’Anersaapilunnut pissaani- lissuarnut akiuunneq’
Kapiteli 8
’Anersaapilunnut pissaanilissuarnut akiuunneq’
1. Anersaapiluit sunniinerat sooq ingammik uagutsinnit sianigisariaqarpa?
INUIT timip piinik pingaarnerutitsisut anersaapiloqarne- raaneq immaqa mitallerpaluttumik assortortarpaat. Kisianni quiassuarnissamut pissutissaqanngilaq. Upperigaluarpassuk upperinngikkaluarpassulluunniit anersaapiluit sunniinerat pissutaalluni inuit tamarmik tatisimaneqarput. Aammattaaq Jehovamik pallorfiginnittut tatisimaneqarput. Taakkuli allat tatisimaneqarnerannit annertunerusumik tatisimaneqarput. Akiuunneq tamanna apustili Paulusip eqqaasitsissutigaa ima oqarluni: „Akiugassavummi tassaanngillat aak uinillu, tassaallutilli naalakkersuisut [nunap qulaaniittut, aaliunngitsut uiniunngitsullu], oqartussaasut, silarsuarmut naalagaasut taarsuarmi matumaniittut, anersaapiluit pissaanilissuit qilaap ilaaniittut.“ (Evf. 6:12, NV) Ullumikkut tatisimanninneq aatsaat taama sakkortutigaaq, tamatumunngalu pissutaavoq Satanip qilammit igitaasimanera piffissakissutsilu nalunnginnamiuk kamattorsuunera. — sarĸ. 12:12.
2. Anersaapilunnut inunnit pissaaneqarnerungaartunut akiuunnitsinni qanoq ililluta ajugaasinnaavugut?
2 Qanoq ililluni arlaannarpulluunniit anersaapilunnut inunnit pissaaneqarnerungaartunut akiuunnermi ajugaasinnaagami? Ajugaasinnaavugut aatsaat Jehova tatigilluinnarutsigu. Taanna tusarnaartariaqarparput oqaasiinullu naalattuulluta. Taamaaliorutta Satanip pissaaneqarfigisaasut timikkut, ileqqussatigut, misigissutsikkut isumakkullu ajoquserneqarnissarput pinngitsoorsinnaavarput. — Evf. 6:11; Jâk. 4:7.
Silarsuarmut naalagaasut qilaap ilaaniittut
3. Suna kikkullu Satanip sakkortuumik akiorpai?
3 Jehovap qilammiit isiginninnini najoqqutaralugu silarsuarmi pissutsinik piviusumik oqaluttuussimavaatigut. Taassuma apustili Johannes takorluuisissimavaa; takorluugaani takutippaa sarĸ. 12:3, 4, 13, 17.
Satan ’kuukkooriaasarsuartut angisuutut innertut aappalutsigisutut’ isikkoqarluni piareersimasoq Guutip naalagaaffia Messiasikkoortoq 1914-imi qilammi erniuniariarpat ajornanngippat iiumallugu. Tamatumani iluatsitsinngeriarami naalagaaffimmi tassani naalakkersueqataasussat, ’arnap’ Guutip piata kinguaassaata pingaannginnerusortai, naakkittaaqaluni akerlilersulerpai. —4. (a) Nunarsuarmi naalakkersuisut pissaanerata oqartussaassusiatalu aallaaviat pillugu suna Bibelimi uagutsinnut qulaarneqarpa? (b) Politikkikkut pissaanilissuit tamarmik sussallutik maanna katersorneqarpat, kikkullu katersorpaat?
