1, 2. Jehovap im­minut asan­nit­tooq­qul­luta qanoq ilin­niar­tip­paatigut?

ATAATAASUP nam­mineq maligas­siuinermigut qitor­nani ilin­niar­til­luar­ner­paasin­naavai. Asan­nin­nermik ersersitsisar­nermigut qitor­nani asan­nin­nermik ilin­niar­tit­tar­pai. Ataatat­ta qilam­miusup, Jehovap, al­lanit tamanit an­nerusumik asan­nin­nermik ersersitsiviginikuuaatigut. Uagut asan­nin­neq ilik­kar­par­put “taas­suma asaq­qaarmatigut”. – 1 Joh 4:19.

² Jehovap qanoq ersersip­paa uagut ‘asaq­qaaraatigut’? “Ajor­tiliugal­lar­til­luta Kristusip pil­luta toquneratigut.” (Rom 5:8) Ataatat­ta asan­nit­tup, Jehovap, ajor­timit toqumil­lu an­naan­niarluta er­nini uter­titsis­sutitut tun­nius­simavaa. Tunis­sut naleqangaar­toq taan­na pis­sutigalugu Jehovamut qanin­nerulerlutalu taas­sumun­nga asan­nin­ner­put ersersis­sin­naaler­par­put. Angisuumik pil­liuteqar­nermigut Jehova maligas­siuil­luar­poq. Ilin­niar­tip­paatigut nam­minis­sarsiorata tunisiumatuul­lutalu asan­nit­tuus­sasugut. – 1 Joh 4:10.

3, 4. Guutimut asanin­ner­put qanoq ersersis­sin­naavar­put?

³ Asan­nin­neq Guutip pis­susiisa pingaar­nersaraat. Taamaat­tumik paasisin­naavar­put sooq Jiisusi inas­sutit  pingaar­nersaat pil­lugu ima oqar­toq: “[Jehova] Guutit asas­savat uum­matik­kut iluun­ngarlutit tar­nik­kul­lu iluun­ngarlutit isumak­kul­lu iluun­ngarlutit nukitil­lu tamak­kerlugit.” (Mark 12:30) Jehovap kis­saatigaa ‘uum­matik­kut iluun­ngarluta’ asas­sagitsin­ni. Kinaluun­niit sunaluun­niit Jehovamit asanerugutsigu an­niaatigis­savaa. Taas­sumun­ngali asan­nin­ner­put misigis­sutsitsigut taamaal­laat tun­ngaveqas­san­ngilaq. Jehovap aam­ma piumasaraa ‘isumatsigut iluun­ngarluta nukivul­lu tamak­kerlugit’ asas­sagitsin­ni. Taman­na isumaqar­poq eq­qarsaatitsigut iliuutsitsigul­lu asas­sagip­put. – Mika 6:8 atuaruk.

⁴ Tas­sa Jehova nangaas­suteqarata asal­luin­nar­tariaqar­par­put. Inuunitsin­ni taas­sumin­nga sal­liutitsinitsigut ersersis­savar­put asal­luin­narlutigu. Al­laaserisap siuliani Jehovap qitor­naminut asan­ningaar­nini sisamatigut ersersik­kaa sam­mivar­put. Mas­sak­kut sam­mis­savar­put Jehovamut asan­nin­ner­put qanoq al­liar­tor­tis­sin­naal­lugulu ersersis­sin­naagip­put.

5. Jehovap uagutsin­nut iliuuserisimasar­pas­sui eq­qarsaatigigaangatsigit qanoq iliorusut­tar­pugut?

⁵ Tunis­sutisigaangavit qujamasun­nerit ersersit­tar­pat. Tunis­sutisial­lu pingaar­tik­kuk­ku aam­ma ator­tas­savat. Jaaku ima al­lap­poq: “Tunis­sutit ajun­ngitsut naam­mal­luin­nar­tuusul­lu tamarmik pavan­nga qaamasut ataataan­nit al­lan­ngor­neq ajor­tumit alan­ngerarfigineqan­ngitsumil­luun­niit pisar­put.” (Jaak 1:17) Inuunis­satsin­nut pil­luar­nis­satsin­nul­lu pisariaqar­tunik Jehovap tunisimam­matigut qujamasuutigeqaar­put. Paasivar­put qanoq asatigigaatigut, uagut­taaq taas­sumun­nga asan­nin­ner­put aam­ma ersersik­kusup­par­put. Il­lit taamatut misigivit?

