1. Ukiumi 66-imi susoqar­pa? (Al­laaserisap aal­laq­qaataani as­siliaq takuuk).

TAKORLOORUK ukiumi 66-imi Jerusalemimi kristumiuusutit. Susoqarsimaqaaq. Romamiut naalagaatitaat Florusimik atilik talentinik 17-inik naalaf­fiup nak­kaatitsivianit til­lis­simavoq. Juutit ingerlaan­naq kamalerlutik Romamiut sak­kutuuinik toqoraap­put Romamiunil­lu naalak­kersor­neqarusuk­kun­naarlutik. Romamiul­li iliuuseqar­niapal­lap­put. Qaam­matit pingasut ingerlaneran­ni sak­kutuut 30.000-t Cestius Gal­lusimit siulersor­neqar­tut Jerusalemi unguaat. Juutit pikitsitsisut naalaf­fim­mut qimaap­put, Romamiul­li sak­kutuui naalaf­fiup qarmarsui tikip­paat iser­niarsaralutil­lu. Il­loqarfim­mi paatsiveerun­nersuaqaler­poq. Il­lit taamaat­tunik nalaataqar­tuugaluaruit qanoq misigis­sagaluar­pit?

2. Romamiut sak­kutuui il­loqarfim­mik ungusisut takugamik­kit kristumiut qanoq ilior­tariaqaler­pat, qanorlu taman­na iluatsis­sin­naasimava?

² Siusin­nerusuk­kut Jiisusip ajoqersuk­kani pisus­saq pil­lugu mianersoq­quai imalu ilitsersorlugit: “Takugus­siuk Jerusalemi sak­kutuunit unguneqarsimasoq, taava nalus­san­ngilarsi piuneerus­saaf­fis­saa qanil­lisoq. Taava Judæamiit­tut qaq­qanut qimaas­sap­put; il­loqarfim­miit­tut il­loqarfik qimas­savaat, nunaan­narmiit­tul­lu il­loqarfim­mut isis­san­ngil­lat.”  (Luk 21:20, 21) Sak­kutuut Jerusalemi ungusimap­pas­suk ajoqersuk­kat qanoq ilil­lutik Jiisusip ilitsersuutai naalas­sin­naagamik­kit? Tupin­nar­tumik pisoqar­poq. Romamiut sak­kutuuisa Jerusalemi tas­san­ngaan­naq qimap­paat. Soorlu Jiisusi oqar­toq, saas­sus­sinerup ‘ul­lui ikilisin­neqar­put’. (Mat­t 24:22) Maan­na sak­kutuut qimagum­mata kristumiut aalajaatsut ingerlaan­naq qaq­qanut qimaanermik­kut Jiisusimik naalan­nis­samin­nut periarfis­saqaler­put. * Kingusin­nerusuk­kut ukiumi 70-imi Romamiut sak­kutuui al­lat Jerusalemimut uter­put. Tamatumuuna il­loqarfik piuneerup­paat. Jiisusil­li ilitsersuutaanik maleruaasimasut tamarmik an­nap­put.

3. Taamani pisimasunut as­singusut suut kristumiut qanit­tuk­kut misigis­savaat, aam­ma al­laaserisami suna sam­mis­savar­put?

³ Jiisusip mianersoq­qus­sutaa ilitsersuutaalu aam­ma ul­lutsin­ni atuup­put. Qanit­tuk­kut as­singusumik atugaqas­saagut. Jiisusip ‘naal­liun­nar­toqangaar­nis­saq’ tas­san­ngaan­naq aal­lar­tip­pat susoqar­nis­saanik ukiup 70-ip mis­saani pisimasut nas­suiaanerminut ator­pai. (Mat­t 24:3, 21, 29) Soorlu taamani kristumiut aalajaatsut Jerusalemip suujun­naarsin­neqar­nerani aniguisimasut, aam­ma “inup­pas­suit” nunarsuaq tamak­kerlugu ajunaar­nersuaqar­pat aniguis­sap­put. (Saq­qum­mersitat 7:9, 13, 14 atuak­kit). Siunis­sami pisus­sanut tamak­kunun­nga tun­ngatil­lugu Biibilimi al­las­simasut paasinis­saat pingaaruteqangaar­poq. Sooq? Inuugin­nar­nis­satsin­nut taman­na aalajangiisuum­mat. Pisus­sat tamak­ku uagutsin­nut qanoq sun­niuteqarumaar­nerat sam­meriar­tigu.

