1, 2. (a) Jehovamut ilumoorfigin­nin­neq aam­ma silarsuarmi akerleriin­ner­nut akuliun­naveersaar­neq im­min­nut qanoq at­tuumas­suteqar­pat? (Al­laaserisap aal­laq­qaataani as­siliaq takuuk). (b) Inup­pas­suit sunut ilumoorfigin­nip­pat, qanorlu kinguneqar­tumik?

JEHOVAP kif­fai inun­nik avis­saar­tuutsitsisin­naasunut, soorlu inuiaas­susermut, naggueqatigiis­susermut kulturimul­lu, tun­ngasunut akuliun­neq ajor­put. Sooq? Jehova asagatsigu, ilumoorfigigatsigu naalak­katsigulu. (1 Joh 5:3) Sumiluun­niit najugaqaraluarut­ta sumiuugaluarut­taluun­niil­lu Guutip najoq­qutas­siai maleruar­pavut. Jehovamut taas­sumalu naalagaaf­fianut ilumoorfigin­nin­neq sunit tamanit pingaaruteqar­neruvoq. (Mat­t 6:33) Taamaat­tuminguna silarsuarmut ilaanata oqarsin­naasugut. – Johan­nesi 17:11, 15, 16 atuak­kit; Es 2:4.

² Ul­lumik­kut inup­pas­suit nunagisamin­nut, naggueqatimin­nut, kulturimin­nut al­laal­luun­niit timersoqatigiif­fin­nut il­lersor­tak­kamin­nut ilumoorfigin­nit­tar­put. Alianaraluar­tumik taamaalior­neq unam­mil­leqatigiin­nermik, uumis­soqatigiin­nermik ilaan­nik­kul­lu iligin­ngisanik toqutsinermik kinguneqar­tar­poq. Akerleriin­ner­nut tamak­kunun­nga akuliut­tan­ngik­kaluarluta  uagutsin­nut ilaqut­tatsin­nul­lu sun­niuteqarsin­naap­put, aam­ma naaper­tuil­luan­ngitsuliorfigineqarujus­suarsin­naavugut. Guutip naaper­tuil­luar­tut naaper­tuil­luan­ngitsul­lu im­mik­koor­tis­sin­naatil­lugit pin­ngor­tim­matigut naalak­kersuisut naaper­tuil­luan­ngitsumik aalajangiip­pata akerliunaveersaar­nis­saq ajor­nakusoorsin­naavoq. (1 Mos 1:27; 5 Mos 32:4) Naaper­tuil­luan­ngitsumik pisoqaraangat qanoq misigisar­pit? Arlaan­naan­nil­luun­niit il­lersuinaveersaarsin­naavit?

3, 4. (a) Sooq akerleriit­toqar­til­lugu arlaan­naan­nul­luun­niit akuliun­neq ajor­pugut? (b) Al­laaserisami matumani suut sam­mis­savavut?

³ Inup­pas­suit naalak­kersuisunit isumaqalersin­neqar­put in­nut­taal­luar­tuusut akerleriit­toqar­til­lugu arlaan­nik il­lersuisariaqar­tut. Uagul­li Jiisusi malip­par­put. Politik­kimut akuliun­neq ajor­pugut sorsoqataasar­natalu. (Mat­t 26:52) Kristumiut ilumoor­tut isumaqan­ngil­lat Saatanip silarsuaata ilaa arlaan­naaluun­niit arlaminit pitsaanerusoq. (2 Kor 2:11) Silarsuarmi matumani akerleriin­ner­nut at­tuumas­suteqarusun­ngilagut. – Johan­nesi 15:18, 19 atuak­kit.

⁴ Naam­mal­luin­nan­ngitsuugat­ta im­maqa arlat­ta im­min­nit al­laanerusut suli iluarin­ngeq­qajaasar­paat. (Jer 17:9; Ef 4:22-24) Misigis­sutsit inun­nik avis­saar­tuutaasut akior­neran­ni najoq­qutas­siat iluaqutaasut al­laaserisami matumani sam­mis­savavut. Aam­ma Jehovap Jiisusil­lu eq­qarsar­taasiat­tut eq­qarsar­nerup ilin­niar­neratigut Guutip naalagaaf­fianut qanoq ilumoorfigin­nis­sin­naanersugut sam­mis­savar­put.

5, 6. Jiisusi nunamiik­kal­larami inuit as­sigiin­ngitsuk­kuutaat qanoq isigin­nit­taaseqarfigai, aam­ma sooq?