6. Israelik­kut Jehovamit pil­luaq­quneqar­tuas­sagunik qanoq ilior­tariaqar­pat?

⁶ Israelik­kut Jehovamit as­sigiin­ngitsor­pas­suar­tigut ajun­ngitsuliorfigineqar­tarsimap­put. Ukiuni hundredilin­ni inatsisini tun­ngavigalugit siun­nersor­tarsimavai inuugin­nar­nis­saan­nul­lu pisariaqar­tunik tamanik tunisarlugit. (5 Mos 4:7, 8) Israelik­kul­lu inatsisinut naalan­nermik­kut Jehovamut qujamasun­ner­tik ersersis­sin­naavaat. As­sersuutigalugu Jehovamut pil­liuteqaraangamik nunami “inereq­qaar­tut pitsaanersaat” tun­niut­tar­tus­saavaat. (2 Mos 23:19) Israelik­kut nalun­ngilaat Jehovamut naalan­nermik­kut pitsaaner­paanil­lu tunis­suteqar­tar­nermik­kut Jehovamit pil­luaq­quneqar­tuarumaarlutik. – 5 Mosesi 8:7-11 atuak­kit.

7. Jehovamut asan­nin­ner­put ersersin­niarlugu ‘pisuus­sutigisavut’ qanoq atorsin­naavavut?

⁷ Uagut­taaq Jehovamut asan­nin­ner­put ersersis­sin­naavar­put ‘pisuus­sutigisatsin­nik’ Jehovamut ataq­qinaasiinik­kut. (Us­s 3:9) Qanoq taamaaliorsin­naavugut? As­sersuutigalugu ilagiin­ni najuuf­figisatsin­ni silarsuarmilu tamarmi Naalagaaf­fim­mik suliniar­nik­kut tapersersuil­luta tunis­suteqar­tarsin­naavugut. Pisoorsuugaluarut­ta piitsuugaluarut­taluun­niit pigisavut atorlugit tamat­ta Jehovamut asan­nin­ner­put ersersin­niarsin­naavar­put. (2 Kor 8:12) Al­latul­li  aam­ma Jehovamut asan­nin­ner­put ersersin­niarsin­naavar­put.

8, 9. Aam­ma qanoq al­latut Jehovamut asan­nin­ner­put ersersis­sin­naavar­put? As­sersuuteqarit.

⁸ Jiisusip ilin­niar­tip­paatigut nerisas­savut atisas­savul­lu isumakuluutiginagit Naalagaaf­fik sal­liutit­tuas­sagip­put. Ataatat­ta neriorsor­paatigut pisariaqar­titatsin­nik isumagiumaarluta. (Mat­t 6:31-33) Jehova tatigaar­put neriorsuutinilu eq­qor­tik­kumaarai qularinatigu. Jehovalu tatiginerujar­tor­til­lugu taas­sumun­nga asan­nin­ner­put al­liar­tor­tar­poq. Tas­sami asangaak­kat il­lit aam­ma tatigisar­pat. (Tus­s 143:8) Im­minut ima aperisin­naavugut: ‘Pilersaarutin­ni aam­ma pif­fis­samik nukin­nil­lu atuinin­ni ersersit­tar­para Jehova asagiga? Pisariaqar­titak­ka Jehovap ul­lut tamaasa matus­suserumaarai qularineq ajor­para?’

⁹ Mikep ilaqutaasalu Jehova tatigil­luin­nar­paat. Mikep inuusut­tuul­lunili nunani al­lani nalunaajaajar­tor­nis­sani kis­saatigiuaan­narsimavaa. Al­laat katereer­nermi marlun­nil­lu meeraqalereer­nermi kingor­na taman­na suli aalajangiusimavaa. Mike ilaqutaalu qatan­ngutit pisariaqar­titsif­fiungaar­tumi oqaluus­siar­torsimasut pil­lugit al­laaserisat atuareerlugit aalajanger­put inuunermin­nik pisariil­lisaaniarlutik. Il­lor­tik tunivaat inis­siamul­lu mikinerusumut nuul­lutik. Mikep nam­minersorluni eq­qiaaf­fiutini an­nikil­lisariarlugu nunamit al­lamit inter­neti aq­qutigalugu qanoq aqutsisin­naanis­sani paasivaa. Mike ilaqutaalu nunamut al­lamut nuup­put, tas­sanilu oqaluus­siner­tik nuan­naringaarlugu. Mike ima oqar­poq: “Jiisusip Mat­thæusi 6:33-mi oqaasiisa ilumoor­nerat misigaar­put.”

