Amerlangaartut Jehovap issiavissaarsuata saani
Kapiteli 13
Amerlangaartut Jehovap issiavissaarsuata saani
1. (a) Guutip kiffai kristumiussutsip aallartinnera sioqqullugu inuusimasut 144.000-illu akissarsiassamik pinnginnerminni soqqaartariaqarpat? (b) Inuilli ’amerlangaartut’ ’annikilliornartoq angisooq’ takkuppat inuusut sumik periarfissaqassappat?
NAAK Guutip kiffai ilumoortut, Abeliminngaanniit Johannes Kuisisumut, inuunerminni Guutip piumasaanik salliutitsisimagaluarlutik toqusariaqarsimapput makititaanissartillu utaqqisariaqarlugu. Aammattaaq 144.000-it qilammi Kristusip naalagaaffiani naalakkersueqataasussat akissarsiassamik pinnginnerani toqoqqaartariaqarput. Tamatumunnga akerliusumik apustili Johannes takusaqartinneqarpoq ’amerlangaartunik’ ’annikilliornartumit angisuumit’ aniguisussanik toqoqqaarnatillu naassaanngitsumik inuunissamik siunissaqartunik. — sarĸ. 7:9-17.
’Amerlangaartut’ kikkuusut
2. ’Amerlangaartut’ sarĸúmersitat 7:9-mi eqqartorneqartut kikkuunerat qanoq ersarinnerujartuinnartumik paasineqariartuaarsimava?
2 Ukiuni hundredelikkuutaani ’amerlangaartut’ taakkua kikkuunerat paasisimaneqarsimanngilaq. Siulittuutinilli taakkununnga attuumassuteqartunik paasisaqariartuaarneq tamatuminnga eqqortumik paasinninnissamut aqqutissiuussisimavoq. 1923-mi paasineqarpoq „savat“ (NV) Matîuse 25:31-46-mi Jesusip assersuusiamini eqqaasai aammalu ’savat allat’ Juánase 10:16-imi eqqartugai tassaasut inuit maannakkut inuusut nunarsuarmilu matumani naassaanngitsumik inuusinnaatitaajumaartussat. 1931-mi paasilluarneqarpoq angummit allaasisartumit qaamikkut nalunaaqutserneqartut Hisĩkiale 9:1-11-mi eqqartorneqartut tassaasut „savat“ Matîuse, kapitali 25-mi, eqqartorneqartut. Taavalu 1935-mi paasineqarpoq ’amerlangaartut’ sarĸúmersitat -imi eqqartorneqartut aammattaaq tassaasut „savat“ Jesusip savanik savaasanillu assersuusiamini eqqartugai. Naak 1923-mili savat assersuutaasut saqqummertalereersimanerat ilisimaneqaraluartoq taamaattoq aatsaat 1935-miit taakku sukkasuumik amerliartulerput. Ullumikkut inuit millionilikkuutaat Guutimit iluarisaasut ’savanut allanut’ ’amerlangaartunut’ ilaasutut nalunaarsimapput. 7:9-17
3. ’Issiavissaarsuup saaniinnerat’ sooq isumaqanngila qilammiittussaasut?
3 ’Amerlangaartunut’ ilaasut 144.000-init anersaakkut Israelimut ilaasortaasunit, sarĸúmersitat-ni kapitalimi ’amerlangaartut’ eqqartorneqarfianni siusinnerusukkut eqqartorneqartunit, immikkoorput. Johannesip takorruukkamini takusani ’amerlangaartunut’ ilaasortaasut qilammiinngitsut takuai. Guutip ’issiavissaarsuata saaniimmata’ (grækerisut: enoʹpion tou throʹnou, toqqaannartumik nutserneqarsinnaasoq ima: „issiavissaarsuup takkuani“) imaattariaqanngilaq qilammiittut. Imaaginnarpoq Guutip „takkuani“ ittut, Guutimi oqaluttuarpoq qilammit ’inuit qitornaat isiginnaarlugit’. (sarĸ. 7:9; Tuss. 11:4; naleqqiutikkit Tussiaat 100:1, 2 aamma Lúkarse 1:74, 75 (NV) aammalu apustilit suliáinik agdlagkat 10:33, Kingdom Interlinear.) Taamatuttaaq Matîuse 25:31, 32-mi eqqartorneqartutut ’inuiaqatigiit tamarsuarmik’ Kristusip issiavissaarsuata saani katersuussinnaajumallutik qilammiittariaqanngillat. ’Amerlangaartut kisinneqarsinnaanngitsut’ qilammiittussaannginnerat takuneqarsinnaavoq allassimaffik tamanna sarĸúmersitat 7:4-8-mut sarĸ. 14:1-4-mullu naleqqiukkaanni, allassimaffinnimi taakkunani qulaarneqarpoq nunamit immikkoortillugit qilaliartussat qasserpiaanerat.
