1. (a) Guutip Adami sumik sulias­sip­paa? (b) Taamanimiil­li Guutip in­nut­taasa oqaatsitik qanoq ator­tar­paat?

JEHOVAP GUUTIP inuit tunis­sutitut oqalus­sin­naatip­pai. Naatsiivim­mi Edenimi Guutip Adami uumasunik taaguusersueq­quaa. Adamil­lu uumasut tamaasa im­mik­kut tul­luar­tunik taaguusersor­pai. (1 Mos 2:19, 20) Taamanik­kumiil­li Guutip in­nut­taasa oqaatsit Jehovamik un­nersiutigin­nin­nermut taas­sumalu piumasaa pil­lugu oqalut­tuar­nermut ator­tarsimavaat. Inuit amerlanerusut Jehova ilisarisimaneruler­nias­sam­mas­suk Guutip in­nut­taasa oqaatsit tunis­sutisiatik nalitsin­ni Biibilimik nutserinermut ator­tar­paat.

2. (a) Ataatsimiititaliaq New World Translation of the Holy Scriptures-imik nutserisoq sunik najoq­qutaqar­pa? (b) Al­laaserisami matumani suna sam­mis­savar­put?

² Biibilimik nutsik­kat tuusintilip­pas­suup­put, taak­kualu ilaat eq­qor­nerup­put. Biibili eq­qor­tumik nutsersin­naajumal­lugu Ataatsimiititaliaq New World Translation of the Holy Scriptures-imik nutserisoq najoq­qutas­sianik pingasunik ukunin­nga maleruaaniarluni aalajanger­poq: (1) Guutip aq­qanik ataq­qin­nin­neq Taas­sumalu oqaasiata al­las­simaq­qaarfiini aq­qa ator­neqaraangat tamatigut atuineq. (Mat­thæusi 6:9 atuaruk). (2) Al­las­simaq­qaarfin­nik sapin­ngisamik  oqaasik­kuutaarlugit nutserineq. Ajor­nar­pat oqaatsit al­lat atorlugit isumavianik nutserineq. (3) Paasiuminar­tumik atuaruminar­tumil­lu nutserineq. * (Nehemia 8:8, 12 atuak­kit). Taak­ku pingasut najoq­qutaralugit New World Translation oqaatsinut 130-nit amerlanerusunut nutser­neqar­poq. Al­laaserisami matumani New World Translation-ip nutar­tik­kap 2013-imeersup tamatumalu oqaatsinut al­lanut nutser­neqar­nerani qanoq najoq­qutarineqarsimanersut sam­mis­savar­put.

3, 4. (a) Tetragram­mi sumi atuarsin­naavar­put? (b) Biibilimik nutserisor­pas­suit Guutip aq­qanut tun­ngatil­lugu susimap­pat?

³ Guutip aq­qa hebræerisut naqin­nerit sisamat, tetragram­mimik taaneqar­tut, atorlugit al­lan­neqar­tar­poq. Tetragram­mi itsaq Al­lak­kani Hebræerisuuni amerlasuuni, soorlu al­lak­kani imusani Im­map Uumaatsup eq­qaani nas­saani, atuarsin­naavar­put. Aam­ma nutsik­kamik grækerisuumik Septuaginta-mik as­siliil­luni al­lak­kat ilaan­ni takusin­naavar­put. Kr.in.si. 100-k­kun­niit ukiut 300-t ingerlaneran­ni taak­ku as­sam­mik as­siliil­luni al­lan­neqar­put. Guutip aq­qa al­lagatoq­qani qanoq ator­neqar­tiginera inuit takugaangamik­ku tupigusut­tar­put.

⁴ Guutip aq­qata Biibilimi ator­neqar­tariaqar­nera erseq­qip­poq. Biibilimil­li nutserisor­pas­suit Guutip aq­qa atun­ngilaat. As­sersuutigalugu Kristumiut Al­lagaataan­nik Grækerisuunik nutsik­kap New World Translation-ip saq­qum­mersin­neqar­nerata ukiut marluk kingor­na American Standard Version nutar­tigaq saq­qum­mersin­neqar­poq. 1901-imi saq­qum­mersin­neqaq­qaar­nerani Guutip aq­qa ator­neqar­poq, 1952-imili nutar­tik­kami ator­neqarani. Sooq? Nutserisut isumaqarmata Guutip aq­qanik atuineq “naleq­qutin­ngil­luin­nar­tuusoq”. Nutsigar­pas­suit, tulut­tuut oqaatsil­lu al­lat, Guutip aq­qanik al­laq­qasoqan­ngil­lat.

