1. Up­per­neq qanoq pingaaruteqar­tigaa? (Al­laaserisap aal­laq­qaataani as­siliaq takuuk).

IM­MINUT ima aperinikuuit: ‘Jehovap an­nikil­lior­nar­tus­sarsuarmi aniguisik­kumavaanga?’ Apustili Paulusi al­lap­poq aniguis­sagaan­ni up­per­neq pingaaruteqangaar­toq. Ima al­lap­poq: ‘Up­persuseqar­nani Guutimit iluarisaaneq ajor­naqaaq.’ (Hebr 11:6) Oqaatiginiar­neqar­toq paasinaraluar­poq, ‘imaan­ngilarli tamarmik up­per­neq pigigaat’. (2 Th 3:2) Al­las­simaf­fiit taak­ku marluk up­per­nik­kut nakus­satsin­nis­sap qanoq pingaaruteqar­tiginerata paasinis­saanut iluaqutigaavut.

2, 3. (a) Up­per­neq qanoq pingaaruteqar­tigaa? (b) Suut sam­mis­savavut?

² Apustilip Petrusip up­per­nerup ‘misiligaasar­nera’ eq­qar­tor­paa. (1 Petrusi 1:7 atuaruk). An­nikil­lior­nar­tus­sarsuaq nal­liutingajaler­poq, kis­saatigaar­pul­lu “tar­nit­ta an­naan­neqaatis­saan­nik up­per­tunut” ilaanis­sar­put. (Hebr 10:39) Taamaat­tumik up­per­nik­kut nakus­satsik­kumal­luta ilungersor­tariaqar­pugut. Kun­nger­put Jiisusi Kristusi tikiup­pat akis­sarseqataarusuk­kat­ta, angutitut taas­sumun­nga ilungersorluni qinusutut ima oqarusup­pugut: “Up­pin­ngis­sutsik­kut ikiun­nga!” (Mark 9:24) Apustilitul­luun­niit aam­ma ima  oqarsin­naavugut: “Up­per­nermik an­nerusumik tunisigut!” – Luk 17:5.

³ Al­laaserisami matumani uku sam­mis­savavut: Up­per­ner­put qanoq ineriar­tor­tis­sin­naanerip­put, up­perluar­tuuner­put qanoq ersersis­sin­naanerip­put aam­ma sooq up­per­nerulerumal­luta qin­nuter­put Guutip akiumaaraa up­perisin­naanerip­put.

4. Kik­kut up­per­nitsin­nik ineriar­tor­titsinis­samut kajumis­sis­sutigisin­naavavut?

⁴ Up­per­neq pingaaruteqarluin­narmat Jehovap inuit up­per­tor­pas­suit Biibilimi oqalut­tuarineqar­tip­pai. Taak­ku “al­las­simap­put uatsin­nut ilin­niutis­saal­lutik”. (Rom 15:4) As­sersuutigalugu Aaperaat, Sara, Iisaaq, Jaaku, Mosesi, Rahabi, Gideoni, Baraki al­lar­pas­suil­lu pil­lugit oqalut­tuat kil­litsis­sutigalugit up­per­nik­kut nakus­satsis­sin­naavugut. (Hebr 11:32-35) Taak­kua saniatigut aam­ma ul­lumik­kut qatan­nguteqar­pugut angutinik ar­nanil­lu up­per­nik­kut maligas­saal­luar­tunik. *

5. Eliap Jehova up­peril­luin­narlugu qanoq ersersip­paa, im­minul­lu qanoq aperisin­naavugut?

⁵ Oqalut­tuat Biibilimeersut ilagaat pruf­fiiti Elia pil­lugu oqalut­tuaq. Oqalut­tuarineqar­nerani Jehovamik tatigin­nil­luin­nar­nini qanoq ersersik­kaa ukunani tal­limani malugiuk: (1) Jehovap paner­nersuaqar­titsinis­saa kun­ngimut Akabimut oqalut­tuarigamiuk qular­nani ima nalunaar­poq: “Ilumut uumam­mat Naalagaq Israelip Guutia kif­far­torfigisara: Ukiuni tul­liusuni isugutaqas­san­ngilaq sialoqas­sananiluun­niit.” (1 Kng 17:1) (2) Eliap up­peraa paner­nersuaqar­nerani nam­mineq al­lal­lu pisariaqar­titatik Jehovamit isumagineqarumaar­tut. (1 Kng 17:4, 5, 13, 14) (3) Eliap aam­ma qularin­ngilaa Jehovap uil­lar­nerup er­nera toqusunit makitis­sin­naagaa. (1 Kng 17:21) (4) Qaq­qami Karmelimi pil­liutini in­nerup Jehovameersup nungutik­kumaaraa qularin­ngilaa. (1 Kng 18:24, 37) (5) Suliluun­niit sial­lilin­ngitsoq Elia qularani Akabimut ima oqar­poq: “Majuarlutit nerigit imerlutil­lu, maan­na sialus­sap it­tun­nera uanga tusaasin­naalerak­ku.” (1 Kng 18:41) Misigisat taak­ku eq­qarsaatigereerlugit im­minut ima aperisin­naavugut: ‘Eliatut up­perluar­tigaanga?’

