“Ilumoor­tumik oqas­sagaan­ni isumaqar­nar­poq ataasiul­lunilu pingasuus­susermik ajoqersuut 300-k­kut naaler­neran­ni isumas­sarsiarineqarsimasoq. Taman­na ilaatigut ilumoor­poq . . . Oqariar­taaseq ‘Guuti ataaseq kinaas­susilin­ni pingasuniit­toq’ 300-k­kut naajar­tor­nerat sioq­qul­lugu kristumiutut inuunermi kristumiutul­lu up­perisami aalajangiul­luar­neqar­nanilu ilan­ngutivin­neqan­ngilaq.” — New Catholic Encyclopedia (1967), atuagaq 14, qup­p. 299.

“Nikæami isumalioqatigiit maajip 20-an­ni ukiumi 325-mi ataatsimiip­put. Konstantin nam­mineq ataatsimiin­nermik aqutsivoq, oqal­lisigin­nin­nermi siut­tuul­luni nam­minerlu siun­nersuutigalugu . . . Guuti Kristusilu tas­saas­sasut kinaas­susilik ataaseq. Taman­naavorlu up­perisaq isumalioqatigiin­nit atulersin­neqar­toq . . . Kaasari siooragalugu biskop­pit tamarmik, marluk kisimik pin­natik, up­perisaq atulersin­neqar­toq atsior­paat, ilar­pas­suisa piumasamik akerlianik.” — Encyclopædia Britannica (1970), atuagaq 6, qup­p. 386.

“Stefanusili Anersaamik Il­ler­nar­tumik ilumioqangaarluni qilan­nut aarlorsimavoq, takuaalu Guutip naalan­nas­susia Jiisusilu Guutip taler­piata tungaani qeqar­toq. Oqar­porlu: ‘Maan­na isigaara qilak am­masoq Inuul­lu Er­nera Guutip taler­piata tungaani qeqar­toq.’” — Apustilit Suliaat 7:55, 56.

Takorruugaq taman­na sumik paasinarsisitsiva? Guutip nukinganik sulisumik ilumioqangaarluni Stefanusip Jiisusi takuaa “Guutip taler­piata tungaani qeqar­toq”. Tas­sa erseq­qip­poq Jiisusi qilam­mut makititaanermi kingor­na tas­saan­ngitsoq Guuti, tas­saasorli anersaaq al­la. Al­lamik Guutip sanianiit­toqar­nera eq­qaaneqan­ngilaq. Palasi dominikaaneri Marie-Émile Boismard Biibilimi ataasiul­lunilu pingasuus­susermut tapersiisin­naasorsioraluarluni atuak­kiamini À l’aube du christianisme — La naissance des dogmes-imi (Kristumius­sutsip qaaler­nerani — ajoqersuutit pileq­qaar­neran­ni) ima al­lap­poq: “Testamentitaami sumiluun­niit . . . Guutimi ataatsimi pingasunik kinaas­susileqar­nera pil­lugu atuar­neqarsin­naasumik soqan­ngilaq.”

Ataasiul­lunilu pingasuus­susermik ajoqersuum­mut Konstantinip siuarsagaanut siuner­taavoq 300-k­kun­ni ilagiin­ni isumaqatigiin­ngis­sutaarutitsiniaanis­saq. Ajoqersuul­li taman­na suli al­lamik apeq­qutis­saqar­titsiler­poq: Maria, ar­naq Jiisusimik er­niarin­nit­toq, ‘Guutimut anaanaava’?

Versit Biibilimeersut uku naleqqiutikkit: Mat­thæusi 26:39; Johan­nesi 14:28; 1 Korinthimiut 15:27, 28; Kolos­semiut 1:15, 16