1-3.  Sooq qatan­ngut ar­naq misigiva Jehovap pisariaqar­titani ilisimagai?

LANA, pioneri, 2012-imi Tysklandimi tikeraarluni puiunaatsumik misigisaqar­poq. Qin­nutaami marluk Jehovamit akineqar­put. Tim­misar­toqarfim­mut qimut­tuitsor­til­luni Jehova qin­nuigaa oqaluus­sinis­samut ikioq­qul­luni. Tim­misar­toqarfim­mut pigami paasivaa tim­misar­toq ilaaf­fis­sani aqagumut kinguar­tin­neqarsimasoq. Aningaasaatini tamangajaasa atorsimagamigit un­nuif­fis­saminil­lu pisariaqar­titsigami Lana Jehovamut ikioq­qul­luni qinuvoq.

² Lana qinusimatsiaan­narluni ima saaf­figineqar­poq: “Aluu Lana, maani sulerivit?” Sunaaf­fa angutip inuusut­tup atuaqatiginikuusami taama aperigaani. Taan­na Sydafrikamukalerami anaanaminit aanaminil­lu inuul­luaq­qujar­tor­neqar­poq. Lanap pisut oqalut­tuarigamigit angutip anaanaata aanaatalu oqarfigaat im­min­ni un­nuisin­naasoq. Up­perisaa pioneriuneralu pil­lugit apersorsuataar­paat.

³ Aqaguani Lana ul­laak­korsioreerluni inisimaf­figisami Biibili pil­lugu apeq­quter­pas­sui akivai. Lanap apeq­qutaat al­lanit akineqar­nias­sam­mata at­tavigineqar­nis­saan­nut paasis­sutis­sat piumavai. Lana angerlamut apuul­luar­poq sulilu pioneriul­luni.  Misigivoq qin­nutini Jehovamit akineqarlutil­lu Jehovap pisariaqar­titani ilisimal­lugil­lu ikioraani. — Tus­s 65:3.

4. Al­laaserisami matumani suna sam­mis­savar­put?

⁴ Ajor­nar­torsiute­qaleriataarut­ta Jehovamut ikioq­qul­luta ingerlaan­naq qinusin­naavugut, Jehoval­lu qin­nutivut tusas­sal­lugit nuan­naraa. (Tus­s 34:16; Us­s 15:8) Pisariaqar­titavul­li pingaar­nerusut pil­lugit qinusar­nis­sar­put Jiisusip qin­num­mit najoq­qutas­saasumit ilin­niar­titsis­sutigisaanit paasivar­put. Al­laaserisami matumani qin­num­mi najoq­qutas­saasumi qin­nutigineqar­tus­sat sisamat Jehovamut ilumoorfigin­nin­nis­satsin­nut qanoq iluaqutigisin­naa­nerlutigit sam­mis­savar­put. — Mat­thæusi 6:11-13 atuak­kit.

5, 6. Sooq naam­mat­torsuar­nik nerisas­saateqaraluarut­taluun­niit Jiisusip ‘inuus­sutis­satsin­nik tuneq­qul­luta’ qinusaq­quaatigut?

⁵ Jiisusip ima qinusaq­qun­ngilaatigut: “Inuus­sutis­san­nik tunin­nga.” Kisian­ni ima qinusaq­quaatigut: “Inuus­sutis­satsin­nik tunisigut.” Victor, Afrikami ilagiin­nik nak­kutil­liisoq, ima nas­suiaavoq: “Nerisas­saqar­neq kial­lu ineqar­nermut akiligas­sat akilis­sanerai nuliaralu isumakuluutigival­laar­tariaqan­ngin­natsigit Jehova qaman­nga pisumik qutsavigikulasar­para. Qatan­ngutit­ta ul­lut tamaasa isumas­sorluar­tar­paatigut. Uagutsin­nil­li ikiuisut aningaasaqar­nik­kut ajor­nar­torsiutinut tun­ngatil­lugu ikior­neqar­nis­saat qin­nutigisar­para.”

