1. Sooq takusiman­ngisat­ta takorloorsin­naanerat pitsaasuua? (Al­laaserisap aal­laq­qaataani as­seq takuuk).

JEHOVAP tunis­sum­mik nuan­nersumik tunivaatigut. Taman­na tas­saavoq takusiman­ngisatsin­nik takorluuisin­naaneq. Taamaaliorsin­naaner­put siunis­sami pisus­sanut qilanaar­nis­satsin­nut, pilersaarusiorsin­naanis­samut ajor­nar­torsiutinil­lu pin­ngitsoor­titsinis­samut iluaqutigisar­par­put. Jehovap siunis­sami pisus­sat ilisimavai qilanaarisin­naasat­talu ilaat pil­lugit ilisimatin­nikuul­luta. Takusin­naan­ngik­kaluarlugit takorloorsin­naal­lugil­lu piviusun­ngorumaar­nerat up­peraar­put. — 2 Kor 4:18.

2, 3. (a) Takorluuisin­naaner­put qanoq iluaqutigisin­naavar­put? (b) Al­laaserisami matumani apeq­qutit suut akis­sutis­sarsis­savavut?

² Soorunami ilaan­nik­kut piviusun­ngorsin­naan­ngitsunik takorluuisar­pugut. As­sersuutigalugu niviarsiaq­qap pak­kalus­sap tim­misup qaaniil­luni takorloorsin­naavaa. Soorunami taamatut pisoqarsin­naan­ngilaq. Samuelil­li ar­naa, Han­na, piviusun­ngorsin­naasumik takorluuivoq. Ul­loq er­nermi palasit suleqatiginias­sam­magit tupermut naapeqatigiit­tarfim­mukaan­nis­saa eq­qarsaatigiuar­paa. Taamaalior­niarluni  aalajanger­nikuugami taman­na takorluuinerin­naan­ngilaq. Han­nap ul­lormik tamatumin­nga takorluuisar­nini Jehovamut neriorsuutiminik piviusun­ngor­titsinis­saminik aalajangiusiman­nilis­sutigaa. (1 Sam 1:22) Jehovap uagutsin­nut neriorsuutai eq­qarsaatigigaangatsigit takorluugaan­naan­ngitsut piviusun­ngor­tus­sal­li eq­qarsaatigisar­pavut. — 2 Petr 1:19-21.

³ Jehovap in­nut­taasa Biibilimi eq­qaaneqar­tut amerlanersaat taas­suma neriorsuutai takorloorsin­naavaat. Taamaalior­ner­tik qanoq iluaqutigisar­paat? Aam­ma Guutip neriorsuutai eq­quup­pata inuunit­ta qanoq it­tuunis­saata eq­qarsaatiginis­saa sooq pitsaasuua?

4. Sooq Abeli siunis­samik pitsaanerusumik takorluuisin­naasimava?

⁴ Abeli siul­lersaal­luni Jehovap neriorsuutaanik up­perin­nip­poq. Adamip Eval­lu ajor­tulior­nerisa kingor­na Jehovap pulateriaarsum­mut oqaasii uku taas­suma nalun­ngilai: “Akerariis­sik­kumaar­pas­si il­lit ar­narlu, il­lit kinguaas­sat taas­sumalu kinguaas­saa. Taas­suma niaq­qut aseror­tis­savaa, il­lil­lu taas­suma kim­mia aseror­tis­savat.” (1 Mos 3:14, 15, NW) Taman­na qanor­piaq pis­sanersoq Abelip ilisiman­ngilaa. Guutil­li oqaasii eq­qarsaatigeq­qis­saarsimas­savai. Abeli ima eq­qarsarsimasin­naavoq: ‘Kinaana pulateriaarsum­mit ajoquser­neqar­tus­saal­lunilu inun­nik naam­mal­luin­nar­tun­ngor­titsinis­samut ikiuisus­saasoq?’ Jehovap neriorsuutaasa suul­luun­niit eq­quus­sin­naanerat Abelip up­peraa, taamaat­tumil­lu taas­suma pil­liutaa Jehovap iluaraa. — 1 Mosesi 4:3-5; Hebræerit 11:4 atuakkit.

