Akornusersortinnak Jehova kiffartorfigiuk
“[Maria] Naalakkap isigaasa killingannut ingippoq oqaasiilu tusarnaarlugit. Marthali ulapeqaaq.” – LUK 10:39, 40.
1, 2. Sooq Jiisusip Martha asavaa, Marthalli naammalluinnanngitsuunera qanoq erserpa?
MARTHAP Lazarusip qatanngutaata inuttut qanoq ittuunera qanoq takorloorpiuk? Biibilimi allassimavoq Jiisusip Martha ikinngutigalugulu asagaa. Soorunami Jiisusip aamma arnat allat asallugillu ataqqivai. Assersuutigalugu Marthap qatanngutaa, Maria, Jiisusip aamma qanimut ikinngutigaa. Jiisusip aamma arni, Maria, asavaa. (Joh 11:5; 19:25-27) Sooq Jiisusip Martha asavaa?
2 Martha inussiarnersuullunilu tunisiumatullunilu ulapporissuummat Jiisusip asavaa. Pingaarnerusumilli upperluartuunera pissutigalugu asavaa. Jiisusip ajoqersuutai tamaasa upperai, qularutiginngilaalu Missiarsiusoq neriorsuutigisaq. (Joh 11:21-27) Marthali aamma uagutsitut naammalluinnartuunngilaq. Assersuutigalugu Jiisusip pulaarmatsik Marthap qatanngunni, Maria, uparuarpaa Jiisusimullu oqarfigeqqullugu ikiussagaani. “Naalagaq, soqutiginngiliuk qatanngutima kisima ilinnik kiffartuussitimmanga? Oqarfigigallaak ikioqqullunga.” (Lukasi 10:38-42 atuakkit). Sooq Martha taama oqarpa, Jiisusillu akissutaa qanoq ilinniarfigisinnaavarput?
MARTHA ALLANIK ULAPPUTEQAQAAQ
3, 4. Jiisusip iluarisaanik Maria qanoq iliorpa, Marthallu suna ilikkarpaa? (Allaaserisap aallaqqaataani assiliaq takuuk).
3 Jiisusip Marthap Mariallu angerlarsimaffiannut qaaqqusaanini qujamasuutigeqaa, sallusuissutinillu erlinnangaartunik ilinniartinniarlugit piffissani atorusuppaa. Maria Jiisusip isigaasa killingannut ingikkasuarpoq “oqaasiilu tusarnaarlugit”. Ajoqersuisorsuarmit ilikkagaqarusoqaaq. Martha aamma taamaaliorsinnaagaluarpoq, Jiisusillu qujarutissagaluarpaa Marthap suliani unitsillugit tusarnaaraluarpani.
4 Marthali ulapeqaaq. Jiisusi nerisassiuullugulu ilorrisimaarnissaa pillugu allarpassuarnik ulapputeqarpoq. Mariap ikiunngimmani uumisulluni Jiisusimut unnerluppoq. Jiisusip nalunngilaa Martha suliaqarpallaartoq, taamaattumik inussiarnerluni oqarfigaa: “Martha, Martha! Amerlasuut isumakuluutigalugillu ulapputigaatit.” Aamma pisariunngitsoq, immaqa nerisassiaq ataaseq, naammassasoq siunnersuutigaa. Taava Mariap tusarnaaqqissaarmani Jiisusip nersorpaa. Ima oqarpoq: “Mariap ajunnginneq qinerpaa, tamatuminngalu arsaarneqassanngilaq.” Mariap suut nerisimanerlugit puiortussaavaa, Jiisusimilli ilikkakkani nersualaarneqarninilu puiorunnanngikkai qularnanngilaq. Ukiut 60-it sinnerlugit tamatuma kingorna apustili Johannesi ima allappoq: ‘Jiisusip Martha qatanngutaalu arnaq asavai.’ (Joh 11:5) Allassimaffimmit tamatumannga erserpoq Marthap Jiisusip asannittumik oqaaqqissaarutaa eqqarsaatigisimassagaa inuunermilu sinnerani aalajaalluni Jehova kiffartorfigalugu.
