ANITA Jehovamik Nalunaajaasun­ngormat uia kamarujus­suar­poq. * Ataatsimiigiar­tarun­naaq­qul­lugulu naalak­ker­paa Guutip aq­qa taaneqas­san­ngitsorluun­niit. Ateq Jehova tusaan­narluguluun­niit kamarujus­suar­tar­poq.

Tamatuma saniatigut Anitap uiata qitor­natik Jehova pil­lugu ilin­niar­tin­neqar­tar­nis­saat ataatsimiigiar­tar­nis­saal­lu kis­saatigin­ngilaa. Anitap uimi nalusaanik qitor­natik ikior­tariaqaramigit taman­na unam­miniar­nar­tingaar­paa.

Soorlu Anitap misigisaanit erser­toq ilaqut­tavit ilaata Jehovamut kif­far­torun­naarsin­niarsarisin­naavaatit. Imaluun­niit al­latigut erloqinar­torsiorsin­naavutit. Im­maqa sivisuumik nap­parsimasimavutit. Im­maqa qitor­nat aap­pal­luun­niit toqusimavoq. Imaluun­niit ilaqut­tavit asasavit ilaata Jehova qimas­simavaa. Pisuni taamaat­tuni Jehovamut aalajaak­kumal­lutit susin­naavit?

Apustili Paulusi ima al­lap­poq: ‘Nikal­lujuis­suseq atorfis­saqar­tip­parsi.’ (Hebr 10:36) Taamaat­tumik nikal­lujuik­kumal­lutit, imaluun­niit piner­tusaarumal­lutit, suna iluaqutigisin­naaviuk?

Eq­qaamas­savat naal­liuuteqar­nin­ni nikal­lujuik­kumal­lutit Jehova tatigisariaqarak­ku. Ikioq­qul­lutit qin­nuigiuk. An­na taamaalior­poq uini tas­san­ngaan­naq toquk­kut qimagum­mat. Ukiuni 30-ni aap­pariis­simap­put. An­na ima oqar­poq: “Suliar­tormat naggam­mik takuara. 52-iin­nar­nik ukioqarluni toquvoq.”

An­na sulif­fim­mini ulapik­kaluarluni aliasut­tuar­poq. Qanoq ilior­pa? Ima oqalut­tuar­poq: “Uum­mam­miuk­ka Jehovamut oqalut­tuaralugil­lu ikioq­qul­lunga kimigiiserfigisar­para.” Qinoreeraangami eq­qis­sial­lat­tutut misigisarami Jehovamit ikior­neqar­nini nalun­ngilaa. Ima nangip­poq: “Jehovap uiga toqusunit makitik­kumaaraa qularin­ngil­luin­nar­para.” — Fil 4:6, 7.

Kif­fami qin­nutaat tusar­tas­sal­lugit Jehova neriorsuivoq. (Tus­s 65:3) Im­minul­lu kif­far­tor­tuar­nis­samin­nut pisariaqar­titaan­nik sunil­luun­niit matus­susiisar­poq. Jehovap, al­laat  erloqinar­torsiorfiusuni, aalajaan­nis­san­nut ikius­savaatit.

Jehovap nikal­lujuit­tuaq­qul­luta aam­ma al­latigut, soorlu ilagiin­ni qatan­ngutit aq­qutigalugit, ikior­tar­paatigut. Qatan­ngutit Thes­salonikami peq­qar­niitsumik malersor­neqar­nermin­ni ikioqatigiin­nerat ilin­niarfigisin­naavar­put. Taamanik­kut tup­pal­lersaqatigiin­nis­sar­tik pisariaqar­til­luin­nar­paat. (1 Th 2:14; 5:11) Qatan­ngutitik ataatsimeeqatigisar­nerisigut ikin­ngutigil­luar­nerisigul­lu Jehovamut aalajaat­tuar­nis­saan­nut ikior­paat. Thes­salonikamiut pisimanerat­tut aalajaat­tuarumal­luta qanoq iliorsin­naavugut?

Ingam­mik erloqinar­torsiorfiusuni ilagiin­niit­tut ikin­ngutigil­luar­tariaqarlugil­lu kajumis­saaqatigiin­nias­sagat­ta peqatigisariaqar­pavut. (Rom 14:19) Apustili Paulusi malersugaaneq ajor­nar­torsiutil­lu al­lat naal­liuutigai, Jehoval­li nikal­lujuit­tuaq­qul­lugu ikior­paa. As­sersuutigalugu Jehovap qatan­ngutit aq­qutigalugit Paulusi qiim­mas­sar­paa. Apustili ikin­ngutini pil­lugit ima al­lap­poq: ‘Uan­nut tup­pal­liutaap­put.’ (Kol 4:10, 11) Qatan­ngutit taak­kua Paulusi asagamik­ku pisariaqar­titsigaangat tup­pal­lersar­tarlugulu qiim­mas­sar­tar­paat. Im­maqa ilagiin­ni qatan­ngutivit oqaaserisaat iliuuserisaal­luun­niit qiim­maal­laatigisimasatit eq­qarsaatigisarsin­naavatit.

