Jehovap Jiisusillu utaqqisinnaassusiat ilinniarfigiuk
“[Paasiniarsiuk] Naalakkatta erinitsajuissusia ilissi annassutissarigissi.” — 2 PETRUSI 3:15.
1. Qatanngutit aalajaatsut ilaasa suna eqqarsaatigisarpaat?
QATANNGUT arnaq utoqqaq ajornartorsiuteqaraluarluni ukiorpassuarni aalajaalluni Jehovamut kiffartortoq ima maniguulluni aperivoq: “Toqutinnanga naggatissaq misigissanerpara?” Ukiorpassuarni Jehovamut kiffartortut allarpassuit aamma tamanna eqqarsaatigisarpaat. Ulloq Guutip sunik tamanik nutaanngortitsiffissaa ajornartorsiutitsinnillu piiaaffissaa qilanaaraarput. (Saqqummersitat 21:5) Saatanip pissutsinik aaqqissuussinerata naggatissaata qanillineranik upperinninnitsinnut pissutissarpassuaqaraluartoq tamatuma naammagittarluni utaqqinissaa sapernarsinnaavoq.
2. Utaqqisinnaassuseq pillugu apeqqutit suut akineqassappat?
2 Biibilimi erseqqippoq erinitsajuitsuusariaqartugut, imaluunniit naammagittarluta utaqqisinnaasariaqartugut. Itsaq kiffat aalajaatsut pisimanerattut Guutip neriorsuutaasa piviusunngortinneqarnissaat misigissavarput upperluartuullutalu piffissap aalajangigaata nalliunnissaa naammagittarluta utaqqigutsigu. (Atuakkit Hebræerit 6:11, 12). Jehova nammineq utaqqisinnaassuseqarpoq. Qaqugukkulluunniit ajussuseerutitsisinnaagaluarpoq, piffissarli eqqortoq utaqqivaa. (Romamiut 9:20-24) Sooq taama sivisutigisumik utaqqiva? Jiisusip uagutsinnut maligassiuisup Ataatami utaqqisinnaassusia qanoq ilaarsimavaa? Jehovatut naammagittarluni utaqqisinnaassuseqarneq qanoq iluaqutigisinnaavarput? Apeqqutinut taakkununnga akissutaasut utaqqisinnaanerulernissamut upperluarnerulernissamullu iluaqutigisinnaavavut Jehova mullussisorigaluarlutigu.
SOOQ JEHOVA UTAQQISINNAASSUSEQARPA?
3, 4. (a) Sooq Jehova utaqqisinnaassuseqarpa? (b) Edenimi pikitsitsisoqarmat Jehova qanoq iliorpa?
3 Jehovamit qilammi nunarsuarmilu oqartussaanerusoqanngilaq, ajornartorsiutillu tamarmik peerneqarnissaannut utaqqisariaqanngilaq. Jehovali utaqqinerminut pissutissaqarluarpoq. Hebræerit 4:13.
Edenimi pikitsitsisoqarmat apeqqutit pingaarutillit akineqartariaqalerput, akissutaasullu qilammiittut nunarsuarmiittullu iluaqutigissavaat. Jehovallu nalunngilaa apeqqutit akineqarluassappata piffissaq sivisooq atorneqartariaqartoq. Pinngortitani qilammiittut nunarsuarmiittullu tamaasa nalunngilluinnaramigit iliuuserisartagai tamatigut uagutsinnut iluaqutaasarput. —4 Jehovap siunertaraa Adamikkut kinguaavinit nunarsuaq ulikkarneqassasoq. Saatanip Eva salloqittarmagu Adamilu naalanngimmat Guuti paatsiveerutinngilaq, eqqarsaqqaarnani iliuuseqanngilaq, inuiaalluunniit sussakkiinngilai. Pilersaarusiorporli inunnut nunarsuarmullu siunertani naammassisinnaajumallugu. (Esaja 55:11) Siunertani naammassiniarlugu kisimilu oqartussaanini akitsisinniarlugu imminut naalakkersinnaassuseqangaarlunilu utaqqisinnaassuseqangaarpoq. Aap, allaat Jehova ukiuni tusindilinni utaqqivoq siunertami ilai pitsaanerpaamik naammassiniarlugit.