5. Sooq Enokip siunis­samik takorluuinera pitsaasuua?

⁵ Enoki aam­ma Guutimut up­perluar­poq. Inuit ajor­tut Guuti pil­lugu ‘soq­qusaatsunik oqaaseqar­tar­tut’ akor­nan­ni inuuvoq. Enokil­li sapiil­luni Guutip tusarlius­saa oqaluus­sis­sutigaa. Inuit Jehovap ajor­tunik suujun­naarsitsiumaar­nera pil­lugu mianersoq­quai. (Jud 14, 15) Taamaalior­nis­saminut suna iluaqutigaa? Enokip silarsuarmi inuit tamarmik Jehovamik pal­lorfigin­niler­pata pis­sutsit qanoq is­sanersut takorloorsimas­savaa. — Hebræerit 11:5, 6 atuakkit.

6. Ulersuup kingor­na Noap suna eq­qarsaatigisimas­savaa?

⁶ Jehova up­perigamiuk Noa ulersuarmit aniguivoq. (Hebr 11:7) Up­peramilu uumasunik Jehovamut pil­liuteqar­poq. (1 Mos 8:20) Ulersuul­li kingor­na inuit ajor­tun­ngoq­qip­put. Nimrodi naalak­kersuilerami inuit Jehovamut pikitsitsilersik­kusup­pai. (1 Mos 10:8-12) Noali up­per­nik­kut aalajaat­tuar­poq. Abelip pisimaneratut Guutip ajor­timik toqumil­lu atuuk­kun­naarsitsinis­saa qularin­ngilaa. Noap aam­ma silarsuarmi peq­qar­niitsunik naalak­kersuisoqarun­naar­pat pis­sutsit qanoq is­sanersut eq­qarsaatigisimas­savaa. Uagut­taaq siunis­sami pisus­sat nuan­nersut ungasin­ngitsuk­kut atuutilersus­sat eq­qarsaatigisin­naavavut. — Rom 6:23.

7. Aaperaap, Iisaap Jaakul­lu suna qilanaaraat?

⁷ Aaperaap, Iisaap Jaakul­lu siunis­saq nuan­nersoq takorloorsin­naavaat. Inuit inuian­nit tamaneersut ‘kinguaavisigut’ pil­luaq­quneqarumaar­neran­nik Jehovap neriorsor­pai. (1 Mos 22:18; 26:4; 28:14) Guutip aam­ma neriorsor­pai ilaqutaat  amerlingaarumaarlutil­lu nunami neriorsuutigisami alianaatsumi inuulerumaar­tut. (1 Mos 15:5-7) Aaperaap, Iisaap Jaakul­lu Jehovap neriorsuutai eq­quuk­kumaar­tut nalun­ngin­namik­ku ilaqut­tatik nunami tas­sani inuulereersut takorloorsin­naavaat. Adamip Eval­lu ajor­tulior­nerisa kingor­na Jehovap kif­fani aalajaatsut inuit naam­mal­luin­nar­tun­ngorumaar­neran­nik paasin­nin­nis­saan­nut ikior­tuar­tarsimavai.

8. Aaperaap up­per­nik­kut nukit­tunis­saminut naalan­nis­saminul­lu suna iluaqutigaa?

⁸ Aaperaat up­per­nik­kut nukit­tugami al­laat pis­sutsinik unam­miniar­nar­tunik atugaqaraluarluni Jehovamut naalap­poq. Aaperaap inuil­lu al­lat aalajaatsut Jehovap neriorsuutai, naak suli inuutil­lutik eq­quutin­ngik­kaluar­tut, takorloorsin­naavaat. Biibilimi ima al­las­simavoq: “Eq­quun­nis­saat kisiat ungasianit takusin­naasimavaat ilas­sisimal­lugulu.” (Hebræerit 11:8-13 atuakkit). Jehovap neriorsuutini eq­quutitit­tuarsimagai Aaperaap nalun­ngin­namiuk taas­suma siunis­samut tun­ngatil­lugu neriorsuutai piviusun­ngorumaar­tut qularin­ngilaa.

