1. Paulusip ilagiin­nut al­lak­kamini suna arlaleriarluni eq­qaavaa?

APUSTILIP Paulusip up­peqatiminut al­lak­kamini arlaleriarluni eq­qaavaa neriuutigalugu ilagiin­ni anersaaq Guutimit Kristusimil­lu akuerineqarsin­naas­sasoq. As­sersuutigalugu Galatiamiunut ima al­lap­poq: “Qatan­ngutit, Naalak­kat­ta Jiisusi-Kristusip saam­maan­nerata anersaarsi najorliuk! Amen.” (Galatiamiut 6:18) Al­las­simam­mat “anersaarsi” sunaana pigaa?

2, 3. (a) Paulusip al­lak­kamini oqaaseq ‘anersaaq’ ilaan­nik­kut atoraangamiuk suna pisar­paa? (b) Isigin­nit­taatsitsin­nut tun­ngatil­lugu im­minut qanoq aperisariaqar­pugut?

² Paulusip matumani oqaaseq ‘anersaaq’ atoramiuk isigin­nit­taaser­put, eq­qarsar­taaser­pul­luun­niit, oqaatsitsin­nut iliuutsitsin­nul­luun­niit pis­sutaasar­toq pivaa. Inuk inus­siar­nersuusin­naavoq, in­nimit­tar­tuusin­naavoq, saamasuusin­naavoq, tuk­kor­tuusin­naavoq isumak­keerfigin­nit­tuusin­naal­luniluun­niit. Biibilimi ‘piuaatsumik qanilaar­tumil­lu anersaaqar­neq’ iluarineqar­poq. (1 Petrusi 3:4) Inuk al­la tusangiasaarisar­tuusin­naavoq, pigisalerituusin­naavoq, kif­faan­ngis­suseqarusut­tuusin­naavoq ajual­lajasuusin­naal­luniluun­niit. Al­lat al­laat kan­ngunar­tunik eq­qarsaateqar­tarsin­naap­put Guutimul­luun­niit pikitsitsiumatuujusin­naal­lutik.

³ Taamaat­tumik Paulusip oqariar­taaseq “Naalak­kap anersaat najorliuk” atoramiuk qatan­ngutini kajumis­saar­pai Kristusi ilaaq­qul­lugu Guutimil­lu akuerineqarsin­naasumik isigin­nit­taaseqaq­qul­lugit. (2 Timotheusi 4:22; atuakkit Kolossemiut 3:9-12). Ul­lumik­kut im­minut ima aperigut­ta iluaqutaas­saaq: ‘Qanoq isigin­nit­taaseqar­punga? Guutimit akuerineqarsin­naajumal­lunga qanoq ilil­lunga pitsaanerusumik isigin­nit­taaseqalersin­naavunga? Qanoq ilil­lunga ilagiin­ni ajun­ngitsumik isigin­nit­taaseqar­nis­samut iliuuseqar­nerusin­naavunga?’ Tamatumun­nga tun­ngatil­lugu naasut niviarsiar­pas­suit takorlooriak­kit. Niviarsis­sat sik­ker­neri tamarmik im­mik­kut asimi kusas­saataasar­put. Aam­ma il­lit sik­ker­ner­tut ip­pit? Il­lit ilagiit kusanas­susian­nut sun­niuteqaqataasunut  ilaavit? Tamat­ta taman­na sulis­sutigisariaqar­par­put. Maan­na sam­mis­savar­put Guutimit akuerisaasin­naasumik qanoq isigin­nit­taaseqarsin­naanerluta.

4.  “Silarsuup anersaava” qanoq paasisariaqar­pa?

