1. Al­lamiut inuit ilaan­nit qanoq isigineqar­tar­pat, aam­ma sooq isigin­nit­taaseq taamaat­toq eq­qun­ngitsuua?

SOORLU al­laaserisap matuma siuliani eq­qar­tor­neqar­toq inuit ilaasa al­lamiut nuan­narineq ajor­paat al­laal­lumi im­maqa nikas­saar­pasit­tumik eq­qar­tor­tarlugit. Im­maqa misigip­put al­lamiunit inut­tut ajun­ngin­nerul­lutik. Isigin­nit­taaserli taamaat­toq ataq­qin­nin­ngitsulior­neruvoq. Kinaluun­niit inum­mit al­lamit ajun­ngin­nerun­ngilaq. Atuagas­siami The Races of Mankind-imi ima al­las­simavoq: “Naggueqatigiit tamarmik Biibilimi al­las­simaneratut — qatan­ngutigiiup­put.” Qatan­ngutigiit as­sigiin­ngitsorujus­suusin­naagaluarlutik suli qatan­ngutigiiup­put.

2, 3. Jehovap al­lamiut itsaq Israelimi najugaqar­tut qanoq isigai?

² Biibilip nalaani Jehova Guuti angerusilior­poq, imaluun­niit neriorsuuteqar­poq, Israelik­kut in­nut­tamisut toq­qar­niarlugit. Israelik­kut Jehova Guuti im­mik­kut it­tumik at­taveqarfigigaluarlugu Inatsisit naaper­torlugit Israelik­kuun­ngitsut naaper­tuil­luar­tumik ataq­qin­nit­tumil­lu pisus­saavaat. Aam­ma uagut ul­lumik­kut taamaalior­tariaqar­pugut. Kristumiut ilumoor­tut al­lamiunik kinaas­susersior­tuunatil­lu paqumisut­tuus­san­ngil­lat. Sooq? Apustili Petrusi ima al­lap­poq: “Ilumut paasiler­para Guuti kinaas­susersior­tuun­ngitsoq, tas­saasorli inuiaqatigiin­ni kik­kuusuniluun­niit im­minik mianerin­nit­tumik iluar­tulior­tumil­lu ilas­sin­nit­tar­toq.” — Apustilit Suliaat 10:34, 35.

³ Al­lamiut itsaq Israelimi najugaqar­tut Israelik­kun­nik qanimut peqateqar­ner­tik iluaqutigaat. Qanimut peqatigiin­nerat Jehovap eq­qarsar­taasianik ersersitsinerusoq erser­poq kingusin­nerusuk­kut apustilip Paulusip Jehova pil­lugu ima al­lataani: “Guuti juutiin­nar­nut Guutiua Guutimik nalusunut pin­nani? Naagga, Guutimik nalusunut­taaq Guutiuvoq.” — Romamiut 3:29; Joeli 3:5.

4. Sooq ‘Israelimi Guutip pigisaani’ kinaluun­niit al­lamiutut isigineqan­ngila?

 ⁴ Guutip kristumiut tanitat angerusisaamik angerfigeqatigim­magit inuiaqatigiit Guutimut im­mik­kut it­tumik at­taveqar­tut tas­saaler­put ilagiit kristumiut, tas­saajun­naarlutik uinik­kut Israelik­kut. Taamaat­tumik kristumiut tanitat ilagiis­saat tas­saaler­put “Israeli Guutip pigisaa”. (Galatiamiut 6:16) Paulusip nas­suiar­paa inuiaqatigiin­ni nutaani taak­kunani ‘apeq­qutaan­ngitsoq grækeriuneq juutiunerluun­niit, kipineqar­neq kipineqan­ngin­nerluun­niit, barbariuneq, skytiuneq, inus­siaaneq inus­siaan­ngin­nerluun­niit, Kristusili taak­kunani tamani tamarsuusoq’. (Kolos­semiut 3:11) Taman­na pis­sutigalugu ilagiin­ni kristumiuni kinaluun­niit al­lamiutut isigineqas­san­ngilaq.

5, 6. (a) Esaja 61:5, 6-imut tun­ngatil­lugu suna apeq­qutaaler­pa? (b) ‘Jehovap palasii’ aam­ma “al­lamiut” Esajap eq­qaasai kik­kuup­pat? (c) ‘Jehovap palasii’ aam­ma “al­lamiut” qanoq suleqatigiip­pat?

