1. (a) Galilæap Tasersuani mal­lersumi Petrusi qanoq misigisaqar­pa? (Al­laaserisap aal­laq­qaataani as­siliaq takuuk). (b) Sooq Petrusi kiviar­tuler­pa?

UN­NUIT ilaan­ni apustili Petrusi ajoqersuk­kal­lu al­lat anorersuarsiorlutik Galilæap Tasersua ikaar­niarlugu ipun­niarsarip­put. Tas­san­ngaan­naq Jiisusi tatsimi pisut­toq takuler­paat. Petrusip Jiisusi suaar­paa aperalugulu tasersuup qaavatigut or­nis­sin­naanerlugu. Jiisusip aggeq­qum­mani Petrusi umiatsiamit niuvoq Jiisusil­lu tungaanut pisulerluni. Kiviar­tuler­porli. Sooq? Anorersuar­nera mal­lil­lu qaarar­nerat nak­kul­lugit nangialerami. Petrusi ikioq­qul­luni suaar­poq Jiisusil­lu tigupal­lap­paa oqarlunilu: “Up­per­nikitsutit, sooq qulaler­pit?” – Mat­t 14:24-32.

2. Maan­na suut sam­mis­savavut?

² Petrusip misigisaanit up­per­neq pil­lugu ilin­niarfigisin­naasavut pingasut misis­soriar­tigit: (1) Petrusip Jehovamit ikior­neqarsin­naanerminik qanoq tatigin­neq­qaar­nera, (2) sooq Petrusi qulaler­nersoq, aam­ma (3) Petrusip suna up­perin­nileq­qis­sutigineraa. Taak­kua pingasut  misis­sor­nerisigut qanoq ‘up­per­nitsin­ni aalajaas­sin­naanersugut’ paasisin­naavar­put. – 1 Kor 16:13.

3. Sooq Petrusi umiatsiamit aq­qar­pa, uagul­lu tamatumun­nga as­singusumik qanoq iliorsimavugut?

³ Petrusip tasersuup qaavatigut pisun­niarluni umiatsiamit aq­qarami up­per­nini ersersip­paa. Jiisusip suaarmani Guutip pis­saaneranit Jiisusip ikior­neqarsimaneratut ikior­neqas­sal­luni up­perin­nip­poq. Taamatut­taaq Jiisusip im­minik malin­neq­qul­luta kajumis­saarmatigut Jehovamut tun­niul­luin­narlutalu kuisip­pugut. Sooq? Jehovamut Jiisusimul­lu up­per­ner­put taak­kualu uagutsin­nik ikiuinis­saan­nik tatigin­nin­ner­put pis­sutigalugit. – Joh 14:1; 1 Petrusi 2:21 atuaruk.

4, 5. Sooq up­per­ner­put erlin­nar­tuua?

⁴ Up­per­neq erlin­nangaar­tuuvoq. Petrusi inun­nut ajor­nar­pasik­kaluar­tumik ilior­poq up­per­nini tasersuup qaavatigut pisus­sin­naalis­sutigigamiuk. Aam­ma uagut up­persuseqarut­ta ajor­nar­pasis­sin­naagaluar­tunik iliuuseqarsin­naavugut. (Mat­t 21:21, 22) As­sersuutigalugu ilat­ta isigin­nit­taaser­tik pis­suserisar­tak­katil­lu ima al­lan­ngor­tis­simatigaat al­laat inun­nut sior­natigut ilisarisimasamin­nut ilisarsaajun­naar­tarlutik. Jehova asagatsigu taas­sumalu ikiuineratigut al­lan­ngorsin­naasimavugut. (Kolos­semiut 3:5-10 atuak­kit). Up­per­ner­put kajumis­sis­sutigalugu Jehovamut tun­niul­luin­nar­pugut taas­sumun­ngalu ikin­ngutaalerluta, ikiuisiman­ngitsuup­pal­lu taamaaliorsimasin­naas­san­ngik­kaluar­pugut. – Ef 2:8.

⁵ Up­per­ner­put nakuus­sutigaar­put. As­sersuutigalugu akerarsuat­ta Diaavulup saas­sus­sinerinik akiuisin­naas­sutigaar­put. (Ef 6:16) Aam­ma Jehovamik tatigin­nin­ner­put ajor­nar­torsioraangat­ta isumakulup­pal­laan­ngin­nis­satsin­nut iluaqutigisar­par­put. Jehovami neriorsuisimavoq im­minik up­perin­nit­tut taas­sumalu Naalagaaf­fianik sal­liutitsisut pisariaqar­titaan­nik tuniumaarlugit. (Mat­t 6:30-34) Aam­ma al­lamik neriorsuivoq, up­per­tuugat­ta Jehovap tunis­sum­mik nuan­ningaar­tumik, inuunermik naas­san­ngitsumik, tuniumaar­paatigut. – Joh 3:16.

