1, 2. (a) Sooq Jehovap in­nut­taminut asan­nit­tuunera qatan­ngutit­ta ilaasa qularutigin­ngil­luin­nar­paat? (b) Inuit qanoq pisariaqar­titaqarlutik pin­ngor­titaap­pat?

SOOQ Jehovap in­nut­taminut asan­nit­tuunera qularutigin­ngil­luin­nar­piuk? Apeq­qutip akin­ngin­nerani misigisimasat uku eq­qarsaatigik­kit: Ukior­paaluit ingerlaneran­ni qatan­ngut ar­naq Taylenemik atilik up­peqatiminit inus­siar­nersumik qiim­mas­sar­neqar­tarsimavoq. Oqarfigaat im­minut piumaf­figival­laas­san­ngitsoq. Ima oqar­poq: “Jehovap asasimagaminga siun­nersor­tuaan­nar­tar­paanga.” Brigit­te uimi toqunerata kingor­na meeq­qanik marlun­nik kisimiil­luni perorsaalersimasoq ima oqar­poq: “Saatanip silarsuaani meeq­qanik peroorsaaneq unam­miniar­nar­ner­paat ilagaat, ingam­mik angajoq­qaamut kisimiit­tumut. Jehoval­li aliasuk­kaangama siulersor­tarmanga ar­tuk­kan­nil­lu piumaf­figin­ngisaan­narmanga asan­nin­nera qularutigin­ngil­luin­nar­para.” (1 Kor 10:13) Sandra ajorun­naarsin­neqarsin­naan­ngitsumik nap­paateqar­poq. Ataatsimeersuar­nermi  qatan­ngutip ar­nap soqutigin­nil­luni Sandra saaf­figaa. Sandrap uia ima oqar­poq: “Naak ilisarisiman­ngik­kaluarip­put misigin­neqataanera uum­matitsigut kil­lin­neqaatigaar­put. An­nikitsuin­narmil­luun­niit qatan­ngutit­ta asan­nin­ner­tik ersersik­kaangas­suk erser­tar­poq Jehovap qanoq asatigigaatigut.”

² Jehovap inuit asaneqar­tariaqar­tutut asan­nit­tariaqar­tutul­lu pin­ngor­tip­pai. Aningaasaqar­niar­nik­kut ajor­nar­torsiutit, nap­parsimaneq oqaluus­sinermiluun­niit angusaqar­piar­tan­ngin­neq pis­sutigalugit nikal­lor­toqarsin­naavoq. Aalajaat­tuarut­tali Jehovap puiun­ngisaan­nas­savaatigut. – Es 41:13; 49:15.

3. Jehovap uagutsin­nut asan­nit­tuar­tuuneranik up­perin­nil­luin­nar­ner­put qanoq nakus­satsis­sin­naavar­put?

³ Up­peqatit­ta im­mik­koor­tup matuma siuliani eq­qaaneqar­tut Guutip pis­sutsini ar­tor­nar­tuni najor­tuarsimagaatik up­peril­luin­nar­paat. Uagut­taaq qularutiginagu oqarsin­naavugut Jehovap najoraatigut. (Tus­s 118:6, 7) Al­laaserisami matumani sam­mis­savavut tunis­sutit Jehovap uagutsin­nut asan­nin­neranik ersersitsisut sisamat uku: (1) Pin­ngor­titarsua, (2) Biibili, (3) qinuneq aam­ma (4) uter­titsis­sut. Jehovap iliuuserisimasai ajun­ngitsut eq­qarsaatigeq­qis­saarutsigit taas­suma asan­nit­tuar­tuunera qujamasuutiginerulersin­naavar­put. – Tus­siaat 77:12, 13 atuak­kit.