5. Sooq ullutsinni pingaarnerusunik ulapputeqaannarnissarput taama ajornakusoortigaa, apeqqullu suna akissutissarsissavarput?
5 Biibilip nalaanut naleqqiullugu ullumikkut Jehovamik kiffartornitsinni allamut saasaataasinnaasut amerlanerungaarput. Vagttårnet-imi februaarip aallaqqaataanni 1959-imoortumi qatanngutit mianersoqquneqarput teknologii Jehovamik kiffartornerminnut akornutaaqqunagu. Allaat taamani ullut tamaasa nutaalianik saqqummersoqartarsimagunarpoq. Assersuutigalugu aviisit qalipaatigissaartut, radio, filmit fjernsynilu nuannarineqartorujussuusimapput. Vagttårnet-imi allassimavoq silarsuarmi matumani ullut kingulliit qanilliartortillugit ‘akornutaasut amerliartuinnassagunartut’. Taamanimut naleqqiullugu ullumikkut Jehovamut kiffartornitsinni suli amerlanerusunik allamut saasaatissarpassuaqarpoq. Maria assiginerujumallugu Jehovamullu kiffartornitsinnik ulapputeqaannarsinnaajumalluta qanoq iliorsinnaavugut?
SILARSUAQ TAMAKKIISUMIK ATOQINAGU
6. Jehovap innuttaasa teknologii qanoq atortarsimavaat?
6 Jehovap innuttaasa nutaarsiassaq nuannersoq oqaluussissutigalugu silarsuarmi Skabelsens Fotodrama” takutinneqartarpoq. Assit seqersittakkat filmillu naatsut qalipaatillit nipitalersukkallu atorlugit inunnut millionilinnut nunarpassuarni oqaluussisimapput. Isiginnaagassiap naanerani Jiisusi Kristusi nunarsuarmi naalagaalerpat eqqissineqarnissaq nassuiarneqarpoq. Kingusinnerusukkut radio atorlugu Jehovap innuttaasa Naalagaaffik nunarsuaq tamakkerlugu millionilippassuarnut tusarliuttarpaat. Ullumikkut qarasaasiat internetilu atorlugit inuit sumiikkaluartulluunniit, allaat avinngarusimasumi najugallit, angusinnaavavut.
teknologii atortarpaat. Assersuutigalugu sorsunnersuup siulliup nalaani sioqqullugulu “7. (a) Sooq silarsuarmik tamakkiisumik atuineq ulorianaateqarpa? (b) Suna mianersuutigisariaqarparput? (Quppernerup ataani ilanngussaq takuuk).
7 Biibilimi kajumissaarneqarpugut ‘silarsuarmik tamakkiisumik atuissanngitsugut’. (1 Kor 7:31, NW; 1 Korinthimiut 7:29-31 atuakkit). Silarsuup neqeroorutaasa ilarpassui ajortuunngillat, piffissaajaataasorujussuusinnaappulli. Assersuutigalugu sukisaarsaarneq, atuakkanik atuarneq, fjernsynerneq, takornariarneq, pisiniarfilerineq atortorissaarutinillu elektroniskiusunik nutaanerpaanik ilorrisimaarnartunillu allanik akisuunik malinnaaneq immaqa nuannaarutigisarparput. Amerlasuut chatterneq, sms-erneq, emailikkut allanneq imaluunniit nutaarsiassanik timersornerulluunniit inernerinik malinnaaneq nuannarisarpaat. Tamakkulerinerli uerisoornarsinnaavoq. * (Oqal 3:1, 6) Pingaaruteqanngitsunut piffissarujussuaq atortarutsigu pingaarnerpaamut, tassa Jehovamik pallorfiginninnitsinnut, piffissaqarpiarnavianngilagut. – Efesosimiut 5:15-17 atuakkit.
