Jehovap innuttani pilluartut katersortarpai
“Inuit, tassa angutit arnallu meeqqallu takornartallu illoqarfinni najugaqartut katersortittassavatit.” — 5 MOSESI 31:12.
1, 2. Ataatsimeersuarnerit pillugit allaaserisami matumani suut sammissavavut?
UKIORPASSUARNI Jehovap Nalunaajaasui ataatsimeersuartarsimapput. Ataatsimeersuarnerit ilaat inunnit nunanit tamalaaneersunit peqataaffigineqartarput. Ilarpassuatta ataatsimeersuarnerit taakkua ilarpassui peqataaffigisarpaat.
2 Ukiut tusindillit matuma siorna Guutip innuttai aamma ataatsimeersuartarsimapput. Ataatsimeersuarnerit Guutip innuttaasa najuuffigisimasai Biibilimi eqqaaneqartut pillugit ullumikkullu ataatsimeersuarnerit taakkualu qanoq assigiissuteqarneri pillugit maanna sammissavavut. Aamma sooq taakkununnga najuuttarneq uagutsinnut iluaqutaanersoq sammissavarput. — Tussiaat 44:2; Romamiut 15:4.
ITSAQ ULLUMIKKULLU ATAATSIMEERSUARNERIT PINGAARUTILLIT
3. (a) Jehovap innuttaasa ataatsimeersuarneranni siullermi Biibilimi eqqaaneqartumi qanoq pisoqarsimava? (b) Israelikkut qanoq nalunngilaat qaqugukkut katersuuttassanerlutik?
3 Ataatsimeersuarneq siulleq Biibilimi eqqaaneqartoq tassaavoq Israelikkut tamarmik Jehovamit ilinniartinneqarumallutik Qaqqap Sinajip eqqaani katersuunnerat. Pisimasoq taanna pallorfiginninnerup minguitsup oqaluttuarisaanerani ilumut immikkut ittuuvoq. Jehovap pissaanini Israelikkunnut takutippaa inatsisinilu tunniullugit. Ulloq taanna puiunngisaannarpaat. (2 Mosesi 19:2-9, 16-19; atuakkit 2 Mosesi 20:18; 5 Mosesi 4:9, 10). Ulloq taannarpiaq Israelikkut Guutimut attaveqarnerat allanngorluinnarpoq. Qaqqap Sinajip eqqaani ataatsimeersuarnerup tamatuma kingorna Jehovap Mosesi oqarfigaa innuttani qanoq katersorneqartassasut. Mosesi sølviusunik marlunnik qarlortaatilioqquaa, Israelikkullu nalunngilaat taakku atorlugit qarlortartoqaraangat “Toqqup Naapeqatigiittarfiup isaariaata killingani” katersuuttassallutik. (4 Mosesi 10:1-4) Takorlooriaruk inuiaat ataatsimeersuarniaraangamik qanoq qilanaartartigisimanerat!
4, 5. Sooq ataatsimeersuarnerit Mosesip Josvallu aaqqissuussaat pingaaruteqarpat?
5 Mosesi 28:69–29:14; 30: 15-20; 31:30.
4 Israelikkut ukiut 40-t missaanni inoqajuitsumeereersut Mosesip inuiaqatini katersortippai. Tamanna Israelikkut oqaluttuarisaaneranni piffissami pingaaruteqangaartumi pivoq. Ungasinngitsukkut nunamut neriorsuutigisamut isertussaapput, taamaattumillu piffissaalluarpoq Mosesip qatanngutini Jehovap iliuuserisimasaanik iliuuserisassaanillu tamanik eqqaasissallugit. —5 Immaqa tamatuma nalaani Mosesip ataatsimeersuartarnissaq immikkut ittoq eqqartorpaa. Ukiut arfineq-marlukkaarlugit tupiusaliorfimmi, angutit, arnat, meeqqat takornartallu tamarmik piffimmi Jehovap qinersimasaani katersuuttariaqartarput ‘inatsisit tusarsinnaaqqullugit Jehovap Guutimik mianerinissaa ilikkarsinnaaqqullugu oqaatsillu inatsimmi matumaniittut tamaasa maleruaqqissaarsinnaaqqullugit’. (Atuakkit 5 Mosesi 31:1, 10-12). Erseqqippoq Jehovap innuttami peqqussutiminik piumasaminillu ilinniarniarlutik katersuuttarnissaat kissaatigigaa. Kingusinnerusukkut Israelikkut nuna neriorsuutigisaq tiguareermassuk Josvap katersuuteqquai. Taamani inuiaat Guutimik nalusut Israelikkut avataanni najugaqarput, taamaattumik Josvap nalunngilaa Israelikkut Jehova ilumoorfigiuaqqullugu kajumissaarneqartariaqartut. Ulloq taanna Israelikkut Guutimut kiffartorumallutik uppernarsaapput. — Josva 23:1, 2; 24:1, 15, 21-24.
