Guutip ajussutsimik ilaginnaagallarnera sumik ilinniarfigisinnaagipput
Kapiteli 7
Guutip ajussutsimik ilaginnaagallarnera sumik ilinniarfigisinnaagipput
1. (a) Edenimi pikitsitsisut Jehovap ingerlaannaq nungutissimagaluarpagit uagutsinnut qanoq kinguneqassagaluarpa? (b) Akerlianilli uagut iluaqutissatsinnik sumik Jehova asannittumik aaqqissuussiva?
AJORNARTORSIUTIT suulluunniit inuunitsinni na- laassinnaagaluarivut, taamaattoq Guuti naapertuilluanngitsumik iliorsimanngilaq inunngortissimagamisigut. Inuit siulliit naammalluinnartuutillugit pinngortippai paratiisilu angerlarsimaffissaattut tunniullugu. Taakku pikitsitseriitsiaannartut nungutissimagaluarpagit inuiaat nalunngisavut, nappaatinik, piitsuunermik pinerlunniarnermillu atugaqartut, piusimanngisaannarsimassagaluarput. Naakkinnissutsimigulli Jehovap akueraa Adamip Evallu toqutinnatik meeqqiornissaat, naak meerassaasa naammalluinnanngissuseq kingornutissagaluaraat. Taava Kristus aqqutigalugu aaqqissuussivoq Adamip kinguaavi uppersutsimik ersersitsisut taassuma asiutitaanik — pissutsini inuunermik tamakkiisumik nuannaarutiginnitsitsisuni naassaanngitsumik inuunermik — angusisinnaalersillugit. — 5 Môrs. 32:4, 5; Juán. 10:10.
2. Uagut annannissarput piinnarlugu tamakku tamarmik pippat?
2 Tamanna uagutsinnut asseqanngitsumik iluaqutissaavoq. Kisianni Bibelimi atuaraangatta paasisarparput uagut inuttut annaanneqarnissatsinnit pingaarnerujussuaq pineqartoq.
Aqqi nersornartoq pillugu
3. Nunarsuaq inuillu pillugit Jehovap siunertarisaanik naammassinninnerup suut attorpai?
3 Jehovap siunertarisaanik nunarsuarmut inunnullu tunngasumik naammassinninnerup taassuma aqqa, qilammi
nunamilu kisimi Oqartussaasutut aammalu Guutisut sallusuitsutut tusaamaneqarnera attorpai. Pinngortitat tamarmik eqqissineq pigissappassuk atugarissaassappatalu Jehovap inissisimanera pissutigalugu pisariaqarpoq taassuma aqqata ataqqisariaqassusia naapertorlugu ataqqineqarnissaa aammalu kikkut tamarmik taassumunnga naalannissaat.4. Jehovap sunarpiaq siunertaraa?
4 Jehovap Adam Evalu pinngortereeramigit immikkut ittumik suliassippai. Erseqqissaappai taakkua nunarsuarmut tamarmut naalagaanissaat taamaalillutillu paratiisimik annertusiartortitsinissaat kisiat siunertarinngikkini, aammattaarli kinguaassiorlutik nunarsuarmik inulersuinissaat siunertarigini. (1 Môrs. 1:28) Taakkua ajortuliornerat pissutigalugu Guutip siunertarisaa taamaatinneqarpa, taamaalillunilu Guutip aqqanik ataqqinaataajaalluni?
5. Môrsasip agdlagai sujugdlît 2:17 naapertorlugu ’orpimmit ajunngitsumik ajortumillu sianinartumit’ nerisut qaqugu toqusussaappat? (b) Nunarsuarmik siunertarisani ataqqiitigalugu qanoq ililluni Jehovap oqaasereriikkani eqqortippai?