8. Sooq silarsuup piinik asannittuunnginnissarput pingaaruteqangaarpa?
2 Tim 4:10) Taamaattumik silarsuarmi pigisanut qanoq isiginnittaaseqarnerluta imminut misissortuartariaqarpugut, pisariaqaraangallu allannguiniartarluta. Biibilimi allassimavoq silarsuup pii asassanngikkivut. Paarlattuanik Jehovamut asanningaarnerput attatiinnartariaqarparput. Taamaaliorutta Jehovamut naalannissaq qanittuarnissarlu ajornannginnerussaaq. – 1 Joh 2:15-17.
8 Saatanip sapinngisannguani tamaat Jehovamut kiffartorunnaarsinniarluta silarsuarminut kajungilersinniarsaraatigut. Saatani kristumiut siulliit nalaanni taamaaliorsimavoq ullumikkullu suli ingasannerusumik taamaaliorluni. (PINGAARNERUSUT ULAPPUTIGIKKIT
9. Jiisusip suna salliuteqqullugu ajoqersukkani ilinniartippai, namminerlu qanoq maligassaalluarpa?
9 Soorlu Jiisusip inussiarnersumik Martha amerlasuunik ulapputeqannginnissaanik ilinniartikkaa, taamatuttaaq ajoqersukkani aamma ilinniartippai. Jiisusip ajoqersukkani kajumissaarpai isi assersuutaasoq ‘tappissuussasoq’ (NW), tassa akornusersorneqaratik Naalagaaffimmik salliutitsissasut. (Matthæusi 6:22, 33 atuakkit). Jiisusi nammineq maligassaalluarnerpaavoq. Pigisaqarpianngilaq, aamma illoqaraniluunniit nunaateqanngilaq. – Luk 9:58; 19:33-35.
10. Jiisusi qanoq uagutsinnut maligassaalluarpa?
10 Jiisusi oqaluussinermini sumilluunniit akornuserneqaqqunngilaq. Assersuutigalugu oqaluussinera aallartilaaginnartoq Kapernaumimiut sivisunerusumik illoqarfimminneeqqugaluarpaat. Qanoq piva? Suliassani pingaarnerpaatittuarpaa. Ima oqarpoq: “Guutip naalagaaffianik iivangkiiliu illoqarfinni allanissaaq tusarliussassaraara; tamanna pillugu aallartitaavunga.” (Luk 4:42-44) Jiisusip nutaarsiassaq nuannersoq tusartinniarlugu inuillu sapinngisamik amerlasuut ajoqersorniarlugit ungasissumut pisuttarpoq. Naammalluinnartuugaluarluni suliuartarami qasusarpoq qasuersertariaqartarlunilu. – Luk 8:23; Joh 4:6.
Pigisaqarpallaarniarneq Guutimut kiffartornermut akornutaasinnaavoq
11. Angutip ilaqutariinni ajornartorsiutini pillugu aperimmani Jiisusi qanoq piva, ajoqersukkanilu qanoq ilinniartippai?
11 Kingusinnerusukkut Jiisusi ajoqersukkaminik pingaarutilimmik ajoqersuitillugu inuit ilaata akornuserpaa ima oqarluni: “Ajoqersuisoq, qatanngutiga oqarfigiuk kingornussassatsinnik aviffigissagaanga.” Jiisusip angutip taassuma ajornartorsiutaa iluarsiniarsarinngilaa. Ajoqersukkaminik ilinniartitsinermini akornuserneqaqqunngilaq. Periarfissarli atorluarlugu Jiisusip ajoqersukkani ilinniartippai pigisaqarpallaarniarneq Guutimut kiffartorniarnermut akornutaasinnaasoq. – Luk 12:13-15.
