Apeqqut akerleriissutaasoq pinngortitat tamarmik aalajangerfigisariaqagaat
Kapiteli 6
Apeqqut akerleriissutaasoq pinngortitat tamarmik aalajangerfigisariaqagaat
1. (a) Apeqqut akerleriissutaasoq suna Edenip naatsiiviani Satanip pilersippaa? (b) Qanoq ililluni tamanna taassuma oqaasiani erserpa?
EDENIMI pikitsitsinermi apeqqut akerleriissutaasoq ilungersornartoq pinngortitanik tamanik attuisoq pilersinneqarpoq. Evamut saaffiginnikkami Satanip oqaatigimisaarpaa Eva uialu, Adam, ilisimasariaqagaannik pingaartumik Guutimit isertuunneqartut. Satan ima aperivoq: ’Ilumut Guuti oqaraluarnersoq: „Naatsiiviup orpii nalinginnaat neriffigissanngilasi“?’ Evallu akivaa orpik ataasiinnaq Guutip neriffigeqqunngikkaa, aap, attoqqunngikkaaluunniit, toqorusunngikkunik. Satanillu toqqaannartumik Jehova sallunerarpaa, oqarami Eva Adamilu Guutimut naalanngikkaluarlutik inuujuaannarsinnaasut. Oqarportaaq Guutip pinngortitani arlaannik ajunngitsumik — tassa inuunermi najoqqutassanik nammineq aalajangiisinnaassutsimik — erliguukkai. ’Naami toqussanngilasi,’ Satan oqarpoq, ’kisianni Guuti nalunngilaq neriffigigaluarussiuk isisi uisitaajumaartut, Guutisullu ilerumaartusi, ajunngitsorlu ajortorlu sianigalugu.’ (1 Môrs. 3:1-5) Satanip Eva isumaqalersippaa nammineq aalajangiisaruni iluanaarnerussasoq. Iluamik oqaatigalugu taamaalilluni Guutip aqutsisussaanera aqutseriaasialu suusupagai. Apeqqut akerleriissutaasoq taamani pilersinneqartoq eqqortumik oqaatigalugu qilammi nunamilu kisimi oqartussaanermut tunngassuteqarpoq.
2. Inuit siulliit suna illersuutigisinnaasimagaluarpaat?
2 Jehovamik asanninnerup Eva illersorsinnaasimagaluarpaa. Aammattaaq uimi aqutsineranik ataqqinnissimasuuguni eqqunngitsumik iliorniarsimanavianngikkaluarpoq. Kisiannili nammineq taamanikkut iluaqutigisinnaasani kisiat eqqarsaatigaa. 1 Môrs. 3:6; 1 Tim. 2:13, 14.
Inerteqqutaasoq isaani pilerinartunngorpoq. Satanip oqaasiinit salloqittarneqarluarluni Guutip inatsisaanik unioqqutitsivoq. Taava Adamimut unioqqutitseqatigilersippoq. Naak taanna Satanimit salloqittagaanngikkaluarluni Guutip asanninneranik ataqqinninngitsuliungaarpoq. Guutip oqartussaaneranik asissuivoq nulianilu pikitsitsiumatooq peqatigilerlugu. —3. (a) Apeqqut akerleriissutaasoq alla suna Jehovap kisimi oqartussaaneranik Satanip saassussineranut attuumassuteqarpa? (b) Kikkut tamatumannga attorneqarpat?
3 Jehovap kisimi oqartussaaneranik saassussinini Satanip Edenimi pisut kingorna unitsinngilaa. Qularnanngitsumik tassani iluatsitseriarami ingerlaqqippoq allallu Jehovamik ilumoorfiginninnerat apeqquserlugu. Taamaalilluni siullermut attuumassuteqartumik kisianni siullermernit pingaannginnerusumik nutaamik apeqqummik akerleriissutaasumik pilersitsivoq. Adamip kinguaassaanut Guutillu ernerinut anersaajusunut, allaallu Jehovap erneranut angajulliliamut asangaagaanut, unammillerpoq. Jobip nalaani Satan oqarsimavoq inuit Jehovamik taassumalu aqutseriaasianik asanninnertik pissutiginagu, kisianni namminissarsiortumik pissuteqarlutik Jehovamut kiffartortartut. Aammattaaq oqarpoq akerlilersorneqalerunik kissaatigisaminnut namminissarsiortunut nakkaannarumaartut. Taamatut oqarami ilumoorpa? — Jûpe 1:6-12; 2:1-6; sarĸ. 12:10.