6. Up­per­neq ineriar­tor­tis­sagutsigu Jehovamit suna pisariaqar­tip­par­put?

⁶ Piumas­suseqar­nerin­nak­kut up­per­neq ineriar­tor­tis­sin­naan­ngin­natsigu anersaaq il­ler­nar­toq pisariaqar­tip­par­put. Sooq? Up­per­neq anersaap inerititaanut ilaam­mat. (Gal 5:22, NW) Silatusaas­saagut Jiisusip peq­qus­sutaa malil­lugu anersaamik il­ler­nar­tumik an­nerusumik  tuneq­qul­luta Jehova qin­nuigigutsigu. Jiisusi neriorsuivoq Jehovap ‘im­minut qinusut anersaamik il­ler­nar­tumik tuniumaarai’. – Luk 11:13.

7. Qanoq up­perluar­tuujuarsin­naanersugut nas­suiaruk.

⁷ Up­perluar­tuulersimagut­ta taman­na an­naajumanagu iliuuseqar­tariaqar­pugut. Up­per­neq in­nermut as­sersuus­sin­naavar­put. Ikual­latsitsigut­ta in­nerujus­suan­ngorsin­naavoq. Ikumanerli qisut­tor­tan­ngik­kutsigu qamik­kiar­tus­saaq arsakuin­nan­ngorunilu naggataatigut kis­sarun­naarluni. Qisut­tor­tarutsiguli qamitin­naveersaarsin­naavar­put. Up­per­nitsin­nut tun­ngatil­lugu aam­ma taamaap­poq. Ul­lut tamaasa Guutip oqaasianik atuar­tarlutalu atuaq­qis­saar­tuar­tarut­ta Biibili nuan­narinerulerlugulu Jehova asanerulis­savar­put. Taava up­per­ner­put ‘qamitin­naveersaarlugulu’ ineriar­tor­tis­savar­put.

8. Up­per­nin­nik ineriar­tor­titsinin­ni up­perluar­tuujuar­nis­san­nul­lu suna iluaqutigis­saviuk?

⁸ Kuisin­ngin­nin­ni ilik­kak­katit kisiisa naam­magisimaagin­nas­san­ngilatit. (Hebr 6:1, 2) As­sersuutigalugu siulit­tuutit Biibilimeersut eq­quutereersut pil­lugit atuaq­qis­saar­neq up­per­nin­nik ineriar­tor­titsinin­ni up­perluar­tuujuar­nis­san­nul­lu iluaqutigis­savat. Aam­ma Guutip oqaasia atorlugu qanoq up­per­tiginerlutit paasisin­naavat. – Jaaku 1:25; 2:24, 26 atuak­kit.

9, 10. Nas­suiaruk up­per­ner­put qanoq ineriar­tor­tis­sin­naagip­put uku iluaqutigalugit: (a) Ikin­ngutaal­luar­tut. (b) Ilagiit ataatsimiin­neri. (c) Oqaluus­sineq.

⁹ Apustili Paulusi al­lap­poq kristumiut ‘up­perisaqaqatigiin­nermik­kut kajumis­saaqatigiis­sin­naasut’. (Rom 1:12) Taman­na qanoq paasisariaqar­pa? Qatan­ngutit, ingam­mik misilin­neqar­nermi up­perluar­tuunermin­nik ersersitsisimasut, peqatigigaangatsigit up­per­nik­kut nakus­sas­saqatigiis­sin­naavugut. (Jaak 1:3) Ileq­qorlut­tunik peqateqar­tar­neq up­per­nik­kut ajoqutaavoq, ikin­ngutaal­luar­tul­li up­per­nik­kut ineriar­tuutigisar­pavut. (1 Kor 15:33) Taman­na pis­sutigalugu aalajangersimasumik ataatsimiin­ner­nut najuut­taq­qul­luta siun­nersor­neqar­pugut. Ataatsimiin­ner­ni ‘kajumis­saaqatigiit­tuarsin­naavugut’. (Hebræerit 10:24, 25 atuak­kit). Aam­ma ataatsimiin­ner­ni ilin­niar­titaaner­put up­per­nik­kut ineriar­tuutigaar­put. Biibilimi al­las­simavoq “up­per­neq tusak­kanit” piler­tar­toq. (Rom 10:17) Taamaat­tumik im­minut ima aperigit: ‘Kristumiut ataatsimiin­nerinut aalajangersimasumik najuut­tar­punga?’

