Anersaakkut ittunik eqqarsaatiginneqqissaartuartarit
“Tamakku eqqarsaatigeqqissaartakkit, itisilertakkit, siumukarnerit tamanit takuneqarsinnaaqqullugu.” – 1 TIM 4:15, NW.
1, 2. Inuit uumasunit suna allaanerussutigaat?
INUUP qarasaa tupinnarluinnartuuvoq. Assersuutigalugu inuit oqaatsinik ilikkarsinnaapput. Taamaattumik atuarsinnaalluta, allassinnaalluta oqalussinnaallutalu aamma tusaasavut paasisinnaavavut. Aamma Jehova qinunikkut saaffigisinnaallugulu erinarsorluta unnersiutigisinnaavarput. Tamakku tamaasa uumasunit allaanerussutigaavut. Ilisimatuut paasilluarsinnaanngilaat qarasarput tupinnartunik tamakkuninnga qanoq ililluni ilikkagaqarsinnaasoq.
2 Oqaatsinik ilikkagaqarsinnaanerput Jehovamit tunissutaavoq. (Tuss 139:14; Saqq 4:11) Aamma uumasunit allaanerussutigisatsinnik allamik tunivaatigut. Inuit “Guuti assilillugu” pinngortitaapput. Nammineq aalajangiisinnaassuseqarpugut. Aamma aalajangersinnaavugut oqaatsit atorlugit Jehova kiffartorfiginiarlugu unnersiutiginiarlugulu. – 1 Mos 1:27.
3. Jehovap ilisimassuseqalersinniarluta sumik tunivaatigut?
3 Biibilimik allatsitsinermigut Jehovap qanoq pallorfigineqassalluni Tuss 40:6; 92:6; 139:17) Jehovap eqqarsaatai uagutsinnik ilisimassuseqalersitsisarlutillu inuunermik naassaanngitsumik kinguneqartitsisinnaapput. – 2 Timotheusi 3:14-17 atuakkit.
unnersiutigineqassallunilu ilisimatippaatigut. Biibili tamaat ilaannaaluunniit oqaatsini 2800-nit amerlanerusuni atuarneqarsinnaavoq. Biibilimi allassimasut eqqarsaatigeqqissaaraangatsigit Guutip eqqarsartaasiatut eqqarsalersarpugut. (4. Eqqarsaatiginneqqissaarneq qanoq paasisariaqarpa, aamma suut sammissavavut?
4 Eqqarsaatiginneqqissaarneq allamut saasartinnani aalajangersimasumik isumaliutiginneqqissaarnertut paasisariaqarpoq. (Tuss 77:13; Uss 24:1, 2) Jehova Jiisusilu pillugit ilikkagaqarsimanerput eqqarsaatigeqqissaarutsigu uagutsinnut iluaqutaassaaq. (Joh 17:3) Allaaserisami matumani apeqqutit tulliuttut uku sammissavavut: Atuakkatsinnik eqqarsaatiginneqissaarnissarput ajornannginnerussappat qanoq atuariaaseqassaagut? Suut eqqarsaatigeqqissaarsinnaavavut? Eqqarsaatiginneqqissaarnissamik ileqquliussinissatsinnut nuannarinnilernissatsinnullu suut iluaqutigisinnaavavut?
ATUAQQISSAAKKATIT ILUAQUTIGINIARTAKKIT
5, 6. Atuakkavit paasilluarnerunissaannut eqqaamanissaannullu suut iluaqutigisinnaavigit?
5 Eqqarsaatigeqqaarnagit iliuuserisartakkatit – soorlu anersaartorneq, pisunneq cyklernerluunniit – maluginiarnikuuigit? Immaqa ilaannikkut atuakkatit eqqarsaatigerpiarnagit atuartarputit, immaqalu allaat atuartillutit allanik eqqarsaatersulertarlutit. Tamanna pinngitsoortinniarlugu qanoq iliorsinnaavit? Allamut saasartinnak atuakkavit isumaata eqqarsaatiginissaa pingaaruteqarpoq. Immikkoortoq naagaangakku allaaserisamiluunniit qulequtaaqqamut killikkaangavit unillatsiartarit atuakkatillu eqqarsaatigalugit. Ilikkakkatit eqqarsaatigeqqissaakkit, paasilluarsimanerlugillu qulakkeerniartakkit.
Nipilimmik Biibilimik atuartarneq atuakkavit eqqaamanissaannut iluaqutigisinnaavat
6 Ilisimatuut paasisimavaat nipilimmik atuaraangatta atuakkavut eqqaamanerusarivut. Tamanna Pinngortitsisutta nalunngilaa, taamaattumik Josva peqquaa “inatsisit allassimaffiat” ‘eqqarsaatigiuaannassagaa’, imaluunniit ‘nipikitsumik atuartassagaa’ soorlu oqaaseq hebræerisooq taama aamma nutserneqarsinnaasoq. (Josva 1:8 atuaruk). Nipilimmik Biibilimik atuartarneq atuakkavit eqqarsaatiginissaannut eqqaamanissaannullu iluaqutigisinnaavat.