Qanoq qisuariartut
4. Sooq inuppassuit Jehovap nunami qilammilu kisimi oqartussaaneranik aalajangiussinngillat?
4 Satanip pikitsitsinerani inuit allat peqataalersinnaanerat Jehovap ilimasaarutigaa. Edenimi eqqartuussummik saqqummiussinermini pulateriaarsuup ’kinguaassinissaa’ toqqaannartumik innersuussutigaa. (1 Môrs. 3:15) Kinguaassaanut ilaapput farisiiarit Jesusip toqutaanissaanik pilersaaruteqapilussimasut, aammalu Judas Iskariot Jesusimik killuutiginnissimasoq. Taakku ajortiminnit pakasarneqanngillat. Nalunngilluinnarpaat suna eqqortuusoq, taamaakkaluartorli piaaralutik Jehovamut taassumalu kiffaanut akerliusumik iliorput. Inuppassuilli allat Jehovap piumasaanik maleruaalersimanngitsut tamakkuninnga ilisimaatsuunertik pissutigalugu ilisimasaqanngitsutut iliorsimapput. — ap. sul. 17:29, 30.
5. (a) Evap iliorsimaneranut akerliusumik inuit Jehovamut ilumoortuartut taassuma oqaasia qanoq isigisimavaat? (b) Qanoq ililluni Noap ilumoorsutsi uppernarsarpaa, uagullu taassuma maligassiuinera qanoq iluaqutigisinnaavarput?
5 Inoqarsimavorli angutinik arnanillu uppersuseqartunik Pinngortitsisoq pillugu ilisimasaqalerusussimasunik ilumoorlutillu taassuma kisimi oqartussaalluni imminnut Naalagaaneranik akuersisimasunik. Guutimut uppertuupput. Nalunngilaat inuuinnassagunik taassumunnga tusarnaarnissaq naalannissarlu pisariaqartut. Taakkua ilagaat Noa. Guuti ima oqarmat: „Aalajangerpunga uinillit tamaasa nungutinniarlugit . . . ilinnut umiarsualiorit,“ (NV) unnersuussutai Noap maleruarpai. Taamanikkut inuusut allat mianersoqqussutigisaasoq tamanna soqutiginngilaat inuunertillu pisarnermissut ingerlatiinnarlugu, soorlu sumik tupinnartumik pisoqassamaanngitsoq. Noali angisoorujussuarmik umiarsualiorpoq Jehovallu aqqutigeqqusai naapertuilluartut pillugit eqiasuilluni oqaluussisarluni. Soorlu ima allassimasoq: ’Noa taamaaliorpoq, soorlu Guutip inakkaani taamarluinnaq iliorpoq.’ — 1 Môrs. 6:13-22; aamma takukkit Eprîarinut agdlagkat 11:7 aamma Pîtrusip agdlagaisa áipait 2:5.
6. (a) Assuarnaassutsiminnik aalajangiussisimasut aammattaaq sumik ilisarnaateqarpat? (b) Pissutsit taama ittut qanoq ililluni Sarap ersersippai, qanorlu ililluta taassuma maligassiuinera iluaqutigisinnaavarput?
6 Assuarnaassutsiminnik aalajangiussilluinnarsimasut ilisarnaataasa ilaat tassaavoq qullersaanermut najoqqutaasumik tunngaviusumik ataqqinninnerat aammalu iluunngarlutik Jehovamik asanninnerat. Evatut, uimi aalajangiinissaanik utaqqinnissimanngitsutut, iliorsimanngillat, imaluunniit Adamitut, Jehovap inatsisaanik sumiginnaasutut, iliorsimanatik. Abrahamip nulia, Sara, taamatut ajunngitsunik pissusilersorsimavoq. Oqaatsimiguinnaanngitsoq aammattaarli uummammigut Abraham taagorpaa ’naalagaq’. Aammattaaq nammineq Jehovamik asannittuuvoq arnaallunilu uppersuseqartoq. Abrahamilu marluullutik Guutip naalagaaffia, ’illoqarfik tunngavilersugaq, Guutip illuliaa suliarisaa’, utaqqisimavaat. — 1 Pîtr. 3:5, 6; Epr. 11:10-16.
7. (a) Qanoq pisoqarnerani Moses Jehovap kisimi oqartussaaneranik illersuissalluni iliuuseqarpa? (b) Maligassiuisimanerata qanoq iluaqutississinnaavaatigut?
