Angajoq­qaat im­min­nut ataq­qil­lutil­lu asap­pata qitor­naasut nuan­nersumik avatangiiseqarlutik peroriar­torsin­naap­put. (Kolos­semiut 3:14, 19) Jehovap Guutip er­nerminik nersualaarisar­neratut angajoq­qaajul­luar­tut qitor­natik asal­lugil­lu nersualaar­tar­paat. – Mat­thæusi 3:17 atuaruk.

Ataatat­ta qilam­miusup kif­fani tusar­naar­tar­pai taak­kualu misigis­susaat eq­qumaf­figalugit. Angajoq­qaat taan­na ilin­niarfigisariaqar­paat qitor­natil­lu tusar­naar­tariaqarlugit. (Jaaku 1:19) Qitor­namik misigis­susaat akueriuminaak­kaluar­pataluun­niit angajoq­qaat sumigin­nar­tus­saan­ngilaat. – 4 Mosesi 11:11, 15 atuak­kit.

Angajoq­qaajusutut kil­lilersuinis­samut oqar­tus­saas­suseqar­pusi. (Efesosimiut 6:1) Guutip maligas­siaa ilin­niarfigiuk. Taan­na paatsuugas­saan­ngitsunik maleruagas­salior­nermigut taak­kunin­ngalu unioq­qutitsinerup qanoq kingunerlut­tar­neranik nas­suiaanermigut qitor­naminik asan­nin­nini ersersit­tar­paa. (1 Mosesi 3:3) Inuil­li pin­ngitsaaliinik­kut naalaq­qunagit eq­qor­tulior­nerup iluaqutis­sar­taanik ilin­niar­tip­pai. – Esaja 48:18, 19 atuak­kit.

Qitor­navit Guutimik asan­niler­nis­saan­nik ikior­nis­saat anguniagariuk. Taamaalioruit al­laat kisimiin­nermin­ni silatusaar­tumik aalajangiisalis­sap­put. Guutip maligas­siuinermigut ilin­niar­titsisar­neratut qitor­natit maligas­siuinik­kut Guutimik asan­nin­nermik ilin­niar­tik­kit. – 5 Mosesi 6:5-7; Efesosimiut 4:32; 5:1 atuak­kit.