Kapiteli 18

Angerlarsimaffimmi Guutimuttun­niusimanermik ersersitsisariaqarpugut

1. (a) Jehovap aap­pariin­nermut najoq­qutas­siai ilin­niareerlugil­lu inup­pas­suit qanoq al­lan­nguisimap­pat? (b) Kristumiul­li ilaqutariit­tut inuunerat aam­mat­taaq sunik ilaqar­pa?

AJOQERSUUTIT ilumoor­tut nuan­nersut Bibelimik atu-  aq­qis­saar­nitsigut ilin­niarsimasat­ta ilaat aap­pariin­nermut ilaqutariit­tul­lu inuunermut tun­ngas­suteqar­put. Jehova aap­pariin­nerup Atuutilersitsisuatut ilisarisimalersimavar­put, paasisimavar­pul­lu ilaqutariit tamanit pitsaaner­paamik Bibelimi un­nersuus­simagai. Un­nersuus­sutit tamak­kua kingunerisaan­nik inup­pas­suit kan­ngunar­tumik inuusaatsimin­nik taamaatitsisimap­put aap­pariin­nermin­nil­lu inatsisinut naaper­tuut­tun­ngorsaasimal­lutik — taamaalior­neral­lu nersor­naqaaq. Kristumiul­li ilaqutariit­tut inooqatigiin­nerat taman­naan­naan­ngilaq. Aap­pariin­nermik ataavar­tus­satut isigin­nin­nis­sar­put, ilaqutariin­ni pisus­saaf­fitsin­nik naam­mas­sin­nin­nis­sar­put aam­malu ilaqutariin­nut ilaasor­taasunik eq­qor­tumik iliorfigin­nin­nis­sar­put pingaaruteqar­torujus­suup­put. — Evf. 5:33-mit 6:4 ilan­ngul­lugu.

2. (a) Bibelimi najoq­qutas­siaasunik ilisiman­nit­tut tamak­kerlutik najoq­qutas­sianik tamak­kunin­nga nam­min­neq angerlarsimaf­fim­min­ni maleruaasuup­pat? (b) Taamaalior­nis­sap pingaaruteqas­susia qanoq Jesusimit Paulusimil­lu erseq­qis­sar­neqar­pa?

² Tamak­ku pil­lugit Bibelimi qanoq al­las­simasoqar­toq inup­pas­suit mil­lionil­lit nalun­ngilaat, nam­min­nerli angerlarsimaf­fim­min­ni ajor­nar­torsiuteqaleraangat malin­neq ajorlugit. Uagum­mi? Jesusip avoq­qaarisimasai uagut as­sigerusun­ngil­luin­nar­pavut, tas­sa taak­ku meeq­qat angajoq­qaamin­nik ataq­qin­nin­nis­saan­nik Guutip inas­sutaanik ilagin­naam­mata oqarlutik tun­niusimanermik up­perisarsior­palut­tumik ersersitsineq naam­mat­toq. (Mat. 15:4-9) Guutimut-tun­niusimanerar­tunut ’inoqutimin­nul­li’ tamatumin­nga ersersitsin­ngitsunut  ilaanis­sar­put kis­saatigin­ngilar­put. Kis­saatigaar­pul­li Guutimut-tun­niusimanerup piviusup, ’iluanaar­naqisup’, ersersin­nis­saa. — 1 Tim. 5:4; 6:6, NV; 2 Tim. 3:5.

Aappariinneq qanoq sivisutigissava?

3. (a) Aap­pariip­pas­suit qanoq ingerlap­pat, uagul­li suna aalajangiusimajuar­tariaqar­par­put? (b) Apeq­qutit aap­pariin­nermut avin­nermul­lu tun­ngasut im­mik­koor­tumi ilan­ngun­neqarsimasut Bibeli najoq­qutaralugu akik­kit.

