Kapiteli 17

’Asaqatigiigitsi ilungersorlusi’

1, 2. (a) Jehovap Nalunaajaasuisa ataatsimiin­nerinut najuuteq­qaar­tut suna kil­lin­neqaatigigajup­paat? (b) Pis­suseq taman­na aam­mat­taaq qanoq ilil­luni ersersin­neqar­toq ataatsimeersuar­ner­ni takusar­paat?

INUIT Jehovap Nalunaajaasuisa ilagiis­saasa ataatsi-  miin­nerinut najuuteq­qaaraangamik asan­nin­neq tamaani ersersin­neqar­toq kil­lin­neqaatigisorujus­suusar­paat. Peqatigiil­luin­nar­nermi takusamin­ni aam­malu nam­min­neq tikil­luaq­qusaal­luar­nermin­ni asan­nin­neq taman­na malugisar­paat.

² Aam­mat­taaq ataatsimeersuaqataasut amerlanersaasa ileq­qoris­susiat takusar­tik ataatsimeersuar­nitsin­nut najuuteq­qaar­tut tupigusuutigisar­paat. Ataatsimeersuar­neq taama it­toq pil­lugu tusagas­sior­tut ilaat ilaan­ni ima al­las­simavoq: ’Ikiaroor­toqaranilu aalakoor­toqan­ngilaq. Nil­liasoqan­ngilaq. Sakat­taat­toqaranilu qerler­toruut­toqan­ngilaq. Oqaasipilut­toqan­ngilaq. Kan­ngunar­tunik oqalut­toqaranilu quiasaapilut­toqan­ngilaq. Silaan­naq tupap pujuanik pujoqan­ngilaq. Til­lin­niar­toqan­ngilaq. Maangaan­naq eq­qaasoqan­ngilaq. Isigisat qaqutigoorluin­nar­tuup­put.’ Tamak­ku tamarmik asan­nin­nermut takus­sutis­saap­put, aap, asan­nin­nermut ’ip­pin­nar­tumik ilior­tarin­ngitsumut nam­minis­saminil­lu piniar­tarin­ngitsumut’. — 1 Kor. 13:4-8.

3. (a) Asan­nin­ner­put qanoq iliar­tor­tariaqar­pa? (b) Asan­nin­neq qanoq it­toq Jesusip ersersis­simasaa im­mitsin­ni ineriar­tor­tit­tariaqar­par­put?

³ Asan­nin­neq tas­saavoq pis­suseq kristumiut ilumoor­tut tamarmik ilisar­naatigisaat. (Juán. 13:35) Anersaak­kut ineriar­tor­til­luta pis­suseq taman­na ersersin­nerujar­tor­tariaqar­par­put. Qatan­ngutimi asan­nin­nerata ’ilaqangaaleriar­tuin­nar­nis­saa’ apustili Paulusip qin­nutigisimavaa. (Fil. 1:9;  1 Tás. 3:12) Aam­ma Peterip kristumioqatini kajumis­saarsimavai asan­nin­ner­tik ’qatan­ngutigiin­nut tamanut’ ersersit­taq­qul­lugu. (1 Pîtr. 2:17) Inuit ataatsimeeqatigisar­tak­kat­ta inut­tut ilisarisimaneruler­niar­nis­saan­nik asan­nin­nit­ta kajumis­saar­tariaqar­paatigut. Ilaan­nik­kuin­naq inus­siar­nersumik ilas­sil­lat­taagin­nar­nagit iliuuseqar­nerusariaqar­pugut. Apustili Johan­nesip ersersip­paa asan­nin­neq taman­na im­minut tunul­liul­luni asan­nin­nerusariaqar­toq. Ima al­lap­poq: ’Matuman­nga asan­nin­neq nalujun­naar­par­put: Guutip er­nerata inuunini pil­luta iperarmagu; uagut­taaq inuuner­put qatan­ngutivut pil­lugit iperas­savar­put.’ (1 Juán. 3:16; Juán. 15:12, 13) Uagut suli taamaaliorsiman­ngilagut. Qatan­ngutivul­li pil­lugit inuunit­ta tun­niun­nis­saa piareersimaf­figiner­par­put? Aap, uagutsin­nut pisaris­sersuutaagaluar­torluun­niit ikior­niarlugit maan­nak­kut qanoq iliuuseqar­tigaagut?

