Guutip naalagaaffia tassaavoq qilammi naalakkersuisut. Jiisusip ajoqersukkani oqarfigai Guutip naalagaaffia tikiuteqqullugu qinusassasut, Naalagaaffik tamanna naapertuilluassuseqalersitsillunilu eqqissineqalersitsissammat. Nunami naalakkersuisut nakuusernernik, naapertuilluanngitsuliornernik nappaatinillu atorunnaarsitsivissinnaanngillat. Guutilli naalagaaffini aqqutigalugu taamaaliorsinnaallunilu taamaaliorusuppoq. Erni, Jiisusi, naalagaaffimmini kunngiusussatut toqqarsimavaa. Aamma Jiisusip ajoqersugaasa ilaat naalagaaffimmi tamatumani Jiisusip naalakkersueqatissaatut Jehovamit toqqarneqarsimapput. — Lukasi 11:2; 22:28-30 atuakkit.

Qanittukkut Guutip aqutsineranut akerliusut tamarmik Guutip naalagaaffianit piiarneqassapput. Tassa Guutip naalagaaffiata tikiunnissaanik qinnutiginninneq nunami naalakkersuisut Guutip naalakkersuineranit taarserneqarnissaannik qinuneruvoq. — Danieli 7:13, 14; Saqqummersitat 11:15, 18 atuakkit.

Jiisusi misigittartuugami kunngiulluarnerpaajuvoq. Aamma Guutip ernerimmani Guutimut ikioqqullutik qinusunik tamanik ikiuinissaminut pissaaneqarpoq. — Tussiaat 72:8, 12-14 atuakkit.

Guutip naalagaaffiata tikiunnissaanik pimoorullugu qinnutiginnillutillu Guutip piumasaatut inuusut tamarmik naalagaaffik tamanna iluaqutigissavaat. Guutip naalagaaffia pillugu Biibilimi allassimasunik ilinniarnerit peqqissimissutiginngisaannassavat. — Lukasi 18:16, 17; Johannesi 4:23 atuakkit.