RAHABIP ul­laaralaan­nguak­kut itsuan­nisaarluni Jerikop narsaamar­ngi seqinermit qin­ngor­neqar­tut isigin­naar­pai. Ungataani Israelik­kut sak­kutuui Jerikomik tiguaaniarlutik katersuus­simap­put. Il­loqarfim­mik kaajal­laaq­qilermata ingerlaarfigisaat pujoral­lerlunilu qarlor­tar­palun­nerat tusarsaaler­poq.

Rahabi Jerikomi najugaqar­poq. Taas­suma il­loqarfim­mi aq­quser­ngit, il­lut aam­ma tuniniaaviit san­naviil­lu ulapaarfiusut ilisimal­luar­pai. Il­loqarfim­miul­li suli ilisarisimal­luar­neruai. Ul­lut ingerlaneran­ni Israelik­kul­lu ul­lormut ataasiarlutik eq­qumiip­paseqisumik il­loqarfim­mik kaajal­laasar­neran­ni il­loqarfim­miut an­nilaanganerujar­tuin­nar­nerat malugisin­naavaa. Israelik­kul­li qarlor­tar­palun­nerisa Jerikop aq­quser­ngini tusarsaanerat Rahabip nunaq­qatimisut an­nilaangalis­sutiginagulu isumatsas­sutigilin­ngilaa.

Rahabip ul­lut arfineq-aap­paan­ni ul­laaralaak­kut sak­kutuut ingerlaaq­qilermata isigin­naar­pai. Israelik­kut sak­kutuui ingiaqatigalugit palasit qarlor­tarlutil­lu angerutsip il­lerfia, taak­kua Guutiata — Jehovap — najuun­neranut as­sersuutaasoq, ersup­paat. Imaas­sin­naavoq Rahabip al­lunaasaq aap­palaar­toq igalaak­kut Jerikop qarmarsuata silarlianiit­tumi nivin­ngasoq paarisimas­sagaa. Rahabip al­lunaasaq ilaqut­tanilu il­loqarfiup suujun­naarsin­neqar­neranit aniguinis­samin­nut eq­qaasitsis­sutigisar­paa. Rahabi kil­luus­sisuua? Jehovap kil­luus­sisutut isiginagu ar­natut maluginiar­nar­tumik up­persusilit­tut isigaa. Rahabi qanoq ilin­niarfigisin­naanerlugu paasiumal­lugu taan­na pil­lugu oqalut­tuaq aal­laq­qaataaniit sam­meriar­tigu.

Rahabi ator­tit­tar­tuuvoq. Taman­na Biibilimik ilisimatuut ilaasa quarsaas­sutigingaaramik­ku Rahabi imer­niar­tarfiutiliin­naanerar­tar­paat. Biibilimili taman­na pil­lugu ersaris­sumik al­las­simasoqarlunilu pisimasuiit iser­tor­niar­neqan­ngil­lat. (Josva 2:1; Hebræerit 11:31; Jaaku 2:25) Rahabip inuus­sutis­sarsiutaa Kana’anik­kun­nit ajor­tumik isigineqarsimagunan­ngilaq. Inuit ataatsimut isumaat nalun­ngeqatigiin­nis­sum­mut, suup eq­qor­tuuneranik suul­lu eq­qun­ngitsuuneranik naliliisin­naas­susermut — Jehovap tamatsin­nut tun­nius­simasaanut — tamatigut at­tuumas­suteqar­tuaan­nan­ngilaq. (Romamiut 2:14, 15) Rahabip inooriaatsini kan­ngusuutigisimasin­naavaa. Imaas­sin­naavoq, ul­lumik­kut inup­pas­suit misigisar­nerat­tut, ilaqut­taminik pilersuiumal­luni al­latut ilioriarsin­naan­ngitsutut misigisoq.

Rahabi qular­nan­ngitsumik inuunerminik pitsan­ngorsaarusus­simas­saaq. Nunami najugaqarfigisaani nakuuser­neq ileq­qorlun­nerlu, aam­ma qanigival­laak­kamik uumasunil­lu atoqateqar­nerit, nalingin­naap­put. (3 Mosesi 18:3, 6, 21-24) Up­perisarsior­neq pis­sutaanerul­luni ajus­suseq nalingin­naalersimavoq. Naalaf­fin­ni ator­tit­tar­toqarlunilu anersaapilun­nik, soorlu Ba’alimik Molekimil­lu, guutisior­nermi meeq­qat suli uumasut ikual­lal­lugit pil­liutigineqar­tar­put.