4. Jehovap pin­ngor­titarsuanik eq­qarsaatigin­neq­qis­saar­nitsigut suna paasivar­put?

⁴ Jehovap pin­ngor­titarsua qimerlooraangatsigu paasisar­par­put qanoq asatigigaatigut. (Rom 1:20) As­sersuutigalugu Jehovap nunarsuarmik pin­ngor­titsinermini inuus­sutis­saqar­tiin­nan­ngilaatigut, aam­mali inuunermi pisariaqar­titatsin­nik tamanik nuan­naarutis­saqar­tip­paatigut. As­sigiin­ngitsor­pas­suar­nik nerisas­saqar­tim­matigut nerisar­neq nuan­naarutigingaarsin­naavar­put. (Oqal 9:7) Qatan­ngutip Catherinemik atil­lip pin­ngor­titarsuarmi takusani, pingaar­tumik Canadami uper­naak­kut takusar­tak­kani, nuan­naarutigingaar­tar­pai. Naasut naajar­tor­tut tim­miaaq­qal­lu tikius­sor­tut, as­sersuutigalugu tim­miaaran­nguaq mitsuitsoq igaf­fim­mi silataani nerisas­sarsior­toq, tupigisaqai. Ima oqar­poq: “Jehovap taama nuan­ner­tigisunik tunisimagamisigut asasimas­saqaatigut.” Ataatat­ta pin­ngor­titani tamaasa nuan­naarutigai, kis­saatigaalu aam­ma uagut nuan­naarutigis­sagivut. – ApS 14:16, 17.

5. Jehovap asan­nin­nera inuit pin­ngor­titaaneran­nit qanoq erser­pa?

⁵ Jehovap pin­ngor­tis­simavaatigut nuan­naarutigisatsin­nik suliaqarsin­naan­ngor­til­luta. (Oqal 2:24) Inuit peq­quai kinguaas­sioq­qul­lugit nunalu naggoris­saq­qul­lugu aam­ma aalisak­kanut, tim­mis­sanut uumasunul­lu tamanut naalagaaq­qul­lugit. (1 Mos 1:26-28) Aam­ma  im­misut nuan­nersunik pis­suseqar­til­luta pin­ngor­tip­paatigut. – Ef 5:1.

6. Sooq Guutip oqaasia naleqangaar­tutut isigisariaqar­par­put?

⁶ Jehovap asangaaramisigut Biibili uagutsin­nut tun­niup­paa. Jehovamik ilisarsinis­satsin­nut pisariaqar­titavut aam­ma inun­nut qanoq misigis­suseqar­nera pil­lugit Biibilimi atuarsin­naavugut. As­sersuutigalugu Biibilimi al­laatigineqar­poq Jehovap Israelik­kut naalas­seriik­kajut­tut qanoq iliorfigisimagai. Tus­siaat 78:38-mi ima al­las­simavoq: “[Naak­kin­nit­tuugami] ajor­tulianik isumak­kiisar­poq aseruis­sananilu, qas­seer­pas­suariarluni kamas­sani nunusar­paa uumitsangaar­nis­sanilu pitsaalisarlugu.” Al­las­simaf­fim­mik tamatumin­nga eq­qarsaatigin­neq­qis­saar­nik­kut paasisin­naavat Jehovap qanoq asatigalutil­lu isumas­soraatit. Qularutigin­ngil­luin­narsin­naavat Jehovap isaani pingaaruteqangaar­tuusutit. – 1 Petrusi 5:6, 7 atuakkit.

7. Sooq Biibili uagutsin­nut erlin­nangaar­tuusariaqar­pa?

 ⁷ Biibili uagutsin­nut erlin­nangaar­tuusariaqar­poq. Sooq? Jehovap oqaatsini aq­qutigalugu oqaluut­taramisigut. Angajoq­qaat meeq­qatil­lu oqaloqatigiik­kaangamik im­min­nut asan­nin­nerat tatigineral­lu sak­kor­tusiar­tor­tar­poq. Jehova tas­saavoq Ataatar­put asan­nit­toq. Takusiman­ngisaan­naraluarlugu nipaalu tusarsiman­ngisaan­naraluarlugu Biibili aq­qutigalugu oqaluut­tar­paatigul­lusooq. Taan­na tusaaniar­tariaqar­par­put! (Es 30:20, 21) Biibilimik atuar­tarut­ta Jehova, siulersor­ter­put ser­nis­sor­ter­pul­lu, ilisarisimanerulerlugulu tatiginerulis­savar­put. – Tus­siaat 19:8-12; Ussatit 1:33 atuak­kit.

