1, 2. (a) Paratiisimiiler­nis­san­ni suna qilanaaraajuk? (Al­laaserisap aal­laq­qaataani as­siliaq takuuk). (b) Silarsuar­taas­sami suna nuan­naarutiginer­paas­savar­put?

“INUUNEQ naas­saan­ngitsoq” qilanaaringaar­par­put. Apustilip Paulusip taman­na ‘inuunivim­mik’ taavaa. (1 Timotheusi 6:12, 19 atuak­kit). Amerlanersat­ta nunami paratiisiusumi naas­saan­ngitsumik inuunis­saq neriuutigaat. Ul­laat tamaasa peq­qil­lutalu pil­luarlutalu nalerisimaarluta iter­talerut­ta qanoq misigiumaar­nersugut takorlooruminaas­sin­naavoq. (Es 35:5, 6) Ilaqut­tavit ikin­ngutivil­lu, aam­ma toqusunit makititaasimasut, peqatiginis­saasa nuan­nerunas­susia eq­qarsaatigiuk. (Joh 5:28, 29; ApS 24:15) Nuan­narisavit pik­korif­figineruler­nis­saan­nut pik­korif­figerusutan­nil­lu ilin­niar­nis­samut taamanik­kus­samut pif­fis­saqas­saatit. As­sersuutigalugu ilisimatusar­nerusin­naavutit, imaluun­niit nipilersor­neq nam­minerluun­niit il­lulior­neq ilin­niarsin­naavat.

² Tamak­kor­pas­suit qilanaarigaluarlutigit Jehovamik pal­lorfigin­nin­ner­put nuan­naarutiginer­paas­savar­put. Inuit  tamarmik Jehovap aq­qa il­ler­nar­toq ataq­qiler­pas­suk taan­nalu naalak­kersuisumis­sut akuerip­pas­suk inuuneq qanoq ik­kumaar­toq takorlooruk. (Mat­t 6:9, 10) Guutip siuner­taatorluin­naq nunarsuaq inun­nik naam­mal­luin­nar­tunik ulik­kaar­toq nuan­naarutigingaas­savar­put. Aam­ma eq­qarsaatigiuk naam­mal­luin­nar­tun­ngoriar­tor­til­luta Jehovamik ikin­nguteqar­nit­ta nakus­satsin­nis­saa qanoq ajor­nan­ngin­nerutigilis­sasoq! – Tus­s 73:28; Jaak 4:8.

3. Maan­na sunis­samut piareersas­saagut?

³ Nuan­nersor­pas­suit tamak­ku Jehovap naam­mas­siumaarai up­peraar­put, ‘Guutimum­mi ajor­nar­toqan­ngilaq’. (Mat­t 19:25, 26) Silarsuar­taas­sami inoorusuk­kut­ta inuuneq naas­saan­ngitsoq “tigul­luar­titaarsin­naaq­qul­lugu” maan­na iliuuseqar­tariaqar­pugut. (1 Tim 6:19, NW) Nalun­ngilar­put naggatis­saq nal­liutingajalersoq, taamaat­tumik inooriaatsitsin­nit takuneqarsin­naasariaqar­poq naggatis­sap nal­liuteriaan­naanera up­peril­luin­narip­put. Silarsuar­taas­sami inuunis­samut piareersar­niarluta maan­nak­kut iliuuserisin­naasavut tamaasa iliuuserisariaqar­pavut. Qanoq taamaaliorsin­naanersugut misis­soriar­tigu.

4. Silarsuar­taas­sami inuunis­samut qanoq piareersarsin­naavugut? As­sersuuteqarit.

⁴ Silarsuar­taas­sami inuunis­samut maan­na qanoq piareersarsin­naavugut? Nunamut al­lamut nuun­nialerut­ta tas­sani inuunis­samut piareersas­sagunar­pugut. As­sersuutigalugu inuit nunaq­qatigiligas­sat­ta oqaasii ileq­quilu ilin­niarlugit aal­lar­tis­sin­naavugut. Im­maqa nerisas­saataat us­sersin­naavavut. Taamatut­taaq silarsuar­taas­sami inuunis­samut sapin­ngisatsin­nik piareersarluta tas­saneereersutul­lusooq maan­na inuulereersin­naavugut. Periaaserisin­naasat­ta ilaat misis­soriar­tigit.

