Daavip Guutimit malugineqar­tar­nis­sani naatsorsuutigisin­naavaa? Guutip il­lit malugisar­paatit? Inup­pas­suit Guutimit Ajugaqan­ngitsumit soqutigineqar­ner­tik up­periuminaatsip­paat. Sooq?

Ilaatigut Guutip piunera inuit inuuneran­nit qutsin­nerungaar­nera pis­sutigalugu. Guutip qutsin­nermiit­tup isaani “inuiaat kuseriar­ner­tut qat­tamiit­tutut ip­put, pujoralaan­nan­nguatut oqimaalutaavim­miit­tutut naatsorsuutas­saap­put”. (Esaja 40:15) Al­laam­mi tusagas­sior­toq Guutimik up­perin­nin­ngitsoq isum­mer­poq “ilin­nik iliuuserisan­nil­lu soqutigin­nil­luin­nar­tumik Guuteqar­neranik up­perin­nin­nis­saq sianiitsor­pal­lan­nerujus­suusoq”.

Aam­ma inuit ilaat pis­susilersoriaaser­tik pis­sutigalugit Guutimit malugineqar­nis­samin­nut ajuk­kut­tar­put. As­sersuutigalugu angut utoq­qas­saq Jimimik atilik ima oqar­poq: “Eq­qis­sineq im­minul­lu naalak­kersin­naaneq qin­nutigiuaraluarlugit suli kamaam­mer­tar­punga. Taamaat­tumik isumaqaler­punga inut­tut ajorluin­nar­tuul­lunga Guutimil­lu ikior­neqarsin­naananga.”

Inun­nit ungasingaarami Guutip malugineq ajor­paatigut? Inuit naam­mal­luin­nan­ngitsut qanoq misigis­suseqarfigai? Guuti im­minut ilisaritis­siman­ngik­kaluar­pat taan­na sin­nerlugu apeq­qutit taak­ku eq­qor­tumik akisin­naas­san­ngik­kaluar­pavut. Guutil­li isumas­sarsisitsil­luni inun­nut oqariar­tuutaani — Biibilimi — up­per­narsaa­vigineqar­pugut Guuti inun­nik soqutigin­nit­tuusoq. Biibilimimi al­las­simavoq “ilatsin­nit kimil­luun­niit ungasin­ngik­kaluar­toq”. (Apustilit Suliaat 17:27) Al­laaserisani tul­liut­tuni sisamani Guutip inun­nik ataasiak­kaanik soqutigin­nin­nini pil­lugu ilisimatitsinera inun­nil­lu, ilit­tut it­tunik, soqutigin­nin­nerminik qanoq ersersitsi­simanera sam­mis­savavut.