4. An­nikil­lior­nar­tus­sarsuaq qanoq aal­lar­tis­sava?

⁴ An­nikil­lior­nar­tus­sarsuaq qanoq aal­lar­tis­sava? Up­perisarsior­nerup eq­qun­ngitsup suujun­naarsil­luin­nar­neratigut. Biibilimi up­perisarsior­neq eq­qun­ngitsoq ima taaneqar­poq: “Babylonersuaq, ar­nat ator­tit­tar­tut ... anaanaat.” (Saq­q 17:5-7) Sooq up­perisarsior­neq eq­qun­ngitsoq ar­namik ator­tit­tar­tumik taaneqar­pa? Palasiisa Guuti ilumoorfigisiman­ngim­mas­suk. Jiisusi taas­sumalu naalagaaf­fia aalajaal­lutik tapersersor­nagu politik­kik­kut pis­saaneqar­nerujumal­lutik inuit naalak­kersuisui tapersersor­paat Biibilimilu ajoqersuutigineqar­tut sumigin­narlugit. Taak­kua pal­lorfigin­nin­nerat tanitat minguitsumik pal­lorfigin­nin­neran­nit al­laanerul­luin­nar­poq. (2 Kor 11:2; Jaak 1:27; Saq­q 14:4) Kik­kul­li Babylonersuaq suujun­naarsis­savaat? ‘Nersutip an­noraas­satut aap­pal­laris­sutut aap­palutsigisup nas­sui qulit’ atorlugit Jehovap ‘piumasani naam­mas­sitis­savaa’. ‘Nersut an­noraas­satut aap­pal­laris­sutut aap­palutsigisoq’ tas­saavoq Naalagaaf­fiit Peqatigiit, “nas­suil­lu qulit” tas­saap­put naalagaaf­fiit taas­sumin­nga tapersersuisut tamarmik. – Saq­qum­mersitat 17:3, 16-18 atuak­kit.

5, 6. Sooq isumaqar­pugut Babylonersuarmik suujun­naarsitsineq tas­saan­ngitsoq ilaasor­taanik tamanik toqutsineq?

⁵ Babylonersuaq suujun­naarsin­neqar­pat up­perisarsior­nermut eq­qun­ngitsumut ilaasor­taasut tamarmik toqutaas­sap­pat?  Naamik. Jehovap pruf­fiiti Zakaria susoqas­sanersoq isumas­sarsisil­lugu al­latsip­paa. Taamanik­kus­samut up­perisarsior­nermut eq­qun­ngitsumut ilaasimasoq ima oqas­saaq: “‘Pruf­fiitiun­ngilanga. Naasoris­saasuuvunga, inuusun­nin­nit nunalerisuusimavunga.’ Aperigaan­nilu: ‘Suunuku ikit sakis­san­niit­tut?’ taava ima akis­saaq: ‘Tamak­ku pip­put angutaatima [asasima, 1900] il­luan­ni.’” (Zak 13:4-6) Tas­sa al­laat up­perisarsior­tut siut­tui up­perisarsior­neq tunul­lugu up­perisarsior­nermut eq­qun­ngitsumut ilaasiman­ngisaan­nar­neras­sap­put.

⁶ Tamatuma nalaani Guutip in­nut­tai qanoq nalaataqas­sap­pat? Jiisusi ima nas­suiaavoq: “Ul­lul­lu taak­ku ikilisar­neqan­ngip­pata ataatsimil­luun­niit an­nat­toqas­san­ngik­kaluar­poq, qinikkalli pillugit ullut taakku ikilisinneqassapput.” (Mat­t 24:22) Kr.in.king. ukiumi 66-imi Jerusalemimi an­nikil­lior­nar­toqar­nerani ‘ul­lut ikilisin­neqarmata’ ‘qinik­kat’, tas­sa kristumiut tanitat, qimaasin­naanis­saan­nik periarfis­siivoq. Taamatut­taaq ‘qinik­kat pil­lugit’ an­nikil­lior­nar­tus­sarsuup aal­lar­tin­nerata ‘ul­lui ikilisar­neqas­sap­put’. ‘Nas­suit qulit’, tas­sa nunarsuarmi naalak­kersuisut, Guutip in­nut­tai nungutis­sin­naas­san­ngilaat. Saas­sus­sinerul­li aal­lar­tin­nera naap­pat sivikitsuin­narmik eq­qis­sineqarumaar­poq.