5, 6. Jehovap peqatigiis­sor­taanit siulersor­tin­nis­samik ilin­niar­neq silarsuar­taas­samut qanoq piareersaatigisin­naavar­put?

⁵ Silarsuarmi matumani Saatanip inuit nam­min­neq piumasamit­tut ilior­tin­niarsarai. Inup­pas­suit nam­mineerusul­lutil­lu isumaqar­put Guuti naalan­neqar­tariaqan­ngitsoq. Qanoq kinguneqar­tumik? Guutimit siulersor­tik­kuman­ngin­neq naal­liuuter­pas­suar­nik alianar­tor­pas­suar­nil­lu kinguneqar­poq. (Us­s 16:25) Jehovali naalagaavoq asan­nit­toq. Silarsuar­taas­sami inuit tamarmik taan­na naalaler­pas­suk inuunerup nuan­ner­nerungaas­susis­saa!

⁶ Silarsuar­taas­sami Jehovap peqatigiis­sor­taasa nunarsuarmik paratiisin­ngor­titseq­qusineran­nik toqusunil­lu makititaasunik ilin­niar­titseq­qusineran­nik maleruaaneq nuan­naarutigis­savar­put. Jehovap sulias­sar­pas­suaqar­tis­savaatigut. Taavami siulersor­tit­ta suliarerusup­pal­laan­ngisatsin­nik sulias­sip­patigut? Naalas­saagut? Sulias­siis­sutigineqar­toq sapin­ngisatsin­nik naam­mas­sinias­savar­put taman­nalu nuan­naarutigalugu? Silarsuar­taas­sami naas­saan­ngitsumik inuunis­samut piareersarluta maan­na naalal­luta Jehovap peqatigiis­sor­taanit siulersor­tit­tariaqar­pugut.

7, 8. (a) Sooq siulersor­tivut suleqatigis­savavut? (b) Kristumiut ilaasa inuunerat qanoq al­lan­ngorsimap­pat? (c) Silarsuar­taas­samut tun­ngatil­lugu suna qularin­ngilar­put?

⁷ Silarsuar­taas­samut piareersimarusuk­kut­ta naam­magisimaar­neq Jehoval­lu peqatigiis­sor­taanik  al­lanil­lu suleqateqar­neq ilin­niar­tariaqar­pavut. As­sersuutigalugu nutaamik sulias­sin­neqaraangat­ta suleqatigin­nik­kusut­tar­pugut sapin­ngisatsin­nil­lu naam­magisimaar­niar­tarluta. Siulersor­tit­ta suleqatiginis­saat maan­na ilik­karutsigu ilimanar­poq silarsuar­taas­sami aam­ma suleqatigin­nis­sasugut. (Hebræerit 13:17 atuaruk). Israelik­kut nunamut neriorsuutigisamut pigamik sumi najugaqas­sanerlutik nam­min­neq aalajangin­ngilaat. (4 Mos 26:52-56; Jos 14:1, 2) Silarsuar­taas­sami sumi najugaqaq­quneqas­sanerluta naluar­put. Suleqataanerli ilik­karsimagutsigu sumiluun­niit najugaqaraluarut­ta Jehovap piumasaatut ilior­nis­sar­put nuan­naarutigis­savar­put.