5. Sooq Biibilimi Guutip aq­qanik atuineq pingaaruteqar­pa?

⁵ Ilumut nutserisut Guutip aq­qanik atuinersut atuin­ngin­nersul­luun­niit pingaaruteqarami? Aap! Jehovap, Biibilimik atuak­kior­tup, inuit aterminik ilisiman­nis­sasut piumasaraa. Nutseril­laq­qis­sup nutsik­kami atuak­kior­tuata kis­saatai ilisimal­lugil­lu nutserinermini sun­niuteqar­tit­tariaqar­pai. Al­las­simaf­fip­pas­suit Guutip aq­qata pingaaruteqar­neranik ataq­qineqar­tariaqar­neranil­lu ersersitsip­put. (Tus­s 83:19; 148:13; Es 42:8; 43:10, NW; Joh 17:6, 26; ApS 15:14) Aam­ma Jehovap Biibilimik al­lat­tut al­las­simaq­qaarfin­ni aterminik tuusintileriarlutik al­lan­nis­saan­nik isumas­sarsisip­pai. (2 Mosesi 3:15; Ezekieli 38:23 atuak­kit). Taamaam­mat nutserisut Guutip aq­qa minik­kaangamik­ku Jehova ataq­qineq ajor­paat.

6. Sooq New World Translation-imi nutar­tik­kami Guutip aq­qa arfinileriarluni ator­neqar­nerua?

 ⁶ Jehovap aq­qanik atuinis­satsin­nut up­per­narsaatit ul­lumik­kut amerlanerup­put. New World Translation-imi nutar­tik­kami 2013-imeersumi Guutip aq­qa 7216-eriarluni ator­neqar­poq. Tas­sa nutsik­kamut New World Translation-imut 1984-imeersumut sanil­liul­lugu Guutip aq­qa arfinileriarluni taaneqar­neruvoq. Taak­kua ilaat tal­limat ilan­ngun­neqar­put al­lak­kani imusani Im­map Uumaatsup eq­qaani nas­saani saq­qum­mersin­neqaq­qam­mersuni Guutip aq­qa nas­saarineqarmat. * Tal­limat taak­ku ukunani nas­saarineqar­put: Samuelimik al­lak­kat siul­liit 2:25; 6:3; 10:26; 23:14, 16. Nas­saat arfer­nat, Eq­qar­tuus­sisunik al­lak­kat 19:18-imiit­toq, ilan­ngun­neqar­poq Biibilimik al­lagatoq­qanik tutsuiginar­tunik misis­sueq­qis­saareer­nermit paasinarsim­mat oqaaseq “angerlamut” ima nutser­neqarsin­naasoq: “Jehovap il­luanut.”

7, 8. Jehovap aq­qa qanoq isumaqar­pa?

⁷ Kristumiut ilumoor­tut Guutip aq­qata isumavianik paasin­nin­nis­saq pingaar­tip­paat. Aq­qa isumaqar­poq “-n­ngor­tip­poq” aam­ma “-n­ngor­tip­paa”. * Sior­natigut Biibililersaarutitsin­ni Mosesimik al­lak­kat aap­paat 3:14 (NW) tun­ngavigalugu Guutip aq­qata isumaa nas­suiar­neqar­tarsimavoq, ima al­las­simam­mat: “Sun­ngorusun­nera naaper­torlugu taamaalis­saanga.” Nutsik­kami 1984-imeersumi nas­suiar­neqar­poq neriorsuutini eq­quutitik­kumal­lugit Jehova imminut sunngortissinnaasorluunniit. * Qup­persak­kamili Guutip oqaasianik misissueqqissaarut-mi qup­per­neq 5-imi ima nas­suiar­neqar­poq: “Ateq Jehova taamatut isumaqarsin­naagaluar­toq Guutip im­minut sun­ngor­tis­sin­naanera pineqaan­nan­ngilaq. Aq­qa aam­ma isumaqar­poq siuner­tani naam­mas­sisin­naajumal­lugu pin­ngor­titani sunngortissinnaagaaluunniit.”

⁸ Aam­ma Jehovap pin­ngor­titani piumasani malil­lugu sun­ngor­tis­sin­naavaaluun­niit. As­sersuutigalugu Guutip Noa umiarsualior­tun­ngor­tip­paa, Besal’eli eq­qumiitsulianik sanasin­naan­ngor­til­lugu, Gideoni sorsut­tar­torsuan­ngor­til­lugu, Paulusilu ajoqersuiar­tor­tun­ngor­til­lugu. Guutip aq­qata isumaa taas­suma in­nut­taanut pingaaruteqangaar­poq, taamaam­mat Ataatsimiititaliap New World Translation of the Holy Scriptures-imik nutserisup nutsik­kami matumani Guutip aq­qa ilan­ngup­paa.