9. Guutip neriorsuutaanik Aaperaap up­perin­nin­nini qanoq iluaqutigaa?

⁹ Jehovap neriorsuutai Aaperaap up­perigamigit taas­suma piumasaatut ilior­tuar­poq. As­sersuutigalugu il­loqarfim­mi Urimi angerlarsimaf­fini qimap­paa inuunermilu sin­nera il­loqarfin­nut nunas­sin­neq ajorluni. Nalun­ngilaa naalak­kersuisut Jehovamut kif­far­tor­tuun­ngin­nerat pis­sutigalugu il­loqarfiit taak­ku piujuarsin­naan­ngitsut. (Jos 24:2) Jehoval­li naalagaaf­fiatalu nunarsuarmi naas­saan­ngitsumik naalak­kersuiler­nis­saat qilanaaraa. Naalagaaf­fiup tamatuma ‘aalajaatsunik toq­qavil­lip sanasua pin­ngor­titsisualu tas­saavoq Guuti’. (Hebr 11:10) Abelip, Enokip Noap al­lal­lu pisimanerat­tut Aaperaap makititaanis­saq up­peraa. Nunarsuarmi alianaatsumi naas­saan­ngitsumik inuunis­sar­tik eq­qarsaatigigaangamik­ku Jehovamut up­per­nerat nakus­satsin­neqar­tar­poq. — Hebræerit 11:15, 16 atuakkit.

10. Sooq Sarap siunis­sami pisus­sanik qilanaarin­nin­nera pitsaasuua?

¹⁰ Aaperaap nuliata, Sarap, Jehovap neriorsuutai up­peril­luin­nar­pai. Al­laat 90-inik ukioqaraluarluni er­nisuitsuugaluarlunilu qitor­nar­taar­nis­sani qilanaaraa. Sarap al­laat qitor­nami inuiaqatigiip­pas­suan­ngorumaar­nerat takorloorsin­naasimavaa. (Hebr 11:11, 12) Sooq taman­na qularin­ngil­luin­narsin­naavaa? Jehovap taas­suma uia ima oqarfigigamiuk: “Pil­luaq­qujumaar­para, taas­sumuunalu er­nermik tuniumaar­pak­kit. Pil­luaq­qujumaar­para, inuiaqatigiip­pas­suan­ngus­saaq, al­laam­mi inuian­nut kun­ngiusut taas­suman­nga naggueqas­sap­put.” (1 Mos 17:16) Jehovap neriorsuisimaneratorluin­naq Sara er­ner­taar­poq Iisaamil­lu atserlugu. Tupin­nar­tuliaq taman­na Jehovap neriorsuutaasa al­lat eq­quuk­kumaar­neran­nik up­perin­nilis­sutigaa. Uagut­taaq Jehovap neriorsuutai  nuan­nersut takorlooraangatsigit up­per­nik­kut nakus­satsis­sin­naavugut.

11, 12. Mosesip Jehovamik asan­nin­neruler­nis­saminut suna iluaqutigaa?

¹¹ Jehovap neriorsuutai aam­ma Mosesip up­perai. Egyptenimi kun­ngik­kormiutut perorsar­neqar­poq. Jehovali sunit kik­kun­nil­lu tamanit asaner­paagamiuk Mosesi pis­saaneqalerusun­nanilu pisuun­ngorusun­ngilaq. Angajoq­qaavisa Jehova taas­sumalu hebræerit inus­siaataanermit aniguisil­lugit nunamut neriorsuutigisamut siulersuinis­saanik siuner­taa pil­lugit ilin­niar­tip­paat. (1 Mos 13:14, 15; 2 Mos 2:5-10) Mosesip tamak­ku takorloor­nerujar­tor­til­lugit Jehova asaneruler­paa.

¹² Mosesip eq­qarsaatigiuagaa Biibilimi ima al­laatigineqar­poq: “Mosesi inersimalerami up­per­nik­kut Faraop paniata er­neranik taaneqaq­qun­ngilaq. Guutip in­nut­tai naal­lioqatigiumanerungaar­pai sivikitsuin­narmik ajor­timi inuul­luataar­nis­samin­ngar­nit, Kristusil­lu mitan­narsisitaanera tas­saatip­paa pisuus­sut Egyptenip erlin­nar­tuutaanit an­nerusoq, akis­sarsias­sar­taa isumagigamiuk.” — Hebr 11:24-26.

