Kristusi — Guutip pissaanera
‘Kristusi tassaavoq Guutip pissaanera.’ — 1 KOR 1:24.
1. Sooq Paulusi allappa “Kristusi tassaasoq Guutip pissaanera”?
JEHOVAP pissaanini Jiisusi Kristusi aqqutigalugu immikkuullarissumik ersersippaa. Jiisusi nunarsuarmiikkallarami tupinnartuliortarpoq. Taakkua ilaat Biibilimi atuarsinnaasavut uppernikkut nakussatsissutigisinnaavavut. (Matt 9:35; Luk 9:11) Aap, Jehovap Jiisusi pissaanermik annertuumik tunimmagu apustili Paulusi ima allassinnaasimavoq: ‘Kristusi tassaavoq Guutip pissaanera.’ (1 Kor 1:24) Jiisusilli tupinnartuliai uagutsinnut qanoq sunniuteqarpat?
2. Jiisusip tupinnartuliai qanoq ilinniarfigisinnaavavut?
2 Apustilip Petrusip Jiisusi ‘tupinnartuliorsinnaanerarpaa’. (ApS 2:22) Tupinnartuliat taakku qanoq ilinniarfigisinnaavavut? Taakku iluaqutigalugit paasivarput Jiisusi ukiuni 1000-ni naalakkersuileruni sussanersoq. Taamanikkussamut nunarsuarmi inuiaat tamarmik iluaqutigisassaannik suli annerungaartumik tupinnartuliussaaq. Tupinnartuliai aamma taassuma Ataataatalu pissusiinik paasinninnissatsinnut iluaqutigaavut. Allaaserisami matumani Jiisusip tupinnartuliai pingasut sammissavavut paasiniarlugulu ullumikkut siunissamilu qanoq uagutsinnut sunniuteqassanersut.
TUPINNARTULIAQ TUKKORTUUNISSAMIK ERSERSITSISOQ
3. (a) Jiisusip tupinnartulioqqaarneranut suna pissutaava? (b) Kanami Jiisusi tukkornermik qanoq ersersitsiva?
3 Jiisusi illoqarfimmi Kanami katittorsiornermi siullerpaamik tupinnartuliorpoq. Naluarput sooq nalliuttorsioqataasunut tamanut viinni amigalernersoq. Katernaat inoroorsaartuusussaagamik viinnimik amigaateqalernertik peqqusiileqilissutigissagaluarpaat. Jiisusip anaanaa, Maria, nalliuttorsiortunut ilaavoq. Mariap ernini tupinnartuliorsinnaasoq nalunnginnamiuk taassumunnga ikioqqusimassasoraajuk? Mariammi ernini pillugu siulittuutit eqqarsaatigeqqissaartarsimassallugillu ‘Qutsinnerussaartup erneranik taaneqassasoq’ nalunngilaa. (Luk 1:30-32; 2:52) Ersarippoq Maria Jiisusilu katernaanik ikiuerusuttut. Taamaattumik Jiisusip tupinnartuliornikkut imeq 380 literit missaanniittoq ‘viinninngortippaa pitsaasoq’. (Johannesi 2:3, 6-11 atuakkit). Jiisusip taamatut tupinnartuliornissaa pisariaqarpa? Naamik. Taamaaliorpoq inuit isumassoramigit Ataatanilu, tukkortuusoq, ilaaramiuk.
Jiisusip peqquaatigut ‘tunisineq’ ileqquliutissagipput
4, 5. (a) Jiisusip siullerpaamik tupinnartuliaa qanoq ilinniarfigaarput? (b) Kanami tupinnartuliaq iluaqutigalugu silarsuassamut nutaamut tunngatillugu suna paasivarput?
4 Jiisusi tupinnartuliornikkut viinnimik inuppassuarnut naammattumik tunniussivoq. Tupinnartuliaq qanoq ilinniarfigisinnaagipput paasiviuk? Jehova Jiisusilu erlituujunatik tukkortorujussuupput. Inuit misigissusiinik soqutiginningaarnerat tupinnartuliamit erserpoq. Aamma silarsuassami nutaami sumiikkaluaruttaluunniit Jehovap pissaanini atorlugu nerisassanik sinnilissuarnik pilersuiumaarneranik ersersitsivoq. — Esaja 25:6 atuaruk.