⁶ Imaas­sin­naavoq naam­mat­torsuar­nik nerisas­saateqar­tugut, qatan­nguter­pas­suavul­li piitsuup­put. Ilaal­lu ajunaar­nersuar­nit eq­qugaasimap­put. Qin­nutiin­nar­nagit ikior­niarlugit iliuuseqarsin­naavugut. As­sersuutigalugu pigisatsin­nik avitseqatigisin­naavavut. Aam­ma akulikitsumik Jehovap in­nut­taasa nunarsuaq tamak­kerlugu suliniar­neran­nut aningaasanik nak­kaatitsivim­mut nak­kar­titsisarsin­naavugut. Nalun­ngilar­put aningaasat tunis­sutigineqar­tut qatan­ngutitsin­nut pisariaqar­titsisunut ator­neqarumaar­tut. — 1 Joh 3:17.

7. Sooq Jiisusip oqarfigaatigut ‘aqagus­saq isumakuluutigis­san­ngik­kip­put’?

⁷ Jiisusip qin­num­mik najoq­qutas­saasumik ilin­niar­tereerluta pigisanik pingaar­titsin­ngin­nis­samik ilin­niar­tip­paatigut. Jehovap naasunik isumagin­nit­tar­nera eq­qaareerlugu ima oqar­poq: ‘Ilis­si an­nerungaar­tumik pis­san­ngin­ner­paasi, up­per­nikitsusi! Taamaat­tumik isumakuluuteqas­san­ngilasi ima aperalusi: Suna atis­savar­put?’ Imalu nangip­poq: “Taamaat­tumik aqagus­saq isumakuluutigeqinasiuk.” (Mat­t 6:30-34) Pisariaqar­tis­sin­naasavut isumakuluutigisariaqan­ngilavut. Ul­lul­li tamaasa tun­ngaviusumik pisariaqar­titatsin­nik tunineqar­tar­ner­put naam­magis­savar­put. As­sersuutigalugu ineqar­nis­sar­put, ilaqut­tavut isumas­sorsin­naajumal­lugit sulif­feqar­nis­sar­put peq­qis­sutsitsin­nul­lu tun­ngatil­lugu silatusaar­tumik aalajangiisar­nias­sagat­ta ilisimas­suseqar­nis­sar­put qin­nutigisin­naavavut. Sulili al­la pingaaruteqar­nerusoq qin­nutigisariaqar­par­put.

8. Jiisusip ul­lormut inuus­sutis­sat pil­lugit oqaasii sumik eq­qaasitsis­sutigaar­put? (Al­laaserisap aal­laq­qaataani as­siliaq takuuk).

⁸ Jiisusip ul­lormut inuus­sutis­sat pil­lugit  eq­qaasaa oqaasiinik ukunin­nga eq­qaasitsis­sutigaar­put: “Inuup timiusaan­naq inuus­sutis­sarin­ngilaa, oqaaserli sunaluun­niit Guutip qar­nanit anisoq.” (Mat­t 4:4) Taamaat­tumik Jehovap ilin­niar­tit­tuas­sagaatigut taas­sumun­ngalu qanimut at­taveqarluar­nias­sagat­ta qin­nuigisariaqar­par­put.

9. Sooq ajor­tivut akiitsutut ip­pat?

⁹ Jiisusi ima oqar­poq: ‘Akiitsuk­katsin­nik isumak­keerfigitigut.’ Kingusin­nerusuk­kul­lu ima oqarluni: ‘Ajor­titsin­nik isumak­keerfigitigut.’ (Mat­t 6:12; Luk 11:4) Taama oqar­poq ajor­tivut akiitsutut im­mata. 1951-imi Napasuliaq Alaper­naarsuif­fik-mi nas­suiar­neqar­poq ajor­tulioraangat­ta Jehovamut akiitsoqaler­tar­tugul­lusooq. Jehova asan­nin­nermik naalan­nis­samil­lu akiitsugaqarfigaar­put. Taamaat­tumik Guutimut ajor­tulioraangat­ta akiitsuk­katsin­nik tunineq ajor­par­put. Napasuliaq Alaper­naarsuif­fik-mi al­las­simavoq Jehovap piumaguni ikin­ngutigiun­naarsin­naagaatigut. Nangil­luni ima al­las­simavoq: “Ajor­tulior­neq Guutimut asan­nin­ngitsulior­neruvoq.” — 1 Joh 5:3.

