PEQ­QUSERLOQ­QUL­LUTIT akiler­niar­neqar­nikuuit? Qulaani eq­qaaneqar­tumut as­singusumik im­maqa misigisaqar­nikuun­ngilatit, qular­nan­ngilarli akilersil­luni peq­quserlut­tar­nerit kinguneri maluginikuusimas­sagitit.

Peqatigiif­fiup Transparency Inter­nationalip 2011-mi peq­quserlun­nerit pil­lugit nalunaarsuif­fia naaper­torlugu “nunat 183-it misis­suif­figineqarsimasut amerlaner­paar­taan­ni akilersil­luni peq­quserlut­tar­neq nalingin­naasorujus­suuvoq”. Ukiut marluk tamatuma sior­natigut peqatigiif­fiup tamatuma 2009-mut ukiumoor­tumik nalunaarusiaani akilersil­luni peq­quserlut­tar­nerup nunarsuarmi qanoq nalingin­naatiginera ima al­laatigineqarsimavoq: “Ersarip­poq nunani tamani akilersil­luni peq­quserlut­tar­neq atugaasoq.”

“Akilersilluni peqquserluttarneq nammineq iluanaarniutigalugu oqartussaassuseqartitaanermik atornerluineruvoq. Oqartussaassusillit unneqqarissusiat inuit inuunerannut, inuussutissarsiorsinnaanerannut pilluarnerannulluunniit aalajangiisuugaangat tamanut ajoqutaasarpoq.” — TRANSPARENCY INTERNATIONAL

Ilaatigut akilersil­luni peq­quserlut­tar­nerup kinguneri ajunaarutaarujus­suarsin­naasar­put. As­sersuutigalugu atuagas­siami Time-mi al­las­simavoq Haitimi 2010-mi nuna sajorujus­suarmat ilaatigut “akiliil­luni peq­quserlutitsisar­nerit nak­kutil­liinerlun­neril­lu” pis­sutigalugit toqusor­pas­suaqarsimasoq. Imalu nangip­poq: “Inis­siat sanaar­tor­neqar­tar­put ingeniørinut siun­nersor­tip­piarani siun­nersor­tin­ngivil­luniluun­niit pisor­tanilu atorfil­lit sanaar­tuk­kanik nak­kutil­liisut peq­quserlutsin­niarlugit aningaasar­pas­suar­nik akilerlugit.”

Akiliil­luni peq­quserlutitsisar­neq atugaajun­naarluin­narsin­neqarsin­naava? Apeq­qut akis­sutis­sarsisin­naajumal­lugu akiliil­luni peq­quserlutitsisar­nermut pis­sutiviusut nalun­ngit­tariaqar­pavut. Al­laaserisami tul­liut­tumi pis­sutiviusut sam­mis­savavut.