4. (a) Suk­kut al­lak­kut im­maqa paasilis­savar­put asan­nin­nermik an­nerusumik ersersitsisin­naal­luta? (b) Ilungersor­tumik asaqatigiin­nis­sar­put sooq taama pingaaruteqar­tigaa?

⁴ Aam­mat­taaq im­minut tunul­liut­tuuner­put ilutigalugu qatan­ngutitsin­nut piviusumik tun­niusimanis­sar­put pingaaruteqar­poq. Guutip oqaasiani ima kajumis­saar­neqar­pugut: ’Qatan­ngutigiis­sutut asaqatigiigitsi ungagiil­lusi [tun­niusimaqatigiil­luin­narlusi, NV].’ (Rûm. 12:10) Tamat­ta misigis­suseq taman­na qatan­ngutit­ta ilaan­nut ersersit­tar­par­put. Taamatul­li misigis­suseqarfigisavut amerlanerusin­naan­ngin­ner­pat? Aaq­qis­suus­saanitoq­qap naggatis­saa qanil­liar­tor­til­lugu kristumiutut qatan­ngutivul­lu ataqatigiin­nerujar­tuin­nar­nis­sar­put pingaaruteqar­poq. Tamatumin­nga Bibelimi kajumis­saar­neqar­pugut: ’Suut tamarmik naggatis­saat qanil­liler­poq. Tamanit an­nerusumik asaqatigiigitsi ilungersorlusi asan­nin­nerup ajor­ter­pas­suit matoor­tarmagit.’ — 1 Pîtr. 4:7, 8.

5. Ilagiin­nut ilaasor­taasut akor­nan­ni ajor­nar­torsiuteqalin­ngin­nis­saa sooq naatsorsuutigis­san­ngilar­put?

⁵ Naam­mal­luin­nan­ngitsuutil­lutali al­lanut ajual­laataasumik iliuuseqar­toor­tas­saagut. Al­lal­lu as­sigiin­ngitsutigut uagutsin­nik ajor­tuliorfigin­nit­tas­sap­put. (1 Juán. 1:8) Taamaat­toqar­til­lugu qanoq ilior­tas­savit?

 Ajornartor­siuteqaleraangat qanoq iliortariaqartutit

6. (a) Sooruna Bibelimi un­nersuus­sutit uagut iliuusereq­qajaasatsin­nut naaper­tuut­tuaan­nar­neq ajor­tut? (b) Taamaak­kaluar­torli un­nersuus­sutit malik­kutsigik qanoq kinguneqas­sava?

⁶ Pisariaqar­titatsin­nik Bibelimi un­nersuus­suteqar­poq. Tas­sanili oqaatigineqar­tut im­maqa uagut inut­tut naam­mal­luin­nan­ngitsutut iliuuserin­ngitsooq­qajaasar­pavut. (Rûm. 7:21-23) Taamaak­kaluar­torli Jehovap un­nersuus­sutaasa maleruar­nis­saat ilungersorluta sulis­sutiginiarsarigutsigu ersersis­savar­put taas­suma iluarisaanik ilior­nis­sar­put qamuuna kis­saatigigip­put, tamatumalu al­lanut asan­nin­ner­put pitsaanerusun­ngor­tis­savaa.

7. (a) Ajual­latsin­neqarut­ta sooq akiniaasariaqan­ngilagut? (b) Sooq qatan­ngut uagutsin­nik ajual­latsitsisimasoq oqaloqatigiumajun­naar­tariaqan­ngilar­put?