2 Môrs. 7:6; 12:50, 51.
7 Abrahamip nunagisaminit aallarneranit ukiut 430-t missaanniittut qaangiuttullu Mosesip Ægyptenimi Farao saangerlugu Jehovap kisimi oqartussaanera aalajangiuppaa. Imaanngilaq Moses imminut tatigigami taamaaliortoq. Akerlianilli oqalulluarnissi qularutigaa. Kisianni Jehovamut naalappoq. Jehovamit ikiorneqarluni qatanngumminillu Aronimit tapersersorneqarluni Jehovap oqaasii Faraomut tusarliukkiartoqattaartarsimavai. Faraoli malartitassaaneq ajorpoq. Allaat Israelikkut ilaasa Moses isornartorsiortorujussuuaat. Taamaakkaluartorli Mosesip ilumoorluni Jehovap peqqussutai tamaasa suliarisarpai, taannalu ikiortigalugu Israelikkut Ægyptenimit aniguisitaapput. —8. (a) Jehovamik ilumoorfiginnissagaanni taassuma inatsisaanik allagaasuniinnaq maleruaaneq naammanngitsoq sukkut erserpa? (b) Ilumoorfiginninnerup taama ittup unnersuussummik Juánasip agdlagai sujugdlît 2:15-imiittumik maleruaanissatsinnut qanoq ikiorsinnaavaatigut?
8 Jehovamut ilumoortuusimasut isumaqanngillat inatsisinik allagaasuniinnaq imaluunniit inatsisinik Jehovap allatsissimasaaniinnaq maleruaagunik suna tamarmi ajunngitsumik ingerlassasoq. Potifarip nuliata Josefimik anguseriffiginneriaraluarnerata nalaani inatsimmik allagaasumik Guutimeersumik allasioqqusinngissutaasumik peqanngilaq. Kisianni Jehovap Edenimi aappariinneq pillugu aaqqissuussaanik ilisimanninnini tunngavigalugu Josefip nalunngilaa angutip allap nulianik kinguaassiuutitigut atoqateqarneq Guutip iluarinngikkaa. Qanoq annertutigisumik Ægyptenimiusut iliornissaminut Guutip akuerissaneraani Josefip misilikkusunngilaa. Jehovap inunnut ilioriaasiisa eqqarsaatigeqqissaarluartarnerisigut peqqissaarlunilu Guutip piumasaanik iliornermigut taassuma aqqutigeqqusaasigut ingerlaannarpoq. — 1 Môrs. 39:7-12; naleqqiuguk Tussiaat 77:12, 13.
9. Jobip nalaani Diaavulup oqaaserisimasaasa salluuneri qanoq ililluni uppernarsarneqaqattaarpat?
9 Jehovamik ilisarsilluinnarsimasut misilinneqarnerminni allaat artornaqisuni Jehovamut tunussineq ajorput. Satan Jûpe 2:3, 9 NV, 10) Kingorna Satanip oqaaserisimasani suli uppernarsarusukkaluarlugu Babylonimiut kunngiannut kamaqisumut hebræerit pingasut sioorasaartippai guutiliaq taassuma napparteqqusaa pallorlutik pallorfiginngikkunikku uutsivissuarmut innerinnaasumut iginneqarlutik toqunneqarumaartut. Kunngip inatsisaanik imaluunniit Jehovap inatsisaanik guutipilussioqqusinngissutaasumik qinersinissaminnut pinngitsaalineqaramik ersarissumik kunngi paasitippaat Jehova kiffartorfigigitsik taannalu kisimi imminnut Oqartussaanerpaasoq. Guutimut aalajaannissartik inuunerminnit pingaarnerutissimavaat. — Dân. 3:14-18.
oqarsimavoq angut aalajaatsoq, Jehovap nersualaaqalugu eqqartugaa, Job, Guutimut tunussiumaartoq pigisani annaagunigit timimigulluunniit ajoquserneqaruni. Jobilli uppernarsarpaa Satan sallutuujusoq, naak naalliunnartorsiortitaanerminut suna pissutaasoq nalugaluarlugu. (10. Uagutsinnut inunnut naammalluinnanngitsunut qanoq ililluni ajornanngila Jehovamik ilumut ilumoorfiginninnerput takutissallugu?