10. Sooq Jehovap ajor­titsin­nik isumak­keerfigi­sin­naavaatigut, taman­nalu qanoq isumaqarfigi­sariaqar­par­put?

¹⁰ Jehovap ajor­titsin­nik isumak­keerfigineqar­nias­sagat­ta er­nini uter­titsis­sutitut pil­liutigim­magu qujamasungaar­pugut!  Ul­lut tamaasa Jehovamit isumak­keerfigineqar­nis­sar­put pisariaqar­tit­tar­par­put. Jiisusi ukiut 2000-t mis­siliorlugit matuma sior­na toqusimagaluar­toq suli ul­lumik­kut pil­liutaa iluaqutigisar­par­put. Tunis­sut taman­na erlin­nar­toq pil­lugu Jehova qutsavigiuar­tariaqar­par­put. Arlaan­nat­taluun­niit ajor­timit toqumil­lu aniguinis­satsin­nut uter­titsis­sutitut akigineqar­tus­saq akilersin­naan­ngilaa. (Tus­siaat 49:8-10; 1 Petrusi 1:18, 19 atuak­kit). Qin­num­mi najoq­qutas­saasumi oqaatsinit ‘akiitsuk­katsin­nik isumak­keerfigitigut’-mit erser­poq qatan­ngutivut uagutsitul­li uter­titsis­sut pisariaqar­tik­kaat. Jehovap aam­ma taak­kua im­minik at­taveqar­neran­nik eq­qarsaatigin­nin­nis­sar­put kis­saatigaa. Taman­na uagutsin­nut ajor­tulior­tunik ingerlaan­naq isumak­keerfigin­nit­tar­nis­satsin­nik eq­qaasitsis­sutigaar­put. Amerlaner­tigut an­nikitsumik ajor­tuliorfigineqar­tar­pugut, qatan­ngutivul­li isumak­keerfigigaangatsigit asal­lugit ersersit­tar­par­put. Aam­ma ersersit­tar­par­put Jehovamit isumak­keerfigineqar­tar­ner­put qujamasuutigalutigu. — Kol 3:13.

11. Sooq al­lanik isumak­keerfigin­nin­nis­saq pingaaruteqar­pa?

¹¹ Naam­mal­luin­nan­ngitsuugat­ta ilaan­nik­kut uagutsin­nik ajual­latsitsisut isumak­keerfigiuminaatsit­tar­pavut. (3 Mos 19:18) Pisimasut oqaluuserigutsigit al­lat uagutsin­nik tapersersuilersin­naap­put, taman­nalu ilagiin­ni avis­saar­tuutaasin­naavoq. Taamaalior­ner­put Guutip uter­titsis­sum­mik tunis­sutaanik pingaar­titsin­ngin­nermik ersersitsinerus­saaq. (Mat­t 18:35) Al­lat isumak­keerfigin­ngik­kutsigit Jehovap isumak­keerfiginavian­ngilaatigut. (Mat­thæusi 6:14, 15 atuak­kit). Aam­ma Jehovamit isumak­keerfigineqarusuk­kut­ta uumigisaanik iliuuseqar­naveersaar­tariaqar­pugut. — 1 Joh 3:4, 6.

12, 13. (a) Jiisusip kuisin­nerata kingunin­ngua susoqar­pa? (b) Sooq us­ser­nar­tumut naak­kaan­naraangat­ta al­lat pisuutit­tas­san­ngilavut? (c) Jiisusip toqus­si tikil­lugu aalajaan­nermigut suna up­per­narsar­paa?