5 Qanittukkut Jehovap pisariaqartitatsinnik tamanik matussusiinissaa ila nuannerunassusia! Inuit tamarmik nuannersumik angerlarsimaffeqarlutillu mamartunik nerisassaqassapput. Nunarsuarmi paratiisiusumi Jehovap tukkorluni tunissutissarpassui nuannersut eqqarsaatigigaangatsigit qujamasungaalertarpugut.
6. Jiisusip pissaanini qanoq atortuaannarpaa, qanorlu ilaarsinnaavarput?
6 Jiisusi namminissarsiorluni pissaanerminik atuinngisaannarpoq. Diaavulup Matt 4:2-4) Pissaaninili allanik ikiuinissamut atorusuppaa. Namminissarsiortuunnginnera qanoq ilaarsinnaavarput? Taassuma peqquaatigut ‘tunisineq’ ileqquliutissagipput. (Luk 6:38) Allanik neriartoqqusisarnikkut taamaaliorsinnaavugut. Aamma ataatsimiinnerup kingorna pisariaqartitsisoq, soorlu qatanngut oqalugiarnissaminut piareersartoq tusarnaarneratigut, ikiorsinnaavarput. Imaluunniit oqaluussinermi allanik ikiuisinnaallutalu ilinniartitsisinnaavugut. Sapinngisarput naapertorlugu allanik ikiuisarnikkut Jiisusip tukkornera ilaartarparput.
Jiisusi ujaqqanik timiusanngortitseqqullugu ussermagu susoqarnersoq eqqarsaatigiuk. Jiisusip pissaanini imminut iluaqutaasumik atunngilaa. (“TAMARMIK QAARSILLARLUTIK NERIPPUT”
7. Saatanip silarsuaani suna ajornartorsiutaajuassava?
7 Piitsuussuseq takornartaanngilaq. Jehovap Israelikkut oqarfigai ‘nunami piitsoqartuassasoq’. (5 Mos 15:11) Ukiut hundredillit tamatuma kingorna Jiisusi ima oqarpoq: ‘Piitsut najortigiuarpasi.’ (Matt 26:11) Jiisusip nunarsuarmi inunnik piitsoqartuarnissaa pivaa? Naamik, Saatanip silarsuaani inuutilluta piitsoqartuarnissaa pivaa. Silarsuassami nutaami pissutsit allaanerulluinnassapput. Taamanikkussamut piitsuussuseq atuukkunnaassaaq. Inuit tamarmik naammattunik nerisassaqarlutillu pissaaleqissanngillat!
8, 9. (a) Sooq Jiisusip inuit tuusintillit nerisippai? (b) Tupinnartuliaq tamanna qanoq isumaqarfigaajuk?
8 Tussiaasiortoq Jehova pillugu ima allappoq: “Assatit ammartarpatit pinngortitallu tamaasa kissaatigisaannik qaarsillartittarlugit.” (Tuss 145:16) Nunarsuarmiikkallarami Jiisusip Ataatani ilaaqqissaarlugulu allat pisariaqartitaannik tunisarpai. Pissaaneqangaarnini ersersiinnarnagu qamannga pisumik inunnik isumassuinini ersersippaa. Matthæusip allagai 14:14-21 sammeriartigit. (Atuakkit). Inuppassuit illoqarfinniit pisuinnaq Jiisusi malippaat. (Matt 14:13) Unnulermat apustilit inuit sanngiillinissaat perlilernissaallu ernumagilerpaat. Taamaattumik Jiisusi oqarfigaat inuit nerisassarsiniarniassammata aallarteqqullugit. Jiisusi qanoq iliussava?
9 Jiisusip timiusat tallimat aalisakkallu marluk atorlugit arnat meeqqallu saniatigut angutit 5000-t missaanniittut nerisippai. Sooq Jiisusi taamatut tupinnartuliorpa? Inuit asangaarlugillu isumassorusukkamigit. Inuppassuit ‘qaarsillarlutik nerimmata’ Jiisusi nerisassarpassuarnik pilersuisimassaaq. Inuit nerinertik ungasissumut angerlarnissaminnut pissatsissutigaat. (Luk 9:10-17) Kiisalu tamarmik qaarsillareermata apustiliisa nerisassat sinneruttut koorinut aqqaneq-marlunnut katersorpaat!