5 Jehovap Adam mianersoqquaa naalanngikkaluaruni aammalu orpimmit ajunngitsumik ajortumillu sianinartumit nerigaluaruni „ullormi tassani“ (NV) neriffimmini toqujumaartoq. (1 Môrs. 2:17) Jehovap oqaasereriikkani eqqortillugit ullormi Adamip ajortuliorfigisaani ajortuliortut nassueqquai, toqumillu eqqartuussut ingerlaannaq taakkununnga nalunaarutigalugu. Pillaat pinngitsoorneqarsinnaanngilaq. Inatsisit naapertorlugit imaluunniit Guutip isiginnittaasianit isigalugu ulloq tamanna Adam Evalu toqupput. (Naleqqiuguk Lúkarse 20:37, 38.) Kisianni nammineq nunarsuarmik siunertarisani nalunaarutigeriikkani naammassisinnaajumallugu toqutinnatik meeqqiornissaat Jehovap akueraa. Guutip ukiunik 1000-inik ullortut ataatsitut isiginninnera eqqarsaatigigaanni Adam ’ullup’ ataatsip ingerlanerani toquvoq, 930-nik ukioqarluni toqugami. (1 Môrs. 5:3-5; naleqqiutikkit Tussiaat 90:4; Pîtrusip agdlagaisa áipait 3:8.) Taamaalilluni nalorninaallisinneqarpoq Jehova ilumoortumik oqalussimasoq eqqartuussutip qaqugu naammassineqarnissaa oqaatigigamiuk, aammalu nunarsuarmik siunertarisaa — tassa Adamip kinguaavinik inulersorneqarnissaa — maangaannanngitsoq. Tamatumali kingunerisimavaa inuit ajortillit inuugallarsinnaatitaanerat.
6, 7. (a) Môrsasip agdlagaisa áipait 9:15, 16 naapertorlugu sunaana pissutigalugu ajussutsip atuukkallarnissaa Jehovap ilaginnarallaraa? (b) Faraomut pisimasut eqqarsaatigalugit Jehovap pissaanini qanoq ilillugu ersersippaa, qanorlu ililluni aqqa ilisimaneqalersinneqarpa? (c) Taamaattumik aaqqissuussaanerup ajortup maannakkut atuuttup aserorneqarnerata suna kingunerissavaa?
6 Aammattaaq Moses inuugallarmat Ægyptenip naalagaanut Jehovap oqaaserisimasaasa ersersippaat sooq ajussuseq ilaginnarallaraa. Israelikkut Ægyptenimit aallarnissaannik Faraop itigartimmagit Jehovap ingerlaannaq suujunnaarsinngilaa. Nuna taanna perlunnik qulinik atugaqartinneqarpoq Jehovap pissaaneranik assigiinngitsutigut tupinnartumik takutitsisunik. Perluit arfineq-aappassaannik mianersoqqussutiginninnermini Jehovap Farao oqarfigaa innuttaalu nunap qaavanit peerutiteriaannaagaluarlugit. ’Tamannali pillugu atatippakkit,’ Jehova oqarpoq, ’pissaanera ilinnut takutikkumallugu, ateralu oqaatigineqaqqullugu nunani tamani.’ — 2 Môrs. 9:15, 16.
7 Ilumullumi, Jehovap Israelikkut aniguisimmagit aqqa sumi tamaani ilisimaneqalerpoq. Allaat ullumikkut, ukiut 3500-t missaanniittut kingorna, iliuuserisimasai puiorneqarsimanngillat. Ateq namminerisaq Jehova kisimiunngitsoq oqaluussissutigineqarpoq, aammattaarli atermik taassuminnga Atilik pillugu sallusuissut oqaluussissutigineqarluni. Tamatumuuna nalunarunnaarsinneqarpoq Jehova tassaasoq Guuti angerutsiminik eqquutitsisartoq kiffamilu iluaqutissaat pillugu akuliuttartoq. Tamatumuunalu uppernarsarneqarpoq ajugaqanngitsumik pissaanera pissutigalugu siunertarisaminik naammassinninniarnerani suulluunniit akornusersinnaanngikkaa. Aaqqissuussaaneq ajortoq tamarmi, takussaasortaa takussaanngitsortaalu, suujunnaarsinneqarpat suli maluginiarnarnerungaassaaq. Jehovap ajugaqanngissusianik takutitsineq tamanna aammalu tamatumuuna aqqata ataqqinartitaalernissaa qaqugumulluunniit puiorneqarnavianngillat. Taassuma akulerunnissaa naassaanngitsumik iluaqusiissaaq! — Hsk. 38:23; sarĸ. 19:1, 2.
