ROMAN aq­qanilin­nik ukioqar­toq ikin­ngutigil­luagaasa ilaat biilinik ajunaar­toqar­nera pis­sutigalugu toqutaavoq. Ima oqar­poq: “Ikin­ngutima toqunera inuunin­nut sun­niuteqangaar­poq. Ajunaar­nerata kingor­na ukior­pas­suit eq­qarsaatigiuar­para toqugut­ta qanoq pisoqas­sanersoq.”

Toqu pis­susis­samisoorsorinan­ngilaq. Amerlanersat­ta qanorluun­niit utoq­qaatigigaluarut­ta toqunis­sar­put kis­saatigineq ajor­par­put. Inup­pas­suit toqup kingor­na qanoq pisoqas­saneranik an­nilaangatigisar­paat.

Inup­pas­suit up­perisar­paat inuk toqugaangat ilutsin­niit­toqar­tar­toq ingerlaq­qit­tar­tumik. Up­peraat inuit ajun­ngitsut qilalias­sasut tas­sanilu akis­sarsisin­neqas­sal­lutik ajor­tuliorsimasul­lu ajor­tuliatik pil­lugit naas­saan­ngitsumik pil­lar­neqarumaar­tut. Al­lat isumaqar­put inuk toqugaangat piujun­naar­tarlunilu pif­fis­sap ingerlanerani puigor­neqarluin­nar­tar­toq.

Akis­sutaasorineqar­tumi siul­lermi up­perineqar­poq inuk toqusimasoq toquin­neq ajor­toq. Akis­sutip aap­paani inuuneq siuner­taqan­ngitsuusorineqar­poq. Inuit kingul­ler­tut isum­mer­tut ima isigin­nit­taaseqarsin­naap­put: “Neril­lutalu er­ngutiin­nar­niar­ta, aqagu toqus­sagat­ta!” — 1 Korinthimiut 15:32.

Bi- ibilimi ajoqersuutigineqanngilaq inuk toqugaangat ilutsin­niit­toqar­tar­toq ingerlaq­qit­tar­tumik. Guutip kun­ngi Salomo isumas­sarsisil­lugu ima al­latsip­paa: ‘Uumas­suseqar­tut nalun­ngilaat toqusus­saagamik, toqungasul­li sun­nguamil­luun­niit ilisimasaqan­ngil­lat!’ (Oqaluus­sisar­tup oqaasii 9:5) ‘Sun­nguamil­luun­niit ilisimaqan­ngitsut’ qanoq pisoqar­neranik ilisimasaqan­ngil­luin­nar­put. Misigis­suseqar­natil­lu iliuuseqarsin­naan­ngil­lat. Taamaat­tumik toqungasut inuusunik ikiuisin­naanatil­lu ajoqusiisin­naan­ngil­lat.

Inup­pas­suit al­latut isumaqaraluar­tut Guutip siuner­tarin­ngilaa inuit toqus­sasut. Inuk  siul­leq, Adami, pin­ngor­tik­kamiuk nunami naas­saan­ngitsumik inuunis­samik periarfis­saqar­tip­paa. Guutip toqu ataasiaan­narluni Adamimut eq­qaavaa, tas­sa taan­na naalan­ngitsulioruni qanoq kinguneqarumaar­nera pil­lugu paasitik­kamiuk. Adami or­piup aalajangersimasup paar­naanik nereq­qun­ngilaa, paasitip­paalu ‘nerif­figigaluaruniuk toqujumaar­toq’. (1 Mosesi 2:17) Adami Evalu naalas­simasuugaluarunik kinguaas­satik Guutimut ilumoorfigin­nit­tut ilagalugit naas­saan­ngitsumik nunami inuusimasin­naagaluar­put.

Guutip mianersoq­qusinera Adamip sumigin­nar­paa. Guutimut naalan­ngik­kami ajor­tulior­poq, taamaat­tumil­lu toquvoq. (Romamiut 6:23) Adami toqugami ilumiugisaqan­ngilaq ingerlaq­qit­tumik. Toqugami piujun­naagin­nar­poq. Guutip Adami ima oqarfigisimavaa: “Kiak­kiul­lugu nerisas­sarsius­saatit is­sumut uterserlutit, tas­san­nga pigavit. Is­sumim­mi pivutit, is­sun­ngus­saatil­lu.” (1 Mosesi 3:19) Tamat­ta Adamimik siuaasaqarat­ta ajor­ti toqulu taas­suman­nga kingor­nus­simavar­put. — Romamiut 5:12.

Adami naalan­ngitsulioraluar­toq Jehovap Guutip siuner­tani naam­mas­siumaar­paa nunarsuaq Adamip kinguaavinik naam­mal­luin­nar­tunik najugarineqar­tun­ngor­til­lugu. (1 Mosesi 1:28; Esaja 55:11) Ungasin­ngitsuk­kut Jehovap inuit toqusimasut amerlanersaat makitik­kumaar­pai. Pif­fis­saq taman­na pil­lugu apustili Paulusi al­lap­poq “toqusut makik­kumaar­tut — iluar­tut iluaatsul­lu”. — Apustilit Suliaat 24:15.