¹² Qin­num­mi najoq­qutas­saasumi oqaatsit ‘us­ser­nar­tumut pisin­nata’ Jiisusip kuisin­nerata kingunin­ngua pisunik uagutsin­nut eq­qaasitsip­put. Guutip anersaavata Jiisusi “Diaavulumit us­ser­neqaq­qul­lugu” inoqajuitsumukar­tip­paa. (Mat­t 4:1; 6:13) Sooq Jehovap taamatut pisoqar­nis­saa akueraa? Adamip Eval­lu Guuti naalak­kersuisumit­tut ajat­tormas­suk ajor­nar­torsiut pilersimasoq aaq­qin­niarlugu Jehovap Jiisusi nunarsuarmut aal­lar­tip­paa. Pikitsitsinerinut tun­ngatil­lugu apeq­qusiinerat pif­fis­sap sivisuup ingerlanerani akis­sutis­sarsineqar­tariaqarmata. Taak­kualu ilaat ukuup­put: Jehovap inuit ajor­tumik pin­ngor­tik­kamigit? Inuit naam­mal­luin­nar­tut ‘ajor­tumit’ us­ser­neqar­nermin­ni Jehovamut ilumoorfigin­nis­sin­naap­pat? Aam­ma inuit nam­min­neq naalak­kersuigunik ajun­ngin­nerus­sava? (1 Mos 3:4, 5) Siunis­sami apeq­qutit taak­ku tamarmik Jehovamut naam­maginar­tumik akineqareer­pata Jehovap naalak­kersueriaasiata pitsaaner­paanera qilam­mi nunarsuarmilu kik­kut tamarmik paasis­savaat.

 ¹³ Jehova il­ler­nar­tuugami kik­kul­luun­niit ajor­tumik us­sersin­naan­ngilai. Saataniuna ‘Us­siisuusoq’. (Mat­t 4:3) Saatanip as­sigiin­ngitsor­pas­suar­tigut us­ser­niar­tar­paatigut. Tamat­tali us­siinera akior­niarlugu akior­niar­naguluun­niit nam­mineq aalajanger­tus­saavar­put. (Jaaku 1:13-15 atuak­kit). Jiisusi us­ser­niar­neqarami Guutip oqaasianik is­suaal­luni Saatani ingerlaan­naq itigar­tip­paa. Jiisusi Guutimut ilumoorfigin­nip­poq. Saatanili tun­niutiin­nan­ngilaq. Pif­fis­saal­luar­nerusumi Jiisusi uterfigeq­qin­niarlugu “qimak­kal­lar­paa”. (Luk 4:13) Saatanili qanorluun­niit ilioraluaraangat Jiisusip Guuti Naalak­kamisut naalat­tuar­paa. Inuup naam­mal­luin­nar­tup al­laat pisuni erloqinangaar­tuni Jehovamut ilumoorfigin­nis­sin­naanera up­per­narsar­paa. Saatanil­li Jiisusip ajoqersugai, il­lit ilan­ngul­lutit, Jehovamut ajor­tulior­tin­niarlugit us­ser­niar­tar­pai.

14. Us­ser­nar­tor­siorumanata susariaqar­pugut?

¹⁴ Jehovap naalak­kersueriaasia pil­lugu apeq­quser­neqar­toq suli akineqar­tariaqar­poq. Taamaat­tumik Saatanip uagutsin­nik us­siisar­nis­saa Jehovap akuerigal­lar­paa. Jehovap ‘us­ser­nar­tumut pisin­neq’ ajor­paatigut. Ilumoorfigisin­naagitsin­ni qularinagulu ikiorusup­paatigut. Eq­qor­tulior­nis­satsin­nul­li pin­ngitsaalin­ngi­saan­nar­paatigut. Kif­faan­ngis­su­seqar­ner­put ataq­qigamiuk Guuti ilumoorfiginiarlugu ilumoorfiginiar­naguluun­niit nam­mineq aalajanger­tus­saavar­put. Us­ser­nar­tumut nak­kaan­narumanata marlun­nik iliuuseqar­tariaqar­pugut: Jehovamut qanimut at­taveqar­taria­qarlutalu ikioq­qul­luta qinusariaqar­pugut. Us­ser­nar­tumut piseq­qunata qin­nuter­put Jehovap qanoq akisar­paa?

15, 16. (a) Us­ser­nar­tut akior­tariaqak­kat­ta ilaat suup­pat? (b) Us­ser­nar­tumut nak­kaan­nar­nermut kina pisuua?