10. Daavitut Jehova pil­lugu ilik­kak­kat­ta eq­qarsaatigeq­qis­saar­nis­saat uagutsin­nut qanoq kinguneqas­sava?

¹⁰ Kun­ngi Daavi ilaan­ni ima al­lap­poq: “Qilaap oqalut­tuaraa Guutip naalan­nas­susia, qilaan­ngusaasap nalunaarutigaa as­saasa piliaat.” Ima nangip­poq: “Naalak­kap inatsisai in­narluitsuup­put, tar­nimik tuman­nguersaasar­put. Naalak­kap nalunaajaatai aalajaatsuup­put, misilit­tagakitsunik ilisimasun­ngor­titsisar­put.” Daavi Jehovap inatsisaanik ilisimas­suseqalersitsisar­tunik pin­ngor­titaanil­lu kusanangaar­tunik eq­qarsaatigin­neq­qis­saar­tar­nermigut Jehovamut qanin­nerulerlunilu asan­nin­nerminik ersersitsiumaler­poq. Daavi ima oqar­poq: “Qanerma oqaasii uum­matimalu eq­qarsaatai ilin­ni iluarinarilit, Naalagaq, qaarsora aniguisitsisigalu!” – Tus­s 19:2, 8, 15.

11. Jehovamut asan­nin­ner­put ersersin­niarlugu ilisimasavut Jehovap uagutsin­nut tun­nius­sai qanoq atorsin­naavavut? (Al­laaserisap aal­laq­qaataani as­sit takuk­kit).

¹¹ Ul­lumik­kut Jehovap siuner­taminik, pin­ngor­titaminik oqaatsiminil­lu an­ner­tuumik ilin­niar­tip­paatigut. Silarsuatoq­qami inuit ilin­niar­nis­saan­nik  kajumis­saar­neqar­tar­put, qaf­fasin­nerusumil­li ilin­niagaqar­nermik­kut Guutimut up­per­ner­tik asan­nin­ner­til­lu an­naasar­paat. Paarlat­tuanik Jehovap ilisimasaqaler­nis­sar­put kis­saatigiin­nar­nagu aam­mali ilisimas­suseqar­nis­satsin­nik ikiorusup­paatigut. Ilik­kak­kavut im­mitsin­nut al­lanil­lu ikiuinis­satsin­nut atoq­quai. (Us­s 4:5-7) As­sersuutigalugu Jehovap “piumasaraa inuit tamalaat an­naan­neqas­sasut sal­lusuis­sum­mil­lu eq­qorluar­tumik ilisimasaqalis­sasut”. (1 Tim 2:4, NW) Guutip naalagaaf­fia pil­lugu inuian­nul­lu qanoq iliorumaar­neranik sapin­ngisamik ilin­niar­titsinitsigut Jehovamut inun­nul­lu asan­nin­ner­put ersersis­savar­put. – Tus­siaat 66:16, 17 atuak­kit.

12. Tunis­sut Jehovameersoq pil­lugu qatan­ngut inuusut­toq qanoq oqar­pa?

¹² Aam­ma inuusut­tut Jehovamut asan­nin­ner­tik ersersis­sin­naavaat taas­suma tun­nius­sai ilin­niar­titsis­sutaalu pingaar­tit­tarlugit. Shan­nonip aq­qanilin­nik ukioqarluni nuk­kanilu qulinik ukioqar­toq ataatsimeersuar­neq najuuf­figisani suli eq­qaamavaa. Ataatsimeersuar­nermi “Guutimut-tun­niusimaneq”-mik qulequtalim­mi inuusut­tut tamarmik, aam­ma Shan­non nuk­kanilu, ul­lup ilaani im­mik­koorlutik ingeq­qul­lugit kajumis­saar­neqar­put. Aal­laq­qaam­mut an­nilaangalaaraluar­poq. Ilimagin­ngisaanil­li pisoqar­poq. Inuusut­tut tamarmik atuak­kamik Unge spørger – Svar der duer-mik tunineqar­put! Taama it­tumik tunis­sutisigami  Jehova pil­lugu qanoq misigiva? Ima oqar­poq: “Taamani paasil­luin­nar­para Jehova ilumut piviusuusoq asangaaraangalu. Jehova Guuter­put angingaar­toq tupin­nangaar­tunik naam­mal­luin­nar­tunil­lu tunisisarmat nuan­naarutigeqaar­put!”