8, 9. Jehovap suna ilisimas­sagip­put kis­saatigaa? Biibilimeersumik as­sersuuteqarit.

⁸ Jehovap kis­saatigaa uagutsin­nik asan­nit­tuunera ilisimas­sagip­put. Kuk­kusar­nivut pin­nagit uagutsin­ni ajun­ngitsut isiginiar­nerusar­pai. (2 Nal 16:9) Jehovap Judami kun­ngip Joshafatip ajun­ngitsor­taanik maluginiaanera eq­qarsaatigeriar­tigu. Joshafatip Ramotimut Gileadimiit­tumut Aramæerit sorsuf­figiar­tor­niarlugit Israelimi kun­ngimik Akabimik ilas­sarsior­nini kuk­kus­sutigerujus­suar­paa. Naak pruf­fiitioq­qusersut 400-t Akabi ajor­toq ajugaanis­saanik ilimasaaraluaraat Jehovap pruf­fiitiata ilumoor­tup Mikap Joshafati Akabilu oqaluup­pai sorsuk­kiarunik ajorsas­sasut. Taamatorluin­narlu pisoqar­poq. Akabi sorsun­nermi toqutaavoq Joshafatilu an­naq­qar­poq. Sorsun­nerup kingor­na Jehu aq­qutigalugu Jehovap Joshafati ilisimatip­paa kuk­kus­sutaanik. Jehul­li aam­ma ima oqarfigaa: “Ilin­nili aam­ma ajun­ngitsumik nas­saas­saqar­poq.” – 2 Nal 18:4, 5, 18-22, 33, 34; 19:1-3.

⁹ Ukiut siuliini Joshafati peq­qusivoq naalagar­tat, Levik­kut palasil­lu Jehovap inatsisaanik ilin­niar­titsiar­torlutik Judami il­loqarfiit tamaasa tikeraarfigis­sagaat. Ilin­niar­titsinerat ima iluatsil­luar­tigisimavoq al­laat inuian­nit al­laneersut Jehovamik ilisiman­nilerlutik. (2 Nal 17:3-10) Naak kingusin­nerusuk­kut Joshafati kuk­kul­luni aalajangiigaluar­toq siusin­nerusuk­kut iliuuserisimasai ajun­ngitsut Jehovap puiorsiman­ngilai. Uagut­taaq ilaatigut kuk­kus­suteqar­tarat­ta oqalut­tuaq taman­na uagutsin­nut tup­pal­lersaataasin­naavoq. Jehovamut kif­far­tor­nitsin­ni sapin­ngisar­put tamaat iliorut­ta asajuarlutalu iliuuserisimasavut ajun­ngitsut puior­navian­ngilai.

10, 11. (a) Sooq qinuneq Jehovamit tunis­sutaava im­mik­kut it­toq? (b) Guuti qin­nutitsin­nik qanoq akisisar­pa? (Al­laaserisap aal­laq­qaataani as­seq takuuk).

¹⁰ Ataataq asan­nit­toq meeq­qaminit oqaloqatigiumaneqaraangami tusar­naarusut­tar­poq. Meeq­qat soqutigil­luin­naramigit qanoq in­nersut paaserusut­tar­paa. Aam­ma Ataatar­put asan­nit­toq, Jehova, qin­nuigigaangatsin­ni tusar­naar­tar­poq. Ataatatsin­nik qilam­miusumik oqaloqateqarsin­naaner­put im­mik­kut pisin­naatitaaf­fiuvoq as­seqan­ngil­luin­nar­toq!