10 Taava ima paasisariaqarpa Jehovamut ilumoortuuniaraanni naammalluinnartuusariaqartoq, aammalu inuk kukkuluttortoq kukkorujussuartuusoq? Naamerluinnaq! Bibelimi ersarissumik oqaatigineqarpoq Moses aamma ilaanneeriarluni kukkusartoq. Tamanna Jehovap iluarinngilaa, kisianni Moses ajattorneqanngilaq. Apustilit, amerlasuutigut maligassiuilluarsimasut, aammattaaq sanngiissuteqartarsimapput. Ilumoortuussagaanni uummatikkut iluunngarluni naalattuujuarneq pisariaqarpoq. Jehovalli nalunngilaa naammalluinnanngissuseq kingornussimagipput, piumasaanillu piaaraluta sumiginnaanngikkutta iluarissavaatigut. Sanngiissutivut pissutigalugit eqqunngitsumik iliorsimagutta pisariaqartorujussuuvoq ilumoorluta peqqissiminissarput ajortillu ileqquliutiinnannginnissaa. Taamaalilluta Jehovap ajunngitsutut isigisai asallutigik ajortutullu isigisai uumissorlutigik ersersissavarput. Ajortit matoorneqaatissaata nalinganik Jesusip pilliutaanik upperinninnerput tunngavigalugu Guutimut attaveqarnerput minguitsuutissinnaavarput. — Aam. 5:15; ap. sul. 3:19; Epr. 9:14.
11. (a) Inuk kina Guutimut-tunniusimanermik naammalluinnartumik ersersitsisimava, tamatumalu suna ersersippaa? (b) Taassuma iliuuserisimasai qanoq ilillutik uagutsinnut iluaqutaappat?
1 Tim. 3:16) Adam, naammalluinnartumik pinngortitaasimasoq, Guutimut-tunniusimanermik naammalluinnartumik maligassiuilluarsimanngilaq. Kina taama iliorsinnaasimava? Taassuma kinguaavisa ajortillit arlaannaalluunniit taama iliorsinnaasimanngilluinnarpoq. Inuk taama iliorsimasutuaq tassaavoq Jesus Kristus. Taamaalilluni Jesusip ersersippaa Adamip, naalannissamut ajornannginnerusumik periarfissaqaraluartup, piumaguni assuarnaassutsi naammalluinnartumik attatiinnarsinnaasimagaluaraa. Kukkuneq Guutip pinngortitaaniinngilaq. Taamaattumik Jesus Kristusip maligassiuinera malinniarparput, Guutip inatsisaanut naalannitsiguinnaanngitsoq aammattaarli nammineq Jehovamut, qilammilu nunamilu kisimi Oqartussaasumut, tunniusimanitta ersersinneratigut.
11 Kisianni Guutimut-tunniusimanermik taama ittumik naammalluinnartumik ersersitsisinnaaneq inunnut ajornarluinnarpa? Tamatumunnga akissutissaq ukiuni 4000-it missaanniittuni tassaasimavoq „anngigisaq illernartoq“ (NV). (Nammineq inuttut akissuterput suua?
12. Sooq Jehovap kisimi oqartussaaneranut isumaqarfiginninnerput sianigiuartariaqarparput?
12 Apeqqut akerleriissutaasoq silarsuarmut tamarmut tunngasoq ullumikkut kikkut tamarmik aalajangerfigisariaqarpaat. Minitaasoqarsinnaanngilaq. Jehovamik illersuisuunerput tamanut nalunaarutigigutsigu Satanimit saassunneqarsinnaavugut. Taassuma sutigut tamatigut naqisimaniarsaraatigut, taamaaliortuassallunilu aaqqissuussaanerup ajortup nammineq pimi taamaatinnissaata tungaanut. Taamaattumik misissornerput annikillisittariaqanngilarput. (1 Pîtr. 5:8) Apeqqut akerleriissutaasoq pingaarneq eqqarsaatigalugu sumi inissisimanersugut inooriaatsitta ersersissavaa.
13. (a) Sallu tillinnerlu sumit aallaaveqarpat, taamaattumik tamakku qanoq isumaqarfigisariaqarpavut? (b) Immikkoortup matuma kinguliani eqqartorneqassapput pissutsit inuit sallunissaminnut tillinnissaminnullu ussernartorsiorfigeqqajaasartagaat. Apeqqutit tamakku ataasiakkaarlugit akisakkit.
13 Ilumoorfiginninngitsumik ileqqoqarnerup silarsuarmi
nalinginnaasutut isigineqarnera pissutigiinnarlugu uaguttaaq pissusissamisuuginnartutut isigisinnaanngilarput. Assuarnaassuserput attatiinnassagutsigu Jehovap aqqutigeqqusai naapertuilluartut inuunitsinni sutigut tamatigut maleruartariaqarpavut. Assersuutit matuma kingulianiittut eqqarsaatigeqqissaariakkit:(1) Satanip sallu atorlugu siuaasavut siulliit ajortimut pisippai. ’Sallunerit ataatagilerpaat.’ (Juán. 8:44)
Qanoq pisoqartillugu ilaatigut meeqqat inuusuttullu angajoqqaatik ilumoortumik oqaluttuutinngitsoortarpaat? Meeqqat inuusuttullu kristumiuusut taama iliortannginnissaat sooq taama pingaaruteqartigaa? (úss. 6:16-19)
Silarsuarmi niuernerup iluani iliuusaasartup suup inuk ’sallunerit ataataannut’ pisittarpaa, Guutimut sallusuitsumut pisinnagu? (Migga 6:11, 12)
Ajunngitsumik allanit isigineqarniaannarluni sallulioqattaarneq, allanut ajoqutaanngippat, eqqortumik iliornerua? (Tuss. 119:163; naleqqiuguk apustilit suliáinik agdlagkat 5:1-11.)