7, 8. Up­perisarsior­nerup eq­qun­ngitsup suujun­naarsitaanerata kingor­na suna periarfis­saalis­sava, Guutil­lu in­nut­taasa kik­kun­nit tamanit suna al­laanerus­sutigis­savaat?

⁷ Up­perisarsior­nerup eq­qun­ngitsup suujun­naarsin­neqar­nerata kingor­na susoqas­sava? Suna uum­mam­miorivin­nerlutigu takutis­savar­put. Taamanik­kus­samut inuit amerlanerit ‘qaq­qat qun­nerinut’, tas­sa inuit peqatigiif­fiinut, il­lersor­tis­sarsiorlutil­lu ikior­tis­sarsius­sap­put. (Saq­q 6:15-17) Jehoval­li in­nut­tai taas­sumun­nga il­lersor­tis­sarsius­sap­put. Kristumiut siul­liit nalaan­ni saas­sus­sinerup ‘ul­lui ikilisin­neqarmata’ juutit kristumiun­ngoriataarfis­saan­nut pif­fis­saan­ngilaq. Kristumiooreersul­li, Jiisusimit ilitsersor­neqar­nermis­sul­li, Jerusalemimit qimaanis­saan­nut pif­fis­san­ngorsimavoq. Taamatut­taaq siunis­sami Babylonersuup saas­sun­neqar­nerata ‘ul­lui ikilisin­neqar­pata’ inup­pas­suit kristumiunut ilumoor­tunut ilan­nguteriataar­nis­saat naatsorsuutigis­san­ngilar­put. Ilumoor­tumil­li pal­lorfigin­nit­tut Jehovamut asan­nin­nermik taas­sumalu tanitaanik tapersersuinermik takutitsinis­samin­nut periarfis­saqalis­sap­put. – Mat­t 25:34-40.

⁸ Taamanik­kus­samut misiligaaf­fiusumi qanor­piaq susoqas­sanersoq naluar­put. Nalun­ngilar­pul­li pil­liuteqar­tariaqarlutalu inuuneq imaan­naas­san­ngitsoq. Ukiuni hundredini siul­ler­ni kristumiut angerlarsimaf­fitik qimat­tariaqarlugil­lu an­nak­kumal­lutik ar­tor­nar­tut naam­magalugit ator­tariaqar­paat. (Mark 13:15-18) Im­minut ima aperisariaqar­pugut: ‘Pigisak­ka qimariaan­naavak­ka? Jehovamut ilumoorfigin­nit­tuar­niarlunga qanorluun­niit iliuuserineqar­tariaqar­tunik iliuuserin­neriaan­naavunga?’  Takorlooriaruk, soorlu pruf­fiiti Danieli pal­lorfigin­nit­tuarsimasoq, taamanik­kus­samut susoqaraluar­pal­luun­niit kisit­ta Guutitsin­nut pal­lorfigin­nit­tutuaas­saagut. – Dan 6:11, 12.

9, 10. (a) Guutip in­nut­taasa an­nikil­lior­nar­tus­sarsuarmi suna tusarliutis­savaat? (b) Guutip in­nut­taasa akeraat qanoq qisuarias­sap­pat?

⁹ An­nikil­lior­nar­tus­sarsuaq nal­liup­pat Guutip naalagaaf­fianik nutaarsias­sap nuan­nersup oqaluus­sis­sutiginis­saanut piffissaassanngilaq. Oqariar­tuutim­mi tamatuma oqaluus­sis­sutiginis­saanut pif­fis­saajun­naareersimas­saaq. “Naggatis­saq” nal­liutingajalersimas­saaq! (Mat­t 24:14) Guutip in­nut­taasa sapiil­lutik eq­qar­tuus­sut sak­kor­tooq inun­nut tamanut sun­niuteqar­tus­saq tusarliutis­savaat. Tas­saas­sagunar­poq Saatanip silarsuaata ajor­tup suujun­naarsil­luin­nar­neqar­nis­saanik tusarlius­sas­saq. Biibilimi tusarlius­saq taman­na nataq­qor­nanut as­sersuun­neqar­poq, ima al­las­simam­mat: “Nataq­qor­nat oqimaatsorsuit qilam­mit inun­nut nak­kaap­put, inuil­lu nataq­qor­nat perluutaanerat pil­lugu Guuti perloq­quaat, perlus­siuutaarujus­suarmatami.” – Saq­q 16:21.