6, 7. (a) Anori mal­lil­lu Petrusip nangialis­sutigisai sunut as­sersuus­sin­naavavut? (b) Sooq up­per­nikil­lisin­naaner­put paasisariaqar­par­put?

⁶ Petrusi Galilæap Tasersuatigut pisutsil­luni nangialer­poq. Sooq? Anorersuar­nera mal­ler­neralu pis­sutaal­lutik. Tamak­ku ul­lumik­kut kristumiut misilin­neqar­tar­neran­nut us­ser­neqar­tar­neran­nul­lu as­sersuun­neqarsin­naap­put. Ajor­nar­torsiutit taak­ku erloqinaraluar­tut Jehova ikior­tigalugu nukit­tusin­naavugut. Eq­qaamajuk Petrusimut qanoq pisoqar­nersoq. Imaan­ngilaq anorlermat mal­lermal­lu kiviar­tulersoq. Biibilimi ima al­las­simavoq: “Qanorli anorler­tigisoq takuleramiuk nangialer­poq.” (Mat­t 14:30) Petrusip  Jiisusi alar­paa anorersuarlu nak­kutilerlugu. Taava up­per­nikil­liar­tuler­poq. Taamatul­li ajor­nar­torsiutivut isiginiar­nerual­laarutsigit Jehovap ikiuinis­saa qularutigilersin­naavar­put.

⁷ Up­per­nikil­lisoorsin­naaner­put paasisariaqar­par­put. Sooq? Biibilimimi up­per­nikil­lineq tas­saanerar­neqar­poq ‘ajor­ti uagutsin­nik tigum­min­nin­niar­toq [uagutsin­nut nermutiasoq, NW]’. (Hebr 12:1) Petrusitul­li nikal­lor­narsin­naasut isiginiar­nerugutsigit up­per­nikil­leriaan­naavugut. Up­per­ner­pul­li navianar­torsior­nersoq qanoq paasisin­naavar­put? Apeq­qutit tul­liut­tut im­mitsin­nut misis­sor­nitsin­ni iluaqutigisin­naavavut.

8. Guutip neriorsuutai qanoq up­perival­laarun­naarsin­naavavut?

⁸ Guutip neriorsuutai sior­natigutul­li up­peritigaak­ka? As­sersuutigalugu Guuti neriorsuisimavoq Saatanip silarsuaa suujun­naarsin­niarlugu. Taas­sumali silarsuaata aliik­kutas­satigut neqeroorutai as­sigiin­ngitsor­pas­suit al­lamut saasaatigaavut? Taamaap­pat naggatis­sap qanil­linera qularilersin­naavar­put. (Hab 2:3) As­sersuut al­la eq­qarsaatigilaariaruk. Jehovap uter­titsis­suteqar­nis­saa isumagaa kuk­kus­sutivul­lu isumak­keerfiginiarlugit neriorsuil­luni. Sior­natigul­li kuk­kus­sutigisimasavut eq­qarsaatigiuarutsigit Jehovap ilumut isumak­keerfigisimaneraatigut qularilersin­naavar­put. (ApS 3:19, 20) Guutimul­lu kif­far­tor­ner­put nuan­naarutigiun­naarsin­naavar­put al­lanul­lu oqaluus­sisarun­naarluta.

9. Nam­mineq soqutigisavut sal­liuk­kutsigit qanoq pisoqarsin­naava?

⁹ Guutimut kif­far­tor­nermi sior­natigutul­li aal­lus­sil­luar­tigaanga? Jehovamut kif­far­tor­nitsin­ni ilungersoraangat­ta siunis­samut neriuutitsin­nik eq­qarsaatigin­nit­tuar­nis­satsin­nut iluaqutigisar­par­put. Nam­minerli soqutigisavut aal­lun­nerulersimagutsigit? As­sersuutigalugu imaas­sin­naavoq sulif­fik akis­sarsil­luarfiusoq Jehovamul­li kif­far­tor­nitsin­nik kil­liliisoq akuerigip­put. Taman­na up­per­nikil­lis­sutigisin­naavar­put Jehovamul­lu sapin­ngisar­put tamaat iliuuseqar­nis­saq ‘eqeersimaarfigiun­naarlugu’. – Hebr 6:10-12.