13. Sooq Jehovap neriorsuutaanik Mosesip eq­qarsaatigin­nit­tar­nera pitsaasuua?

¹³ Hebræerit inus­siaataanermit aniguisin­niarlugit Jehovap neriorsuutaa Mosesip eq­qarsaatigeq­qis­saarsimas­savaa. Jehovap kif­fai al­lat as­sigalugit Mosesip aam­ma nalun­ngilaa Jehovap inuiaat tamaasa toqumit aniguisis­sagai. (Job 14:14, 15; Hebr 11:17-19) Jehovap inun­nik asan­ningaar­nera Mosesip paasivaa. Mosesip taman­na Jehovamik asan­nin­nerulis­sutigalugulu up­perin­nin­nerulis­sutigalugulu inuunini tamaat Jehovamut kif­far­tor­nis­saminut iluaqutigaa. (5 Mos 6:4, 5) Al­laat Faraop toqun­niarmani Mosesi an­nilaangalin­ngilaq. Nalun­ngilaa Jehovap siunis­sami akis­sarsisik­kumaaraani. — 2 Mos 10:28, 29.

14. Inuit ilaasa siunis­samut tun­ngatil­lugu suut takorloor­tar­paat?

¹⁴ Inup­pas­suit siunis­saq eq­qarsaatigi­gaangamik­ku pinavian­ngitsunik takorluuisar­put. As­sersuutigalugu inuit pis­sakil­lior­tut ilaasa pisuun­ngor­nis­sar­tik isumakuluutaa­run­nis­sar­til­lu takorloor­tar­paat. Biibilimili al­las­simavoq Saatanip silarsuaani ‘naal­liun­nar­to­qar­tuarlunilu ajunaar­neqar­tuas­sasoq’. (Tuss 90:10) Al­lat takorloor­tar­paat inuit naalak­kersuisut pilersitaat nunarsuarmi ajor­nar­torsiutinik aaq­qiis­sasut. Biibilimili al­las­simavoq Guutip naalagaaf­fia kisimi taamaaliorsin­naasoq. (Dan 2:44) Inup­pas­suit isumaqar­put nunarsuarmi pis­sutsit al­lan­ngorsin­naan­ngitsut. Biibilimili al­las­simavoq Guutip silarsuaq man­na ajor­toq suujun­naarsis­sagaa. (Sef 1:18; 1 Joh 2:15-17) Inuit Jehovap oqaasiinut akerliusumik takorluuisar­tut pakatsingaas­sap­put.

15. (a) Sooq siunis­saq pil­lugu Guutip uagutsin­nut neriorsuutaa takorluus­sal­lugu pitsaasuua? (b) Qilanaarisin­naasavit ilaat suup­pat?

¹⁵ Jehovap nuan­nersumik siunis­saqar­nis­satsin­nik neriorsor­paatigut. Taman­na eq­qarsaatigigaangatsigu nuan­naar­neruler­tarlutalu taas­sumun­nga kif­far­tor­nitsin­ni pisariaqar­titatsin­nik sapiis­suseqaler­tar­pugut. Qilaliar­nis­samik nunarsuarmiluun­niit  inuunis­samik neriugisaqaraluaruit Jehovap ilin­nut neriorsuisimaneratut ilior­nis­sat takorloorsin­naaviuk? Naas­saan­ngitsumik nunarsuarmi inuunis­sat qilanaariguk­ku ikin­ngutitit ilagalugit nunarsuaq naatsiivin­ngor­tik­kiar­tuaar­til­lugu takorlooruk. Suliamik tamatumin­nga nak­kutigin­nit­tut soqutigaatsit. Kik­kul­lu tamarmik ilit­tul­li Jehova asavaat. Peq­qil­lutil­lu nukis­saqarluarlutil­lu isumakuluuteqan­ngilatit. Pigin­naanerit pik­korif­fitil­lu al­lanik ikiuinermut Jehovamil­lu ataq­qinarsisitsinermut atorak­kit pil­luar­putit. Im­maqa al­laat inuit makititaasimasut Jehovamik ilisarisiman­niler­nis­saan­nut ikior­patit. (Joh 17:3; ApS 24:15) Tamak­ku tun­ngavis­saqan­ngitsumik takorluuinerun­ngil­lat. Siunis­samut tun­ngatil­lugu Biibilimi al­las­simasut pis­sutigalugit tamak­ku piviusun­ngor­tus­saap­put. — Es 11:9; 25:8; 33:24; 35:5-7; 65:22.