’Ata Guutip ilisimanerata itissusia!’
8. Suut eqqarsaatigeqqissaaqqullugit Paulusip kajumissaarpaatigut?
8 Romamiunut allakkamini Paulus ima aperivoq: ’Guuti iluanngitsumik iliortarpa?’ Tamatumunnga akissummini Guutip naakkinnissusia aammalu Jehovap Faraomut oqaaserisimasai tikkuarpai. Aammattaaq eqqaasippaatigut uagut inuit marrartut marriortup assaaniittutut ittugut. Marraap qanoq atorneqarnini naammagittaalliutigisarnerpaa? Paulus nangippoq: ’Immaqali Guutip kamannini takutikkumagaluarlugu pissaassutsilu nalunaarumagaluarlugu puuguttat kamannerup pii aserornermut naammaleraluartut kamajuingaarluni kamagisimagaluarpagit, naalannangaarsutsissaaq nalunaarumallugu puuguttani nallittuinerup piini naalannarsutsimut siumut piareersakkamini? Taamaattussaaqqullutalu uaguttaaq qaaqquaatigut juutinit piinnarnani Guutimik nalusunittaaq.’ — Rûm. 9:14-24.
9. (a) ’Puuguttat kamannerup pii aserornermut naammalersut’ kikkut-uku? (b) Naak taakku akeqqersimaaraluaqisut sooq Jehovap kamaginninnini ersersittuaannarpaa, Jehovamillu asannittut iluaqutissaannut tamanna qanoq inaarutaasumik kinguneqassava?
9 Môrsasip agdlagai sujugdlît 3:15-imi Jehovap siulittuummik nalunaarutiginninnera aallarnerfigalugu Satan kinguaassaalu tassaalerput ’puuguttat kamannerup pii aserornermut naammalersut’. Piffissamilu taamanimiilli ingerlasumi Jehova kamagittartuarsimavoq. Ajortut taassuma aqqutai asissortarpaat; kiffai malersortarpaat, allaallu ernera toqussimallugu. Jehovalli tamakku tamaasa nunuffigai, kiffami naassaanngitsumik iluaqutissaannut. Pinngortitat tamarmik periarfissinneqareersimapput Guutimut pikitsitsinerup kingunipiluinik takunninnissaminnut. Tamannalu ilutigalugu Jesusip toqua inuit naalattut aniguisitaanissaannut aammalu ’Diaavulup suliaasa piuneerunneqarnissaannut’ tunngavissiisimavoq. — 1 Juán. 3:8; Epr. 2:14, 15.
10. Sooq ukiuni 1900-ni kingullerni Jehovap ajortut nunuffigiuarsinnarpai?
10 Ukiuni 1900-nit amerlanerusuni Jesusip toqusunit makinneranit ingerlareersimasuni Jehovap ’puuguttat kamannerup pii’ suli nunuffigiuarsinnarpai sulilu suujunnaarsinneqarnissaat Gal. 3:29) Taakku, katillutik 144.000-iusut, tassaapput ’puuguttat nallittuinerup pii’ Paulusip eqqartugai. Siullermik juutit katersanut taakkununnga ilaanissamut qaaqquneqarput. Taava kingorna Samariamiut kipineqarsimasut ilanngutsinneqarput, naggataagullu inuit inuiannit juutiunngitsuneersut ilanngutsinneqarlutik. Inuit imminik kiffartorfiginninnissaannut pinngitsaalinngikkaluarlugit aaqqissuussaminut asannittunut qujamasunnerminnik ersersitsisut tupinnangaartumik pilluaqqunerisigut kamaginningaarluni Jehovap siunertarisani naammassisimavaa. Katersanik qilaliartussanik taakkuninnga upalungaarsaaneq naammassingajalerpoq.
