1, 2. Al­lak­kani Hebræerisuuni oqaatsit ‘isik­kat tum­marfiat’ sumut tun­ngasin­naap­pat?

JEHOVA GUUTI ima oqar­poq: “Qilak is­siavis­saarsuaraara, nunalu isik­kama tum­marfigaat.” (Es 66:1) Aam­ma Guutip ‘isik­kami tum­marfiat’ pivaa ima oqarami: ‘Alutor­narsisik­kumaar­para isik­kama inaat.’ (Es 60:13, 1900) Isik­kami tum­marfiat qanoq alutor­narsisip­paa? Isigaasalu tum­marfian­ni, tas­sa nunarsuarmi, inuusunut qanoq sun­niuteqar­pa?

² Al­lak­kani Hebræerisuuni oqaatsit ‘isik­kat tum­marfiat’ aam­ma itsaq Israelimi naalaf­fim­mik al­laatigin­nin­nermut ator­neqar­tar­put. (1 Nal 28:2; Tus­s 132:7) Jehovap naalaf­fik pal­lorfigin­nin­nermut ilumoor­tumut qitium­mat alutor­naringaar­paa. Nunarsuarmilu Jehovamik naalan­narsisitsinermut ator­neqar­tar­poq.

3. Ul­lumik­kut pal­lorfigin­nin­nerup ilumoor­tup suna qiteraa, qangalu piuler­pa?

³ Ul­lumik­kut pal­lorfigin­nin­nerup ilumoor­tup suna  qiteraa? Naalaf­fit­tut sanaajun­ngilaq. Tas­saavoq naalaf­fik anersaak­kut it­toq as­sam­mil­lu sanaanit al­lanit tamanit Jehovamik naalan­narsisitsinerusoq. Naalaf­fik anersaak­kut it­toq suua? Tas­saavoq Guutip inuit im­minut ikin­ngutaalersin­naaq­qul­lugit im­minil­lu pal­lorfigin­nis­sin­naaq­qul­lugit aaq­qis­suus­saa. Aaq­qis­suus­sineq taman­na Jiisusip uter­titsis­sutitut pil­liutaata taamaal­laat ajor­narun­naarsip­paa. Aaq­qis­suus­sineq taman­na ukiumi 29-mi Jiisusi kuisim­mat Jehoval­lu naalaf­fiani anersaak­kut it­tumi palasiuner­tut tanin­neqarmat aal­lar­tip­poq. – Hebr 9:11, 12.

4, 5. (a) Tus­siaat 99 naaper­torlugu Jehovap pal­lorfigin­nit­tai ilumoor­tut qanoq iliorusup­pat? (b) Im­minut qanoq aperisariaqar­pugut?

⁴ Guutip pal­lorfigin­nin­nermik ilumoor­tumik aaq­qis­suus­saa qujamasuutigeqaar­put. Taman­nalu ersersit­tar­par­put Jehovap aq­qa taas­sumalu tunis­sutaa uter­titsis­sut erlin­nangaar­toq pil­lugit inun­nut al­lanut oqalut­tuar­nik­kut. Jehovap ul­lut tamaasa kristumiunit ilumoor­tunit 8 mil­lioninit amerlanerusunit un­nersiutigineqar­nera nuan­naarutigingaar­par­put! Inup­pas­suit up­per­tut kuk­kul­lutik isumaqar­tut toqugunik qilam­mi Guuti un­nersiutigis­sagitsik, Jehovap in­nut­taasa taas­sumin­nga maani maannakkullu un­nersiutigin­nin­nerup pingaaruteqas­susia nalun­ngilaat.

⁵ Jehova un­nersiutigigaangatsigu taas­suma kif­fai aalajaatsut maligas­siaat Tus­siaat 99-imi al­laatigineqar­tut ilaar­tar­pavut. (Tus­siaat 99:1-3, 5 atuak­kit). Angutit aalajaatsut soorlu Mosesi, Aroni Samuelilu Guutip itsaq pal­lorfigin­nin­nermik ilumoor­tumik aaq­qis­suus­saanik tapersersuil­luin­nar­put. (Tus­s 99:6, 7) Ul­lumik­kut tanitat nunamiit­tut Jiisusip qilam­mi palasitut kif­far­toqatigilin­ngin­nerani naalaf­fiup anersaak­kut it­tup nunamiit­tor­taani aalajaal­lutik Jehova kif­far­torfigaat. ‘Savat al­lat’ mil­lionil­lit ilumoorfigin­nil­lutik taak­kunin­nga ikiuip­put. (Joh 10:16) Eqimat­tat taak­ku tamarmik ataasioqatigiil­lutik Jehova pal­lorfigaat. Im­minul­li ima aperisariaqar­pugut: ‘Jehovap pal­lorfigin­nin­nermik ilumoor­tumik aaq­qis­suus­saa tapersersorluin­nar­para?’