Jehovap Kana’animi pis­sutsit isigin­ngitsuusaan­ngilai. Kana’anik­kut ajor­tuliungaar­tar­nerat pis­sutigalugu Jehova ima oqarsimavoq: “Taak­kua nunaat mingut­tun­ngorsimavoq, ajor­tuliaal­lu pil­lugit pil­lar­para, nunal­lu inuni oriarlugit piiar­pai.” (3 Mosesi 18:25) ‘Ajor­tuliaat pil­lugit qanoq pil­lar­neqar­pat’? Jehovap Guutip Israelik­kut ima neriorsorsimavai: “Naalak­kap Guutivit inuiaat taak­ku ilin­nit peersik­kiar­tuaarumaar­pai.” (5 Mosesi 7:22) Taman­na ukiut hundredelik­kuutaat sioq­qul­lugu Jehovap nuna Aaperaap kinguaavinut tun­niun­neqar­nis­saa neriorsuutigisimavaa,  ‘Guutilu sal­lusin­naan­ngilaq’. — Titusi 1:2; 1 Mosesi 12:7.

Jehovali aam­ma oqarsimavoq nunami inuiaat aalajangersimasut nungutin­neqarluin­nas­sasut. (5 Mosesi 7:1, 2) ‘Nunarsuarmik tamarmik naaper­tuil­luar­tumik eq­qar­tuus­sisuusutut’ inuit taak­kua uum­mataat takusin­naal­lugil­lu qanoq ajus­suseqar­tigalutil­lu ileq­qorlutsiginersut nalun­ngilaa. (1 Mosesi 18:25; 1 Nalunaarsuutit 28:9) Rahabip il­loqarfim­mi suujun­naarsin­neqar­tus­sami najugaqar­nini qanoq isumaqarfigaa? Israelik­kut pil­lugit nalunaarusiat tusaramigit qanoq misigisimas­sasoq takorluuin­narsin­naavar­put. Tusarsimavaa Israelik­kut — inuiaat inus­siatut naqisimaneqar­tut — Egyptenimiunik, taamanik­kut inuian­nik sorsut­tar­tunik pis­saaneqar­ner­paanik, ajugaaf­figin­nin­nis­saan­nut Guutimin­nit ikior­neqarsimasut. Maan­nalu Israelik­kut Jeriko saas­sun­nialer­paat! Taamaak­kaluar­torli il­loqarfim­miut ajor­tulior­tar­nermin­nik soraarus­sin­ngil­lat. Paasil­luarsin­naavar­put Rahabip nunaq­qatini Kana’anik­kut ‘naalas­seriitsutut’ eq­qaam­magit. — Hebræerit 11:31.

Rahabi al­latul­li in­ngilaq. Taas­suma ukiut ingerlaneran­ni Israelik­kut taak­kualu Guutiat, Jehova, pil­lugu nalunaarusiat eq­qarsaatigisarsimas­savai. Israelik­kut Guutiat Kana’anik­kut guutiinit al­laanerujus­suuvoq! Taak­kua Guutiata in­nut­tani naqisimanagit ser­nis­sor­pai, pal­lorfigin­nitsimilu ileq­qus­satigut najoq­qutas­siat maleruagaat ajor­tisar­nagit pitsan­ngorsar­pai. Guutip taas­suma ar­nat ileq­qus­satigut kan­ngunar­tumik guutipilus­sior­nermi angutinut akilersil­lutik atoqatigineqar­tus­siatut, tuniniagas­satut nikanar­tutul­lu isiginagit ataq­qin­nit­tuliorfigisar­pai. Rahabip Israelik­kut il­loqarfim­mik tiguaariaan­nan­ngorlutik kuus­suup Jordanip ungataani tam­maar­tut tusaramiuk in­nut­tami qanoq pineqar­nis­saat qular­nan­ngitsumik er­num­matigisimas­savaa. Jehovap Rahabi taas­sumalu ajun­ngitsumik isigin­nit­taaseqar­nera maluginiar­pai?

Ul­lumik­kut inup­pas­suit Rahabitut misigip­put. Inuunermin­ni ingerlariaq­qis­sin­naan­ngin­ner­tik pis­sutigalugu ataq­qineqar­natil­lu nikal­lungap­put; maluginiar­neqan­ngitsutut naleqan­ngitsutul­lu misigip­put. Rahabi pil­lugu oqalut­tuaq, Guutip inun­nik tamanik maluginiaasar­neranik eq­qaasitsisoq, tup­pal­lersaataangaar­poq. Qanorluun­niit naleqan­ngitsutut misigigaluarut­ta Guuti ‘ilatsin­nit kimil­luun­niit ungasin­ngilaq’. (Apustilit Suliaat 17:27) Guuti ungasin­nanilu tatigin­nitsini tamaasa neriuuteqalersin­nis­saan­nut piareersimal­lunilu piumas­suseqar­poq. Rahabip Jehova tatigaa?

