lugu Jehovap qanoq ilaar­nis­saa nalus­san­ngilar­put. — Ussatit 15:28 atuaruk.

10, 11. Qanoq Jehova ilaarlugu silatusaarsin­naavugut? As­sersuuteqarit.

¹⁰ Jehova ilisimas­suseqangaar­poq, piumagunilu siunis­sami qanoq pisoqas­sanersoq ilisimaniarlugu aalajangersin­naavoq. Siunis­sami pisus­sat ilisiman­ngik­kaluarlutigit uagut­taaq ilisimas­suseqarsin­naavugut. Qanoq? Aalajangiin­ngin­nitsin­ni aalajangik­kat­ta uagutsin­nut al­lanul­luun­niit qanoq sun­niuteqarsin­naanera eq­qarsaatigisin­naavar­put. Israelik­kut ilaar­naveersaas­savavut. Taak­ku Jehovamut naalan­ngik­kunik susoqas­sanersoq eq­qarsaatigin­ngilaat. Aam­ma taas­sumun­nga ikin­ngutaaner­tik taas­sumalu iliuuserisimasar­pas­sui eq­qarsaatigin­ngilaat. Mosesip taman­na nalun­ngin­namiuk Israelik­kut iliuusaat ajor­tuusut paasivaa. Ima oqar­poq: “Inuiaap­put pilersaarutaat iluatsin­neq ajor­tut, siuneqan­ngitsut. Sianisuugaluarunik taman­na paasis­sagaluar­paat eq­qarsaatigisimas­sagaluarlugulu qanoq naggateqar­nis­sar­tik.” — 5 Mos 31:29, 30; 32:28, 29.

¹¹ As­sersuutigalugu peeraqaruit eq­qaamas­savat peeraqar­nermi misigis­sutsit atoqateqarusus­suserlu sak­kor­tusin­naam­mata. Taamaat­tumik Jehovamik erlin­nar­tumik ikin­nguteqar­nin­nut ajoqusiisin­naasumik iliuuseqan­ngisaan­narit! Silatusaarlutil­li navianar­tut ingalas­simak­kit. Oqaatsit isumas­sarsiarititaasut uku maleruak­kit: “Silatuup perlus­saq takusin­naasar­paa qimar­nguf­fis­sarsior­tarlunilu, misilit­tagakitsorli ingerlaq­qit­tar­poq taman­nalu ajunaarutigisarlugu.” — Uss 22:3.

12. Eq­qarsaativut qanoq ajoqutigisin­naavavut?

¹² Inuup ilisimas­suseqar­tup ajor­tut eq­qarsaatiginaveersaar­tar­pai. Soorlu in­neq iluaqutigisin­naal­luguluun­niit ajoqutigisin­naagip­put taamatut­taaq eq­qarsaativut iluaqutigisin­naal­lugil­luun­niit ajoqutigisin­naavavut. In­neq mianersuuk­kutsigu nerisas­sior­nermut atorsin­naavar­put. Mianersun­ngik­kut­tali in­neq inigisatsin­nik ikual­lalersitsisin­naavoq, al­laal­lu toqus­sutigisin­naavar­put. Eq­qarsaatitsin­nut tun­ngatil­lugu aam­ma taamaap­poq. Jehovamit ilik­kak­kat­ta eq­qarsaatiginis­saat uagutsin­nut pitsaasuuvoq.  Kinguaas­siuutitigul­li inuunerlun­neq ajor­tunil­lu iliuuseqar­neq eq­qarsaatigiuarutsigit iliuuserisoorsin­naavavut. Taamaaliorut­talu Jehovamut ikin­ngutaajun­naarsin­naavugut. — Jaaku 1:14, 15 atuakkit.

13. Evap suna eq­qarsaatigiuar­paa?

¹³ Ar­naq siul­leq, Eva, pil­lugu oqalut­tuaq ilin­niutigisin­naavar­put. Jehovap Adami Evalu peq­quai “or­pik ajun­ngitsumil­lu ajor­tumil­lu ilisimalersitsisoq” nerif­figis­san­ngik­kaat. (1 Mos 2:16, 17) Saatanil­li Eva ima oqarfigaa: “Naamik, toqus­san­ngivip­pusi! Guutil­li nalun­ngilaa nerif­figigaluarus­siuk isisi uisitaajumaar­tut Guutisul­lu ilerumaar­tusi ajun­ngitsoq ajor­torlu nalujun­naas­sal­lugit.” Eva eq­qarsar­poq suut ajun­ngitsuusut suul­lu ajor­tuusut nam­mineq aalajangersin­naan­ngoruniuk nuan­ner­nerungaar­tumik inuuneqalis­sal­luni. Taman­na eq­qarsaatigiuar­paa or­pil­lu isigigamiuk ‘paasivaa nerif­figiuminarlunilu isigiuminar­toq’. Taava susoqar­pa? “Paar­naanik tigusivoq neril­lunilu, aam­mat­taarlu uini saniminiit­toq tunil­lugu; taan­nalu aam­ma nerivoq.” (1 Mos 3:1-6) Tamatuma kingunerisaanik “ajor­ti silarsuarmut [tikiup­poq] ajor­tik­kul­lu toqu tikiul­luni”. (Rom 5:12) Evap ajor­toq eq­qarsaatigiuar­tus­saan­ngik­kaluar­paa!

