1, 2. Sooq oqalus­sin­naaner­put Biibilimi in­nermut as­sersuun­neqar­pa?

1871-IMI Wisconsinimi USA-miit­tumi or­pip­pas­suit ikual­laler­put. In­neq siam­mariataar­poq or­piil­lu 2 mil­liardit sin­nerlugit nungul­lutik ikual­lal­lutik. Inuit 1200-nit amerlanerusut toqup­put. USA-p oqalut­tuarisaanerani inuit ikual­lal­lutik toqusut aatsaat taama amerlatigip­put. Qimutsuitsut saneq­qun­nerini in­naal­lan­nimer­ngit or­pip­pas­suar­nik ikual­latsitsilersimagunar­put. Tamatuma Biibilimi al­las­simaf­fim­mik eq­qaasip­paatigut, al­las­simavoq “in­nerup min­ner­paan­nguugaluar­tup or­pip­pas­suarujus­suit ikual­latsis­sin­naam­magit”. (Jaak 3:5) Biibilimik al­laqataasoq Jaaku sooq taama al­lap­pa?

² Ima nas­suiaavoq: “Oqaq-una aam­ma in­nerusoq.” (Jaak 3:6) “Oqaq” tas­saavoq oqalus­sin­naaner­put. Soorlu in­neq ajoquseerujus­suarsin­naasoq oqaaserisavut al­lanut sun­neerujus­suarsin­naap­put. Biibilimi paasitin­neqar­pugut oqaatsivut al­lanut inuunermik toqumil­luun­niit kinguneqar­titsisin­naasut. (Us­s 18:21) Imaap­pa taava ajor­tumik oqaaseqarumanata oqalun­ngisaan­nas­sasugut? Soorunami naamik. Timik­kut uutiteruman­ngiin­narluta ikitsinaveersaar­neq ajor­pugut, ikitsigaangat­tali mianersor­tar­pugut. As­sersuutigalugu in­neq nerisas­sior­nermi atorsin­naavar­put, aam­ma uun­nas­saatigalugulu qaam­maq­qutigisin­naavar­put. Aam­ma taamatut oqaloriaaser­put mianersuuk­kutsigu Jehovamik  ataq­qinarsisitsinermut al­lanil­lu ikiuinermut atorsin­naavar­put. – Tuss 19:15.

3. Al­lanik qiim­mas­saaniarluta suut pingasut iluaqutigisin­naavavut?

³ Jehovap eq­qarsaatitsin­nik misigis­sutsitsin­nil­lu, oqaatsit atorlugit us­sersor­nik­kul­luun­niit, al­lanut paasititsisin­naanermik tunivaatigut. Tunis­sut taman­na tupin­nangaar­toq al­lanik qiim­mas­saanis­samut qanoq atorsin­naavar­put? (Jaaku 3:9, 10 atuak­kit). Qaquguk­kut oqalus­sanerluta, suut oqaaseris­sanerlugit qanorlu oqaloriaaseqas­sanerluta ilisimasariaqar­par­put.

4. Qaquguk­kut nipangersimaan­nar­tas­saagut?

⁴ Ilaan­nik­kut oqaaseqan­ngin­nis­saq pitsaanerusar­poq. Biibilimi eq­qaaneqar­poq ‘nipangersimaf­fis­saqar­toq oqaluf­fis­saqarlunilu’. (Oqal 3:7) As­sersuutigalugu al­lat oqaluk­kaangata ataq­qiumal­lugit nipangersimasar­pugut. (Job 6:24) Aam­ma inuit al­lat susas­sarin­ngisaat oqaatigeq­qusaan­ngitsul­lu oqaluuserineq ajor­pavut. (Us­s 20:19) Uumitsatsin­neqarut­talu pitsaas­saaq eq­qis­sisimaniarsarigut­ta oqaaseqan­ngik­kut­talu. – Tuss 4:5.