³ Paasinarsisimavoq aap­pariit­tut ataqatigiin­neq amerlasuutigut qajan­narsiar­tuin­nar­toq. Aap­pariit ukiuni 20-ni, 30-ni imaluun­niit 40-ni aap­pariis­simasut qimat­tar­put al­lamik aap­paqalerlutik „inuunermik nutaamik“ inuuler­niarlutik. Qaqutigoor­tuujun­naar­porlu aap­pariit inuusut­tut qaam­matialuin­nan­nguit aap­pareereerlutik qimat­tar­nerat. Al­lal­li qanoq ilioraluar­pataluun­niit uagut Jehovamik pal­lorfigin­nit­tuusutut Guutip iluarisaanik ilior­nis­sar­put kis­saatigisariaqar­par­put. Taman­na taas­suma oqaasiani qanoq oqaatigineqar­pa?

Angutip ar­nal­lu katik­kunik qanoq sivisutigisumik aap­pariin­nis­sar­tik naatsorsuutigis­savaat? (Rûm. 7:2, 3; Mák. 10:6-9)

Guutip isaani avin­nis­samut patsisaasin­naasutuaq sunaava? (Mat. 19:3-9; 5:31, 32)

Oqaatsini naaper­torlugit patsisis­saan­ngitsumik patsiseqarlutik avit­tut qanoq sukan­ner­tigisumik Guutip isigai? (Mal. 2:13-16, NV)

Aap­pariin­nerup iluani ajor­nar­torsiutit aaq­qin­niarlugit qiman­nis­saq Bibelimi in­nersuus­sutigineqar­pa? (1 Kor. 7:10-13)

4. Silarsuarmi aap­pariin­neq taama qajan­nar­tigigaluar­toq sooq aap­pariit ilaat ataavarsin­naap­pat?

⁴ Sooq aap­pariin­nerit ilaat ataavar­tar­pat, mas­sa ilaat — al­laat kristumiut akor­nan­ni — aseror­tar­tut? Peq­qutaasoq tun­ngaviunerusoq tas­saavoq katin­nis­samin­nut tamarmik naam­mat­tumik inersimas­suseqaler­nis­sar­tik utaq­qisimagamik­ku. Aam­mat­taaq pingaaruteqar­torujus­suuvoq soqutigisanik sam­meqatigin­nis­sin­naasumik am­masumil­lu oqaloqatigisin­naasamik aap­pas­sarsior­nis­saq. Sulilu pingaaruteqar­nerusoq tas­saavoq Guutimut-tun­niusimanermik piviusumik ersersitsinis­saq. Ilumut Jehova asal­luin­naraan­ni aq­qutigeq­qusaasalu eq­qor­tuunerat qularutigin­ngil­luin­naraan­ni ajor­nar­torsiutit  tak­kut­tut aaq­qin­nis­saan­nut tun­ngavis­saqarluas­saaq. (Tuss. 119:97, 104; úss. 22:19) Aap­pariin­neq ingerlasin­naan­ngip­pat qimariaan­naanermik averiaan­naanermil­luun­niit isumaqar­nermit aap­pariin­neq taama it­toq qajan­narsisin­neqar­navian­ngilaq. Nam­mineq pisus­saaf­fin­nik qimarratigin­nin­niaan­narluni aap­pap kuk­kus­sutai naam­mal­luin­nan­ngis­sutaalu ator­neqarumas­san­ngil­lat, inuunermili ajor­nar­torsiutit qimarratiginiar­nagit akuerinis­saat atorsin­naasunil­lu aaq­qiis­sutis­sit­tar­nis­saat ilin­niar­neqarumas­sal­lutik.

5. (a) Jehovamik ilumoorfigin­nin­neq qanoq pingaaruteqar­tigaa? (b) Naak atoruminaatsorsiungaaraluarluni Jehovap najoq­qutas­siaanik aalajangiusiman­nin­neq qanoq ilil­luni iluaqutaasin­naava?

