1. Inup­pas­suit suut nalingin­naasutut isigisar­paat?

SILARSUARMI kinguaas­siuutitigut inuunerluf­fiungaar­tumi inuuvugut. As­sersuutigalugu inup­pas­suit anguteqatimin­nik ar­naqatimin­nil­luun­niit atoqateqar­neq katis­simananiluun­niit atoqateqar­neq nalingin­naasutut isigisar­paat. Isigin­naagas­siat, atuak­kat, nipilersuutit pilerisaarutil­lu kinguaas­siuutitigut inuunerlun­nermik ulik­kaar­put. (Tus­s 12:9) Jehoval­li im­minit iluarisaal­luta inuunis­satsin­nut ikiorsin­naavaatigut. Silarsuarmi kinguaas­siuutitigut inuunerluf­fiungaar­tumi minguit­tuarsin­naavugut. — 1 Thes­salonikamiut 4:3-5 atuak­kit.

2, 3. (a) Sooq pileris­susipiluit itigar­tit­tariaqar­pavut? (b) Al­laaserisami matumani suut sam­mis­savavut?

² Jehovamit iluarisaajumal­luta taas­suma uumigisai suul­luun­niit ajat­tor­tariaqar­pavut. Soorlu aalisak­kap neqitamut kajungiler­tar­neratut uagut­taaq naam­mal­luin­nan­ngitsuugat­ta kinguaas­siuutitigut inuunerlun­nermut kajungilersin­naavugut. Eq­qarsaativut kinguaas­siuutitigut inuunerlun­nermut tun­ngap­pata ingerlaan­naq itigar­tit­tariaqar­pavut. Taamaaliun­ngik­kut­ta kinguaas­siuutitigut inuunerlun­nis­samik pileris­suseq sak­kor­tusip­pat periarfis­saqalerut­ta ajor­tuliorsin­naagat­ta.  Biibilimi al­las­simasutut pisoqas­saaq: ‘Pileris­sutsip ilumileraangami ajor­ti er­niarisar­paa.’ — Jaaku 1:14, 15 atuak­kit.

³ Pileris­susipiluit uum­matitsin­ni ineriar­tulersin­naap­put. Taamaat­tumik pilerigisanut tun­ngatil­lugu mianersor­tariaqar­pugut. Pileris­susipiluit itigar­tik­kutsigit kinguaas­siuutitigut inuunerlun­neq tamatumalu kingunipilui ingalas­simas­savavut. (Gal 5:16) Al­laaserisami matumani pileris­susipilun­nik akiuinermi iluaqutigisin­naasavut pingasut sam­mis­savavut: Jehovamik ikin­nguteqar­ner­put, taas­suma oqaasiani siun­nersuutit kristumiunil­lu inersimal­luar­tunit ikior­neqar­neq.

4. Sooq Jehovamut qanil­linis­sar­put pingaaruteqar­pa?

⁴ ‘Guutimut qanil­lerusut­tut’ Biibilimi ima kajumis­saar­neqar­put: “As­sasi ipiiarsigit” aam­ma “uum­matisi salis­sigit!” (Jaak 4:8) Jehova ikin­ngutiginer­paagutsigu iliuutsivut kisiisa pin­nagit aam­ma eq­qarsaativut taas­suma iluaris­sagai kis­saatigis­savar­put. Eq­qarsaativut minguip­pata uum­mater­put aam­ma minguis­saaq. (Tus­s 24:3, 4; Fil 4:8) Naam­mal­luin­nan­ngitsuugat­ta kinguaas­siuutitigut inuunerlun­nermut tun­ngasunik eq­qarsaateqalersoorsin­naaner­put Jehovap paasisin­naavaa. Jehovali ajual­latsik­kusun­ngin­natsigu sapin­ngisar­put tamaat eq­qarsaatipiluit itigar­tin­niar­tar­pavut. (1 Mos 6:5, 6) Sapin­ngisar­put tamaat eq­qarsaativut minguitsuutin­niar­tar­pavut.

