1, 2. Itsaq Guuti susar­pa, ul­lumik­kul­lu inuit ilaasa nap­parsimagaangamik suna eq­qarsaatigisarunar­paat?

PERULUN­NAR­TUMIK nap­parsimasimaguit im­maqa ima eq­qarsarsimavutit: ‘Peq­qis­seq­qis­saner­punga?’ Imaluun­niit nap­parsimasumik ilaqutaqaruit ikin­nguteqaruil­luun­niit im­maqa eq­qarsar­putit peq­qis­seq­qis­sanersoq. Il­lit peq­qis­soorusun­nerit asasavil­lu peq­qis­suunis­saan­nik kis­saateqar­nerit pis­susis­samisuuin­nar­poq. Biibilimi inuit peq­qis­serusut­tut pil­lugit atuarsin­naavugut. As­sersuutigalugu Akabip Jezabelil­lu er­nerat, kun­ngi Akazja, ajoquserami eq­qarsar­poq aq­qunar­nini qaangersin­naanerlugu. Kingusin­nerusuk­kul­lu Aramip kun­ngiata Ben-Hadadip nap­parsimalerami paaserusup­paa ajorun­naas­sanerluni. – 2 Kng 1:2; 8:7, 8.

² Biibilimi oqalut­tuarineqar­poq itsaq Jehova tupin­nar­tulior­nik­kut inun­nik ilaan­nik­kut ajorun­naarsitsisar­toq al­laal­lu pruf­fiitit aq­qutigalugit toqusunit makititsisar­toq. (1 Kng 17:17-24; 2 Kng 4:17-20, 32-35) Ul­lumik­kut nap­parsimasut ilaasa eq­qarsaatigisarunar­paat Guutip peq­qis­sinis­samin­nik ikiorumaar­neraatsik.

3-5. Jehova Jiisusilu susin­naap­pat, apeq­qutil­lu suut sam­mis­savavut?

 ³ Jehova inuit peq­qis­susian­nik sun­niisin­naavoq. Inuit ilaat nap­paateqalersil­lugit pil­larsimavai, as­sersuutigalugu Aaperaap nalaani Farao kingusin­nerusuk­kul­lu Mosesip aleqaa, Mirjami. (1 Mos 12:17; 4 Mos 12:9, 10; 2 Sam 24:15) Aam­ma Israelik­kut ilumoorfigiun­naarman­ni ‘nap­paatinik perlun­nil­lu’ pil­lar­pai. (5 Mos 28:58-61) Pisunili al­lani Jehovap in­nut­tami nap­paateqalin­ngin­nis­saat isumagaa. (2 Mos 23:25; 5 Mos 7:15) Al­laat ilaan­nik ajorun­naarsitsivoq. As­sersuutigalugu Jobi perulun­nini pis­sutigalugu toqorusum­mat Jehovap ajorun­naarsip­paa. – Job 2:7; 3:11-13; 42:10, 16.

⁴ Jehovap nap­parsimasunik ajorun­naarsitsisin­naanera qularutigin­ngilar­put. Aam­ma Jiisusi ajorun­naarsitsisin­naavoq. Nunarsuarmiik­kal­larami nap­paatil­lit, as­sersuutigalugu pupis­sut, noqar­tar­tut, tap­piitsut nukil­laarsimasul­lu ajorun­naarsip­pai. (Matthæusi 4:23, 24 atuak­kit; Joh 9:1-7) Tupin­nar­tuliat taak­ku Jiisusip silarsuas­sami nutaami iliuuserisas­saanut qilanaar­tuutigisin­naavavut. Taamanik­kus­samut “in­nut­taasoq kinaluun­niit oqas­san­ngilaq: ‘Nap­parsimavunga!’” – Es 33:24.

⁵ Ul­lumik­kum­mi perulun­nar­tumik nap­parsimaleraluarut­ta? Ilimagisin­naavar­put Jehovap Jiisusil­luun­niit tupin­nar­tulior­nik­kut ajorun­naarsis­sagaatigut? Nakorsaariaatsimik toq­qaagaangat­ta suna eq­qarsaatigisas­savar­put?