⁵ Nalun­ngil­luin­nar­par­put Diaavulu oqarmat inut­tut naal­liuutis­sin­neqarut­ta Jehovap aq­qutigeq­qusai sumigin­narumaarivut aam­malu suup ajun­ngitsuunera suul­lu ajor­tuunera nam­mineq aalajanger­nialerumaarivut. Jehovamil­li ilumoorfigin­nit­tut taamatut qisuariar­tan­ngil­lat. (Jûpe 2:4, 5; úss. 27:11) Jehovap Nalunaajaasuisa aap­parmin­nit as­sor­tor­neqarsimasut amerlaner­paar­taasa katin­nermin­ni neriorsuuter­tik unioq­qutis­siman­ngilaat. (Mat. 5:37) Ilaasalu al­laat nuan­naarutigalugu misigisimavaat pif­fis­sap an­ner­tuup ingerlareer­nerani aap­pamik Jehovamik kif­far­tuus­seqatigin­niler­nerat. (1 Kor. 7:16; 1 Pîtr. 3:1, 2) Al­lal­lu, al­lan­ngoruman­ngitsunik imaluun­niit up­per­nermin­nik aalajangius­sisimaner­tik pis­sutigalugu qimatsisimasunik aap­paqar­tut, misigisimap­put Jehovap najoq­qutas­siaanik aalajangiusiman­nit­tuaan­nar­ner­tik pis­sutigalugu pil­luaq­qusaangaarsimal­lutik. Qanoq ilil­lutik? Aap, Jehovamut qanil­linerunis­saq pis­sutsitigut atuk­kamik­kut ilik­karsimavaat. Al­laat atoruminaatsorsior­nermin­ni pis­sutsinik Guutimik-mianerin­nip­palut­tunik ersersitsinis­sar­tik ilik­karsimavaat. Inuit taak­ku inuunerat Guutimut-tun­niusimanerup kimit­tus­susianut ersiutaavoq. — Tuss. 55:23; Jâk. 1:2-4; 2 Pîtr. 1:5, 6.

Aappariit tamarmik immikkut qanoq iliuuseqartariaqarput

6. Aap­pariin­nermi pil­lualerumagaan­ni aaq­qis­suus­saaneq suna ataq­qisariaqar­pa?

⁶ Soorunami aap­pariin­nermut pil­luar­nar­tumut najugaqatigiit­tuaan­nar­nerin­naan­ngitsoq aalajangiisuuvoq. Ilaqutariit  pil­luas­sap­pata ilaqutariin­nut ilaasor­taasut tamarmik Jehovap qul­lersaanermik aaq­qis­suus­saanik imaluun­niit ilaqutariin­ni oqar­tus­saasumik ataq­qin­nit­tuusariaqar­put. Taamaap­pat angerlarsimaf­fim­mi aaq­qis­suus­saal­luar­nerq toq­qis­sisimanerlu an­ner­tunerulis­sap­put. — 1 Kor. 11:3; Tít. 2:4, 5; úss. 1:8, 9; 31:10, 28.

7. Ilaqutariit iluan­ni oqar­tus­saas­suseq qanoq ingerlan­neqar­tariaqar­pa?

⁷ Oqar­tus­saas­suseq taman­na qanoq ingerlan­neqas­sava? Jesus Kristusip pis­susiinut as­singusunik pis­suseqarluni ingerlan­neqas­saaq. Jehovap najoq­qutas­siai Jesusip aalajangiusimal­luin­naq­qis­saar­pai; naaper­tuil­luas­suseq nuan­naraa inatsisaatsus­suserlu uumis­sorlugu. (Epr. 1:8, 9) Aam­mat­taaq ilagiis­simi siulersor­neratigut isumas­sor­neratigul­lu itisuumik asavai. Pingaar­niar­tuun­ngilaq soqutigit­taatsuunanilu, ’qanilaar­tuuvorli uum­mam­migul­lu makitajuil­luni’, taas­suman­ngalu oqar­tus­saaf­figineqalersut ’tar­nimin­nut nutaamik nukis­sarsisar­put’. (Mat. 11:28, 29, NV; Evf. 5:25-33) Uiusup ataataasul­lu ilaqut­tani taamatut pis­suseqarfigip­pagit nalunas­san­ngilaq Kristusimut, Guutimut-tun­niusimaneq eq­qarsaatigalugu naam­mal­luin­nar­tumik maligas­siuisimasumut, naalat­taasoq. Kristumiut anaanaasut meeq­qamin­nik isumagin­nik­kaangamik aam­ma taamatut pis­suseqar­tariaqar­put.