6, 7. Ukiuni kingullerni ataatsimeersuarnerit suut ingammik pingaaruteqarpat?
6 Ukiuni kingullerni aamma pingaaruteqarluinnartunik ataatsimeersuartoqartarsimavoq. Ataatsimeersuarnerni taakkunani peqatigiissortanut tunngatillugu allannguinerit Biibilimillu paasinninnitsinnik iluarsiinerit saqqummiunneqarsimapput. (Ussatit 4:18) Sorsunnersuup siulliup kingorna Biibilimik Atuaqqissaartartut ataatsimeersuarnerat pingaarutilik siulleq 1919-imi Cedar Pointimi, Ohiomi, USA-miittumi pivoq. Ataatsimeersuarnermi 7000-init najuuffigineqartumi silarsuaq tamakkerlugu oqaluussinerup immikkut suliniutigineqarnissaa nalunaarutigineqarpoq. 1922-mi aamma tassanerpiaq ataatsimeersuarnermi ulluni qulingiluani sivisussuseqartumi Joseph F. Rutherfordip oqalugiarnermini sunniuteqarluartumi tusarnaartut tamaasa Babylonersuup aserugaanissaata tungaanut sumi tamani oqaluussiuaqqullugit kajumissaarpai. Ima oqarpoq: “Silarsuarmiut paasisariaqarpaat Jehova Guutiusoq aamma Jiisusi Kristusi kunngit Kunngigigaat naalakkallu Naalagarigaat. Maannakkut oqaluttuarisaanerup pingaarnerpaaffiani inuuvugut. Ata, kunngi naalakkersuivoq! Ilissi oqariartortigaasi. Taamaattumik kunngi taassumalu naalagaaffia oqaluussissutigisigik, oqaluussissutigisigik, oqaluussissutigisigik.” Tamatuma kinguneraa ataatsimeersuarnermut najuuttut nunarsuarlu tamakkerlugu Guutip innuttaasa aallussilluarnerullutik oqaluussilernerat.
7 1931-mi Columbusimi Ohiomiittumi Biibilimik Atuaqqissaartartut ataatsimeersuarnermut najuuttut Jehovap Nalunaajaasuinik taaguuteqalernertik qiimmatsaatigeqaat. 1935-milu Washington D.C.-mi Saqqummersitani ‘inuppassuit amerlangaartut issiavissaarsuup sioraani Savaaqqallu saavani qeqartut’ eqqaaneqartut kikkuunersut qatanngummit Rutherfordimit nassuiarneqarpoq. (Saqqummersitat 7:9-17) Kingusinnerusukkut 1942-mi, sorsunnersuup aappaani, Nathan H. Knorr pissanganartumik oqalugiarpoq ima qulequtalimmik: “Eqqissineq — ataannarsinnaassava?” Nassuiarpaa ‘nersut annoraassatut aappallarissutut aappalutsigisoq’ Saqqummersitani kapitali 17-imi eqqaaneqartoq suunersoq oqarlunilu sorsunnersuup kingorna suli oqaluussingaartoqassasoq.
1950-imi New Yorkimi ataatsimeersuarneq nunanit tamalaanit peqataaffigineqartoq
8, 9. Sooq ataatsimeersuarnerit ilaat Guutip innuttaanut killitsinnartuusimappat?
8 1946-mi ataatsimeersuarnermi “Inuiaat nuannaartut”-mik qulequtalimmi qatanngut Knorr soqutiginartumik oqalugiarpoq ima qulequtalimmik: “Sanaqqiinermut alliliinermullu tunngatillugit unamminiagassat.” Qatanngutip tusarnaartut oqalugiaammik nuannaarutiginninnerat ima allaatigaa: “Immikkut pisinnaatitaaffigaara oqalugiartarfimmi [oqalugiartup] Jeremia 16:21.