5. Jehova utaqqisimammat pilluaqqussutisiassanut sunut periarfissinneqarpugut?
5 Jehovap naammagittarluni utaqqineranut pissutaasoq alla tassaavoq inuit amerlanerusut naassaanngitsumik inuulersinnaanissamut periarfissinneqarnissaat. Maannakkorpiaq ‘inuppassuit amerlangaartut’ annaanneqarnissaat piareersarpaa. (Saqqummersitat 7:9, 14; 14:6) Oqaluussisarnitsigut Jehovap inuit naalagaaffini najoqqutassianilu naapertuilluartut pillugit ilinniarnissamut kajumissaarpai. ‘Naalagaaffimmik iivangkiiliu’ inuiannut tusagassaavoq nuannersoq, aap, nutaarsiassaavoq nuannernerpaaq! (Matthæusi 24:14) Inuit Jehovap kajungilersitai silarsuaq tamakkerlugu taassuma peqatigiissortaanut ilannguttarlutillu naapertuilluarnermik nuannarinnittunik ilumoortunik ikinnguteqalertarput. (Johannesi 6:44-47) Guutitta asannittup tamakku tamaasa iliuuserisarpai inuit imminit iluarisaalernissaannut ikiorniarlugit. Aamma qilammi naalagaaffimmini inuit naalakkersuisooqataalersussat toqqarpai. Taakku qilammiilerunik inuit naalattut nunarsuarmiittut naammalluinnartunngoriartuaarnissaannut naassaanngitsumillu inuulernissaannut ikiussavaat. Jehova allaat naammagittarluni utaqqitilluni neriorsuutini naammassiniarlugit suliuarpoq — uagut iluaqutissatsinnut.
6. (a) Noap nalaani Jehovap utaqqisinnaassutsini qanoq ersersippaa? (b) Nalitsinni Jehova utaqqisinnaassutsiminik qanoq ersersitsiva?
6 Jehova ajortisaarneqartilluni allaat utaqqisinnaassuseqartarpoq. Assersuutigalugu eqqarsaatigeriaruk Jehovap ulersuup siorna ajussuseqarneranik iliuuseqarfiginninnera. Jehovap inuit ajortunngorsimangaarnerat pissutigalugu nunarsuup kinguaassiuutitigut inuunerlunnermik nakuusernermillu ulikkaarnera ‘uummammigut anniaatigilerpaa’ (1990). (1 Mosesi 6:2-8) Soorunami ajussuseqartuarnissaa akueriinnarsimanngilaa. Taamaattumik aalajangerpoq inuiannut naalaanngitsunut ulersuartitsiniarluni. ‘Guuti nikallujuilluni utaqqitilluni’ Noa ilaqutaalu annaanniarlugit pisariaqartumik iliuuseqarpoq. (1 Petrusi 3:20) Piffissanngormat Jehovap Noa ulersuaqartitsinialernerminik paasitippaa umiarsualioqqullugulu. (1 Mosesi 6:14-22) Jehovap aamma aseruinissarsuaq pillugu Noap inoqatiminik mianersoqqusinissaa kissaatigaa. Biibilimi allassimavoq ‘Noa iluarnermik nalunaariartortitaasoq’. (2 Petrusi 2:5) Jiisusi oqarpoq nalerput Noap nalaanisut issasoq. Jehovap aalajangereerpaa qaqugu pissutsit aaqqisuussaanerat ajortoq manna atuuttoq suujunnaarsissallugu, inuulli kialuunniit naluaa qaqugu qassinulluunnit tamanna pissasoq. (Matthæusi 24:36) Ullumikkut inunnik mianersoqqusinissamik qanorlu annassinnaanerannik paasisitsinissamik Guutimit suliassinneqarpugut.
7. Jehova neriorsuutiminik piviusunngortitsiniaasaarpallaarpa? Nassuiaruk.
7 Jehova utaqqisinnaassuseqarami imaanngilaq iliuuseqarnani utaqqiinnartoq. Isumaqanngisaannassaagut soqutiginngikkaatigut isumassorumanngikkaatigulluunniit! Taamatulli oqartoqariaannaasinnaavoq utoqqalisimalluniluuunniit ajornartorsiuteqaraanni. Nikallorsinnaavugut misigisinnaallutaluunniit Hebræerit 10:36) Puiunngisaannaruk utaqqisinnaassuseqarnerminut pissutissaqarluarnera utaqqinerminilu kiffami aalajaatsut iluaqutissaannut piffissamik atorluaanera. (2 Petrusi 2:3; 3:9) Jiisusip Ataatami utaqqisinnaassusianik ilaarsinera qanoq ilinniarfigisinnaaneripput sammilaariartigu.
