Siunissaq qanittoq pillugu siulittuutit
Siunissaq qanittoq pillugu siulittuutit
INUIT nunarsuullu siunissaat pillugit Petrusi ima allappoq: “[Guutip] neriorsuutaa naapertorlugu ilimagisaraavut qilaat nutaat nunalu nutaaq iluassutsip najugarisassai.” (2 Petrusi 3:13) Pruffiiti Esaja aqqutigalugu “qilaat nutaat nunalu nutaaq” neriorsuutigineqaqqaarput. (Esaja 65:17; 66:22) Petrusip siulittuummik tamatuminnga issuaanermigut ersersippaa siulittuut nalimini suli eqquussimanngitsoq.
Saqqummersitat 21:1-4) Jiisusip apustilillu Paulusip Guutip naalagaaffiata tikiutinngitsiarnerani nunami pissutsit pillugit oqaaserisaat ullumikkut eqquupput. Taamaattumik ilimagisinnaavarput Guutip naalagaaffiata silarsuassamik nutaamik qanittukkut pilersitsinissaa. Silarsuassami nutaami pissutsit qanoq issappat? Tamatumunnga akissut Esajap allagaani Biibilimeersumi atuarsinnaavarput.
Apustilip Johannesip kingusinnerusukkut, ukiumi 96-imi Kr.in.king., Saqqummersitani ‘nuna nutaaq’ taanna Guutip naalagaaffiani pilluaqqussutissanut atassuserpaa. (Silarsuassami nutaami pilluaqqussutissat
Nunarsuaq tamakkerlugu eqqissineq pallorfiginninnermilu ataasioqatigiinneq. “Saffiussavaat panatik assallatserummut savissaliaralugit, qalugiusatillu saviliaralugit viinnequtilerissutit. Inuiaat panamik imminnut silugutissaassapput, sorsunnissamut sungiusarunnaassallutik.” — Esaja 2:2-4.
Inuit uumasullu eqqisseqatigiinnerat. “Amaqqup savaaraq ineqatigissavaa, milakulaallu savaasaaraq aqupeqatigissavaa. Nersuteeraq løvitsiarlu mangiaqatigiissapput, nukappiarannguullu paariumaarpai. Ussik arnaviaq nanorlu ikinngutigiissapput, piaraat aqupisimaqatigiissapput, løverlu ivigartorumaarpoq ussittut. Naalungiaq pinnguassaaq pulateriaarsuup inaata killingani, meerannguullu assani mangukkumaarpaa pulateriaarsuup toqunartullip inaanut itersamut. Ajortumik iliortoqarnanilu ajoqusiisoqassanngilaq uanga qaqqanni illernartumi tamarmi, [Jehovamik] ilisimasaqarnerup nuna tamakkerumaarmagu soorlu ermit matoqqagaat immap naqqa.” — Esaja 11:6-9.
Tamanut naammattunik nerisassaqassaaq. “Katersaarsuit [Jehovaat] qaqqami Zionimi inuiannik tamanik neriartortitsissaaq sassarlugit nerisassat pikkunartut viinnilu uninngatitaasimasoq, nerisassat patermik orsuarnequtillit viinnilu uninngatitaasimasoq pitsaalluinnartoq.” — Esaja 25:6.
Toqusoqartarunnaassaaq. “[Guutimit] toqu nungutinneqassaaq piujunnaarsivillugu. Guutillu [Jehovap] isit tamaasa qullingiarumaarpai nunarsuarmilu tamarmi innuttani kanngunarsagaajunnaarsillugit. [Jehovami] taama oqaluppoq.” — Esaja 25:8.
Toqusut makititaassapput. “Toqusortatit uummassapput, timaat makissapput; issumi sinippaartusi itissaasi qiimmattassallusilu. . . . Nunap toqungasut inuunermut utertissavai.” — Esaja 26:19.