⁴ Biibilimi ima al­las­simasoqar­poq: “Uagut silarsuup anersaava pin­nagu Anersaaq Guutimit pisoq pis­sarsiaraar­put.” (1 Korinthimiut 2:12) “Silarsuup anersaava” qanoq paasisariaqar­pa? Efesosimiuni 2:2-mi anersaaq taan­na pineqar­poq, tas­sani ima al­las­simasoqarami: “Sior­natigut inuuf­figisas­sin­ni tamaani inuunersi aalajanger­neqar­tit­taral­laras­siuk silarsuup matuma pis­suserisaanit silaan­narsuul­lu naalagaaf­fiani naalagaasumit, naalas­seriitsut qitor­naan­nut sun­niuteqar­tuar­tumit.” ‘Silaan­narsuaq’, imaluun­niit “silarsuup anersaava”, tas­saavoq silarsuarmiut eq­qarsar­taasiat. Taan­na silaan­nar­tut nalingin­naasutut najuus­sor­tar­par­pul­lusooq. As­sersuutigalugu ul­lumik­kut inup­pas­suit ima isumaqar­tar­put: ‘Oqarfigineqas­san­ngilanga qanoq ilius­sanersunga!’ imaluun­niit ‘pisin­naatitaaf­fitit sorsuutiginiak­kit!’ Taamatut isigin­nit­taseqar­tut tas­saap­put Saatanip silarsuaani ‘naalas­seriitsut qitor­naat’.

5. Israelik­kut ilaat qanoq ajor­tumik isigin­nit­taaseqar­pat?

⁵ Inuit itsarli taamatut isigin­nit­taaseqar­tarsimap­put. Mosesip nalaani Kora Israelimi ilagiin­ni oqar­tus­saasunut pikitsitsivoq. Ingam­mik Aroni taas­sumalu er­neri, palasitut kif­far­tor­tut, as­suarai. Im­maqa Korap taak­kua naam­mal­luin­nan­ngis­sutaat maluginiar­tarsimavai. Isumaqarsimasin­naasimavorluun­niit Mosesip eq­qarlini kisiisa im­mik­kut pisin­naatitaaf­filersorai. Kora qanorluun­niit eq­qarsarsimagaluar­pat erseq­qip­poq Jehovatut isigin­nit­taaseqan­ngitsoq. Korap angutinik Jehovamit toq­qar­neqar­tunik ataq­qin­nin­ngin­nini ersersip­paa ima oqarfigamigit: “Sualup­pal­laaleqaasi!” Imalu aperai: “Sooq Naalak­kap ilagiis­saanit pingaar­nerutin­niar­pisi?” (4 Mosesi 16:3) Taamatut­taaq Datanip Abiramil­lu Mosesi naam­magit­taal­liutigalugulu naalagaaniar­pal­laar­nerar­paat. Mosesip qaaq­qum­matik ima akip­put: “Naamik, agger­nian­ngilagut!” (4 Mosesi 16:12-14) Jehovap pikitsitsiumatuut taak­ku isigin­nit­taasiat akuerin­ngil­luin­naramiuk tamaasa piuneerup­pai. — 4 Mosesi 16:28-35.

6. Ukiuni hundredelin­ni siul­ler­ni angutit ilaat qanoq eq­qun­ngitsumik isigin­nit­taaseqar­pat, qanorlu isumaqarsimas­sap­pat?

⁶ Ukiuni hundredelin­ni siul­ler­ni angutit ilaasa ilagiin­ni oqar­tus­saas­susiler­neqarsimasut isor­nar­torsior­paat ‘Naalak­kal­lu naalagaas­susia asigin­narlugu’. (Judasi 8) Angutit taak­ku isumaqarsiman­nguatsiar­put akisus­saaf­feqar­nerusariaqaraluarlutik. Al­lal­lu Guutimit akisus­saaf­filer­neqarsimasunik ilagiin­nilu sulias­samin­nik sapin­ngisamin­nik pitsaaner­paamik naam­mas­sin­nin­niar­tunik ataq­qin­nik­kun­naarsin­niaraluar­paat. — Atuakkit 3 Johannesi 9, 10.