8. (a) Kristumiunut najoq­qutas­siat angerlarsimaf­fiit ilaan­ni kis­saatigisaagaluatut kinguneqan­ngin­neran­nut suna pis­sutaasin­naava? (b) Pis­sutsit taama it­tut atugarigutsigik qanoq ilior­tariaqar­pugut?

⁸ Inut­tul­li naam­mal­luin­nan­ngis­suseq pis­sutaal­luni ajor­nar­torsiutinik pilersoqarsin­naavoq. Bibelimi najoq­qutas­sat ilaqutariit iluan­niit­tut ilaan­nit ator­neqaler­nis­saat sioq­qul­lugu al­lanit siulersor­neqaruman­ngis­suseq ileq­qutoqarineqarsin­naavoq. Inus­siar­nersumik peq­qusinerit asan­nit­tumil­lu pis­suseqar­neq kinguneqan­ngitsutut im­maqa is­sin­naasar­put. Taamaap­pat taava? Nalun­ngilar­put Bibelimi oqaatigineqarmat ’narran­neril­lu kaman­neril­lu nil­lianeril­lu mital­ler­neril­lu’ im­mitsin­nit peer­tariaqarivut. (Evf. 4:31) Qanormi ilius­saagut isumaqar­nar­pat ilavut tamak­ku ator­nagit paasitin­neqarsin­naan­ngip­pata? Aap, Jesus tatineqar­nermini qanoq qisuariar­tarsimava? Sioorasaarisut oqalorujuf­figin­nit­tul­lu ilaar­neq  ajor­pai. Aap, Ataataminut tun­niup­poq taan­nalu tunaar­taralugu. (1 Pîtr. 2:22, 23) Pis­sutsinik misilin­neqaataasunik angerlarsimaf­fim­mi pilersoqaraluar­pat uagut­taaq Guutimut-tun­niusimanermik ersersitsisin­naavugut silarsuup periaasiisa malin­nis­saan­nut taarsiul­lugu Jehovamut ikioq­qul­luta saaf­figin­nin­nitsigut. — úss. 3:5-7.

9. Uiusor­pas­suit kristumiuusut isor­nar­torsiuinis­samin­nut taarsiul­lugu suna ilik­karsimavaat?

⁹ Al­lan­ngor­nerit tamatiguun­ngitsoq piler­tor­tumik pisar­put, taamaak­kaluar­torli Bibelimi un­nersuus­sutinik maleruaaneq iluaqutaasar­poq. Anguter­pas­suit nuliamik kuk­kunerinik sior­natigut naam­magit­taal­liuutigin­nit­tarsimagaluaqisut paasilersimavaat Kristusip ilagiis­siminik qanoq iliorfigin­neriaasia nam­min­neq paasinerujar­tuleraangamik­ku pis­sutsit pitsaanerulersar­tut. Ilagiis­saanut tamak­kunun­nga ilaasor­taasut tas­saan­ngil­lat inuit naam­mal­luin­nar­tut. Taamaak­kaluar­torli Jesusip ilagiit asan­nin­nermik ersersitsivigisar­pai, eq­qor­tumik maligas­siuul­lugit, aap taak­ku pil­lugit inuunini tun­nius­simal­lugu, Bibelilu aq­qutigalugu siumukar­nis­saan­nik ikiorlugit, taamaalil­lutik iluarisaminik tamak­kiisumik iliorsin­naaq­qul­lugit. (Evf. 5:25-27; 1 Pîtr. 2:21) Taas­suma maligas­siaa kristumior­pas­suit uiusut nam­min­neq maligas­siuil­luar­niar­nermin­ni aam­malu aap­pamik siumukar­nis­saanik asan­nit­tumik ikior­niar­neran­ni iluaqutigisimavaat. Periaaseq taman­na isor­nar­torsiuinermit an­ner­nar­tumit nipaan­nermil­lu nuan­niitsumit pitsaaneroqisumik kinguneqar­tar­poq.