6, 7. Kristumiut siul­liit ilagiivini suna ajor­nar­torsiutaaler­pa, 1919-il­lu tungaanut susoqar­pa?

⁶ Kristumiut ilagiivisa pilersin­neqar­nerisa kingor­na ukiut 100-t suli qaangiutin­ngitsut siulit­tuutigineqareersutut tunus­sinersuaqaler­poq. (ApS 20:28-30; 2 Th 2:3, 4) Tamatuma kingor­na Guutip pal­lorfigin­nit­taasa ilumoor­tut kik­kuuneri nalunarsigalut­tuin­nar­poq. Ukiut hundredil­lit qaangiutereersut aatsaat Jehovap naalaf­fim­mini anersaak­kut it­tumi kik­kut kif­far­tor­tuunersut Jiisusi atorlugu ilisar­narsisip­pai.

⁷ 1919-imi Guutimit iluarisaasut taas­sumalu naalaf­fiani anersaak­kut it­tumi kif­far­tor­tut erseq­qis­sumik kinaas­susersineqarsimap­put. Taak­ku pal­lorfigin­nin­ner­tik  Jehovamut suli iluarisaaneruleq­qul­lugu arlalitsigut al­lan­nguisimap­put. (Es 4:2, 3; Mal 3:1-4) Ukiut hundredil­lit tamatuma sior­na apustilip Paulusip takorruugaa eq­quutitin­neqaler­poq.

8, 9. ‘Paratiisi’ Paulusip takorruugaa suua?

⁸ Paulusip takorruugaa Korinthimiunut al­lak­kani al­las­simavoq. (2 Korinthimiut 12:1-4 atuak­kit). Takorruuk­kami tamatumani Jehovap siunis­sami piulersus­saq Paulusimut takutip­paa. ‘Paratiisi’ Paulusip takusaa suua? Siul­ler­tut, tas­saavoq nunarsuup paratiisin­ngor­nis­saa. (Luk 23:43) Aap­paat­tut, tas­saavoq anersaak­kut paratiisi, silarsuas­sami nutaami suli nuan­ner­nerungaaler­tus­saq. Pingajuat­tul­lu, tas­saavoq qilam­mi ‘Guutip Paratiisiani’ pis­sutsit nuan­ningaar­tut. – Saq­q 2:7.

⁹ Sooq Paulusi oqar­pa ‘oqaatsit oqaatigineq ajor­nar­tut inun­nut taaq­qusaan­ngitsut tusarlugit’? Taamani takorruuk­kami nuan­ningaar­tut sukumiisumik nas­suiar­nis­saan­nut pif­fis­saan­ngim­mat. Pil­luaq­qus­sutil­li Jehovap in­nut­taasa maan­nak­kut misigisaat ul­lumik­kut al­lanut oqalut­tuarineqarsin­naatitaap­put!

10. Sooq anersaak­kut paratiisi tas­saan­ngila naalaf­fik anersaak­kut it­toq?

¹⁰ Anersaak­kut paratiisi eq­qar­tor­tar­par­put, suuali? Tas­saavoq eq­qis­sineq ataasius­suseqar­nerlu Guutip peqatigiis­sor­tamini atugarititai. Tas­sa anersaak­kut paratiisi tas­saan­ngilaq naalaf­fik anersaak­kut it­toq. Naalaf­fik anersaak­kut it­toq tas­saavoq Guutip pal­lorfigin­nin­nermik ilumoor­tumik aaq­qis­suus­sinera. Guutimit iluarisaasut taas­sumalu naalaf­fiani anersaak­kut it­tumi pal­lorfigin­nit­tut anersaak­kut paratiisi ilisar­naatigaat. – Mal 3:18.