16, 17. Sooq Jehovap siunis­saq pil­lugu uagutsin­nut neriorsuutaa pil­lugu oqaloqatigiit­tar­nis­sar­put pitsaasuua?

¹⁶ Silarsuas­sami nutaami qilanaarisavut pil­lugit qatan­ngutivut oqaloqatigigaangatsigit siunis­sami pisus­sat nuan­nersut takorloorsin­naal­luar­neruler­tar­pavut. Soorunami inut­tut ataasiak­kaatut suleris­sanerluta ilisiman­ngilar­put. Aam­ma qilanaarisavut oqaloqatigiis­sutigigaangatsigit Jehovap neriorsuutaanik up­perin­nin­ner­put ersersit­tar­par­put. Taamaalil­luta apustilip Paulusip qatan­ngutaasalu Romamiit­tut pisimaneratorluin­naq pif­fis­sani erloqinar­torsiorfiusuni Jehovamut kif­far­tor­tuar­nis­samut kajumis­saaqatigiit­tar­pugut. — Rom 1:11, 12.

¹⁷ Jehovap siunis­saq neriorsuutigisaa eq­qarsaatigigaangak­ku ajor­nar­torsiutitit eq­qarsaatigival­laarun­naar­tar­patit. Taamaal­luni Petrusi isumakululerami Jiisusimut ima oqar­poq: “Takuat, uagut  suut tamaasa qimal­lugit malip­patsigit; sunami taava pisas­saraar­put?” Petrusi ajoqersuk­kal­lu al­lat siunis­samut tun­ngatil­lugu takorluuilersin­niarlugit Jiisusip ima oqarfigai: “Inuup Er­nera naalan­nas­sutsimi is­siavis­saarsuanut ingip­pat, taava ilis­sis­saaq uan­nik malin­nit­tusi is­siavis­saarsuar­ni aq­qaneq-marlun­ni is­siajumaar­pusi Israelip naggueqatigiis­sor­tai aq­qaneq-marluusut eq­qar­tuul­lugit. Kinaluun­niit il­luminik, qatan­ngutiminik angutinik ar­nanil­lu, ataataminik anaanaminil­lu, qitor­naminik narsaam­minil­luun­niit atera pil­lugu qimatsisimasoq pis­sarseq­qis­saaq 100-riaam­mik inuunerlu naas­saan­ngitsoq kingor­nutis­sal­lugu.” (Matt 19:27-29) Petrusip ajoqersuk­kal­lu al­lat qilam­mi Jiisusimik naalak­kersueqateqar­nis­sar­tik inuil­lu nunarsuarmiit­tut naam­mal­luin­nar­tun­ngor­nis­saan­nut ikiuiner­tik takorloorsin­naavaat.

18. Sooq Guutip neriorsuisimanermisut ilior­nis­saata takorloor­tar­nis­saa uagutsin­nut pitsaasuua?

¹⁸ Jehovap kif­faasa up­persuseqarluar­nis­samin­nut suna iluaqutigisimaneraat sam­mereer­par­put. Jehovap siunis­samik pitsaanerusumik neriorsuutai takorloor­taramigit neriorsuum­mil­lu tamatumin­nga up­perin­nik­kami Abeli Jehovamit iluarisaavoq. ‘Kinguaas­saq’ pil­lugu Jehovap neriorsuutaata piviusun­ngorumaar­nera takorloor­taramiuk Aaperaat al­laat ul­luni unam­miniar­nar­tuni Jehovamut naalap­poq. (1 Mos 3:15) Jehovap akis­sarsias­satut neriorsuutaanik Mosesip qilanaarin­nin­nini Jehovamut asan­nin­nis­saminut aalajaan­nis­saminul­lu iluaqutigaa. (Hebr 11:26) Jehovap neriorsuisimanermisut iliuuseqar­nis­saa takorlooraangatsigu Jehovamut up­per­ner­put asan­nin­ner­pul­lu an­neruler­tar­put. Al­laaserisami tul­liut­tumi takorluuisin­naas­suser­put al­latigut qanoq atorsin­naanerlutigu sam­mis­savar­put.