¹⁰ Aam­ma up­per­ner­put ineriar­tor­tit­tar­par­put nutaarsias­saq nuan­nersoq Biibilimeersoq al­lanut oqaluus­sis­sutigalugulu ilin­niar­titsis­sutigigaangatsigu. Kristumiut siul­liit pisimanerat­tut Jehovamik tatigin­nil­lutalu qanorluun­niit pisoqaraluar­pat nakimaal­luta oqalun­nis­saq ilin­niar­par­put. – ApS 4:17-20; 13:46.

11. Sooq Kalebi Josvalu up­perluar­tuup­pat, taak­kulu qanoq ilaarsin­naavavut?

 ¹¹ Jehovamut up­per­neruler­tar­pugut qanoq ikior­taraatigut qin­nutivul­lu qanoq akisarai malugigaangatsigu. Kalebi Josvalu taamaalip­put. Nunamut neriorsuutigisamut alaper­naarsuiar­toramik Jehovamut up­per­ner­tik ersersip­paat. Tamatumalu kingor­na inuunermin­ni Jehovap qanoq ikioraatik malugigaangamik­ku tamatigut up­per­nik­kut nakus­satsit­tar­put. Josvap isumal­luarluni Israelik­kut ima oqarfigai: ‘Ajun­ngitsut Jehovap Guutis­si ilis­sin­nut oqaatigisaasa ilaat ataasin­nguarluun­niit qam­muin­narsiman­ngilaq.’ Kingusin­nerusuk­kut ima oqar­poq: “Naalagaq mianerisiuk, kif­far­tuus­siul­lu ilumoorlusi un­neq­qaril­lusilu.” Imalu nangip­poq: “Uanga inoqutimalu Naalagaq kif­far­tuuk­kumavar­put.” (Jos 23:14; 24:14, 15) Jehova tatigigaangatsigu inut­tul­lu qanoq ikioraatigut malugigaangatsigu up­per­neruler­tar­pugut. – Tus­s 34:9.

12. Up­perluar­tuul­luta qanoq ersersit­tar­par­put?

¹² Up­perluar­tuul­luta qanoq ersersit­tar­par­put? Ajoqersugaq Jaaku ima al­lap­poq: “Up­per­nera suliak­kut ilin­nut takutis­savara.” (Jaak 2:18) Up­perluar­tuuner­put iliuutsitsin­nit erser­tar­poq. As­sersuutinik sam­misaqariar­ta.

13. Oqaluus­sigaangat­ta up­per­ner­put qanoq ersersit­tar­par­put?

¹³ Up­per­nit­ta ersersin­nis­saanut oqaluus­sineq periarfis­saal­luar­poq. Sooq? Oqaluus­sigaangat­ta naggatis­sap nal­liutingajaler­nera ‘kingusinaar­navian­ngin­neralu’ up­peralutigu ersersit­taratsigu. (Hab 2:3, NW) Qanoq up­per­tiginerluta paasiumal­lugu im­minut ima aperisin­naavugut: ‘Oqaluus­sineq uan­nut qanoq  pingaaruteqar­tigaa? Guuti pil­lugu sapin­ngisan­nik inuit al­lat oqalut­tuut­tar­pak­ka? Jehovamut kif­far­tor­nin­ni iliuuseqar­nerunis­samut periarfis­sarsior­tar­punga?’ (2 Kor 13:5) ‘An­naan­neqaatis­sap qanermik nas­suerutigineratigut’, tas­sa nutaarsias­sap nuan­nersup tamanut oqaluus­sis­sutigineratigut, up­perluar­tuuner­put ersersitsigu. – Romamiut 10:10 atuaruk.

14, 15. (a) Up­per­ner­put ul­luin­nar­ni qanoq ersersis­sin­naavar­put? (b) Iliuutsit up­perluar­tuunermut ersiutaasut oqalut­tuarik­kit.

¹⁴ Aam­ma silarsuarmi matumani unam­miniar­nar­tut naam­magalugit ator­nerisigut Jehovamut up­per­ner­put ersersit­tar­par­put. Nap­parsimaneq, nikal­lunganeq, isumatsaq­qaneq, piitsuuneq ajor­nar­torsiutil­luun­niit al­lat atugarigaluarutsigit Jehovap Jiisusil­lu “pif­fis­saq eq­qorlugu” ikiorumaaraatigut up­perisariaqar­par­put. (Hebr 4:16) Jehovamut ikioq­qul­luta qinugaangat­ta taan­na up­peralutigu ersersit­tar­par­put. Jiisusi oqar­poq “inuus­sutis­satsin­nik ul­lut tamaasa” tunisaq­qul­luta qinusin­naasugut. (Luk 11:3) Oqalut­tuanit Biibilimeersunit erser­poq Jehovap pisariaqar­titatsin­nik sunil­luun­niit tunisin­naagaatigut. As­sersuutigalugu Israelimi paner­nersuaqar­nerani Jehovap Elia nerisas­saqar­til­lugulu imigas­saqar­tip­paa. Biibilimi al­las­simavoq ‘tuluk­kat ul­laak­kut un­nuk­kul­lu timiusamik neqimil­lu aatsivigisaraat, kuun­nguamil­lu imer­tar­toq’. (1 Kng 17:3-6) Aam­ma uagut pisariaqar­titatsin­nik Jehovap tunisin­naagaatigut up­peraar­put.