Guuti neriorsuutiminik piviusunngortitsiniaasaarpallaartoq. (UTAQQISINNAASSUSEQARNERMIGUT JIISUSI QANOQ MALIGASSAALLUARPA?
8. Sutigut Jiisusi utaqqissinnaassuseqarpa?
8 Jiisusi Guutip piumasaatut iliortarpoq, ukiunilu tusindilippassuarni nuannaarluni taamaaliortarpoq. Saatani pikitsitsimmat Jehova aalajangerpoq ernituani nunarsuarmukartinniarlugu Missiarsinngortinniarlugulu. Jiisusip utaqqisinnaassusia eqqarsaatigeriaruk — ukiuni tusindilippassuarni piffissanngornissaata tungaanut naammagittarluni utaqqisariaqarpoq. (Atuaruk Galatiamiut 4:4). Utaqqiinnarnani Ataatami suliassiissutaa ulapputigaa. Aamma nalunngilaa nunarsuarmut kiisami piguni siulittuutigineqartutut Saatanip toqutaatittussaagaani. (1 Mosesi 3:15; Matthæusi 16:21) Naalliutsinneqangaartussaagaluarluni naammagittarluni Guutip piumasaatut iliorusuppoq. Jiisusi imminut eqqarsaatiginngilaq. Guutimut ernerugaluarluni maniguullunilu kajumilluni naalliutsinneqarnini akueraa. Jiisusi Guutimut ilumoorfiginninnermut tunngatillugu maligassaalluarpoq, uagullu Jiisusi ilaartariaqarparput. — Hebræerit 5:8, 9.
9, 10. (a) Jehova utaqqitillugu Jiisusi sua? (b) Jiisusip isiginnittaasia qanoq ilaarsinnaavarput?
9 Jiisusi makitinneqarnermi kingorna qilammi nunarsuarmilu oqartussaassusilerneqarsimavoq. (Matthæusi 28:18) Jehovap siunertaa naammassiumallugu oqartussaassutsini tamatigut atortarpaa piffissarlu aalajangigaa eqqorlugu tamatigut iliuuseqartarluni. Jiisusi Guutip talerpiata tungaani naammagittarluni utaqqivoq 1914-imi akeqqani isikkaminut tummarfiliunneqarserlugit. (Tussiaat 110:1, 2; Hebræerit 10:12, 13) Qanittukkut Saatanip aaqqissuussinera suujunnaarsissavaa. Utaqqitilluni inuit Guutimit iluarineqaleqqullugit ikiorlugillu ‘puilasunut inuussutaasunut ingerlatippai’. — Saqqummersitat 7:17.
10 Paasiviuk Jiisusip utaqqisinnaassusia qanoq ilaarsinnaanerlugu? Jiisusip nalunngilaa Jehovap iliuuseqarnissaminut piffissaq aalajangereersimagaa. Soorunami Jiisusip Ataatami iliuusereqqusai malillugit iliuuseqarnissani qilanaaraa, Guutilli piffissaq aalajangigaa utaqqerusuppaa. Uaguttaaq Saatanip pissutsinik aaqqissuussinerata ajortup naggatissaata qanilliartornerani utaqqisinnaassuseqartariaqarpugut. Jehova utaqqisariaqarparput, nikalloruttalu uniinnassanngilagut. Taamatut utaqqisinnaassuseqarumalluta susinnaavugut?
GUUTIP UTAQQISINNAASSUSIA QANOQ ILAARSINNAAVARA?
11. (a) Utaqqisinnaasuseq uppernerlu qanoq imminnut attuumassuteqarpat? (b) Sooq upperluartuunissatsinnut pissutissaqarpugut?
11 Jiisusip nunarsuarmukannginnerani pruffiitit kiffallu aalajaatsut allat maligassiuinermikkut ersersippaat inuit naammalluinnanngitsut naammagittarlutik utaqqisinnaasut. Utaqqisinnaanerat uppernerannut attuumassuteqarpoq. (Atuakkit Jaaku 5:10, 11). Jehovap imminnut oqaasii upperinngikkunikkit neriorsuutaasa piviusunngornissaat naammagittarlutik utaqqiumanavianngilaat, ilaa? Misilinneqangaartaraluarlutik aalajaapput Guuti neriorsuisimanermisut iliuuseqarumaartoq upperigamikku. (Hebræerit 11:13, 35-40) Ullumikkut uagut upperluarnissatsinnut suli pissutissaqarneruvugut Jiisusi ‘uppernitsinnik naammasisitsisunngormat’. (Hebræerit 12:2) Siulittuuterpassuit eqquutitimmagit Guutillu siunertaa paasisinnaaqqullugu ikiormatigut uppernitsinnut tunngavissaqarluarpugut.