10. (a) Uiul­lunilu ataataasoq — naak kristumiuugaluarluni — qanoq ilil­luni angerlarsimaf­fim­mini ilaqut­taminut ajor­nar­torsior­titsisin­naava? (b) Pis­sutsit pitsan­ngorsar­niarlugit qanoq ilior­toqarsin­naava?

¹⁰ Soorunami aam­ma imaas­sin­naavoq angerlarsimaf­fim­mi ajor­nar­torsior­nermut pis­sutaasut tas­saasut uiul­lunilu ataataasup kuk­kusar­neri. Im­maqa nuliami meeq­qamilu misigis­sutsik­kut pisariaqar­titsineran­nik paasin­nit­tuun­ngilaq, imaluun­niit ilaqutariit Bibelimut tun­ngasumik oqaloqatigiin­nis­saan­nik al­lanil­lu sam­misaqar­nis­saan­nik pilersaarusior­neq ajorluni. Taava? Ilaqutariit ilaat ajor­nar­torsiut pil­lugu am­masumik ataq­qin­nip­palut­tumil­lu oqaloqatigeereer­nermik­kut kinguneqarluar­titsisimap­put. (úss. 15:22; 16:23; 31:26) Aam­mat­taarli  neriugisatorluin­naq kinguneqan­ngik­kaluar­toq, ilaqutariin­nut ilaasor­taasut tamarmik im­mik­kut pis­sutsinik anersaap inerititaanik pis­suseqaler­niar­nermik­kut ilamin­nil­lu asan­nit­tumik soqutigin­nin­nermik­kut isumas­suinermik­kul­lu angerlarsimaf­fim­mi pis­sutsinik naleqangaar­tumik ajun­ngin­nerulersitseqataasin­naap­put. Al­lat qanoq iliuuseqar­nis­saan­nik utaq­qiin­nar­nik­kut siuariar­neq pisin­naan­ngilaq, aatsaal­li nam­mineq suliniuteqar­nik­kut taamaalil­lunilu angerlarsimaf­fim­mi Guutimut-tun­niusimasumik iliuuseqarusun­nermik ersersitsinik­kut pisin­naal­luni. — Kul. 3:18-20, 23, 24.

Unnersuussutit sumi nassaassaasut

11, 12. (a) Ilaqutariit­tut inuunitsin­ni ajor­nar­torsiutinik aaq­qiiniar­nitsin­ni ikior­niarluta Jehovap sunik tunisimavaatigut? (b) Qanoq ilil­luta ikiuineq taman­na tamak­kiisumik atorluar­niarsin­naavar­put?

¹¹ Ilaqutariit­tut ajor­nar­torsiuteqar­tut sumi tamaani un­nersuun­neqarfis­sarsior­tar­put. Uagul­li nalun­ngilar­put Guutip oqaasia un­nersuus­sutinik tamanit pitsaaner­paanik imaqar­toq, qujamasuutigaar­pul­lu un­nersuus­sutinik tamak­kunin­nga inuunitsin­ni atuinis­satsin­nik Jehovap peqatigiis­sor­tani takus­saasut aq­qutigalugit ikiormatigut. Ikiuineq taman­na ilis­si ilaqutariit­tut tamak­kiisumik atorluar­niar­pisiuk? — Tuss. 119:129, 130; Migga 4:2.

¹² Ilagiit ataatsimiit­tar­nerinut najuut­tar­nerup saniatigut ilaqutariit­tut ataatsimoorlusi aalajangersimasumik Bibelimik atuaq­qis­saar­tarfeqar­pisi? Ilaqutariit sapaatit-akun­neri tamaasa taamaaliorfeqar­tut pal­lorfigin­nin­nermi ataasius­suseqalersar­put. Guutip oqaasiata qanoq im­min­ni ator­neqarsin­naanera pil­lugu ataatsimoorlutik oqaloqatigiik­kaangamik ilaqutariit­tut inuunerat pisuun­ngor­nerusar­poq. — Naleq­qiuguk Môrsasip agdlagaisa tatdlimait 11:18-21.