5. Oqalus­sin­naaner­put pil­lugu Jehovamut qanoq qujamasun­nermik ersersitsisin­naavugut?

⁵ Ilaan­nik­kul­li oqaluf­fis­saqar­tar­poq. (Oqal 3:7) Jehovamik un­nersiutigin­nif­fis­saqar­poq, al­lanik qiim­mas­saaf­fis­saqar­poq, misigis­sutsitsin­nik aniatitsif­fis­saqar­poq pisariaqar­titatsin­nil­lu al­lanut ilisimatitsif­fis­saqarluni. (Tuss 51:17) Oqalus­sin­naaner­put taamatut atorutsigu Jehovamit tunis­sutisiatsin­nik taas­sumun­nga qujamasun­ner­put ersersis­savar­put. Ikin­ngutitsin­nim­mi kusanar­tumik tunis­sutisigaangat­ta ajun­ngin­ner­paamik atorluarusut­tar­par­put.

6. Sooq pif­fis­saq eq­qorlugu oqaaseqar­neq pingaaruteqar­pa?

⁶ Pif­fis­saq eq­qorlugu oqaaseqar­tar­nis­saq sooq pingaaruteqar­pa? Us­satit 25:11-mi ima al­las­simavoq: “Iipilit kuultiusut as­silis­sani sølviusuniit­tut tas­saap­put oqaatsit pis­susis­savim­mis­sut oqaatigisat.” Iipilit kuultiusut kusanar­put, sølvimil­li tunuliaqutaqarunik suli kusanar­nerus­sap­put. Taamatul­li inoqater­put nuan­nersumik oqaaseqarfigerusus­sin­naavar­put. Pif­fis­sarli eq­qorlugu oqaaseqarut­ta inuup taas­suma suli iluaqutiginerusin­naavaa. Qanoq taamaliorsin­naagat­ta?

7, 8. Qatan­ngutit­ta Japanimiit­tut Jiisusi qanoq ilaar­paat?

⁷ Pif­fis­saan­ngitsuk­kut oqaaseqarut­ta inuit oqaatsivut paasinagil­luun­niit im­maqa akueriumas­san­ngilaat. (Us­satit 15:23 atuaruk). As­sersuutigalugu marsimi 2011-mi Japanip kangiani il­loqarfip­pas­suit tsunamimit nunal­lu sajun­neranit eq­qugaap­put. Inuit 15.000-t sin­nerlugit ajunaar­put. Naak Jehovamik Nalunaajaasor­pas­suit ilaqut­tatik ikin­ngutitil­lu an­naasimagaluarlugit al­lat taamatut nalaataqar­tut Biibili atorlugu ikiorusup­paat. Nalun­ngilaal­li taak­kua ilar­pas­sui buddhistiusut Biibilimil­lu ilisimasaqar­pian­ngitsut. Taamaam­mat makititaanis­saq pil­lugu oqalut­tuun­nagit tup­pal­lersaal­lutil­lu sooq inuit ajun­ngitsut ajor­tunik nalaataqar­tar­nerat nas­suiaap­paat.

⁸ Qatan­ngutit taak­kua Jiisusi ilaar­paat. Taas­suma qaquguk­kut nipangersimas­sanerluni qaquguk­kul­lu oqaaseqas­sanerluni naluneq ajor­paa. (Joh 18:33-37; 19:8-11) Ajoqersuk­kanilu arlaan­nik ilin­niar­tin­niaraangamigit  oqalun­nis­sap pif­fis­san­ngor­nis­saanut utaq­qisar­poq. (Joh 16:12) Qatan­ngutit Japanimiit­tut makititaanis­saq pil­lugu inun­nut oqalut­tuar­nis­sap pif­fis­san­ngor­nis­saanut utaq­qip­put. Ajunaar­nersuaqar­nerup kingor­na ukiut marluk af­farlu qaangiutereersut inun­nut naqitaaraq Toqusimasut uum­maq­qis­sin­naasoraagit? neqeroorutigaat. Amerlasuut naqitaaq­qamik tigusip­put tas­sanilu al­las­simasut tup­pal­lersaatigalugit. Aam­ma uagut inuit oqaluus­sif­figisar­tak­katsin­niit­tut pif­fis­saq eq­qorlugu oqaluus­sin­naajumal­lugit kulturiat up­perisaal­lu eq­qarsaatigisariaqar­pavut.