10. Al­lanik isumak­keerfigin­nik­kaangat­ta Jehovamut up­per­ner­put qanoq ersersit­tar­par­put?

¹⁰ Al­lat isumak­keerfigiuminaatsit­tar­pak­ka? Al­lat ajual­latsik­kaangatigut kamaatiler­tar­pavut oqaluut­tarun­naarlugil­luun­niit? Taamaap­pat imaas­sin­naavoq uagut nam­mineq misigis­sutsivut eq­qarsaatigival­laalersimagivut. Al­lat isumak­keerfiginerisigut Jehovamut up­per­ner­put ersersit­tar­par­put. Tas­sa qanoq? Al­lat uagutsin­nut ajor­tuliorsimagunik akiitsoqarfigis­savaatigut. Jehovamut ajor­tulioraangat­ta taan­na akiitsoqarfigisar­par­put. (Luk 11:4) Taamaam­mat al­lat isumak­keerfigigaangatsigit Jehova tatigisar­par­put. Isumak­keerfigin­nik­kumaner­put pil­luaq­qus­sagaa qularin­ngilar­put, pil­luaq­qusineralu al­lanik ‘akiliisitsinermit’ naleqar­nerungaar­poq. Jiisusip ajoqersugaasa ilin­niar­paat al­lanik isumak­keerfigin­nin­nis­samut up­per­neq  pisariaqar­toq. Jiisusip peq­qum­matik al­laat im­min­nut ajor­tulioqat­taarsimasut isumak­keerfigisas­sagaat ima oqar­put: “Up­per­nermik an­nerusumik tunisigut!” – Luk 17:1-5.

11. Qanoq siun­nersor­neqar­ner­put iluaqutigin­ngitsoorsin­naavar­put?

¹¹ Siun­nersor­neqaraangama ajual­lat­tar­punga? Siun­nersuut ilin­niarfigiuk, siun­nersuut kuk­kunersior­nagu siun­nersuisul­luun­niit san­ngiif­fii ujar­tor­nagit. (Us­s 19:20) Jehovatut eq­qarsar­taatsip ilin­niar­nis­saanut periarfis­sat tamaasa atorluak­kit!

12. Jehovap siut­tus­satut toq­qagai pil­lugit naam­magit­taal­lior­tuaan­nar­neq sumut ersiutaava?

¹² Ilagiin­ni siulersuisut pil­lugit naam­magit­taal­lior­tar­punga? Israelik­kut alaper­naarsuiar­tor­titat qulit nalunaarusiaat isumal­luar­nan­ngitsoq maluginiar­nerugamik­ku Mosesi Aronilu naam­magit­taal­liuutigaat. Taava Jehovap Mosesi ima aperaa: “Qanoq sivisutigisumik up­periumas­san­ngin­namin­nga?” (4 Mos 14:2-4, 11) Aap, Israelik­kut naam­magit­taal­lior­nerat Guutimik tatigin­nin­ngin­neran­nik ersersitsivoq, taas­sumami Mosesi Aronilu toq­qarsimavai. Taamatut­taaq, ul­lumik­kut Jehovap in­nut­taminik siulersuisus­satut toq­qagai pil­lugit naam­magit­taal­lior­tuaan­narut­ta taman­na up­per­nikil­lisimanitsin­nut ersiutaasin­naavoq.

13. Sooq up­per­nikil­lisimal­luta paasigutsigu nikal­lus­san­ngilagut?

¹³ Apeq­qutit taak­kua eq­qarsaatigereerlugit up­per­nikil­lisimal­lutit paasiguk­ku nikal­loqinak. Al­laat apustili Petrusi an­nilaangalerlunilu qulalersimasoq eq­qaamajuk. Ilaan­nik­kul­lu Jiisusip apustilit tamaasa ‘up­per­nikim­mata’ oqaaq­qis­saar­tar­pai. (Mat­t 16:8) Petrusip misigisimasaa  pingaar­tumik al­lamik ilin­niutigisin­naavar­put. Qulaler­nermi tatsimilu kiviar­tuler­nermi kingor­na sunersoq maluginiaruk.

14, 15. (a) Petrusi kiviar­tulerami sua? (b) Qanoq Jiisusi ‘tunaarisin­naavar­put’?