⁵ Im­maqa inuit ilaasa Esaja kapitali 61, ilagiin­nut kristumiunut eq­quut­tumik siulit­tuutitalik, eq­qarsaatigis­savaat. Kapitalimi tamatumani versi 6-imi ‘Jehovap palasiitut’ kif­far­tor­tut eq­qaaneqariarlutik versi 5-imi “al­lamiut” ‘palasinut’ taak­kunun­nga ikior­taal­lutil­lu suleqataasut eq­qaaneqar­put. Versit taak­ku qanoq paasisariaqar­pat?

⁶ ‘Jehovap palasii’ tas­saap­put kristumiut tanitat “toqusunit makin­nermi siul­lermi peqataasus­sat” taak­kulu aam­ma ‘Guutimut Kristusimul­lu palasius­sap­put kun­ngioqatigis­sal­lugulu ukiuni 1.000-ini’. (Saq­qum­mersitat 20:6) Aam­ma kristumior­pas­suaqar­poq ilumoorfigin­nit­tunik nunarsuarmi paratiisiusumi inuunis­samik neriugisalin­nik. Nunarsuarmi inuunis­samik neriugisal­lit qanimut suleqatigis­savaat qilam­mi kif­far­tor­tus­sat. Nunarsuarmili inuunis­samik neriugisal­lit ‘Israelimut Guutip pigisaanut’ ilaan­ngin­namik al­lamiutul­lusooq ip­put. Taak­kua ‘Jehovap palasiinit’ ‘narsaatini viin­nequteqarfin­nilu sulisorineqar­tut’ tapersersuiner­tik nuan­naarutigaat. Tanitanik anersaak­kut katersuisunik ikiuip­put taamaalil­lutil­lu Guutimik ataq­qinarsisitseqataal­lutik. Aap, tanitat aam­ma ‘savat al­lat’ sal­lusuis­sut inun­nut ilin­niar­titsis­sutigalugulu tamatumin­nga maleruaanis­saan­nut asan­nit­tumik ikior­paat. — Johan­nesi 10:16.

7. Ul­lumik­kut kristumiut Aaperaat itsarlu angutit aalajaatsut qanoq ilaar­paat?

⁷ Soorlu al­laaserisap matuma siuliani paasigip­put kristumiut ilumoor­tut Saatanip silarsuaani  ajor­tumi matumani ‘al­lamiuul­lutik’ inuup­put, imaluun­niit najugaqaral­lar­tuup­put. Tas­sa inooriaatsimik­kut itsaq angutit aalajaatsut — aam­ma Aaperaat — “nunami takor­nar­taal­lutik al­lamiuul­lutil­lu” inuusut ilior­nerat­tut ilior­put. (Hebræerit 11:13) Siunis­samut qanorluun­niit neriuuteqaraluarut­ta Aaperaap Jehovamut qanit­tumik at­taveqar­neratut at­taveqarsin­naavugut. Biibilimik al­lat­toq Jaaku ima nas­suiaavoq: “‘Aaperaap Guuti up­peraa, taman­nalu taas­sumun­nga iluar­tuutitaas­sutaavoq.’ Guutil­lu ikin­ngutaanik taaneqar­poq.” — Jaaku 2:23.

8. Aaperaamut suna neriorsuutigineqar­pa, taas­sumalu neriorsuut taman­na qanoq isigaa?

⁸ Guuti neriorsuivoq ilaqutariit nunarsuarmiit­tut tamarmik — inuiaqatigiit ataasiin­naan­ngitsut — Aaperaak­kut taas­sumalu kinguaavigut pil­luaq­quneqarumaar­tut. (Atuakkit 1 Mosesi 22:15-18). Naak neriorsuut taman­na Aaperaap toqoreer­nermi kingor­na aatsaat eq­quut­tus­saagaluar­toq eq­quuk­kumaar­nera up­periuarsimavaa. Inuunermi af­faa sin­nerlugu ilaqut­tanilu nooqat­taar­tuar­put toqus­silu tikil­lugu Jehovamut ikin­ngutaajuarluni.

9, 10. (a) Aaperaat qanoq ilaarsin­naavar­put? (b) Inuit al­lat qanoq kajumis­saarsin­naavavut?