9. Aam­ma qaquguk­kut pif­fis­saq eq­qorlugu oqaaseqar­niarluta utaq­qeq­qaar­tariaqar­pugut?

⁹ Aam­ma qaquguk­kut pif­fis­saq eq­qorlugu oqaaseqar­niarluta utaq­qeq­qaar­tariaqar­pugut? Im­maqa arlaat ajual­laatigisatsin­nik oqaaseqar­poq. Sianiitsor­pal­lat­tumik ingerlaan­naq akinagu silatusaar­nerus­saaq ima eq­qarsaq­qaarut­ta: ‘Ilumut piaaraluni inus­siar­niip­pa? Oqaasii pil­lugit oqaluut­tariaqar­para?’ Im­maqa oqaaseqan­ngiin­nar­nis­saq pitsaanerus­saaq. Oqaluun­nis­saanul­li pis­sutis­saqarluar­pat eq­qis­sereer­nis­satsin­nut utaq­qisariar­pugut. (Us­satit 15:28 atuaruk). Taavami ilaqut­tavut Nalunaajaasuun­ngitsut Jehovamik ilisarisiman­niler­nis­saan­nik kajumis­saarusuk­kutsigit? Erinitsajuit­tariaqarlutalu oqaasis­savut eq­qarsaatigeq­qis­saar­tariaqar­pavut, tusar­naarusun­nis­saan­nul­lu periarfis­sarsiorluta.

10. (a) Sooq oqaatsivut mianersuut­tariaqar­pavut? (b) Sunik oqaaseqar­naveersaar­tariaqar­pugut?

¹⁰ Oqaaserisavut al­lanik nuan­naalersitsisin­naal­lutil­luun­niit nikal­lungalersitsisin­naap­put. (Us­satit 12:18 atuaruk). Saatanip silarsuaani inup­pas­suit al­lanik nuan­niil­lior­titserusuk­kamik ‘toqunar­tulin­nik panatut qarsorsatul­lu’ it­tunik oqaaseqar­tar­put. (Tus­s 64:4) Ilar­pas­suisa taamatut oqalun­neq isigin­naagas­sianit aal­lakaatitas­sianil­lu ilik­kar­tar­paat. Kristumiul­li quiasaagin­naraluarunil­luun­niit sak­kor­tuunik inus­siar­niitsunil­lu oqaaseqar­navian­ngil­lat. Quiasaar­neq sun­niuteqarluarsin­naagaluar­poq oqaatsitsin­nil­lu soqutiginar­nerulersitsisin­naal­luni. Nuan­niil­liuutaasin­naasumil­li quisaarin­ngisaan­nas­saagut, tas­sa il­lar­titsiniaan­narluta kan­ngusuum­mer­nar­tumik ajual­lan­nar­tumil­luun­niit oqaaseqan­ngisaan­nas­saagut. Biibilimi kristumiut mital­liin­ngin­nis­saan­nut inan­neqar­put. Aam­ma ima al­las­simavoq: “Oqaatsinik mikiarsimasunik qanis­sin­nit aniatitaqar­niaqinasi, oqaatsinil­li ajun­ngitsuin­nar­nik aniatitaqaritsi ineriar­tor­nis­samut pisariaqar­tunik, tamak­ku tusar­tunut pil­luaatis­saaq­qul­lugit.” – Ef 4:29, 31.

11. Eq­qor­tunik oqaaseqar­nis­samut suna iluaqutigisin­naavar­put?

¹¹ Jiisusi oqar­poq ‘uum­matip ulik­kaarutaanik qaneq utsersor­tar­toq’. (Mat­t 12:34) Tas­sa oqaatsitsin­nit qanoq misigivin­nersugut erser­tar­poq.  Taamaam­mat inuit asagutsigit ilumoorlutalu soqutigigutsigit eq­qor­tunik oqaaseqar­nerusin­naavugut. Oqaatsivut nakus­satsin­narlutil­lu qiim­maal­lan­nas­sap­put.