7. Biibilimik eqqarsaatiginneqqissaarneq qaqugukkut pitsaanerua? (Allaaserisap aallaqqaataani assiliaq takuuk).
7 Atuartakkatsinnik eqqarsaatiginneqqissaarniarluta ilungersortariaqarpugut. Taamaattumik piffissami qasunngiffinni sumiiffimmilu nipaatsumi eqqarsaatiginneqqissaarnissat pitsaanerussaaq. Tussiaasiortoq Daavi unnuakkut Tuss 63:7) Jiisusi naammalluinnartuusoq eqqarsaatiginneqqissaarusulluni qinorusullunilu inoqanngitsumukartarpoq. – Luk 6:12.
eqqumanermini eqqarsaatiginneqqissaartarpoq. (EQQARSAATIGEQQISSAAGASSAT AJUNNGITSUT
8. (a) Suna eqqarsaatigeqqissaarsinnaavarput? (b) Jehova pilluni inuit oqalukkaangata qanoq misigisarpa?
8 Biibilimik atuarnerup saniatigut aamma allanik eqqarsaatigeqqissaagassaqarpoq. Assersuutigalugu Jehovap pinngortitaanik tupinnangaartumik takusaqaraangavit unillatsiarlutit imminut ima aperisarit: ‘Jehova pillugu qanoq ilikkagaqarpunga?’ Taamatut eqqarsartaruit qularnanngitsumik qinunikkut Jehova qujaffigerusulissavat ilikkakkatillu allanut eqqartorusulissallugit. (Tuss 104:24; ApS 14:17) Eqqarsaatiginneqqissaarluta qinusarnerput allanullu Jehovamik eqqartuisarnerput Jehovap maluginiartarpaa nuannaarutigisarlugulu. Biibilimi ima qularunnaarsinneqarpugut: “Mappersagarlu allanneqarpoq Naalakkamik mianerinnittut aqqanillu ataqqinnittut [aterminik eqqarsaatiginnittartut, NW] taassumannga eqqaamaneqaqqullugit.” – Mal 3:16.
Biibilimik atuaqqissaaqatitit qanoq ikiorsinnaanerlugit eqqarsaatigeqqissaartarpiuk? (Immikkoortoq 9 takuuk)
9. (a) Suna eqqarsaatigeqqissaartaqqullugu Paulusip Timotheusi kajumissaarpaa? (b) Oqaluussinissamut piareersarnitsinni suut eqqarsaatigeqqissaartassavavut?
9 Apustilip Paulusip Timotheusi kajumissaarpaa oqaloriaasiata, pissusilersoriaasiata ilinniartitseriaasiatalu allanut 1 Timotheusi 4:12-16 atuakkit). Aamma illit tamakku eqqarsaatigisinnaavatit. Assersuutigalugu Biibilimik atuaqqissaaqateqarnissannut piareersarninni eqqarsaatiginneqqissaartariaqarputit. Atuaqqissaaqatit eqqarsaatigiuk, aamma apeqqutinik assersuutinillu siuariarnissamut iluaqutigisinnaasaanik piareersimatitaqarit. Taamatut piareersartaruit uppernikkut nukittuallaatigalugulu Biibilimik ilinniartitsininni angorniornerulissaatit. Aamma oqaluussiartunnginninni eqqarsaatiginneqqissaartarneq iluaqutigissavat. Maluginiaruk Ezra pillugu qanoq allassimasoqartoq: “Ezrammi aalajangiussimavaa [imaluunniit: uummatini piareersarpaa] Naalakkap inatsisai paasiniarluarniarlugit, maleruarniarlugit Israelilu inatsisinik ileqqoreqqusanillu ajoqersorniarlugu.” (Ezra 7:10) Immaqa Apustilit Suliaanni kapitali ataaseq angorniorlutit oqaluussinissannut iluaqutigisinnaasat atuarsinnaavat. Aamma Biibilimi allassimaffiit atuagassiallu ulloq taanna atorusutatit eqqarsaatigeqqissaarsinnaavatit. (2 Tim 1:6) Inuit oqaluussiffigisassanniittut taakkununngalu oqaasissatit soqutiginnilersitsisinnaasut eqqarsaatigikkit. Taamatut piareersartaruit allanut nalunaajaaninni sunniuteqarluartumik Biibili atorluarnerulissavat. – 1 Kor 2:4.