⁹ Aaperaap Jehovap neriorsuutaa qaqugu piviusun­ngorumaar­toq nalugaluarlugu taas­sumun­nga asan­nit­tuarlunilu tun­niusimajuar­poq. Najugaqaral­lar­tuunini eq­qaamajuaramiuk nunat arlaan­ni nunavissinngisaannarpoq. (Hebræerit 11:14, 15) Silatusaas­saagut Aaperaatut pigisavut, in­nut­taaqatigiin­ni inis­sisimaner­put atorfigis­saar­niar­nerlu ingasat­tumik isumakuluutiginagit pilimanian­ngitsumik inooriaaseqarut­ta! Sooq silarsuarmi matumani qanit­tuk­kut peerut­tus­saasumi ‘inuuneq nalingin­naasoq’ anguniarsaris­savar­put? Sooq pis­sutsit aaq­qis­suus­saanerat atuutitiin­naral­lar­titaasoq nuan­naris­savar­put? Aaperaap qilanaarisai ajun­ngin­nerungaar­tut aam­ma uagut qilanaaraavut. Neriuutit­ta piviusun­ngor­nis­saata tungaanut Aaperaatut naam­magit­tarluta utaq­qerusup­pugut. — Atuaruk Romamiut 8:25.

¹⁰ Jehovap inuit inuian­nit tamaneersut Aaperaap kinguaavisigut suli pil­luaq­qusaasin­naatip­pai. ‘Jehovap palasii’ tanitat aam­ma “al­lamiut”, tas­sa savat al­lat, peqatigiil­lutik pil­luaq­qus­sutaasin­naasoq silarsuaq tamak­kerlugu oqaatsit 600-nit amerlanerusut atorlugit tusarliup­paat.

11. Salomop inuit inuian­nit tamaneersut qanoq kajumis­saar­pai?

¹¹ Ukiumi 1026-mi Kr.in.si. naalaf­fiup atoq­qaarfis­sior­tin­neqar­nerani Jehovap Aaperaamut neriorsuutaanut naaper­tuut­tumik Salomop Guutimut qin­nutaani malun­nar­poq inuit inuian­nit tamaneersut Jehovamik un­nersiutigin­neqataalerumaar­tut. Qaman­nga pisumik ima qinuvoq: “Aam­ma takor­nar­tat in­nut­tavit Israelik­kut ilagin­ngisaat nunamit ungasis­sumit il­lit aq­qit pil­lugu tikiup­pata aq­qit angingaar­toq as­sal­lu pis­saasoq talil­lu isas­simasoq tusar­tarsimagamik­kit, inuil­lu taak­ku il­lu man­na saal­lugu qinup­pata, taava qilam­mi najugarisan­ni tusar­taruk, takor­nar­tal­lu ilin­nut torlulanera naaper­torlugu iliorfigiuk nunarsuarmi inuian­ni tamani aq­qit ilisimaneqaleq­qul­lugu, in­nut­tavit Israelik­kut mianerin­nin­nerat­tut taak­kunan­nga mianerineqaq­qul­lutit.” — 1 Kun­ngit 8:41-43.

12. Jehovap Nalunaajaasui al­lamiutul­lusooq inuunerat qanoq paasisariaqar­pa?

¹² Al­lamiu tas­saavoq tikeraaq imaluun­niit nunagin­ngisamini najugaqar­toq. Jehovap Nalunaajaasui al­lamiutul­lusooq inuup­put Guutip naalagaaf­fianut, qilam­mi naalagaaf­fim­mut Jiisusimik kun­ngeqar­tumut, ilumoorfigin­nik­kamik. Taamaat­tumik isumaqar­toqaraluar­toq politik­kimut akuliut­tariaqar­tut taamaalior­neq ajor­put.

13. (a) Inum­mut al­lamiumut isigin­nit­taaser­put qanoq al­lan­ngor­tis­sin­naavar­put? (b) Jehovap aal­laq­qaam­mut kis­saatigisaa naaper­torlugu inuit inoqatitik qanoq isigis­savaat?