5, 6. Kinguaas­siuutitigut inuunerlun­nis­samik kis­saatipiloqar­nermik akiuinermi qinusar­neq qanoq iluaqutigisin­naavar­put?

⁵ Jehovap qin­nuigiuarutsin­ni kinguaas­siuutitigut inuunerlun­nermut tun­ngasunik eq­qarsaatinik akiuinermi ikius­savaatigut. Minguit­tuar­nis­satsin­nut nukis­saqar­tin­niarluta anersaaminik il­ler­nar­tumik tunisar­paatigut. Eq­qarsaatit­ta Jehovamit iluarineqar­nis­saat kis­saatigalutigu taas­sumun­nga qin­nutitsin­ni eq­qaasin­naavar­put. (Tus­s 19:15) Uum­matitsin­ni ajor­tulius­sutigisin­naasatsin­nik pileris­susipiloqar­nersoq paasiniarlugu maniguul­luta misis­soq­qusar­pugut. (Tus­s 139:23, 24) Kinguaas­siuutitigut inuunerlun­nermik itigar­titsinis­san­nut ikioq­qul­lutit Jehova qin­nuigisaruk us­ser­nar­torsioraluarlutil­lu eq­qor­tulior­tuarlutit. — Mat­t 6:13.

⁶ Jehova pil­lugu ilin­nialin­ngik­kal­larat­ta im­maqa iluarin­ngisaanik ilior­nis­saq nuan­narisar­par­put. Jehoval­li al­lan­ngor­nis­satsin­nut im­minil­lu iluarisaajuar­nis­satsin­nut ikiorsin­naavaatigut. As­sersuutigalugu Batseba al­lasiorfigereerlugu kun­ngi Daavi peq­qis­simivoq Jehovalu “uum­mam­mik minguitsumik” tuneq­qul­luni naalan­nis­saminul­lu ikioq­qul­luni kimigiiserfigalugu. (Tus­s 51:12, 14) Taamaat­tumik inooriaaserisimasar­put pis­sutigalugu kinguaas­siuutitigut inuunerlun­nis­samik sak­kor­tuumik kis­saatipiloqarut­ta Jehovap im­minut naalan­nis­satsin­nut eq­qor­tulior­nis­satsin­nul­lu suli sak­kor­tunerusumik kis­saateqar­nis­satsin­nut ikiorsin­naavaatigut. Eq­qarsaatipilut­ta aqun­nis­saanut ikiorsin­naavaatigut. — Tus­s 119:133.

7. Eq­qarsaatit kinguaas­siuutitigut inuunerlun­nermut tun­ngasut akior­neran­ni Guutip oqaasia qanoq iluaqutigisin­naavar­put?

⁷ Jehovap ikioq­qul­luta qin­nutivut oqaatsimigut, Biibili aq­qutigalugu, akisin­naavai. Ilisimas­suseq Guutip oqaasianiit­toq “pingaar­ner­paamik minguitsuuvoq”. (Jaak 3:17) Ul­lut tamaasa Biibilimik atuar­tarut­ta  isumar­put minguitsuutis­sin­naavar­put. (Tus­s 19:8, 12; 119:9, 11) Aam­ma eq­qarsaatit pileris­sutsil­lu kinguaas­siuutitigut inuunerlun­nermik itigar­titsinis­samut tun­ngasut pil­lugit oqalut­tuat mianersoq­qus­sutil­lu Biibilimi al­las­simap­put.

8, 9. (a) Sooq angutip inuusut­tup ar­naq kinguaas­siuutitigut inuunerlut­toq atoqatigaa? (b) Us­satit kapitali 7 sunik ingalas­siman­nin­nis­satsin­nut iluaqutigisin­naavar­put?