¹⁴ Petrusi kiviar­tulerami sua? Petrusi nal­lorik­kami umiatsiamut nalul­luni uter­niarluni aalajangersin­naagaluar­poq. (Joh 21:7) Soormi taamaaliun­ngila? Im­minut isumal­luutigin­ngin­nami. Jiisusi tunaareq­qiler­paa ikiuineralu akueralugu. Up­per­nikil­lisimal­luta malugigutsigu Petrusi ilaar­tariaqar­par­put. Qanorli taamaaliorsin­naagat­ta?

¹⁵ Soorlu Petrusi Jiisusimut ikioq­qusoq, uagut­taaq Jiisusi ‘tunaarisariaqar­par­put’. (Hebræerit 12:2, 3 atuak­kit). Petrusil­li Jiisusi isigisin­naasaatut uagut nam­mineq isitsin­nik takusin­naan­ngilar­put. Taamaam­mat Jiisusi qanoq ‘tunaarisin­naagatsigu’? Ilitsersuutai iliuusiilu pil­lugit atuaq­qis­saarsin­naavugut ilaaq­qis­saarlugulu. Taamaaliorut­ta up­per­nit­ta nakus­satsin­nis­saanut pisariaqar­titatsin­nik ikior­neqas­saagut. Arlalitsigut Jiisusi qanoq ilaarsin­naanerip­put misis­soriar­tigu.

16. Biibili up­per­nitsin­nik nakus­satsitsinis­satsin­nut qanoq iluaqutigisin­naavar­put?

¹⁶ Biibilimik tutsuigin­nin­nerit nakus­satsiguk. Jiisusip up­peril­luin­nar­paa Biibili Guutip oqaaserigaa siun­nersuutaalu pitsaaner­paajusut. (Joh 17:17) Jiisusitut up­perin­nil­luin­narumal­luta Biibili ul­lut tamaasa atuar­tariaqar­par­put, atuaq­qis­saar­tarlugu ilin­niak­kavul­lu eq­qarsaatigeq­qis­saar­tarlugit. Aam­ma paaserusutavut akis­sutis­sarsior­tariaqar­pavut. As­sersuutigalugu ul­luni kingul­ler­ni inuusugut up­peril­luin­nar­piuk? Ul­lus­sani kingul­ler­ni inuunitsin­nik Biibilimi siulit­tuutit up­per­narsaataasut atuaq­qis­saar­nerisigut up­perin­nin­nerit nakus­satsiguk. Guutip siunis­saq pil­lugu neriorsuutaanik up­perin­nin­nerit nakus­satsik­kusup­piuk? Taava Biibilimi siulit­tuutit eq­quus­simasut pil­lugit atuaq­qis­saarit. Biibili ul­lumi atoriaan­naanera ilumut up­peraajuk? Qatan­ngutit Biibili iluaqutigalugu pitsaanerusumik inooriaaseqalersimasut pil­lugit atuarsin­naavutit. * – 1 Th 2:13.

17. Sooq Jiisusi sak­kor­tuumik misilin­neqar­nermini piner­tusaarsin­naasimava, qanorlu ilaarsin­naaviuk?

¹⁷ Pil­luaq­qus­sutit Jehovap neriorsuutigisimasai eq­qarsaatigisak­kit. Jiisusip pil­luaq­qus­sutisias­sani eq­qarsaatigisar­pai, taamaalior­ninilu sak­kor­tuumik misilin­neqar­nermini piner­tusaar­tuar­nis­saminut iluaqutigaa. (Hebr 12:2) Silarsuup neqeroorutigisin­naasai al­lamut saasaatigin­ngisaan­nar­pai. (Mat­t 4:8-10) Jiisusi qanoq ilaarsin­naavar­put? Jehovap neriorsuutai nuan­ningaar­tut eq­qarsaatigeq­qis­saar­tar­nerisigut. Silarsuar­taas­samiit­tutut im­minut takorloor­tarit. Paratiisimi sus­sanerlutit titar­taruk al­laaseraluguluun­niit. Makititaasus­sal­luun­niit oqaluuk­kusutatit sunil­lu eq­qar­tueqatigerusun­nerlugit al­lat­tuk­kit. Guutip neriorsuutai inun­nut tamanut atuut­tuugaluar­tut, aam­mali ilin­nut atuut­tus­satut isigik­kit.