7. Qanoq isigin­nit­taaseqar­naveersaar­tariaqar­pugut?

⁷ Taamatut ilagiin­ni isigin­nit­taaseqar­neq tul­luan­ngilaq, taamaat­tumik ilagiin­niit­tut tamarmik taamatut eq­qarsar­taaseqaler­naveersaar­tariaqar­put. Utoq­qaaner­tat naam­mal­luin­nan­ngitsuup­put soorlu Mosesip nalaani apustilil­lu Johan­nesip nalaani utoq­qaaner­tat naam­mal­luin­nan­ngitsuusut. Utoq­qaaner­tat kuk­kusin­naap­put uatsin­nut inut­tut ataasiak­kaatut sun­niuteqar­tunik. Taamatut misigisaqarut­ta silarsuarmiutut isigin­nit­taaseqas­san­ngilagut imalu oqarluta: “Naaper­tuil­luar­tumik pineqar­tariaqar­punga!” imaluun­niit “Qatan­ngut taan­na utoq­qaaner­taasin­naan­ngilaq!” Eq­qaamasariaqar­par­put Jehova aalajangersin­naam­mat utoq­qaaner­tat kuk­kulaar­neri isigin­ngitsuusaar­niarlugit. Uagut­taaq taamatut aalajangersin­naavugut? Ingasat­tumik ajor­tuliorsimasut ilaasa utoq­qaaner­tat im­min­nik ikiuisus­sat pis­susiisa ilaat nuan­narineq ajor­paat, taamaat­tumil­lu utoq­qaaner­tat taak­ku oqaloqatigiumasan­ngilaat. Taak­ku nakorsiamut nakorsap pis­susiisa ilaan­nik  nuan­narin­nin­ngin­nami katsorsar­tik­kusun­ngitsumut as­sersuun­neqarsin­naap­put.

8. Ilagiin­ni utoq­qaaner­tanut eq­qor­tumik isigin­nit­taaseqar­nis­satsin­nut al­las­simaf­fiit suut iluaqutigisin­naavavut?

⁸ Taamatut isigin­nit­taaseqar­naveersaarsin­naavugut eq­qaamagutsigu Jiisusip ‘ul­loris­sat arfineq-marluk taler­pim­minik tigumiarai’. “Ul­loris­sat” tas­saap­put utoq­qaaner­tat tanitat, taak­kuli pil­lugit al­laatigineqar­tut ilagiin­ni utoq­qaaner­tanut tamanut tun­ngatin­neqarsin­naap­put. Jiisusip “ul­loris­sat” tigum­miani iluarisaminik qanorluun­niit iliuuseqarfigisin­naavai. (Saq­qum­mersitat 1:16, 20) Jiisusip ilagiin­nut niaquusutut utoq­qaaner­taqatigiin­ni qanor­piaq pisoqar­nersoq ilisimavaa. Taas­suma ‘isai ikualaner­tut ip­put’, sunalu tamaat takusin­naavaa. Taamaat­tumik utoq­qaaner­taq oqaaq­qis­saar­neqar­tariaqar­pat Jiisusip pif­fis­saq eq­qorlugu kis­saatigisamisul­lu oqaaq­qis­saar­neqar­tis­savaa. (Saq­qum­mersitat 1:14) Jiisusip iliuuseqar­nis­saata tungaanut utoq­qaaner­tat, Jiisusip ‘taler­pianiit­tut’, ataq­qisariaqar­pavut. Paulusi ima al­lap­poq: “Siulersor­tisi naalas­sigit peq­qusaal­lu maleruarlugit, taak­kuami tar­nisi pigaap­paat nalun­ngin­namik­ku taak­ku pil­lugit akisus­saatitaajumaarlutik. Taamaaliorsin­naalit nuan­naarlutik anersaarulun­natil­li; taamaan­ngip­pam­mi ilis­si taman­na atugarliuutigis­savarsi.” — Hebræerit 13:17.

9. (a) Kristumiu oqaaq­qis­saar­neqaruni qanoq isigin­nit­taaseqarsin­naava? (b) Oqaaq­qis­saar­neqaraangat­ta qanoq iliorut­ta iluaqutaanerus­sava?