tunuani issianera, Brooklynimilu naqiterivimmik Betelimillu alliliinissamut pilersaarutit eqqaammagit ersaartaattoqattaartupilussuuvoq. Inuit kiinaasa ataasiakkaat oqalugiartarfimminngaanniit takusinnaanngikkaluarlutigit malugisinnaavarput tusarnaartut nuannaarnerat.” 1950-imi New York City-mi ataatsimeersuarnermut nunanit tamalaanit peqataaffigineqartumut najuuttut nuannaarutigaat Biibilip ilaanik nutsigaq New World Translation of the Christian Greek Scriptures pigamikku. Kingusinnerusukkut nutsigaq taanna Biibilimik nutsikkamut oqaatsinut ullumikkut atorneqartunut ilaalerpoq, nutsikkamilu tassani Guutip aqqa pissusissamisoortumik atulerseqqinneqarpoq. —9 Aamma ataatsimeersuarnerit nunani Jehovap Nalunaajaasuinik malersugaaffiusimasuni oqaluussinermilluunniit inerteqquteqarfiusimasuni najuuttunut killitsinnangaarsimapput. Assersuutigalugu Adolf Hitlerip Jehovap Nalunaajaasui Tysklandimiittut nungusarniarsarai. 1955-imili Nürnbergimi Jehovap Nalunaajaasui 107.000-it Hitlerip tapersersortaalu katersuuttarfigisarsimasaanni ataatsimeersuarput. Najuuttut ilarpassui qiapput nuannaangaaramik! 1989-imi Polenimi qatanngutit 166.518-it ataatsimeersuarnerit pingasut “Guutimut-tunniusimaneq”-mik qulequtallit najuuffigaat. Najuuttut ilarpassui Sovjetunionimeersuupput Tjekkoslovakiameersuullutik nunanillu allanit Europap Kangisisuaneersuullutik. Taakkua ilaat Guutip kiffaanit taama amerlatigisunit najuuffigineqartunik aatsaat peqataapput, siusinnerusukkut amerlanerpaamik 15-init 20-nilluunniit najuuffigineqartunik katersuuttarsimapput. Aamma takorlooriaruk Kievimi Ukrainemi ataatsimeersuarnermi nunanit tamalaanit peqataaffigineqartumi “Guutimit ajoqersorneqartut”-mik qulequtalimmi 7402-t kuisimmata qanoq nuannertigisimassasoq. Jehovap Nalunaajaasuisa oqaluttuarisaaneranni ullormi ataatsimi aatsaat taama amerlatigisut kuisipput. — Esaja 60:22; Haggaji 2:7.
10. Ataatsimeersuarsimanerit suut ilinnut ingammik pingaaruteqarpat, aamma sooq?
10 Illit ataatsimeersuarnermik peqataaffigisimasannik ilinnut immikkut pingaaruteqartumik eqqaamasaqarpit? Immaqa illit ataatsimeersuaqqaarnerit imaluunniit ataatsimeersuarneq kuisiffigisimasat eqqaamavat. Pisimasut taakku illit Jehovamik pallorfiginninninnut pingaaruteqangaarput, taakkulu puiunngisaannarigit. Pisimasut taakku nuannersuupput! — Tussiaat 42:5.
NALLIUSSINERIT NUANNERSUT
11. Jehovap ukiut tamaasa nalliussinerit suut Israelikkunnit najuuffigineqartarnissaat piumasaraa?
11 Jehovap piumasaraa Israelikkut ukiut tamaasa Jerusalemimi nalliussinernut pingasunut katersuuttassasut. Nalliussinerit pingasut taakku tassaapput nalliussivik seernarsaateqanngitsumik timiusartorfik, sabbatip-akunneranik nalliussineq (aamma ullut 50-ianni nalliussivimmik taaneqartoq, kingusinnerusukkulli piinsimik taaneqartoq) aamma tupiusaliorfik. Guutip Israelikkut ima oqarfigai: “Angutitatit tamarmik ukiumut pingasoriarlutik . . . Naalakkap Guutivit kiinaata saanut sassartassapput.” (5 Mosesi 16:16; 2 Mosesi 23:14-17) Ilaqutariinni ittuusorpassuit paasivaat nalliussinerit taakku Jehovamik pallorfiginninnermut qanoq pingaaruteqartigisut, taamaattumillu ilaquttatik tamaasa ilagalugit nalliussiartortarput. — 1 Samueli 1:1-7; Lukasi 2:41, 42.
12, 13. Israelikkut ilarpassui nalliussiviit najuuffiginiarlugit ukiut tamaasa qanoq iliortariaqarpat?