⁵ Arlaan­naan­nul­luun­niit akuliun­naveersaar­neq ajor­nakusoor­tik­kuk­ku im­minut ima aperigit: ‘Jiisusi qanoq ilius­sagaluar­pa?’ Jiisusi nunamiik­kal­larmat Judæamiut, Galilæamiut Samariamiul­lu akor­nan­ni akerleriit­toqarlunilu isumaqatigiin­ngis­suteqar­toqar­tar­poq. As­sersuuteqariar­ta. Juutit Samariamiul­lu im­min­nut oqaluun­neq ajor­put. (Joh 4:9) Farisiiarit saddukiiaril­lu sor­pas­suit pil­lugit isumaqatigiin­ngil­lat. (ApS 23:6-9) Juutit Inatsisinik ilin­niarsimasut inuit tamak­kunin­nga ilin­niarsiman­ngitsut nikagisar­paat. (Joh 7:49) Inup­pas­suil­lu ilan­ngaaserisunik Romamiunil­lu uumigin­nip­put. (Mat­t 9:11) Jiisusili akerleriin­ner­nut tamak­kunun­nga akuliun­neq ajor­poq. Jehova pil­lugu sal­lusuis­sut il­lersor­tuarlugulu nalun­ngilaa Guutip Israelik­kut im­mik­kut in­nut­tarigai, taamaak­kaluar­torli ajoqersuk­kani inun­nit al­lanit ajun­ngin­nerunerarlugit ilin­niar­titsis­sutigin­ngisaan­nar­paa. (Joh 4:22) Inun­nil­li tamanik asan­nin­nis­saan­nik ilin­niar­tip­pai. – Luk 10:27.

⁶ Sooq Jiisusi isumaqan­ngila inuit aalajangersimasut al­lanit pingaar­nerusut? Nam­mineq Ataatamilu inun­nut taak­kunun­nga misigis­sutsitik pil­lugit. Nunarsuaq tamarmi naggueqatigiin­nik as­sigiin­ngitsunik inoqarsin­naaq­qul­lugu Jehova inun­nik pin­ngor­titsivoq. (1 Mos 1:27, 28) Tas­sa Jehova Jiisusilu isumaqan­ngil­lat naggueqatigiit, inuiaat oqaatsil­luun­niit arlaan­naal­luun­niit  pingaar­nerusut. (ApS 10:34, 35; Saq­q 7:9, 13, 14) Maligas­siueq­qis­saar­nerat malit­tariaqar­par­put. – Mat­t 5:43-48.

7, 8.  (a) Kina tapersersor­par­put, aam­ma sooq? (b) Inuit ajor­nar­torsiutaasa aaq­qiis­sutis­saan­nut tun­ngatil­lugu suna eq­qaamas­savar­put?

⁷ Sooq inuit naalak­kersuisui arlaan­naal­luun­niit tapersersun­ngilavut? Jehova tapersersoratsigu. Taan­na Naalagaraar­put. Jehovap inun­nut naalak­kersuinera Edenimi Saatanip pitsaaner­paan­ngin­nerar­paa. Saatanip inuit isumaqalersin­niar­pai nam­mineq periaatsini Guutip periaasianit ajun­ngin­nerusoq. Jehovap inuit kina tapersersorusun­nerlugu kinalu tapersersorusun­ngin­nerlugu nam­min­neq aalajangersin­naatip­pai. Il­lim­mi, Jehova naalap­piuk isumaqaravit taas­suma aq­qutigeq­qusai pitsaaner­paasut? Up­peril­luin­nar­piuk Guutip naalagaaf­fia ajor­nar­torsiutitsin­nik aaq­qiis­sutis­satuaasoq? Isumaqar­pil­luun­niit inuit Guutimit naalak­kersor­neqaratik ingerlal­luarsin­naasut? – 1 Mos 3:4, 5.

⁸ As­sersuutigalugu aperineqaruit politik­kik­kut par­tiit, suliniaqatigiit peqatigiif­fiil­luun­niit tamak­kua as­sigisaat qanoq isumaqarfiginerlugit qanoq akis­savit? Taak­ku arlaat im­maqa pimoorus­sil­lutik inun­nik al­lanik ikiuerusup­put. Nalun­ngilar­pul­li Jehovap naalagaaf­fia inuit ajor­nar­torsiutaan­nut naaper­tuil­luan­ngitsulior­ner­nul­lu tamanut aaq­qiis­sutis­satuaasoq. Aam­ma inut­tut tamat­ta im­mik­kut pitsaanerusorisatsitut ilior­nata Jehovap ilagiin­ni siulersuinera malip­par­put. Taamaat­tuminguna ilagiit ataasius­suseqar­tut.