Jehovap aam­ma utoq­qaaner­tat aq­qutigalugit ikior­tar­paatit. Angutit taak­kua qiim­mas­sarsin­naal­lutil­lu Biibili tun­ngavigalugu siun­nersorluarsin­naavaatsit. Taak­ku ima al­laatigineqar­put: “Tamarmik as­sigis­savaat anorersuarmut oq­quif­fik sialus­suarmul­lu oq­qif­fik, inoqajuitsumi kuun­nguaq kuut­toq, nunami imis­saaleqisumi qaarsorsuup alan­ngor­taa”. (Es 32:2) Qatan­ngutit taak­kua ikiuinis­samut piareersimanerat nalunagu tup­pal­ler­nar­poq. Taamaat­tumik erloqinar­torsioraangavit utoq­qaaner­tat or­nit­tak­kit. Jehovamut kif­far­tor­tuar­nis­san­nut ikiorsin­naavaatsit.

Soorunami utoq­qaaner­tat ilit­tul­li naam­mal­luin­nan­ngitsuugamik ajor­nar­torsiutivit ilaat aaq­qis­sin­naan­ngilaat. (ApS 14:15) Utoq­qaaner­tamut saaf­figin­nik­kuit taas­sumalu ajor­nar­torsiutit pil­lugu Jehovamut qin­nup­patsit iluaal­lat­tutut misigis­saatit. (Jaak 5:14, 15) As­sersuutigalugu Italiami utoq­qaaner­tat qatan­ngut angut ukior­pas­suar­ni peq­qiil­liuuteqar­nerminik naal­liuuteqar­toq qiim­mas­sar­paat. Taan­na ima oqar­poq: “Utoq­qaaner­tat asan­nit­tut misigin­neqatigin­nit­tul­lu pulaakulasar­nerat nikal­lujuit­tuar­nis­san­nut iluaqutigaara.” Naal­liuuteqaraangavit utoq­qaaner­tanut ikioq­qusar­nis­sat Jehovap kis­saatigaa.

Jehovamut kif­far­tor­nermik pingaar­ner­paatitsigaangat­ta Jehovap ikiuisar­nera misigisar­par­put. Johnip taman­na misigaa. 39-nik ukioqarluni kræftimik qaqutigoor­tumik nap­paateqalerluni paasivaa. Taama inuusutsigaluni nap­paateqaler­nini isumatsas­sutigaa. Aam­ma nuliani er­ninilu, pingasuin­nar­nik ukiulik, isumakuluutigai. Ima oqalut­tuar­poq: “Nuliama qitor­nar­put paaq­qutariin­nar­nagu aam­ma uanga paaq­qutarisariaqarlungalu nakorsiar­nis­san­nut ikior­tuar­tariaqar­paanga.” Nakorsar­tin­nini pis­sutigalugu qasoq­qangaar­tarlunilu naamigut an­niar­tar­poq. Tamatumalu saniatigut Johnip paasivaa ataatani toqus­sutaasar­tumik nap­paateqar­toq isumas­sor­neqar­nis­saminil­lu pisariaqar­titsisoq.

Johnip ilaqutaasalu erloqinar­torsior­nermin­ni suut iluaqutigaat? Johnip qasukulasaraluarluni ilaqut­tami Jehovamut kif­far­tor­nermik pingaar­ner­paatitsiuar­nis­saat qulak­keer­paa. Ima oqar­poq: “Pis­sutsit atuk­kavut ar­tor­naraluar­tut ataatsimiin­nerit tamaasa najuuf­figisar­pavut, sapaatit-akun­neri tamaasa oqaluus­seqataasar­pugut ilaqutariit­tul­lu atuaq­qis­saaqatigiit­tarluta.” Johnip Jehovamut at­taveqarluar­tuar­nis­sap pingaaruteqarluin­nar­nera paasivaa. Aal­laq­qaam­mut an­nilaarujus­suaraluarluni isumaaluk­kaluarlunilu ingerlaan­naq qaman­nga pisumik eq­qis­sisutut misigivoq. Jehovamit asaneqar­nini pisariaqar­titaminil­lu nukis­saqalersin­neqar­nis­sani nalun­ngilaa. Il­lit isumakuluk­kaangavit an­nilaangagaangavil­luun­niit Jehovap aam­ma taamatut ikiorsin­naavaatit. John ima oqar­poq: “Jehovap uan­nik ikiuisimanermisut nakus­satsis­sin­naavaatit.”

Naal­liuuteqaraangavit Paulusip oqaasii uku eq­qaamasak­kit: ‘Nikal­lujuis­suseq atorfis­saqar­tip­parsi.’ Jehova qin­nuigisar­neratigut tatigiuk. Ilagiin­ni qatan­ngutitit at­taveqarluarfigik­kit, utoq­qaaner­tanut ikioq­qugit Jehovamil­lu pal­lorfigin­nin­nermik pingaar­ner­paatitsiuarlutit. Maan­na ajor­nar­torsiutigisan­nik sunil­luun­niit siunis­samilu unam­miniar­nar­tunik nalaak­kumaagas­san­ni suniluun­niit ikius­savaatit.