⁸ Silarsuar­taas­sami Guutip naalagaaf­fiata aqutsinerani kif­far­tor­nerup qanoq ataq­qinaataatiginis­saa takorlooriaruk. Maan­na Jehovap peqatigiis­sor­taasa kajumil­luta suleqatiginis­saan­nut sulias­siis­sutigineqar­tul­lu tamaasa naam­mas­sinis­saan­nut pis­sutis­saqarluar­pugut. Ilaan­nik­kul­li sulias­siis­sutigineqar­tut al­lan­ngorsin­naap­put. As­sersuutigalugu USA-mi Betelimi sulisut ilaat peq­quneqar­put Betelimiik­kun­naarlutik pif­fis­sar­tik tamaat oqaluus­sinermut atus­sagaat. Nak­kutil­liisut angalasar­tut ilaat utoq­qalineq al­lanil­luun­niit pis­suteqar­tumik specialpionerin­ngor­put. Im­min­nut sulias­siis­sutigineqar­tut nutaat nuan­naarutigaat Jehovamil­lu pil­luaq­quneqarlutik. Jehovamut ikioq­qugut­ta, sapin­ngisatsin­nik taan­na kif­far­torfigigutsigu sulias­siis­sutigineqar­tunilu tamani naam­magisimaar­neq ilin­niarutsigu pil­luas­saagut, Jehoval­lu pil­luaq­qus­savaatigut. Us­satini ima al­las­simavoq: “Naalak­kap pil­luaq­qusinera pisuun­ngor­titsisaraaq, erloqinar­tumil­lu ilasarin­ngilaa.” (Us­s 10:22, 1900) Taavami silarsuar­taas­sami sumiif­fim­mi aalajangersimasumi najugaqarusuk­kaluarluta Jehovap peqatigiis­sor­taanit al­lamut nooq­quneqarut­ta? Taamanik­kus­samut sumi najugaqar­nersugut sulerinersugul­lu apeq­qutaas­san­ngilaq. Qular­nan­ngivip­pormi silarsuar­taami inuuner­put qujamasuutigingaas­sagip­put. – Neh 8:10.

9, 10. (a) Sooq silarsuar­taas­sami utaq­qisin­naas­suseqar­tariaqarsin­naas­saagut? (b) Maan­na nikal­lujuin­ner­put qanoq ersersis­sin­naavar­put?

⁹ Silarsuar­taas­sami ilaan­nik­kut erinitsajuin­neq pisariaqar­tis­sin­naavar­put. As­sersuutigalugu im­maqa inuit ilaqut­tatik ikin­ngutitil­luun­niit toqusunit makititaam­mata qiim­mat­tar­put. Im­maqali uagut asasat­ta makititaanis­saat utaq­qisariaqar­par­put. Taamaas­sap­pat erinitsajuil­luta al­lat nuan­naaqatigisin­naas­savavut? (Rom 12:15) Jehovap neriorsuutiminik eq­qor­titsinis­saata utaq­qikatalin­ngin­nis­saa maan­na ilik­karutsigu taamanik­kus­samut erinitsajuin­nis­satsin­nut iluaqutigis­savar­put. – Oqal 7:8.

¹⁰ Aam­ma sal­lusuis­sum­mik Biibilimeersumik paasin­nit­taaser­put al­lan­ngoraangat nikal­lujuitsuunik­kut silarsuar­taas­samut piareersarsin­naavugut. Nikal­lujuil­luta paasin­nit­taatsitsin­nut erseq­qin­nerujar­tuin­nar­tumut tun­ngatil­lugu atuaq­qis­saar­tar­pugut? Taamaap­pat  silarsuar­taas­sami Jehovap al­lamik iliuuseqaq­qugaangatigut nikal­lujuin­neq ajor­nan­ngin­nerus­saaq. – Us­s 4:18; Joh 16:12.

11. Sooq isumak­keerfigin­nin­neq maan­na ilin­nias­savar­put, silarsuar­taas­samilu qanoq iluaqutigis­savar­put?

¹¹ Silarsuar­taas­samut piareersaatigisin­naasar­put al­la tas­saavoq isumak­keerfigin­nin­nerup ilin­niar­nis­saa. Kristusip ukiuni tuusintini naalak­kersuinerani inuit tamarmik naam­mal­luin­nar­tun­ngoriar­tuaar­nerat sivisus­saaq. (ApS 24:15) Al­lanik asan­nit­tuul­lutalu isumak­keerfigin­nik­kusut­tuus­saagut? Isumak­keerfigin­nin­neq al­lanul­lu at­taveqarluar­neq maan­na ilik­karutsigit, silarsuar­taas­sami taamaalior­nis­saq ajor­nan­ngin­nerus­saaq. – Kolos­semiut 3:12-14 atuak­kit.