⁷ Ilaan­nik­kut inuit ajual­latsin­neqaraangamik ajual­latsitsiser­tik akiniar­niar­tar­paat. Taamaalior­nermik­kul­li pis­sutsit ajor­nerulersiin­nar­tar­paat. Akiniagas­saqar­pat Guutimut isumagisas­san­ngor­tit­tariaqar­par­put. (úss. 24:29; Rûm. 12:17-21) Inuit al­lat ajual­latsitsiser­tik im­maqa alar­tar­paat oqaloqatigiumajun­naarlugu. Uagul­li up­peqatitsin­nut taamaaliorsin­naan­ngilagut, tas­sami pal­lorfigin­nin­ner­put Jehovap iluaris­sap­pagu qatan­ngutitsin­nik asan­nin­ner­put aalajangiisooqim­mat. (1 Juán. 4:20) Ilumoorluta oqarsin­naaner­pugut oqaloqatigerusun­ngisar­put imaluun­niit ilagerusun­ngil­luin­nagar­put asal­lugu? Iliuuseqar­tariaqar­pugut ajor­nar­torsiut aaq­qin­niarlugu. Qanorli ilil­luta?

8, 9. (a) Qatan­ngum­mut naam­magit­taal­liuutis­saqarut­ta qanoq ilior­tariaqar­pugut? (b) Taavami arlaleriarluni ajor­tuliorfigisimap­patigut? (c) Sooq taamaalior­tariaqar­pugut, taamaalior­nis­satsin­nul­lu suna iluaqutigis­savar­put?

⁸ Taman­na pil­lugu apustili Paulus ima al­lap­poq: ’Im­mis­sin­nut un­nerluutis­saqaraluarus­si kamageqatigiil­lusilu isumak­keerfigeqatigiigitsi; soorlu [Jehovap, NV] isumak­keerfigigaasi, taamat­taaq ilis­si pigitsi.’ (Kul. 3:13) Il­lit taamaaliorsin­naavit? Taavami ilin­nik ajor­tuliorfigin­nit­tup arlaleriarluni as­sigiin­ngitsutigut ajor­tuliorfigip­patit?

⁹ Apustili Peter ilaan­ni taamator­piaq aperisimavoq, siun­nersuivorlu im­maqa al­laat arfineq-marloriarluni qatan­ngum­mik  isumak­keerfigin­nin­niar­tar­nis­saminik. Jesusip ima akivaa: ’Oqarfigaak­kit, arfineq-marlun­nik pin­natit, arfineq-marlun­nil­li qulil­lit arfineq-marloriarlugit [77-eriarlugit] al­laat.’ Soorooq? Inuup kialuun­niit uagutsin­nut akiitsugarisin­naasaanut sanil­liul­lugu uagut Guutimut akiitsuk­kat­ta qanoq an­ner­tutigineranik ersersitsisumik as­sersuusior­nermigut Jesusip taman­na nas­suiar­paa. (Mat. 18:21-35) Ul­lut tamaasa as­sigiin­ngitsor­pas­suar­tigut Guutimut ajor­tulior­tar­pugut — ilaan­nik­kut nam­minis­sarsior­nitsigut, amerlaner­tigul­lu oqaatsitsigut eq­qarsaatitsigul­lu, imaluun­niit iliuuserisariaqaraluak­katsin­nik iliuuseqan­ngitsoor­nitsigut. Ilisimasakis­suser­put pis­sutigalugu al­laat sianigin­ngisatsin­nik kuk­kusin­naavugut, imaluun­niit ul­luin­nar­ni ulap­puteqangaarat­ta kuk­kus­suter­put eq­qarsaatiger­piar­naguluun­niit. Ajor­titsin­nut akiliutitut inuuner­put Guutip piumasarisin­naagaluar­paa. (Rûm. 6:23) Naak­kin­nin­nermil­li ersersitsivigiuar­paatigut. (Tuss. 103:10-14) Taamaat­tumik uagut­taaq al­lanut taamatut iliorfigin­nin­nis­satsin­nik piumaf­figim­matigut ingasaas­sinerun­ngivip­poq. (Mat. 6:14, 15; Evf. 4:1-3) Put­tarsisaqar­nis­samut taarsiul­lugu taamaaliorut­ta takutis­savar­put asan­nin­neq „eq­qun­ngitsumik iliorfigisaaner­nik tamanik naatsorsuutigin­nit­tarin­ngi“tsoq pigilersimal­lugu. — 1 Kor. 13:4, 5, NV; 1 Pîtr. 3:8, 9.

