Ilaqutarsiariit amerlasuut inoqutigiin­niit­tuun­ngitsunut tun­ngatil­lugu im­mik­korluin­naq it­tunik unam­miniagas­saqar­tar­put. * As­sersuutigalugu ilaqutariin­ni taamaat­tuni angajoq­qaajusut meeq­qap anaanavia ataatavialuun­niit pulaar­tar­nermut, perorsaanermut aningaasaqar­nermul­luun­niit tun­ngatil­lugu amerlaner­tigut oqaloqatigisariaqar­tar­paat. Aam­ma ikin­ngutit ilaqut­tal­luun­niit ilaqutarsian­ngor­tut akueriuminaatsis­sin­naasar­paat. Unam­miniar­nar­tunik taamaat­tunik aaq­qiinis­san­nut siun­nersuutit Biibilimeersut ilaqutarsiariit­tut qanoq iluaqutigisin­naanerlusigit eq­qarsaatigiuk.

Anaanas­saq Namibiamiu Judithimik atilik ima oqar­poq: “Qitor­nas­sak­ka anaanamin­nit oqarfigineqar­nikuup­put uanga angutaan­nut nuliaan­naasunga meerar­taas­sagaluarut­talu taak­kunun­nga qatan­ngutaanavian­ngitsut. Oqaasii ajual­laatigaak­ka qitor­nas­sak­ka nam­mineq qitor­nat­tut asagak­kit.”

Ilisimatuut amerlasuut isumaqar­put ilaqutarsiariit meeq­qap angajoq­qaavanut al­lamut at­taveqar­nerat avis­saar­tuutitsisin­naal­lunilu an­ner­tuunik ajor­nar­torsiulersitsisin­naasoq. Amerlaner­tigut anaanaasup anaanas­sal­lu at­taveqar­nerat ajor­nar­ner­paasar­poq. Suna iluaqutigineqarsin­naava?

Siun­nersuutitsialak: Naleq­qut­tunik kil­liliigit. Anaanavit­tut ataatavit­tul­luun­niit aap­parisimasan­nik at­taveqateqan­ngil­luin­nar­nerit meeq­qavit misigis­susiinut  in­narliisin­naavoq. * Meeq­qap angajoq­qaavi, ‘silarsuarmut pisitsisut’, taas­suma inuunerani pingaaruteqarluin­nar­put. (Us­satit 23:22, 25) Akerlianil­li aap­parisimasan­nik ilaqut­tan­nut sun­niuteqar­titsival­laar­nerit aap­parisavit isumatsas­sutigisin­naal­luguluun­niit kamalis­sutigisin­naavaa. Aap­pariin­nersi il­lersor­niarlugu naleq­qut­tunik kil­liliinik­kut oqimaaqatigiis­saariniar­tarit tamatumalu saniatigut aap­parisimasan­nut suleqatik­kuminar­tuuniar­tarlutit.

ANGAJOQ­QAANUT SIUN­NERSUUTIT

• Aap­parisimasat oqaluuk­kaangak­ku qitor­nas­sin­nut tun­ngasut eq­qar­tor­nerusaruk­kit silatusaar­nerus­saaq. As­sersuutigalugu periaaseris­sumik aperisin­naavutit oqarasuaatik­kut oqaloqatigiit­tar­nis­samut pif­fis­saq aalajangersimasoq isumaqatigiis­sutigisin­naaneris­si. Taamaalil­luni pif­fis­sani naleq­qutin­ngitsuni un­nuk­kul­luun­niit kingusis­suk­kut sianer­nis­saq pin­ngitsoor­tin­neqarsin­naavoq.

• Qitor­nan­nut angajoq­qaatut oqar­tus­saas­suseqan­ngik­kuit taak­kunun­nga aalajangersimasumik at­taveqar­tar­nis­san­nut sianer­neq al­lan­nerluun­niit sms-er­neq e-mailer­nerluun­niit iluaqutigisin­naavatit. Ilaat videok­kut at­taveqar­nik­kut oqaloqatigiit­tar­put. (5 Mosesi 6:6, 7) Taamaalil­lutit qitor­natit ilisarisimal­luar­nerulersin­naavatit ilimagisan­nil­lu an­nerusumik ajun­ngitsumik sun­niuteqarfigisin­naal­lugit.

ANAANAS­SAASUNUT SIUNERSUUTIT

• Meeq­qat anaanaat taas­sumin­nga taarsiinian­ngitsuunin­nik oqarfigineratigut taas­sumun­nga ‘misigin­neqataasuugit’. (1 Petrusi 3:8) Meeq­qat ilis­sin­niik­kaangata qanoq in­nersut pil­lugit anaanaasoq ilisimatit­taruk ajun­ngitsul­lu eq­qar­tor­nerusarlugit. (Us­satit 16:24) Siunersiorfigiuk qutsaviginis­saalu eq­qaamasarlugu.