⁸ Us­satit 5:8-mi kinguaas­siuutitigut inuunerlun­nis­samik ingalas­siman­nin­nis­samut mianersoq­quneqar­pugut. Us­satit kapitali 7-imi angut inuusut­toq un­nuk­kut ar­nap kinguaas­siuutitigut inuunerlut­tup il­luata eq­qaani pisut­toq oqalut­tuarineqar­poq. Ar­naq “ator­tit­tar­tutut atisaqarluni” il­lumi silataaniip­poq. Ar­nap or­nik­kamiuk eqeriarlugu kunip­paa pileris­susipiloqalis­sutigisaanil­lu oqaaseqarluni. Angutip pileris­susipiluit itigar­tin­ngin­namigit ar­naq taan­na atoqatigaa. Ajor­tulior­nis­sani pilersaarutigin­ngik­kaluarlugu ajor­tulior­poq. Taamaat­tumil­lu ajor­tuliami kingunipilui ator­tariaqar­pai. Navianar­torsior­nini paasisimasuuguniuk ar­nap taas­suma eq­qaaniin­navian­ngik­kaluar­poq! — Us­s 7:6-27.

⁹ Angutitut inuusut­tutut navianar­torsior­nitsin­nik eq­qumaf­figin­nin­ngin­ner­put pis­sutigalugu aalajangiinerlus­sin­naavugut. As­sersuutigalugu un­nuk­kut tv-k­kut aal­lakaatitas­siorfiit ilaat kinguaas­siuutitigut inuunerlun­ner­talin­nik aal­lakaatitsisarmata suut aal­lakaatin­neqar­nersut takuniaan­narlugu nuus­sisaqat­taar­neq ulorianaateqarsin­naavoq. Aam­ma inter­netimi nit­tar­tak­kanut nalusanut in­nersuus­sutit,  nit­tar­tak­kak­kut al­laqatigiit­tarfiit nit­tar­tak­kal­lu kinguaas­siuutitigut inuunerlun­nermut tun­ngasunik pilerisaarutil­lit por­nografiinul­lu in­nersuus­sutil­lit iserfiginis­saat ulorianaateqarsin­naavoq. Taamaalior­ner­pum­mi kinguaas­siuutitigut inuunerlun­nis­samik pileris­suseqaler­nermik Jehovamul­lu naalan­ngin­nermik kinguneqarsin­naavoq.

10. Sooq qanin­niarujoor­neq ulorianaateqar­pa? (Al­laaserisap aal­laq­qaataani as­seq takuuk).

¹⁰ Biibilimi aam­ma angutit ar­nal­lu im­min­nut qanoq pis­suseqarfiginis­saat al­laatigineqar­poq. (1 Timotheusi 5:2 atuaruk). Kristumiut aap­parmin­nut katik­kusutamin­nul­luun­niit taamaal­laat ajuutigin­nil­luni soqutigin­nin­neq ersersit­tar­paat. Qanin­niarujoor­neq ajor­put. Ilaat im­maqa eq­qarsar­tar­put inuk al­la at­tun­ngik­kaluarlugu iliuutsik­kut, us­sersor­nik­kut qis­simeriaatsik­kul­luun­niit qanin­niarujoorfigineqarsin­naasoq. Inuil­li marluk im­min­nut qanin­niarujuulerunik kinguaas­siuutitigut inuunerlun­nermut tun­ngasunik eq­qarsaateqalersin­naap­put, taman­nalu kinguaas­siuutitigut inuunerluler­nermik kinguneqarsin­naavoq. Taama pisoqar­tareermat taamatut pisoqaq­qis­sin­naavoq.

11. Josefi qanoq maligas­siuil­luar­pa?

¹¹ Josefi uagutsin­nut maligas­saal­luar­poq. Potifarip nuliata Josefi atoqatiginiarlugu us­ser­niarsaraa. Itigar­tin­neqar­taraluarluni us­ser­niar­tuar­paa ‘ul­lul­lu tamaasa ar­nerif­figeq­qusarluni’. (1 Mos 39:7, 8, 10) Biibilimik misis­sueq­qis­saar­tar­tup nas­suiar­paa Potifarip nuliata kisimiin­nermin­ni Josefip pileris­suseqarfigilis­sagaani neriuutigigaa. Josefip taas­suma qanin­niarujoor­nera soqutigin­ngitsuusaar­niarlugu aalajangiusimagamiuk qanin­niarujoorfigin­ngilaa. Pileris­susipiluit uum­mam­mini ineriar­tor­tilin­ngilai. Potifarip nuliata ilupaani tigum­magu atoqatigeriaraluarmanilu Josefi ingerlaan­naq ilupaani “im­miniigin­narlugu qimaal­luni anivoq”. — 1 Mos 39:12.