10. Qatan­ngutit­ta ilaata iluarin­ngip­patigut qanoq ilior­tariaqar­pugut?

¹⁰ Paasilerutsigumi qatan­ngutit­ta put­tarsisaqarfigin­ngisat­ta iluarin­ngik­kaatigut? Taava nangaanata oqaloqatigisariaqar­par­put ajun­ngitsumil­lu atas­suteqarfiginiaq­qiler­tariaqarlugu. Siul­liul­luta qanoq iliuuseqar­tar­nis­satsin­nik Bibelimi kajumis­saar­neqar­pugut. (Mat. 5:23, 24) Im­maqa taman­na oqitsuun­ngilaq. Tamatumani asan­nin­neq maniguun­nermik ilalik pisariaqar­poq. Bibelimi siun­nersuutigineqar­tunik iliuuseqar­nis­san­nut pis­sutsit tamak­ku naam­mat­tumik pigaagit? Taman­na anguniagas­saavoq pingaaruteqar­toq.

11. Qatan­ngutit­ta ilaat ajual­laatigisatsin­nik iliuuseqar­tar­pat qanoq ilil­luta iluarsiniar­tariaqar­par­put?

¹¹ Imaas­sin­naavor­taaq ilin­nut — im­maqalu aam­ma al­lanut — ajual­laataasumik qatan­ngutit ilaat arlaan­nik ilior­tar­toq. Pitsaas­san­ngin­ner­pa oqaloqatigineqaruni? Im­maqa.  Il­lit nam­mineerlutit inus­siar­nersumik ajor­nar­torsiut pil­lugu oqaloqatigisin­naaguk­ku im­maqa ajun­ngitsumik kinguneqarsin­naas­saaq. Siul­lermil­li im­minut ima aperisariaqar­putit: ’Iliuusia ilumut Bibelimut akerliua? Imaluun­niit as­sigiin­ngitsunik tunuliaqutaqar­ner­put aam­malu as­sigiin­ngitsunik perorsar­neqarsimaner­put ajor­nar­torsium­mut peq­qutaanerua?’ Taamaap­pat il­lit nam­mineq najoq­qutas­sior­naveersaar­tariaqar­putit najoq­qutas­siatil­lu naaper­torlugit isum­mer­naveersaar­tariaqarlutit. (Jâk. 4:11, 12) Inuit qanoq it­tumik tunuliaqutaqar­nerat apeq­qutaatin­nagu Jehovap ilas­sisar­pai, anersaak­kul­lu ineriar­tor­neran­ni kamagit­tarfigisarlugit.

12. (a) Ilagiit iluan­niit­tumik an­ner­tuumik unioq­qutitsisoqarsimap­pat kik­kut qanoq iliuuseqar­tus­saap­pat? (b) Qanoq pisoqarsimatil­lugu ajor­tuliorfigitit­tup ajor­tuliorfigin­nitsini siul­liul­luni oqaloqatiginiar­tus­saavaa? Suna siuner­taralugu?

¹² Ilagiin­nili an­ner­tuumik unioq­qutitsisoqar­pat ingerlaan­naq iliuuseqar­toqar­tariaqar­poq. Kik­kul­li qanoq iliuuseqar­tus­saap­pat? Qanoq iliuuseqar­tus­sat tas­saagajut­tar­put utoq­qaaner­tat. Kisian­ni qatan­ngutit akor­nan­ni niueqatigiin­neq, im­maqaluun­niit al­lap ajoquser­neqaatigisaanik oq­qamik ator­nerluisimaneq, pineqar­pata taava ajor­tuliorfigitit­tup nam­mineerluni siulliulluni unioq­qutitsisoq oqaloqatiginiar­tariaqar­paa. Ilat­ta taamaalior­nis­sar­tik ajor­nakusoor­tit­tar­paat. Taman­naavorli Jesusip Matîuse 18:15-17-imi siun­nersuutigisaa. Qatan­ngum­mut asan­nis­suseqaraan­ni qatan­ngutitul­lu at­taveqarfigiuaan­nar­nis­saanik kis­saateqaraan­ni ajor­nan­ngip­pat uum­mataanut kil­liisumik oqaloqatiginis­saa saper­nas­san­ngilaq. — úss. 16:23.