12, 13. (a) Jerusalemimi grækerit tupigusuutigisaannik Jiisusi qanoq iliorpa? (b) Jiisusi grækerit takorusummanni qanoq akiva?
12 Jiisusi inuttut inuunermini ullut kingulliit Matt 26:38; Joh 12:27) Nalunngilaa anniangaartussanngorluni toqusussanngorlunilu. Aamma nalunngilaa toqunnginnermini suliassarpassuaqarluni. Assersuutigalugu sapaammi nisanip qulingiluaanni Jiisusi siutituumik qimusserluni Jerusalemimut iseriartorpoq. Inuppassuit kunngimissut tikilluaqquaat. (Luk 19:38) Aqaguani Jiisusip sapiilluni angutit naalaffimmi akisunaarillutik tuniniaasut ujajaasullu aniatippai. – Luk 19:45, 46.
aalassassimaaqaaq. (13 Grækerit ilaasa, Jerusalemimut poorskisioriartortut, Jiisusi qanoq iliortoq takuaat tupigutsaatigalugulu. Taamaattumik apustili Filipi oqarfigaat Jiisusi takujumagaluarlugu. Jiisusilli inuit tapersersortigisinnaasani akeqqaminiillu aniguisitsigisinnaasani ujartunngilai. Suna pingaarnerusoq nalunngilaa. Jehovap piumasaa, tassa inuunini akissatut tunniutissallugu, pingaartittuarpaa. Jiisusip ajoqersukkani toqungajalernerminik eqqaasippai oqarlunilu imminut malinnittut tamarmik inuunertik immisulli pilliutigeriaannaassagaat. Ima oqarpoq: “Inuunerminik asannittup inuunini annaassavaa, silarsuarmilu maani inuunerminik uumiginnittup inuunini pigiinnassavaa naassaanngitsumik.” Jiisusili aamma neriorsuivoq malinnitsini ‘Ataatap ataqqissagai’ naassaanngitsumillu inuuneqalersikkumaarai. Qularnanngitsumik Filipip grækerit taakku nalunaarummik qiimmallannartumik tamatuminnga oqariartorfigai. – Joh 12:20-26.
14. Jiisusip oqaluussinissani salliutikkaluarlugu suna pinngitsoorsinnaanngilaa?
14 Jiisusip nunarsuarmiikkallarami nutaarsiassamik nuannersumik oqaluussineq pingaarnerpaatut suliaraa. Oqaluussineq salliutikkaluarlugu aamma allamik sammisaqartarpoq. Assersuutigalugu katittorsiornermi imermik viinninngortitsivoq pitsaalluinnartumik. (Joh 2:2, 6-10) Aamma ikinngutini allallu nutaarsiassamik nuannersumik soqutiginnittut angerlarsimaffianni nereqatigisarpai. (Luk 5:29; Joh 12:2) Pingaarnerusumilli Jiisusi qinunissaminut, eqqarsarluarnissaminut qasuersaarnissaminullu piffissaqarniartarpoq. – Matt 14:23; Mark 1:35; 6:31, 32.
‘NANERTUISITSINNIT TAMANIT PEERNIARTA’
15. Apustilip Paulusip kristumiut qanoq kajumissaarpai, qanorlu nammineq maligassaalluarpa?
15 Apustili Paulusi allappoq kristumiut inuunerat ungasissumut arpannermut assersuunneqarsinnaasoq arpannerlu naammassiumallugu kigaalaqutaasinnaasut unitsitsisinnaasullu tamaasa peerniartariaqaraat. (Hebræerit 12:1 atuaruk). Paulusi nammineq maligassaalluarpoq. Pisuunngorsimasinnaagaluarpoq juutillu upperisaanni atorfigissaartuusinnaagaluarluni, tamakkuli tamaasa tunuppai pingaaruteqarnerusut salliutikkumallugit. Oqaluussinermik ilungersuussisuuvoq nunarpassuarnullu – ilaatigut Syriamut, Asiaaqqamut, Makedoniamut Judæamullu – angalasarluni. Paulusip akissarsiassani, naassaanngitsumik qilammeeqataanissani, qilanaaraa. Ima allappoq: “Kinguninniittut isumakkeerlugit siuninniittut isattorpakka; apuuffissaq anguniarpara ajugaasup nersornaatisiassaa piniarlugu.” (Fil 1:10; 3:8, 13, 14) Paulusi nuliaqanngilaq, taamaattumillu ‘akornusersorneqarani assuarnaatsumik inuusinnaavoq Naalagaq attavigalugu’. – 1 Kor 7:32-35.