¹⁰ Akeq­qat­ta tusarlius­saq sak­kor­tooq taman­na tusas­savaat. Jehovap pruf­fiiti Ezekieli inuiaat arlal­lit ataatsimoor­tut, Gogi Magogimeersutut Biibilimi taaneqar­tut, qanoq qisuarias­sanersut pil­lugu isumas­sarsisil­lugu ima al­latsip­paa: “Ima oqar­poq Guuti Naalagaq: Ul­lus­sami tas­sani eq­qaasaqarumaar­putit pilersaarutipilum­mik eq­qarsarumaarlutil­lu: ‘Saas­sutis­savara nuna il­lersoriarfis­saqan­ngitsoq sorsuf­figiar­tus­sal­lugil­lu inui isumakuluuteqar­natik eq­qis­sisimal­lutil­lu inuusut najugarisamin­ni qarmarsuaqan­ngitsuni par­naarsaas­sualin­nil­lu isaaf­feqan­ngitsuni.’ Tikiutis­saatit piiaajar­torlutit ujajaajar­torlutil­lu saas­suk­kiar­torlugit il­lukuugaluit maan­na najugarineqar­tut, inuiaat aal­larus­saaf­fim­min­nit katersugaasut, pisuun­ngorsimasut al­lanil­lu pigisaqarlutik nunarsuup qalasiani nunaqar­tut.” (Ez 38:10-12) Guutip in­nut­tai al­lanit tamanit al­laanerusutut im­mik­kuus­sap­put, soorlulusooq “nunarsuup qalasiani nunaqar­tut”. Inuiaat im­min­nut noqis­sin­naajun­naas­sap­put. Jehovap tanitai taak­kualu tapersersor­taat saas­suk­kusungaalis­savaat.

11. (a) An­nikil­lior­nar­tus­sarsuarmi pisus­sat tul­leriiaar­nerinut tun­ngatil­lugu suna eq­qaamasariaqar­par­put? (b) Inuit nalunaaqutit takugunik­kit qanoq qisuarias­sap­pat?

¹¹ Taava susoqas­sava? Pisus­sat qanoq tul­leriiaaq­qis­saar­neri pil­lugit Biibilimi al­las­simasoqan­ngilaq, pisus­sal­li ilaat ataatsik­kut pinis­saat ilimanar­poq. Jiisusi pis­sutsit aaq­qis­suus­saanerata naggatis­saa pil­lugu siulit­tuigami ima oqar­poq: “Nalunaaquteqarumaar­poq seqinermi, qaam­mam­mi ul­loris­sanilu; nunarsuarmilu inuiaat an­nilaangalis­sap­put nalor­nisuulis­sal­lutil­lu imaq qaar­tar­neril­lu it­tut­torsuan­ngor­pata. Inuit sapingajalivis­sap­put an­nilaanganermit silarsuarmilu qanoq pisoqarumaar­neranut ersinermit, qilaam­mi nukingi aalatin­neqarumaarmata. Taamaalip­pal­lu isigiumaar­paat Inuup Er­nera nuis­samiil­luni aggersoq pis­sarsuul­luni naalan­nas­suseqangaarlunilu.” (Luk 21:25-27; Markusi 13:24-26 atuak­kit). Siulit­tuutip tamatuma eq­quun­nerani qilam­mi an­nilaar­nar­tunik nalunaaquteqas­sal­lunilu pisoqas­sava?  Paasiumal­lugu utaq­qisariaqar­pugut. Guutil­li akeraasa nalunaaqutit takugunik­kit an­nilaangaar­nis­saat paatsiveerun­nis­saal­lu nalun­ngilar­put.

12, 13. (a) Jiisusi “pis­sarsuul­luni naalan­nas­suseqangaarlunilu” agger­pat susoqas­sava? (b) Guutip kif­fai tamatuma nalaani qanoq qisuarias­sap­pat?