4. (a) ’Annikilliornartoq angisooq’ aniguiffigisassaat sunaana? (b) sarĸúmersitat 7:11, 12 naapertorlugu ’amerlangaartut’ kikkunnit-una isiginnaarneqarlutillu pallorfiginneqatigineqartut?
4 ’Amerlangaartut’ kikkuunerannik eqqartuinermini Johannes ima allappoq: ’Tassa-uku annikilliornartumit angisuumit pisut.’ Aniguisitaaffigisaat tassaassaaq annikilliornartoq annikilliornartunit nunarsuarmi pisimasunit tamanit annerpaasussaq. (sarĸ. 7:13, 14; Mat. 24:21) Jehovap ullussarsuani siooranartumi tamatumani aniguisut nalornisiginngilluinnassavaat kimit annaanneqarlutik. Qujamasullutik Guuti Savaararlu annaassisimittut nalunaarutigippatigik, Johannesip takorruukkamini takusaatut, pinngortitanit aalajaatsunit qilammiittunit tamanit ingiorneqarlutik Guuti ilumoortutuaq pallorfigissavaat ima oqarlutik: ’Amen, pilluaqqussut naalannaallu ilisimassullu qujaniullu ataqqinaallu pissaanerlu nakuussullu Guutitta pigai naassaanngilluinnartumik. Amen.’ — sarĸ. 7:11, 12.
Annannissamut qinngaqqunnanngitsuusariaqarput
5. (a) ’Amerlangaartunut’ annaanneqartussanut ilaajumagaanni suut piumasarineqarnersut qanoq ililluta aalajangiussinnaavarput? (b) ’Annikilliornartumi angisuumi’ annaanneqarumagaanni qanoq iliortariaqarnersoq apeqqutit immikkoortunut ilanngunneqarsimasut akinerisigut nassuiaruk.
5 ’Amerlangaartunut’ ilaasortaasut aniguisinneqarnissaat Jehovap najoqqutassiai naapertuilluartut naapertorlugit pissaaq. Bibelimi allassimaffinni siulittuutaasuni annattussanut innersuussutaasuni ersarissumik taaneqartarpoq annattussanut suut ilisarnaqutaassanersut. Tamatuma inuit naapertuilluassutsimik nuannarisaqartut periarfissippai annannissaq siunertaralugu maanna iliuuseqarnissaannik. Allassimaffiit matuma kinguliani sammisassavut siusinnerusukkut innersuussutigisareeraluarpavut, maannakkulli allassimaffiit allat ilanngunneqarsimasut ikiortigalugit peqqissaartumik tamakku misissoriakkit, isumaliutigeqqissaarlugulu illit siulittuutaasunut tamakkununnga naleqquttunngorsarniarlutit qanoq iliortariaqarnerlutit.
’Savat allat’ Juánase 10:16-imi eqqartorneqartut
Jesusip nipaanut tusaaneq qanoq paasisariaqarpa? (Juán. 10:27; Mat. 9:9; Evf. 4:17-24)
Kristusimik paarsisutuatsitut akuersinerput qanoq ililluta ersersissinnaavarput? (Mat. 23:10, 11)
„Savat“ Jesusip savanik savaasanillu assersuusiamini eqqartugai (Mat. 25:31-46)
Kikkut-uku Kristusip ’qatanngutai’ savanit ajunngitsumik iliorfigineqartut? (Epr. 2:10, 11; 3:1)
sarĸ. 12:12, 17; Mat. 24:14; 28:19, 20)
Pissutsini ajornartorsiorfigisaminni qanoq ittuni „savat“ Kristusip qatanngutaanut nunamiittunut ilannguttariaqarpat? Suliarlu suna ilumoorlutik suleqataaffigaat? (Angummit allaasisartumit qaamikkut nalunaaqqutserneqartut, tamatumalu kingunerisaanik annattut (Hsk. 9:1-11)
Jerusalemimut assersuussaasut, tassa kristumiuuneraqatigiit, iluanni maajunnartulianik iluarinninnginnertik nalunaaqutserneqartut qanoq ilillutik ersersippaat? (sarĸ. 18:4, 5)
’Nalunaaqut’ tamanna kristumiuunerartunit allaanerussutigisaat annannissaannillu periarfissiisoq suua? (1 Pîtr. 3:21; Mat. 7:21-27; Juán. 13:35)
6. ’Amerlangaartut’ pillugit Johannesip allaaserisaata taakkununnga ilaasut annaanneqarsimanerannut pissutaasup paasinissaanik qanoq ililluni ikiorsinnaavaatigut?