utaqqisikkallarlugu. Sooq? Arnap kinguaassaata ilaa pingaannginnerusoq, tassa qilammi Jesus Kristusip naalagaaffiani naalakkersueqataasussat, upalungaarsaakkamigit. (11. Inuit katersat allat kikkut Jehovap kamaginninnera maanna iluaqutigaat?
11 Taavami kikkut nunarsuarmi najugaqassappat? Guutip piffissarititaa nallerpat toqungasut milliardillit makitinneqassapput, Naalagaaffimmullu nunarsuarmi innuttaalissallutik. Jehovap kamaginninnera ingammik 1935-miilli periarfissiisimavoq katersat ’amerlangaartut’ inuiannit tamaneersut annaanneqarsinnaaqqullugit katersorneqarnissaannik. — sarĸ. 7:9, 10; Juán. 10:16.
12. (a) Tamatuma kingunerisaanik Jehovamut tunngasumik sumik ilikkagaqarpugut? (b) Suliassanik tamakkuninnga qanoq Jehovap suliarinnissimanera paasigakku qanoq qisuariarpit?
12 Pisuni tamakkunani tamani naapertuilluanngitsumik iliortoqarsimava? Naamerluinnaq! Siunertarisani naapertorlugu inunnik tusarumasunik naakkinninnissani pillugu ajortunik imaluunniit ’puuguttanik kamannerup piinik’ nungutitsinissani Guutip utaqqisikkallarmagu naammagittaalliortoqarsinnaanerpa? Naamik, akerlianilli Jehovap siunertarisani naammassiartuaaraa takugaangatsigu taassuma pissusiinik ilinniutigingaartarparput. Kinaassusiata saqqumilaarnersai — naapertuilluassusia, naakkinnissusia, kamaginnissusia, ilisimassusia tamatigoortoq — erseraangata tupigusuutigisarpavut. Ilisimassut tamanna, apeqqut akerleriissutaasoq pillugu Jehovap suliaqarnermini pissuserisaa, taassuma aqutseriaasiata Rûm. 11:33.
tamanit pitsaanerpaaneranut naassaanngitsumik nalunaajaataassaaq. Apustili Paulusip oqarsimaneratut ima oqassaagut: ’Ata, Guutip pisuussusiata ilisimaneratalu ilisarsineratalu itissusiat; eqqartuussinerisa killissaanngissusii aqqutaasalu siunersissaanngissusii.’ —Tunniusimanitta ersersinnissaanut periarfissaq
13. (a) Naalliuutinit nalaanneqaraangatta sumut periarfissaqalertarpugut? (b) Silatusaartumik qisuariarnissatsinnut suup ikiussavaatigut?