¹² Jiisusi “pis­sarsuul­luni naalan­nas­suseqangaarlunilu” agger­pat susoqas­sava? Aalajaatsut akis­sarsisis­savai aalajaas­siman­ngitsul­lu pil­las­sal­lugit. (Mat­t 24:46, 47, 50, 51; 25:19, 28-30) Jiisusi taman­na erseq­qis­sar­niarlugu as­sersuusior­poq. Ima oqar­poq: “Inuup Er­nera naalan­nas­sutsimini tikiuk­kuni in­ngilit tamaasa ilagalugit, taava naalan­nas­sutsimi is­siavis­saarsuanut ingis­saaq. Inuiaqatigiil­lu tamarmik saavanut katersuutis­sap­put, avis­saar­tis­savaalu, soorlu savanik paarsisup savat savaasanit avis­saar­tit­tarai, savat taler­pim­mi tungaanut pisis­savai, savaasal­lu saamim­mi tungaanut.” (Mat­t 25:31-33) Savat savaasal­lu qanoq pineqas­sap­pat? Eq­qar­tuun­neqas­sap­put. Savaasat, imaluun­niit aalajaas­siman­ngitsut, ‘naas­saangitsumik pil­lar­neqas­sap­put’, tas­sa suujun­naarsitaas­sal­lutik. Saval­li, imaluun­niit aalajaas­simasut, naas­saan­ngitsumik inuujumaar­put. – Mat­t 25:46.

¹³ Savaasat suujun­naarsin­neqaler­ner­tik paasigunik­ku qanoq qisuarias­sap­pat? “Nimaarumaar­put.” (Mat­t 24:30) Tanital­li taak­kunin­ngalu tapersersuisut qanoq qisuarias­sap­pat? Jiisusip oqaasii uku naalas­savaat: “Tamak­kulu piler­pata nikuigitsi niaq­qusilu mas­sitsil­lugit aniguisitaanis­sarsimi qanil­lim­mat.” – Luk 21:28.

14, 15. Gogip Magogimeersup saas­sus­sinera aal­lar­tereer­pat katersuineq suna aal­lar­tis­sava, taman­nalu qanoq pis­sava?

¹⁴ Gogip Magogimeersup Guutip in­nut­tai saas­sup­pagit susoqas­sava? Biibilimi al­las­simavoq Inuup Er­nerata ‘in­ngilini aal­lar­tis­sagai qinik­kanilu katersussallugit nunarsuup sam­miviinit sisamanit, nunarsuup isuanit qilaap isuanut.’ (Mark 13:27; Mat­t 24:31) Katersuineq taman­na kristumiunik tanitanik toq­qaanermut tun­ngan­ngilaq, tanitanil­lu suli nunarsuarmiit­tunik inaarutaasumik naqis­susiinermut aam­ma tun­nganani. (Mat­t 13:37, 38) An­nikil­lior­nar­tus­sarsuum­mi aal­lar­tin­ngitsiar­nerani naqis­susiineq taman­na pis­saaq. (Saq­q 7:1-4) Taavami katersuineq suna pineqar­pa? Tas­saavoq tanitat suli nunarsuarmiit­tut qilaliarlutik akis­sarsisin­neqar­nis­saat. (1 Th 4:15-17; Saq­q 14:1) Taman­na Gogip Magogimeersup saas­sus­sinera aal­lar­tereersoq pis­saaq. (Ez 38:11) Taava Jiisusip oqar­neratut “iluar­tut Ataatamik naalagaaffiani seqiner­tut qaam­marik­kumaar­put”. – Mat­t 13:43. *

¹⁵ Kristumiuunerar­tor­pas­suit isumaqar­put inut­tut timeqarlutik qilalias­sal­lutik. Aam­ma isumaqar­put Jiisusi nunarsuarmut naalak­kersuiar­torluni takus­saal­luni utis­sasoq. Biibilimili erseq­qis­sar­neqar­poq Jiisusip uter­nera takus­saas­san­ngitsoq ima al­las­simam­mat: “Inuup Er­nerata nalunaaqutaa qilam­mi erserumaar­poq” aam­ma Jiisusi “qilaap nuiaasigut” aggis­sasoq. (Mat­t 24:30) Aam­ma Biibilimi al­las­simavoq ‘uin­ngup aal­lu Guutip naalagaaf­fia kingor­nus­sarsiarisin­naan­ngik­kaat’. Taamaam­mat qilaliar­tus­sat al­lan­ngor­titaaq­qaar­tariaqas­sap­put “imaalial­laan­naq, uisorer­nerin­naq, qarlor­taas­suaq kingul­lermeerluni tutsiup­pat”. * (1 Korinthimiut 15:50-53 atuak­kit). Tanitat aalajaatsut suli nunarsuarmiit­tut tamarmik ataatsik­kut katersor­neqarumaar­put.

16, 17. Savaaq­qap katin­ngin­nerani susoqaq­qaar­tariaqar­pa?