13. (a) Aap­pariin­nermut imaluun­niit ilaqutariit­tut inuunermut tun­ngasunik aalajangersimasunik apeq­qutis­saqarut­ta sumi akis­sutis­sarsisin­naasar­pugut? (b) Aalajangiinivut tamarmik sumut ersiutaasariaqar­pat?

¹³ Aap­pariin­nis­sin­nut imaluun­niit ilaqutariit­tut inuunis­sin­nut tun­ngasunik aalajangersimasunik im­maqa apeq­qutis­saqar­pusi akis­sutis­sarsisariaqak­kas­sin­nik. As­sersuutigalugu,  naar­tunaveersaar­neq qanoq isigisariaqar­pa? Kristumiut kinguaas­siorsin­naajun­naarsis­sin­naap­pat? Naar­tup iloqiaal­luni inun­ngorsin­naanera aarlerinaateqar­pat naar­tuersin­nis­saq eq­qor­tuua? Aap­pariit katis­simasut kinguaas­siuutitigut atoqatigiit­tar­nermin­ni iliuuserisin­naasaat kil­leqar­pat? Inuusut­tuaraq anersaak­kut an­nerusumik soqutigisaqan­ngip­pat ilaqutariit guutisior­neran­nut peqataanis­saa qanoq an­ner­tutigisumik piumasarineqar­tariaqar­pa? Tamak­kunun­nga tun­ngasumik qular­nan­ngitsumik isumaliutersuuteqar­putit. Bibelimili najoq­qutas­saasut naaper­torlugit apeq­qutit tamak­ku akisin­naavigit? Apeq­qutit tamak­ku tamarmik Napasuliaq Alapernaarsuiffik-mi sam­mineqarsimap­put. Tamak­kunun­nga paasis­sutis­sarsiorlutit ujarliutit qinerlerfis­sial­lu atorsin­naasavit ator­nis­saat ilin­niar­niaruk. Atuak­kat atuagas­sial­lu ujarliutini in­nersuus­sutigineqar­tut nutaanerusuin­naat pigiguk­kit rigs­salip atuagaasiviani misis­suisin­naavutit. Ilimagis­san­ngilal­li apeq­qutit tamarmik aap­piin­narmik naaggaan­narmil­luun­niit akineqar­nis­saat. Ilaatigut il­lit nam­mineq aalajangiisariaqar­tas­saatit — kisimiil­lutit imaluun­niit aap­pat peqatigalugu. Ilin­niar­niarul­li Jehovamut ilaqut­tan­nul­lu asan­nip­palut­tumik aalajangiisar­nis­sat. Ilumoorlutit Guutip iluarisaanik iliorusun­nin­nik ersersitsisumik aalajangiisarit. Taamaalioruit taava Jehovamut ilin­nil­lu ilisarisiman­nil­luar­tunut ersaris­sis­saaq Guutimut-tun­niusimanermik piviusumik inun­nut al­lanuin­naan­ngitsoq aam­mat­taarli nam­mineq angerlarsimaf­fin­ni ersersitsisuusutit. — Evf. 5:10; Rûm. 14:19.

Uteqqiineq

● Katin­nermi neriorsuum­mut ilumoor­neq qanoq ilil­luni Jehovamik ilumoorfigin­nin­nermut at­tuumas­suteqar­pa?

● Ilaqutariit iluan­ni ajor­nar­torsiuteqar­nera pis­sutigalugu tatineqar­nitsin­ni Guutip iluarisaanik ilior­tuaan­nar­nis­satsin­nut suut iluaqutigisin­naavavut?

● Bibelimi najoq­qutas­siaasut ilaqutariit iluan­ni al­lanit maleruar­neqan­ngip­pata pis­sutsit pitsan­ngorsar­niarlugit nam­mineq qanoq iliuuseqarsin­naavugut?

[Atuaqqissaarnermi apeqqutit]