4 Johannesimut saqqummersitami tassani qulaarneqarportaaq nunarsuarmi naalakkersuisut pissaanerata oqartussaassusiatalu aallaaviat. Takuaa nersut katitigaq qulinik nassulik arfineq-marlunnillu niaqulik, nersut ’tamanut immikkut naggueqatigiissunut immikkullu inuiaasunut immikkullu oqaasilinnut inuiaqatigiinnullu’ piginnaaneqartoq. Nersut taanna naalakkersuinermut ataasiinnarmut assersuutaanngilaq, kisianni silarsuarmi tamarmi naalakkersuinermik ingerlatsinerup aaqqissuussaaneranut tamarmut assersuutaalluni. Johannes paasitinneqarpoq ’kuukkooriaasarsuup [Satan Diaavulup] pissaanini issiavissaarsuanilu piginnaanersuarlu [nersummut] tunniukkai’. (sarĸ. 13:1, 2, 7; naleqqiuguk Lúkarse 4:5, 6.) Politikkikkut siulersortaasut ilaat naak upperisarsiortuugaluartut naalagaaffiit ’nersummut’ ilaasut arlaannaalluunniit Jehovap kisimi oqartussaaneranut aammalu taassuma kunngiutitaanut, Jesus Kristusimut, naalattuunngilaq. Tamarmik immikkut kisimik oqartussaanertik pigiinnarniarlugu tamaviaarput. Soorlu sarĸúmersitat-ni ersersinneqartoq, ’anersaapiluit nalunaaqqutiliaasa’ naalagaaffiit tamaasa Har–Magedonimut, ’sorsunnissamut Guutip ajugaqanngitsup ullussarsuani piumaartumut’, katersorpaat. (sarĸ. 16:13, 14, 16) Aap, soorlu apustili Paulus allattoq, „silarsuarmut naalagaasut“ tassaanngillat inuinnannguit, tassaallutilli „anersaapiluit pissaanilissuit qilaap ilaaniittut“. (Evf. 6:12) Ilumoorlutik Jehovamik pallorfiginnikkumasut tamarmik tamatuma pingaaruteqassusia tamaat paasisariaqarpaat.
5. Tammartinneqarluta aaqqissuussaanermik Satanip pianik tapersersuilinnginnissarput sooq taama sianigisariaqartigaarput?
5 Isumaqatigiinnginnernit inuit akornanni avissaartuussutaasunit ullut tamaasa inuunerput sunniivigineqartarpoq. 1 Juán. 5:19, NV) Taava inuit allat ilagalugit tammarsaarneqarnissaq qanoq ililluni pinngitsoorneqarsinnaava? Guutip naalagaaffianik illersuilluinnarnikkut aammalu silarsuarmi immikkooqatigiit assigiinngitsut akornanni isumaqatigiinnginnernut akuliukkumanngilluinnarnikkut aatsaat. — Juán. 17:15, 16.
Inuit inuiannik ilaaffigisaminnik, naggueqatiminnik, oqaaseqatiminnik imaluunniit inuiaqatigiinni naligisaminnik oqaatsimikkut allatigulluunniit ersersitaminnik illersuisarnerat nalinginnaasuuvoq. Allaat inuit ilaasa isumaqatigiinnginnerit inuiaqatigiinnut attavigisaminnut attuumassuteqanngikkaluartulluunniit akuliuffigisarpaat illuatungeriit isumaqatigiinngissuteqartut arlaannik illersuinermikkut. Kisianni isumaqatigiinngissutaasoq suugaluarpalluunniit, inuk illersugaat kinaagaluarpalluunniit aammalu tapersersugaat suugaluarpalluunniit, eqqortumik oqaatigalugu sunaana tapersersoraat? Bibelimi toqqaannartumik oqaatigineqarpoq ’silarsuaq tamaat ajortup pissaaneqarfigigaa’. (Ajortup periaasii peqqusersuut
6. Inuit eqqortumik pallorfiginninnermit tunussitinniarlugit Satanip periaasiinut suut ilaappat?
6 Inuiaat oqaluttuarisaaneranni sukkulluunniit inuit eqqortumik pallorfiginninnermit tunussitinniarlugit Satanip oqaatsikkut timikkullu malersuineq atortorisimavaa. Aammattaarli nakutitsissutaanerusinnaasut atortarsimavai — iliuutsit peqqusersuut isumassarsiallu ittannerusut.