6 ’Amerlangaartut’ pillugit sarĸúmersitat 7:9-15-imi allaaserisaq paasissutissanik annikitsualunnik pingaaruteqartunik aamma ilaqarpoq. ’Annikilliornartup angisuup’ kingornagut katersanut taakkununnga ilaasut qanoq pissuseqarnerata oqaluttuarineqarneratigut taakkua aniguinerannut pissutaasut ilaat Bibelimi tikkuarneqarput.
7. ’Annikilliornartup angisuup’ pinnginnerani ’amerlangaartut’ qanoq iliorsimappat, tamannalu qanoq eqqaatsiarneqarpa?
7 Ersersinneqarpoq naak inuiannit, naggueqatigiinnit, inuiaqatigiinnit oqaasilinnillu tamaneersuugaluarlutik ataasiussuseqarlutik ’issiavissaarsuup saaniittuusut’ Jehovallu, issiavissaarsuarmi issiasup, qilammi nunamilu Kisimi Oqartussaalluni Naalagaaneranik akuersillutik. Inooriaatsimikkut ersersissimavaat ilumoorlutik taassuma naalagaassusianik tapersersuisuullutik. ’Atisatik savaaqqap aavanik errorsimammatigik qaqorsarlugillu’ malunnarpoq Guutip savaaraatut Jesusip ajortinik isumakkeerneqaatissamik pilliutaanik pisariaqartitsinertik paasisimagaat. (Juán. 1:29; 1 Juán. 2:2) Pilliut tamanna tunngavigalugu upperlutik Guutimut tunniulluinnarsimapput, tunniulluinnarsimanertik ersersikkumallugu imermi kuisissimallutik, maannalu ilerasuuteqaratik Guutimut attaveqarput qaqortumik atisaqarnerannik assersuutigineqartumik. Guutip erneranut uppernerminnik tamanut nalunaarutiginninnissaminnut tunuarsimaarsimanngillat. (Mat. 10:32, 33) Tamakku tamaasa naapertorlugit ersersinneqarpoq taakku ’ullukkullu unnuakkullu’ Guuti kiffartuullugu taassuminnga pallorfiginnittutut Guutip naalaffiutaaniittuusut, tassa qilammi nunamilu pallorfiginnittarfiutaaniittuusut. Eqqortumik pallorfiginninnermik ilumoorlutik illersuisutut aammalu Guutip naalagaaffianik oqaluussissutiginnittutut ilisimaneqalersimapput. — Is. 2:2, 3.
8. Paasissutissat tamakku iluaqutigisinnaajumallugit qanoq iliortariaqarpugut?
8 Siulittuutit assersuutaasut tamakkua annikitsualuttaat tamaasa ilanngullugit ilinnut naapertuuppat? Tassani allaaserineqartunut inuunivit arlaatigut naapertuunnerusunngortinnissaanik pisariaqartitsivit? Taamaappat, taava massakkut qanoq iliuuseqartariaqarputit!
Anersaakkut paratiisimi inuusut
9. Anersaakkut pilluaqqussutit ’amerlangaartunit’ maannangaaq misigineqalereersut Johannesip qanoq eqqartorpai?
9 ’Amerlangaartunut’ ilaasutut aniguinissamik neriugisaqartunut ilaavit? Taava — Jehovap najoqqutassiaanut naapertuilluartunut inuunerit naapertuuttunngorsarsimagukku — qularnanngitsumik pissutsit taassuma neriorsuutigisai, eqqorluartumillu anersaakkut paratiisitut taaneqartut, misigisalereersimassavatit. Apustili Johannes ima oqarfigineqarsimavoq: ’Kingornalu kaalissanatillu imerusulissanngillat, seqernullu suulluunniit kiannerup tuffigissanngilai; savaaqqap issiavissaarsuup qeqqaniittup paariumaarmagit tasiorlugillu imermik puilasunut inuunerup piinut; Guutillu qulliit tamaasa isaannit allarterumaarpai.’ (sarĸ. 7:16, 17) Qanoq ilillutit tamanna misigisimaviuk?
10. (a) Qanoq ililluni anersaakkut ittumik oqartoqarsinnaava ’amerlangaartut’ ’kingorna kaalissanatillu imerusulissanngitsut’? (b) Illit tamanna misigisimaviuk?