12. Isigisat­ta uum­matitsin­nut sun­niuteqarsin­naanerat qanoq nalun­ngilar­put?

¹² Jiisusip eq­qaavaa isigisavut uum­matitsin­nut sun­niuteqarsin­naal­lutil­lu kinguaas­siuutitigut inuunerlun­nis­samik pileris­susipiloqalersitsisin­naasut. Ima oqaaq­qis­saarivoq: “Kial­luun­niit ar­naq pileris­suseqarfigalugu isigiuak­kani uum­mam­migut al­lasiorfigereer­paa.” (Mat­t 5:28, NW) Kun­ngip Daavip isigisani sun­ner­tis­sutigai. “Il­lumi qaavani pisorusaar­til­luni akimini ar­naq uf­far­toq” takugamiuk alar­nagu eq­qarsaatigiualer­paa. (2 Sam 11:2) Al­lamik ueqaraluar­toq pileris­suseqarfigileramiuk atoqatigaa.

13. Sooq ‘isivut isumaqatigiis­suteqarfigisariaqar­pavut’, qanorlu taamaaliorsin­naavugut?

¹³ Kinguaas­siuutitigut inuunerlun­nermut tun­ngasunik eq­qarsaateqarusun­ngik­kut­ta Jobitut ilior­tariaqar­pugut. Taan­na ima oqar­poq: “Isik­ka isumaqatigiis­suteqarfigisimavak­ka.” (Job 31:1, 7, 9) Jobip pisimaneratut inuk al­la pileris­suseqarfigalugu isiginiar­nagu aalajangersin­naavugut. Qarasaasiami, pilerisaarum­mi, atuagas­siami arlaan­niluun­niit as­seq atoqatigiin­nermut tun­ngasoq takugutsigu ingerlaan­naq alas­savar­put.

14. Minguit­tuarumal­luta susariaqar­pugut?

¹⁴ Sam­meriik­kavut eq­qarsaatigalugit im­maqa paasivat kinguaas­siuutitigut inuunerlun­nermut tun­ngasunik pileris­susipiluit akior­niarlugit iliuuseqar­nerusariaqarlutit. Al­lan­nguisariaqaruit ingerlaan­naq taamaaliorit! Jehovap oqaasii maleruaruk­kit kinguaas­siuutitigut inuunerlun­neq ingalas­simasin­naal­lugulu minguit­tuarsin­naavutit. — Jaaku 1:21-25 atuak­kit.

15. Pileris­susipiloqar­naveersaar­neq saper­nar­tik­kutsigu al­lanut ikior­tis­sarsior­nis­saq sooq pingaaruteqar­pa?

¹⁵ Pileris­susipiloqar­naveersaar­neq saper­nar­tik­kuk­ku ilagiin­niit­tunut ukior­pas­suar­ni Jehovamut kif­far­tor­tuusunut Guutil­lu oqaasia tun­ngavigalugu siun­nersuil­luarsin­naasunut ikior­tis­sarsiorit. Im­maqa inut­tut ajor­nar­torsiutitit pil­lugit al­lat oqaloqatiginis­saat saper­nar­tip­pat, ikior­tis­sarsior­nis­sal­li pingaaruteqar­poq. (Us­s 18:1; Hebr 3:12, 13) Kristumiut inersimal­luar­tut sutigut al­lan­nguisariaqar­nin­nik paasin­nin­nis­san­nut ikiorsin­naavaatsit. Taamaalior­nerit Jehovap ikin­ngutigiuar­nis­saanut iluaqutigis­savat.