12 Takorlooriaruk ilaqutariit Israelikkuusut angalanerat qanoq ilungersunartigisimasinnaasoq. Assersuutigalugu Josefi Marialu Nazaretimiit Jerusalemimukarniarunik 100 kilometerit missaanit angalasariaqarpaat. Meeqqat mikisut ilagalugit illit pisullutit taama ungasitsigisumut angalaniaruit qanoq sivisussutigissasoraajuk? Jiisusip nukappiaraalluni Jerusalemimut tikeraarnera pillugu oqaluttuami ersersinneqarpoq ilaqutariit ikinngutigiillu ilaannikkut angalaqatigiittartut. Eqqarsaatigeriaruk angalaqatigiillutillu igaqatigiittarnerat sumiiffinnilu takornartatut unnuiffissarsiortarnerat taakkununnga qanoq issimassasoq. Nalunngilarput angalanerat isumannaatsuusimasoq, Jiisusimi aqqaneq-marluinnarnik ukioqartoq angajoqqaavisa taanna nakkutiginngilaat. Takorlooriaruk nalliussinerit taakku puiunaatsuusimassasut, ingammik inuusuttunut! —13 Israelikkut nalliussivinnut najuuttartut ungasissumiit tikittarput nunanummi allanut siammarsimasimasuugamik. Ukiumi 33-mi piinsimi juutit allallu Jehovamik pallorfiginnittut nalliussiviit pingaartillugit ersersittarpaat, Italiamiit, Libyamiit, Kretamiit, Asiaaqqamiit Mesopotamiamiillu Jerusalemimukarnermikkut. — Apustilit Suliaat 2:5-11; 20:16.
14. Israelikkut ukiut tamaasa nalliussivinnut peqataagaangamik qanoq misigisarsimassappat?
14 Angalanerni taakkunani Israelikkunnut aalajaatsunut pingaarnerpaajusoq tassaavoq Jehovamik pallorfiginninneq taassuminnga asannittut tusindilikkuutaat peqatigalugit. Najuuttut qanoq misigisimassappat? Jehovap tupiusaliorfik pillugu innuttani oqaluukkamigit ima oqarfigai: “Nalliussivimmi tassani nuannaassaatit, ilagalugit ernerit paniillu, inussiaatit angut inussiaatillu arnaq, Levikkut takornartallu, iliarsuit uillarnerillu illit illoqarfinni najugaqartut. Ulluni arfineq-marlunni nalliussissaatit Naalakkamut Guutinnut najukkami Naalakkap qinerumaagaani. Naalakkammi Guutivit pilluaqqussavaatit naatitatit suliarisatillu tamaasa ilanngullugit. Taamaattumik nuannaaginnassaatit.” — 5 Mosesi 16:14, 15; atuaruk Matthæusi 5:3, NW. *
SOOQ ATAATSIMEERSUARNIVUT PINGAARTITTARIAQARPAVUT?
15, 16. Ataatsimeersuariarniarlutit illit suut pilliutiginikuuigit? Sooq taamatut pilliuteqarsimanerit nuannaarutigaajuk?
15 Jerusalemimi nalliussinerit ullumikkut Guutip innuttaanut ilinniutissaalluarput, ataatsimeersuarnivummi itsarlu katersuuttarnerit assigiissuteqarput. Soorlu itsaq Guutip innuttai, aamma ilarpassuatta ataatsimeersuariarniarlutik pilliuteqartariaqarput. Pilliuteqartarnerpulli nuannaarutigaarput ataatsimeersuarnerit qanoq iluaqutigitigisinnaanerivut nalunnginnatsigu. Ataatsimeersuarnerit suli pallorfiginninnitsinnut pingaaruteqangaarput. Guutimut attaveqarluartuarniarluta paasissutissat pisartakkavut Biibilimillu ilisimasaqarnerulerneq pisariaqartippavut. Ataatsimeersuarnivut Biibilimit ilikkakkatta malinnissaannut kajumississutigalugillu ajornartorsiutit pinngitsoortinnissaannut iluaqutigisarpavut. Aamma ineriartornartunik artorsaatissiinngitsunillu soqutigisaqarlutalu anguniagaqarnissatsinnut kajumississutigisarpavut. — Tussiaat 122:1-4.