¹⁶ Tanitat 144.000-usut tamarmik qilam­miiler­pata Savaaq­qap katin­nis­saanut inaarutaasumik piareersaaneq aal­lar­tis­sin­naalis­saaq. (Saq­q 19:9) Pisus­sarli pis­sanganar­toq taman­na pitin­nagu al­lamik pisus­saqar­poq. Eq­qaamajuk Gogip tanitat suli nunarsuarmiitil­lugit Guutip in­nut­tai saas­sutis­sam­magit. (Ez 38:16) Guutip in­nut­tai qanoq qisuarias­sap­pat? Peq­qus­sutit tul­leriit uku naalas­savaat: “Tamatumuuna ilis­si sorsut­tus­saas­san­ngilasi. Angutit ilis­si ... inis­sis­simal­lusi unin­ngaan­narumaar­pusi, taava takus­savarsi Naalak­kap an­naak­kaasi. ... Erseqinasi, sapiis­suseeruteqinasilu.” (2 Nal 20:17) Gogip saas­sus­sinera aal­lar­tereersoq tanitat suli nunarsuarmiit­tut qilaliar­tin­neqas­sap­put. Gogip saas­sus­sinera qilam­miit­tut qanoq qisuariaatigineraat Saq­qum­mersitat 17:14-imi al­laatigineqar­poq. Guutip in­nut­taasa akeraasa “Savaaraq sorsuf­figiumaar­paat, Savaaq­qal­li [taak­ku] ajugaaf­figiumaar­pai  tas­saagami naalak­kat naalagaat kun­ngil­lu kun­ngiat, taannalu peqatigalugu ajugaajumaarput qaaqqusaasimasut qinigaasimasullu unneqqarissullu”. Jiisusi tanitat qilam­mi kun­ngit 144.000-usut peqatigalugit taamatut Guutip in­nut­tai nunarsuarmiit­tut an­naatis­savai.

¹⁷ Tamatuma kinguneris­savaa sorsun­neq Harmagedoni Jehovap aq­qanik il­ler­nar­tumik naalan­narsisitsisus­saq. (Saq­q 16:16) Savaasatut, imaluun­niit aalajaas­siman­ngitsutut, eq­qar­tuun­neqarsimasut tamarmik suujun­naarsin­neqas­sap­put. Nunarsuarmi ajus­suseerutis­saaq, ‘inup­pas­suil­lu’ Harmagedonimit aniguis­sap­put. Kiisalu pisus­saq pis­sanganar­toq Saq­qum­mersitat naaneran­ni eq­qar­tor­neqar­toq, tas­sa Savaaq­qap katin­nera, nal­lius­sin­naalis­saaq! (Saq­q 21:1-4) * Nunarsuarmi aniguisimasut tamarmik Guutimit iluarisaaneq nuan­naarutigis­savaat taas­sumalu asan­ningaar­nera tuk­kor­tuuneralu misigalugu. Taman­na as­sut qilanaaraar­put. Katit­torsior­nis­sarsuaq! – 2 Petrusi 3:13 atuaruk.

18. Pisus­sat pis­sanganar­tut qanit­tuk­kut pisus­saam­mata, sunis­sar­put aalajangiusimavar­put?

¹⁸ Pisus­sat pis­sanganar­tut tamak­ku utaq­qitil­lugit, tamat­ta maan­na susariaqar­pugut? Jehovap apustili Petrusi isumas­sarsisil­lugu ima al­latsip­paa: “Tamak­ku tamarmik suujun­naar­tus­saam­mata taava tamatigut il­ler­nar­tuul­lusilu Guutimil­lu mianerin­nil­lusi inuusariaqar­pusi, Guutip ul­lus­saata nal­liun­nis­saa utaq­qil­lugu piaar­nerusumil­lu nal­liun­nis­saa ilungersuutigalugu. ... Taamaat­tumik, asasak­ka, taama it­tunik ilimagisaqaras­si ilungersuutiginiarsiuk taas­sumun­nga minguitsuul­lusilu as­suar­naatsuunis­sarsi eq­qis­sil­lusi.” (2 Petr 3:11, 12, 14) Taamaam­mat pal­lorfigin­nin­ner­put minguitsuutit­tuar­nis­saa aalajangiusimatigu, up­perisarsior­nermut eq­qun­ngitsumut at­taveqar­nata Eq­qis­sinermul­lu Kun­ngiusumik, Jiisusimik Kristusimik, tapersersuil­luta.