Asan­nin­neq tas­saavoq qaman­nga pisumik al­lanut misigis­suseqar­neq. Inuup asan­nit­tup misigis­sutsini asasaminut oqaatsik­kut iliuutsik­kul­lu, pil­liuteqas­sagaluaruniluun­niit, asan­nit­tuliorfigisar­pai.

Mosesip asan­nin­nini Guutimut ersersit­tar­paa. Qanoq? 1 Johan­nesi 5:3-mi al­las­simasut uku eq­qarsaatigik­kit: “[Guutimut] asan­nin­neq tas­saavoq inas­sutai maleruaratsigit.” Najoq­qutas­siaq taan­na malil­lugu Mosesi inuuvoq. Guutip sulias­siis­sutai mianer­nar­tut saper­nan­ngitsul­lu tamaasa — soorlu pis­saaneqangaar­tumut Faraomut sas­saq­qusinera ajaap­piamil­lu Im­map Aap­palaar­tup tungaanut isaas­seq­qusinera — Mosesip naalal­luni suliarisar­pai. Biibilimi ima al­las­simasoqar­poq: “Mosesi Naalak­kap peq­qus­sutigisaa maleruaq­qis­saarlugu ilior­poq.” — 2 Mosesi 40:16.

Mosesi aam­ma Israelik­koqatiminut asan­nit­tulior­tar­poq. Mosesi Jehovamit siulersuisun­ngor­tin­neqarsimasoq Israelik­kut nalun­ngin­namik­ku ajor­nar­torsiutimin­nik as­sigiin­ngitsunik saq­qum­miif­figiar­torlugu or­nit­tar­paat. Ima al­las­simasoqar­poq: “[Inuit] Mosesi avatangerlugu qeqar­put ul­laaneraniit un­nuk tikil­lugu.” (2 Mosesi 18:13-16) Takorloorsin­naavar­put nalunaaqut­tap-akun­ner­pas­sui atorlugit Israelik­kut ajor­nar­torsiutimin­nik saq­qum­miineran­nik Mosesip tusar­naar­tar­nini qasus­sutigisarsimas­sagaa! Mosesil­li asasaminik ikiuisin­naanini nuan­naarutigaa.

Mosesip asasani tusar­naagin­nar­nagit aam­ma qin­nut­tar­pai. Al­laat im­minik ajor­tumik pin­nit­tut qin­nut­tar­pai. As­sersuutigalugu Mosesip qatan­ngutaa Mirjami Mosesi pil­lugu naam­magit­taal­liormat Jehovamit pupis­sun­ngor­tin­neqar­poq. Pil­lar­neqarsimanera nuan­naarutiginagu ingerlaan­naq ima oqarluni qin­nup­paa: “Ila ajorun­naarsiguk!” (4 Mosesi 12:13) Mosesi asan­nin­nini pis­sutigalugu nam­minis­sarsior­nani qin­nus­sivoq.

Guutimik qaman­nga pisumik asan­nin­nitsin­nik ineriar­tor­titsiuar­nitsigut Mosesi ilaarsin­naavar­put. Taamatut asan­nik­kut­ta Guutip peq­qus­sutai ‘uum­matitsigut’ maleruas­savavut. (Romamiut 6:17) Jehova uum­matik­kut iluun­ngarluta naalak­kutsigu taas­suma uum­mataa nuan­naar­tis­savar­put. (Us­satit 27:11) Taamaalior­ner­put uagut­taaq iluaqutigis­savar­put. Guutimik asan­nin­ner­put pis­sutigalugu taas­sumun­nga kif­far­torut­ta eq­qor­tuliuin­nar­nata eq­qor­tulior­neq nuan­narilis­savar­put! — Tus­siaat 100:2.

Mosesi aam­ma im­minut pil­liutigeriaan­naal­luta al­lanik asan­nin­nik­kut ilaar­niarsin­naavar­put. Ikin­ngutit­ta ilaqut­tat­talu isumakuluutimin­nik oqalut­tuuk­kaangatigut asan­nin­ner­put (1) tusar­naaq­qis­saanis­satsin­nut, (2) misigeqatigin­nin­nis­satsin­nut, tas­sa qanoq misigineran­nik paasin­nin­niar­nis­satsin­nut, aam­ma (3) taak­kunin­nga isumas­suinitsin­nik ilisimatitsinis­satsin­nut kajumis­sis­sutigis­savar­put.

Asasavut Mosesitut qin­nut­tarsin­naavavut. Ilaan­nik­kut ajor­nar­torsiutimin­nik oqalut­tuuk­kaangatigut ikiuisin­naan­ngitsutut misigisin­naasar­pugut. Im­maqa taamaal­laat ima oqarsin­naasar­pugut: “Ajuusaarutigaara al­lamik iliuuseqar­nanga qin­nutiin­narsin­naagak­kit.” Eq­qaamajuk: “[Iluar­tup] qin­nutaa sun­niisaqaaq kimit­toqigami.” (Jaaku 5:16) Qin­nutivut pis­sutigalugit Jehova pineqar­tumut iliuuserisimanavian­ngik­kaluaminik iliuuseqarsin­naavoq. Taamaat­tumik asasatsin­nik qin­nus­sineq iliuuserisin­naasatsin­nit tamanit pitsaaner­paavoq. *

Aap, Mosesi ilin­niarfigingaarsin­naavar­put. Uagutsitul­li inuin­naagaluarluni up­per­nermut, maniguun­nermut asan­nin­nermul­lu tun­ngatil­lugu im­mik­korluin­naq it­tumik maligas­saal­luar­poq. Taas­sumin­nga ilaarsiniar­tuar­ner­put uagut nam­mineq iluaqutigiin­nar­nagu aam­ma al­lat iluaqutigis­savaat. — Romamiut 15:4.