qanoq sunniuteqarsinnaanerat ‘eqqarsaatigeqqissaartaqqullugu’ (NW). (Atuakkatit uummammiuliuttakkit ilikkakkatillu ajunngitsut pillugit Jehova qutsavigisaruk
10. Ajunngitsut allat suut eqqarsaatigeqqissaarsinnaavavut?
10 Suna aamma eqqarsaatigeqqissaarsinnaaviuk? Ataatsimiinnerni ataatsimeersuarnernilu allattuisaruit uteqqiinissat piffissaqarfigisaruk. Taamaaliorninni imminut aperigit: ‘Guutip oqaasia peqatigiissortaalu qanoq ilinniarfigaakka?’ Aamma atuagassiani qaammatit tamaasa saqqummersartuni paasissutissat ataatsimeersuarnernilu saqqummersinneqartartut eqqarsaatigeqqissaartakkit. ‘Årbogen’-imi misigisalikkersaarut atuareeraangakku unillatsiariarlutit eqqarsaatigisaruk killitsissutigalugulu. Atuagassiaatitsinnik atuarninni pingaarnerit ataatigut titakkit saneraatigullu allattuillutit. Taamaaliortaruit pulaaqqiinissannut ilagiinnilu paarsisutut pulaarnissannut piareersaraangavit oqalugiaatilioraangavillu iluaqutigisassavat. Pingaarnerusumillu unillatsiarninni atuakkatit eqqarsaatigeqqissaaleraangakkit atuakkavit uummammiuliunnissaannut aamma ajunngitsut pillugit ilikkakkannik Jehovap qinunikkut qutsaviginissaanut piffissaqartarputit.
GUUTIP OQAASIA ULLUT TAMAASA EQQARSAATIGEQQISSAARTARUK
11. Eqqarsaatigeqqissaartariaqagarput pingaarnerpaaq suua, aamma sooq? (Takuuk quppernerup ataani ilanngussaq).
11 Soorunami Biibili atuakkanit eqqarsaatigeqqissaartariaqakkatsinnit pingaarnerpaavoq. Biibilissaaruteriataassagaluaruimmi? * Kialluunniit alanngaarsinnaasannik, soorlu allassimaffinnik erinarsuutinilluunniit naalagaaffilersaarutinik nuannarisannik, eqqarsaatiginneqqissaarnissannut akornusersinnaanngilaatit. (ApS 16:25) Aamma aalajaattuarsinnaaqqullutit Guutip anersaavata ilikkakkannik eqqaamanninnissannut ikiussavaatit. – Joh 14:26.
12. Ullormut Biibilimik atuarnissat qanoq pilersaarsinnaaviuk?
12 Ullormut Biibilimik atuarnissaq qanoq pilersaarsinnaaviuk? Immaqa sapaatip-akunnerata ulluisa ilaanni Teokratiimik Ilinniarfimmi Biibilimi atuagassarput atuarlugulu eqqarsaatigeqqissaarsinnaavat. Ulluni allani iivangkiiliut Matthæusip, Markusip, Lukasip Johannesillu allagaat atuarsinnaavatit Jiisusillu oqaasii eqqarsaatigeqqissaarlugit. (Rom 10:17; Hebr 12:2; 1 Petr 2:21) Aamma Jiisusip inuunerani pisimasut tulleriiaarnerinik imalimmik atuagaateqarpugut. Iivangkiiliut atuartillugit atuagaq taanna iluaqutigilluarsinnaavat. – Joh 14:6.
SOOQ TAAMA PINGAARUTEQARTIGAA?
13, 14. Jehovamik Jiisusimillu eqqarsaatiginneqqissaartuarnissarput sooq taama pingaaruteqartigaa, taamaaliornissamullu suna kajumississutigilersinnaavarput?
13 Inuup Jehovamik Jiisusimillu eqqarsaatiginneqqissaarnini kristumiutut inersimallualernissaminut upperluartuujuarnissaminullu iluaqutigisinnaavaa. (Hebr 5:14; 6:1) Inuk Guuti pillugu eqqarsaatiginnippiartanngitsoq Guutimut attaveqarunnaariartorsinnaavoq allaat miserratigilersinnaallugu. (Hebr 2:1; 3:12) Taamaattumik Jiisusi kajumissaarivoq Guutip oqaasia ‘pitsaasumik ajunngitsumillu uummateqarluta’ tusaaniassagipput, tassa akuersaassagipput. Taamaaliunngikkuttami inuunermi isumakuluutit, pisuussutit nuannaarniutillu anersaakkut umiussutigisinnaavavut. – Luk 8:14, 15.
14 Taamaattumik Biibilimi atuakkavut eqqarsaatigeqqissaartuartartigit Jehovalu ilisarisimanerulerlugu. Taamaaliorutta pissusiisigut assigiumanerulissavarput. (2 Kor 3:18) Ataatarput qilammiusoq pillugu naassaanngitsussamut ilikkagaqarnerujartortuarsinnaavugut taannalu assigileraluttuinnarlugu. Pitsaanerusumik allamik immikkut pisinnaatitaaffeqanngilaq! – Oqal 3:11.