Korea Kujalleq
16 Ataatsimeersuarnerit najuuttunut nuannaarutaajuaannarsimapput. 1946-mi ataatsimeersuarneq pillugu nalunaarusiami ima allassimasoqarpoq: “Jehovap Nalunaajaasui tusindilippassuit issiavimminni issiasut isigalugit nuanneqaaq, nuannerneruvorli nipilersoqatigiit nipilersornerat najuuttullu erinarsuutinik Naalagaaffilersaarutinik Jehova unnersiutigiumallugu erinarsornerat tusarnaarlugit.” Nalunaarusiami aamma eqqaaneqarpoq ataatsimeersuariarpassuit qatanngutitik kiffartuukkumagamikkit ataatsimeersuarnermi assigiinngitsutigut ikiuuttartut. Aamma illit ataatsimeersuarnermut najuunninni nuannaarneq taama ittoq misiginikuuiuk? — Tussiaat 110:3; Esaja 42:10-12.
17. Piffissap ingerlanerani ataatsimeersuarnerit aaqqissuunneqarnerinut tunngatillugu sunik allannguisoqarpa?
17 Piffissap ingerlanerani ataatsimeersuarnerit qanoq aaqqissuunneqarnerinut tunngatillugu allannguisoqarpoq. Assersuutigalugu ilaasa eqqaamasinnaavaat ataatsimeersuarnerit ullunik arfineq-pingasunik sivisussuseqartut. Ullaakkut, ualikkut unnukkullu saqqummiussisoqartarpoq! Aamma ataatsimeersuarnerit ulluisa ingerlaneranni najuuttut oqaluussisarput. Ilaannikkut ullaakkut qulingiluaniit unnukkut qulingiluap tungaanut saqqummiussisoqartarpoq. Kajumissutsimit sulisut nalunaaquttap-akunnerpassui ullaakkorsiutit, ulloqeqqasiutit unnukkorsiutillu piareersarniarlugit suleruloortarput. Nalitsinni ataatsimeersuarnivut taama sivisutigineq ajorput. Qatanngutillu tamarmik immikkut nerisassaminnik isumaginnittussanngoramik amerlanersaat saqqummiussassanik tusarnaaqqissaarsinnaapput.
Mozambique
18, 19. Ataatsimeersuarnerni suut ingammik qilanaarutigisarpigit, aamma sooq?
18 Amerlasuut ataatsimeersuarnerni ukiut tamaasa pisartut aalajangersimasut qilanaarisarpaat. Assersuutigalugu oqalugiaatit atuagassallu nutaat Biibilip siulittuutaanik ajoqersuutaanillu paasinninnissatsinnut iluaqutaasut aqqutigalugit ‘piffissaq eqqorlugu nerisassanik’ tunineqartarpugut. (Matthæusi 24:45) Atuakkat, atuagassiat allallu taakku iluaqutigalugit inuit sallusuissutinik Biibilimeersunik paasinninnissaannut ikiorsinnaavavut. Biibilimik oqaluttuat tunngavigalugit isiginnaagassiat iluaqutigalugit tamatta, inuusuttuugaluarutta utoqqaagaluaruttaluunniit, Jehovamut kiffartornissamut pissutiginiakkatsinnik eqqarsaatiginneqqissaarnissatsinnut silarsuullu eqqarsartaasiatut eqqarsarnaveersaarnissatsinnut kajumissaarneqartarpugut. Kuisittussanut oqalugiaat iluaqutigalugu tamatta inuunitsinni sunik pingaarnerpaatitsinitsinnik eqqarsaatiginneqqissaarsinnaavugut. Allallu Jehovamut tunniulluinnarnerminnik kuisinnikkut ersersitsinerat nuannaarutigisarparput.
19 Ukiuni tusindilippassuarni pallorfiginninnermi ilumoortumi ataatsimeersuartoqartarsimavoq. Taakku nuannaartuarnissatsinnut pissutsinilu imaannaanngitsuni Jehovamut aalajaattuarnissatsinnut iluaqutigisarlugillu kiffartornermi iliuuseqarnerunissatsinnut kajumississutigisarpavut. Ataatsimeersuarnerit iluaqutigalugit nutaanik ikinnguteqalersinnaallutalu nunarsuaq tamakkerlugu qatanngutigiissuarnut peqataanitsinnik pingaartitsinerulersinnaavugut. Ataatsimeersuarnerit aqqutigalugit Jehovap innuttani pilluaqqusarlugillu isumassortarpai. Taamaattumik ataatsimeersuarnerni saqqummiunneqartunut tamanut najuunnissarput aalajangiusimajuartigu. — Ussatit 10:22.
^ imm. 14 Matthæusi 5:3, NW: “Pilluarput anersaakkut pisariaqartitaqarnerminnik miserratiginninngitsut qilammiup naalagaaffia pigigamikku.”