Haykanush, Armeniami oqaluus­sisar­toq kuisiman­ngitsoq, angerlarsimaf­fim­mi ungasin­ngisaani pas­simik nas­saar­poq. Kor­tit akiliutit aningaasar­pas­suil­lu pas­sip iluaniip­put. Nas­saani pil­lugit uini, aam­ma oqaluus­sisar­tuusoq kuisiman­ngitsoq, oqalut­tuup­paa.

Aap­pariit aningaasaqar­nik­kut ajor­nar­torsiungaarlutil­lu akiitsoqar­put. Aningaasal­li pas­simi najuk­kamut al­las­simasumut uter­tin­niarlugit aalajanger­put. Angut pas­simik katatsisoq taas­sumalu ilaqutai tupigusungaar­put. Haykanuship uiatalu Biibilimi ilik­kak­katik pis­sutigalugit un­neq­qaris­suuner­tik nas­suiar­paat. Taava ilaqutariit Jehovap Nalunaajaasui pil­lugit oqalut­tuuteriarlugit Biibililersaarutinik tunivaat.

Ilaqutariit aningaasanik akis­sarsisin­niarman­ni Haykanush piuman­ngilaq. Aqaguani nuliaasup Haykanush uialu angerlarsimaf­fian­nut pulaar­pai qujamasun­ninilu ersersik­kusul­lugu Haykanush as­sam­miumik diamantitalim­mik tunerusul­lugu.

Ilaqutariit taak­kua pinerat­tut inup­pas­suit Haykanuship uiatalu un­neq­qarin­nermik ersersitsinerat tupaal­laatigis­savaat. Jehovali tupaal­lap­pa? Un­neq­qarin­nerat qanoq isumaqarfigaa? Un­neq­qarin­neral­lu im­minut akilersin­naava?

Apeq­qutit taak­ku akiuminaatsuun­ngil­lat. Sooq? Jehovap pis­suserisaminik ilaarsineq diamantinit, kuultinit pigisanil­luun­niit al­lanit pingaar­tin­nerugaa Guutip kif­faasa nalun­ngin­namik­ku. Aap, Jehovap naleqar­titai inup­pas­suit naleqar­titaan­nit al­laanerup­put. (Es 55:8, 9) Aam­ma Guutip kif­faasa Jehovap pis­susiinik ilaarsiner­tik naleqangaar­tutut isigaat.

Siuneqarluar­neq, imaluun­niit naliliisin­naas­suseq, ilisimas­suserlu pil­lugit Biibilimi al­las­simasut tamatumin­nga ersersitsip­put. Us­satit 3:13-15 ima al­las­simavoq: “Pil­luar­poq inuk ilisimas­susermik pis­sarsisoq, inuk siuneqarluar­tun­ngorsimasoq. Ilisimas­sutsim­mi pis­sarsiarinis­saa sølvip pis­sarsiarinis­saanit pingaar­neruvoq, iluanaarutis­sar­taalu kuultimit an­neruvoq. Ilisimas­sut sapan­ngaris­sunit erlin­nar­neruvoq, pisuus­sutivit suugaluar­tul­luun­niit al­lat nal­lersin­naan­ngilaat.” Jehovap pis­suserineqar­tus­sat taak­kua pigisanit naleqar­tin­nerugai ersarip­poq.

Un­neq­qarin­nerli aam­ma naleqar­tip­paa?

Jehova un­neq­qaris­suuvoq. ‘Sal­lusuitsuuvoq.’ (Tit 1:2) Aam­ma apustili Paulusi isumas­sarsisil­lugu un­neq­qarin­neq pil­lugu kristumiunut hebræerinut ima al­latsip­paa: “Qin­nut­tar­niar­tigut, nalun­ngil­luaratsigu ilerasuutis­saqar­nata, tamatigum­mi eq­qor­tumik iliorumasaraluarat­ta.” – Hebr 13:18.