13. Qatan­ngutit­ta ilaata uagul­lu akun­nitsin­ni ajor­nar­torsiuteqaler­nerup eq­qor­tumik isiginis­saanut suna iluaqutigis­savar­put?

¹³ An­nikik­kaluar­tumik an­ner­tugaluar­tumil­luun­niit ajor­nar­torsiuteqaleraangat­ta Jehovap tamatumin­nga qanoq isigin­nin­neranik paasin­nin­niar­tarut­ta iluaqutigisas­savar­put. Ajor­tuliaq qanoq it­tuugaluar­torluun­niit iluarin­ngilaa, taamaak­kaluar­torli tamatsin­ni ajor­tuliamik nas­saas­saqar­poq. Pif­fis­saq iluarisani nal­liut­taraangat ajor­tuliamin­nik peq­qis­simis­sutigin­nin­ngitsut tamaasa peqatigiis­sor­taminit piiar­tar­pai. Uagum­mi? Uagut tamat­ta taas­suma kamagit­tarfigalutalu naak­kin­nit­tuliorfigaatigut, taamaalil­lunilu malit­tariaqak­katsin­nik  maligas­siuul­luta. Taamaalioraangat­ta taas­suma asan­nin­nera ilaar­tar­par­put. — Evf. 5:1, 2.

’Neruttornissaq’ anguniarsiuk

14. (a) Sooq Korinthimiut ’nerut­tor­nis­saan­nik’ Paulusip kajumis­saar­pai? (b) Tamatuma eq­qarsaatigeq­qis­saar­nis­saata pitsaas­susianik qanoq ilil­lutik al­las­simaf­fiit ilan­ngun­neqarsimasut takutip­paatigut?

¹⁴ Ilagiit Korinthimiit­tut ineriar­tor­tin­nis­saan­nut apustili Paulusip qaam­mater­pas­suit atorsimavai. Qatan­ngutini taavaniit­tut ikior­niarlugit tamaviaarsimaqaaq, asavaalu. Misigis­susiili asan­nit­tut ilagiin­niit­tut ilaan­nit akineqan­ngil­lat. Taak­ku taas­sumin­nga isor­nar­torsiuiniar­torujus­suup­put. Tun­niusimanermik ersersitsinis­saq eq­qarsaatigalugu taak­ku ’nerut­tor­nis­saan­nik’ Paulusip kajumis­saar­pai. (2 Kor. 6:11-13; 12:15) Pitsaas­saaq tamat­ta eq­qarsaatigeq­qis­saas­sagutsigu asan­nin­nermik qanoq an­ner­tutigisumik al­lat ersersitsiviginerlutigik, eq­qarsaatigalugulu uagut­taaq ’nerut­torsin­naanerluta’. — 1 Juán. 3:14; 1 Kor. 13:3.

15. Inut­tut kajumigival­laan­ngitsutut misigif­figisatsin­nut asan­nin­nit­ta an­ner­tusisin­nis­saanut suna iluaqutigis­savar­put?

¹⁵ Qanil­liuminaatsitatsin­nik ilagiin­niit­toqar­pa? Uagut kuk­kunit­ta an­nikitsut sianigin­ngitsuusaar­neqar­nis­saan­nik kis­saatigin­nin­nitsitut taak­ku kuk­kunerisin­naasaasa an­nikitsut sianigin­ngitsuusaar­nis­saat tamaviaarul­lugu sulis­sutigigutsigu taak­kunun­nga qanin­nerulersin­naas­saagut. (úss. 17:9; 19:11) Aam­malu pis­susii ajun­ngitsut maluginiar­nerugutsigik asan­nin­nerusumik misigis­suseqarfigilersin­naas­savavut. Ilumut malugisimaner­par­put qanoq Jehovap qatan­ngutivut taak­ku ator­tarai? Taman­na malugisimagutsigu taak­kunin­nga asan­nin­ner­put an­nerulerluin­nas­saaq. — Lúk. 6:32, 33, 36.