16, 17. (a) Pileris­susipiloqar­naveersaar­nis­samik saper­nar­titsisut utoq­qaaner­tanit qanoq ikior­neqarsin­naap­pat? As­sersuuteqarit. (b) Sooq por­nografiimik isigin­naar­tar­nermik ileq­qulius­sisimasut piaar­tumik ikior­tis­sarsior­tariaqar­pat?

¹⁶ Utoq­qaaner­tat ilagiitsin­niit­tut uagutsin­nik ikiuinis­samin­nut ingam­mik piuk­kun­naateqar­put. (Jaaku 5:13-15 atuak­kit). Brasiliami angutip inuusut­tup pileris­susipiloqar­naveersaar­nis­sani ukior­paalun­ni saper­nar­tis­simavaa. Ima oqalut­tuar­poq: “Eq­qarsaatik­ka Jehovamit iluarineqan­ngin­nerat nalun­ngilara, misigis­sutsimali al­lanut oqalut­tuarinis­saat kan­ngugeqaara.” Angutip inuusut­tup ikior­neqar­tariaqar­nera utoq­qaaner­tap paasigamiuk utoq­qaaner­tanut ikior­tis­sarsior­nis­saanut kajumis­saar­paa. Angut inuusut­toq ima nangip­poq: “Ilimagin­ngik­kaluarak­ku utoq­qaaner­tat taama inus­siar­ner­tigis­sal­lutil­lu paasin­nitsigis­sasut. Ajor­nar­torsiutik­ka oqalut­tuarigak­kit tusar­naaq­qis­saar­put. Jehovamit asaneqar­nera up­per­narsar­niarlugu Biibili atorlugulu qinoqatigaan­nga. Taman­na pis­sutigalugu Biibili tun­ngavigalugu siun­nersuutaan­nik maleruaanis­saq ajor­nan­ngin­nerutiler­para.” Jehovamut at­taveqarlualereer­nermi kingor­na ima oqar­poq: “Ajor­nar­torsiut nam­mineq aaq­qin­niar­nagu ikior­tis­sarsior­nis­sap qanoq pingaaruteqar­tiginera maan­na paasivara.”

¹⁷ Por­nografiimik isigin­naar­tar­neq ileq­qulius­simaguk­ku piaar­tumik ikior­tis­sarsior­tariaqar­putit. Ikior­tis­sarsior­nis­sat kinguar­teqat­taaruk­ku kinguaas­siuutitigut inuunerlun­nis­sat ilimanar­nerulis­saaq. Taamaalioruit al­lat aliasutsis­sal­lugil­lu Jehovap aq­qa kan­ngunarsas­savat. Qatan­nguter­pas­suit Jehovamit iluarisaarusuk­kamik kristumiul­lu ilagiivinut ilaasor­taajuarusuk­kamik utoq­qaaner­tanut ikior­tis­sarsiorsimap­put taak­kualu siun­nersuutaan­nik maleruaal­lutik. — Tus­s 141:5; Hebr 12:5, 6; Jaak 1:15.

18. Sunis­sat aalajangiusimaviuk?

¹⁸ Saatanip silarsuaani kinguaas­siuutitigut inuunerlun­neq an­ner­tusiar­tuin­nar­poq. Jehovap kif­faasa eq­qarsaatitik minguitsuutin­niar­tuar­paat. Jehovap kristumiut taak­ku tul­luusimaarutigai. Jehovamut qanit­tuarlutalu oqaasiani kristumiul­lu ilagiivini siun­nersuutit maleruar­tuar­tigit. Taamaaliorut­ta pil­luas­sal­lutalu ilerasuuteqas­san­ngilagut. (Tus­s 119:5, 6) Siunis­samilu, Saatani suujun­naarsitaareer­pat, Guutip silarsuas­saani nutaami minguitsumi naas­saan­ngitsumik inuusin­naas­saagut.