6. Kristumiut siul­liit tupin­nar­tuliorsin­naanerat pil­lugu Biibilimi qanoq al­las­simasoqar­pa?

⁶ Kristumiut siul­liit nalaan­ni Jehovap taak­ku anersaaminik il­ler­nar­tumik tanip­pai taak­kualu ilaat tupin­nar­tuliorsin­naan­ngor­til­lugit. (ApS 3:2-7; 9:36-42) As­sersuutigalugu inun­nik ajorun­naarsitsisin­naaler­put al­lamiutul­lu oqalus­sin­naalerlutik. (1 Kor 12:4-11) Biibilimili al­laatigineqar­tutut kingusin­nerusuk­kut taamatut tupin­nar­tuliorsin­naajun­naar­put. (1 Kor 13:8) Taamaat­tumik ilimagis­san­ngilar­put ul­lumik­kut Guutip tupin­nar­tulior­nik­kut uagutsin­nik asasatsin­nil­lu ajorun­naarsitsinis­saa.

7. Tus­siaat 41:4 qanoq qiim­mas­saatigisin­naavar­put?

⁷ Nap­parsimaguil­li Jehovap itsaq kif­faminut iliorsimanermisut tup­pal­lersarumaarlutil­lu an­ner­toq­qusersorumaar­paatit. Kun­ngi Daavi ima al­lap­poq: “Pil­luar­poq san­ngiitsumik isumas­suisoq; taan­na Naalak­kap an­naak­kumaar­paa ul­lormi perlulim­mi. Naalak­kap ser­nigis­savaa inuutil­lugulu, pil­luar­tis­savaa nunami. Akeraanut tun­niutiin­naqinagu!” (Tuss 41:2, 3) Soorunami inuup ajun­ngitsup san­ngiitsumik isumas­suisup toqun­ngisaan­nar­nis­saa Daavip pin­ngilaa. Taavami inuk ajun­ngitsoq taan­na Jehovamit qanoq ikior­neqas­sava? Daavi ima nas­suiaavoq: “Nap­parsimal­luni nal­laviani  Naalak­kap ikius­savaa, nap­parsimaleraluaraangat peq­qis­sisit­tar­pat.” (Tuss 41:4) Jehovap kif­fani qanor­piaq atugaqar­tut nalun­ngilaa, puiorsiman­ngilaalu. Taak­ku sapiis­suseqalersil­lugil­lu ilisimas­suseqalersis­sin­naavai. Jehovap aam­ma timi nap­paatinut akiuus­sutis­salerlugu pin­ngor­tis­simavaa, taman­nalu inuup ajorun­naaral­lar­nis­saminut iluaqutigisar­paa.

8. Daavip perulun­nar­tumik nap­parsimanermini Tus­siaat 41:5-imi suna Jehovamut qin­nutigaa?

⁸ Tus­siaat 41-mi Daavip perulun­nar­tumik nap­parsimanini, san­ngiin­nini an­nilaanganinilu aam­ma al­laatigaa. Imaas­sin­naavoq tamatuma nalaani er­nera Absalomi im­minut kun­ngin­ngor­teriaraluar­toq. Daavi ima nap­parsimatigaaq Absalomi al­laat unitsis­sin­naanagu. Nalun­ngilaa Batsebamik ajor­tulioqateqar­nini ilaqutariin­ni ajor­nar­torsiuteqar­nerminut pis­sutaasoq. (2 Sam 12:7-14) Daavi qanoq piva? Jehovamut ima qinuvoq: “Saam­maan­nga, katsorsan­nga ajor­tulisimagama ilin­nut.” (Tuss 41:5) Daavip nalun­ngilaa Jehovamit isumak­keerfigineqarluni, up­peraalu nap­parsimanermini Guutip ikiorumaaraani. Daavil­li Jehovap tupin­nar­tulior­nis­saa ilimagaa?

9. (a) Jehovap kun­ngi Hizkija qanoq iliorfigaa? (b) Jehovap sunis­saa Daavip ilimagaa?