7. Eqqunngitsumik upperisarsiornermik Satanip atuinerata qanoq ilillugu takutippaa taassuma peqqusersuulluinnaqqissaassusia?
7 Eqqunngitsumik upperisarsiorneq ikiortigalugu pillaqqeqaluni inuppassuit taartumiitissimavai, kissaatigippassuk Guutimik kiffartuussillutik isumaqalersittarnerisigut. Sallusuissummik asannissusiveqanngitsut upperisarsiornikkut iliuutsit eqqumiitsunik misigissutsinullu tunngasunik pingaartitsisut kajungerfigigajuttarpaat, imaluunniit tupinnartulianik sunilluunniit nuannarisaqartarlutik. (2 Tás. 2:9, 10) Aammattaarli mianersoqquneqarpugut allaat eqqortumik pallorfiginninnermut peqataasimagaluartut ’ilaat uppernermik tunussiumaartut anersaat tammartitsisut anersaapiluillu ajoqersuineri najoqqutariniarlugit’. (1 Tim. 4:1) Qanoq ililluni?
8. Qanoq ililluni Satanip inuit allaat Jehovamik pallorfiginnikkaluartut ussassaarlugit eqqunngitsumik upperisarsiornermut pisissimavai?
úss. 29:25; 15:10; 1 Tim. 6:3, 4) Oqaluussinermut peqataanera asanninnermik peqquteqanngila? Taamaappat isummani Kristusip maligassiaanut naapertuuttunngorsarniarnagit qularnanngitsumik ’siutimi nuannarisai’ kisiisa malinniassavai, immaqa oqartoqarpat Bibelimik atuartaraanni aammalu „ajunngitsumik inuugaanni“ naammattoq. (2 Tim. 4:3) Upperisarsioqatigiinnut allanut ilanngukkaluarpat imaluunniit nammineq isummani naapertorlugu upperisamik paasinnittaaseqaleraluarpat Satanip soqutiginngilaa — soqutigisaali tassaavoq Jehovap oqaatsini peqatigiissortanilu aqqutigalugit unnersuussutai naapertorlugit taassuminnga pallorfiginnikkunnaarnissaa.
8 Diaavulup peqqusersoqaluni kristumiup sanngiissutai atornerluttarpai. Suli kristumiut ilaat inunnut sioorasarpa? Taamaappat immaqa ilaquttani imaluunniit sanilini nakkaannarfigisinnaavai eqqunngitsumik upperisarsiornermi iliuutsit ilaannut peqataaqquppanni. Pingaarniartuua? Taava immaqa unnersuunneqaruni imaluunniit isumassarsiani allanit ilalerneqanngippata narrassaaq. (9. Kinguaassiuutitigut pilerissutsit iluaqutigalugit Satanip qanoq ililluni siunertarisani siuarsarpai?
9 Aammattaaq inuit kissaatigisaminnik pissusissamisoortunik kukkusumik naammassinninnissaannut Satanip peqqusersuumik usserniartarpai. Assersuutigalugu matumani pineqarpoq kinguaassiuutitigut atoqateqarnissamik kissaat. Silarsuarmi inuit amerlaqisut Bibelimi ileqqussatigut najoqqutassiat maleruarumanngilaat, katissimanngitsullu nuannariinnarlugu imaluunniit inersimasunngorsimanertik takutinniaannarlugu kinguaassiuutitigut atoqatigiittarnerat pissusissamisoorluinnartutut isigalugu. Inuimmi katissimasut? Inuit silamiut aappariinnermik iluani ajornartorsiuteqaleraangamik avittarnerat allamullu katittarnerat imaluunniit qimaannartarnerat allamillu inooqateqalerlutik nalinginnaasuuvoq. Inooriaaseq taama ittoq takugaangatsigu misigisimasarnerpugut pisariaqakkatsinnik pinngitsuugaqarluta, aammalu kristumiutut inooriaaseq sukannerpallaartoq? Satanip nakutitsiniaanermini isumaqalersinniarsaraatigut Jehovap arlaannik ajunngitsumik erliguukkaatigut. Kajumissaarniarpaatigut maannakkut Gal. 6:7, 8; 1 Kor. 6:9, 10.