11. Ul­lumik­kut suna im­mik­kut pisin­naatitaaf­figaar­put?

¹¹ Jehovap 1919-imiil­li inuit naam­mal­luin­nan­ngitsut anersaak­kut paratiisimik ineriar­tor­titsinis­saat, nakus­satsitsinis­saat al­liar­tor­titsinis­saal­lu akuerigaa nalunagu nuan­nis­susia! Suliaq nuan­ningaar­toq taman­na suleqataaf­figaajuk? Nunarsuarmi Jehovamik naalan­narsisitsil­lutit taas­sumin­nga suleqateqar­nerup im­mik­kut pisin­naatitaaf­fiunera pingaar­tip­piuk?

12. Esaja 60:17 eq­quus­simasoq qanoq nalun­ngilar­put? (Al­laaserisap aal­laq­qaataani as­siliaq takuuk).

¹² Pruf­fiiti Esaja siulit­tuivoq Guutip peqatigiis­sor­taasa nunarsuarmiit­tor­taan­ni arlalin­nik al­lan­nguisoqarlunilu pitsan­ngorsaasoqas­sasoq. (Esaja 60:17 atuaruk). Inuusut­tut kristumiun­ngorlaal­lu al­lan­nguutit tamak­ku nam­min­neq misigisiman­ngin­namik­kit atuarsimallugilluunniit al­lanit tusarsimavaat. Qatan­nguter­pas­suat­tali al­lan­nguutit nuan­ningaar­tut tamak­ku misigisimavaat! Guutip kif­faasa aalajaatsut taak­kua up­peril­luin­nar­paat Guutip kun­nger­put, Jiisusi, peqatigiis­sor­taminik siulersuisutut atoraa! Kristumioqatit­ta asanar­tut taak­kua misigisimasaat pil­lugit tusar­naaraangat­ta up­per­nik­kut nakus­satsil­lutalu Jehovamik tatigin­nin­neruler­tar­pugut.

13. Tus­siaat 48:13-15 naaper­torlugit susariaqar­pugut?

¹³ Kristumiut ilumoor­tut tamarmik  Jehovap peqatigiis­sor­tai pil­lugit al­lanut oqalut­tuar­tus­saap­put. Saatanip silarsuaani ajor­tumi inuugaluarluta qatan­ngutigiis­suar­tut eq­qis­seqatigiis­sin­naaner­put ataasius­suseqarsin­naaner­pul­lu tupin­nar­tuuvoq. Jehovap peqatigiis­sor­tai anersaak­kul­lu paratiisi pil­lugit ‘kingulis­satsin­nut’ nuan­naarluta oqalut­tuas­saagut! – Tus­siaat 48:13-15 atuak­kit.

14, 15. 1970-ip kingor­na suut al­lan­nguutaap­pat, ilagiil­lu taman­na qanoq iluaqutigaat?

¹⁴ Al­lan­nguutit Jehovap peqatigiis­sor­taasa nunarsuarmiit­tor­taan­nik alutor­nar­nerulersisitsut ilagiitsin­ni utoq­qar­pas­suit misigisimavaat. Eq­qaamavaat taamani ilagiit utoq­qaaner­taqatigeeqaratik ilagiin­ni ataatsimik kif­far­tor­toqar­tut, nunami Im­mik­koor­tor­taqarfim­mi Ataatsimiititaliaqaratik im­mik­koor­tor­taqarfim­mi ataatsimik kif­far­tor­toqar­tut aam­ma Jehovap Nalunaajaasuisa Siulersuisoqatigiivi ataatsimoorlutik siut­tuunatik Watch Tower Society-mi præsidenti siut­tuusoq. Qatan­ngutit angutit taak­ku aalajaatsunik ikior­teqaraluarlutik ilagiin­ni, im­mik­koor­tor­taqarfin­ni qul­lersaqarfim­milu aalajangigas­sat inum­mit ataatsimit akisus­saaf­figineqar­tarsimap­put. 1970-ip kingor­na pitsan­ngorsaatitut aalajangigas­sanut tun­ngatil­lugu inuk ataaseq aalajangiisuujun­naarluni utoq­qaaner­taqatigiit aalajangiisus­san­ngor­titaap­put.

¹⁵ Sooq pitsan­ngorsaatit tamak­ku ilagiin­nut iluaqutaap­pat? Biibilimik paasin­nin­neruler­nermik  tun­ngaveqaramik. Inuk ataaseq sunik tamanik kisimi aalajangiisuunani ‘inuit Jehovamit tunis­sutaasut’, tas­sa utoq­qaaner­tat tamarmik, pis­susii ajun­ngitsut Jehovap peqatigiis­sor­taanit iluaqutigineqar­tar­put. – Ef 4:8, NW; Us­s 24:6.