10. Siunissami inuit qanoq atugaqassappat?
10 Naalakkersuisut piumatunerat peqquserluttarnerallu pissutigalugit inuit millionillit piitsuullutik inuupput. Allaat qatanngutitta ilaat naammattunik nerisassaqanngillat. Qanittukkulli inuit Saqqummersitat 7:16 atuaruk.
Jehovamut naalattut silarsuarmi peqquserluffiunngitsumi amigaateqarfiunngitsumilu inuussapput. Jehova Guutiugami Ajugaqanngitsoq kikkut tamarmik pisariaqartitaannik tunisinissaminut pissaaneqarlunilu piumassuseqarpoq. Ungasinngitsukkut naalliuutit tamaasa atuukkunnaarsissallugit neriorsuivoq. —Jiisusip tupinnartuliai pissaanerminik ajunngitsumik atuerusunneranut uppernarsaataapput
11. Sooq qanittukkut Kristusip pissaanini nunarsuarmut tamarmut ersersikkumaaraa upperilluinnarpiuk, tamatumalu kingunerisaanik sunissat kissaatigaajuk?
11 Jiisusi nunarsuarmiikkallarami ukiut pingasut affallu ingerlanerinnaanni sumiiffinni amerlanngitsuni tupinnartuliortarpoq. (Matt 15:24) Jiisusili ukiuni 1000-ni kunngitut naalakkersuileruni inuiaat tamaasa ikiussavai. (Tuss 72:8) Jiisusip tupinnartuliai pissaanerminik ajunngitsumik atuerusunneranut uppernarsaataapput. Uagut tupinnartuliornissatsinnut pissaaneqannginnatta susinnaavugut? Siunissamut tunngatillugu Biibilimi neriorsuutigineqartut nuannersut allanut oqaluttuarinissaannut piffissarput nukivullu atorsinnaavavut. Jehovamik Nalunaajaasuugatta tamanna pisussaaffigaarput. (Rom 1:14, 15) Qanortoq eqqarsaatiginneqqissaartarnerput Kristusip qanittukkut iliuuserisassai pillugit oqaluussinissamut kajumississutigigisigu. — Tuss 45:2; 49:4.
JEHOVAP JIISUSILLU PINNGORTITAP NUKINGI PISSAANEQARFIGAAT
12. Sooq qularinngissinnaavarput Jiisusip nunarsuarmi avatangiisit nalunngilluinnarai?
12 Guutip nunarsuaq tamatumaniittullu suut tamaasa pinngortimmagit Jiisusi taassuma ‘sanianiippoq suliortuatut’ (1900). (Uss 8:22, 30, 31; Kol 1:15-17) Taamaattumik Jiisusip nunarsuarmi avatangiisit nalunngilluinnarpai. Pinngortitap nukingi qanoq atussallugit aqussallugillu ilisimavaa.
13, 14. Kristusip pinngortitap nukiinik aqutsisinnaaneranik ersersitsisumik eqqaasaqarit.
13 Nunarsuarmiinnermini pinngortitap nukiinik aqutsinermigut Jiisusip Guutimit pissaanermik tunineqarsimalluni ersersippaa. Assersuutigalugu anorersuarmik naalakkiinera eqqarsaatigiuk. (Markusi 4:37-39 atuakkit). Biibilimik misissueqqissaartartoq nassuiaavoq Markusip allagaani oqaaseq grækerisooq “anorlersorsuanngorpoq”-mik nutserneqarsimasoq anorersuarujussuartut ulussaarsuartulluunniit isumaqartoq. Nuissat taartut malitsigalugit anorersuarmut, anoraasuarsuarmut, kallernermut sialussuarmullu innersuussutaavoq. Qatsormat suut tamarmik aseruatitersimapput.
14 Pisut takorlooriakkit: Mallit umiatsiaq qarsuttaqattaarpaat immatsillugulu. Anorersuaq pitoraappalukkaluartoq mallersorsuugaluartorlu Jiisusi qasunermik sinippoq. Apustililli annilaanganermik Jiisusi itersarpaat oqarfigalugulu: “Umiulerpugut.” (Matt 8:25) Jiisusi qanoq piva? Makeriarluni anorersuaq taserlu ima appisaluuppai: “Nipangerit, qatsorit!” (Mark 4:39) Anorersuarunnaarpoq “manissilluinnarlunilu”. Tamanna Jiisusip pinngortitap nukiinik aqutsisinnaaneranik ersersitsilluarpoq!