Missiarsi eqqartuussisoq naapertuilluartoq. “Eqqartuussissanngilaq isimi isigisaat najoqqutariinnarlugu, aalajangiissananilu siutimi tusagaat maliinnarlugu. Nikanartut eqqartuutissavai eqqortumik pineqartillugit, nunamilu ikiortariallit naapertuilluartumik iliorfigalugit. Nakuusertoq pillassavaa qanermi Esaja 11:3, 4.
anaataanik, iluaatsoq toqussavaa qarlumigut anersaartornerminik.” —Tappiitsut tusilartullu ajorunnaarsinneqassapput. “Taava tappiitsut isaat uisitaassapput, tusilartut siutaat ammarneqassapput.” — Esaja 35:5.
Inoqajuitsoq naggorississaaq. “Inoqajuitsoq nunalu panertoq tipaatsussapput. Inuilaaq qiimmattassaaq naasunillunilu ruusatut naasortanitsitissaaq ilumut qiimmattassalluni tipaatsunnermit.” — Esaja 35:1, 2.
Nuna nutaaq. “Qilak nutaaq [qilammi naalakkersuisut nutaat] nunalu nutaaq [inuiaqatigiit naapertuilluartut nutaat] pinngortissavakka; pereersut eqqaamaneerutissapput eqqaaqqinneqarnatillu. Kisianni pinngortitakka naassaanngitsumik tipaatsuutigalugillu qiimmattaatigissavasi. . . . [Silarsuarmi nutaami innuttaasut] illuliorumaarput namminneq inigisassaminnik viinnequtinillu ikkussuillutik inerititaat nerisassaminnik. Illuliaat allanit inigineqassanngillat ikkussugaalluunniit allanit nerineqassanatik, innuttakka orpiup pisoqaassusiatut utoqqaatigilissammata qinikkamalu nerissammatigit namminneq suliamik inerititaat. Sulilussinnassanngillat qitorniussanatillu tassanngaannaq toqusussanik, tassaagamik kinguaariit [Jehovap] pilluaqqusai qitornaminnik najorteqartussanngorlugit. Suli torlunngitsut akiumaarpakka sulilu qinulinngitsut tusassallugit.” “Soorlu qilak nutaaq nunalu nutaaq pinngortitassakka kiinnama saani atajumaartut, oqarpoq [Jehova], taamatut kinguaassasi atisilu atassapput.” — Esaja 65:17-25; 66:22.
Siunissaq nuanningaartoq pillugu siulittuutit
Esajap allagaaniinnaanngitsoq aamma Biibilip atuagartaani allani siunissaq qaamasoq siulittuutigineqarpoq. Biibili siulittuutinik ulikkaarpoq Guutip naalagaaffini Kristusikkoortoq aqqutigalugu naammassiumaagaanik nuannersorpassuarnik. * Pissutsini taamaattuni paratiiserpalaartuni inuulersinnaavutit Guutip siunissamut siunertai pitsaasut pillugit Biibilimi sorpiaat ajoqersuutigineqarnersut misissorukkit, paasigukkulu illit qanoq taakku eqquunneranni peqataasinnaasutit. Jehovap Nalunaajaasuisa nuannaarlutik ikiorusuppaatsit. (wp08 10/01-E)
[Quppernerup ataani ilanngussaq]
^ imm. 15 Guutip naalagaaffiata tamatumalu naammassiumaagai pillugit paasissutissat amerlanerusut atuakkami Hvad er det Bibelen virkelig lærer?-imi qupperneq 76-85-imiipput, Jehovap Nalunaajaasuinit saqqummersinneqartumi.
[Qupp. 8-mi assiliartaq]
Inuit eqqisseqatigiillutik inuussapput aamma uumasut eqqisseqatigissavaat
[Qupp. 9-mi assiliartaq]
Toqusut uummaqqissapput
[Qupp. 10-mi assiliartaq]
Nunarsuaq tamarmi paratiisinngussaaq