15, 16. (a) Jehova Jiisusilu pillugit eqqarsaatiginneqqissaartarnerit qanoq iluaqutigisimaviuk? (b) Sooq eqqarsaatiginneqqissaarnissaq ilaannikkut sapernarsinnaasarpa, taamaakkaluartorli sooq sulissutigiuassavarput?
15 Jehova Jiisusilu pillugit eqqarsaatiginneqqissaartarnerput sallusuissummik ilungersuussiuarnissatsinnut iluaqutigissavarput. Ilungersuussinikkut uppeqatitit oqaluussininnilu naapitatit kajumilersissinnaavatit. Jehovap illit pillutit iliuuserisimasaa, tassa Jiisusip utertitsissutitut pilliutaanik isumaginninnera, eqqarsaatigeqqissaartarukku Jehovamut attaveqarluarnerit pingaartinneruleriartussavat. (Rom 3:24; Jaak 4:8) Qatanngut Sydafrikamiu Markimik atilik upperisani pissutigalugu ukiuni pingasuni parnaarussaaqqasimasoq ima oqarpoq: “Eqqarsaatiginneqqissaarneq angalanermut pissanganartumut assersuunneqarsinnaavoq. Anersaakkut ittunik eqqarsaatiginneqqissaartuartilluta Jehova pillugu nutaanik paasisaqarnerujartuinnarsinnaavugut. Nikallungaleraangama siunissarluunniit pillugu isumakuluuteqaleraangama Biibili atuarlugulu atuakkakka eqqarsaatigeqqissaartarpakka. Tamanna eqqississutigisarpara.”
16 Silarsuarmi matumani inuunermi akornutissaararpassuaqangaarmat Biibilimik atuarnissamut piffissaqarniarnissaq ajornakusoortaqaaq. Qatanngut Afrikamiu Patrickimik atilik ima oqarpoq: “Eqqarsaatikka allaanngillat emailerpassuit, pisariaqartut pisariaqanngitsullu, ullut tamaasa immikkoortiterneqartariaqartut. Ilaannikkut ‘eqqarsaatima eqqissiviilliortileraangannga’ anersaakkut ittunik eqqarsaatiginneqqissaalinnginninni Jehovamut qinoqqaartariaqartarpunga eqqarsaatipiloqarunnaarniarlunga. Tamanna piffissartornaraluartoq Jehovamut qaninnerusutut misigisarpunga. Taamaalioraangama sallusuissummik paasinninnerulertarpunga.” (Tuss 94:19) Aap, ullut tamaasa Biibilimik atuarlutalu eqqarsaatiginneqqissaartarnerput assigiinngitsorpassuartigut iluaqutigisarparput. – ApS 17:11.
QANOQ PIFFISSAQARNIARTARPIT?
17. Eqqarsaatiginneqqissaarnissannut qanoq piffissaqarniartarpit?
17 Inuit ilaat ullaaralaarsuaq atuartarlutillu eqqarsaatiginneqqissaartarlutillu qinusarput. Allat ulloqeqqarnertik atorluartarpaat. Immaqa illit unnukkut Biibili atuartarpat. Ilaat makikkaangamik atuartarput innaraangamillu atuaqqittarlutik. (Jos 1:8) ‘Piffissaqqissumik atuinissat’ pingaaruteqarpoq, tassa piffissaq pingaannginnerusunut atugassaraluat Guutip oqaasiata ullormut eqqarsaatigeqqissaarnissaanut atortariaqarpat. – Ef 5:15, 16.
18. Guutip oqaasianik ullut tamaasa eqqarsaatiginneqqissaartarlutillu ilikkakkaminnik maleruaaniartut Biibilimi qanoq neriorsorneqarpat?
18 Biibilimi neriorsuutigineqarpoq Jehovap oqaatsiminik eqqarsaatiginneqqissaartartut ilikkakkaminnillu maleruaaniarlutik ilungersortut tamaasa pilluaqqujumaarai. (Tussiaat 1:1-3 atuakkit). Jiisusi ima oqarpoq: “Pilluarput Guutip oqaasianik tusartut toqqorlugulu!” (Luk 11:28) Pingaarnerpaamilli Guutip oqaasianik ullut tamaasa eqqarsaatiginneqqissaartarneq Jehovamut ataqqinaataasumik iliuuseqarnissatsinnut iluaqutigisinnaavarput. Taamaaliortarutta Jehovap maannangaaq pilluarnissamik silarsuassamilu nutaami inuunermik naassaanngitsumik akissarsisissavaatigut. – Jaak 1:25; Saqq 1:3.
^ imm. 11 Allaaserisaq “Vores kamp for at forblive åndeligt stærke” Vagttårnet decembarip aallaqqaataat 2006-imoortumi takuuk.