⁹ Ilumoor­poq Guuti ilaan­nik­kut inun­nik ajorun­naarsitsisar­toq. As­sersuutigalugu kun­ngi Hizkija toqungajal­luni nap­parsimam­mat Jehovap ajorun­naarsip­paa, tamatumalu kingor­na Hizkija ukiuni 15-ini inuuvoq. (2 Kng 20:1-6) Daavil­li Guutimit tupin­nar­tulior­nik­kut ajorun­naarsin­neqar­nis­sani qin­nutigin­ngilaa. ‘San­ngiitsumik isumas­suisup’ Guutimit ikior­neqar­neratut Daavip ikior­neqar­nis­sani ilimagaa. Daavi Jehovamut at­taveqarluaq­qilerami taan­na qin­nuigisin­naavaa nap­parsimanermini tup­pal­lersarumaarlunilu isumas­sorumaaraani. Aam­ma timimi aaq­qik­kumaar­nera peq­qis­seq­qik­kumaar­ninilu qin­nutigaa. Uagut­taaq taamatut Jehovamut qinusin­naavugut. – Tuss 103:3.

10. Trofimosi Epafroditusilu qanoq nalaataqar­pat, taman­nalu qanoq ilin­niarfigisin­naavar­put?

¹⁰ Kristumiut siul­liit nalaan­ni apustili Paulusi al­lal­lu ajorun­naarsitsisin­naagaluar­tut kristumiut ilaan­naat tupin­nar­tulior­nik­kut ajorun­naarsin­neqar­put. (Apustilit Suliaat 14:8-10 atuak­kit). Apustilip Paulusip Publiusip ataataa ‘kis­sar­neqaqaluni aat­talim­mil­lu tim­mit­toq’ ajorun­naarsip­paa. Paulusip taan­na ‘as­sam­minik patip­paa qinul­lunilu ajorun­naarsil­lugu’. (ApS 28:8) Paulusil­li nalun­ngisami ilaan­naat ajorun­naarsip­pai. Ikin­ngutaasa ilaata, Trofimosip, Paulusi ajoqersuiar­tor­titatut angalaqatigaa. (ApS 20:3-5, 22; 21:29) Trofimosi nap­parsimalermat Paulusip ajorun­naarsin­ngilaa. Taamaat­tumik taas­suma Paulusi angalaqatigiun­naar­tariaqar­paa peq­qis­siniarlunilu Miletimiigin­nar­tariaqarluni. (2 Tim 4:20) Paulusip ikin­ngutaasa ilaat al­la, Epafroditusi, nap­parsimaler­poq toqungajal­lunilu. Biibilimili al­las­simasoqan­ngilaq Paulusimit ajorun­naarsin­neqar­nersoq. – Fil 2:25-27, 30.

11, 12. Lukasi pil­lugu qanoq ilisimasaqar­pugut, Paulusilu qanoq ikiorunar­paa?

¹¹ ‘Lukasip, nakorsap asanar­tup,’ Paulusi angalaqatigaa. (Kol 4:14; ApS 16: 10-12; 20:5, 6) Ilimanar­poq Paulusi al­lal­lu ajoqersuiar­tor­titatut angalaneran­ni nap­parsimaleraangata Lukasip ikior­tarai. (Gal 4:13) Jiisusip oqar­neratut nap­parsimasut nakorsamik pisariaqar­titsip­put. – Luk 5:31.

¹² Lukasi peq­qis­sutsimut tun­ngatil­lugu siun­nersuisar­tuuin­nar­nani nakorsatut ilin­niarsimavoq. Biibilimi al­las­siman­ngilaq sumi qangalu Lukasi ilin­niar­nersoq. Al­las­simavorli Lukasip Kolos­semiut inuul­luaq­qugai. Taamaat­tumik imaas­sin­naavoq Lukasi ilin­niarfim­mi Laodikeami, il­loqarfim­mi Kolos­sep eq­qaaniit­tumi, nakorsan­ngor­niarsimasoq. Aam­ma Lukasip al­lak­kamini, iivangkiiliumini aam­ma Apustilit Suliaan­ni, oqaatsit aalajangersimasut nakorsar­tin­nermut tun­ngasut ator­tar­pai. Nakorsaagami Jiisusip inun­nik ajorun­naarsitsineranik oqalut­tuar­pas­suit al­laatigai.