 ¹³ Al­lamiut al­lamiuunerat oqaloriar­taasiisigut, ileq­quisigut, isik­kuisigut al­laal­lumi atisalersoriaasiisigut takuneqarsin­naagajup­poq. Inuit inuian­nit sorler­neersuugaluarunil­luun­niit as­sigiis­sutaat al­laanerus­sutaanin­ngar­nit pingaaruteqar­nerup­put. Taamaat­tumik inuup al­laanerunini al­lamiutut isigineqas­sutigisar­paa. Inuup uagutsin­nit al­laanerus­sutaasa eq­qarsaatigin­ngin­nis­sai ilik­karutsigu inuk taan­na al­lamiutut isigiun­naas­savar­put. Nunarsuarmi inuit tamarmik ataasiin­nar­nik naalak­kersuisoqaraluar­pata kinaluun­niit al­lamiuus­san­ngik­kaluar­poq. Jehovap aal­laq­qaam­mut siuner­taraa inuit tamarmik ataasiinnarnik — nammineq naalagaaf­figisaminik — naalak­kersuisoqarlutik ilaqutariis­suar­tut ataasius­suseqas­sasut. Inuit inuian­nit tamaneersut inoqatitik al­lamiutut isigiun­naarsin­naavaat?

14, 15. Jehovap Nalunaajaasuisa eqimattatut suna angusimavaat?

¹⁴ Nas­suerutigisariaqar­poq nunarsuarmi nam­minis­sarsiorfiusumi inuiaqatigiis­sutsimil­lu pingaar­titsif­fiusumi paqumisun­nerup ajugaaf­figinis­saa ajor­nakusoorsin­naasar­toq, taamaat­tumik nuan­ner­poq tusarlugu inuiaqatigiis­sutsimik pingaar­titsin­ngitsumik inoqar­toq. Fjer­nsynik­kut aal­lakaatitsivim­mik CN­N-imik pilersitsisoq Ted Tur­ner inun­nik pigin­naanilin­nik nunanit as­sigiin­ngitsuneersunik suleqateqar­tar­nini pil­lugu ima oqalut­tuar­poq: “Inun­nik taak­kunin­nga naapitsinera as­sut nuan­ner­poq. Pif­fis­sap ingerlanerani nunamit al­lamiut taak­ku ‘al­lamiutut’ isigiun­naarlugit nunarsuarmioqatigisat­tut isigiler­pak­ka. Oqaaseq ‘al­lamiu’ nikas­saar­pasis­sutut isigilerak­ku malit­tarisas­salior­punga CN­N-imi fjer­nsynik­kut al­laf­fin­nilu oqaloqatigiin­ner­ni oqaaseq taan­na ator­neqar­tar­nani oqariar­taaseq inuit ‘nunanit tamalaaneersut’ ator­neqar­tas­sasoq.”

¹⁵ Silarsuaq tamak­kerlugu Jehovap Nalunaajaasuisa kisimik eqimattatut Guutip eq­qarsar­taasia ilaarsin­naasimavaat. Jehovap isigin­nit­taasiatut isigin­nit­taaseqaler­nermik­kut inuiaqatigiin­ni as­sigiin­ngis­sutit isum­mak­kut misigis­sutsik­kul­lu akiorsin­naalersimavaat. Inun­nik inuiaqatigiin­nit al­laneersunik pasil­lerumatuujujun­naarlutik al­laal­lumi uumigin­nit­tuujun­naarlutik inuit taak­kua im­mik­kut it­tuuneran­nik pigin­naasaan­nil­lu pingaar­titsinis­sar­tik ilik­karsimavaat. Il­lit eq­qarsaatiginikuuiuk taman­na qanoq tupin­nar­tigisoq il­lil­lu inun­nut al­lanut at­taveqar­nin­nut qanoq iluaqutiginerit?

16, 17. Saq­qum­mersitat 16:16-imi aam­ma Danieli 2:44-mi siulit­tuutit eq­quun­nerat ilin­nut qanoq sun­niuteqarsin­naap­pat?

¹⁶ Qanit­tuk­kut inuiaqatigiit tamarmik  inaarutaasumik sorsun­nermi ‘hebræerisut Harmagedonimik taaneqar­tumi’ Guutip naalagaaf­fia sorsus­savaat. (Saq­qum­mersitat 16:14, 16; 19:11-16) Ukiut 2500-t matuma sior­na pruf­fiitip Danielip nunarsuarmi naalak­kersuisut Guutip siuner­taanut akerliusut qanoq pineqarumaar­nersut siulit­tuutigaa. Ima al­lap­poq: “Kun­ngit taak­kua inuutil­lugit qilaap Guutiata naalagaaf­fik qaqugumul­luun­niit atasus­saq pilersik­kumaar­paa, kingor­nalu inuiaat al­lat kun­ngius­sutsimik pilersitsisin­naas­san­ngil­lat. Guutip naalagaaf­fiata kun­ngeqarfiit al­lat tamaasa aseror­tis­savai suujun­naarsil­lugil­lu, nam­minerli soraajuitsumik atas­saaq.” — Danieli 2:44.