• Anaanaasoq najuuk­kaangat meeq­qat tun­niusimanermik ersersitsiviginis­saat tunuarsimaarfigisaruk. Beverly USA-miu ima oqar­poq: “Qitor­nas­sam­ma anaanamik taarusut­tar­paan­nga. Uagutsin­niik­kaangamik taamatut taasarsin­naagaan­nga, anaanar­til­li, Jane, taas­sumaluun­niit ilaqutai ilagigaangamik­kit taamatut taasas­san­ngik­kaan­nga isumaqatigiip­pugut. Taman­na pis­sutigalugu Jane at­taveqarfigil­luar­neruler­para. Kingusin­nerusuk­kut meeq­qat atuarfim­mi isigin­naar­titsineq asimukar­nerlu peqataaf­figisaat pil­lugit suleqatigiip­pugut.”

ANGAJOQ­QAAT ANGAJOQ­QAARSIAL­LU AT­TAVEQARLUALER­NIS­SAAN­NUT SIUN­NERSUUTIT

• Meeraq tusaatil­lugu angajoq­qaaq angajoq­qaarsiarluun­niit ajor­tumik oqaluuserin­ngisaan­naruk. Ajor­tumik oqaluuserin­nit­tar­neq ileq­qupalaarineqalersin­naavoq, taman­nali meeq­qat an­nikil­liuutigingaalersin­naavaat. Aam­ma oqaaserisimasatit ingerlateq­qin­neqas­sanersut ilisimasin­naan­ngilat. (Oqaluus­sisar­tup oqaasii 10:20) Angajoq­qaap angajoq­qaarsial­luun­niit il­lit pil­lutit ajor­tumik oqaluuserin­nis­simaneran­nik meeq­qap oqalut­tuup­patit meeq­qap misigis­susii eq­qarsaatiginerus­savatit. As­sersuutigalugu ima oqarsin­naavutit: “Taama it­tunik tusagaqarsimanerit ajuusaarutigaara. Anaanavit kamaap­paanga, inul­lu kamak­kaangat ilaan­nik­kut nuan­ner­pal­laan­ngitsunik oqaaseqar­tar­poq.”

•   Inoqutigiin­ni tamani as­sigiin­nik malit­tarisas­saqar­niar­taritsi. Taman­na ajor­nar­pat anaanaasoq ataataasorluun­niit nikas­saar­palut­tumik oqaluuserinagu meeq­qamut as­sigiin­ngis­sutaasut nas­suiak­kit. Oqaloqatigiin­neq ataaniit­toq takorlooruk:

  Anaanas­saq: Tim, al­larut ator­nikuusat nivin­ngalaaruk.

  Tim: Anaanama nivin­ngar­taramigit anaanak­kun­niik­kaangat­ta natermiitiin­nar­tar­pavut.

  Anaanas­saq (kamap­palul­luni): Taas­sumami eqiasut­tuunis­san­nik ilin­niar­tit­taramitit!

  Ima akip­pat ajun­ngin­nerus­sava?

  Anaanas­saq (eq­qis­sisimar­palul­luni): Sunaaf­fa. Kisian­ni maani nam­mineq nivin­ngar­tar­pavut.

• Pif­fis­sami meeq­qat anaanamin­nik ataatamin­nil­luun­niit peqateqarfis­saan­ni sam­misas­saan­nik pilersaarusior­naveersaar­tarit. (Mat­thæusi 7:12) Pif­fis­samik al­lan­nguisin­naan­ngik­kaangavit pilersaarutitit pil­lugit meeq­qat oqalut­tuutin­ngin­neran­ni anaanaasoq ataataasorluun­niit akuersisin­naanersoq apereq­qaar­tariaqar­pat.

Atuak­kami Step Wars-imi ar­nap uimi qitor­naminik inersimasunik il­lersuisar­nera taak­kunan­ngalu ajor­tumik pineqaraangami uimi amerlaner­tigut isigin­ngitsuusaar­tar­nera naam­magit­taal­liuutigaa. Ima oqar­poq: “Kamaam­merujus­suar­tar­punga”. Qanoq aap­pavit qitor­naanut inersimasunut at­taveqar­nivit aap­pariin­nis­sin­nut ajoqusiinis­saa pin­ngitsoor­tis­sin­naaviuk?