Jiisusi Kristusi un­neq­qaris­suunermigut maligas­siuil­luar­poq. As­sersuutigalugu palasiunerup Kajfasip ima aperim­mani: “Guuti uumasoq naq­qis­sigalugu up­per­narsaaq­quak­kit: Oqarfigitigut, il­lit taan­naanersutit Kristusi Guutip er­nera?” Jiisusi un­neq­qaril­luni oqar­poq Mis­siarsiul­luni. Guutimik mital­lersutut Kil­lisiuisoqatigiin­nit un­nerluutigineqarsin­naanini tamatumalu kingunerisaanik toqutaasin­naanini nalun­ngik­kaluarlugu eq­qor­tumik oqalup­poq. – Mat­t 26:63-67.

Uagum­mi? Pisut tamaasa oqalut­tuarin­ngin­nerisigut pisul­luun­niit al­lan­ngulaarlugit oqalut­tuarinerisigut pigisatigut iluanaarsin­naagaluarluta un­neq­qaris­saagut?

Ul­luni kingul­ler­ni inuuf­figisatsin­ni inup­pas­suit ‘nam­minis­sarsior­tuul­lutil­lu aningaaserituujugamik’ un­neq­qaris­suunis­saq saper­narsin­naavoq. (2 Tim 3:2) Aningaasaqar­nik­kut ajalusoor­nermi sulif­fis­saaleqinermiluun­niit inup­pas­suit til­lin­neq, peq­quserlun­neq al­latigul­luun­niit un­neq­qaserlun­neq pisariaqar­tutut isigiler­tar­paat. Taamatut eq­qarsar­neq nalingin­naangaarmat inup­pas­suit isum­mer­tar­put aatsaat un­neq­qaserlun­nik­kut pigisatigut iluanaarsin­naal­lutik. Al­laat kristumiut ilaat aalajangiinerlus­simap­put ‘iluanaar­niapilun­ner­til­lu’ pis­sutigalugu ilagiin­ni ajor­tumik tusaamaneqalerlutik. – Tit 1:7; 1 Tim 3:8.

Kristumiul­li amerlanerit Jiisusi ilaar­paat. Guutitut pis­suseqar­nerup pisuus­sutinit iluanaarutinil­lu al­lanit tamanit pingaaruteqar­nerunera nalun­ngilaat. Taamaat­tumik kristumiut inuusut­tut atuarfim­mi angusaris­saar­niarlutik peq­quserlun­neq ajor­put. (Us­s 20:23) Haykanuship un­neq­qarin­nini akis­sarsis­sutigaa, tamatigul­li taama pisoqar­neq ajor­poq. Un­neq­qarin­nerli Guutip eq­qor­tutut isigaa.  Un­neq­qarik­kut­ta ilerasuutis­saqas­san­ngilagut, taman­nalu naleqangaar­poq.

Gagik pil­lugu oqalut­tuamit taman­na erser­poq. Taan­na ima oqar­poq: “Kristumiun­ngun­ngik­kal­larama sulif­feqarfis­suarmi sulivunga, sulif­feqarfim­mil­lu pigin­nit­toq iluanaarutit ilaminin­nguisa nalunaarutigisar­nerisigut akileraar­naveersaar­tar­poq. Pisor­taanerugama piumaf­figineqar­tar­punga akileraaruserisoq sulif­feqarfiup peq­quserlut­tar­neranik soqutigin­nin­ngitsuusaar­nias­sam­mat peq­quserlul­luni akiliinis­samik ‘isumaqatigiis­susioq­qul­lunga’. Tamatumalu kingunerisaanik un­neq­qaserlut­tutut ilisimaneqaler­punga. Sal­lusuis­sut paasigak­ku akis­sarsiagis­saaraluarlunga atorfin­nit soraar­punga nam­minersor­tun­ngorlungalu. Ingerlaan­naq sulif­feqarfiga pil­lugu oqar­tus­saasunut nalunaarsuiar­tor­punga tamatigul­lu akileraar­talerlunga.” – 2 Kor 8:21.