12. Sooq silarsuas­samut maan­na piareersas­saagut?

¹² Imaas­sin­naavoq silarsuar­taas­sami kis­saatigisavut piuaan­nan­ngik­kivut pinis­saal­luun­niit utaq­qisariaqarivut. Qanorluun­niit atugaqaraluarut­ta qujamasut­tuul­lutalu naam­magisimaarin­nit­tuusariaqar­pugut. Pis­suserineqar­tus­sat Jehovap maan­na uagutsin­nut ilin­niar­titsis­sutigisai taamanik­kus­samut pis­suserisus­saavavut. Tas­sa pis­susereq­quneqar­tunik tamak­kunin­nga maan­na ersersitsinik­kut up­per­narsar­tar­par­put silarsuar­taas­saq ilumut up­peralutigu naas­saan­ngitsumil­lu inuunis­samut piareersimal­luta. (Hebr 2:5; 11:1) Aam­ma ersersis­savar­put silarsuarmi kik­kut tamarmik Jehovap piumasaatut iliorfigisaan­ni ilumut inoorusul­luta.

13. Silarsuar­taas­sami suna sal­liutis­savar­put?

¹³ Silarsuar­taas­sami inuunermik nuan­naarutigin­nin­nis­samut amigaateqas­san­ngilagut. Nuan­naarutiginer­paas­savar­pul­li Jehovamut qanimut at­taveqar­ner­put. (Mat­t 5:3) Jehovamut kif­far­tor­neq ulap­putigalugulu nuan­naarutigis­savar­put. (Tus­s 37:4) Tas­sa Jehova inuunitsin­ni  maan­na sal­liuk­kutsigu silarsuar­taas­sami inuunis­samut piareersimas­saagut. – Mat­thæusi 6:19-21 atuak­kit.

14. Inuusut­tut Jehovamut kif­far­tor­nermi suut anguniagarisin­naavaat?

¹⁴ Jehovamut kif­far­tor­ner­put qanoq nuan­naarutiginerulersin­naavar­put? Ilaatigut anguniagaqar­nik­kut. Inuusut­tuuguit inuunin­ni Jehovamut kif­far­tor­ner­pit pingaar­ner­paatin­nis­saa eq­qarsaatigeq­qis­saaruk. Pif­fis­saq tamaat kif­far­toriaatsit as­sigiin­ngitsut pil­lugit atuagas­siaatitsin­ni misis­suisin­naavutit. Kif­far­toriaatsit taak­kua arlaan­nik anguniagaqarusus­sin­naavit? * Ukior­pas­suar­ni pif­fis­saq tamaat Jehovamut kif­far­torsimasunik oqaloqateqar­tarit. Inuunerit Jehovamut kif­far­tor­nermut atoruk­ku naleqangaar­tumik ilin­niar­titaas­saatit. Taamatut misilit­tagaqar­neq silarsuar­taas­sami Jehovamut kif­far­tor­nis­san­nut iluaqutigis­savat.

15. Jehovamut kif­far­tor­nermi sunik al­lanik anguniagaqarsin­naavugut?

¹⁵ Jehovamut kif­far­tor­nitsin­ni anguniagarisin­naasat amerlap­put. As­sersuutigalugu oqaluus­seriaatsit arlaat pik­korif­figineruler­nis­saa anguniagarisin­naavar­put. Imaluun­niit najoq­qutas­siat Biibilimeersut paasil­luar­neruniarsin­naavavut inuunitsin­nilu maleruar­nis­saat ilin­niarlugu. Atuf­fas­sil­laq­qin­neruler­niarsin­naavugut ataatsimiin­ner­nilu oqalugiar­neq akisar­nerlu pik­korif­figineruler­niarsin­naal­lugit. Una maluginiagas­saavoq: Anguniagaqar­neq Jehovamut kif­far­tor­nermi aal­lus­sil­luar­nerulis­sutigis­savat silarsuar­taas­samilu inuunis­san­nut piareersaatigalugu.