13. Peq­qis­sutsimut tun­ngatil­lugu siun­nersuin­ngin­nitsin­ni siun­nersor­neqarut­taluun­niit suna eq­qaamasariaqar­par­put?

¹³ Ul­lumik­kut qatan­ngutit­ta tupin­nar­tulior­nik­kut ajorun­naarsis­sin­naan­ngilaatigut. Ikiuerusuk­kamil­li im­maqa ilaasa pin­ngitsaaliusal­luta, al­laat naak aperineqan­ngik­kaluarlutik, siun­nersor­niarsin­naavaatigut. Soorunami siun­nersuutit ilaat ajun­ngil­lat. As­sersuutigalugu Paulusip Timotheusi viin­nisulaar­tar­nis­saanut siun­nersor­paa. Timotheusi naarlut­tar­poq, imaas­sin­naavoq imermik mingulim­mik imersimasoq. * (1 Timotheusi 5:23 atuaruk). Mianersor­tariaqar­pugul­li. Im­maqa qatan­ngutip aalajangersimasumik nakorsaatitoq­qul­luta nerisas­sal­luun­niit aalajangersimasut nereq­qul­lugit nereq­qunagil­luun­niit kimigiiserfigaatigut. Im­maqa oqarfigisin­naavaatigut ilaqut­tami ilaasa taamatupajaaq nap­paateqarsimasut iluaqutigisimagaat. Imaan­ngilarli uagut aam­ma taman­na iluaqutigis­sagip­put. Eq­qaamasariaqar­par­put nakorsaat nakorsaariaaserluun­niit inup­pas­suit iluaqutigisimagaluaraat ajoqutaangaar­tunik sun­niuteqarsin­naasoq. – Us­satit 27:12 atuaruk.

14, 15. (a) Peq­qis­sutsimik siun­nersuisunut tun­ngatil­lugu suna mianersuutigis­savar­put? (b) Us­satit 14:15 qanoq ilin­niarfigisin­naavar­put?

¹⁴ Inuuneq nuan­naarutiginias­sagatsigu Jehovamul­lu kif­far­tor­nermi ulap­puteqar­nias­sagat­ta tamat­ta peq­qis­soorusup­pugut. Naam­mal­luin­nan­ngitsuugat­tali tamat­ta nap­parsimasar­pugut. Nap­parsimagaangat­ta periarfis­sarisin­naasatsin­nik nakorsaariaaser­pas­suaqar­poq, qanorlu ilior­niarluta nam­mineq aalajanger­tus­saavugut. Ajoraluar­tumik ilaat aningaasarsiutiginiaan­narlugu oqar­tar­put nap­paatitsin­nut nakorsaateqar­toq. Im­maqa oqar­put inup­pas­suit nakorsaat taman­na nakorsaatigigamik­ku pitsan­ngoriarsimasut. Nap­parsimagut­talu aaq­qik­kusul­luta sivisunerusumil­lu inoorusul­luta im­maqa sunaluun­niit misilik­kusup­par­put. Siun­nersuul­li Guutip oqaasianeersoq una puiun­ngisaan­nar­tariaqar­par­put: “Misilit­tagaqan­ngitsup tatigisar­pai oqaaserineqar­tut suut tamaasa, silatuup al­loriar­nini sianigeq­qis­saar­tar­pai.” – Uss 14:15.

 ¹⁵ Silatuujugut­tali, tas­sa naliliil­luarsin­naas­suseqarut­ta, siun­nersuut suna maleruas­sanerlugu ingam­mik uagutsin­nut siun­nersuisoq naam­mat­tumik pigin­naaneqan­ngip­pat mianersus­saagut. Im­minut ima aperisin­naavugut: ‘Taan­na oqar­poq iisar­tagaq, pilut­tat is­serinit nakorsaasiaq imaluun­niit nerisas­sat aalajangersimasut al­lanit iluaqutigineqar­tut, taak­kuali ilumut iluaqutigisimaneraat qulak­keersin­naavara? Taak­kualu iluaqutigigaluaraat qanoq nalun­ngis­sin­naavara aam­ma uan­nut iluaqutaas­sasoq? Misis­suinerus­saanga peq­qis­sutsimul­lu tun­ngatil­lugu piuk­kun­naatilim­mik oqaloqateqarlunga?’ – 5 Mos 17:6.