18. Qinuneq up­per­nik­kut qanoq nakus­satsis­sutigisin­naaviuk?

¹⁸ Up­per­neruler­nis­samik qinusarit.  Jiisusip ajoqersuk­kani anersaaq il­ler­nar­toq qin­nutigisaq­qul­lugu ilin­niar­tip­pai. (Luk 11:9, 13) Anersaamik il­ler­nar­tumik qin­nutigin­nik­kaangavit up­per­neruler­nis­samik qinusarit. Anersaap il­ler­nar­tup inerititaanut up­per­neq ilaavoq. Guutimut qinunin­ni sulis­sutiginiak­katit im­mik­kut erseq­qis­sarlugit eq­qaasin­naavatit. As­sersuutigalugu al­lanik isumak­keerfigin­nin­nis­sat saper­nar­tik­kuk­ku Jehova qin­nuigisaruk up­per­nerit nakus­satseq­qul­lugu isumak­keerfigin­nit­tar­nis­san­nil­lu ikioq­qul­lutit.

19. Qanoq ilil­luta ikin­ngutinik ilumoor­tunik toq­qaasin­naavugut?

¹⁹ Up­perluar­tunik ikin­nguteqarit. Jiisusip kik­kut ikin­ngutigis­sanerlugit peq­qis­saarluni toq­qar­tar­pai. Ikin­ngutiginer­paasaasa, apustilit, taas­suma peq­qus­sutaanik naalan­nermik­kut up­per­ner­tik ilumoorfigin­nin­ner­til­lu ersersip­paat. (Johan­nesi 15:14, 15 atuak­kit). Jiisusi ilaaruk kik­kul­lu ikin­ngutigis­sanerlugit peq­qis­saarlutit toq­qar­tarlugit. Ikin­ngutiginiak­katit up­perluar­tuul­lutil­lu Jiisusimut naalat­tuusariaqar­put. Ikin­ngutit ilumoor­tut un­neq­qarif­figeqatigiis­sin­naap­put, aam­ma im­min­nut siun­nersor­tariaqarunik siun­nersuum­mil­luun­niit akuerin­nit­tariaqarunik. – Us­s 15:23; 27:9.

20. Al­lat up­per­neran­nik nakus­satsitseqataagut­ta qanoq pisoqas­sava?

²⁰ Al­lat up­per­neruler­nis­saan­nik ikiuk­kit. Jiisusip oqaatsimigut iliuutsimigul­lu ajoqersuk­kami up­per­nerat nakus­satsit­tar­paa. (Mark 11:20-24) Jiisusip maligas­siaa malit­tariaqar­par­put. Taamaaliorut­ta uagut nam­mineq up­per­ner­put al­lal­lu up­per­nerat nakus­satsis­savavut. (Us­s 11:25) Oqaluus­sif­figisar­tak­kan­ni inuit qanoq ikiorsin­naavigit? Biibilimik ilin­niar­titsinin­ni Guuteqar­neranik up­per­narsaatit, Guutip uagutsin­nik soqutigin­nin­nerata Biibilil­lu Guutimeersuunerata erseq­qis­sar­nerisigut. Qatan­ngutivit up­per­neran­nik qanoq nakus­satsitseqataasin­naavit? Ilagiin­niit­tup arlaata qatan­ngutit angutit siut­tuusut naam­magit­taal­liuutigigai malugiguk­ku taan­na sumigin­naan­naqinagu. Perial­laq­qil­lutit up­perluaq­qileq­qul­lugu ikioruk. (Jud 22, 23) Suli atuar­tuuguit pin­ngoriar­tuaar­nerlu oqaluuserineqar­pat, pin­ngor­titsisoqar­neranik up­perin­nin­nerit sapiil­lutit nas­suiaruk. Im­maqa ilin­niar­titsisutit atuaqatitil­lu tupaal­laatigisan­nik ajun­ngitsumik qisuarias­sap­put.

21. Jehovap tamat­ta im­mik­kut sumik neriorsor­paatigut?

²¹ Jehovap Jiisusil­lu Petrusi qularun­naaq­qul­lugu an­nilaangajun­naaq­qul­lugulu ikior­paat. Kingusin­nerusuk­kut Petrusi up­per­nik­kut al­lanut maligas­saal­lualer­poq. Aam­ma Jehovap tamat­ta up­per­nik­kut aalajaas­sin­naaq­qul­luta ikior­paatigut. (1 Petrusi 5:9, 10 atuak­kit). Up­perluar­tuujumal­luta ilungersor­tariaqar­pugut, Jehoval­lu ilungersor­nivut pil­lugit akis­sarsisik­kumaar­paatigut.