16, 17. Al­lan­nguutit sorliit il­lit tupigusuutigaagit, aam­ma sooq?

¹⁶ Ukiuni kingul­ler­ni atuagas­siaatitsin­nut tun­ngatil­lugu al­lan­nguutit eq­qarsaatigik­kit. Atuagas­siaatitsin­nik iluaqutaal­lutil­lu soqutiginar­tunik oqaluus­sitil­luta neqerooruteqar­tar­neq nuan­naraar­put. Aam­ma nutaarsias­samik nuan­nersumik oqaluus­sinermi teknologii nutaaq ator­neqar­talersoq eq­qarsaatigiuk. As­sersuutigalugu pisariaqar­titsisut ikior­neqarsin­naaq­qul­lugit nit­tar­tagaq jw.org inun­nut amerlanerusunut tusarlius­sivoq. Pitsan­nguutini tamak­kunani Jehovap inun­nik soqutigin­ningaarlunilu asan­nin­nera erser­poq.

¹⁷ Aam­ma ilaqutariit­tut atuaq­qis­saaqatigiin­nis­samut nam­minerlu atuaq­qis­saar­nis­samut pif­fis­saqar­neruleq­qul­luta ataatsimiit­tar­nit­ta al­lan­ngor­nerat qujamasuutigaar­put. Ataatsimeersuar­tar­nitsin­nilu saq­qum­miun­neqar­tar­tunut tun­ngatil­lugu al­lan­nguutit nuan­naarutigaavut. Ukiut tamaasa pitsan­nguuteqar­pasit­tuaan­nar­put! Aam­ma Biibilimik ilin­niarfin­ni amerlasuuni ilin­niar­titaaner­put qujamasuutigaar­put. Al­lan­nguutini taak­kunani tamani erseq­qip­poq Jehovap peqatigiis­sor­tani  siulersorai anersaak­kul­lu paratiisi alutor­nar­nerulersin­niar­tuaraa!

18, 19. Anersaak­kut paratiisimik qanoq alutor­nar­nerulersitseqataasin­naavugut?

¹⁸ Jehovap anersaak­kut paratiisimik alutor­nar­nerulersitseqataaneq uagutsin­nut ataq­qinaataatip­paa. Qanorli iliorsin­naavugut? Guutip naalagaaf­fia pil­lugu nutaarsias­samik nuan­nersumik aal­lus­sil­luarluta oqaluus­sinik­kut ajoqersugan­ngor­titsior­tor­nik­kul­lu. Inuk Guutimut kif­fan­ngor­nis­saanut ikioraangatsigu anersaak­kut paratiisimik al­lisitseqataasar­pugut. – Es 26:15; 54:2.

¹⁹ Aam­ma kristumiutut pis­suserineqar­tus­sat sulis­sutigigaangatsigit anersaak­kut paratiisi alutor­nar­nerulersit­tar­par­put. Taman­na anersaak­kut paratiisimut al­lat kajungilis­sutigisar­paat. Peqatigiis­sor­tatsin­nut taamaalil­lunilu Jehovamut Jiisusimul­lu kajungilersitseq­qaar­tut tas­saagajut­tar­put minguitsuuner­put eq­qis­sisimasuuner­pul­lu, tas­saagin­nar­nani Biibilimik ilisimasaqar­ner­put.

20. Us­satit 14:35 naaper­torlugu qanoq iliorusut­tariaqar­pugut?

²⁰ Jehovap Jiisusil­lu ul­lumik­kut anersaak­kut paratiiser­put takugaangamik­ku nuan­naarutigingaar­tarsimas­savaat. Alutor­nar­nerulersitseqataanitsin­nik maan­nak­kut nuan­naarutigin­nin­ner­put siunis­sami nunarsuarmik tamarmik paratiisin­ngor­titseqataanis­sat­ta nuan­naarutiginis­saanut qilanaar­tuutaan­naavoq. Us­satit 14:35-mi ima al­las­simasoq eq­qaamajuar­tariaqar­par­put: “Kun­ngip kif­fani silatooq iluasaarfigisar­paa.” Anersaak­kut paratiisimik alutor­nar­nerulersitsinerup ilungersuutiginerani silatusaar­tumik ilior­ta!