16. Peq­qis­sutsimut tun­ngatil­lugu aalajanger­niaraangat­ta suut eq­qarsaatigisariaqar­pavut?

¹⁶ Nakorsaariaatsimik misis­sueriaatsimil­luun­niit toq­qaaniar­nitsin­ni ‘silatusaar­tariaqar­pugut’. (Tit 2:12) Taman­na ingam­mik pingaaruteqarluin­nar­poq nakorsaariaaseq misis­sueriaaserluun­niit nalingin­naan­ngip­pat. Siun­nersuif­figisat­ta nakorsaariaaseq taman­na nas­suiarluarsin­naavaa? Nas­suiaataa eq­qumiip­pa? Nakorsat amerlasuut nakorsaariaatsip inun­nik iluarsisitsisin­naanera isumaqataaf­figaat? (Us­s 22:29) Im­maqaluun­niit oqarfigineqar­pugut nunami al­lami nutaamik nakorsaariaaseqalersimasoq nakorsanit al­lanit ilisimaneqan­ngitsumik. Tamatumali  ilumoor­neranut up­per­narsaateqar­pa? Aam­ma imaas­sin­naavoq nakorsaat iser­tuk­kamik ilisimaneqan­ngitsumil­luun­niit akulik uagutsin­nut neqeroorutigineqar­toq. Taman­nali naviar­nar­torujus­suusin­naavoq. Eq­qaamajuk Guutip oqaasiani pis­saaner­nut angak­kuar­nermut anersaarsior­nermul­lu tun­ngasunut mianersoq­quneqar­tugut. – 3 Mos 19:26; 5 Mos 18:10-12.

17. Suna pis­susis­samisoor­tumik kis­saatigaar­put?

¹⁷ Kristumiut siul­liit nalaan­ni ilagiit suut ingalat­tariaqar­neran­nik siulersuisoqatigiin­nit al­laf­figineqar­put. Al­lak­kat naaneran­ni ima al­las­simavoq: “Tamak­ku ingalas­simaniarus­sigit eq­qor­tulius­saasi. Inuul­luaritsi!” (ApS 15:29) Oqaaseq kingul­leq oqaatsit ilaan­ni ima nutser­neqarsimavoq: “Qanor­toq peq­qis­suugisi!” Taman­na inuul­luaq­qusinerin­naavoq, taamaak­kaluar­torli ersersitsivoq peq­qis­soorusun­ner­put kis­saataasoq pis­susis­samisoor­toq.

18, 19. Silarsuas­sami nutaami pisus­saq suna qilanaaraar­put?

¹⁸ Naam­mal­luin­naan­ngitsuugat­ta tamat­ta nap­parsimasar­pugut. Nap­parsimagaangat­talu Jehovap tupin­nar­tulior­nik­kut ajorun­naarsis­sagaatigut ilimagin­ngilar­put. Siunis­samili Guutip uagutsin­nik ajorun­naarsitsil­luin­nar­nis­saa qilanaaraar­put. Saq­qum­mersitat 22:1, 2-mi apustilip Johan­nesip ‘imeq inuus­sutaasoq’ ‘or­pil­lu inuunar­toq’ kik­kun­nik tamanik ajorun­naarsitsisus­sat takorruuinik­kut takuai. Taak­ku tas­saan­ngil­lat pilut­tat is­serinit nakorsaasiat maan­na siunis­samiluun­niit pisin­naasavut. Isumaqar­pul­li Jehovap Jiisusil­lu naas­saan­ngitsumik inuusin­naaq­qul­luta iliuuserisas­saat. – Es 35:5, 6.

¹⁹ Siunis­saq nuan­nersoq taman­na qilanaaraar­put. Maan­nali nalun­ngilar­put Jehovap tamat­ta im­mik­kut asagaatigut naal­liuuteqaraangat­talu paasisaraatigut. Daavitut up­peril­luin­nar­par­put nap­parsimagut­ta Jehovap an­ner­toq­qusersorumaaraatigut, im­minum­mi ilumoorfigin­nit­tuar­tut isumas­sor­tuarmagit. – Tuss 41:13.