Gagik ima oqar­poq: “Akis­sarsiak­ka marloriaam­mik an­nikil­lip­put, taamaat­tumik ilaqut­tan­nik pilersuinis­sara unam­miniar­nar­poq. Nuan­naar­neruler­pungali. Jehovamut ilerasuutis­saqan­ngilanga. Er­nin­nut marlun­nut maligas­saal­luar­punga ilagiin­nilu im­mik­kut pisin­naatitaaf­feqaler­nis­samut piumasaqaatinik eq­qor­titsil­lunga. Maan­na akileraaruserisar­tunit niueqatigisar­tak­kan­nil­lu un­neq­qaris­sutut ilisimaneqar­punga.”

Jehovap im­minik un­nersiutigin­nit­tut pis­susiminil­lu nuan­nersunik, soorlu un­neq­qaris­suserminik, ilaarsisut iluarai ikiorusul­lugil­lu. (Tit 2:10) Kun­ngi Daavi isumas­sarsisil­lugu ima al­latsip­paa: “Inuusut­tuusimavunga utoq­qalisimal­lungalu maan­na, takusiman­ngisaan­nar­pungali iluar­tumik qimagaasumik qitor­naanil­luun­niit nerisas­sanik qin­nuuloor­tunik.” – Tus­s 37:25.

Ruthip aalajaatsup misigisaanit taman­na up­per­narsar­neqar­poq. Ilumoorfigin­nik­kami sakini, No’omi, utoq­qalisoq qiman­nagu najor­paa. Ruthi Israelimut nuup­poq Guutilu ilumoor­toq pal­lorfigilerlugu. (Ruth 1:16, 17) Un­neq­qaril­luni tamaviaarlunilu piitsut pil­lugit inatsit maleruarlugu karrinik katersuivoq. Kingusin­nerusuk­kul­lu Daavip al­laatigin­nin­neratut Jehovap Ruthi No’omilu qiman­ngisaan­nar­pai. (Ruth 2:2-18) Ruthi timik­kut isumas­suin­nar­nagu kun­ngimut Daavimut al­laal­lu Mis­siarsimut neriorsuutigisamut siuaasan­ngor­tip­paa. – Ruth 4:13-17; Mat­t 1:5, 16.

Jehovap kif­faasa ilaasa pisariaqar­titavim­min­nut naam­mat­tumik aningaasarsior­nis­sar­tik as­sut saper­nar­tit­tar­paat. Taamaat­torli un­neq­qaserlul­lutik aningaasarsior­niapal­lan­natik tamaviaarlutik eqiasuil­lutil­lu sulisar­put. Taamaalior­nermik­kut Guutip pis­susiisa nuan­nersut, soorlu un­neq­qaris­suunerup, pigisanit naleqar­nerunerat ersersit­tar­paat. – Us­s 12:24; Ef 4:28.

Ruthip pisimaneratut nunarsuaq tamak­kerlugu kristumiut Jehovap ikiuisin­naanera up­peraat. Ima neriorsuisoq tatigil­luin­nar­paat: “Iperas­san­ngilak­kit im­miniigin­nas­sanal­lu.” (Hebr 13:5) Jehovap sutigut tamatigut un­neq­qaris­sunik ikiuisin­naanini ikiuiumaninilu ersersit­tuar­paa. Kif­fami pisariaqar­titaviinik pilersuinis­samik neriorsuutini eq­quutitit­tuaan­nar­paa. – Mat­t 6:33.

Aap, diamantit pigisal­lu al­lat inun­nit pingaar­tin­neqar­tar­put. Ataatat­tali qilam­miusup un­neq­qarin­ner­put pis­suserisavul­lu nuan­nersut al­lat erlin­nar­tuutinit naleqangaar­tunit pingaar­tin­nerungaarai qularin­ngis­sin­naavar­put!