10 Paarsisup ajunngitsup, Jesus Kristusip, asannilluni isumassulinngikkallarmatit naapertuilluassutsimik kaallutillu Matîuse 5:6.) Taamaassimappat taava taamaallaat ernera aqqutigalugu Jehovamit pineqarsinnaasoq maqaasisimassavat. Taava Jehovap aqqutai naapertuilluartut — ajortunik nungutitsinissaa, aammalu ajunngissutsimigut pisassarinngisaraluatsigut annannissamik Adamip kinguaavinut periarfissiuussisimanera — ilisimalerakkit qularnanngitsumik aatsaat inuuleravilli nalerisimaarnermik piviusumik misigisimassaatit. Anersaakkut inuussutissat imigassallu Guutip oqaasianeersut, peqatigiissortani aqqutigalugit tunniuttagaasa, nalerisimaarnermik suli misigitittuarpaatsit. (Is. 65:13, 14) Kristusilu aqqutigalugu Guutimut tunniulluinnareersimaguit inuunerit piviusumik siunertaqalersimassaaq. (Naleqqiuguk Juánase 4:32-34.) Nunarsuarmi paratiisiusumi naassaanngitsumik inuunissat nuannaarlutit qilanaarutigisinnaavat, Savaaqqap ’amerlangaartut’ ’imermik puilasunut inuunerup piinut’ siulersussammagit.
imerusussimavit? (Naleqqiuguk11. (a) ’Seqernup suulluunniit kiannerup tuffigissanngikkai’ qanoq paasisariaqarpa? (b) Tamanna ilinnut qanoq pingaaruteqartigaa?
11 ’Savatut’ isumalluartutut ’amerlangaartunut’ ilaasut aammattaaq paarsisumit ajunngitsumit siulersorneqarlutillu sernissorneqassapput. Tamannalu pissutaavoq assersuutitut oqaatigineqartumut ’seqernup suulluunniit kiannerup tuffigissanngikkai’. Tamannali ima paasisariaqanngilaq ’amerlangaartunut’ ilaaguit silarsuarmit malersorneqarnavianngitsutit. Guutilli iluarinninnginnerata kissarneranut ikumasumut illersorneqarumaarputit. Guutillu aseruinerminik guutiitsut siallersitsivigippagit illit nungutitaanavianngilatit. Guutimullu attaveqarnerit tamanna iluarinartoq naassaanngitsumik ataavarsinnaassaaq. — Hsk. 38:22, 23; naleqqiuguk Tussiaat 11:6; 85:4, 5.
12. Qanoq ililluni maannangaaq qulliit illit isinnit allarterneqarsimappat?
12 Aap, ’amerlangaartunut’ ilaaguit nuannaarnissannut pissutissaqarluarputit! Ajortut nungutitaalluinnarnerannik takunnissinnaanissannik tamatumalu kingorna isumavit timivillu ajortip sunniutaanit tamanit aniguisinneqarnissaannik Tuss. 144:15b, NV) Taamaalillutit maannangaaq misigilereersimassavat neriorsuutip matuma eqquunnera: ’Guutip qulliit tamaasa isaannit allarterumaarpai.’
angingaartumik neriugisaqarputit. Aliasuutilli isumakuluutillu inuit Guutimik ilisarsinnginnertik pissutigalugu atugarisaat maannangaaq illit pinngitsoorsinnaalereerpatit. Nuannaarneq, taamaallaat inunnit Jehovamik Guutilinnit pigineqartoq, illittaaq misigisalereersimavat. (13. Ukiuni tuusintini Kristusip naalakkersuinissaa ingerlatillugu anersaakkut paratiisimi nuannaarnermut suut alliartuutaassappat?
13 Soorlu ’amerlangaartut’ pissutsit aaqqissuussaanerata maannakkut atuuttup aserorneqarneranit aniguiumaartut taamatuttaaq anersaakkut paratiisi aniguiumaarpoq. ’Amerlangaartunut’ ilaaguit ukiuni tuusintini Kristusip naalakkersuinissaa ingerlatillugu anersaakkut inuussutissartaqarluartunik nerersuarneq nuannaarutigalugu ilaaffigiuarsinnaassavat. Guutip siunertarisaata aalajaatsup eqquukkiartuaarnera isigitillugu taassuminnga ilisarsinerit itinerujartuinnassaaq. Toqusunit makerartunik amerliartuinnartunik tikilluaqquseqataaleruit eqqortumillu pallorfiginninnermut taakku peqataalersut isigilerukkit nuannaarnerit suli annerulissaaq. Taamanikkussamullu timikkut pilluaqqussutissat Guutip kiffaanit aalajaatsunit tamanit nuannaarutigineqarnerungaassapput, Jehovap nammineq inunnik asanninneranut ersiutitut isigineqassagamik. — Is. 25:6-9; Jâk. 1:17.
Uteqqiineq
● Pisussaq imaannaanngitsoq suna ’amerlangaartunut’ Bibelimi atassuserneqarpa, qanorlu ililluni?
● ’Amerlangaartunut’ taakkununnga Guutimit iluarisaasunut ilaajumagutta maannakkut qanoq iliortariaqarpugut?
● Anersaakkut paratiisimi pilluaqqussutit ilinnut qanoq pingaaruteqartigaat?
[Atuaqqissaarnermi apeqqutit]