 ¹⁵ Biibilimi najoq­qutas­siat maleruaraangatsigit ilaqut­tat­ta pisariaqar­titaan­nik isumagin­nis­sin­naal­luta qularin­ngilar­put. Rebecca, Asiami aap­palik, oqalut­tuar­poq ilaqut­tanilu Mat­thæusip iivangkiiliua 6:33 aam­ma Us­satit 10:4 qanoq maleruarsimagitik. Uia misigigami sulif­fini ilaqutariit anersaak­kut ingerlal­luar­neran­nut ajoqutaasin­naasoq sulif­fim­minit soraar­poq. Sisamanil­li isumagisas­samin­nik qitor­naqaramik tuniniagas­samin­nik nerisas­sior­taler­put. Taamatut eqiasuik­kamik pisariaqar­titamin­nut akis­saqar­tuaan­nar­put. Rebecca ima oqar­poq: “Misigivugut Jehovap qiman­ngisaan­naraatigut. Ataasiaan­narlutaluun­niit nerisas­saarutin­ngilagut.” Up­per­nik­kut nakus­satsis­sutigisan­nik tamatumun­nga as­singusumik misigisaqarsimavit?

16. Guuti tatigigutsigu susoqas­sava?

¹⁶ Jehovap siulersuinera malik­kutsigu taas­suma ikiorumaaraatigut qularin­ngisaan­nar­tigu. Paulusi Habak­kukip oqaasii is­suarlugit ima al­lap­poq: “Iluar­toq up­per­nik­kut inuus­saaq.” (Gal 3:11; Hab 2:4) Taamaat­tuminguna Guuti uagutsin­nik ilumut ikiuisin­naasoq up­peril­luin­nar­tariaqarip­put. Paulusip eq­qaasip­paatigut Guuti “pis­saanini uatsin­ni sun­niisoq atorlugu qin­nutigisavut paasisin­naasavul­lu akimungaarlugit iliorsin­naasoq”. (Ef 3:20) Jehovap kif­fai sapin­ngisamin­nik taas­suma piumasaatut ilior­put, aam­mali pisin­naasatik kil­leqar­tut nalun­ngilaat. Guutip najormatigut ilungersor­nivul­lu tamaasa pil­luaq­qusarmagit qujamasungaar­pugut.

17. (a) Jiisusip apustilit qanoq akivai? (b) Sooq up­per­neruler­nis­samik Jehova qin­nuigigutsin­ni akis­sagaatigut ilimagisin­naavar­put?

¹⁷ Tamak­kunin­nga eq­qar­tuereerluta im­maqa apustilitut Jiisusimut ima qinusutut misigivugut: “Up­per­nermik an­nerusumik tunisigut!” (Luk 17:5) Jiisusip apustilimi qin­nutaat ukiumi 33-mi piinsip ul­luani im­mik­kut it­tumik akivaa anersaamik il­ler­nar­tumik tunigamigit Guutil­lu siuner­taanik paasin­nin­nerulersik­kamigit. Taman­na up­per­nik­kut nakus­satsis­sutigaat. Qanoq kinguneqar­tumik? Taamanik­kut oqaluus­sinermik suliniuteqar­neq an­ner­paaq aal­lar­tip­paat. (Kol 1:23) Up­per­nerulerumal­luta qin­nutit­ta akineqar­nis­saat ilimagisin­naavar­put? Aap, Jehova neriorsuivoq “piumasaminut naaper­tuut­tumik qin­nuigigutsin­ni” akiumal­luta. – 1 Joh 5:14.

18. Jehovap up­per­nermin­nik ineriar­tor­titsisut qanoq pil­luaq­qusar­pai?

¹⁸ Jehova tatigil­luin­narutsigu taas­suman­nga iluarineqas­saagut. Jehovap up­per­nermik an­nerusumik qin­nuter­put akis­savaa, up­per­nerulis­saagut ‘Guutil­lu naalagaaf­fianut qin­ngaq­qun­nan­ngitsuutitaas­sal­luta’. – 2 Th 1:3, 5.