Arlaannik ajortuliorujussuartoqarsimappat salluliornikkut isertuunniarsarinnginnissaa sooq taama pingaaruteqartigaa? (úss. 28:13)
(2) Suup ajunngitsuuneranik suullu ajortuuneranik nammineq aalajangiinissamut Satanip kajumissaarinera Evap kingornagullu Adamip malikkamikku iliuusiat siulleq tassaavoq namminneq piginngisaminnik tigusinerat. Tillipput.
Tillinniaq piitsuuppat imaluunniit tillinniarfigitittoq pisoorsuuppat tillinniaq pinngitsuutinneqarsinnaava? (úss. 6:30, 31; 1 Pîtr. 4:15)
Tillinniartarneq najukkami nalinginnaappat imaluunniit tillitat annikitsuinnaappata tillinneq ajortuunngila? (Rûm. 12:2; Evf. 4:28; Lúk. 16:10)
14, 15. (a) Kristusip naalakkersuinerata ukiunik tuusintinik sivisussusillip kingorna inuit tamarmik qanoq misilinneqassappat? (b) Maannakkut iliuutsivut taamanikkussami inaarutaasussamut qanoq sunniuteqassappat?
14 Ukiuni tuusintini Kristusip naalakkersuinerani Satan inngilipiluilu itinersuarmi qilersorneqarumaarput, inunnik sunniisinnaajunnaarsillugit. Ila eqqissiallannassusissaa! sarĸ. 20:7-10.
Ukiulli tuusintit tamakku qaangiuppata sivikitsunnguamik iperarneqassapput. Taamanikkussamut Satan taassuminngalu malinnittut ’iluartunik’, inuiannik nutaanngorsagaasimasunik assuarnaassutsiminnillu aalajangiussisunik, naqisimanninniassapput. ’Illorpassuaqarfik asasaq,’ Jerusalem nutaaq qilammiittoq, sorsuffigissavaat naapertuilluassuseq nunarsuarmi atuutilersissimasaa nungutinniaraluassallugu. —15 Qularnanngilluinnarpoq Satanip inuit Jehovamut ilumoortuujunnaarsinniarlugit itsaq iliorsimanermisut aammattaaq tamatumuunakkut sallu nakutitsinerlu atorumaarai aammalu namminissarsiorneq pilimaniarnerlu qaffassarniarumaarai. Taamanikkussamut inuussagutta tamatumunnga nammineq inuttut qanoq qisuariassaagut? Apeqqut akerleriissutaasoq silarsuarmut tamarmut tunngasoq eqqarsaatigalugu uummaterput sumi inissisimassava? Taamanikkussamut inuit tamarmik naammalluinnartuussammata eqqunngitsumik iliorneq sunaluunniit piaaraluneernikkut pisimassaaq naassaanngitsumillu nungutitaanermik kinguneqassalluni. Taamanikkussamut ilumoortuujumalluta maannangaaq Jehovap unnersuussutaanut, oqaatsimigut peqatigiissortamigulluunniit tunniussarigaluarpagit, ajunngitsumik pitseriartumillu qisuariarnissarput pingaaruteqartorujussuuvoq! Taamaaliorutta ersersissavarput qilammi nunamilu kisimi Oqartussaasutut taanna piviusumik tunniusimaffigigipput.
Uteqqiineq
● Apeqqut akerleriissutaasoq sunaana pinngortitat tamarmik aalajangerfigisariaqaraat? Sooq tamatuma uaguttaaq attorpaatigut?
● Qupperneq 49-mi inuit takutinneqartut qanoq immikkut ittumik Jehovamut assuarnaassusertik ersersissimavaat?
● Sooq Jehovamut ataqqinaataasumik inooriaaseqarnissarput taama pingaaruteqartigaa?
[Atuaqqissaarnermi apeqqutit]
[Qupp. 49-mi assiliartat]
JEHOVAP KISIMI OQARTUSSAANERANIK AALAJANGIUSSIPPUT
Noa
Sara
Moses
Josef
Job
Taakkua maligassiaat qanoq ililluta iluaqutigisinnaavavut?