inuulluataarnissatta eqqarsaatiginissaanut — siunissaq ungasinnerusoq eqqarsaatigalugu uagutsinnut inunnullu allanut sunniuteqarsinnaanera pinnagu, aammalu Jehovamut taassumalu erneranut attaveqarnitta eqqarsaatiginissaa pinnagu. —10. Suut ikiortigalugit Satanip nakuusernermik ajattuinerput millisarniarsaraa?
10 Kissaatigisaq pissusissamisoortoq alla tassaavoq aliikkutassaqarusunneq. Aliikkutassat peqqinnartut timimut, isumamut misigissutsinullu nutaannguallaataasinnaapput. Kisianni eqqissisimaarfivut Satanip pillaqqeqaluni atornerlunniaraangagit, eqqarsaativut Guutip iluarissaanit nigortinniarlugit, qanoq qisuariartarpugut? Assersuutigalugu nalunngilarput nakuusernermik nuannarisaqartut Jehovap uumigigai. (Tuss. 11:5) Uagulli qanoq iliortarpugut fjernsynikkut imaluunniit filmertarfinni nakuusernertallit isiginnaartitsissutigineqaraangata? Issiaannartarnerpugut pikkusoqalutalu isiginnaaginnartarluta? Imaluunniit qanoq iliortarpugut timersortuni isiginnaakkatsinni nakuuserneq atorneqaraangat? Akueriinnarlugu isiginnaaginnartarnerpugut allaallu peqataasut kajumissaarpasillugit nilliaffigisarlugit? — Naleqqiuguk Môrsasip agdlagai sujugdlît 6:13, NV.
11. Anersaapilussiorneq pillugu sallusuissummik ilisimannittut allaat mianersunngikkunik qanoq ilillutik tamakkunannga pisaritissinnaappat?
11 Aammattaaq nalunngilarput anersaapilussiornernik sunilluunniit sammisaqartartut — siulittuiniartartut, angakkuarniutinik sammisaqartartut imaluunniit toqusunik oqaloqateqarnerartartut — Jehovap maajugigai. Eqqarsaatigisinnaanngilarput anersaarsiortut siunersiornissaat, aammalu angerlarsimaffitsinni anersaapilunnit pisunik angakkuarniarnissaannut tikilluaqqunavianngilluinnarlugit. Kisianni fjernsynitsinni isiginnaartitsippata alutoreqalugit malinnaaffigiumassanerpavut? Massa tupinnartuliornikkut ajorunnaarsitsisartumut nakorsartinngisaannarumalluta meerartaarput passiatigut qungasiatigulluunniit aarnualissanerparput navianartunut illersugaasinnaaqqullugu? Massa Bibelimi ’angakkuarniarneq’ assuarineqartoq nalunatigu kimitsinikkut sinittutut pissuseqalersitsisartumut sivikitsuinnarmilluunniit aqunneqarumassanerpugut? — 5 Môrs. 18:10-12; Gal. 5:19-21.
12. (a) Eqqarsaatinik kukkusuusunik isumarput immerniarlugu qanoq ililluni nipilersorneq atorneqarpa? (b) Atisalersortaatsip, nujalereriaatsip imaluunniit oqaloriaatsip inunnik Jehovap iluarinngisaanik inooriaasilinnik nuannaartorinninneq qanoq ililluni ersersissinnaavaa? (c) Satanip periaasiinit peqqusersuunit nakkartinneqassanngikkutta qanoq iliortariaqarpugut?