13, 14. Jehovamit oqaaq­qis­saar­neqaraangat­ta qanoq qisuariar­tas­saagut, aam­ma sooq?

¹³ Biibilimi ima eq­qaasin­neqar­pugut: “[Jehovap] asasani anusin­ngorsar­tar­paa soorlu ataatap er­nini asasani taama iliorfigisaraa.” (Us­s 3:12) Jehovap oqaaq­qis­saarutai naalal­lugil­lu Jehovamit perorsar­neqar­tik­kut­ta eq­qor­tumik iliuuseqar­nis­sar­put ilik­kas­savar­put eq­qis­sinerlu misigis­sal­lugu. Soorunami “perorsagaaneq sunaluun­niit atuutsil­luni iluaaginar­tuusaraluar­poq nuan­nersor­taqar­nani”. (Hebr 12:11) Taavami Jehovamit oqaaq­qis­saar­neqaraangat­ta qanoq qisuariar­tas­saagut? Jehovap siun­nersuutai sumigin­naan­nan­ngisaan­nas­savavut oqaatsil­lu tusarusun­ngisavut narrutsaatigiuaan­nas­sanagit. Jehova asagatsigu tusaaniar­tar­par­put pisariaqar­tunil­lu al­lan­nguisarluta.

¹⁴ Malakip nalaani juuter­pas­suit Jehovamut tusaajumaneq ajor­put. Pil­liutitik Jehovamit iluarisaanersut iluarisaan­ngin­nersul­luun­niit soqutigin­ngilaat. Taamaat­tumik Jehovap taman­na pil­lugu sukan­nersumik avoq­qaarai. (Malaki 1:12, 13 atuak­kit). Jehovap arlalip­pas­suariarluni oqaaq­qis­saar­taraluaraatik tusaajuman­ngil­lat. Taamaat­tumik ima oqarfigai: “Perloq­qus­sum­mik aal­lar­titsivigalusi pil­luaq­qusaanersi perloq­qusaanin­ngor­tik­kumaar­para.” (Mal 2:1, 2) Tas­sa ersarip­poq Jehovap oqaaq­qis­saarutai sumigin­nar­tarutsigit pingaaruteqan­ngitsutul­lu isigisarutsigit taas­sumun­nga ikin­ngutaajun­naas­sasugut.

15. Qanoq eq­qarsar­tariaaseqar­naveersaas­saagut?

¹⁵ Saatanip silarsuaani inuit makitasuul­lutil­lu nam­minis­sarsior­tuup­put. Amerlasuut naq­qin­neqarusut­tan­ngil­lat qanorlu ilior­nis­samin­nik oqarfigeq­qunatik. Ilaat siun­nersuutinut pinaak­kaluarlutik naalaan­nar­tar­put. Uagut taak­ku as­sigisariaqan­ngilavut. Biibilimi al­las­simavoq ‘silarsuarmut matumun­nga naleq­qus­sas­san­ngitsugut’. Jehovap piumasaa suunersoq paasiniar­tariaqar­par­put iluarisaatul­lu ilior­niarsaraluta. (Rom 12:2) Jehovap pif­fis­saq eq­qorlugu siun­nersor­niaraangamisigut Siulersuisoqatigiit aq­qutigisar­pai. As­sersuutigalugu aap­parin­ngisatsin­nut qanoq pis­susilersor­tariaqar­tugut, aam­ma ikin­ngutis­sarsior­nermi aliik­kutaqar­niar­nermilu qanoq silatusaar­tumik aalajangiisin­naasugut eq­qaasin­neqar­tar­pugut. Jehovap  oqaaq­qis­saarutai kajumil­luta naalak­kutsigit iluarisaatul­lu al­lan­nguisarut­ta siulersuineranut qujamasun­ner­put taas­sumun­ngalu asan­ningaar­ner­put ersersis­savar­put. – Joh 14:31; Rom 6:17.