Ul­lut ilaan­ni, Israelik­kut suli Jerikomik kaajal­laasalin­ngin­neran­ni, angutit takor­nar­tat marluk Rahabip angerlarsimaf­fianut kasut­tor­put. Angutit taak­kua marluk arajutsineqarsimanis­sar­tik neriuutigaat, il­loqarfim­mili najum­mas­simaarfiusumi inup­pas­suit Israelik­kun­nit alaper­naarsuiar­tor­titaqar­nersoq arajutsinaveersaar­paat. Imaas­sin­naavorli Rahabip taak­kua kik­kuunerat ingerlaan­naq pasitsaas­simas­sagaa. Angutinit nalusaminit pulaar­neqar­tar­nera nalingin­naavoq, angutil­li taak­ku marluk ar­namik ator­tit­tar­tumik atoqateqar­natik un­nuiin­narusup­put.

Angutit taak­ku marluk Israelik­kut tam­maarsimaf­fian­nit alaper­naarsuiar­tor­titaap­put. Naalak­kamin­nit, Josvamit, il­loqarfim­miut il­lersor­nis­samin­nut nukit­tuf­fiinik san­ngiis­sutaan­nil­lu paasiniaaq­quneqarsimap­put. Israelik­kut il­loqarfik taan­na Kana’animi  pal­lit­taalisagis­saar­ner­paasimagunar­toq siul­ler­tut tiguar­tus­saavaat. Josvap sak­kutuunilu kik­kun­nut sorsut­tus­saanerlutik ilisimaq­qis­saarusup­paa. Alaper­naarsuiar­tor­titat Rahabip angerlarsimaf­fianukar­niarlutik aalajangereersimanis­saat ilimanar­poq. Tas­saner­piaq, ator­tit­tar­tup angerlarsimaf­fiani, takor­nar­tat maluginiar­neqan­ngin­nis­saat ilimanaateqar­neruvoq. Alaper­naarsuiar­tor­titat aam­ma inuit oqaluuserisaan­nut tusar­naar­nermik­kut paasis­sutis­sanik atorluarsin­naasamin­nik pis­sarsinis­sar­tik neriuutigisimasin­naavaat.

Biibilimi al­las­simavoq Rahabi inoroorsaarluni ‘alaper­naarsuiar­tor­titanik ilas­sin­nit­toq’. (Jaaku 2:25) Im­maqa kik­kuunerat sunalu pil­lugu aggersimanerat pasitsaatereersimagaluarlugit angutit iseq­qul­lugil­lu inisimasorai. Imaas­sin­naavoq taak­kua Guutiat, Jehova, pil­lugu paasisaqar­nerunis­sani neriuutigisimagaa.

Tas­san­ngaan­naq Jerikop kun­ngianit oqariar­tor­titat tak­kup­put! Israelik­kut alaper­naarsuiar­tor­titaat Rahabip angerlarsimaf­fianiin­nerat tusaamaneqalersimavoq. Rahabi qanoq ilius­sava? Angutit taak­ku takor­nar­tat marluk ikiorunigit inuunerminik inoqutiminil­lu navianar­torsior­titsis­san­ngin­nami? Akeq­qat inisimasorigunigit inoqutinilu nunaq­qatiminit toqun­neqas­san­ngin­nami? Maan­nali Rahabip angutit taak­kua kik­kuunerat qularutigiun­naarsimas­savaa. Jehovali nam­mineq guutiminit Guutiul­luar­nerunera nalun­ngin­namiuk taman­na Jehovamik tapersersuinerminik ersersitsinis­saminut periarfis­saqalis­sutigaa.