Siun­nersuutitsialak: Misigin­neqatigin­nit­tuugit. Biibilimi ima al­las­simavoq: “Tamas­si im­mik­kut ilis­sin­nut pitsaaner­paaq pin­nagu al­lanut pitsaaner­paaq noq­qaas­sutiginiarsiuk.” (1 Korinthimiut 10:24) Al­lat qanoq misiginersut paasiniar­taruk. Qitor­nas­sat inersimasut ataatamin­nit anaanamin­nil­luun­niit asaneqarun­naar­nis­sar­tik an­nilaangatigisin­naavaat. Imaluun­niit angajoq­qaarsian­ngor­tumik tikil­luaq­qusigunik ilumoorfigin­nin­ngitsulior­tutut misigisin­naap­put. Anaanaviusup ataataviusul­luun­niit aam­ma qitor­namin­nik isor­nar­torsiuinermik­kut taak­kunan­nga ungasil­lerusut­tutut pis­susilersor­nis­sar­tik er­num­matigisin­naavaat.

Qitor­nas­satil­lu pis­susis­samisoor­tumik at­taveqatigiil­lualeriar­tor­nis­sarsi pin­ngitsaalil­lugit ikin­ngutigiler­nis­saanin­ngar­nit pitsaaneruvoq. Pin­ngitsaaliinik­kut piviusumik asan­nit­toqalersin­naan­ngilaq. (Erinarsugas­siat Pingaar­nersaat 8:4) Taamaat­tumik qitor­nas­san­nut qanimut at­taveqaler­niar­nin­nut tun­ngatil­lugu naleq­qut­tumik piviusorsior­tumil­lu ilimasun­niar­tarit.

Ajor­tumik pineqaraluaraangavil­luun­niit qanoq eq­qarsar­nerlutit misiginerlutil­luun­niit tamatigut oqaatigisas­san­ngilat. (Us­satit 29:11) Pisuni kaman­nin­nik noqis­siuminaatsif­figisan­ni Daavitut, Israelik­kun­nut kun­ngiusutut, ima Jehovamut qinusarsin­naavutit: “Naalagaq, qanera paarsisoqar­tiguk, qarluma matuat paariuk!” — Tus­siaat 141:3.

Il­lumi meeq­qat peroriar­torfigisimasaan­ni najugaqar­niarlusi aalajangerus­si imaas­sin­naavoq meeq­qat  il­lumut tun­ngatil­lugu suli qanoq misigis­suseqar­tiginerat tupaal­laatigigis­si. An­ner­tuunik al­lan­nguinaveersaaritsi, ingam­mik meeq­qat sinit­tarfikuan­ni. Im­maqa aam­ma al­lamik initaar­nis­sarsi eq­qarsaatigisin­naavarsi.

Marion, anaanas­saq Canadamiu, ima oqar­poq: “Angajoq­qaam­ma er­nera tunis­sutinik tunikulasar­paat, uimali qitor­nai tunis­suteqarfigineq ajorlugit. Nam­mineerluta tunis­sutinik tunerusut­tar­pavut, tamatigul­li akis­saqar­neq ajorluta.”

Siun­nersuutitsialak: Ilaqutarilik­katit sal­liutik­kit. Ilaqutarsiarilik­kan­nut akisus­saaf­feqar­nerit ilaqut­tan­nut ikin­ngutin­nul­lu oqaatigiuk. (1 Timotheusi 5:8) Ilaqut­tavit ikin­ngutivil­lu tamarmik ilaqutarilik­kan­nik ingerlaan­naq nuan­narin­niler­nis­saat naatsorsuutigisin­naan­ngilat, qin­nuigisin­naavatil­li ilaqutarilik­kan­nut inus­siar­nerlutil­lu iluamik pin­neq­qul­lugit. Meeq­qat inus­siar­nisaarfigineqan­ngip­pata al­laal­lu soqutigin­ngitsuusaar­neqar­pata qanoq nikal­lungatigilersin­naanerat ilaqut­tan­nut ikin­ngutin­nul­lu nas­suiaruk.

Aap­parisimasavit angajoq­qaavi qitor­navit inuuneran­nut akuutin­niar­tuak­kit. Anaanaasoq tuluk Susanimik atilik ima oqalut­tuar­poq: “Qaam­matini 18-ini uil­lar­nioreerlunga kateq­qip­punga, uigigaluamalu angajoq­qaavisa ueriligara akueriuminaatsip­paat. Inuunitsin­nut akuutin­neruleratsigit, qitor­navut taak­kunun­nga sianer­tit­taleratigit aam­ma ikiuinerat tapersersuineral­lu pil­lugit qutsavigisaleratsigit, at­taveqatigiil­luar­neruler­pugut.”

Ikin­ngutinut ilaqut­tanul­lu at­taveqarluar­tuar­niar­neq unam­miniar­narsin­naavoq. Ilaqutariit­tul­li siun­nersuutinik Biibilimiit­tunik maleruaaniar­tuarus­si matuma ilumuus­susia misigis­savarsi: “Ilisimas­suseq atorlugu il­lu sananeqar­tar­poq, silaqas­suseq atorlugu tun­ngaviler­neqar­tar­poq.” — Us­satit 24:3.