12. Upperluarnerulerumalluta susinnaavugut?
12 Qanoq ililluta upperluarnerulersinnaavugut, taamaalillutalu utaqqisinnaassuseqarnerulersinnaalluta? Pingaaruteqarpoq Guutip siunnersuutaanik maleruaanissarput. Assersuutigalugu Matthæusi 6:33-miittoq eqqarsaatigeriaruk. Kajumissaarut tamanna malikkumallugu iliuuseqarnerusinnaavit? Immaqa oqaluussinermi piffissaq annerusoq atorsinnaavat, inooriaatsilluunniit pisariillisarsinnaavat. Puioqinagu Jehovap iliuuseqangaarsimaninnik pilluaqqusisimanera. Immaqa Biibilimik atuaqqissaaqatitaartippaatit, ‘eqqissinermilluunniit siuneqassusernit tamanit annerungaartumik’ tunivaatit. (Atuaruk Filippimiut 4:7). Jehovap siunnersuutaanik maleruaajuarnikkut pilluaqqussutaasut taakku eqqarsaatigeqqissaartarukkit paasilissavat utaqqisinnaassuseq qanoq iluaqutaatigisoq. — Tussiaat 34:9.
Guutip naalagaaffianik siulliullugu noqqaassutiginninnissamik kajumissaarut13. Upperluarnerulerneq utaqqisinnaassuseqarnerulernerlu sumut assersuunneqarsinnaappat?
13 Uppernitsigut utaqqisinnaassuseqarnerunissarput paasiumallutigu assersuusiaq sammeriartigu. Naasorissaasoq siaruarterisarpoq, nunaatini paarisarpai katersuisarlunilu. Katersugassaqarluaraangami siaruartereqqinnissani qilanaarinerusarpaa. Immaqa aappaaguani narsaatini annerusoq siaruarteriffigissavaa. Siaruarterivoq nalunngikkaluarlugu katersuinissaminut utaqqigallartussaalluni. Katersuinissani qularutiginngilaa. Tamatumunnga assingusumik Jehovap siunnersuutai ilinniarutsigit, malikkutsigit pilluaqquneqaruttalu Jehova tatiginerulissavarput. Aamma upperluarnerulissaagut, siunissamilu pilluaqqussutisiassatta pinissaat qularutiginngilluinnaratsigu utaqqinissaat ajornannginninngussaaq. — Atuakkit Jaaku 5:7, 8.
14, 15. Inuit naalliuutaat qanoq isigisariaqarpavut?
14 Utaqqisinnaassuseqarnerulernissatsinnut pingaarutilik alla tassaavoq silarsuarmi pisartunut uagullu nammineq atukkatsinnut Jehovap isiginnittaasiatut isiginnittaaseqarnissaq. Assersuutigalugu eqqarsaatigeriaruk Jehova inuit naalliuutaat pillugit qanoq misigisimanersoq. Sivisoorujussuarmik Jehovap inuit naalliunnerat isigisimavaa, tamannalu aliasuutigaa. Taamaakkaluartorli suli ajunngitsuliortuarpoq. Erni aallartippaa ‘Diaavulup 1 Johannesi 3:8) Ajussuseq naalliuutillu atuukkallaannartuupput, Guutilli aaqqiissutissai ataavartuussapput. Taamaattumik silarsuarmi ajussuseqarnera pissutigalugu uppernikilliumanataluunniit ajussutsip atuukkunnaarnissaanik qilanaarinninnerput pissutigalugu naammagittaatsunngorumanngilagut. Guutip neriorsuutai upperiuartigit. Jehova aalajangereersimavoq ajussuseq qaqugorpiaq atuukkunnaarsissanerlugu, piffissarlu eqqorlugu akuliutissaaq. — Esaja 46:13; Nahumi 1:9.
suliaanik suujunnaarsitsiartortillugu’ Saatanillu inunnik ajoqusiinerinik tamanik aaqqiiartortillugu. (15 Ulluni kingullerni makkunani erloqinartuni uppernitsigut misilinneqangaarsinnaasarpugut. Immaqa uagut nammineq nakuusserfigineqassaagut, asasattaluunniit ilaat nakuusserfigineqassalluniluunniit arlaatigut naalliutsinneqassaaq. Kamannatali Jehovamik tatiginnilluinnarnerput aalajangiusimasariaqarparput. Naammalluinnaanngitsuugattali tamanna imaannaasanngilaq. Jiisusilli isiginnittaasia Matthæusi 26:39-imi eqqaaneqartoq eqqaamajuk. — Atuaruk.