¹¹ Jehovamut qaquguk­kul­luun­niit qinusarsin­naavugut. Uagutsin­nut ikin­ngutaavoq qin­nutitsin­nik tusar­naar­nis­saminut piareersimajuaan­nar­toq. Taylene siusin­nerusuk­kut eq­qaaneqar­toq ima oqar­poq: “Sunaluun­niit oqaatigisin­naavat.” Uum­mam­miuvut Jehovamut oqaatigigaangatsigit Biibilimi al­las­simaf­fik, Biibililersaarutaatitsin­ni al­laaserisaq qatan­ngutil­luun­niit  kajumis­saarutaa aq­qutigalugu akisar­paatigut. Ilumoorluta qinugaangat­ta Jehovap tusar­tar­paatigut, aam­ma al­lanit paasineqan­ngik­kaluar­tugul­luun­niit Jehovap paasisar­paatigut. Qin­nutitsin­nik akisisar­nera uagutsin­nik asan­nin­neranut al­lan­ngujaatsumut up­per­narsaataavoq.

12. Sooq qin­nutit Biibilimeersut misis­soq­qis­saar­tariaqar­pavut? As­sersuuteqarit.

¹² Qin­nutit Biibilimi atuar­neqarsin­naasut ilin­niarfigil­luarsin­naavavut. Qin­nutit taak­ku ilaqutariit­tut atuaq­qis­saaqatigiin­nermi ilaan­nik­kut sam­misarutsigit iluaqutigil­luarsin­naavavut. Itsaq Guutip kif­faasa qin­nutaan­nik eq­qarsaatigin­neq­qis­saar­tarut­ta qin­nutivut isumaqarluar­nerulersis­sin­naavavut. As­sersuutigalugu aalisagarsuup iluani Jonap maniguul­luni qin­nutaa misis­suataarsin­naavarsi. (Jon 2:1-11) Aam­ma naalaf­fik atoq­qaar­tin­neqarmat Salomop iluun­ngarluni Jehovamut qin­nutaa misis­soriarsiuk. (1 Kng 8:22-53) Kiisalu Jiisusip ataatar­puumi qin­nutaa eq­qarsaatigeriarsiuk. (Mat­t 6:9-13) Pingaar­nerusumil­li ‘kis­saatigisasi qanoq it­tuk­kul­luun­niit Guutimut saq­qum­miut­tarsigit’. Taava “eq­qis­sinerup Guutimit pisup siuneqas­suser­nit tamanit an­nerungaar­tup uum­matisi eq­qarsaatisilu ser­nigis­savai”. Taavalu Jehovap asan­nit­tuar­tuuneranut qujamasun­ner­put al­liar­tuin­nas­saaq. – Fil 4:6, 7.

13. Uter­titsis­sut pis­sutigalugu qanoq periarfis­saqalersin­neqar­pugut?

¹³ Jehovap uter­titsis­sum­mik tunivaatigut ‘inuugin­naq­qul­luta’. (1 Joh 4:9) Jehovap asan­nit­tulior­nera taman­na Paulusip ima al­laatigaa: “Kristusi iluaatsut pil­lugit toquvoq pif­fis­saq nal­lium­mat. Ilimanan­ngilaq iluar­toq pil­lugu toqujumasoqar­nis­saa; im­maqa ajun­ngitsoq pil­lugu toqunis­samut sapiiser­toqarsin­naagaluar­poq; Guutil­li uagutsin­nut asan­nin­nini takutip­paa ajor­tiliugal­lar­til­luta Kristusip pil­luta toquneratigut.” (Rom 5:6-8) Uter­titsis­sut Guutip asan­nin­neranut ersiutaavoq an­ner­paaq, tamatumalu inuit Guutimut qanimut at­taveqarsin­naalersip­pai.

14, 15. Uter­titsis­sut qanoq kinguneqas­sava (a) kristumiunut tanitanut? (b) nunarsuarmi inuunis­samik neriuutilin­nut?

¹⁴ Kristumiut ikit­tun­nguit Jehovap asan­nit­tuar­tuunera im­mik­kut it­tumik misigaat. (Joh 1:12, 13; 3:5-7) Taak­ku anersaamik il­ler­nar­tumik tanin­neqar­nermik­kut Guutimut qitor­naaler­put. (Rom 8:15, 16) Jehovap taak­ku naas­saan­ngitsumik qilam­miin­nis­saan­nik neriuuteqalersip­pai. (Ef 1:13, 14; Kol 1:5) Taamaat­tumik naak taak­kua ilaat suli nunarsuarmiik­kaluar­tut Paulusi al­lap­poq ‘makitin­neqar­tut qilam­mul­lu pisin­neqar­tut Kristusi-Jiisusimi’. – Ef 2:6.