16, 17. (a) Sooq aalajangiin­ngin­nitsin­ni Jehova qanoq isumaqar­nersoq paasiniaaq­qaar­tas­saagut? (b) Israelik­kut Jehovamik tatigin­nin­natik qanoq ilior­pat?

¹⁶ Meeraaq­qat angajoq­qaamik ikiorumaaraatik il­lersorumaaraatil­lu tatigisar­paat. Al­laat inersimasut angajoq­qaamin­nut ikioq­qusar­put. Nam­mineerlutik aalajangiisin­naagaluarlutik nalun­ngilaat angajoq­qaamik siun­nersorluarsin­naagaatsik. Ataatat­ta, Jehovap, nam­mineerluta aalajangiisin­naatip­paatigut. Jehovali tatigil­luin­narlugulu asagatsigu ikioq­qul­luta qin­nuigiuar­tar­par­put nam­mineerlutalu aalajangiin­ngin­nitsin­ni isumasioq­qaar­tarlugu. Jehova tatigigutsigu eq­qor­tumik ilior­nis­satsin­nut anersaaminik il­ler­nar­tumik tuniumaar­paatigut. – Fil 2:13.

¹⁷ Samuelip nalaani Israelik­kut filisterinut sorsun­nermin­ni ajorsar­put. Qanoq ilior­nis­samin­nik Jehova siun­nersiun­ngivil­lugu ima oqar­put: “Naalak­kap angerusiata il­lerfia Shilomit aaniar­tigu akor­natsin­niileq­qul­lugu akeq­qatsin­nil­lu an­naateq­qul­luta.” Qanoq kinguneqar­pa? “Israelik­kut ajorsar­titaarujus­suar­put sak­kutuui pisuin­naat 30.000-it toqutaal­lutik. Guutip angerusiata il­lerfia tiguagaavoq.” (1 Sam 4:2-4, 10, 11) Israelik­kut isumaqar­put il­lerfik nas­sarlugu sorsuk­kiarunik Jehovap ikiorlutil­lu il­lersorumaaraatik. Jehovamul­li ikioq­qul­lutik saaf­figin­nin­ngil­lat isumasior­naguluun­niit. Israelik­kut eq­qor­tuusorisamin­nik ilior­put taman­nalu an­naasaqaatigingaar­paat. – Us­satit 14:12 atuaruk.

18. Jehovamik tatigin­nin­nis­saq pil­lugu Biibilimi qanoq ilin­niar­tin­neqar­pugut?

¹⁸ Tus­siaasior­toq Jehovamik asan­ningaarlunilu tatigin­nit­toq ima al­lap­poq: “Guuti utaq­qiuk! Aam­maarlungami qutsavigis­savara an­natsitsisiga Guutigalu. Isumatsap­poq tar­niga, taamaat­tumik eq­qaaniar­pak­kit.” (Tus­s 42:6, 7) Il­lit­taaq Jehova pil­lugu taamatut misigivit? Qanil­lugu misigaajuk tatigalugulu? Im­maqa suli tatiginerulersin­naavat. Biibilimi ima al­las­simavoq: “Naalagaq tatigiuk uum­matik­kut iluun­ngarlutit, nam­minerlu paasisimasaqas­sutsit tatigeqinagu! Eq­qarsaatigiuar­taruk sumiik­kaluaraangavil­luun­niit, taava ingerlavis­satit nalim­matsis­savai.” – Us­s 3:5, 6.

19. Jehovamut asan­nin­nerit qanoq ersersik­kusup­piuk?

¹⁹ Jehovap asaq­qaarmatigut paasivar­put asan­nin­ner­put qanoq ersersis­sin­naagip­put. Jehovap uagut pil­luta iliuuseqangaar­tarsimanera asan­ningaar­neralu eq­qarsaatigiuar­tar­tigit. Qanor­toq uum­matik­kut, tar­nik­kut isumak­kul­lu iluun­ngarluta nukivul­lu tamak­kerlugit Jehovamut asan­nin­ner­put ersersit­tar­tigu. – Mark 12:30.