⁹ Kristumiup utoq­qaaner­tanit oqaaq­qis­saar­neqaruni akisus­saaf­feqarun­naarsin­neqaruniluun­niit ajun­ngitsumik ajor­tumil­luun­niit isigin­nit­taaseqar­nini ersersis­sin­naavaa. Qatan­ngut angut nakuuser­ner­talin­nik spil­ler­tar­nera  pil­lugu periaaseris­sumik utoq­qaaner­tanit siun­nersor­neqar­poq. Ajoraluar­tumik siun­nersuut akuerin­ngilaa, Biibilimilu ilagiin­ni kif­far­tor­tuunis­samut piumasaqaatit eq­qor­tin­ngim­magit akisus­saaf­feqarun­naarsin­neqar­poq. (Tus­siaat 11:5; 1 Timotheusi 3:8-10) Tamatuma kingor­na qatan­ngutip utoq­qaaner­tat aalajangiinerat isumaqataaf­figinagu al­lat oqalut­tuut­taler­pai. Al­laat utoq­qaaner­tat isor­nar­torsiorlugit im­mik­koor­tor­taqarfim­mut arlaleriarluni al­lap­poq. Aam­ma ilagiin­niit­tut al­lat im­mik­koor­tor­taqarfim­mut al­laq­qul­lugit kimigiiserfigigaluar­pai. Eq­qun­ngitsuliorsimanitsin­nul­li utoq­qatsis­sutis­sarsiorut­ta ilagiin­ni eq­qis­seqatigiin­neq navianar­torsior­tis­savar­put, taman­nalu tamanut iluaqutaanavian­ngilaq. Oqaaq­qis­saar­neqar­ner­put san­ngiis­sutitsin­nik paasin­nis­samut iluaqutis­satut isigisarutsigu nipituuliuutiginagulu akuerigutsigu uagutsin­nut iluaqutaanerus­saaq. — Atuakkit Upputit 3:28, 29.

10. (a) Eq­qor­tumik eq­qun­ngitsumil­lu isigin­nit­taaseqar­neq eq­qarsaatigalugu Jaaku 3:16-18-imi al­las­simasut qanoq ilin­niarfigisin­naavavut? (b) Ilisimas­suseq Guutimit pisoq malil­lugu iliuuseqarut­ta qanoq kinguneqas­sava?

¹⁰ Jaaku 3:16-18-imi ilagiin­ni isigin­nit­taaseq eq­qor­toq eq­qun­ngitsorlu nas­suiar­neqar­put. Tas­sani ima al­las­simasoqar­poq: “Sin­nganeqaraangat im­minul­lu angisuutik­kumaneqarluni tas­saniit­tar­put­taaq tavan­neq ajor­tul­lu al­lat tamarmik. Ilisimas­suserli pavan­nga pisoq pingaar­ner­paamik minguitsuuvoq, tamatumalu saniatigut eq­qis­sinermik nuan­narisaqar­tuuvoq, saamasuul­luni, ilak­kuminar­tuul­lunilu, [ingasaas­sinian­ngitsuuvoq, naalak­kumasuuvoq, NW] nal­lit­tuingaar­tuul­luni, ajun­ngitsunik inerititaqarluni, kinaas­susersior­tuunani un­neq­qaris­suul­lunilu. Iluar­neq eq­qis­sinermi siaruar­tik­kat inerititaraat, eq­qis­sisitsisul­lu pisas­saraat.” Ilisimas­suseq Guutimit pisoq malil­lugu iliuuseqar­tarut­ta, taas­sumatut pis­suseqas­saagut. Taamaaliorut­ta im­mitsin­nut eq­qor­tumik isigin­nit­taaseqar­nis­satsin­nut kajumis­saareqataal­lutalu ilagiin­ni eq­qis­sinermik siuarsaaqataasin­naavugut.

11. (a) Eq­qor­tumik isigin­nit­taaseqarut­ta sumik pingaar­titsival­laas­san­ngilagut? (b) Daavip maligas­siaa qanoq ilin­niarfigisin­naavar­put?

¹¹ Eq­qaamasariaqar­par­put Jehovap utoq­qaaner­tat ‘Guutip ilagiis­saani nak­kutil­liisuutim­magit’. (Apustilit Suliaat 20:28; 1 Petrusi 5:2) Utoq­qaaner­taagaluarut­ta utoq­qaaner­taan­ngik­kaluarut­taluun­niit Guutip aaq­qis­suus­saanik ataq­qin­nit­tariaqar­pugut. Eq­qor­tumik isigin­nit­taaseqarut­ta oqar­tus­saaf­feqar­ner­put akisus­saaf­feqar­ner­pul­luun­niit pingaar­tip­pal­laas­san­ngilar­put. Israelimi kun­ngip Saulip Daavip taarserluni kun­ngin­ngorsin­naanera eq­qarsaatigileramiuk “Daavi sin­ngagiler­paa”. (1 Samueli 18:9) Kun­ngi eq­qun­ngitsumik isigin­nit­taaseqar­poq Daavilu al­laat toquk­kusul­lugu. Saulitut oqar­tus­saaf­fim­mik pingaar­titsival­laar­nata Daavitut isigin­nit­taaseqarut­ta pitsaanerus­saaq. Daavi naaper­tuil­luan­ngitsuliorfigineqaraluarluni Guutimit oqar­tus­saaf­filer­neqarsimasunik ataq­qin­nit­tuar­poq. — Atuaruk 1 Samueli 26:23.