9. Kristumiut siul­liit akor­nan­ni suna ajor­nar­torsiutigineqar­pa, qanorlu ilior­tariaqar­pat?

⁹ Ukiuni hundredini siul­ler­ni kristumiut Korinthimiit­tut ilaat as­sor­tuup­put ima oqalul­lutik: “Uanga Paulusimut atasuuvunga, uanga Apol­losimut, uanga Kefasimut, uanga Kristusimut.” Paulusip taman­na paasigamiuk uis­suum­mivoq. Ilagiin­ni eq­qis­sineq navianar­torsior­tin­neqarmat ajor­nar­torsiutaavoq iliuuseqarfigineqar­tariaqar­toq. Taamaat­tumik qatan­ngutini ima aperai: “Kristusi aggor­neqarsimanerami?” Imalu al­laf­figalugit: “Oqaaq­qis­saar­pas­sili, qatan­ngutit, Naalak­kat­ta Jiisusi-Kristusip aq­qagut isumaqatigeeq­qul­lusi akor­nas­sin­ni avis­saar­tuun­neqaleq­qunagu eq­qarsaatis­sigul­li isumas­sigul­lu ataasioqatigeeq­qul­lusi.” Aam­ma ul­lumik­kut ilagiin­ni avis­saar­tuut­toqar­tus­saan­ngilaq. – 1 Kor 1:10-13; Romamiut 16:17, 18 atuak­kit.

10. Paulusip kristumiut sumik eq­qaasip­pai, taman­nalu qanoq ilin­niarfigaar­put?

¹⁰ Paulusip kristumiut tanitat eq­qaasip­pai taak­kua nunavigisaat qilam­miit­toq “nunal­lu pii” pingaar­nerutis­san­ngik­kaat. (Fil 3:17-20) * Tanitat ambas­sadøriup­put Guutimut Kristusimul­lu sin­niisuusut. Ambas­sadøri nunami aal­lar­titaaf­figisamini ajor­nar­torsiutinut  politik­kimul­lu akuliun­neq ajor­poq. Taamatul­li tanitat silarsuarmi ajor­nar­torsiutinut politik­kimul­lu akuliutis­sap­pata eq­qor­tulior­nerus­san­ngilaq. (2 Kor 5:20) Aam­ma nunami naas­saan­ngitsumik inuunis­samik neriugisal­lit Guutip naalagaaf­fianut ilumoorfigin­nip­put silarsuarmilu akerleriin­ner­nut ililiun­neq ajorlutik.

11, 12. (a) Guutip naalagaaf­fianut ilumoorfigin­nit­tuarumal­luta qanoq isigin­nit­taaseqar­naveersaar­tariaqar­pugut? (b) Qatan­ngutip ar­nap inuit ilaat qanoq misigis­suseqarfigisimavai, al­lan­nguinis­saminul­lu suut iluaqutigai?

¹¹ Nunarsuup ilarujus­suani inuit oqalut­tuarisaanermik­kut, kulturimik­kut oqaatsimik­kul­lu as­sigiik­kaangamik qanitariit­tutut ataasius­suseqar­tutul­lu misigisar­put. Nunagisar­tik as­sut tul­luusimaarutigigajup­paat. Taamatut isigin­nit­taaseqar­naveersaar­tariaqar­pugut. Sutigut tamatigut arlaan­naan­nil­luun­niit il­lersuinaveersaarsin­naaq­qul­luta eq­qarsar­taaser­put al­lan­ngor­til­lugulu nalun­ngeqatigin­nis­suter­put ilin­niar­tit­tariaqar­par­put. Qanoq taamaaliorsin­naavugut?