14. Kinguaas­siuutitigut inuunerlun­neq pil­lugu Biibilimi qanoq oqaaq­qis­saaruteqar­pa?

¹⁴ Soorunami Eva kinguaas­siuutitigut inuunerlun­ner­talim­mik ajor­tuliun­ngilaq. Biibilimili paatsuugas­saan­ngitsumik kinguaas­siuutitigut inuunerlun­nermut tun­ngasunik eq­qarsaateqar­tuan­ngin­nis­samik oqaaq­qis­saar­neqar­pugut. Jiisusi ima oqar­poq: “Kialuun­niit ar­naq pileris­suseqarfigalugu isigiuak­kani uum­mam­migut al­lasiorfigereer­paa.” (Matt 5:28, NW) Paulusi aam­ma ima oqaaq­qis­saarivoq: “[Uin­ngup] pilerigisaatut ilior­nis­sarsi pilersaarusius­san­ngilarsi.” — Rom 13:14, NW.

15. Erlin­nar­tuutit suut pingaar­tit­tariaqar­pavut, aam­ma sooq?

¹⁵ Biibilimi aam­ma al­las­simavoq pisuun­ngor­nis­sar­put eq­qarsaatigiuar­nagu Jehovamit iluarisaaniarluta iliuuseqar­tuar­tariaqar­tugut. Pisuup aningaasaatini il­lersuutigisin­naan­ngilai. (Uss 18:11) Jiisusi oqar­poq inuk inuunermini Jehovamik pingaar­ner­paatitsinani pisuus­sutinik katersisoq sianiitsuusoq. Taan­na ‘Guutimi pisuujun­ngilaq’. (Luk 12:16-21) Jehovap iluarisaatut ilior­nik­kut ‘erlin­nar­tuutinik qilam­mi katersigut­ta’ taan­na nuan­naar­tis­sal­lugulu nam­mineq nuan­naalis­saagut. (Matt 6:20; Uss 27:11) Aam­ma Jehovamik ikin­nguteqar­neq sunit tamanit erlin­nar­ner­paavoq.

16. Isumakuluute­qaraangat­ta suut iluaqutigisin­naavavut?

¹⁶ Silarsuarmi matumani pisuun­ngor­niar­neq amerlasuunik isumakuluutis­siisar­poq. (Matt 6:19) Jiisusi oqar­poq inuit aningaasat pil­lugit isumakuluuteqar­tuar­tut Guutip naalagaaf­fianik sal­liutitsinis­sar­tik saper­nar­tis­sagaat. (Matt 13:18, 19, 22) Inuit ilaat ajor­tunik nalaataqas­sasoralutik isumakuluuteqar­tuar­put. Isumakuluuteqar­tuarut­tali nap­parsimalersin­naal­lutaluun­niit al­laat Jehova up­periun­naariar­torsin­naavar­put. Paarlat­tuanik Jehovap ikiorumaaraatigut tatigisariaqar­par­put. Biibilimi ima al­las­simavoq: “Isumakuluuteqar­nerup inuup uum­mataa ar­torsaatis­sit­tar­paa,  qiim­mas­saal­lunili oqaaserisat nuan­naalersit­tar­paat.” (Uss 12:25) Taamaat­tumik isumakuluuteqaruit Jehovamut kif­far­tor­toq ilin­nil­lu ilisarisiman­nil­luar­toq oqaloqatigiuk. Angajoq­qaavit, aap­pap­pit ikin­ngutigil­luak­kavil­luun­niit Jehovamik tatigin­nin­nis­samut isumakuluu­teqar­pal­laan­ngin­nis­samul­lu kajumis­saarsin­naavaatit.

17. Isumakuluute­qaraangat­ta Jehovap qanoq ikior­tar­paatigut?

¹⁷ Jehovap al­lanit tamanit misigis­sutsigut paasil­luar­neru­sin­naal­lugil­lu isumakuluute­qaraangat­ta eq­qis­sisimaneru­nis­satsin­nut ikiorluarsin­naa­neruaatigut. Paulusi ima al­lap­poq: “Sumil­luun­niit isumakuluute­qar­naveeritsi, kis­saatigisasili qanoq it­tuk­kul­luun­niit Guutimut saq­qum­miut­tarsigit qinul­lusi torlulal­lusilu qujal­lusilu. Taava eq­qis­sinerup Guutimit pisup siuneqas­suser­nit tamanit an­nerungaar­tup uum­matisi eq­qarsaatisilu ser­nigis­savai Kristusi-Jiisusimi.” (Fil 4:6, 7) Taamaat­tumik isumakuluuteqaraangavit Jehovap ikin­ngutigil­luar­nias­sagan­ni iluaqutigisin­naasan­nik ilin­nik — soorlu qatan­ngutit, utoq­qaaner­tat, inus­siaq aalajaatsoq, in­ngilit Jiisusilu aq­qutigalugit — ikiuisar­nera eq­qarsaatigisaruk.

18. Takorluuisin­naaner­put qanoq iluaqutigisar­par­put?

¹⁸ Inuit al­lat misigis­susii paasiniaraangatsigit Jehova ilaar­tarip­put sam­mereer­par­put. (1 Tim 1:11; 1 Joh 4:8) Al­lanut asan­nit­tumik inus­siar­nersumil­lu pis­suseqaraangat­ta, iliuutsit­ta kinguneri eq­qarsaatigigaangatsigit isumakuluuteqar­naveersaaraangat­talu nuan­naar­tar­pugut. Taamaat­tumik Guutip naalagaaf­fiata naalak­kersuinerani inuunis­sar­put Jehovamil­lu ilaarsiniarluta sapin­ngisatsin­nik iliuuseqar­ner­put qanoq is­sanersoq takorloor­tarisigu. — Rom 12:12.