13 Guutip ajortunik nungutitsinissaminik inuiannillu makititseqqinnissaminik oqaatsini suli eqquutitinngimmagit pissutsinik uagutsinnut inuttut naalliuutaasunik takkuttoqarsinnaasarpoq. Taamatut pisoqartillugu qanoq qisuariartarpugut? Jehovap aqqata mitalliutigineqarsimaneranik minguiaaqataanissamut Diaavulullu sallutuujuneranik uppernarsaanissamut periarfissatut tamanna isigisarparput? Taamatut qisuariartarnissatsinnut assut nakussatsissinnaavugut unnersuussut manna eqqarsaatigigutsigu: ’Ilisimatuuniarit, erninnguara, uummatigalu tipaatsutsinniaruk, mitallersinnut akissutissaqaqqullunga.’ (úss. 27:11) Satan, Jehovamik mitalliisoq, oqarsimavoq inuit piminnik annaasaqarunik timimikkulluunniit anniaateqalerunik Jehova pisuutikkumaaraat, aap allaat perloqqujumaaraat. (Jûpe 1:9-11; 2:4, 5) Naak naalliunnartunik atugaqaraluarluta Guutimut ilumoornerput attattuaannaraangatsigu Jehovap uummataa nuannaartittarparput taamaalillutalu ersersittarlutigu Satanip oqaaserisimasaasa uatsinni ilumuunngitsuunerat. Qularutiginngilluinnarparput Jehova kiffaminut tunniusimalluinnartuusoq aammalu taassumunnga aalajaattuaannarutta, soorlu Jobimut taama iliorsimasoq, tunisiumatungaarluni akilerumaaraatigut. — Jâk. 5:11; Jûpe 42:10-16.
14. Misilinneqaraangatta Jehovamik tatiginnittarutta qanoq iluaqutigissavarput?
14 Artornartunik misilinneqaraangatta Jehova tatigalugu isumalluarfigisarutsigu erlinnartunik pissuseqaleriartuaassaagut. Anniaatit atukkami kingunerisaannik Jesusip misigisimanngisaannakkaminik ’naalanneq ilikkarpaa’. Aammattaaq uagut ilinniarsinnaaqaagut — kamaginninnerulersinnaavugut, Epr. 5:8, 9; 12:11; Jâk. 1:2-4.
qasusuinnerulersinnaavugut aammalu Jehovap aqquserninik naapertuilluartunik pingaartitsinerulersinnaalluta. Naammagittarluta taamatut ilinniartinneqarumanerpugut? —15. Naalliuutinik atugaqartilluta naammagittarluta akiuuttarutta inuit allat qanoq ililluta iluaqusissavavut?
15 Qanoq iliuutsivut inunnit allanit maluginiarneqartarput. Naapertuilluassutsimik asanninnerput pissutigalugu atugarisartakkavut pissutaallutik immaqa inuit ilaasa takulerumaarpaat ullumikkut kikkut tassaasut Kristusip ’qatanngutai’, ’qatanngutillu’ taakkua Jehovamik pallorfiginninnerannut peqataalernermikkut inuunerup naassaanngitsup pilluaqqussutissartaanik angusinissaminnut periarfissaqalerumaarlutik. (Mat. 25:34-36, 40, 46) Taakkua taamatut periarfissaqalernissaat Jehovap erneratalu kissaatigaat. Uagummi tamanna kissaatigaarput? Inuit allat tamatuminnga periarfissinniarneranni naalliunnartunik atugaqarnissarput piumassuseqarfigaarput?
16. Inuttut naalliuutinik taama ittunik isiginninnerput qanoq ililluni ataasiussuseqarniarnermut attuumassuteqarpa?
16 Ajornartorsiutit takkuttartut Jehovamut tunniusimanitta ersersinnissaanut aammalu taassuma piumasaanik naammassinneqataanissamut periarfissatut isigisarutsigik pitsaalluinnassaaq! Tamanna ersiutaassaaq kristumiut ilumoortut tamarmik angusariaqagaattut Jesusip qinnutigisimasaatut Guutimik Kristusimillu ataasiussuseqaleriartuaarnitsinnut. — Juán. 17:20, 21.
Uteqqiineq
● Ajussuseq ilaginnarallaatigalugu Jehova qanoq ililluni aterminik ataqqinninnermik annertuumik ersersitsisimava?
● ’Puuguttanik kamannerup piinik’ Guutip kamaginninnera qanoq ililluni taassuma naakkinninneranik uagut iluaqutiginninnissatsinnut periarfissiuussisimava?
● Pissutsit uatsinnut naalliunnartunik atugaqartitsisut qanoq isiginiartariaqarpavut?
[Atuaqqissaarnermi apeqqutit]