QULINGILUANIK ukioqarlunga al­liar­torun­naar­punga. Ul­lumik­kut 43-nik ukioqarlunga meterimik ataasiin­narmik angis­suseqar­punga. Angajoq­qaama al­leq­qin­navian­ngitsunga paasigamik­ku angis­susera eq­qarsaatigiuaan­nan­ngin­nias­sagak­ku sulil­luar­taq­qul­lunga kajumis­saar­paan­nga. Suliaqaan­naavin­niarlunga il­lut­ta saavani naatitanik tuniniaasarfeqaler­punga taan­nalu torersuutin­niar­tarlugu. Pisinianit or­nigineqar­taqaaq.

Soorunami suliuaan­nar­neq atuk­kan­nik al­lan­nguisitsisin­naan­ngilaq. Al­leq­qin­ngilangami, inuunermilu al­laat ajor­nan­ngitsuaq­qat, soorlu pisiniarfin­ni nerriviusat por­tulaar­tut, uan­nut unam­miniar­nar­tuup­put. Im­minut nal­ligisaqaanga, 14-inil­li ukioqarlunga taman­na al­lan­ngor­poq.

Ul­lut ilaan­ni ar­nat marluk Jehovamik nalunaajaasuusut naatitanik pisiniar­til­lutik Biibilimik atuaq­qis­saaqatigineqar­nis­samik neqeroorfigaan­nga. Sivitsun­ngitsoq paasiler­para Jehova taas­sumalu siuner­tai angis­sutsin­nit pingaar­nerusut. Al­las­simaf­fim­mi nuan­nariner­paasarilik­kan­ni Tus­siaat 73:28-mi oqaatsit siul­liit imaap­put: “Guuti qanil­lugu inuuneq tas­sa pil­luar­nar­tora.”

Ilaqutariiul­luta Elfenbenskystenimiit Burkina Fasomut nooriasaar­pugut, tamatumalu kingunerisaanik inuunera al­lan­ngorujus­suar­poq. Nunaq­qatikut­ta naatitanik tuniniaasar­tutut ilisarisimavaan­nga. Nunaq­qatitaatsin­nul­li takor­nar­taavunga amerlasuunul­lu eq­qumiitsutut isik­koqarlunga. Inuit nak­kut­taqaan­nga, taamaat­tumik sapaatit-akun­ner­pas­suini il­lup iluaniigin­nar­tar­punga. Taava eq­qaaler­para Jehova qanik­kal­larak­ku qanoq pil­luar­tigisimal­lunga. Jehovap Nalunaajaasuisa im­mik­koor­tor­taqarfian­nut al­lagaqarama inuk pisariaqar­til­luin­nagara ajoqersuiar­tor­titaq Nanimik atilik aggersip­paat.

Najugaqarfitsin­ni aq­quser­ngit sioraan­naasut quasat­tuaan­nar­tuup­put sial­lersarfim­milu maqul­luin­naasarlutik. Nani atuaq­qis­saaqatigiar­toraangaminga scooteriminit arlaleriarluni up­pit­tar­poq, tun­niutiin­nas­sananilu. Ul­lut ilaan­ni ataatsimiigiar­nis­samut ilaseraanga. Inigisara qimat­tus­san­ngorlugulu inun­nit nak­kun­neqar­nis­sara akior­tariaqarlugu nalun­ngilara. Aam­ma scooterinut aquk­kuminaareersunut usitin­niaruma oqimaap­pal­laaler­tus­saavugut. Taamaat­torli  al­las­simaf­fim­mi oqaaseqatigiit tul­liut­tut imaat­tut eq­qaal­lugit akuersivunga: “Qimar­nguf­figaara Guuti Naalagaq”.

Nanilu ilaan­nik­kut scooterinik maqul­luin­narmut up­pit­tar­pugut, ataatsimiin­neril­li nuan­nareqigatsigit soqutigineq ajor­par­put. Naalagaaf­filersaarfim­mi inuit inus­siar­nersut silami inun­nit nak­kus­sisunit al­laanerungaaramik! Qaam­matit qulingiluat qaangiutiin­nar­tut kuisip­punga.

Al­las­simaf­fiup nuan­narisama sin­nerani ima al­laq­qavoq: “Suliatit tamaasa oqalut­tuarisin­naanias­sagak­kit.” Nalun­ngilara oqaluus­sineq unam­miniar­nar­ner­paatit­tus­saal­lugu. Il­lumiit il­lumut oqaluus­seq­qaar­nera puior­neq ajor­para. Meeq­qat inersimasul­lu nak­kut­tar­paan­nga, malit­tar­paan­nga pisut­tariaaseralu il­laruaatigisarlugu. Taman­na an­niaatigisaqaara, eq­qaamaniaan­nar­tar­parali taak­kua uat­tul­li paratiisi qanoq pisariaqar­titsigigaat, taamaat­tumik piner­tusaar­tar­punga.

Uan­nut oqin­nerus­sam­mat pingasunik as­sakaasulim­mik as­san­nik ingerlat­tak­kamik cykelitaar­punga. Qum­mukajaak­kuuleraangat­ta oqaluus­seqatima ajat­tar­tar­paanga am­mukajaak­kuuleraangat­talu cykelin­nut qaqisar­poq. Oqaluus­sisaleq­qaar­nera unam­miniar­nar­taraluar­toq nuan­narisupilus­suan­ngor­para, al­laat 1998-imi pionerin­ngorsin­naal­lunga.

Biibilimik atuaq­qis­saaqater­pas­suaqar­punga, taak­kunanilu sisamat kuisereer­put. Nuan­naarutigingaak­kan­nik nuk­kama aam­ma sal­lusuis­sut ilas­sivaa! Sal­lusuis­sum­mi siuariar­tor­tut tusaraangak­kit pisariaqar­titsil­luin­narfin­ni qiim­mas­saatigik­kajut­tar­pak­ka. Ul­lut ilaan­ni malariamik nap­parsimarut­torlunga Elfenbenskystenimiit al­lagarsivunga. Burkina Fasomi ilin­niar­ner­tooq matumi Biibilimik atuaq­qis­saaqatigisar­tagara qatan­ngum­mut angum­mut tun­niun­nikuusara Elfenbenskystenimut nuus­simavoq. Qiim­maal­laatigeqisan­nik al­lap­poq oqaluus­sisar­tun­ngorsimal­luni kuisiman­ngitsoq!

Qanoq inuuniuteqar­punga? In­narluutilin­nik ikorfar­tuisar­tut mersor­nermik ilin­niar­nis­san­nik neqeroorfigaan­nga. Ilin­niar­titsisut ilaasa suleriaasera takugamiuk paasivaa qaqorsaasior­nermik ilin­niar­tin­neqas­sasunga. Ilik­kar­tip­paan­ngalu. Inuit qaqorsaasiak­ka iluareqaat al­lanul­lu in­nersuutigisarlugit. Pingasunik as­sakaasulin­nik scootererlunga nam­mineq aat­tar­pak­ka.

Alianaraluar­tumik qitik­kut an­niarsuataar­taler­nera pis­sutigalugu 2004-mi pioneritut uniin­nar­tariaqaler­punga. Sulili qaam­matit tamaasa oqaluus­sisar­punga.

Inuit oqar­tar­put qungutsaris­suunera ilisar­naatigigiga. Nuan­naar­nis­san­nut pis­sutis­saqarluar­punga Guuti qanil­lugu inuuneq pil­luaatigigak­ku. – Oqalut­tuar­toq Sarah Maiga.