Evf. 5:3-5) Qanormi iliussaagut tamakku tusarnersumik erinalerlugit, immaqalu sunnertinnartumik akuttoqatigiissaarnilerlugit sakkortuumillu atorneqarpata? Imaassinnaava eqqarsaatiginagu erinarsuutit taallaat, aappariinnerup avataatigut kinguaassiuutitigut atoqateqartarnermik, nuannariinnarlugu ikiaroornartunik atuisarnermik allarpassuarnillu pingaartitsisuusut, erinarsorujoorutigisalerivut? Aammalu naak nalunngikkaluarlutigu inuttut tamakkuninnga sammisaqartartutut inuusussaanata, tamakkunatut atisalersoqqajaasarlutalu nujalereqqajaasarlutalu oqaloqqajaasarnerpugut? Ilumut Satanip peqqusersussusia! Eqqarsartaatsiminut ajortunngorsimaqisumut inuit maleruaalersinniarlugit tammartitseriaasiisa ila peqqusersussusiat! (2 Kor. 4:3, 4) Periaasiinit peqqusersuunit nakkartinneqarumanata tarfilluta silarsuaq ingerlaqatiginaveersaartariaqarparput. „Silarsuarmut naalagaasut taarsuarmi matumaniittut“ kikkuunerat eqqaamajuartariaqarparput, kipisuitsumillu taakkua sunniiniarnerannut akiuuttariaqarluta. — Evf. 6:12; 1 Pîtr. 5:8.
12 Bibelimi atuareersimavarput ’kanngunartuliorneq mingunnartullu suulluunniit’ akunnitsinni pissusiluttumik taaneqassanngitsulluunniit. (Ajugaanissaminnut sakkulersorsimasut
13. Naak naammalluinnanngitsuugaluarluta silarsuarmut Satanip aqutaanut ajugaanissaq qanoq ililluni tamatsinnut ajornanngila?
13 Toqunissi sioqqullugu Jesus apustiliminut ima oqarsimavoq: ’Tuppalleritsi, silarsuarmut ajugaagama.’ Taamaattumik taakkuttaaq ajugaasinnaasimapput. Ukiut 60-it qaangiuttut apustili Johannes ima allassimavoq: ’Kina silarsuarmut ajugaava, unaanngippat Jesusimik upperinnittoq Guutip ernerigaa?’ (Juán. 16:33; 1 Juán. 5:5) Jesusip peqqussutaanik maleruaanitsigut taassumatullu Guutip oqaasianik tatiginninnitsigut uppernerput ersersittarparput. Sumik allamik piumaffigineqarpugut? Ilagiinnut taassuma niaquuffigisaanut atajuarnissatsinnik. Kukkuluttoraangatta ilumoorluta peqqissimisariaqarpugut Jesusillu pilliutaa tunngavigalugu Guutimit isumakkeerfigineqarnissarput qinnutigisariaqarlugu. Taamaalilluta, naak naammalluinnanngitsuunerput pissutigalugu kukkuluttortaraluarluta, ajugaasinnaavugut.
14. (a) Evfisumiunut agdlagkat 6:13-18 atuakkit. (b) Apeqqutit allassimaffiillu ilanngunneqarsimasut ikiortigalugit anersaakkut sakkutuussutit immikkoortortaasa tamarmik immikkut iluaqutaat oqaluuserisigik.
14 Akiuunnermi napasinnaajumalluta ’sakkutuussutit Guutip pii tamaasa’ atisariaqarpavut taakkualu arlaannaannilluunniit amigaateqartariaqarnata. Bibelimi Evfisumiunut agdlagkat 6:13-18 qupperiaruk atuarlugulu sakkutuussutit taakku qanoq allaaserineqarsimasut. Sakkutuussutit taakkua immikkoortortaasa tamarmik illersuinerat qanoq ilillugu iluaqutigisinnaanerlugu isumaliutigeqqissaajutigalugu apeqqutit tulliuttut akisakkit.