¹² As­sersuutigeriar­tigu Mirjeta * Jugoslaviaasimasumi inun­ngorsimasoq. Peroriar­torfiani Serbiamiut uumigineqar­put. Jehova pil­lugu ilin­niarami paasivaa taas­sumun­nga naggueqatigiit arlaan­naal­luun­nit arlamin­nit pitsaanerun­ngitsut Saatanil­lu kis­saatigigaa inuit im­min­nut uumis­sus­sasut. Taamaat­tumik ilungersorluni misigis­sutsini al­lan­ngor­tin­niarsarai. Nunagisaminili inuiaat as­sigiin­ngitsut im­min­nut sorsuutilermata Mirjetap Serbiamiut nuan­niitsunik misigis­suseqarfigileq­qip­pai. Al­laat oqaluus­sif­figerusun­ngilai. Nalun­ngin­namiuk eq­qun­ngitsumik isigin­nit­taaseqarluni taamatut misigiun­naaq­qul­luni ilungersorluni Jehovamut qinuvoq. Aam­ma pionerin­ngorusul­luni ikioq­quvoq. Mirjeta ima oqar­poq: “Oqaluus­sinermik pingaar­titsinera iluaqutaaner­paasoq paasivara. Oqaluus­sinin­ni Jehovap asan­nit­tuunera ilaar­niarsarisar­para, misigaaralu misigis­sutsik­ka nuan­niitsut aak­kiar­toruusaar­tul­lusooq.”

13. (a) Zoila qanoq misigisaqar­pa, qanorlu qisuariar­pa? (b) Zoilap misigisaa qanoq ilin­niarfigisin­naavar­put?

¹³ Zoila qatan­ngut ar­naq Mexicomeersoq Europamut nuup­poq. Qatan­ngutit ilageeqatigiligaasa ilaat Latinamerikap ilaani al­lameersuup­put. Zoila oqalut­tuar­poq taak­kua ilaasa nunagisani nunagisaminilu ileq­quusut nipilersuutil­lu il­laruaatigisaraat. Tujormigami taman­na ajual­laatiginaveersaarsin­naaq­qul­lugu Jehovamut qinuvoq. Uagut taas­sumatut nalaataqar­tuugut­ta qanoq qisuarias­sagaluar­pugut? Qatan­ngutit­ta ilaat nunagisar­tik ajor­tumik oqaluuserineqaraangat misigis­sutsimin­nik suli akiugaqar­tar­put. Taamaam­mat kis­saatigin­ngisaan­nas­savar­put inuit ilaasa inun­nit al­lanit pitsaanerusutut misigilis­sutigisaan­nik oqar­nis­sar­put iliuuseqar­nis­sar­pul­luun­niit. Ilagiitsin­ni al­lamiluun­niit avis­saar­tuutsitserusun­ngilagut. – Rom 14:19; 2 Kor 6:3.

14. Jehovatut inun­nut isigin­nit­taaseqarsin­naaq­qul­lutit suut iluaqutigisin­naavigit?

¹⁴ Tamat­ta nalun­ngilar­put Jehovap  kif­fai inuiat­tut ataatsitut ataasius­suseqar­tut, taamaat­tumik misigin­ngisaan­nas­saagut nuna ataaseq nunanit al­lanit pitsaanerusoq. Im­maqali ilaqut­tavit peroriar­toqativil­luun­niit sun­nerlutit nunagisan­nik pingaar­titsival­laalersip­paatsit. Taamaat­tumik im­maqa ilaan­nik­kut inuiaat, kulturit, oqaatsit naggueqatigiil­luun­niit al­lat suli nuan­ner­pal­laan­ngitsumik isumaqarfigisar­patit. Al­lan­nguinis­samut suna iluaqutigisin­naaviuk? Inuit nunagisamin­nik usorsisimaarutigin­nit­tut inuil­luun­niit inun­nit al­lanit pitsaanerusorisut pil­lugit Jehova qanoq misiginersoq eq­qarsaatigeq­qis­saaruk. Taman­na pil­lugu nam­mineq atuaq­qis­saar­nermi ilaqutariit­tul­luun­niit atuaq­qis­saaqatigiin­nermi misis­suisoqarsin­naavoq. Taava Jehovatut inun­nut isigin­nit­taaseqalersin­naaq­qul­lutit taas­sumun­nga ikioq­qugit. – Romamiut 12:2 atuaruk.

15, 16. (a) Al­laaneruner­put pil­lugu inuit ilaat qanoq qisuarias­sap­pat? (b) Angajoq­qaat qitor­natik Jehovamut ilumoorfigin­nit­tuarsin­naaq­qul­lugit qanoq ikiorsin­naavaat?