9. Sooq Biibilip nutser­neqar­nera pingaar­tin­neqar­pa?

⁹ Biibilimik nutserisut Guutip im­mik­kut aq­qanik ilan­ngus­sineq ajor­tut amerliar­tuin­nar­put. Taarsiul­lugu taaguut “Naalagaq” imaluun­niit nam­min­neq guutigisamik aq­qa ator­tar­paat. Taman­na Siulersuisoqatigiit sapin­ngisamik inuit amerlaner­paat Guutip aq­qanik ataq­qin­nit­tumik Biibileqarsin­naanis­saan­nik pingaar­titsineran­nut pis­sutaaqataavoq. (Malaki 3:16 atuaruk).  Ul­loq man­na tikil­lugu New World Translation oqaatsini 130-nit amerlanerusunut nutser­neqarsimam­mat Jehovap aq­qa ataq­qineqangaar­poq.

10, 11. New World Translation-ip nutser­nerani suut aporfiusimap­pat?

¹⁰ New World Translation-ip tulut­tuup oqaatsinut al­lanut nutser­nera pisariusimavoq. As­sersuutigalugu tulut­tuumi oqaaseq hebræerisooq “sje’ōlʹ” Oqaluus­sisar­tup oqaasii 9:10-mi al­las­simaf­fin­nilu al­lani ator­neqar­tar­poq. Oqaaseq taman­na (“Sheol”) aam­ma Biibilini tulut­tuuni al­lani ator­neqar­tar­poq. Oqaatsinili al­lani oqaaseq “sje’ōlʹ” atuar­tar­tut amerlanersaasa nalum­mas­suk ator­neqarsin­naan­ngilaq. Oqaasian­ni oqaatsinik qinerlerfis­sianiin­ngilaq, ilaal­lu al­laat isumaqar­put sumiif­fiviusup taaguutigigaa. Taman­na pis­sutigalugu nutserisut oqaaseq hebræerisooq “sje’ōlʹ” aam­ma oqaaseq grækerisooq “haiʹdēs” “Iliveq”-mik nutser­nis­saan­nut akuerineqar­put. Taman­na paasiuminar­nerulersitsil­lunilu eq­qor­tumik nutserineruvoq.

¹¹ Oqaaseq hebræerisooq grækerisoorlu nutsik­kami tulut­tuumi “tar­neq”-mik nutser­neqar­toq oqaatsinut al­lanut nutseruminaap­put. Oqaatsim­mi ilaan­ni oqaaseq “tar­neq” alior­tuk­kamik toqugaan­niluun­niit arlaan­nik timimik qimatsisar­tumik isumaqar­tar­poq. Taamatut paatsoor­toqaq­qunagu Biibilimik nutsik­kani oqaatsini taak­kunani al­las­simasut ataqatigiin­neri naaper­torlugit oqaaseq “tar­neq” al­latut nutser­nis­saanut akuerineqar­poq. As­sersuutigalugu ima nutser­neqarsin­naavoq: inuit, uumasut, inuup inuunera. Tamak­kua nas­suiaataat New World Translation 1984-imi saq­qum­mersin­neqar­tup tapilius­sar­taani takuneqarsin­naap­put. Biibili atuaruminar­tun­ngorlugu paasiuminar­tun­ngorlugulu Biibilimik nutsik­kani taak­kunani oqaatsit hebræerisuut grækerisuul­lu nas­suiaataat qup­per­nerit ataan­ni ilan­ngus­sani iluaqutis­satut al­lan­neqarsimap­put.

12. Nutar­tik­kami 2013-imeersumi suut aam­ma al­lan­nguutaap­pat? (Aam­ma Vagttårnet decembarip 15-iat, 2015-imoor­toq, al­laaserisaq “New World Translation – Revisionen af 2013” takuuk).

 ¹² Biibilimi al­las­simasunik paatsuuisoqarsin­naanera nutserisut apeq­qutigisimasaan­nit paasineqar­poq. Taamaam­mat 2007-imi septembarimi Siulersuisoqatigiit Biibilip tulut­tuujusup nutar­ter­neqar­nis­saa akueraat. Ataatsimiititaliap nutar­terinermi Biibilimik nutserisut apeq­qutaat tuusintil­lit misis­soq­qis­saar­paat. Al­lak­kat suli eq­qor­tumik nutser­neqaatigalutik tulut­tut oqaatsit ator­neqar­tarun­naarsimasut ul­lumik­kut ator­neqar­tar­tunik taarser­neqar­put, taamaalil­luni atuaruminarsil­lutil­lu paasiuminarsip­put. Ukiuni kingul­ler­ni oqaatsinut al­lanut nutseriner­ni paasiuminarsaatit aam­ma tulut­tut nutserinermi iluaqutaap­put. – Uss 27:17.