’Qitissigut ilumoornermik qiterusersimallusi’
Naak sallusuissut nalunngereeraluarlutigu aalajangersimasumik atuaqqissaartarnerput, Bibelimi ajoqersuutinik ilumoortunik eqqarsaatiginneqqissaartarnerput aammalu ataatsimiinnermut najuuttarnerput qanoq ililluni uagutsinnut illersuutaava? (Fil. 3:1; 4:8, 9; 1 Kor. 10:12, 13; 2 Kor. 13:5; 1 Pîtr. 1:13, Kingdom Interlinear)
’Iluarneq [naapertuilluarneq] saattuaasaralugu’
Naapertuilluarnermut kia najoqqutassiai pineqarpat? (sarĸ. 15:3)
Assersuusiorlutit takutiguk Jehovap aqqutaanik asannissuseqalersimannginneq pissutaalluni taassuma inassutaanik maleruaannginneq qanoq ililluni anersaakkut navianartorsiortitserujussuarsinnaasoq. (Takukkit Sâmualip agdlagai sujugdlît 15:22, 23; Môrsasip agdlagaisa tatdlimait 7:3, 4.)
’Isikkassigut kamissimallusi iivangkiiliu eqqissinartoq piareersaatigalugu’
Guutip qanoq ililluni eqqissinermik atuutilersitsinissaa pillugu inoqativut oqaluttuunniarlugit isikkavut ulapputeqartuaannarpata qanoq ililluta illersuutigissavarput? (Rûm. 10:15; Tuss. 73:2, 3; 1 Tim. 5:13)
’Upperneq eqqornaveeqqutigalugu’
Tunngaveqarluartumik uppersuseqarutta qulalersitsiniaasut imaluunniit siooralersitsiniaasut qanoq qisuariarfigissavavut? Timûtiusimut agdlagkat áipait 1:12; kúnginik agdlagkat áipait 6:15-17.)
(Naleqqiutikkit’Niaqorornaveeruseritsi annassummik’
Annaanneqarnissamik neriuutitta qanoq ililluni timip piinik isumakuluuteqarpallaalinnginnissatsinnut ikiussavaatigut? (1 Tim. 6:7-10, 19)
’Panalerlusi anersaap pianik’
Nammineq anersaakkut ingerlalluarnitta aammalu allat anersaakkut ingerlalluarnerata akornuserneqatsaalineranni suna tunaartarisariaqarparput? (Tuss. 119:98; úss. 3:5, 6; naleqqiuguk Matîuse 4:3, 4.)
Evfisumiunut agdlagkat 6:18, 19 naapertorlugu ikiuut tamatumunnga naapertuuttoq suna anersaakkut sorsunnermi ajugaasinnaanissatsinnut aammattaaq pingaaruteqarpa? Qanoq akulikitsigisumik tamanna atortariaqarparput? Kikkunnullu iluaqutissamik?
15. (a) Tamatta immikkuutaarluta anersaakkut sorsuppugut? (b) Sorsunnermi qanoq ililluta ’saassussisinnaavugut’?
15 Sakkutoorpassuit anersaakkut sorsuttut kristumiutut sorsoqatigaavut. Sianigeqqissaartuarutta sakkutuussutillu Guutip pii tamaasa atorluarutsigik sorsuffimmi uppititaanavianngilagut. Akerlianilli Guutimut kiffaqativut nakussatsillugillu ikiorsinnaassavavut. Guutip naalagaaffia Messiasikkoortoq, naalakkersuineq Satanip malartitassaanani akerlilersugaa, pillugu tusagassamik nuannersumik siaruarterinitsigut ’saassussisarnerput’ piareersimaffigalugulu piumassuseqarfigisariaqarparput.
Uteqqiineq
● Sooq Jehovap kiffai silarsuarmi immikkooqatigiit assigiinngitsut isumaqatigiinnginnerinut akuliukkumanngilluinnarpat?
● Kristumiut anersaakkut nakkarsarniarlugit Satanip periaatsit peqqusersuut suut atorpai?
● Anersaakkut sorsunnermi tamatumani sakkutuussutit Guutip pissarsiarititai qanoq ilillutik pingaartutigut illersorpaatigut?
[Atuaqqissaarnermi apeqqutit]