Rahabi eq­qarsar­nis­saminut pif­fis­saqar­pian­ngilaq, isumas­sarserial­laq­qis­suugamili iliuuseqapal­lap­poq. Alaper­naarsuiar­tor­titat ilupaas­sias­sat kanaar­taasa, il­lumi qaavani panerser­neqar­tut, akor­nan­nut toq­qor­tip­pai. Kun­ngip oqariar­tor­titaan­nut ima oqar­poq: “Aap, angutinik tikiut­toqar­poq, naluak­kali sumit pisuunersut, taarsiler­neranili isaaf­fik matusus­san­ngormat anip­put. Sumun­nar­nersut naluara, tuaviorlusili malersorus­sigit qular­nan­ngilaq angusin­naas­savasi.” (Josva 2:4, 5) Takorloorsin­naavar­put Rahabip oqariar­tor­titat kiinarsiorsimas­sagai. Eq­qarsaatigisimas­savaa an­nilaan­ngarmit uum­matimi til­ler­nera takuneqarsin­naanersoq?

Pilersaarutai iluatsip­put! Kun­ngip sak­kutuui tuaviin­naq Jordanimi naloraar­taris­sat tungaan­nukar­put. (Josva 2:7) Rahabi an­nak­kuum­mer­nerup pianik anersaarulus­simas­saaq. Periataal­laq­qin­nermigut angutit toqutserusut­tut sal­lusuis­sum­mil­lu ilisiman­nin­nis­samin­nut pisus­saaf­feqan­ngitsut sal­loqit­tarlugit al­lamukar­tip­pai, taamaalil­lunilu Jehovap kif­fai aalajaatsut marluk an­naal­lugit.

Rahabi alaper­naarsuiar­tor­titat qanoq iliorsimanerminik oqalut­tuun­niarlugit tuaviin­naq il­lumi qaavanukar­poq. Pingaarutilerujus­suarmil­lu paasititsivoq: Nunaq­qatai sapiis­suseerus­simal­lutil­lu akeq­qamin­nut qunusorujus­suup­put. Alaper­naarsuiar­tor­titat taamatut paasitin­neqar­ner­tik nuan­naarutigisimas­savaat. Kana’anik­kut peq­qar­niitsut Israelik­kut Guutiata, Jehovap, pis­saanera pis­sutigalugu an­nilaangangaar­put!  Rahabi uagutsin­nut pingaaruteqar­nerujus­suarmik ima oqaaseqar­poq: “Naalagarmi Guutersi Guutiuvoq pavani qilam­mi nunamilu maani.” (Josva 2:11) Jehova pil­lugu nalunaarusiat tusarsimasani Israelik­kut Guutian­nik tatigin­nilis­sutigalugil­lu up­perin­nilis­sutigai.

Jehovap in­nut­taminik ajugaatitsiumaar­nera Rahabip qularutigin­ngilaa. Taamaat­tumik saam­maan­neqaq­qul­lunilu ilaqut­tanilu asat­tuun­neqar­nis­sar­tik pil­lugu alaper­naarsuiar­tor­titat kimigiiserfigai. Akuersip­put, aatsaal­li sulerisimanermin­nik Rahabi al­lanut oqalut­tuar­nanilu sak­kutuunit ilaqut­tanilu il­lersor­neqar­nias­sagamik il­loqarfiup qarmaani igalaak­kut al­lunaasaq aap­palaar­toq nivin­ngatip­pagu. — Josva 2:12-14, 18.

Rahabip maligas­siaa up­per­neq pil­lugu pingaarutilim­mik ilin­niarfigaar­put. Biibilimi al­las­simaneratut “up­per­neq tusak­kanit pilersin­neqar­tar­poq”. (Romamiut 10:17) Jehovap Guutip pis­saanera naaper­tuil­luar­neralu pil­lugit nalunaarusiat tutsuiginar­tut tusarsimagamigit taas­sumun­nga up­pilerlunilu taas­sumin­nga tatigin­niler­poq. Ul­lumik­kut amerlanerungaar­tunik Jehova pil­lugu paasis­sutis­saateqar­pugut. Taas­suma oqaasiani, Biibilimi, ilik­kak­kavut tun­ngavigalugit ilisarisimalerlugulu up­perfigilis­savar­put?

Alaper­naarsuiar­tor­titat taak­ku marluk Rahabip siun­nersuutaanik maleruaap­put al­lunaasarlu igalaavatigut nivin­ngasoq iluaqutigalugu qarmak­kut im­min­nut ningil­lutik. Tamatuma kingor­na takuneqar­naveersaarlutik qaq­qarsuit tungaan­nut qimaap­put. Jerikop avan­naani in­naarsup­pas­suaqar­poq, taak­kulu akor­nan­ni alaper­naarsuiar­tor­titat Rahabimit nutaarsias­saq nuan­nersoq tusarliuk­kumal­lugu Israelik­kut tam­maarsimaf­fian­nut uter­nis­samin­nut aarlerinar­tuerun­nis­saata tungaanut toq­qorsimasin­naap­put.