15. Jehovap pinngortitap nukiinik aqutsisinnaanini qanoq uppernarsarsimavaa?
15 Kristusi Jehovamit pissaaneqartinneqarmat nalunngilarput Guutip Ajugaqanngitsup pinngortitap nukingi pissaaneqarfigigai. Assersuutigalugu ulersuaq sioqqullugu Jehova ima oqarpoq: “[Ullut] arfineq-marluk qaangiuppata nunarsuarmi siallersitsiumaarpunga ullut 40-t unnuallu 40-t.” (1 Mos 7:4) Aamma Mosesimik allakkat aappaat 14:21-mi ima allassimavoq: “[Naalakkap] unnuaq tamaat imaq nigorsimatippaa assarnersuakkut.” Kiisalu Jonamik allakkat 1:4-mi ima allassimavoq: “[Naalakkap] anorersuaq immamut pitorartippaa, persorisorsuanngormallu umiarsuaq umiiaqqajaalerpoq.” Nuannerpoq nalunagu silarsuassami nutaami Jehovap pinngortitap nukingi tamatigut aquttassagai.
16. Sooq Jehova Jiisusilu pinngortitap nukiinik aqutsinissamut pissaaneqartut nalunagu tuppallernarpa?
16 Tuppallernarpoq nalunagu Jehova Jiisusilu pinngortitap nukiinik aqutsinissamut pissaaneqartut. Kristusip ukiuni 1000-ni naalakkersuinerani nunarsuarmi kikkut tamarmik toqqissisimassapput. Kiattup anoraasuarsui, tsunamit, qaqqat Saqq 21:3, 4) Ukiuni 1000-ni naalakkersuileruni Jiisusip pinngortitanik aqutsinissaminut Jehovamit pissaaneqalersinneqarnissaa qularinngissinnaavarput.
innermik anitsisartut imaluunniit nunap sajunneri pissutigalugit ajoqusertoqassananilu ajunaartoqassanngilaq. ‘Guuti inunni ineqarfeqalissammat’ ajunaarnersuaqarnissaa annilaangatigissanngilarput. (GUUTI KRISTUSILU ILAAKKIT
17. Guuti Kristusilu qanoq ilaarsinnaavavut?
17 Soorunami pinngortitami ajunaarnersuit pinngitsoortissinnaanngilavut. Jehova Jiisusilu kisimik taamaaliorsinnaapput. Allamilli iliuuseqarsinnaavugut. Ussatit 3:27 maleruarsinnaavarput. (Atuaruk). Qatanngutivut naalliuuteqartut timikkut misigissutsikkullu pisariaqartitaannik ikiorsinnaallugillu tuppallersarsinnaavavut. (Uss 17:17) Assersuutigalugu pinngortitami ajunaarnersuup kingorna ikiorsinnaavavut. Uillarneq angerlarsimaffimmi ulussaarsuarmit aseruatiterneqarnerata kingorna ima oqarpoq: “Timikkut anersaakkullu pisariaqartitannik ikiorneqartarama Jehovap peqatigiissortaanut ilaanera qujamasuutigingaarpara.” Qatanngut arnaq alla aappaqanngitsoq anorersuarnerani angerlarsimaffimmi aseruatiterneqarnerata kingorna ikiortissaqanngitsutut misigivoq. Qatanngutit angerlarsimaffianik iluarsartuussereermata ima oqarpoq: “Oqaasertalerneqarsinnaanngilaq! Misigissutsikka qanoq oqaatigissanerlugit naluara.” Ima nangippoq: “Jehova, qujanaq!” Qatanngutitta allat pisariaqartitaannik matussuseerusuttarnerat qujamasuutigingaarparput. Jehovalli Jiisusillu uagutsinnik isumassuinerat annerusumik qujamasuutigingaarparput.
18. Jiisusip tupinnartuliornissamut pissutigisaanut tunngatillugu suna ajasoorutigaajuk?
18 Jiisusip oqaluussinermini uppernarsarpaa ‘tassaalluni Guutip pissaanera’. Allanilli malugineqarniaannarluni imminulluunniit iluaqutaasumik pissaanini atunngisaannarpaa. Paarlattuanik Jiisusip inuit qamannga pisumik asagamigit pissaanini tupinnartuliornermut atortarpaa. Tamanna allaaserisami tulliuttumi sukumiinerusumik sammissavarput.