¹⁵ Ilerasuuteqarata Jehovamut kif­far­torusuk­kat­ta ilaan­nik­kut suleqatitsin­nit, atuaqatitsin­nit, sanilitsin­nit eq­qarlitsin­nil­luun­niit al­laanerungaarsin­naavugut. (1 Petr 2:19) Jiisusip ilisimatip­paatigut al­laaneruner­put pis­sutigalugu al­laat uumis­sor­neqas­sasugut. Eq­qaamajul­li akerlilersuisut amerlanersaasa Guutip naalagaaf­fia pil­lugu ilisimasaqan­ngin­nerat. Taamaat­tumik inuit naalak­kersuisui pin­nagit Guutip naalagaaf­fianut ilumoorfigin­nin­nis­sap uagutsin­nut qanoq pingaaruteqar­tiginera paasin­ngilaat.

¹⁶ Jehovamut ilumoorfigin­nis­sagut­ta inun­nit al­lanit qanorluun­niit pineqaraluarut­ta oqarfigineqaraluarut­taluun­niit Jehova naalat­tariaqar­par­put. (Dan  3:16-18) Al­lanit al­laanerunis­saq ingam­mik inuusut­tunut imaan­naan­ngis­sin­naavoq. Angajoq­qaat, qitor­nasi atuarfim­mi sapiis­sin­naaq­qul­lugit ikiorsigit. Im­maqa qitor­nas­si erfalasumik ilas­sin­nik­kusun­natik inuiaas­sutsimil­luun­niit pingaar­titsil­luni nal­liut­torsior­nermut ilaarusun­natik oqar­nis­sar­tik qunugaat. Tamak­ku pil­lugit Jehova qanoq misiginersoq ilaqutariit­tut atuaq­qis­saaqatigiin­nermi misis­sorsin­naavarsi. Up­perisamin­nik erseq­qis­sumik ataq­qin­nip­palut­tumil­lu nas­suiaanis­saan­nik ilin­niar­tis­sigit. (Rom 1:16) Aam­ma, pisariaqas­sap­pat, qitor­natit ikior­niarlugit tamak­ku pil­lugit taak­kua ilin­niar­titsisui oqaloqatigik­kit.

17. Qanoq eq­qarsar­naveersaas­saagut, aam­ma sooq?

¹⁷ Peroriar­torfitsin­ni nerisas­sat, oqaatsit, ileq­qut pin­ngor­titarsuarlu nuan­naarutigigajup­pavut. Uagul­li nuan­narisavut inuit al­lat nuan­narisaan­nit tamatigut pitsaanerusorisar­pavut? Jehovap kis­saatigaa pin­ngor­titami as­sigiin­ngitsuk­kuutaar­nerat nuan­naarutigis­sagip­put. (Tus­s 104:24; Saq­q 4:11) Taava sooq uagut iliuuserisar­tak­kavut al­lat iliuuserisar­tagaan­nit pitsaanerusoriniarsaris­savavut?

18. Jehovatut inun­nut al­lanut isigin­nit­taaseqarut­ta uagutsin­nut qanoq pil­luaq­qus­sutaas­sava?

¹⁸ Jehovap kis­saatigaa inuit tamalaat ilisarisimalis­sagaan­ni, pal­lorfigis­sagaan­ni taak­kulu naas­saan­ngitsumik inuus­sasut. (Joh 3:16; 1 Tim 2:3, 4) Taamaam­mat qatan­ngutivut uagut isum­matsin­nit al­laanerusunik isum­meraangata tusar­naarusut­tar­pavut, isumaat Jehovamit ajorineqan­ngik­kaangata. Taamaaliorut­ta inuuner­put soqutiginarlunilu nuan­nersuus­saaq qatan­ngutigiit­tul­lu ataasioqatigiit­tuarsin­naal­luta. Soorlu eq­qar­toreerip­put Jehovamut taas­sumalu naalagaaf­fianut ilumoorfigin­nik­kat­ta silarsuarmi akerleriin­nerit arlaan­naal­luun­niit tapersersun­ngilavut. Saatanip silarsuaani makitaneq unam­mil­ler­neril­lu uumigaavut. Jehovap eq­qis­sinermik maniguun­nermil­lu nuan­narisaqar­nis­satsin­nik ilin­niar­tim­matigut qujamasungaar­pugut! Tus­siaasior­tup ima oqar­neratut ataasioqatigiit­tutut misigivugut: “Iluarlunilu nuan­nil­laaraaq qatan­ngutigiit is­siaqatigiik­kaangata!” – Tus­s 133:1.