Kingusin­nerusuk­kut Israelik­kut kuus­suak­kut Jordanik­kut ikaarsin­naanias­sam­mata Jehovap tupin­nar­tulior­nik­kut kuus­suarmik kuuk­kun­naar­titsisimanera Jerikomiut tusaramik­ku an­nilaangangaalersimas­sap­put. (Josva 3:14-17) Rahabimul­li paasis­sutis­saq taman­na Jehovamik up­perin­nin­nermigut tatigin­nin­nermigul­lu eq­qor­tuliorsimanerminut up­per­narsaataagin­nar­poq.

Mas­sak­kut Israelik­kut Jerikomik kaajal­laanialer­put. Ul­luni arfinilin­ni il­loqarfik ul­lormut ataasiarlutik kaajal­lat­tarsimavaat. Mas­sak­kut ul­loq arfineq-aap­pas­sarivaat al­laaneruvorlu. Al­laaserisap aal­laq­qaataani eq­qaaneqar­tutut ul­laaralaak­kut ingerlaaler­put. Sak­kutuut ataasiarlutik Jerikomik kaajal­laareerlutik ingerlaq­qiin­nar­put il­loqarfil­lu kaajal­laqat­taalerlugu. (Josva 6:15) Susoqalersoruna?

Kiisami sak­kutuut ul­lut arfineq-aap­paan­ni arfineq-marlus­saa kaajal­laareerlutik unip­put. Qarlor­tar­paluk­kun­naar­put. Suna tamarmi nipaarul­luin­nar­poq. Il­loqarfim­miut pis­sangasimas­sap­put. Sak­kutuut Josvap peq­qusineratigut siul­lermeerlutik saas­sus­seq­qus­sum­mik nil­ler­put. Jerikop qarmaani pigaar­tut taamatut nil­lial­luni saas­sus­sineq eq­qumiigisimas­savaat? Taamaap­pat sivikitsuin­narmik paatsuungasimas­sap­put. Qarmarsuaq nikorfaf­figisaat sajuler­poq. Sajoriarluni qup­paqaleriarlunilu nak­kaatiler­poq! Isoriak­kun­naarmat qarmap ilaata nak­kaas­siman­ngin­nera takuneqarsin­naaler­poq. Rahabip angerlarsimaf­fia suli napavoq, taman­nalu up­per­neranut takus­sutis­saavoq. Takorlooruk Jehovamit ser­nigineqarsimanini paasigamiuk qanoq misigisimas­sasoq! * Ilaqutai an­naan­neqar­put! — Josva 6:10, 16, 20, 21.

Jehovap in­nut­taasa Rahabi up­per­tuum­mat ataq­qivaat. Aseq­qukut akor­nan­ni inigisaa napasoq takugamik­ku paasivaat Rahabi Jehovamit najor­neqar­toq. Rahabik­kut Jerikomiut peq­qar­niitsut peqatigalugit suujun­naarsin­neqar­nis­samit asat­tuun­neqar­put. Il­loqarfik tiguar­neqareermat Rahabi Israelik­kut tam­maarsimaf­fiata eq­qaani najugaqarsin­naatin­neqar­poq. Pif­fis­sap ingerlanerani Rahabi in­nut­tanut juutinut ilan­ngup­poq angum­mul­lu Salmonimik atilim­mut katil­luni. Taak­kua er­nerat, Boazi, Jehovamut kif­fan­ngor­poq aalajaatsoq Moabik­kuusorlu Ruthi nulis­siul­lugu. * (Ruthi 4:13, 22) Kun­ngi Daavi Mes­siasilu, Jiisusi Kristusi, ilaqutariin­nit taak­kunan­nga Guutimik mianerin­nit­tunit kingoq­qisuup­put. — Josva 6:22-25; Mat­thæusi 1:5, 6, 16.

Rahabi pil­lugu oqalut­tuamit erser­poq tamat­ta Jehovap isaani pingaaruteqar­tugut. Tamat­ta maluginiar­tar­paatigut, uum­mam­miuvut takusin­naavai, up­persuseqar­tugul­lu malugigaangamiuk, soorlu Rahabip up­persuseqar­neranik malugin­ninermisut, nuan­naar­tar­poq. Rahabi up­persuseqar­nermigut iliuuseqar­poq. Biibilimi al­las­simaneratut ‘suliamigut iluar­tuutitaavoq’. (Jaaku 2:25) Taas­suma up­persusia ilaar­tigu!