16. Sooq Jehovamut kif­far­tor­neq inooriaasiua pitsaaner­paaq?

¹⁶ Pif­fis­sar­put Guutip silarsuar­taas­saanut piareersar­nermut atorutsigu  ul­lumik­kut inooriaaserisin­naasar­put pitsaaneq misigin­ngitsuus­savar­put? Naamik! Jehovamum­mi kif­far­tor­neq inooriaasiuvoq pitsaaner­paaq. Imaan­ngilaq pin­ngitsaalineqarat­ta an­nikil­lior­nar­tus­sarsuarluun­niit anigor­niaan­narlugu Jehova kif­far­torfigigip­put. Taan­na ikin­ngutigil­luaraangatsigu inuunitsin­ni ingerlal­luar­nerul­lutalu pil­luar­nerusar­pugut. Taas­sumun­ngami at­taveqar­tuar­tus­satut pin­ngor­titaavugut. Guutimit asaneqar­neq siulersor­neqar­nerlu nal­ler­neqarsin­naan­ngil­lat. (Tus­siaat 63:2-4 atuak­kit). Uum­matik­kut iluun­ngarluni Jehovamik pal­lorfigin­nin­nerup nuan­naarutaanera tamat­ta maan­nangaaq misigisin­naavar­put. Ukior­pas­suar­ni taas­sumun­nga kif­far­torsimasut qular­natik oqarsin­naap­put taman­na inooriaasiusoq pitsaaner­paaq. – Tus­s 1:1-3; Es 58:13, 14.

17. Paratiisimi soqutigisavut aliik­kutal­lu qanoq pingaaruteqar­tigis­sap­pat?

¹⁷ Paratiisimi soqutigisavut aliik­kutal­lu pif­fis­saqarfigis­savavut. Jehovam­mi nuan­nisarusus­suseqar­til­luta pin­ngor­tip­paatigut, neriorsuivorlu ‘pin­ngor­titat tamaasa kis­saatigisaan­nik qaarsil­lar­tit­tar­niarlugit’. (Tus­s 145:16; Oqal 2:24) Aliik­kutaqar­neq qasuersaar­nerlu pisariaqar­tip­pavut, Jehovamul­li at­taveqar­ner­put sal­liutik­kutsigu tamak­ku nuan­naarutiginerus­savavut. Silarsuar­taas­sami aam­ma taamaas­saaq. Tas­sa silatusaas­saagut ‘Guutip naalagaaf­fia ujaq­qaarutsigu’ Jehovamul­lu kif­far­tor­nermi pil­luaq­qus­sutisiarisar­tak­kavut isiginiar­nerugutsigit. – Mat­t 6:33.

18. Qanoq ersersis­sin­naavar­put Paratiisimi naas­saan­ngitsumik inuunis­samut piareersarluta?

¹⁸ Silarsuar­taas­sami inuuneq takorloorsin­naasatsin­nit nuan­ner­nerungaas­saaq. Qanor­toq paratiisimiik­kusungaar­ner­put ersersitsigu ‘inuunivim­mut’ maan­na piareersar­nik­kut. Jehovap uagutsin­nut pis­susereq­qul­lugit ilin­niar­titsis­sutigisai ineriar­tor­titsigit nutaarsias­sarlu nuan­nersoq eqiasuil­luta oqaluus­sis­sutigalugu. Qanor­toq nuan­ner­ner­paaq misigiumal­lugu Jehovamik pal­lorfigin­nin­neq inuunitsin­ni sal­liutitsigu. Silarsuar­taas­sami Jehovap neriorsuutini tamaasa eq­qor­tik­kumaarai up­peril­luin­naratsigu tas­saneereersutul­lusooq maan­na inuusa!