16. Qanoq ilil­luta asan­nin­neq ilagiit iluan­ni ersersitar­put piviusorsior­tumik ’nerut­torsin­naavar­put’?

¹⁶ Miserratigineqarsin­naan­ngilaq inun­nik al­lanik qanoq iliorfigin­nis­sin­naaner­put kil­leqarmat. Rigs­salimi ataatsimiin­nitsin­ni tamani najuut­tut tamaasa ilas­sinis­saat im­maqa angumerisin­naan­ngilar­put. Qaaq­qusigaangat­ta tamaasa ataatsik­kut qaaq­qusin­naaneq ajor­pavut. Tamat­talu ikin­nguteqar­pugut qanin­nerusatsin­nik al­lanil­lu tamanit ilaginerusak­katsin­nik.  Kisian­ni ’nerut­torsin­naan­ngin­ner­pugut’? Sapaatip-akun­neranut minut­tialuin­nan­nguil­luun­niit atorsin­naan­ngin­ner­pavut ilagiin­ni qanit­tumik ikin­ngutigin­ngisatsin­nik ilisarisiman­nin­neruler­nis­saq anguniarlugu? Oqaluus­sil­luni angalaaqatiginis­saan­nik ilaan­nik­kut ilaserisarsin­naan­ngin­ner­pavut? Ilumut ilungersorluta asaqatigiik­kut­ta qanoq ilior­nik­kul­luun­niit taman­na ersersis­sin­naas­savar­put.

17. Qanoq ilil­luta ersersis­sin­naavar­put qatan­ngutitsin­nut sior­natigut takusiman­ngisaan­nak­katsin­nut ilungersor­tumik asan­nit­tuul­luta?

¹⁷ Asan­nin­nit­ta ’nerut­tor­nis­saanut’ kristumiut ataatsimeersuar­nerini periarfis­saqarluar­pugut. Tuusintilip­pas­suit najuut­tar­put, taamaat­tumik tamaasa oqaloqatiginis­saat angumerisin­naan­ngilar­put. Naak im­maqa sior­natigut takusiman­ngisaan­naraluarlugit uagut nam­mineq iluarusun­nis­satsin­nit taak­ku ilorrisimaar­nis­saan­nik pingaar­nerutitsinitsin­nik ersersitsisumik pis­susilersorsin­naavugut. Unil­latsiar­ner­nilu nikorfarrat­tut is­siarrat­tul­lu eq­qatsin­niit­tut ilaan­nik oqaloqatigiin­nermik uagut nam­mineq aal­lar­niinitsigut inut­tut soqutigin­nin­nermik ersersitsisin­naavugut. Nunarsuarmi inuusut tamarmik tas­saalerumaar­put qatan­ngutivut angutit ar­nal­lu, kik­kut tamarmik Guutian­nik Ataataan­nil­lu pal­lorfigin­nin­nermi ataasioqatigisavut. Ila nuan­nis­susis­saa tamaviisa ilisarisimalis­sal­lugit, pis­suser­pas­sui as­sigiin­ngitsut ilin­nias­sal­lugit! Taak­kunin­nga ilungersorluta asan­nin­nit­ta taamaalior­nis­satsin­nik kis­saateqalersis­savaatigut. Maan­nangaaq taamaaliuler­niarit.

Uteqqiineq

● Qatan­ngutit akor­nan­ni ajor­nar­torsiutaalersut qanoq aaq­qin­niar­neqar­tariaqar­pat?

● Anersaak­kut ineriar­tor­til­luta asan­nin­ner­put sutigut an­ner­tusiar­tor­tariaqar­pa?

● Qanit­tumik ikin­ngutigisat kisiisaan­ngitsoq aam­mat­taarli al­lat ilungersor­tumik asan­nin­nermik ersersitsiviginis­saat qanoq ilil­luni ajor­nan­ngila?

[Atuaqqissaarnermi apeqqutit]