¹⁵ Anersaamik il­ler­nar­tumik tanin­neqan­ngitsut uter­titsis­sut up­perigunik­ku Guutimut ikin­ngutaalersin­naap­put.  Aam­ma Guutimit qitor­navis­siar­taarineqar­nis­samin­nut nunamilu paratiisiusumi naas­saan­ngitsumik inuuler­nis­samin­nut periarfis­saqar­put. Uter­titsis­sut Jehovap inun­nik tamanik asan­nin­neranut ersiutaavoq. (Joh 3:16) Guutimut aalajaal­luta kif­far­torut­ta silarsuas­sami nutaami pil­luar­nar­ner­paamik inuuneqalersin­naavugut. Taman­na ilisimal­lugu ila qilanaar­naq! Taamaat­tumik uter­titsis­sut Guutip uagutsin­nut asan­nit­tuar­neranut up­per­narsaataasoq an­ner­paaq pingaar­til­lugu ersersitsigu.

16. Guutip asan­nin­neranik eq­qarsaatigin­neq­qis­saar­ner­put sunis­samut kajumis­sis­sutigaar­put?

¹⁶ Jehovap uagutsin­nut asan­nin­nerminik ersersitsineri kisis­saan­ngil­lat. Kun­ngi Daavi erinarsor­poq: “Ilami eq­qarsaativit erlin­nas­susii uan­nut, ila amerlangaas­susii, Guuti! Kisik­kaluaruk­kit sioq­qanit amerlaneroq­qajaqaat.” (Tus­s 139:17, 18) Jehovap uagutsin­nik asan­nin­neranik eq­qarsaatigin­neq­qis­saar­ner­put kajumis­sis­sutigalugu Jehova akil­lugu asan­nin­nermik ersersitsivigerusup­par­put sapin­ngisar­pul­lu tamaat kif­far­torfigerusul­lugu.

17, 18. Guutimut asan­nin­ner­put ilaatigut qanoq ersersis­sin­naavar­put?

¹⁷ Jehovamut asan­nin­ner­put as­sigiin­ngitsor­pas­suar­tigut ersersis­sin­naavar­put. As­sersuutigalugu naalagaaf­fim­mik nutaarsias­saq nuan­nersoq ilungersuus­sil­luta oqaluus­sis­sutigisin­naavar­put. (Mat­t 24:14; 28:19, 20) Aam­ma Guutimut asan­nin­ner­put ersersis­sin­naavar­put up­per­nitsin­nik misilin­neqar­nermi piner­tusaar­nitsigut. (Tus­siaat 84:12; Jaaku 1:2-5 atuak­kit). Misilin­neqar­nivut sak­kor­tugaluar­pataluun­niit Jehovamut erlin­nar­tuugat­ta qularutigis­san­ngilar­put naal­liuutivut Jehovap takusin­naagai ikiorumaaraatigul­lu. – Tus­s 56:9.

¹⁸ Jehovamut asan­nin­ner­put kajumis­sis­sutigalugu pin­ngor­titai tupin­nangaar­tut eq­qarsaatigeq­qis­saar­tar­pavut. Jehovap oqaasiinik atuaq­qis­saar­tar­nitsigut ersersit­tar­par­put Jehova asal­lutigu. Jehova asagatsigu taas­sumun­ngalu at­taveqar­ner­put nakus­satsik­kusuk­katsigu qinukulasar­pugut. Uter­titsis­sut tunis­sutaasoq erlin­nangaar­toq eq­qarsaatigisarutsigu taas­sumun­nga asan­nin­ner­put sak­kor­tunerulersin­naavoq. (1 Joh 2:1, 2) Tamak­ku Jehovap uagutsin­nut asan­nit­tuar­tuuneranik pingaar­titsinitsin­nut pis­sutaasut ilaan­naminiin­nan­nguaraat.