Pis­saanilin­nut qilam­miit­tunut Jerusalemi piuneerun­neqarmat ilaasunut Harmagedonimilu Saatanip silarsuaa ajor­toq suujun­naarsin­neqar­pat ilaasus­sanut as­sersuutaap­put. Sooq taamatut paasin­nit­taatsitsin­nik al­lan­nguinis­saq pisariaqar­pa?

Ukiumi 607-imi Kr.in.si. Jerusalemip piuneerus­saanis­saa sioq­qul­lugu pis­sus­sanik Jehovap Ezekieli takorruuisip­paa. Ezekielip takorruuk­kamini Jerusalemimi pis­sutsit ajor­tor­pas­suit takuai. Tamatuma kingor­na angutit arfinil­lit ‘kaatalisar­tut’ takuai. Aam­ma angut “ilupaas­sianik atisalik al­laf­fis­siaminik sif­fiarmiulik” taak­kua ilagaat. (Ez 8:6-12; 9:2, 3) Angut taan­na peq­quneqar­poq ‘il­loqarfik­kut ingerlas­sasoq tas­sanilu maajun­nar­tuliat pil­lugit anersaarulul­lutik kap­pialasunik qaavisigut nalunaaqutsiis­sasoq’. Tamatuma kingor­na angutit arfinil­lit kaatalisar­tut peq­quneqar­put inun­nik qaamik­kut nalunaaqutsigaan­ngitsunik nungutitsis­sasut. (Ez 9:4-7) Takorruugaq qanoq ilin­niarfigisin­naavar­put angul­lu al­laf­fis­siamik sif­fiarmiulik kinaava?

Ukiumi 612-imi Kr.in.si. Ezekieli taamatut takorruuisin­neqar­poq. Ukiut tal­limat tamatuma kingor­na Jerusalemip Babylonimiut sak­kutuuinit suujun­naarsin­neqar­nis­saa Jehovap akuerim­magu siulit­tuut taan­na eq­quup­poq. Jehovap taamaalil­luni Babylonimiut in­nut­taminik naalas­seriitsunik pil­laanis­samut ator­pai. (Jer 25:9, 15-18) Juutim­mi naaper­tuil­luar­tut il­loqarfim­mi ajor­tulior­ner­nik iluarin­nin­ngitsut qanoq pineqar­pat? An­naan­neqar­nis­saat Jehovap qulak­keer­paa.

 Ezekieli takorruuk­kami nalunaaqutsiinanilu il­loqarfim­mik suujun­naarsitsinermi peqataan­ngilaq. In­ngilil­li Jerusalemip piuneerus­saaneranik siulersuip­put. Taamaat­tumik siulit­tuut qilam­mi pisunik paasin­nin­nis­samut iluaqutigaar­put. Jehovap in­ngilini ajor­tunik suujun­naarsitsinermik naaper­tuil­luar­tunil­lu aniguisitsinermik siulersueq­quai. *

Siulit­tuut taan­na aam­ma siunis­sami eq­quutis­saaq. Isumaqar­nikuuvugut angut al­laf­fis­siamik sif­fiarmiulik tanitanut suli nunarsuarmiit­tunut as­sersuutaasoq. Aam­ma isumaqar­nikuuvugut inuit nutaarsias­samik nuan­nersumik oqaluus­sis­sutigisatsin­nik up­perin­nit­tut aniguinis­samut nalunaaqutser­neqar­tar­tut. Qanit­tuk­kul­li paasinarsivoq siulit­tuum­mik nas­suiaariaaser­put al­lan­ngor­tin­neqar­tariaqar­toq. Jiisusi inun­nik eq­qar­tuus­sis­sasoq Mat­thæusip iivangkiiliua 25:31-33 ersersin­neqar­poq. Siunis­sami an­nikil­lior­nar­tus­sarsuarmi taamaalius­saaq. Taamanik­kus­samut savatut eq­qar­tuun­neqar­tut aniguis­sap­put savaasatul­lu eq­qar­tuun­neqar­tut suujun­naarsitaas­sal­lutik.

Ezekielip takorruugaa tal­limatigut ilin­niarfigaar­put:

1.  Jerusalemip piuneerus­saanera sioq­qul­lugu Ezekielip, Jeremiap Esajal­lu inuit il­loqarfiup suujun­naarsitaanis­saa pil­lugu mianersoq­quaat. Taak­ku pigaar­tuup­put. Ul­lumik­kut Jehovap tanitat amerlan­ngitsut in­nut­taminik ilin­niar­titsinermut an­nikil­lior­nar­tus­sarsuul­lu aal­lar­tin­ngin­nerani mianersoq­qusinermut ator­tar­pai. Guutil­li in­nut­tai, tas­sa Kristusip ‘kif­fai’, tamarmik mianersoq­qusinermut peqataap­put. – Mat­t 24:45-47, NW.

2.  Ezekielip aniguisus­sat nalunaaqutsin­ngilai. Nalitsin­ni Guutip in­nut­tai aam­ma taamaalior­neq ajor­put. Al­lanut oqaluus­siin­nar­tar­put siunis­samilu pisus­saq pil­lugu mianersoq­qusisarlutik. Nunarsuaq tamak­kerlugu oqaluus­sineq in­ngilit ikiuinerisigut ingerlan­neqar­poq. – Saq­q 14:6.

3.  Ezekielip nalaani aniguisut qaamik­kut takus­saasumik nalunaaqutser­neqan­ngil­lat. Siunis­sami aniguisus­sat aam­ma takus­saasumik nalunaaqutser­neqas­san­ngil­lat. Inuit an­nikil­lior­nar­tus­sarsuarmi aniguiumal­lutik susariaqar­pat? Kristusimik ilaarsineq ilin­niar­tariaqar­paat, Guutimut tun­niul­luin­nar­tariaqar­put nutaarsias­samil­lu nuan­nersumik oqaluus­sinermik­kut Kristusip qatan­ngutaanik tapersersuisariaqarlutik. (Mat­t 25:35-40) An­nikil­lior­nar­tus­sarsuarmi aniguisus­satut as­sersuutaasumik nalunaaqutser­neqas­sap­put.

4.  Angut al­laf­fis­siamik sif­fiarmiulik Jiisusimut as­sersuutaavoq. Jiisusip an­nikil­lior­nar­tus­sarsuarmi inup­pas­suit savatut eq­qar­tuuk­kunigit nalunaaqutsis­savai. Taamaalil­lutik nunarsuarmi naas­saan­ngitsumik inuuler­nis­samut periarfis­sin­neqas­sap­put. – Mat­t 25:34, 46. *

5.  Angutit arfinil­lit kaatalisar­tut nalitsin­ni qilam­mi katersaarsuar­nut Jiisusimit siulersor­neqar­tunut as­sersuutaap­put. Taak­kua qanit­tuk­kut inuit ajor­tut ajus­sutsil­lu tamaasa suujun­naarsis­savaat. – Ez 10:2, 6, 7; Saq­q 19:11-21.

Takorruuk­kamit ilik­kak­kavut iluaqutigalugit qulariun­naar­par­put Jehovap inuit naaper­tuil­luar­tut ajor­tunut ilan­ngul­lugit suujun­naarsin­navian­ngik­kai. (2 Petr 2:9; 3:9) Nalitsin­nilu oqaluus­sinerup pingaaruteqarluin­nar­nera paasivar­put. Naggatis­sap nal­liutin­ngin­nerani inuit tamarmik mianersoq­quneqar­tariaqar­put! – Mat­t 24:14.