16, 17. Katissimagutta katissimanngikkaluaruttaluunniit Paulusip maligassiaa qanoq malissinnaavarput? Assersuuteqarit.
16 Ullumikkut kristumiut ilaat Jehovamut kiffartornerujumallutik, Paulusitut, katinniaratik aalajangersimapput. (Matt 19:11, 12) Inuit aappaqanngitsut katissimasunut naleqqiullugit ilaquttanik akisussaaffeqarpiannginnerusarput. Katissimagutta katissimanngikkaluaruttaluunniit tamatta Jehovamut kiffartornitsinni akornutaasinnaasut tamaasa ‘peersinnaavavut’. Jehovamut kiffartornerulerumalluta ileqqutsinnik piffissartornartunik immaqa allanngortitsisariaqarpugut.
17 Assersuutigalugu Mark Clairelu, Walesimi peroriartortut, meeqqat atuarfiat naammassigamikku pionerinngorput. Katereeramik pioneriunertik ingerlatiinnarpaat. Iliuuseqarnerorusuppulli. Mark nassuiaavoq: “Nunani allani sanaartoqataajumalluta inuunitsinnik pisariillisaaniarluta illorput pingasunik initalik tunivarput, aamma ullup affaanik suliffitsinnit soraarpugut.” Ukiuni 20-ni naalagaaffilersaarfinnik sanaartoqataallutik Afrikap ilarujussuani angalasarsimapput. Ilaatigut aningaasaataarutingajavittarput, Jehovalli isumagiuaannartarpai. Claire oqarpoq: “Ullut tamaasa Jehova kiffartorfigisinnaagatsigu nalerisimaarutigeqaarput. Sumi tamani ikinngutitaartorpugut, amigaateqanngilagullu. Piffissaq tamaat Jehovamut kiffartornitsigut pilluarneq pigiligarput siornatigut inooriaatsitsinnut naleqqiunneqarsinnaanngilaq.” Piffissaq tamaat kiffartortorpassuit tamatumunnga assingusumik misigipput. *
18. Imminut qanoq aperisinnaavugut?
18 Illit Jehovamut kiffartorninni aallussilluarnerusinnaavit? Pingaaruteqarnerusut samminissaannut akornusersorneqartarpit? Taamaappat qanoq iliorsinnaavit? Immaqa Biibilimik atuartarnerit atuaqqissaartarnerillu pitsaanerulersissinnaavatit. Qanoq taamaaliorsinnaasutit allaaserisami tulliuttumi sammineqassaaq.
^ imm. 7 Allaaserisaq ‘Nakutikkuminartup upperisarpai suut tamaasa’ takuuk.
^ imm. 17 Hadyn aamma Melody Sandersonip misigisalikkersaarutaat aamma takuuk. (“Suna eqqortuusoq ilisimagaanni – tamanna malillugu iliuuseqartariaqarpoq.” Napasuliaq Alapernaarsuiffik novembarip 15-iat 2006-imoortoq) Australiami niuertutut ingerlalluaraluarlutik piffissaq tamaat kiffartortunngorumallutik niuertarfiutertik tunivaat. Indiami ajoqersuiartortitaallutik aningaasaataarummata qanoq pisoqarnersoq atuaruk.