12. Eq­qor­tunik oqaaseqar­nis­satsin­nut suna aam­ma iluaqutigisin­naavar­put?

¹² Eq­qor­tumik oqaaseqar­niar­neq imaan­naan­ngitsuuvoq. Kun­ngi Salomo ilisimasuugaluarluni eq­qor­tumik atuaruminar­tumil­lu al­lan­niarluni “eq­qarsaq­qis­saarluni paasiniaasar­poq”. (Oqal 12:9, 10) Qanoq oqas­sanerluta paasiumal­lugu suna iluaqutigisin­naavar­put? Biibilimi Biibililersaarutinilu oqaatsit suut ator­neqar­nersut maluginiarsin­naavavut. Oqaatsit paasin­ngisat­ta isumaat paasiniarsin­naavavut. Aam­ma al­lat iluaqutigisin­naasaan­nik oqaaseqar­tar­neq ilin­niarumal­lugu Jiisusip maligas­siaanik misis­sueq­qis­saarsin­naavugut. Jehovamit ilin­niar­tin­neqarsimagami Jiisusip “qasusut ikiorsersin­naaq­qul­lugit” qanor­piaq oqas­sanerluni naluneq ajor­paa. (Es 50:4) Aam­ma oqaatsit­ta al­lanut qanoq sun­niuteqar­nis­saan­nik eq­qarsaatigin­nin­nis­sar­put pingaaruteqar­poq. (Jaak 1:19) Im­minut ima aperisin­naavugut: ‘Taama oqaruma taas­suma oqaaseriniagara paasis­savaa? Qanoq misigis­sava?’

13. Sooq paasiuminar­tumik oqalut­tas­saagut?

¹³ Israelimi qarlor­taatit kalerrisaarutaasar­put. Inuit katersuut­tus­saagaangata qarlor­taat aalajangersimasumik nipeqar­tar­poq. Qarlor­taatip nipaa al­la sak­kutuunut saas­sus­siar­toq­qusis­sutaasar­poq. Takorlooruk qarlor­taatip nipaa paatsuunganaraluar­pat sak­kutuunut susoqas­sagaluar­nersoq! Qarlor­taatip nipaa paatsuunganan­ngitsoq oqaatsinut paasiuminar­tunut Biibilimi as­sersuun­neqar­poq. Paasiuminaatsumik nas­suiaagut­ta inuit nalor­nilerlutil­luun­niit ilumuun­ngitsunik up­perin­nilersin­naap­put. Erseq­qis­sumik oqaaseqar­niaraluarut­taluun­niit oqaatsit­ta sorraatsuun­ngin­nis­saat ataq­qin­nin­ngip­palun­nis­saal­lu mianersuutigis­savar­put. – 1 Korinthimiut 14:8, 9 atuak­kit.

14. Jiisusip paasiuminar­tumik oqaaseqar­tar­neranik as­sersuuteqarit.

¹⁴ Mat­thæusip iivangkiiliuani kapitali 5, 6 7-imilu Jiisusip paasiuminar­tumik oqaaseqar­tar­nera erseq­qip­poq. Oqalugiar­nermini inun­nit kak­kageq­qusaagin­narluni nalunar­tunik pisariaqan­ngitsunil­lu oqaaseqar­neq ajor­poq. Aam­ma al­lat nikal­lus­sutigisin­naasaan­nik oqaaseqan­ngilaq. Jiisusi pingaarutilerujus­suar­nik itisuunil­lu isumalin­nik ilin­niar­titsivoq, oqaasiili paasiuminar­put. As­sersuutigalugu ajoqersuk­kani ul­lut tamaasa nerisas­saqar­niar­neran­ni isumakulun­ngin­nis­saan­nik ilin­niar­tin­niarlugit Jehovap tim­mis­sanik nerisas­saqar­titsiuaan­nar­neranik nas­suiaap­pai. Imalu aperalugit: “Ilis­sili taak­kunan­nga pingaar­nerujus­suun­ngin­ner­pisi?” (Mat­t 6:26) Taamatut oqaaseqalaagin­nar­nermigut Jiisusip pingaarutilim­mik ilin­niar­til­lugil­lu nakus­satsip­pai.

15. Sooq inus­siar­nersumik oqalut­tas­saagut?

¹⁵ Al­lanut oqaloriaaser­put qanoq oqaaseqar­nitsitul­li pingaar­tigivoq. Jiisusi inus­siar­nersumik oqaloriaaseqarmat inuit tusar­naar­nis­saa nuan­narisar­paat. (Luk 4:22) Inus­siar­nersumik oqaluk­kaangat­ta inuit tusar­naarumanerul­lutil­lu  oqaatsivut akueriumanerusar­paat. (Us­s 25:15) Al­lat ataq­qigutsigit misigis­susiilu soqutigigutsigit saamasumik oqaluus­sin­naas­savavut. Jiisusi taamaalior­tar­poq. As­sersuutigalugu inup­pas­suit tusar­naarusul­lutik ilungersor­tut takugamigit pif­fis­saqarfigineri ilin­niar­tin­nerilu nuan­naarutigingaar­paa. (Mark 6:34) Al­laat inun­nit asis­sor­neqaraluarluni akiniaan­ngilaq. – 1 Petr 2:23.