16. Naggatissap qanillinera utaqqitillugu suna mianersuutigisariaqarparput?
16 Naggatissap qanillinera qularigaanni kukkusumik isiginnittaaseqaleriartuaartoqarsinnaavoq. Jehova neriorsuinermisut iliuuseqarniarunnaassasoralugu immaqa siunissaq qulakkeerniarlugu pilersaarusiortoqalersinnaavoq. Immaqa ima eqqarsartoqarpoq: ‘Takussavarput Jehovap neriorsuutai piviusunngussanersut.’ Taamatut eqqarsartaaseqarluni utaqqisinnaassuseqarnissaq sapernarnerussaaq. Tamatuma kingunerisaanik Guutip naalagaaffia siulliullugu noqqaassutigiunnaarlugu silarsuarmi tusaamasanngornissaq aningaasaqarnikkulluunniit toqqissisimanissaq anguniarneqalersinnaavoq. Imaluunniit maannakkut ilorrisimaarnartumik inuuniarluni qaffasissumik ilinniagaqarnissaq aalajangiuneqarsinnaavoq. Tamannali uppernikinnermut ersiutaassaaq, ilaa? Eqqaamajuk Paulusip kajumissaaraatigut ‘uppernertik nikallujuinnertillu’ pissutigalugit Guutimit neriorsorneqarnermissut pilluaqqussutisisut ilaaqqullugit. (Hebræerit 6:12) Jehovap silarsuarmik ajortumik matuminnga suujunnaarsitsinissani aalajangiutereerpaa, ‘kingusinaarnavianngilarlu’. (Habakkuki 2:3, NW) Tamanna nalliutserlugu mianersuutigisariaqarparput qallikkuinnaq Jehovamut kiffartunnginnissarput. Eqqaamasariaqarpulli ulluni kingullerni inuulluta, sapinngarsarpullu tamaat oqaluussisariaqarpugut. Taamaaliorutta allaat massakkut nuannaangaarsinnaavugut. — Lukasi 21:36.
UTAQQISINNAASSUSEQARUTTA SUUT PILLUAQQUSSUTISIARISSAVAVUT?
17, 18. (a) Sumik uppernarsaanissamut periarfissinneqarpugut? (b) Utaqqisinnaassuseqarutta suut pilluaqqussutisiarissavavut?
17 Qaammatialunni ukiorpassuarniluunniit Guutimut kiffartorsimagaluarutta naassaanngitsumik taassumunnga kiffartorusuppugut. Utaqqisinnaassuseq, imaluunniit erinitsajuissuseq, iluaqutigalugu Jehovap akuliunnissaata tunngaanut pinertusaartuarsinnaavugut qanorluunniit sivisutigisumik utaqqisariaqaraluarutta. Jehovap periarfissippaatigut aalajangikkaminik upperinnilluinnarnitsinnik atinilu pissutigalugu naalliuuteqaraluarluta aalajaattuarumanitsinnik uppernarsaanissamut. (1 Petrusi 4:13, 14) Jehovap ilinniartitsinermigut pisariaqartumik utaqqisinnaassuseqalernissatsinnut ikiortarpaatigut. — 1 Petrusi 5:10.
18 Jiisusip qilammi nunarsuarmilu tamanut oqartussaagami aalajaattuaruit illersortuarsinnaavaatit. (Johannesi 10:28, 29) Siunissaq, allaat toqu, siooragineqartariaqanngillat. Naggatissamut nikallujuittuartut annaanneqassapput. Taamaattumik silarsuarmit tammartinneqarnaveersaartariaqarlutalu Jehovamik tatiginnikkunnaarnaveersaartariaqarpugut. Piffissaq Guutip suli utaqqisinnaassuseqarfia atorluarlugulu uppernikkut nakussatsinneqarnissarput aalajangiusimajuartigu. — Matthæusi 24:13; atuakkit 2 Petrusi 3:17, 18.