13. Nutar­tik­kami 2013-imeersumi amerlasuut qanoq isumaqarfigaat?

¹³ New World Translation nutar­tigaq tulut­tooq qanoq isumaqarfigineqar­pa? Qatan­ngutit al­lak­katigut qujas­sutaat tuusintilip­pas­suit Jehovap Nalunaajaasuisa qul­lersaqarfian­nut New Yorkimiit­tumut nas­siun­neqarsimap­put. Amerlasuut qatan­ngutitut ar­natut ima al­lat­tutut misigip­put: “Biibili al­laan­ngilaq erlin­nar­tuusivik erlin­nar­tuutinik akisuunik ulik­kaar­toq. Jehovap oqaasii nutar­tik­kami 2013-imeersumiit­tut paasiuminar­tut atuar­neri soorlu tas­sa ujaq­qat erlin­nar­tut ilusiinik, qalipaataan­nik alutor­nas­susiinil­lu misis­suerujoor­neq. Al­lak­kat paasiuminar­tumik nutser­neqar­nerat Jehovamik ilisarisiman­nin­nerulis­sutigaak­ka, soorlu ataatap pak­kul­lunga oqaatsiminik toq­qis­sinar­tunik atuf­faterujooraanga.”

14, 15. Inuit New World Translation oqaatsini al­lani qanoq isumaqarfigaat?

¹⁴ Inuit al­lamiutut oqaasil­lit New World Translation aam­ma qujamasuutigaat. Angut utoq­qasaaq Bulgariamiu Biibili oqaatsiminut nutser­neqarsimasoq pil­lugu ima oqar­poq: “Biibili ukior­pas­suar­ni atuar­tar­para, aatsaal­li nutsik­kamik  taama paasiuminar­tigisumik qamuunalu kil­litsin­nar­tigisumik atuar­punga.” Aam­ma qatan­ngut ar­naq Albaniamiu ima al­lap­poq: “Guutip oqaasia Albaniamiutut tusar­nis­susia! Jehovap oqaatsivut atorlugit uagutsin­nut oqalun­nera im­mik­kut ip­poq!”

¹⁵ Nunar­pas­suar­ni Biibili akisul­lunilu pis­sarsiariuminaam­mat Biibileqar­neq qujamasun­naqaaq. Rwandamit ima nalunaaruteqar­toqar­poq: “Sivisuumik inuit qatan­ngutinit atuaq­qis­saaqatigineqar­tar­tut Biibileqan­ngin­namik siuariar­tor­tarsiman­ngil­lat. Biibilip oqaluf­fim­meersup pisiarinis­saanut akis­saqan­ngil­lat. Al­las­simaf­fiil­lu aalajangersimasut paasil­luarsin­naan­ngilaat, taman­nalu siuariar­tor­neran­nut aporfiuvoq.” New World Translation oqaatsimin­ni pis­sarsiarineqarsin­naalermat aap­pariit Rwandamiut sisamanik inuusut­tuaraatil­lit ima oqar­put: “Jehovap inus­sial­lu aalajaal­lunilu silatuup Biibilimik tunim­matigut taak­ku qaman­nga pisumik qutsavigaavut. Piitsooqigat­ta ilaqut­tatsin­ni tamat­ta im­mik­kut Biibileqar­nis­satsin­nut akis­saqan­ngilagut. Maan­nali tamat­ta nam­mineq Biibileqar­pugut. Qujamasun­ner­put Jehovamut ersersik­kusul­lugu ilaqutariit­tut ul­lut tamaasa Biibili atuar­tar­par­put.”

16, 17. (a) Jehovap in­nut­taminut suna piumasaraa? (b) Nangaanata susariaqar­pugut?

¹⁶ New World Translation nutar­tigaq siunis­sami oqaatsini amerlanerusuni pis­sarsiarineqarsin­naalis­saaq. Saatanip suliaq taman­na unitsin­niarsaraa, nalun­ngilar­pul­li Jehovap paasiuminar­tumik oqalun­nerminut in­nut­tami tamarmik tusar­naar­nis­saat piumasarigaa. (Esaja 30:21 atuaruk). Qanit­tuk­kut Jehovamik ‘ilisimasaqar­nerup nuna tamak­kerumaar­paa soorlu ermit matoq­qagaat im­map naq­qa’. – Es 11:9.

¹⁷ Nangaanata tunis­sutit Jehovameersut tamaasa taas­suma aq­qanik ataq­qin­nil­luta atorluar­tigit. Oqaatsini aq­qutigalugit ul­lut tamaasa ilin­nut oqalutsit­taruk. Qin­nutitsin­nut tamanut tusar­naaq­qis­saarsin­naavoq. At­taveqatigiin­neq taman­na Jehovamik ilisarisiman­nin­nerulis­sutigis­sal­lugulu taas­sumun­nga asan­nin­nerujar­tuin­nas­sutigis­savar­put. – Joh 17:3.