12. Ilagiin­ni ataasius­suseqar­titseqataajumal­luta susin­naavugut?

¹² Tamat­ta as­sigiin­ngitsunik isum­mer­tar­ner­put paamitsas­sutaasin­naavoq. Al­laat utoq­qaaner­tat im­min­nut paamitsaas­sin­naap­put. Qanoq isigin­nit­taaseqar­nis­sar­put pil­lugu siun­nersuut Biibilimiit­toq una iluaqutigisin­naavar­put: ‘Ataq­qeqatigiigitsi im­mis­sin­nut akimor­niul­lusi.’ “Silatuusoreqinasilu.” (Romamiut 12:10, 16) Nam­mineq isumar­put aalajangiusimaan­nar­nagu al­lat aam­ma ilumoorsin­naanerat akuerisariaqar­par­put. Sapin­ngisar­put tamaat al­lat qanoq eq­qarsar­nersut paasiniar­tarutsigu ilagiin­ni ataasius­suseqar­titseqataasin­naavugut — Us­satit 17:27.

13. Isumar­put oqaatigereeraangatsigu susariaqar­tas­saagut, taman­nalu Biibilimi qanoq ersersin­neqar­pa?

¹³ Imaap­pa ilagiin­ni arlaan­nik aaq­qitas­saqarsorigutsigu oqaatigis­san­ngik­kip­put? Naamik. Ukiuni hundredelin­ni siul­ler­ni ilagiin­niit­tor­pas­suit isumaqatigiin­ngis­suteqaler­put. Utoq­qaaner­tanit “aalajanger­neqar­poq Paulusi  Bar­nabalu al­lanik ilaqarlutik Jerusalemimukas­sasut apustilinut utoq­qaaner­tanul­lu tas­saniit­tunut isumaqatigiin­ngis­sut oqaloqatigin­nis­sutigiar­torlugu”. (Apustilit Suliaat 15:2) Qular­nan­ngilaq qatan­ngutit angutit pineqar­toq pil­lugu as­sigiin­ngitsunik isumaqarsimas­sasut. Tamarmil­li isum­mersoreeramik anersaarlu il­ler­nar­toq ikior­tigalugu aalajangiisoqareermat isum­mersor­niin­nan­ngil­lat. “Ilagiit al­lak­kat atuaramik­kit oqaaq­qis­saarutit tamak­ku nuan­naarutigaat” ‘up­per­nermin­nilu nakus­satsitaap­put’. (Apustilit Suliaat 15:31; 16:4, 5) Ul­lumik­kut­taaq utoq­qaaner­tat isumakuluutivut pil­lugit oqaloqatigereeraangatsigit tutsuigisariaqar­pavut oqaatsivut eq­qarsaatigeq­qis­saarumaaraat iliuuseqar­toqar­tariaqar­nersorlu aalajangerumaaraat.

14. Inun­nut al­lanut at­taveqar­nitsin­ni qanoq ajun­ngitsumik isigin­nit­taaseqarsin­naavugut?

¹⁴ Inun­nut al­lanut at­taveqar­nitsin­ni ajun­ngitsumik isigin­nit­taaseqar­nis­samut periarfis­sar­pas­suaqar­pugut. As­sersuutigalugu ajual­latsin­neqarut­ta isumak­keerfigin­neriaan­naaner­put iluaqutaangaas­saaq. Guutip oqaasiani ima al­las­simasoqar­poq: “Kamageqatigiigitsi isumak­keerfigeqatigiit­tarlusilu arlas­sin­nut as­suarliutis­saqaraangas­si. Soorlu Naalak­kap isumak­keerfigigaasi taamatut­taaq ilis­si ilius­saasi.” (Kolos­semiut 3:13) Oqaatsini “arlas­sin­nut as­suarliutis­saqaraangas­si”-mi erser­poq ilaatigooriarluta pis­sutis­saqavil­luta paamitsaas­sisin­naasugut. Qatan­ngutit­ta san­ngiis­sutaat isiginiar­pal­laar­nagit ilagiin­nilu eq­qis­sinermik navianar­torsior­titsinata Jehova ilaar­niar­tar­par­put kif­far­toqatigiit­tuar­til­luta al­lanik isumak­keerfigin­neriaan­naanitsigut.