¹⁷ Takorloorsin­naaviuk siulit­tuutit taak­ku eq­quup­pata ilin­nut qanoq sun­niuteqas­sasut? Nunat kil­lingi inuit pilersitaat ul­lumik­kut al­lamioqar­neranut pis­sutaasut piujun­naas­sap­put. Inuit as­sigiin­ngitsuujuas­sap­put, taman­nali Guutip pin­ngor­titarsuani as­sigiin­ngis­sitaar­tumut tupin­nangaar­tumut ersiutaagin­nar­poq. Pin­ngor­titsisitsin­nik un­nersiutigin­nit­tuar­nis­satsin­nut ataq­qin­nit­tuar­nis­satsin­nul­lu siunis­samut neriuuter­put kajumis­sis­sutigiuar­tariaqar­par­put.

18. Sumit erser­pa Jehovap Nalunaajaasuisa up­peqatitik al­lamiutut isigin­ngik­kaat?

¹⁸ Piviusorsior­nerua up­peris­sal­lugu inuit eq­qarsar­taatsimik­kut al­lan­nguerujus­suarlutik inoqatitik al­lamiutut isigiun­naarsin­naagaat? Aap, taamaat­toqarumaar­nera up­peril­luin­narsin­naavar­put. Jehovap Nalunaajaasuisa, inuiaqatigiis­sutsimik pingaar­titsin­ngitsut, up­peqatitik “al­lamiutut” isigin­ngilaat. As­sersuutigalugu qanit­tuk­kut im­mik­koor­tor­taqarfiit mikinerit arlal­lit ataatsimut kat­tun­neqar­put nak­kutigineqar­nerat pisariil­lisar­niarlugu oqaluus­sinerul­lu sun­niuteqarluar­ner­paajunis­saa qulak­keer­niarlugu. (Mat­thæusi 24:14) Inatsisitigut ajor­nan­ngik­kaangat im­mik­koor­tor­taqarfin­nik kat­tus­sinermi inuiaas­sutsik­kut al­laas­sutsit isiginiar­neqar­neq ajor­put. Taman­nalu tas­saavoq Jiisusip Kristusip Guutip naalagaaf­fiani kun­ngiusutut avis­saar­tuutaasumik inuit pilersitaan­nik atorun­naarsitsingajaler­neranut up­per­narsaat al­la piviusoq, qanit­tuk­kul­lu taan­na ‘ajugaal­luin­nas­saaq’. — Saq­qum­mersitat 6:2, NW.

19. Oqaatsit minguitsut susin­naalersitsip­pat?

¹⁹ Jehovap Nalunaajaasui inuian­nit as­sigiin­ngitsor­pas­suar­neersuugamik oqaatsit as­sigiin­ngitsor­pas­suit ator­paat, kisian­ni oqaatsit minguitsut ator­nis­saat pingaar­tik­kamik­ku kipineqarsin­naan­ngitsumik ataasius­suseqar­put. (Atuaruk Sefania 3:9, NW). * Taak­ku tas­saap­put ilaqutariis­suit nunanit tamalaaneersut, pis­sutsil­li aaq­qis­suus­sineran­nit ajor­tumit matuman­nga avis­saarsimap­put. Ilaqutariis­suar­tut ataasius­suseqar­tut taak­ku silarsuar­taas­samut — silarsuarmut al­lamioqan­ngitsumut — qilanaar­tuutaap­put. Taamanik­kus­samut nunarsuarmiit­tut tamarmik nuan­naarlutik al­laaserisap matuma aal­laq­qaataata tungaani oqaatsit is­suar­neqar­tut uku isumaqatigis­savaat: “Naggueqatigiit tamarmik Biibilimi al­las­simaneratut — qatan­ngutigiiup­put.” — The Races of Mankind.