16, 17. (a) Ilaqut­tavut ikin­ngutivul­lu oqaluuk­kaangatsigit Jiisusi qanoq ilaarsin­naavar­put? (Al­laaserisap aal­laq­qaataani as­siliaq takuuk). (b) Inus­siar­nersumik oqalun­nerup sun­niuteqarluar­neranik as­sersuuteqarit.

¹⁶ Ilaqut­tavut ikin­ngutivul­lu asagaluarlugit nalun­ngil­luaratsigit inus­siar­niip­palut­tumik oqarfigisoor­tarsin­naavavut. Im­maqa eq­qarsar­pugut qanoq oqaluun­nerlutigit eq­qarsaatigeq­qaar­tariaqar­nagu. Jiisusili ikin­ngutiminut inus­siar­niitsumik oqalun­ngisaan­nar­poq. Taak­kua kina arlamin­nit an­nerusoq as­sor­tuus­sutigim­mas­suk saamal­luni naq­qip­pai, taak­kualu eq­qarsar­taasiat al­lan­ngor­tin­niarlugu meeran­nguaq as­sersuutitut atorlugu. (Mark 9:33-37) Utoq­qaaner­tat al­lanik siun­nersuigaangamik Jiisusip maligas­siaa ilaar­tarsin­naavaat. – Gal 6:1.

¹⁷ Ajual­laatigisatsin­nil­luun­niit oqarfigineqaraluarluta inus­siar­nersumik oqaluk­kut­ta sun­niuteqarluarsin­naavoq. (Us­s 15:1) As­sersuutigalugu anaanaq kisimiit­toq inuusut­tuaq­qamik Jehovamut kif­far­tor­tuusaajutigaluni inuunerlut­tumik er­neqar­poq. Ar­nap ilagiin­neersup anaanaasoq nal­ligalugu ima oqarfigaa: “Ajoqaaq meeq­qamik perorsaanermi iluatsin­ngin­navit.” Anaanaasoq eq­qarsaq­qaariarluni ima akivoq: “Maan­na ingerlal­luar­pal­laan­ngin­nera ilumoor­poq, er­nermali perorsar­nera suli ingerlavoq. Harmagedonip kingor­na oqaluuk­kinga, taava paasis­savar­put.” Anaanaasoq eq­qis­sisimaan­narlunilu ar­namut saamam­mat kam­magiigin­nar­put. Aam­ma er­nerusup anaanami oqaasii tusar­pai, paasil­lugulu al­lan­ngorsin­naanini anaanami suli up­perigaa. Taamaam­mat ikin­ngutipalaaqarun­naar­poq, kuisip­poq kingusin­nerusuk­kul­lu Betelimi kif­far­tulerluni. Qatan­ngutitsin­nut, ilaqut­tatsin­nut inun­nul­luun­niit nalusatsin­nut oqaluk­kaluarut­ta tamatigut “inus­siar­nersumik tarajulim­mil­lu” oqalut­tas­saagut. – Kol 4:6.

18. Jiisusip maligas­siaa oqaloriaatsitsin­ni qanoq ilaarsin­naavar­put?

¹⁸ Eq­qarsaatitsin­nik misigis­sutsitsin­nil­lu oqaasin­ngor­titsisin­naaneq Jehovamit tunis­sutaavoq tupin­nangaar­toq. Jiisusi ilaarutsigu qaquguk­kut oqalus­sanerluta ilisimas­savar­put, qanoq oqas­sanerluta mianersuutigis­savar­put tamatigul­lu inus­siar­nersumik oqalut­tas­sal­luta. Qanor­toq oqaatsitsigut al­lanik qiim­mas­saaniarlutalu Jehova nuan­naar­tin­niar­tuar­tigu.