15. (a) Isumak­keerfigin­neriaan­naanermut tun­ngatil­lugu Jobi qanoq ilin­niarfigisin­naavar­put? (b) Qinusar­neq eq­qor­tumik isigin­nit­taaseqar­nis­satsin­nut qanoq iluaqutigisin­naavar­put?

¹⁵ Isumak­keerfigin­neriaan­naanermut tun­ngatil­lugu Jobi ilin­niarfigisin­naavar­put. Angutit pingasut taas­sumin­nga qiim­mas­saasuusus­saaniaraluar­tut ajual­laatigisaanik oqaluf­figaat. Jobil­li taak­ku isumak­keerfigai. Taamaalior­nis­saminut suna iluaqutigaa? ‘Ikin­ngutini’ taak­ku ‘qin­nuk­kamigit’. (Jobi 16:2; 42:10) Al­lat qin­nuk­kaangatsigit al­latut isigin­nit­taaseqarfigilersin­naasar­pavut. Qatan­ngutivut tamaasa qin­nuk­kaangatsigit Jiisusitut isigin­nit­taaseqaler­nis­sar­put ajor­nan­ngin­neruler­tar­poq. (Johan­nesi 13:34, 35) Aam­ma uagut Guuti qin­nuigisariaqar­par­put anersaamik il­ler­nar­tumik tuneq­qul­luta. (Lukasi 11:13) Al­lanut at­taveqar­nitsin­ni kristumiutut pis­suserineqar­tus­sat ersersin­nis­saan­nut Guutip anersaava iluaqutigisin­naavar­put. — Atuakkit Galatiamiut 5:22, 23.

16, 17. Qanoq isigin­nit­taaseqarusup­pit?

¹⁶ Tamat­ta im­mik­kut ajun­ngitsumik isigin­nit­taaseqar­nis­sar­put sulis­sutigiuarutsigu taman­na ilagiin­niit­tunut tamanut iluaqutaas­saaq. Al­laaserisaq una sam­misar­put il­lit isigin­nit­taatsin­nik pitsan­ngorsaanis­san­nut kajumis­saarinerunis­san­nul­lu im­maqa iluaqutigaat. Taamaap­pat Guutip oqaasia iluaqutigalugu paasiguk­ku al­lan­nguisariaqarlutit ingerlaan­naq iliuuseqarit. (Hebræerit 4:12) Paulusi ilagiin­nut maligas­saal­luar­tuujumasoq ima al­lap­poq: “Qanoq iliorsimanin­nik sianigisaqan­ngik­kaluar­punga, taman­nali pin­ngitsuutitaas­sutigisin­naan­ngilara. Misis­suisigisarali tas­sa Naalagaq.” — 1 Korinthimiut 4:4.

¹⁷ Tamat­ta ilagiin­ni ajun­ngitsumik isigin­nit­taaseqar­nis­samut kajumis­saareqataasin­naavugut. Taamaaliorsin­naavugut Guutitut pis­suseqar­nitsigut nam­minerlu isum­matsin­nik aalajangiusiman­niin­nar­tan­ngin­nitsigut akisus­saaf­feqar­nerunis­satsin­nil­luun­niit pingaar­titsival­laan­ngin­nitsigut. Al­lanik isumak­keerfigin­neriaan­naagut­ta al­lanul­lu ajun­ngitsumik isigin­nit­taaseqarut­ta qatan­ngutivut eq­qis­seqatigiuarsin­naavavut. (Filip­pimiut 4:8) Aam­ma qularutigin­ngil­luin­narsin­naavar­put Jehovap Jiisusil­lu ‘anersaar­put’, imaluun­niit isigin­nit­taaser­put, iluaris­sagaat. — Fiilimuut 25.