 ¹⁵ Saatanip us­siiniutaanik akiuiniar­nitsin­ni ikiorumal­luta Jehovap anersaaminik il­ler­nar­tumik pis­saaneqaqisumik tunisar­paatigut. Jehovap aam­ma Biibili ilagiil­lu aq­qutigalugit oqaaq­qis­saar­tar­paatigut. As­sersuutigalugu pisariaqar­tivin­ngisanut pif­fis­sarujus­suarmik, aningaasar­pas­suar­nik nukip­pas­suar­nil­lu atuineq pil­lugu mianersoq­qusar­paatigut. Espen Jan­nelu Europami nunami pigis­saarfiusumi inuup­put. Ukior­pas­suar­ni sumiif­fim­mi oqaluus­sisar­tunik pisariaqar­titsif­fiunerusumi pioneritut kif­far­tor­put. Qitor­nar­taaramik pioneriujun­naar­put, maan­nalu marlun­nik qitor­naqar­put. Espen ima oqalut­tuar­poq: “Sior­natigutut kif­far­tor­nermi iliuuseqar­tigisin­naan­ngitsutut eq­qarsar­nis­samut nak­kaan­nan­ngin­nis­satsin­nut ikioq­qul­luta Jehovamut qinukulasar­pugut. Anersaak­kut nukit­tujuar­nis­samut oqaluus­sinermilu aal­lus­sil­luar­tuar­nis­samut ikioq­qul­luta Jehova qin­nuigisar­par­put.”

¹⁶ Us­ser­nar­tut akior­tariaqak­kat­ta ilaat tas­saavoq por­nografiimik isigin­naar­neq. Us­ser­nar­tumut tamatumun­nga nak­kaan­narut­ta Saatani pisuutis­sin­naan­ngilar­put. Sooq? Saatanip silarsuaatalu pin­ngitsaalil­luta ajor­tulior­tis­sin­naan­ngim­matigut. Inuit ilaat eq­qun­ngitsunik eq­qarsaateqar­taramik por­nografiimik isigin­naar­tar­put. Qatan­nguter­pas­suit us­ser­nar­toq taman­na iluatsil­luar­tumik akiorsimavaat, aam­ma uagut taamaaliorsin­naavugut. — 1 Kor 10:12, 13.

17. (a) ‘Ajor­tumit an­naan­neqarusun­ner­put’ Jehovamut qanoq ersersis­sin­naavar­put? (b) Suna nal­liutingajaler­pa?

¹⁷ ‘Ajor­tumit an­naan­neqarusun­ner­put’ Jehovamut qanoq ersersis­sin­naavar­put? ‘Silarsuarmut ilaan­ngin­nitsigut’ aam­ma ‘silarsuaq taas­sumaluun­niit pii asan­ngin­nerisigut’. (Joh 15:19, NW; 1 Joh 2:15-17) Jehovap Saatani silarsuarlu man­na ajor­toq suujun­naarsip­pagit aniguisin­neqas­saagut. Taman­nali nal­liutserlugu eq­qaamajuar­tariaqar­par­put Saatani ‘kamat­torsuusoq pif­fis­sakis­sutsi nalun­ngin­namiuk’. Sapin­ngisani tamaat Jehovamut kif­far­torun­naarsin­niarsarisar­paatigut. Saatanimut il­lersor­neqaq­qul­luta Jehova qin­nuigiuar­tariaqar­par­put. — Saq­q 12:12, 17.

18. Saatanip silarsuaata suujun­naarsin­neqar­neranit aniguerusuk­kut­ta susariaqar­pugut?

¹⁸ Silarsuarmi Saatanimit pis­saaneqarfigineqan­ngitsumi inoorusup­pit? Taava Guutip naalagaaf­fiata tikiun­nis­saa, aq­qata il­ler­narsisin­neqar­nis­saa piumasaatalu nunarsuarmi pinis­saa qin­nutigiuaruk. Qularutigin­ngisaan­naruk Jehovap isumas­sorumaaraatit im­minul­lu ilumoorfigin­neq­qul­lutit pisariaqar­titan­nik tamanik tuniumaaraatit. Aap, ataatar­pooq malil­lugu sapin­ngisan­nik inuuniar­tuarit.